Анастасия Римляныня преподобномученица

 

 

(29 октября / 11 ноября)

 

   Святая Анастасия Римляныня осиротела возрасте трех лет. Воспитывалась она в монастыре близ Рима, в котором приняла иночество. При императоре Декии (249-251 гг.) Анастасии исполнился 21 год. Она была очень красивой, и многие знатные римляне просили ее руки, но Анастасия всем отказывала, предпочитая остаться невестой Христовой.

   В то время император Декий воздвиг жестокое гонение против христиан. Язычники вытащили святую Анастасию из монастыря и привели к правителю города. Они обвиняли ее в том, что она не только презирает знатных и богатых женихов, но почитает за Бога распятого Христа.

   Военачальник Пров повелел ей принести жертву идолам, но Анастасия отказалась отречься от Христа. Тогда ее подвергли лютым пыткам: у нее вырвали из пальцев ногти, потом отсекли руки и ноги, затем выбили все зубы. Святая, истекая кровью, стала изнемогать и попросила воды. Стоявший при ее мучениях некто Кирилл, сжалился и напоил ее водой.    Пытки продолжили, и святой Анастасии отрезали язык, которым она непрестанно славила Бога. Утомленные палачи, наконец, обезглавили ее. Решив, что Кирилл, напоивший мученицу водой, является тайным христианином, мучители схватили его и также казнили.

    Во дни царя Декия и соправителя его Валериана при военачальнике Прове, недалеко от города Рима, в уединенном и малоизвестном месте, находился один небольшой женский монастырь. В нем подвизалось несколько добродетельных постниц, в числе коих находилась, престарелая летами и совершенная в добродетелях, игумения София. В монастыре том проживала блаженная дева Анастасия, родом из Рима, оставшаяся трех лет по смерти своих родителей. София воспитала ее в своем монастыре и научила всем добродетелям, так что в посте, подвигах и во всяких трудах она превосходила всех прочих. Достигнув двадцатилетнего возраста, Анастасия стала чрезвычайно красивой, так что некоторые из знатных римских граждан, прослышав о ее красоте, страстно желали взять ее в жены. Но святая дева, вменив все в ничто, соделалась Христовою невестою и, для Него соблюдая свое девство, день и ночь проводила в молитвах. Диавол не один раз покушался отвести Христову невесту от ее равноангельской жизни и склонить ее к жизни в миру, желая смутить ее нечестивыми мыслями, соблазнами лукавых уст и различными иными своими ухищрениями. Но он нисколько не успевал в своей брани против той, в немощном естестве которой вселилась сила Христова, попирающая проклятую главу змия девическими ногами. Не имея возможности этим способом одержать победу над непобедимой Христовой невестой, диавол явно восстал на нее, воздвигнув лютых мучителей. В то время было сильное гонение на христиан, и диавол научил некоторых из неверующих, враждующих против христиан, чтобы они оклеветали Анастасию пред военачальником Провом. Придя к нечестивому сему человеку, язычники стали говорить ему, что в одном уединенном месте между бедными и живущими без мужей женщинами проживает некая девица Анастасия, подобной коей по красоте нет во всем Риме.

- Эта девица – говорили они – не только не хочет иметь мужа, но над образом жизни нашей надругается, насмехается над богами нашими и верует в Распятого.

  Услышав о красоте Анастасии, военачальник немедленно послал своих слуг привести ее. Пришедши, слуги долго не могли отворить ворот монастыря, так что принуждены были взять топоры и выломать двери. Постницы, увидав сие, сильно убоялись, и, отворив другие двери с противоположной стороны, убежали из монастыря. Игумения же София не выпустила Анастасии, говоря:

- Дитя мое, Анастасия! Не страшись, потому что наступило время подвига, за который Жених твой Иисус Христос хочет увенчать тебя. Я не желаю, чтобы ты убегала из монастыря, не желаю лишить мученического венца тебя, мою жемчужину, которую я, взявши трех лет, воспитала и до настоящего времени охраняла, как зеницу ока.

   Когда воины ворвались в монастырь, к ним вышла София со словами:

- Кого вы ищете и чего требуете?

Они ответили:

- Старица! выдай нам девицу Анастасию, которую ты держишь при себе, так как военачальник Пров требует ее.

- Да, я с радостью отдам вам ее, – отвечала София, – только умоляю вас, господа, подождите часа два, пока я ее наряжу, чтобы она сделалась угодною глазам господина вашего.

   Слуги, предполагая, что София желает украсить ее обычными мирскими одеждами и украшениями, согласились подождать. Мать же духовная, София, желая украсить свою дочь душевными красотами, дабы она соделалась угодною Жениху Небесному, взяла и ввела ее в церковь. Поставив ее пред алтарем, София с плачем стала говорить ей:

- Дитя мое, Анастасия, теперь предстоит самим делом показать тебе усердную любовь к Господу. В настоящее время тебе надлежит стоять за своего возлюбленного Жениха-Христа до крови и доказать, что ты истинная Его невеста. Возлюбленная моя дочь! я умоляю тебя: не допусти обольстить тебя языку, изощренному наподобие бритвы, не обольщайся славою и подарками суетного мира и не страшись временных мук, которые исходатайствуют тебе вечную жизнь. Вот открыт пред тобою чертог Жениха; вот уготованный тебе одр покоя вечного; вот и сплетенный для тебя венец; вот уже тебя призывает на брак Жениха: иди же к Нему с веселием, иди обагренная кровью, как бы одетая в брачную одежду. Умоляю тебя, дитя мое, внимай словам моим и припомни мои труды и хлопоты о тебе, как я воспитала тебя, взявши тебя с детства и все старания прилагала к тому, чтобы представить тебя чистой невестой Царю славы. Об этом я заботилась, об этом молилась, этому обучала тебя день и ночь, именно, чтобы ты навсегда соединилась с Господом всем сердцем и душою. Итак, дочь моя, не посрами меня – твою мать – ныне пред Господом и не сведи преждевременно во гроб моей старости. Если я услышу что-либо о тебе такое, что противно Христовой любви, то я внезапно умру. А если услышу, что ты за любовь ко Христу стоишь крепко и за Него не щадишь своей жизни, тогда я буду матерью веселящеюся о своей дочери; «мой рог Ты возносишь, как рог единорога, и я умащен свежим елеем» (Пс.91:11). Итак, дочь моя, не пощади твоей телесной красоты и не полюби временной жизни. Когда же тебя будут обольщать коварными словами, ты «не дай уклониться сердцу к словам лукавым» (Пс.140:4); когда же станут устрашать мучениями – ты говори: «страха вашего не убоюся, ниже возмятуся, яко со мною Бог мой» (ср. Ис.8:12); когда станут немилосердно бить тебя, ты «не бойся убивающих тело, души же не могущих убить» (Мф.10:28). Станут ли терзать и строгать твою плоть, ты, в твоих страданиях, радуйся, потому что в своей плоти восполняешь лишение скорбей Христовых (Кол.1:24). Станут ли рассекать тебя на части, ты вспомни, что и волосы на голове твоей сочтены от Господа (Мф.10:30), Который сохранит все твои кости и ни одна из них не погибнет (Пс.33:21). Захотят ли отсечь тебе голову, ты смотри на главу всей Церкви – Христа, Который есть слава твоя и возносить голову твою (Пс.3:4). Не бойся, дитя мое, жестокого страдания. Жених твой невидимо предстанет пред тобою, облегчит твои болезни и избавит тебя от тяжких мучений. И когда ты застонешь, Он даст тебе отраду; когда изнеможешь, Он укрепит тебя; когда падешь от ран, Он поднимет; когда наполнишься горестей по причине лютых язв, Он усладит твое сердце, прохладит твою душу и не отступит от тебя до тех пор, пока, исторгши тебя из рук мучителей, не введет тебя в небесный Свой чертог и, созвав все силы ангельские и лики всех святых, дарует тебе блаженство и увенчает тебя, как Свою невесту, нетленным венцом и ты станешь соцарствовать с Ним в вечной славе.

