Казанская икона Божией Матери

 

 

(8 / 21 июля; 22 октября / 4 ноября)

 

 

Из множества икон Богородицы, почитаемых в Русской Православной Церкви, ни одна не распространена в таком количестве списков, как Казанская икона Божией Матери. К ней чаще всего обращаются в бедах, болезнях и тяготах.

Православная церковь отмечает праздник Казанской иконы Божией Матери дважды в году 21 июля (8 июля по старому стилю) и 4 ноября (22 октября по старому стилю).

Как гласит предание, Казанская икона появилась после 1579 года, когда большая часть Казани, незадолго до того взятой войсками Ивана Грозного, была уничтожена пожаром. Случился пожар и в доме купца Дмитрия Онучина. После пожара его девятилетней дочери Матроне явилась во сне Богородица, которая повелела девочке достать на пепелище икону Божией Матери, зарытую при мусульманском господстве тайными исповедниками православия. По преданию, Божия Матерь точно указала место, где можно было найти икону. Родители поначалу не обратили внимания на рассказ девочки, но чудесное явление Богородицы повторилось трижды, причем в третий раз оно было грозным.

Мать отвела Матрону к митрополиту Казанскому Иову и та рассказала ему о чудесном явлении. Все духовенство города в сопровождении огромной толпы народа, направилось к дому Онучиных. Начались раскопки, но найти икону не удалось. Тогда копать стала сама Матрона и тут же обрела святой образ. Он был необыкновенной красоты и сиял совершенно свежими красками, как будто только что был написан. По церковным летописям, явление иконы сопровождалось "многими чудотворениями". Митрополит передал икону наиболее почитаемому в городе священнику отцу Ермолаю, и тот, высоко подняв ее над головой, сопровождаемый крестным ходом, отнес чудесный образ на городскую площадь, где и осенил им на четыре стороны весь собравшийся народ. В том же 1579 году царь Иван Грозный основал в Казани Богородицкий женский монастырь, в который и была помещена обретенная икона.

Явление иконы Русская Православная Церковь празднует 21 июля (по ст.ст. 8 июля), а в память освобождения Москвы и всей России от поляков в 1612 году установлено празднование Казанской Божией Матери 4 ноября (по ст.ст. 22 октября).

В то время Россия переживала тяжелые времена, когда царило междуцарствие, сопровождавшееся беззакониями, грабежами, убийствами и смутами. Поляки овладели Москвой и многими русскими городами, а шведы взяли Новгород. И тогда русский народ встал на защиту и освобождение своей столицы и отечества. К Москве стали стягиваться ополчения из разных городов. Ополчение из города Казани, составленное князем Пожарским, принесло с собой принадлежавший князю список с чудотворной иконы Божией Матери. Ратники поразили поляков, отняли у них хорошо укрепленный Новодевичий монастырь. Зимой 1611 года св. чудотворная Казанская икона Божией Матери была отправлена обратно в Казань, но на пути туда, в Ярославле, встретило ее ополчение из Нижнего Новгорода, собранное Мининым, над которым принял командование князь Пожарский. Узнав о чудесах, совершенных от иконы в Москве, ополченцы взяли ее с собою и постоянно молились перед нею, прося о помощи. 22 октября 1612 года ополченцы освободили Китай-город, а через два дня взяли и Кремль. Поляки бежали. На другой же день, в воскресенье, русские воины с крестным ходом пошли в Кремль с чудотворным образом в руках.

В память от избавления Москвы от поляков по воле царя Михаила Феодоровича и благословению митрополита, впоследствии патриарха Филарета, Православной Церковью установлено ежегодно 22 октября совершать в Москве празднование Казанской иконе Божией Матери с крестным ходом. Сначала это празднование совершалось лишь в Москве, а с 1649 года стало всероссийским. Считается, что Пресвятая Богородица взяла русское ополчение под свое покровительство.

Иконе Казанской Божией Матери молился русский царь Петр I с войском перед Полтавской битвой в 1709 году. Святой образ осенял русских солдат, идущих на освобождение России от иноземных захватчиков в 1812 году, и первая крупная победа была одержана в день праздника Казанской иконы 22 октября 1812 года. Тогда русские отряды под предводительством Милорадовича и Платова разбили арьергард Даву. Это было первое крупное поражение французов после ухода из Москвы.

Многие до сих пор убеждены, что именно икона Казанской Богоматери спасла Москву в трагические дни 1941 года, когда после поражения советской армии на Волоколамском шоссе путь в столицу был открыт для врага. Рассказывают, что во время блокады Ленинграда икону обнесли вокруг городских стен, и свершилось чудо – город стал неприступной крепостью.

Икона Казанской Богоматери стала общей святыней Казани, Москвы, Санкт-Петербурга и всей России, где существовали три основные чудотворные иконы Казанской Богоматери.

