Максимовская Икона Божией Матери
 
 
 







Максимовская Икона Божией Матери PDF Печать E-mail
Молитвы и о молитвах - Молитвы и акафисты перед иконами Божией Матери
06.11.2012 16:32

Канон пред

 

Максимовская Икона Божией Матери

 

4m

 

(18 апреля 1 мая)

 

 

  Икона названа по имени митрополита Владимирского и всея Руси Максима, возглавлявшего Русскую Церковь с 1283 по 1305 год. Митрополиту достался тяжёлый святительский крест церковной власти во времена татаро-монгольского ига. Ему приходилось ездить в Золотую Орду, примирять воевавших между собой русских князей, устранять неустройства в церковной жизни, бороться с косностью и невежеством. Учитывая сложившуюся на Руси ситуацию, митрополит Максим принял решение перенести митрополичью кафедру из Киева во Владимир. Вскоре произошло чудесное явление, которое укрепило митрополита и всю Церковь в правильности принятого решения.

   Однажды во время сна святителю Максиму явилась Богородица и похвалила его за решение перевести кафедру во Владимир. В знак особого Своего покровительства Богородица подарила ему омофор (плат, который часто изображают на иконах Божией Матери). Проснувшись, митрополит этот омофор обнаружил в своих руках. Услышав от митрополита Максима рассказ о явлении Божией Матери, великий князь Андрей приказал изготовить для обретенной святыни специальный золотой ковчег. В память о чудесном событии была написана икона, получившая название Максимовской.

    Почитание  Максимовской иконы началось практически сразу после написания, так как от неё начали проистекать чудеса исцелений. Широкую огласку получил случай полного исцеления безнадёжно больного сына владимирского чиновника после того, как образ привезли в дом чиновника и отслужили перед ним молебен.

   В 1412 году во время нашествия на Владимир татарского царевича Талыча золотой ковчег с омофором вместе с другими церковными святынями был сокрыт в безопасном месте ключарём Владимирского собора Патрикием. Овладевшие городом татары ворвались в собор и начали пытать ключаря, требуя выдачи места, где спрятаны церковные сокровища. Ключарь предпочёл мучительную смерть, но тайны так и не открыл. Впоследствии во Владимире неоднократно пытались обнаружить место тайника, но все попытки не увенчались успехом. Древние церковные святыни, в том числе и омофор Богородицы, до сих пор таятся во владимирской земле.

     В настоящее время икона находится во Владимиро-Суздальском музее-заповеднике.

 

 

МОЛИТВА

 

Нескверная, неблазная, нетленная, пречистая, Чистая Дево, Богоневесто Владычице, яже Бога Слова человеком преславным Твоим Рождеством соединившая, и отринувшееся естество рода нашего небесным совокупльшая, яже ненадежных едина надеждо и боримых помоще, готовое заступление к Тебе притекающих, и всех христиан прибежище! Не гнушайся мене грешнаго, сквернаго, скверными помыслы и словесы и деяньми всего себе непотребна сотворша, и разумом лености сластей жития раба бывша. Но яко человеколюбиваго Бога Мати, человеколюбне умилосердися о мне грешнем и блуднем, и приими мое еже от скверных устен приносимое Тебе моление; и Твоего Сына и нашего Владыку и Господа, Матернее Твое дерзновение употребляющи, моли, да отверзит и мне человеколюбныя утробы Своея благости, и презрев моя безчисленная прегрешения, обратит мя к покаянию, и Своих заповедей делателя искусна явит мя. И предстани мне присно, яко милостивая и милосердая и благолюбивая, в настоящем убо житии теплая предстательница и помощница, сопротивных нашествия отгоняющи, и ко спасению наставляющи мя, и во время исхода моего окаянную мою душу соблюдающи, и темныя зраки лукавых бесов далече от нея отгоняющи, в страшный же день суда вечныя мя избавляющи муки, и неизреченныя славы Твоего Сына и Бога нашего наследника мя показующи; юже и да улучу, Владычице моя, Пресвятая Богородице, Твоим ходатайством и заступлением, благодатию и человеколюбием Единороднаго Сына Твоего, Господа и Бога и Спаса нашего Иисуса Христа, Емуже подобает всякая слава, честь и поклонение, со Безначальным Его Отцем и Пресвятым и Благим и Животворящим Его Духом, ныне и присно и во веки веков. Аминь.