   Анастасия отвечала:

- Готово сердце мое пострадать за Христа, готова душа моя умереть за сладчайшего для меня Иисуса, так как все желания мои и воздыхания направлялись к тому, чтобы иметь возможность во свидетельство любви моей к дорогому для меня Господу, положить за него мою душу. Теперь же, так как наступило время исполнения моего желания, то я с радостью предстану перед моим мучителем и стану исповедовать всесвятое имя Бога моего. Ты, мать и госпожа моя, не бойся за меня, не сомневайся о моей юности: я верую Господу моему Иисусу Христу и Он укрепит меня, Свою рабу. Возлюбленная моя мать, моли и ты Его, чтобы Он не оставил меня и не отступил от меня до тех пор, пока я не окончу за имя Его подвиг мучения и не посрамлю восстающего на нас врага.

   Беседа их продолжалась долее двух часов, так что посланные военачальником слуги, не дождавшись их, сами отправились за ними в церковь. Здесь они застали святых жен, которые занимались не телесным украшением, но умиленно беседовали и взаимно утешали и утверждали себя в Господе. Разгневавшись, они схватили Анастасию, как волки овцу, наложили железные цепи на ее шею, и потащили в город, где и привели ее к военачальнику. Она же, стоя перед ним, свои духовные очи обратила к своему Жениху, Христу. Все видевшие Анастасию удивлялись ее красоте, смиренному взору и кроткому лицу ее. Военачальник обратился к ней со словами:

- Какого ты рода, какой веры и как тебя зовут?

   Потупив взор, святая тихим голосом отвечала:

- Я дочь одного из граждан города Рима, воспитана я в христианском благочестии, а имя мое – Анастасия.

   Военачальник сказал:

- Сие имя у римлян необычное, и я не знаю, что значит Анастасия?

- Анастасия – отвечала святая, – значит «возстание», так как Бог восстановил меня говорить против тебя до тех пор, пока я не одолею отца твоего – сатану.

   Военачальник продолжал:

- Девица, отвечай мне кротко, чтобы не возбудить во мне гнева: ведь, я щажу твою молодость и не хочу погубить твоей красоты; послушай же меня как отца, желающего разумно тебе посоветовать. Зачем ты прельстилась вредным учением христианским и понапрасну губишь свои годы, лишаясь хорошей жизни и наслаждений, которые боги дали людям для веселья? Что за утешение избегать общества людей и проводить жизнь в уединении? Что за прибыль самовольно отдавать себя на мучение и смерть за Распятого? Не лучше ли поклониться нашим бессмертным богам, взять честного, благородного мужа, веселиться среди наслаждений, радоваться детьми, жить посреди добрых людей в славе и почете, владеть многим имением, золотом и серебром и не губить в крайней бедности и нищете своей жизни, дарованной богами для благополучного существования. Итак, я советую тебе, подойди и поклонись богам и немедленно будешь иметь мужа высокородного, почетного, славного и богатого, близкого к царскому престолу и имеющего большую силу. Вместе с ним и ты будешь пользоваться большим почетом и во все дни твоей жизни будешь наслаждаться всеми благами.

   Святая Анастасия, подняв опущенные вниз свои глаза и взглянув на военачальника, на сии слова отвечала:

- Мой муж, мое богатство, жизнь и мое веселие – есть Господь мой Иисус Христос, от Которого ты не отвратишь меня твоими соблазнительными словами, не обольстишь меня, как Еву змий, не усладишь для меня горькой вашей погибели и страхом мучений не отлучишь меня от моего Господа, за Которого, если бы было возможно, я готова претерпеть мучение сто раз.

   Военачальник приказал предстоявшим бить ее в лицо, приговаривая: так ли ты должна отвечать светлейшему властелину? Затем, желая посрамить ее, он приказал разодрать на ней одежду и ногою выставить ее пред всеми и спросил ее:

- Приятно ли тебе, девица, обнаженной стоять перед глазами всех?

- Безумный, бесстыдный и исполненный всяческой нечистоты, – отвечала святая. – Это не мой стыд, но твой, так как Господь мой знает, что солнце никогда не видело моей наготы, а ты меня выставил ногою на глаза столь многих людей; знай, что ты посрамил себя больше, нежели меня. Ведь меня, ради сего стыда, Жених мой покроет одеждою славы, а тебя на веки покроет стыд лица твоего и всякий разумный человек теперь скажет: если бы военачальник не был бесстыжим и исполненным нечистой похоти, он не обнажал бы для зрелища всех девического тела.

   И, обратившись к обнажившим ее, она произнесла:

- Если вы обнажили мое тело, если приготовили для меня и орудия различных мучений, то зачем же вы медлите? Бейте, рубите, терзайте, покрывайте ранами обнаженное тело, покрывайте кровью открытый стыд; вот, вы видите меня приготовленную к мукам и не надейтесь что либо другое услыхать от меня, как только то, что я желаю умереть за моего Христа.

   Тогда, по повелению военачальника, она была растянута и привязана к четырем столбам вниз лицом; под нее подложили огонь с серой и смолой и мучили ее снизу огнем и зловонным дымом, а по спине, без милости, били палками. Святая же Анастасия, страдая от ударов, задыхаясь в дыму и опаляемая огнем, терпела и, вместо стона, произносила до конца Давидов псалом: «Помилуй мя, Боже...» Она была до тех пор бита, пока не изнемогли палачи. После сего, отвязав ее от столбов и сняв с костра, привязали ее к колесам и, вращая колесо, переломали все ее кости и изорвали жилы. Она же молилась ко Господу:

- Прибежище мое и Защитник мой, не отступай от меня, так как душа моя изнемогает в болезни и кости мои сокрушены.