Первая – это явленный в Казани первообраз, хранившийся в Богородицком женском монастыре. В 1595 году царь Феодор Иоаннович повелел на месте явления иконы, где прежде была деревянная церковь, построить каменную, а также женский Богородицкий монастырь, в котором юная Матрона Онучина приняла постриг и стала потом настоятельницей. Подлинник иконы находился в Казанском Богородицком монастыре до начала ХХ века. В 1904 году монастырь был разорен, а икона была украдена. И хотя грабители были найдены, икона пропала бесследно. По признанию грабителей в ходе следствия и суда, она была порублена и сожжена, а украшавший ее богатый оклад разорен и продан по частям.

Вторая икона Казанской Богоматери – это список, присланный в свое время Ивану Грозному. Эта икона находилась в Москве до 1721 года. Петр Первый перенес ее в 1721 году из Москвы в Санкт-Петербург, где она первоначально была поставлена в небольшой каменной церкви на Васильевском острове, а затем передана в Александро-Невскую лавру. При императрице Анне Иоанновне на Невском проспекте неподалеку от нынешнего Казанского собора был сооружен деревянный храм в честь Рождества Богородицы, и в 1737 году туда была перенесена чудотворная икона, богато украшенная драгоценными камнями. При Павле Первом эта церковь стала называться Казанским собором, нынешний же Казанский собор был сооружен в начале XIX века при Александре Первом. В день его освящения 15 сентября 1811 года сюда была перенесена Казанская икона Божией Матери и поставлена в иконостасе по левую сторону царских врат в главном приделе.

Третья чудотворная икона Казанской Богоматери – это список, присланный патриархом Гермогеном в ополчение. Этот образ принадлежал князю Пожарскому. Согласно Никоновской летописи, после изгнания поляков из Москвы князь Дмитрий Пожарский поставил святую Казанскую икону в своей приходской церкви Введения во храм Пресвятой Богородицы на Лубянке в Москве. Позже на Красной площади был воздвигнут Казанский собор, куда в 1636 году была перенесена икона. Ныне она хранится в Богоявленском Патриаршем соборе в Москве.

Кроме этих трех главных икон Казанской Божией Матери существовало и существует множество ее чудотворных списков, что свидетельствует об особом почитании этой святыни.

Один из списков Казанской иконы Божией Матери в начале 1990-х годов был обнаружен в Ватикане, где он хранился в покоях Папы Иоанна Павла II. Согласно выводам экспертизы, проводившейся совместно представителями Ватикана, специалистами из Министерства культуры России и Церковно-научного центра "Православная энциклопедия", список, хранившийся в покоях Папы Римского, был исполнен в XVIII веке "под оклад" и, судя по богато украшенной ризе, являлся достоянием зажиточной семьи.

 

Летом 2004 года почитаемый список с чудотворной Казанской иконы Божией Матери был возвращен в Россию и находился в домовом храме патриарха Алексия II. В июле 2005 года Алексий II доставил образ в Казань во время своей поездки, приуроченной к 450-летию Казанской епархии Русской православной церкви. Теперь список с иконы Казанской Божией Матери хранится в Благовещенском соборе Казанского кремля.

 

Материал подготовлен на основе информации РИА Новости и открытых источников

 

 

 

АКАФИСТ

 

 

Кондак 1

 

Избранной от всех родов Заступнице рода христианскаго, покровом Своея благости покрывающей страну нашу православную, благодарственная пения приносим Ти, Богородице, о явлении чудныя Твоея иконы. Ты же, яко Всемилостивая, всех притекающих к Тебе Помощнице, заступай нас во всех скорбех и нуждах, бедах и напастех, да зовем Ти: Радуйся, Заступнице усердная рода христианскаго.

Икос 1

 

Ангел предстатель послан бысть рещи Богородице “Радуйся”, егда Бог Слово воплощашеся во утробе Ея: и мы, грешнии, прославляюще явление чудныя Ея иконы и Божественнаго Младенца Спаса Христа, со умилением вопием Благодатней: Радуйся, Богоизбранная Отроковице;

Радуйся, Мати Божия.

Радуйся, Царице Небесе и земли;

Радуйся, светлое Церкве Небесныя и земныя украшение.

Радуйся, Ангелы чтимая;

Радуйся, певаемая от Серафим.

Радуйся, светлое пророческое сбытие;

Радуйся, апостолов похвало.

Радуйся, мученическое исповедание;

Радуйся, преподобных венче.

Радуйся, праведных веселие;

Радуйся, грешных упование.

Радуйся, Заступнице усердная рода христианскаго.

Кондак 2

 

Видящи, Всенепорочная, с высоты Небеснаго жилища Своего, идеже с Сыном Твоим в славе пребываеши, скорбь рабов Твоих в новопросвещеннем граде, яко гневнаго ради Божия посещения вера Христова поругаема бывает агарянским зловерием, благоволила еси явити икону Свою, чудесы ю прославляющи, да утверждаемии знаменьми Твоея благодати, христолюбивии людие верно вопиют Богу: Аллилуиа.

 

Икос 2

 

Разумение трикратнаго явления Богоматере мудрая отроковица ищущи, тече ко властем, поведающи им дивное явление и грозное прещение: мы же дивящеся свыше данному отроковице вразумлению, благоговейно вопием к Преблагословенней:

Радуйся, устнами чистыми хвалу Богови совершающая;

Радуйся, тайны благодати Божия верным открывающая.