 

 

ТРОПАРЬ

(Пресвятой Богородице перед Ея иконой, именуемой Максимовской)




Тропарь, глас 4

 

Днесь светло красуется славнейший град Владимир, радостно совершая, Владычице, праздник явления Твоего святителю Максиму, в нем бывшаго, о немже ныне воспоминающе и молящеся Тебе, взываем сице: о Пречудная Владычице Богородице, молися Превечному Архиерею - Сыну Твоему, да непоколебиму утвердит Церковь Православную, град наш Владимир и всю Русскую землю в мире сохранит и спасет в правоверии души наша.

 

 

Кондак, глас 6

 

Призри на нас, Всепетая Богородице,/ возсияй просвещение сердцем помраченным/ и озари стадо Твое, Пречистая,/ елика бо хощеши и можеши,/ яко Мати сущи Зиждителя,/ и возопий молящим Тя:/ Аз есмь с вами,/ и никтоже возможет на вы.

 

 

Величание

 

Величаем Тя, Пресвятая Дево, и чтим образ Твой святый, егоже святитель Максим даде граду Владимиру в покров и всем верным во спасение.

 

 

 

КАНОН

 

Пред Максимовской иконой Пресвятой Богородицы

 

 

Тропарь, глас 4-й

 

Днесь светло красуется славнейший град Владимир, радостно совершая, Владычице, праздник явления Твоего святителю Максиму, в нем бывшаго, о немже ныне воспоминающе и молящеся Тебе, взываем сице: о Пречудная Владычице Богородице, молися Превечному Архиерею – Сыну Твоему да непоколебиму утвердит Церковь Православную, град наш Владимир и всю Русскую землю в мире сохранит и спасет в правоверии души наша.

 

 

Канон, глас 1-й

 

Песнь 1

 

Ирмос: Воскресения день, просветимся, людие, Пасха, Господня Пасха: от смерти бо к Жизни и от земли к Небеси Христос Бог нас преведе, победную поющия.

 

Припев: Пресвятая Богородице, спаси нас.

 

Торжества день, просветимся, людие! Царица бо Небесная преславно святителю Максиму явися. Темже ликуем вси в радости, победную поюще.

 

Пресвятая Богородице, спаси нас.

 

Очистим чувствия и узрим в неприступном свете Матерь Света, ко святителю пришедшую, и, радующеся, Ей вопием: радуйся, Мати Господня.

Слава: Небеса убо достойно да веселятся, земля же да радуется, да празднует же град Владимир и вся Русская страна да торжествует, почитающи заступление Богоматере.

И ныне: Да ликуют согласно Небо и земля в праздник Пречистыя Богоматери, Та бо всем верным освящение подает. Сию, восхвалим, душевно радующеся.

 

 

Песнь 3

 

Ирмос: Приидите, пиво пием новое, не от камене неплодна чудодеемое, но нетления источник, из гроба одождивша Христа, в Немже утверждаемся.

 

Пресвятая Богородице, спаси нас.

 

Приидите благодать вси почерпем, не от камене неплодна истекающую, но от Пречистыя Богоматере, яко от неистощимаго источника, от негоже вси освящаемся.

 

Пресвятая Богородице, спаси нас.

 

Приидите, песнь нову поем, торжество Богоматери совершающе, со псалмами и пением ликующе и Деве Пречистей с любовию покланяющеся.

Слава: Ныне вси исполнившеся радости, архиереи же и священницы, монахи и мирстии. Празднуем светло явление Богоматери, имже утешаемся.

И ныне: Течет благодать изобильная от Твоего, Богородице, образа, всем источающи зол избавление, и здравие, и милость.