   После этой молитвы колесо вдруг остановилось, и святая мученица, отвязанная невидимою силою, оказалась совершенно невредимою и здоровою. Все бывшие здесь были страшно изумлены при виде такового чуда. Военачальник же не только не образумился, так как злоба ослепила его, но с большею свирепостью снова стал мучить святую иными муками: он приказал, повесивши, строгать ребра и терзать тело ее. Она же претерпевала все сие мужественно и к одному только Богу возводила свои очи, говоря:

- Жених мой, взгляни на мою болезнь, которую я переношу ради Тебя и благоволи ко мне, непотребной Твоей рабе, чтобы сделалось для Тебя приятным пролитие моей крови, и чтобы я не была отвержена от лика святых мучениц.

   После сего она была снята с дерева, и военачальник спросил ее:

- Анастасия! хорошо ли тебе ныне?

- Весьма хорошо, – отвечала святая, – потому что, какое мучение за того, кого я люблю больше всей жизни моей, не стало бы для меня хорошим и приятным?

   Военачальник продолжал:

- Если тебе мучения за Распятого доставляют удовольствие, то я увеличу их. Он приказал бритвой отрезать сосцы ее. Истекая кровью, святая стала сильно изнемогать и попросила напиться воды. Один из стоящих там близко, по имени Кирилл, принес и подал ей воду. Она же, выпивши немного, сказала подавшему:

- Да не лишишься ты воздаяния от Господа, потому что Он сказал: «кто напоит вас чашею воды во имя Мое, потому что вы Христовы, истинно говорю вам, не потеряет награды своей» (Мрк.9:41).

   Военачальник сказал ей:

- Довольно ли для тебя мучений, или желаешь еще подвергнуться мучениям?

- Делай, что хочешь, – отвечала святая, – мой Бог силен и укрепит мою изнемогающую силу на большие мучения, и низложит твою гордыню.

   Мучитель приказал вырвать у нее с пальцев ногти, потом отсечь ее руки и ноги, а также выбить все ее зубы.

   Святая стала снова изнемогать и попросила воды, а из уст ее изливалась река крови. Кирилл снова немного напоил ее. Мучитель, заметив Кирилла, напоившего водою мученицу и подумав, что он христианин (что и было в действительности), приказал немедленно убить его мечем. Будучи усечен, блаженный Кирилл отошел ко Господу получить свою награду за чашу холодной воды, которую он, во имя Христа, напоил Христову мученицу. Освежившись водою, святая немного отдохнула и молилась, говоря:

- Боже, Спасителю мой, не оставь меня!

   Когда же военачальник приказал отрезать ей язык, святая говорила:

- Беззаконный кровопийца! если ты отрежешь мне и язык, то сердце мое не перестанет взывать к Господу. Господь же послушает молящихся ему и в молчании.

   Слуга, взяв клещи, вложил их в уста святой, сильно вытянул ими язык ее и отрезал. Народ стал возмущаться, укоряя и ругая военачальника за таковое лютое и бесчеловечное мучение. Военачальник же, разгневавшись на народ, приказал вывести святую за город и отсечь мечем честную ее голову. Таким образом, святая и достохвальная великомученица Христова Анастасия совершила подвиг мучения. Святое тело ее было брошено без погребения на съедение птицам и зверям, но, по Божественному покровительству, оно сохранилось неприкосновенным. С наступлением ночи, блаженной старице Софии явился ангел и повелел ей взять лежавшее за городом на поле тело святой Анастасии. София, взяв чистое полотно, вышла из монастыря и не знала, куда идти. Усердно помолившись Богу, она пошла и, руководимая Самим Богом, дошла до места, где находилось святое тело духовной ее дочери, которое она стала лобызать и омывать, как бы водою, обильными слезами, с такими словами:

- Дочь моя возлюбленная, которую я воспитала в трудах и безмолвии, в посте и молитвах, сохраняла в девстве и целомудрии, поучала страху Божию и Его святой любви, сладчайшая дочь моя, о которой я всегда соболезновала, до тех пор, пока до конца не пребыла ты верной Христу! Благодарю тебя, что ты послушала меня, убогой своей матери, и исполнила мое желание. Не понапрасну я трудилась для тебя, потому что ты предстала пред своим Женихом в брачном одеянии твоего непорочного девства, изукрасившись твоею кровью. Итак, умоляю тебя теперь не как дочь, но как мать и госпожу мою, будь твоими к Богу молитвами утверждением в моей старости и, блаженствуя с Господом, поминай меня. Когда же Он повелит мне отойти от моего бренного тела, умоли благость Его, чтобы Он был милостив к моим грехам.

   Плача так, она помышляла о том, что станет делать: она была одна, и притом весьма слаба: едва-едва ходила она с палкою и не имела возможности ни взять и понести то святое тело, ни там на месте похоронить его, и потому скорбела, недоумевая, что будет делать. И вот, по Божию усмотрению, какие-то два неизвестных ей мужа, почтенные на взгляд, добрые по словам, по вере христиане, застав старицу плачущею над телом, помогли ей и, собрав отсеченные части тела, руки и ноги (так как они туда же были выброшены из города) и святую главу, все сие приложили к телу, каждый член к своему месту, и, обвив полотном, понесли в некое почетное место, где, при пении надгробных песнопений, прославляя Отца и Сына и Святого Духа, похоронили сие многоценное сокровище.

 

 

 

АКАФИСТ

 

Кондак 1

 

Агнице и угоднице Христовой, долготерпеливей преподобномученице Анастасии, скорой помощнице и молитвеннице нашей, усердное пение и поклонение приносим, яко имущей премногое дерзновение ко Господу, еже от всяких напастей, скорбей и болезней освобождати нас, да с умилением и любовию зовем: Радуйся, Анастасие, многострадальная и избранная Невесто Христова!

 

 

Икос 1

 

Ангелом уподобилася еси разумом чистым, познавши Творца Всемогущаго, иже есть всего видимаго и невидимаго вечное начало и единый конец желаний всех боголюбивых, мы же восхваляем дивное воспитание твое от подвижницы игумении Софии, с благоговением великим вопием ти:

Радуйся, от дней младенчества вместившая в свое сердце веру Христову;
Радуйся, трехлетняя отроковице, избранная и преславная во иночестве.
Радуйся, возраставшая в богопознании, при красоте телесней и душевней;
Радуйся, в греховном Риме соблюдшая чистоту и благолепие взора и жизни.
Радуйся, всегда невидимо охраняемая ангелы Божьими;
Радуйся, святою правдою твоею к Жениху Христу приблизившаяся.
Радуйся, Анастасие, многострадальная и избранная Невесто Христова!

 

Кондак 2

 

Видевше сияние лица твоего, святая преподобномученице Анастасие, знатнии людие града Рима удивляхуся, взирающе на тя, на рост твой и взор веселый и радостный, не видяще красоты души и мыслей твоих. Мы же, поминающи тя, слушающую у ног старицы Софии историю Церкви Вселенския и жизнь Спасителя мира, умными очами восходим от вещей земных во область небесную, взываем с верою: Аллилуиа!