Радуйся, верных известная похвало;

Радуйся, молние, неверных устрашающая.

Радуйся, славою чудес Твоих верных разум озаряющая;

Радуйся, агарянскаго зловерия обличение.

Радуйся, гордыни их низложение;

Радуйся, веры христианския утверждение.

Радуйся, почитания святых икон освящение;

Радуйся, скорбь нашу в радость претворяющая.

Радуйся, несумненною надеждою нас увеселяющая.

Радуйся, Заступнице усердная рода христианскаго.

Кондак 3

 

Сила Вышняго благодатию Богоматере умудри и укрепи отроковицу к исканию многоценнаго Божия дара, и та, с верою дерзающи о Господе, приступи к труду и, скрытое в земли обретши сокровище святыя иконы Богоматери, радостно возопи к Богу: Аллилуиа.

 

Икос 3

 

Имеющи благоутробное промышление о новопросвещенных людех града Казани, от пречестныя Твоея иконы токи чудес источила еси, Владычице, слепым телесныма очима зрение подавающи, омраченных же душевно светом богопознания и благочестия озаряющи, девствующим под осенением Твоея иконы пристанище небурное дарующи. Сего ради зовем Ти:

Радуйся, явлением иконы Твоея тьму лютых обстояний отгоняющая;

Радуйся, лучами чудес всех просвещающая.

Радуйся, слепых прозрение;

Радуйся, омраченных смыслом просвещение.

Радуйся, славо Православия;

Радуйся, тихое пристанище ищущих спасения.

Радуйся, Мати целомудрия;

Радуйся, покрове и ограждение девства.

Радуйся, Еюже ликовствует все множество верных;

Радуйся, Еяже ради рыдает демонское полчище.

Радуйся, всех христиан вожделенная Помощнице;

Радуйся, всех скорбящих Радосте.

Радуйся, Заступнице усердная рода христианскаго.

 

Кондак 4

 

Бурю смятений и крамолы врагами воздвигнутую в стране нашей утолити тщащься блаженный Ермоген, списатель чудес Твоея, Богомати, иконы, слезно пред нею моляшеся и, видев, яко воинству православному в щит и победное знамение Твоя икона даровася, верою укрепляемый до конца живота своего, вопияше Богу: Аллилуиа.

 

Икос 4

 

Слышавше православнии воини откровенную Преподобным Сергием святителю Арсению тайну, яко предстательством Богоматере суд об Отечестве нашем преложен на милость, икону Богоматерню, яко знамя победное, приимше, исхитиша матерь градов русских из рук супостат и возопиша Заступнице христиан: Радуйся, Мати Бога Вышняго;

Радуйся, яко за всех молиши Сына Твоего, Христа Бога нашего.

Радуйся, яко всем твориши спастися в державный Твой покров прибегающим;

Радуйся, Заступнице всех сущих в скорбех и болезнех.

Радуйся, всем молящимся сокрушенным сердцем пред пречистым Твоим образом полезная дарующая;

Радуйся, избавление зол всем, невозвратно надежду имущим на Тя.

Радуйся, тихое и доброе пристанище;

Радуйся, скорая Помощнице.

Радуйся, готовый и теплый покрове спасения;

Радуйся, источающая нам неоскудныя милости.

Радуйся, предваряющая на помощь;

Радуйся, избавляющая от всех бед.

Радуйся, Заступнице усердная рода христианскаго.

Кондак 5

 

Боготечная звезда явися Твоя, Богомати, икона, всю страну Российскую обтекающая, лучами чудес Твоих осиявающая всех блуждающих по морю страстнаго жития, мрак печалей и мглу всяких недуг и скорбей прогоняющая и наставляющая на путь спасения с верою к Тебе притекающих и вопиющих к Богу: Аллилуиа.

 

Икос 5

 

Видев царь Петр, яко от святыя иконы Богоматерни благодатию Божиею содеваются многия чудеса, приемлет ю в путеводительницу воинству своему и в день брани на свеев в щит и покров, и победив до конца врага с помощию Богоматере, тем камень совершенный во основание новаго царствующего града положи, икону же Твою чудную, яко освящение, яко щит и ограждение, в сердце града постави. Сего ради вопием Пречистей: Радуйся, жилище и доме Христа Бога нашего;

Радуйся, вместилище неизреченныя Его славы.

Радуйся, граде одушевленный, присно царствующий;

Радуйся, палато преукрашенная.

Радуйся, Радосте градов и весей;

Радуйся, непобедимое христиан в бедах хранилище и предградие.

Радуйся, Церкве Православныя похвало;

Радуйся, Русской земли утверждение.

Радуйся, христолюбиваго воинства Помощнице;

Радуйся, врагов одоление.

Радуйся, от бед избавление;

Радуйся, Матерними Твоими щедротами всех посещающая.

Радуйся, Заступнице усердная рода христианскаго.