 

Господи, помилуй (трижды). Слава, и ныне:

 

 

Седален, глас 6-й

 

Владычице Преблагословенная, услыши нас, смиренных, верно Тебе покланяющихся и славящих державу Твою, Всечистая: иныя бо, кроме Тебе, помощи, не имамы. Темже возопий поющим Тя: Аз есмь с вами, и никтоже возможет на вы.

 

 

Песнь 4

 

Ирмос: На Божественней стражи Богоглаголивый Аввакум да станет с нами и покажет светоносна Ангела, ясно глаголюща: днесь спасение миру, яко воскресе Христос, яко всесилен.

 

Пресвятая Богородице, спаси нас.

 

На Божественней стражи, в молитвеннем бдении станем и, яко светоносную свещу, Святую Деву узрим, из Неяже возсия Избавитель и Господь, спасаяй всех, яко Всесилен.

 

Пресвятая Богородице, спаси нас.

 

Богоотец убо Давид пред сенным ковчегом скакаше, играя, людие же Божия святии, чудеса Богоматере зряще, веселимся Божественне, ибо реки милости источает нам Владычица, яко Преблагая.

Слава: Что Ти принесем, Богомати, яко град наш Владимир освятила еси Твоим дивным явлением? Егоже ныне воспоминающе, благодарно славословим Тя.

И ныне: Днесь верным радость велия: изливает бо Пречистая милости всем, с любовию притекающим к Ней. Темже стецемся, братие, и чудес Богоматери насладимся.

 

 

Песнь 5

 

Ирмос: Утренюем уренюю глубоку, и вместо мира песнь принесем Владыце, и Христа узрим, Правды Солнце, всем жизнь возсияюща.

 

Пресвятая Богородице, спаси нас.

 

Утренююще, воспеваем Тя, Владычице, песней похвалы плетуще, по Твоему ходатайству надеющеся Свет узрети невечерний, присносияющий.

 

Пресвятая Богородице, спаси нас.

 

Безмерное Твое, Богомати, милосердие нуждами житейскими содержимии зряще, радуемся светло, весело вопиюще: радуйся, Радосте наша.

Слава: Приступим, свещеноснии, к Божией Матери днесь и спразднуем любопразднственными чинми явление Ея преславное.

И ныне: Просвещается Твоими светолучными лучами и ликует днесь в Твоем празднице, Богомати Всенепорочная, благочестивых собрание.

 

 

Песнь 6

 

Ирмос: Снизшел еси в преисподняя земли и сокрушил еси вереи вечныя, содержания связанныя, Христе, и тридневен, яко от кита Иона, воскресл еси от Гроба.

 

Пресвятая Богородице, спаси нас.

 

Сниди к нам Твоим милосердием, Пречистая, разреши скорби наша, виждь обстояния, обдержащия нас, покрой и заступи всех, Твоея помощи тепле ищущих.

 

Пресвятая Богородице, спаси нас.

 

Ликующе в песнех Божественных, вернии, воскликнем Деве, праздник Ея совершающе, освещения бо источник изливает всем, с любовию к Ней притекающим.

Слава: Спасе мой Преблагий и всяческих Творче, Чистыя Богоматере Богоприятными мольбами соблюди Твоих певцев невредимыми от всех бед.

И ныне: Тя поем, Богомати, и Тебе покланяемся. Не презри моления рабов Твоих, заступи в бедах наших, яко сущи Милостива.

 

Господи, помилуй (трижды). Слава, и ныне:

 

 

Кондак, глас 6-й

 

Призри на нас, Всепетая Богородице, возсияй просвещение сердцем помраченным и озари стадо Твое, Пречистая, елика бо хощеши и можеши, яко Мати сущи Зиждителя, и возопий молящим Тя: Аз есмь с вами, и никтоже возможет на вы.