 

Икос 2

 

Глубиною разума паче ума мирских мудрецов явилася еси, отроковице непорочная, измлада размышлявшая о Господе нашем Иисусе Христе, Ему же и благоугождати вожделела еси для подвигов духовных. Поминающе твою таковую ревность о спасении для жизни вечныя, сия похвалы тебе от души приносим:

Радуйся, образе чистоты и целомудрия;
Радуйся, прельщение возраста юнаго победившая.
Радуйся, неверных светом веры просвещавшая;
Радуйся, в храм Господень на молитву усердно приходившая.
Радуйся, дев христианских истинное украшение;
Радуйся, верная ко Христу Богу молитвеннице о нашем спасении.
Радуйся, Анастасие, многострадальная и избранная Невесто Христова!

 

Кондак 3

 

Дивная сила Всевышняго чудесно храняще тя, юнице преподобная. яко сожительницу ангелов и собеседницу их, показала бо еси пред всеми идолослужителями святую веру и молитву твою. Воистину Святый Дух бе глаголяй тобою: «Готово серце мое, готова душа моя умрети за Господа Иисуса». За сие тя величающе, просим усердно: моли спасти и просветити души наша, да славословим с тобою Творца всяческих Бога и поем Ему: Аллилуиа!

 

Икос 3

 

Евангелия Христова имуще богоприятную святыню, во дни Декия царя и соправителя его Валериана при игемоне Прове, ты, блаженная дево Анастасие, в посте и подвигах день и нощь во обители малей работала еси Владыце Христу. Много враг завистливый и лукавый своими ухищрениями покушался на тя, Христову невесту, от равноангельскаго жития отвести. Но ты Жениху-Слову, яко дар, принесла еси непорочное твое девство и доблестное страдание. Сего ради умильно вопием ти:

Радуйся, первое - поседение, второе же - кровь мученическую, яко алавастр мира, Иисусу Христу принесшая;
Радуйся, крепкою волею своею благое иго Христово на себе понесшая.
Радуйся, чисте сердце свое от всякия лести беззаконных мучителей дивно сохранившая;
Радуйся, пречудная евангельская дево, светлогорящий светильник в себе имущая.
Радуйся, достохвальная мученице, приявшая от Спаса Христа венец божественный и нетленный и силу благодатных исцелений;
Радуйся, яко в созерцательней душе своей непрестанно имела еси веру, надежду, молитву и терпение.
Радуйся, Анастасие, многострадальная и избранная Невесто Христова!

 

Кондак 4

 

Злобную бурю ярости своея воздвиже на тя нечестивый мучитель, святая Анастасие, близ двадесяти лет доброзрачну видя зело, и яко пленницу и рабу вменяше тя: ты же, воспоминающе Господа Иисуса Христа, яко вифлиемскаго Богомладенца, Пророка и Отрока Назарета, Мудрость храма Иерусалимскаго, чудо чудес истории мира, Спасителя, Врача душ и телес человеческих, Тому единому угождати вожделела еси, воспевающе песнь хвалебную: Аллилуиа!

 

Икос 4

 

Имуще всегда пред светлыми очима своима Господа и Бога и Спаса нашего Иисуса Христа, оклеветана была еси от неверных пред игемоном Провом. Возвестивша бо сему, яко есть такова девица, ея же красота несть подобныя во всем Риме, пребывает та у некиих жен убогих и безмужно живущих, не хощет имети мужа, верует Распятому и посмеивается устремлениям нашим. Ты же из глубины души рекла еси: «Мое богатство - Христос есть. За Него же умрети желанием вожделех». Сей светоносный ответ твой почитающим, богомудрая, просвещение свыше испроси, да взываем ти благоговейно:

Радуйся, сердцем своим видевшая Господа Христа, преобразившегося на Фаворе;
Радуйся, душею своею содрогавшеюся при мысли о поругании, бичевании, осуждении и распятии Спасителя мира.
Радуйся, со слезами молитвенными целовавшая икону Христа в венце терновом;
Радуйся, телесное воскресение Христа Жизнодавца проповедавшая усты своими.
Радуйся, вознесение Господне на горе Елеонстей ясно запечатлевшая во глубине сознания;
Радуйся, непрестанно обращавшаяся ко Иисусу Христу - безконечному свету и жизни, и пристанищу верных.
Радуйся, Анастасие, многострадальная и избранная Невесто Христова!

 

Кондак 5

 

Фимиамом молитвы и светом боговедения, яко боготечная звезда сияла еси во стране Римстей, святая преподобномученице Анастасие. Егда же игемон Пров посла слуги своя привести тя на суд человеческий и тии, вземше сечива, разсекоша двери монастырския. Тогда игумения София глагола ти словеса великая разума и света: Чадо мое, Анастасие, молись, не устрашайся, ныне бо время подвига есть, се Жених твой, Иисус Христос, хощет венчати тебе, буди верна ему до смерти, благоразумно и непрестанно поя: Аллилуиа!

 

Икос 5

 

Иматисма твоя преподобническая, в ней же молилася еси в церкве, святая Анастасие, угодна бе Жениху Небесному, Царю Славы, Иисусу Христу. Верила бо и исповедывала пред мучители, яко Господь Создатель и Спаситель не отступит от тебе. Но введет в небесный чертог Свой, возвав вся ангельския силы и всех святых лики, веселие вечное ти сотворит. Сего ради и мы недостойнии от глубины сердца взываем:

Радуйся, исповедавшая миру всесвятое имя Бога твоего;
Радуйся, во гласе радования и во псалмех восклицания украшавшая душу свою.
Радуйся, дщерь всехвальная вышняго и нетленнаго Иерусалима;
Радуйся, пречудная послушнице священных научений блаженныя Софии.
Радуйся, возложившая все упование на Сладчайшаго Господа Иисуса Христа;
Радуйся, молитвами твоими избавляющая нас ныне от всяких болезней и скорбей.
Радуйся, Анастасие, многострадальная и избранная Невесто Христова!

 

Кондак 6

 

Кровь богопроповедническая твоих честных страданий, преподобномученице Анастасие, свидетельствует во всем Риме подвиги святой крепости твоей, егда воины римстии возложиша железа на выю твою и поставиша пред игемоном; ты рекла ему: «имя мое - Анастасия, сиречь - воскресение, яко воскреси мя Бог глаголати истину веры пред тобою». Он же, подражая Ироду буесловному, не хотяще уразумети Господа Славы Иисуса Христа и пети Ему с тобою, яко солнцу правды: Аллилуиа!