Кондак 6

 

Предстояще пред пречистым Твоим образом архиереев сословии и вси людие, монаси и мирстии, проповедуют, Госпоже Богородительнице, великия Твоя милости, яко грады ограждаеши, обители покрываеши, веси защищаеши, и, ведуще Тя воистинну Помощницу сильну и непобедиму, со слезами приносят Ти молитвы, да простреши к Сыну Твоему Богоносныя руки за люди Твоя, во еже избавити нас от всех бед и напастей, да благодарне вопием Богу: Аллилуиа.

 

Икос 6

 

Возсиявши просвещение истинное и отгнавши древле лесть агарянскую во новопросвещенней стране Казанской, ныне во всех градех российских светиши светом чудес и милостей: притекающии бо с верою ко Твоей иконе цельбоносней скорбей избавление, недугов исцеление и радости всякия исполнения приемлют, вопиюще Тебе усердно:

Радуйся, неистощимый источниче святыни;

Радуйся, многотекущая реко Божественная благодати.

Радуйся, грешных с Богом примирение;

Радуйся, грехов наших очищение.

Радуйся, благочестия Наставнице;

Радуйся, в добрых делех утверждение и помоще.

Радуйся, добрыя обеты приемлющая;

Радуйся, благим намерением способствующая.

Радуйся, злыя начинания разрушающая;

Радуйся, вражия козни расторгающая.

Радуйся, скорая человеком Помощнице;

Радуйся, милость сугубо нам подающая.

Радуйся, Заступнице усердная рода христианскаго.

 

Кондак 7

 

Хотящу народу православному исповедати милости Преблагословенныя Царицы Неба и земли и по силе благодарственная принести о избавлении его от нашествия иноплеменных, дивному храму, созданному в честь пречудныя иконы, победная в дар принесе, да вси памятующе милость Богоматере, спасшия град сей и страну, выну воспевают Богу благодарными усты: Аллилуиа.

Икос 7

 

Стольному граду России святая икона Твоя, Богомати, воистинну явися благая Одигитрия, якоже древле Цареграду: к Тебе бо прибегают людие, помощи Твоея на начало пути и дел своих просяще и благодарственная приносяще моления пред пречистою иконою Твоею за избавление от скорбей и напастей, Тебе Помощницу и Заступницу крепкую ведают. Темже благодарственно вопием Ти:

Радуйся, Российския страны покрове;

Радуйся, Православия в ней ограждение и утверждение.

Радуйся, несокрушимый щите воинов наших;

Радуйся, броне их неуязвимая.

Радуйся, козни врагов обличающая;

Радуйся, яко паучину их растерзающая.

Радуйся, нечестия обличение;

Радуйся, крамолы разрушение.

Радуйся, юных от заблуждений исправление;

Радуйся, старцев утешение.

Радуйся, душевредных учений низложение;

Радуйся, душеполезных знаний дарование.

Радуйся, Заступнице усердная рода христианскаго.

Кондак 8

 

Странно и сумнителъно неверующим слушати, како от иконы Твоея токи благодати истекают, воня животная благоухает: мы же, верующе слову, реченному Тобой, Владычице, к первонаписанней иконе: “С тобой Моя благодать и сила”, уповаем, яко и с сею иконою благодать Твоя выну: темже благоговейно предстояще лобызаем ю, поклоняемся ей, яко Тебе Самей сущей, честь бо иконы на первообразное восходит, и Твоя благодать сею иконою знамения и чудеса содевает всем с верою притекающим к Тебе и вопиющим Богу: Аллилуиа.

 

Икос 8

 

Вся бывши горе, к Небесным взята, и земных не оставляеши, Богомати, священным Твоим предстательством: имаши бо матернее дерзновение ко Христу Богу нашему. Темже утверди в мире глубоце православных житие и вся полезная всегда даруй рабом Твоим, да величающе воспеваем Ти:

Радуйся, Невместимаго вместилище;

Радуйся, осененная силою Вышняго.

Радуйся, прозябшая Клас Небесный;

Радуйся, мир весь душепагубнаго глада избавльшая.

Радуйся, выну ходатайствующая за род наш;

Радуйся, яко много может молитва Твоя пред Сыном Твоим и Богом.

Радуйся, всех нас при Кресте Сына Твоего усыновившая;

Радуйся, всегда Матернюю любовь к нам являющая.

Радуйся, Ходатаице вечных благ;

Радуйся, и во временней жизни полезная нам подающая.

Радуйся, известное прибежище наше во всех скорбных обстояниих;

Радуйся, несомненное утешение в печалех.

Радуйся, Заступнице усердная рода христианскаго.

 

Кондак 9

 

Всякаго естества ангельскаго превышшая явилася еси, Пресвятая Дево: Бога бо зачала еси плотию, Невместимаго всеми вместила еси во утробе Твоей, на руках носила еси Носящаго весь мир дланию: темже, яко Честнейшую Херувим и Славнейшую без сравнения Серафим величающе Тя, вопием о Тебе Богу: Аллилуиа.

 

Икос 9

 

Вития многовещанныя, яко рыбы безгласныя, видим о Тебе, Богородице: недоумеет бо всяк язык благохвалити Тя по достоянию, изумевает ум пети Тя, Богородице; обаче Благая сущи, приими и от нас архангельский глас, Тебе вопиющих:

Радуйся, Благодатная;

Радуйся, яко Господь с Тобою.