 

 

Икос

Земная на земли оставльше и мысли от страстей очистивше, приидите ныне, вернии, дивное явление Богоматери святителю Максиму воспомянем: како омофор тому подаде и пасти словесныя овцы во граде Владимире повеле. Вперим зрение, вкупе и чувства ко Пречистей Богоматери и к Ней молитву усердную вознесем: не остави нас, стадо Твое, Владычице, утеши нас, яко Мати, настави нас, яко сынов, и возопий молящим Тя: Аз есмь с вами, и никтоже возможет на вы.

 

 

Песнь 7

 

Ирмос: Отроки от пещи избавивый, быв Человек, страждет, яко смертен, и страстию смертное в нетления облачит благолепие, Един благословен отцев Бог и препрославлен.

 

Пресвятая Богородице, спаси нас.

 

Отроки от пещи Избавльшаго нетленно родила еси, Пречистая, по Рождестве, яко и прежде Рождества, сохраньшаго Тя. Егоже молящи не престай с любовию чтущих Тя.

 

Пресвятая Богородице, спаси нас.

 

Вси ныне, Богомудрии, соберитеся, светлое празднество совершающе, Владычицу верно от души восхвалим: радуйся, Благословенная, Мати Божия Препрославленная.

Слава: Воистинну священное ныне, Богомати, сие торжество, егоже святитель Максим учреди во свидетельство всем неусыпнаго Твоего о стаде Твоем промышления. Темже Тя с любовию величаем.

И ныне: Вси ныне со благоговением поклонимся Пречистей Деве Богоматери, молящеся со святителем Максимом и – радуйся – Гавриилово принесем Благодатней.

 

 

Песнь 8

 

Ирмос: Сей нареченный и Святый День – един суббот царь и господь, праздников праздник и торжество есть торжеств, в оньже благословим Христа во веки.

 

Пресвятая Богородице, спаси нас.

 

Сей нареченный и Святый день всех во граде Владимире и во области его сущих созывает на веселие. Снидемся убо в радости и возопиим Богородице: радуйся: Чистая, во вся веки.

 

Пресвятая Богородице, спаси нас.

 

Приидите, вернии, исполнимся Божественнаго благоухания в праздник Божия Матери и Сию прославим, поюще во вся веки.

Слава: Троичен: Отче Вседержителю, и Слове, и Душе, Едино в Триех Лицех Существо, сохрани град сей и землю нашу от всякия скорби и беды, мольбами Девы Богородицы, святителя Максима и всех святых Владимирских.

И ныне: Возведи очи Твоя, Чистая, и виждь: се бо приходят к Тебе от запада, и севера, и юга, и востока чада Твоя, Тя прославляюще во вся веки.

 

 

Песнь 9

 

Ирмос: Светися, светися, Новый Иерусалиме, слава бо Господня на Тебе возсия, ликуй ныне и веселися, Сионе, Ты же, Чистая, красуйся, Богородице, о востании Рождества Твоего.

 

Пресвятая Богородице, спаси нас.

 

Светися и радуйся, славный граде Владимире, ибо Богоматерь тя градом Своим наименовала, ликуйте ныне и веселитеся, вернии, красуйся же, и вся Русская земля, заступлением Владычицы хранимая.

 

Пресвятая Богородице, спаси нас.

 

О Божественнаго, о любезнаго, о сладчайшаго Твоего гласа, егоже святителю Максиму изрекла еси! Присно убо, о Богомати, промышляй о стаде Твоем, да, Тя Помощницу во всем имуще, радуемся о Твоем заступлении.

Слава: О Мати Божия и Дево! в молитву приводим Тебе чудотворцев Владимирских, ихже предстательством присно покрывай нас в житии сем, сподоби же и нас невечерняго дне во Царствии Сына Твоего.

И ныне: Согласно, Дево, Тебе блажим, вернии: радуйся, Мати Бога нашего Преславная, Присноблаженная и Пренепорочная, едина, честнейшая Херувим и славнейшая без сравнения Серафим.

 

 

 

Фото иконы: http://krestobogorodsky.ru/?p=3097

Обновлено 06.11.2012 17:24
 






Рейтинг@Mail.ru Рейтинг@Mail.ru Rambler's Top100 Яндекс.Метрика