 

Икос 6

 

Лампада возсияла еси чудная среди неверных от твоего исповедническаго подвига, святая Анастасие. Отнюдуже и град наш озаряеши тихим и дивным светом богопознания. Сего ради от всех верных возносятся тебе похвалы сицевыя:

Радуйся, прилежно размышлявшая о сохранении в уме и сердце Божественных и животворящих заповедей Божиих;
Радуйся, жившая на грешней земли по святому завету и святей правде Евангелия Христова.
Радуйся, украсившая свою юную главу разумением сущности конечного основания и цели всего существующаго;
Радуйся, яко Жених твой, сладчайший Иисус, даде тебе крепость и премудрость, ей же не возмогоша противитися вси неведущия истины.
Радуйся, яко и нас гладных пищею духовною, благодатным и присносущным словом Божиим всегда укрепляеши и радуеши;
Радуйся, богатство неистощимое исцелений от скорбей тебе подаде Владыка Господь, Его же душею и сердцем возлюбила еси.
Радуйся, Анастасие, многострадальная и избранная Невесто Христова!

 

Кондак 7

 

Мира хотящи оставити суету, души благородие свыше добротами безконечными уяснила еси, Анастасие всехвальная, и игемону Прову рекла еси: Жених мой, и богатство мое, и жизнь жизни, и веселие вечное - есть Господь мой, Иисус Христос, от Него же не отвратиши мя лестными твоими словесы, не прельстиши мя, яко же змий Еву, не отлучиши мене и страхом мук от Господа моего, за Него же и стократ, аще бы можно было, умерети есть готова, и Ему со Отцем и Святым Духом, в Троице славимому и поклоняемому Богу, велегласно со всеми святыми пою: Аллилуиа!

 

Икос 7

 

Новую показа безчеловечия ярость лютый мучитель, егда тебе, преподобномученице Анастасие, повеле предстоящим бити в лице, и раздирати одежду, и тело обнаженное покрывати ранами, и, к четырем столбам привязаней, огнем со смолою, и серою, и зловонным дымом мучити, и к колеси привязати и терзати. Терпела бо еси дондеже изнемогоша вси биющии. Сие паче естественное мучение твое благоговейно воспоминающе, тебе, великой угоднице Божией, приносим песнь благодарения:

Радуйся, яко на икону твою взирающе, тебе самой непорочней и нетленней Невесте Христовой поклоняемся;
Радуйся, многообразныя и нестерпимыя муки за Господа Славы, Христа Бога претерпевшая.
Радуйся, яко в страшных муках молящися взывала еси: «Господи, Прибежище мое и Защитниче мой, не отступи от мене, изнемогает в болезни душа моя и кости моя сотрошася»;
Радуйся, вскоре силою невидимою отрешена была еси от страданий, и телом своим явилася еси цела и здрава, яко вси дивляхуся преславному чудеси тому.
Радуйся, пред судищем беззаконных проповедавшая Того, о Ком же апостольский лик яве глаголет и к Кому же пророческий собор выну взирает;
Радуйся, поклонявшаяся духом и телом Тому, Кого же сонм мученический боголепно исповедует и преподобных воинство преславное имя славословит.
Радуйся, Анастасие, многострадальная и избранная Невесто Христова!

 

Кондак 8

 

К сему - древо странное и страшное уготовано бысть тебе, святая Анастасие, от игемона Прова, иже в злобе своей иными муками нача мучити тя: повеле убо, повесивши, строгати ребра и терзати тело твое. Ты же, светоносная и досточудная дево, воспоминая Господа Иисуса Христа, вся сия мужественно терпяше, к единому Богу возводяше очеса своя, глаголаша: Виждь болезнь мою, Женише мой, юже стражду Тебе ради, благоволи ко мне, да приятно Ти будет пролитие крове моея и да не буду отвержена от лика святых мучениц, но да воспою Ти песнь великую, в вышних трегубо песнословимую: Аллилуиа!

 

Икос 8

 

Осеняемая сладостию и желанием вечнаго непрестаннаго блаженнаго единения с Богом, ты, святая преподобномученице Анастасие, паки изувечена была от мучителя, иже повеле бритвою отрезати сосцы твоя, из них же изыде множество крове, изнемогла еси зело и просящи воды пити. Некто же от близ тамо стоящих, именем Кирилл, принесе воду и подаде тебе. Ты же, мало напившися, рекла еси к подавшему: Да не лишится воздаяние от Господа по словеси Его: «Иже аще напоит вы чашею студены воды во имя Мое, не погубит награды своея». Поминающе сицевая твоя словеса и доблестныя подвиги твоего исповедничества, умиленно взываем ти:

Радуйся, святая Анастасие, богомудрием высоким преисполненная и превознесенная;
Радуйся, одеждою твоею имевшая ангельскую невинность, пищею - святую правду Божию и жилищем покоя - блаженство святых.
Радуйся, украшенная ранами страданий за имя Господа нашего Иисуса Христа;
Радуйся, яко крове твоея капли паче меда и сота угода быша Жениху Безсмертному.
Радуйся, двери вечныя жизни отверзающая своим ходатайством всем чтущим твоя болезни и страдания;
Радуйся, при излиянии крове святыя твоея молившаяся Тому, Кого же Воинства Небесныя славят, и трепещут Херувимы и Серафимы.
Радуйся, Анастасие, многострадальная и избранная Невесто Христова!

 

Кондак 9

 

Прияла еси силу от Бога всякое естество скорбящих очищати, дух наш из уныния пробуждати, и умиротворяти сердца всех в бурях житейский ти вопиющих: угоднице Божия, сотвори мне радость молитвами твоими. Приими убо и сие, приносимое тебе почитание благоговейное и трепетное, яко же прияла еси капли воды от напоившаго во время тяжких страданий твоих, тя, Христову мученицу; иже той и пойде ко Господу. Ты же прияла мзду свою. Сподоби и ныне похваляющих тя внити в Чертог Небесный и Божественный, идеже всякая душа праведных радуется и поет благодарным гласом Отцу света, Вседержителю Богу: Аллилуиа!

 

Икос 9

 

Разумно витийствующий многовещанный язык не возможет восхвалити страдальческия твоя подвиги по достоянию, святая преподобномученице Анастасие, кто бо рече о болениях твоих, егда ногти от перстов твоих исторгнуты, и руце и нози отсечены были, также и вся зубы твоя избиени быша, и язык клещами отрезан, и река крови исходяще из уст твоих. Ты же молчанием сердечным сице молилася еси: «Не остави мене, Боже, Спасителю мой!» И вси людии от страха возопиша, досаждая и укоряя игемона о таковом свирепом и безчеловечном его терзании агницы и угодницы Христовой. Мы же сицевая, муки твоя точию воспоминая, содрогаемся, и бренными нашими устами похвальная ти вопием:

Радуйся, страстем Христовым подражавшая и кровию своею преподобномученическою Царя Славы уневестившаяся;
Радуйся, истинная и добрая лозо винограда и Царства Христова.
Радуйся, жестоковыйный народ неблагодарный священным своим долготерпением удивившая;
Радуйся, яко ты в слезах горячих, взирая на небо, единому Спасителю Богу возсылала свои мысли и мольбы.
Радуйся, яко Сам подвигоположник Иисус, Сын Божий, Человеколюбец похвали твоя подвиги и страдания;
Радуйся, яко ты можеши по дару от Бога, от тьмы и бед избавляти творящих с любовию всечестную память твою.
Радуйся, Анастасие, многострадальная и избранная Невесто Христова!