Радуйся, Благословенная в женах;

Радуйся, обретшая благодать у Бога.

Радуйся, родившая Спасителя миру;

Радуйся, Мати Сына Божия. Радуйся,

Родительнице Вечнаго Царя;

Радуйся, израстившая нам плод живота.

Радуйся, освященная Духом Святым;

Радуйся, осененная силою Всевышняго.

Радуйся, верная Рабо Господня;

Радуйся, яко Тя блажат вси роди.

Радуйся, Заступнице усердная рода христианскаго.

 

Кондак 10

 

Спасти хотящи многия от находящих зол, скорбей и болезней, чудную икону Твою, Богомати, даровала еси, еяже ради слепии презирают, хромии ходят, разслабленнии возстают, беснующиися исцеляются, земли плодоносие подается, людие от смертоносныя язвы избавляются, грады и домы от огня спасаются: темже прославляюще Бога, дающаго нам таковыя милости, вопием Ему усердно: Аллилуиа.

 

Икос 10

 

Стена еси, Богородице, стране Российстей, градом ограждение и слава, православному воинству на враги укрепление. Темже, благодаряще Тя, вопием:

Радуйся, прославляющих Тя прославляющая;

Радуйся, не чтущих Тя посрамляющая.

Радуйся, врагов устрашение;

Радуйся, от нашествия иноплеменных избавление.

Радуйся, воинов крепосте;

Радуйся, в дни брани забрало и ограждение.

Радуйся, в дни мира живоносный саде, увеселяющий сердца верных;

Радуйся, оружие, егоже трепещут демони.

Радуйся, спасительный елей, умащающий греховныя раны кающихся;

Радуйся, теплое наше упование.

Радуйся, несумненная наша Надеждо;

Радуйся, тихое и доброе пристанище.

Радуйся, Заступнице усердная рода христианскаго.

 

Кондак 11

 

Пение хвалебное и благодарственное приносят Тебе, Владычице, припадающе ко иконе Твоей и любезно лобызающе ю, дев лицы, под державным покровом Твоим тихое и мирное иноческое житие провождающии, и возложивше на Тя все упование, радостно вопиют Богу: Аллилуиа.

 

Икос 11

 

Яко светоприемную свещу, зрим Твою честную икону, Пресвятая Владычице: та бо невещественный огнь благодати Твоея восприемши, и в подобиих ея новы возжигает светильники, причастны тояжде силы благодатныя, и озаряет чудесы, наставляющи на путь спасения всех вопиющих Ти сице:

Радуйся, Невесто Неневестная;

Радуйся, Богоизбранная Отроковице, Мати Дево.

Радуйся, добрая Наставнице непорочнаго девства;

Радуйся, Хранительнице ревнующих о чистоте.

Радуйся, жен похвало;

Радуйся, дев величание.

Радуйся, вдов заступление;

Радуйся, сирот призрение.

Радуйся, нищих Питательнице;

Радуйся, нагих одеяние.

Радуйся, печальных утешение;

Радуйся, скорбящих веселие.

Радуйся, Заступнице усердная рода христианскаго.

 

Кондак 12

Благодать дати восхотевши почитающим Тя с любовию, Богородительнице, присущего Ти силу благодатную оставила еси во святых Твоих иконах, ибо Божественная благодать, спребывающи тем (иконам), знамения и чудеса выну содевает и душевных и телесных недуг исцеление всем с верою приходящим подает Твоими Богоматерними непрестанными к Богу молитвами о вопиющих Ему: Аллилуиа.

Икос 12

 

Поюще Твоя чудеса, бывшая в древняя и настоящая времена, хвалим Тя, яко Живоносный Источник благодати, яко неистощимую реку чудес, яко бездну милости и щедрот, и все упование по Бозе возлагающе на Тя и в сей и в будущей жизни, прославляюще Тя, вопием:

Радуйся, христиан непостыдное упование;

Радуйся, верных спасительное прибежище.

Радуйся, ненадежных надеяние;

Радуйся, отчаянных спасение.

Радуйся, бане, омывающая совесть;

Радуйся, росо, оживляющая души.

Радуйся, болезней врачевство скорое и безмездное;

Радуйся, от всех бед быстрое избавление.

Радуйся, Утешительнице во всякой скорби;

Радуйся, из глубины погибели спасающая.

Радуйся, отрадо в день смерти;

Радуйся, единая Надеждо и по смерти.

Радуйся, Заступнице усердная рода христианскаго.

 

Кондак 13

 

О Всепетая Мати, рождшая всех святых Святейшее Слово, приими ныне малое сие моление и, величия ради благости Твоея и бездны щедрот Твоих, не помяни множества грехов наших, но исполни во благих прошения наша, подавающи телу здравие, души спасение, избавляющи от всякия нужды и печали и Царствия Небеснаго наследники сотворяющи всех верно вопиющих Богу: Аллилуиа.