 

Кондак 10

 

Спасти хотя душу свою для неба и Бога, презрела еси мирское неразумие мучителя, иже разъярившися повеле за град извлещи тя, Невесту всенепорочную и достохвальную мученицу, и отсещи мечем честную главу твою. И бысть святое тело твое без погребения оставлено в снедь зверем и птицам, но Божиим покровением от них неприкосновенно хранящееся. Ты же присно созерцая пресветлое лице Христа Бога нашего, радостно душею своею ликуеши со ангелы и мученики и всеми святыми, воспевая песнь хвалебную: Аллилуиа!

 

Икос 10

 

Терпением своим великим, святая преподобномученице Анастасие, ты еси стена и твердое прибежище верным. ибо пришедшей нощи явися ангел Господень блаженней старице Софии и повеле взяти посеченное тело твое, в поле за градом Римом лежащее. Она же, вземше плащаницу чисту, изыде из монастыря, и не видяще камо идти, помолися же Богу, пойде и, Богом наставляема, Дойле до места, идеже святое тело твое повержено лежаще, еже со слезами лобзающи, умильно глаголаше:

Радуйся, возлюбленная дщи моя, юже аз в безмолвии и трудах воспитах для Бога;
Радуйся, дево прекрасная, юже аз в посте и молитве, и в целомудрии храня.
Радуйся, доброхвальная мученице, страху Божию и закону Христову научившаяся;
Радуйся, досточудная агнице в брачном одеянии непорочного девства явившаяся Иисусу Христу.
Радуйся, украсившая кровию честною за Спаса Христа, уже не дщерь, но матерь и госпожа моя;
Радуйся, ибо ты мое утверждение и тихая отрада в старости моей.
Радуйся, Анастасие, многострадальная и избранная Невесто Христова!

 

Кондак 11

 

Гимн хвалебный и высокоторжественный восписуем ти, святая преподобномученице Анастасие, яко девственнице и молитвеннице телом и душею, яко храму Божию, дому Христову и обители Духа Святаго. Ты стояла еси на твердом камени упования небеснаго, его же не сокрушиша стихии мира. Ты пребывала еси в лоне Вселенския Церкви, идеже в Божественной иерархии Сам Христос есть путь в святыне веры и в лице Своем - истина, и в таинствах благодатных, и в существе своем - жизнь безконечная. Ты уразумела еси, яко вне Церкви несть спасения, несть и мученичества; тамо вне Церкви есть борьба, есть страдание, есть несчастие, но несть мученичества. Сие дарование ведает и озаряет святая Церковь Божия, и в ней токмо едиными усты и единым сердцем Троице Единосущней и Нераздельней возсылается боголепная верных молитва: Аллилуиа!

 

Икос 11

 

Феникс светоприемный и плодоносный возрасте в Церкви Христовой от твоея праведныя и богоугодныя жизни, святая Анастасие, и по преставлении твоем возсияла еси дивными чудесы. Се бо по смотрению Божию приидоша нецыи два незнаемии мужа честни видением, благою беседою и обретшие старицу Софию над телом твоим плачущуюся, помогоша ей и собравше отсеченныя уды твоя, руце же и нози, яже таможде из града извержени быша, и святую главу с телеси на места своя приложиша и плащаницею обвивше, и певше надгробныя песни, погребоша, славяще Отца, и Сына, и Святаго Духа. Мы же о сем дивящеся, яко Бог хранит и кости преподобных своих, ублажаем тя, молитвенно зовуще:

Радуйся, крещенная и освященная в трисвятое имя в предвечнаго Царя веков;
Радуйся, яко твое воспитание у игумении Софии бысть восрастание и созидание души по началам Царствия Божия.
Радуйся, препоясанная от Бога правдою и истиною о чреслах своих, и чистотою и говением красящаяся;
Радуйся, мыслившая о догматах веры, яко тии не развиваются, но раскрываются с новою широтою и большею глубиною.
Радуйся, яко ты, Божия голубице и непорочная благоприятная жертво, явилася и преставилася еси Зиждителю и Промыслителю мира;
Радуйся, от небеснаго Владыки Господа Иисуса Христа благолепный венец славы и блаженства восприявшая.
Радуйся, Анастасие, многострадальная и избранная Невесто Христова!

 

Кондак 12

 

Ходатаице благодатная буди пред престолом Всевышняго ко спасению и сохранению от бед чтущих святую память твою, Анастасие преподобномученице. Принеси ныне теплую и святую молитву о нас, грешных, ко Господу сил, яко да презрев вся наша согрешения, в добродетелях преуспевати нас сотворит, да здравы суще телом и духом, хвалебно воспоим вси Творцу и Отцу Небесному, дивному во святых своих: Аллилуиа!

 

Икос 12

 

Псалмы Давидовы, сию книгу хваления, воспевала ты часто, святая преподобномученице Анастасие, ибо назидание Псалтири есть такожде богато, яко же богата и разнообразна жизнь нашей души. Любовь бо псалмопению породи обители преславныя, и вси псалмы являют единый глас благодарения и поклонения, и покаяния, и славословия, и неусыпающей молитвы. Тебе же, земней угоднице Божией, доступно бысть и духовное небо - учение Христово, идеже вместо солнца светит Евангелие, вместо луны - Ветхий Завет и вместо звезд - писание отцев. О сем убо радующеся и ведяще тя, скорую помощницу и молитвенницу нашу пред Богом, возглашаем ти сицевая:

Радуйся, непрестанно творившая молитву Иисусову, яко дыхание и радование всей жизни;
Радуйся, яко имя твое преподобномученическое по всей стране нашей от конца в конец прославляется.
Радуйся, яко очко твое чудное, житием света сияющее от Божия Духа, озаряет наши умы и сердца верою древнею и святою;
Радуйся, подражавшая Спасителю мира, еже претерпе распятие и смерть, не яко безсилен, но яко долготерпелив и многомилостив.
Радуйся, яко ты всем поминающим твоя страдания в час смертный благонадежная предстательнице и утешительнице;
Радуйся, яко от образа твоего святаго и благодатнаго являеши нам незримо помощь и силы божественныя.
Радуйся, Анастасие, многострадальная и избранная Невесто Христова!

 

Кондак 13

 

О, предивная и многострадальная Невесто Христова, Анастасие, нынешнее аще и малое моление приими от нас, почитающих святую память твою. Охраняй нас богоприятными молитвами твоими от всякаго злаго обстояния и скорби, да тихое и мирное житие поживше во юдоли земней, блаженство райское на небеси наследим и купно с тобою сподобимся святых Святейшему Богу вечную и безконечную песнь воспевати: Аллилуиа! Аллилуиа! Аллилуиа!

 

(Этот кондак читается трижды, затем икос 1 и кондак 1)

 

 

МОЛИТВА

 

  Девственниц похвало и мучениц славо, Анастасие преподобная! К тебе во умилении сердец наших припадаем и твоего заступления у Господа о нас молим. Аще бо чистоте твоей не поревновахом и безбоязненнаго исповедания твоего не приобщихомся, паче же многими прегрешеньми и лютыми паденьми и отступствы гнев Божий привлекохом, но не хощем во гресех наших умрети и, на твоя мужеския подвиги взирающе, паки на одоление страстей наших ополчаемся. Сие же ведуще, яко кроме благодатныя помощи ничто же благое сотворити возможем, тую нам от Господа подати тебе просим. Ты бо, преподобномученице преславная, велие ко Владыце дерзновение стяжала еси, яко прославившая Его в чистой душе твоея и в телеси твоем страдальчестем, зане вся прельщения и прещения мучителя презревши, искоренение же зубов и ногтей истерзание, и сосцев и рук и ног отсечение сладце претерпевши, дерзновенно вопияла еси: “Христос есть богатство мое и похвала”! Темже от того богатства и нашей нищете духовная подаждь дарования и от безмерных прегрешений живот наш соблюди, мир и безмятежие нам испроси, от нужды и уныния нас предстательством твоим огради, друг ко другу нас в послушании и братолюбии настави и ко Господу очи сердец наших всегда возводи, во еже присно славити нам Отца и Сына и Святаго Духа державу, и твое теплое предстательство во веки веков. Аминь.

 

 

ТРОПАРЬ

 

Тропарь, глас 4

 

Агница Твоя, Иисусе, Анастасия зовет велиим гласом: Тебе, Женише мой, люблю, и, Тебе ищущи, страдальчествую, и сраспинаюся, и спогребаюся Крещению Твоему, и стражду Тебе ради, яко да царствую в Тебе, и умираю за Тя, да и живу с Тобою, но, яко жертву непорочную, приими мя, с любовию пожершуюся Тебе. Тоя молитвами яко Милостив спаси души наша.

 

 

Кондак, глас 3

 

Девства водами очищенна, преподобная, мученичества кровьми, Анастасие, венчавшися, подаеши сущим в нуждах недугов исцеление и спасение, приступающим от сердца, крепость бо тебе подает Христос, источая благодать приснотекущую.

 

КАНОН

 

(Святой преподобномученице Анастасии Римляныне)

 

Тропарь, глас 4-й

 

Агница Твоя, Иисусе, Анастасия зовет велиим гласом: Тебе, Женише мой, люблю, и Тебе ищущи страдальчествую, и сраспинаюся, и спогребаюся крещению Твоему, и стражду Тебе ради, яко да царствую в Тебе, и умираю за Тя, да и живу с Тобою. Но яко жертву непорочну приими мя с любовию пожершуюся Тебе. Тоя молитвами, яко милостив, спаси души наша. (Дважды.)

Слава, и ныне: Еже от века утаенное и Ангелом несведомое таинство, Тобою, Богородице, сущим на земли явися Бог, в неслитном соединении воплощаемь, и Крест волею нас ради восприим, имже воскресив первозданнаго, спасе от смерти души наша.

 

 

Канон, глас 8-й

 

Песнь 1

 

Ирмос: Поим Господеви, проведшему люди Своя сквозе Чермное море, яко един славно прославися.

 

Припев: Святая преподобномученице Анастасие, моли Бога о нас.

 

Сию светоносную память твою почитающему, богомудрая, просвещение ми подаждь, души моея тьму отгонящи.

 

Святая преподобномученице Анастасие, моли Бога о нас.

Всю от пелен тебе самую возложила еси Зиждителю твоему, и огнем воздержания телесныя страсти попалила еси.

Слава: К высоте мучения, мученице, возшла еси, непощадевши плоти, и чертогов мысленных, яко дева, сподобилася еси.

И ныне: Тя, небомерную лествицу, на нейже Бог утвердися, человеки небесны соделав, Отроковице, почитаем.

 

Моли Бога о нас, святая преподобномученице Анастасие, яко мы усердно к тебе прибегаем, скорой помощнице и молитвеннице о душах наших. (Поклон.)

 

 

Песнь 3

 

Ирмос: Ты еси утверждение притекающих к Тебе, Господи, Ты еси свет омраченных, и поет Тя дух мой.

 

Святая преподобномученице Анастасие, моли Бога о нас.

 

Стояла еси пред судищем мучителя, Христа, славная, Творца всех и Владыку, Бога Слова проповедающи.

 

Святая преподобномученице Анастасие, моли Бога о нас.

 

Доброта сердечная видимым зраком, славная, издавшися, тя краснейшую зрящим явила есть.

Слава: Богатство неистощимо исцелений тебе подаде, отроковице, Христос, Егоже нищету вольно возлюбила еси.

И ныне: Вещь грехов моих Твоих молитв огнем попали, Мати Света, росу ми божественную оставления носящи.

 

Моли Бога о нас, святая преподобномученице Анастасие, яко мы усердно к тебе прибегаем, скорой помощнице и молитвеннице о душах наших. (Поклон.)

Господи помилуй. (Трижды.)

 

Седален, глас 8-й

 

Воздержания росою страстей погасила еси пламень юношески, огнем же кровей твоих всю прелесть попалила еси и Жениху Слову, яко дар, принесла еси честное девство и доблественное страдание. Темже в чертог введе тя славы, светле добльствовавшую и змия поправшую, Анастасие многострадальная, моли Христа Бога грехов оставление подати чтущим любовию святую память твою.

Слава, и ныне: Яко Деву и едину в женах, Тя безсеменно рождшую Бога плотию, вси ублажаем роди человечестии, огнь бо вселися в Тебе Божества, и яко Младенца доиши Зиждителя и Господа. Темже ангельский собор и человеческий род достойно славим всесвятое Рождество Твое, и согласно вопием Ти: моли Христа Бога, прегрешений оставление даровати, достойно поющим славу Твою.

 

 

Песнь 4

 

Ирмос: Услышах, Господи, смотрения Твоего таинство, разумех дела Твоя, и прославих Твое Божество.

 

Святая преподобномученице Анастасие, моли Бога о нас.

 

Тя, иго легчайшее Христово, мученице, понесшую от юности, железное уже носити пребеззаконнующии осудиша.

 

Святая преподобномученице Анастасие, моли Бога о нас.

 

Капли кровей твоих многобожия угасиша углие, лучи же чудес твоих страстей вещь попалиша.

Слава: Не обнажи благодати, тело твое обнажив лукавнейший, исткану же паче свыше нераздрану ризу исходатаи тебе.

И ныне: По рождестве пребыла еси нетленна Дева, якоже прежде рождества, юна бо Младенца родила еси, прежде век познаваема.

 

Моли Бога о нас, святая преподобномученице Анастасие, яко мы усердно к тебе прибегаем, скорой помощнице и молитвеннице о душах наших. (Поклон.)