 

(Этот кондак читается трижды, затем икос 1 и кондак 1)

 

 

 

МОЛИТВА ПЕРВАЯ

 

О Пресвятая Госпоже Владычице Богородице! Со страхом, верою и любовию припадающе пред честною иконою Твоею, молим Тя: не отврати лица Твоего от прибегающих к Тебе, умоли милосердая Мати, Сына Твоего и Бога нашего, Господа Иисуса Христа, да сохранит мирну страну нашу, Церковь Свою Святую да незыблему соблюдет от неверия, ересей и раскола. Не имамы бо иныя помощи, не имамы иныя надежды, разве Тебе, Пречистая Дево: Ты еси Всесильная христиан Помощница и Заступница. Избави всех с верою Тебе молящихся от падений греховных, от навета злых человек, от всяких искушений, скорбей, бед и от напрасныя смерти: даруй нам дух сокрушения, смирение сердца, чистоту помышлений, исправление греховныя жизни и оставление прегрешений, да вси благодарне воспевающе величия Твоя, сподобимся Небеснаго Царствия и тамо со всеми святыми прославим Пречестное и Великолепое Имя Отца и Сына и Святаго Духа. Аминь.

 

МОЛИТВА ВТОРАЯ

 

О, Пресвятая Владычице Богородице, Царице Небеси и земли, вышшая Ангел и Архангел и всея твари честнейшая, чистая Дево Марие, миру благая Помощнице, и всем людем утверждение, и во всяких нуждах избавление! Призри и ныне, Госпоже Всемилостивая, на рабы Твоя, Тебе умиленною душею и сокрушенным сердцем молящияся, со слезами к Тебе припадающия и покланяющияся пречистому и цельбоносному образу Твоему, и помощи и заступления Твоего просящия. О, Всемилостивая и Премилосердая Дево Богородице Чистая! Воззри, Госпоже, на люди Твоя: мы бо грешнии не имамы иныя помощи, разве Тебе и от Тебе рождшагося Христа Бога нашего. Ты еси заступница и предстательница наша. Ты еси обидимых защищение, скорбящим радование, сирым прибежище, вдовам хранительница, девам слава, плачущим веселие, больным посещение, немощным исцеление, грешным спасение. Сего ради, о Богомати, к Тебе прибегаем, и на Твой Пречистый образ с Предвечным на руку Твоею держимым Младенцем, Господем нашим Иисусом Христом взирающе, умиленное пение Тебе приносим и вопием: помилуй нас, Мати Божия, и прошение наше исполни, вся бо суть возможна ходатайству Твоему: яко Тебе слава подобает ныне и присно и во веки веков. Аминь.

 

 

ТРОПАРЬ

 

Тропарь, глас 4

 

Заступнице усердная, Мати Господа Вышняго, за всех молиши Сына Твоего, Христа Бога нашего, и всем твориши спастися, в державный Твой покров прибегающих. Всех нас заступи, о Госпоже Царице и Владычице, иже в напастех и скорбех и в болезнех, обремененных грехи многими, предстоящих и молящихся Тебе умиленною душею и сокрушенным сердцем пред пречистым Твоим образом со слезами, и невозвратно надежду имущих на Тя, избавления всех зол, всем полезная даруй и вся спаси, Богородице Дево: Ты бо еси Божественный покров рабом Твоим.

Кондак, глас 8

 

Притецем, людие, к тихому сему и доброму пристанищу, скорой Помощнице, готовому и теплому спасению, покрову Девы: ускорим на молитву и потщимся на покаяние: источает бо нам неоскудныя милости Пречистая Богородица, предваряет на помощь и избавляет от великих бед и зол благонравныя и богобоящияся рабы Своя.

Величание

 

Величаем Тя, Пресвятая Дево, Богоизбранная Отроковице, и чтем образ Твой святый, имже точиши исцеления всем с верою притекающым.

 

 

 

КАНОН

Канон Божией Матери в честь иконы Ее «Казанская», глас 4.

Песнь 1

Ирмос: Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса.

Благоговеют Ти, Богородице, Ангелов начальницы, и святых чини честно служат, праведнии красуются, Небесных Ходатаицу блажат Тя, купно же и земля и Небо в веселии светло восхваляют Тя, и мы, грешнии, милости просим: озари наша сердца, Владычице, воспети песнь святыя Твоея иконы явлению.

Приидите, соберитеся, христоименитии людие, умы тайно очистившеся, во святую церковь Матере Христа Бога нашего, источает бо нам неоскудно от святыя иконы источник духовен, целебен душам и телом, песнь вопиющим: благословен из Тебе рождейся Бог наш.

Дивит, Пренепорочная, и ужасает всяк слух странно чудо Божественнаго Твоего рождества: Херувимскаго Творца зачала еси! Како Огнь нестерпимый во утробе носила еси! Како сущую Жизнь плотию облекла еси и Живот всему миру родила еси, Бога купно и Человека!

Под кров Твой, Дево Госпоже, прибегаем, вси роди человечестии, просвети нас светом Рождества Твоего, грешныя рабы Твоя, молящияся прилежно и кланяющияся пречистей Твоей иконе, просяще от Тебе прияти великия милости.

Песнь 3

Ирмос: Твоя песнословцы, Богородице, Живый и Независтный Источниче, лик себе совокупльшия, духовно утверди, в Божественней Твоей славе венцев славы сподоби.