 

 

Песнь 5

 

Ирмос: Утренююще, вопием Ти: Господи, спаси ны, Ты бо еси Бог наш, разве Тебе иного не вемы.

 

Святая преподобномученице Анастасие, моли Бога о нас.

 

Не изнурена огнем вещественным явилася еси, мученице Анастасие, огнь бо тя сердечный божественныя любве орошаше.

 

Святая преподобномученице Анастасие, моли Бога о нас.

 

Удареньми лица, мученице Анастасие, украсившися, врагов отразила еси мерзское неразумие.

Слава: Протяжена на древе богомудрая Анастасие, любовию Жениха твоего, божественную страсть образовала еси.

И ныне: Поем Тя, всепетая Владычице Богородице, Бога, бо препетаго плотию родила еси, Пречистая.

 

Моли Бога о нас, святая преподобномученице Анастасие, яко мы усердно к тебе прибегаем, скорой помощнице и молитвеннице о душах наших. (Поклон.)

 

 

Песнь 6

 

Ирмос: Ризу мне подаждь светлу, одеяйся светом, яко ризою, многомилостиве Христе, Боже наш.

 

Святая преподобномученице Анастасие, моли Бога о нас.

 

Сокрушаемо тело ранами являше правость твоея совести, страстотерпице, ко Христу Богу нашему.

 

Святая преподобномученице Анастасие, моли Бога о нас.

 

Висящи высоко, раны, мученице, терпящи, и не уязвлено хранящи души благородие, достохвальная.

Слава: Претерпела еси зубов и рук и ног отъятие, мученице многострадальная, взирающи ко Христу, Жениху твоему.

И ныне: Человеколюбца рождши, Бога, благолюбивая Владычице, Того моли геенны огня избавитися нам.

 

Моли Бога о нас, святая преподобномученице Анастасие, яко мы усердно к тебе прибегаем, скорой помощнице и молитвеннице о душах наших. (Поклон.)

 

Господи помилуй. (Трижды.) Слава, и ныне.

 

 

Кондак, глас 3-й

 

Девства водами очищенна, преподобная, мученичества кровьми, Анастасие, венчавшися, подаеши сущим в нуждах недугов исцеление и спасение, приступающим от сердца, крепость бо тебе подает Христос, источая благодать приснотекущую.

 

 

Песнь 7

 

Ирмос: Отроцы еврейстии в пещи попраша пламень дерзновенно, и на росу огнь преложиша, вопиюще: благословен еси, Господи Боже, во веки.

 

Святая преподобномученице Анастасие, моли Бога о нас.

 

Шум гласа празднующих идеже есть ликуеши, страстотерпице, с девами, Богу Зиждителю песнопоющи: благословен еси, Господи Боже, во веки.

 

Святая преподобномученице Анастасие, моли Бога о нас.

 

Уды сокрушаемы зрящи и ногтей истерзание терпящи, принеслася еси Богу жертва, песнопоющи: благословен еси, Господи Боже, во веки.

Слава: Явилася еси, яко лоза, богомудрая, руце и нозе, яко ветви, режемы, и нам мысленно вино источающи, сердца утешающее, и страстей отревающее пиянство.

И ныне: Во всего человека облекся Нескверный кроме греха, из утробы Твоея, Чистая, пройде Плотоносец, Егоже умоли, верою Тя чествующия спасти.

 

Моли Бога о нас, святая преподобномученице Анастасие, яко мы усердно к тебе прибегаем, скорой помощнице и молитвеннице о душах наших. (Поклон.)

 

 

Песнь 8

 

Ирмос: Седмерицею пещь халдейский мучитель богочестивым неистовно разжже, силою же лучшею спасены сия видев, Творцу и Избавителю вопияше: отроцы, благословите, священницы, воспойте, людие, превозносите во вся веки.

 

Святая преподобномученице Анастасие, моли Бога о нас.

 

Юношески добльствовавши, страстоносице всехвальная, и на прелесть воздвигла еси победы, рук бо лишения и ног терпела еси, сосцев же и зубов твоих искоренение, мученице, претерпела еси, в радости песнопоющи: людие, превозносите Христа во веки.

 

Святая преподобномученице Анастасие, моли Бога о нас.

 

Всесветла, яко солнце, девства светлостьми, и мучения добротами облистала еси, и мир просветила еси светолучными сиянии твоего терпения, страстотерпице, вопиющи: отроцы, благословите, священницы, воспойте, людие, превозносите Христа во веки.

Слава: Оскверненную страстьми душу мою, богоневесто, и очерненную прилоги змия твоими мольбами от лютых очисти, и светлым осенением твоим, мученице Анастасие, озари вопити: священницы, пойте, людие, превозносите Христа во веки.

И ныне: Тя, Чистую и Непорочную, дева желающи, непорочно и тело и душу соблюде, страстей подпаления терпением испепеливши, искушение же многих претерпевши мук, и ныне в небесных чертозех ликует с Тобою, веселящися во вся веки.

 

Моли Бога о нас, святая преподобномученице Анастасие, яко мы усердно к тебе прибегаем, скорой помощнице и молитвеннице о душах наших. (Поклон.)

 

 

Песнь 9

 

Ирмос: Ужасеся о сем небо, и земли удивишася концы, яко Бог явися человеком плотски, и чрево Твое бысть пространнейшее небес. Тем Тя Богородицу, Ангелов и человек чиноначалия величают.

 

Святая преподобномученице Анастасие, моли Бога о нас.

 

На древе повешена была еси, Слова Божия образующи страсть блаженную, и отсечение терпела еси рук твоих и ног, зубов искоренение, языка же отрезание и сосцев, чистая Анастасие, монашествующих славо и мучеников украшение.

 

Святая преподобномученице Анастасие, моли Бога о нас.

 

Яко невеста, украсилася еси добротою, обручившися Жениху страданьми добротворными, внутрь же чертогов световидных, яко избранная, вселилася еси, носящи свещу девственную. И ныне царствующи с Живущим во веки, Анастасие, сияющи.

 

Святая преподобномученице Анастасие, моли Бога о нас.

 

Искапают болезни твоя сладость, греха горесть отъемлющу; рака же точит исцелений реки и потопляет вся страсти и недуги лютыя, в славу Спасову, честная Анастасие, иже по достоянию тя славят.

Слава: Доблествоваша жены, Твоим крестом укрепльшеся, Христе всесильне, и вражию главу многокозненную мужески, Слове Божий, сокрушиша, и рая радостно селение получивше, обожение прияша дивное, воспевающе Тя.

И ныне: Понесшаго Тя плоть от Жены, яко позна мученица Твоя, Господи, девственными украшена лучами, и мучения кровию обагрена, Тебе Богу, во след Матере Твоея, славно приведеся, яко царствующему тварию.

 

Моли Бога о нас, святая преподобномученице Анастасие, яко мы усердно к тебе прибегаем, скорой помощнице и молитвеннице о душах наших. (Поклон.)