Кую Ти достойную похвалу наше принесет конечное неможение, яко явлением пречистыя Твоея Божественныя иконы независтныя источники целебныя источаеши верно прибегающим к Тебе рабом Твоим?

Божественныя Твоея иконы святое явление, Богородице Дево, яко светозарное возсия нам солнце, преславных чудес лучи пущающи, тьмы лютых обстояний отгоняющи священными Твоими, Владычице, предстательствы.

Исполнила еси благодати иногда первописанную Твою икону, Госпоже Дево Богородице, и ныне таже благодать истинствует сиянием веры чудес, яко Тоя ради первописанныя, ко спасению верно к Тебе по Бозе прибегающим.

Покланяемся, Богородице, Твоему пречистому образу и пресладкому Твоему Младенцу, превечному и незаходимому Свету Христу, Имже спасла еси от лютых зол и тления смертнаго все человеческое естество.

Песнь 4

Ирмос: Седяй в Славе на Престоле Божества во облаце легце, прииде Иисус Пребожественный Нетленною Дланию и спасе зовущия: слава, Христе, силе Твоей.

Почтим, людие, чистыя в чистоте икону Девы Богородицы и Тоя Божественнаго Младенца, Христа Бога нашего, и лобызаем, и прославляем со страхом и трепетом: почитаем бо икону благочестно, паче же почитаем Самую Тую сущую Чистую Богоматерь.

Давид Божественный и чудный пророк, издалеча провидя, глагола: лицу Твоему помолятся богатии людие. Мы же, вернии, покланяемся и лобызаем честную икону, душами купно и телесы освящаемся.

Евангелия Христова богогласный списатель Лука Божиим мановением всенепорочный Твой написует образ, Богородице, и Младенца Превечнаго на руках Твоих вообразив, к немуже притекающия напастей и бед избавляеши, и вся покрываеши, и спасаеши Твоею милостию.

Ты еси похвало и венец святым всем, о Царице, Ты упование наше и Помощнице по Бозе, и на Тя надежду спасения нашего возложихом вси. Тебе молимся, яко Божии Матери: одожди грешным рабом Твоим богатыя Твоя душеспасительныя милости.

Песнь 5

Ирмос: Ужасошася всяческая о Божественней славе Твоей: Ты бо, Неискусобрачная Дево, имела еси во утробе над всеми Бога и родила еси Безлетнаго Сына, всем воспевающим Тя мир подавающая.

Всяко, Пречистая, существо воспети недоумеет Тя: паче бо Горних умов превозвысилася еси, рождши неприступнаго и страшнаго Всецаря и Бога. Но яко милостива и скорая человеком Помощница, вонми молению раб Твоих и даруй Твою помощь.

Идеже осенит благодать Твоя, Богородице, страхом исчезают демони и разрушается злокозненное тех мечтание, бегают дуси темнии, радуется же верных все множество, Тебе песнь хвальну от сердца вопиюще; радуйся, Божественный покрове душ наших.

Безочесным сладкое зрение дается, глухим слышание, немым благоглаголание, хромым хождение, прокаженным очищение, демонствуемым целомудрие и в болезнех сущим различных исцеление, осенением пречистыя Твоея, Богородице, иконы.

Не умолчим никогдаже, Богородице, псалмы и песньми воспевати величия Твоя, Обрадованная: Бога бо воистину воплотившагося родила еси во спасение наше всемирное и избавление.

Песнь 6

Ирмос: Божественное сие и всечестное совершающе празднество, Богомудрии, Богоматере, приидите, руками восплещим, от Нея рождшагося Бога славим.

Божественнаго Твоего Рождества, Дево Госпоже, пребогатая благодать, юже древле изглашением предала еси пречистому Твоему образу, неоскудне действовати великая же и преславная, во спасение на Тя надеющимся.

Идеже прославляется святое имя обрадованныя Богородицы, тамо всяческих благих источницы проливаются; приидите в чистоте, человецы, се бо явлением Божественныя Девы иконы сказует Царицы пришествие, во спасение всех верных.

Целения болезней, отгнание же страстей и душепитательное спасение, грехов прощение и вечное избавление от пречистыя Твоея иконы, Владычице, верно приходяще, приемлем, Богомати Всенепорочная.

К Тебе, Госпоже, прибегают роди правоверных, просят великия милости и приемлют неоскудно сущии в недузех исцеление, в страстех пременение, в печалех утешение; источи мне, Владычице, каплю душеспасительную, да со всеми и аз пою Твое величие.

Кондак, глас 8.

Притецем, людие, к тихому сему и доброму пристанищу, скорой Помощнице, готовому и теплому спасению, покрову Девы, ускорим на молитву и потщимся на покаяние: источает бо нам неоскудныя милости Пречистая Богородица, предваряет на помощь и избавляет от великих бед и зол благонравныя и богобоящияся рабы Своя.

Икос:

Смысл очистивше и ум, притецем к Богородице, светло песньми ублажающе Ю, и пречистую икону Ея прославляем и чтим и, припадающе, покланяемся, яко Самой, сущей оной: честь бо иконы на первообразное восходит, и почитаяй и покланяяйся ей почитает самое первообразное, якоже Божественнии отцы рекоша. И аще кто не чтит Пресвятыя Богородицы и не покланяется иконе Ея, анафема да будет: посрамляет бо и погубляет не чтущия Ю, избавляет же от великих бед и зол благонравныя и богобоящияся рабы Своя.

Песнь 7

Ирмос: Не послужиша твари Богомудрии паче Создавшаго, но, огненное прещение мужески поправше, радовахуся, поюще: препетый отцев Господь и Бог, благословен еси.

Приидите, почерпем отпущение от неистощимаго источника, точащаго святыню, Пречистыя Девы, и Тоя Пречистаго Младенца, Божия Слова, нас ради вочеловечшагося. К Немуже возопиим: Творче, Избавителю препрославленный со Отцем и Духом, Боже, благословен еси.

Неусыпную, Чистая, и Богоприятную имущи молитву и непреодолеемую державу крепости, врагов наших дерзость, яже на ны, разори, и выя их под нозе верному воинству нашему низложи, да возвеселимся о Тебе, раби, Сыну Твоему вопиюще: отец наших Боже, благословен еси.

Радуемся и веселимся, вернии людие, чудному явлению иконы Пречистыя Владычицы Богородицы: река бо явися неисчерпаема, целебную воду точащи, слепым бо видети дает, и глухим слышание, хромым хождение и всем, сущим в недузех, безмездно исцеление.

Неиспытана глубина, недоведомо таинство, непостижим образ, Дево, зачатия Твоего, зачатие без семене, без мужа рождество, Безплотный воплотися, Превечный младенствует, Сын Божий Сын Тебе, Девы, бывает. Емуже вопием: Боже, благословен еси.

Песнь 8

Ирмос: Отроки благочестивыя в пещи Рождество Богородичо спасло есть, тогда, убо образуемое, ныне же действуемое, вселенную всю воздвизает пети Тебе: Господа пойте, дела, и превозносите Его во вся веки.

Ум Ангельский и человеческий ужасается, Богородице: како Бога Небеснаго, ложеснами объемши, воплотила еси? Како, Младенца рождши, яко Сына на руку носиши? Егоже ужасается тварь и трепещут горнии престоли, вопиюще непрестанно: Свят, Свят, Свят еси, Боже, препетый и превозносимый во веки.

Радуйся, сущая радосте всего мира, со Архангелом Гавриилом вопием Ти, Богородице. Радуйся, вместилище Невместимаго. Радуйся, Благодатная, носило Божества всего. Радуйся, Адамово воззвание, с Тобою Господь и Тебе ради с нами, спасая нас. Егоже поем и превозносим во веки.

Корень Иессеев освященный, корень греха нашего исторгнула еси, жезл Ааронов процветший, Жизнодателя цвета израстивши Христа, стамно манноприемная, смерти всю силу сокрушила еси и в породу жизни возвела еси род человеческий, темже Тя поем, добрых виновную.

Ты похвала христианом еси, Владычице, Ты оружие на враги и стена к Тебе прибегающим. Тя и ныне на помощь призываем, Госпоже: не даждь врагом вознестися на люди Твоя, иже Тебе не хвалят, ни Сына Твоего, Богородице, и Твоей иконе не кланяются, сих победи и души наша спаси.

Песнь 9

Ирмос: Всяк земнородный да взыграется, Духом просвещаемь, да торжествует же Безплотных умов естество, почитающее священное торжество Богоматере, и да вопиет: радуйся, Всеблаженная Богородице, Чистая Приснодево.

Тебе, твердую Помощницу роду человеческому, Богородице Марие, лик пророческий многообразно провозвести: сень святую, небес пространнейшую, скрижаль Богописанную и купину неопалимую, дверь Богопроходную, гору же и лествицу, и мост, и жезл процветший, мы же воистину Богородицу Тя величаем.

Тайна глубины рождества Твоего ум ангельский ужасает, Дево, и пречистая икона демоны прогонит, и лица нечестивых омрачает, и в студ поревает: не терпят бо взирати на силу ея, бегают же и исчезают. Мы же любезно покланяемся и лобызаем и Тя, Богородицу, величаем.

Предстательница сущи неотступна к Вышнему Царю, яко имущи Матерне дерзновение непостыдно, в мире глубоце православных житие утверди, и отечество наше возвыси, и вся полезная даруй всегда рабом Твоим, да Тя, Богородице, величаем.

О всемилостивая христианом Помощнице! Не может Тя воспети достойно ум человеческий и ангельский, яко всея твари честнейши, Небесных и земных славнейши: всех бо родила еси Творца и Бога. Но, о Владычице, приими милостивно, юже Тебе от сердца возложихом песнь, спасай нас всегда, на Тя бо надеемся.

Светилен:Да почтится всепетая Мати Божия, Жизнь сущую рождши, Христа Бога нашего, райских дверей отверзение и всего мира очищение, к Животу возведение. Сей есть пророки глаголавый, Тому поклонимся, Богу и Спасу душ наших.