Песчанская икона Божией Матери
(8 / 21 июля; 22 октября / 4 ноября)
Образ Божией Матери, называемый Песчанский, был явлен великому русскому святителю Иоасафу, епископу Белгородскому. В год своей блаженной кончины (1754) святитель Иоасаф объезжал епархию, и накануне выезда из Белгорода ему был сон: будто бы он осматривал церкви и в одной из них в притворе на куче мусора увидел икону Богоматери с младенцем с светлым сиянием, от нее исходящим; и раздался глас: Смотри, что сделали с ликом Моим служители сего храма. Образ Мой назначен для страны сей источником благодати, а они повергли его в сор.
По прибытии в г. Изюм Харьковской губернии, епископ посетил Воскресенскую церковь и с изумлением обнаружил в ней икону, увиденную во сне. Икона находилась в небрежении и служила в притворе перегородкой, за которую ссыпали уголь для кадила. По святительскому повелению икона была помещена в большой киот и поставлена в подобающее место. Более трех дней прожил святитель Иоасаф в Изюме, и ежедневно утром и вечером приходил он в Воскресенскую церковь и молился перед образом Божией Матери.
В 1792 году Воскресенская церковь была перенесена из Замостья в более высокую местность на Пески, куда была и отправлена икона, привлекавшая все более и более почитание и благовение прихожан и окрестных жителей.
Около 1800 года в Изюме жил учитель местного училища Стефан Гелевский, у которого умирали дети; наконец, заболел и последний, сын Петр. Не теряя надежды на милость Божию, родители дали обещание отслужить молебен перед образом Божией Матери на Песках. По дороге в Вознесенский храм сын их умер. Мать хотела возвратиться назад, но отец настоял на исполнении данного обета. Никому не сказав о смерти ребенка, они во время молебна со слезами умоляли Божию Матерь стать их утешительницей. И по вере их чудо совершилось! При чтении в третий раз кондака “О Всепетая Мати...” дитя, до тех пор бездыханное, вдруг вскрикнуло так сильно, что привело в ужас всех присутствующих; отец же и мать лишились чувств. Придя в себя, они рассказали, как сын их умер дорогою, но пред иконой ожил по ходатайству Царицы Небесной. Младенец их поправился, вырос и жил потом в Санкт-Петербурге до преклонных лет.
Естественно было ожидать, что слух о таком необыкновенном случае быстро распространится. К чудотворной иконе стали стекаться толпы богомольцев, переполняя не только Воскресенскую церковь, но и ограду, так что священник не успевал служить молебны. Со стороны благочинного соборного протоиерея Иоасафа Погорлевского последовало запрещение на молебные пения пред Песчанскою иконою. Вскоре протоиерей Погорлевский заболел мучительной болезнью: судорогами жил и корчами всех членов. Осознав свою вину и раскаявшись, Погорлевский был вынужден просить прощения и исцеления своей болезни у Пресвятой Богородицы, когда его разбитого и больного принесли на простынях и положили пред Песчанской иконой. По окончании молебна он почувствовал облегчение, а через несколько дней выздоровел и более не воспрещал молебных пений пред чудотворным образом.
В дальнейшем весь 19 век был ознаменован помощью и многими чудесными исцелениями, совершающимися у Песчанского чудотворного образа Матери Божией. Так в 1830 г. после молебна и крестного хода с Песчанской иконой была остановлена эпидемия холеры в г. Изюме и его окрестностях. Известны случаи прозрения слепых, исцеления тифозных и раковых больных, припадочных и параличных. Замечателен случай чудесного исцеления жены титульного советника Юлии Петровны Живкович, происшедшем в 1901 г. Живкович около трех лет страдала параличом ног, причем левая нога была искривлена и как бы омертвелая, обе ноги висели, как отрубленные, вследствие чего она не могла ни стоять, ни ходить, а ее носили и возили в кресле. Она обращалась к известным докторам, лечилась у проф. Бехтерева и врача Побитовского, но все впустую. Оставив лечение, она возвратилась в свое имение в Харьковской области. Сюда и была привезена по просьбе Живкович Песчанская икона. Во время молебна с акафистом больная ощутила толчок в левую руку и смогла двигать левой ногой. После молебна, она, вставши с кресла, смогла подойти к образу и с благоговением приложилась к нему, воскликнув затем со слезами радости: “Я встала, я пошла, я стою сама!” Неожиданно стол, на котором стояла икона (весом с киотом более 3 пуд.), разломился, икона со сильным стуком стала на полу, не разбившись. Исцелевшая поворотилась на стук от удара иконы, подошла к ней и сделала земной поклон! После чего она, слегка поддерживаемая, смогла обойти все комнаты.
Божия воля была на то, чтобы чудотворный Песчанский образ пришел на помощь России в один из тяжких моментов ее истории, в самый разгар Первой Мировой войны, и был... отвергнут.
Святитель Иоасаф Белгородский в 1914 г. явился в видениях одновременно одному благочестивому старцу, живущему в с. Песках, и полковнику О., бывшему тогда на фронте. Святитель повелел доставить Песчанскую икону Божией Матери на фронт вместе с Владимирским образом - материнским благословением святителя на иночество, и пока они там будут находиться, до тех пор милость Господня не оставит Россию. Матери Божией угодно пройти по линиям фронта и покрыть его своим омофором от нападений вражеских. Также было сказано, что теперь только одна Матерь Божия могла помочь людям и замолить грехи их у Престола Всевышнего и спасти Россию. После долгих мытарств полковник О. смог добраться до столицы и отыскал в ней Братство Святителя Иоасафа Белгородского, деятельные члены которого протоиерей А.И.Маляревский и князь Н.Д.Жевахов поверили его взволнованному рассказу. Добившись личного распоряжения государыни Александры Феодоровны, князь Жевахов отвез иконы в ставку. Многолюдные крестные ходы сопровождали путь поезда из Харькова. И совсем по иному были встречены иконы в Могилеве: крестного хода не было, Государю о прибытии проезда из Харькова не докладывали, а князю было заявлено, что в ставке некогда заниматься пустяками. Однако, короткая встреча князя Жевахова с Государем произошла, после чего иконы были оставлены в ставке на несколько месяцев до конца 1915 г., но крестного хода с ними по линиям фронта не состоялось. Князь Жевахов в последствии писал, что во время пребывания икон в ставке поражений на фронте не было, а наоборот, одерживались одни победы.
С первой волной русского рассеяния чудотворный Песчанский образ был переправлен за рубеж и вскоре исчез.
И все же в конце 20 столетия во исполнение воли Божией Матери крестный ход с Песчанской иконой состоялся. Летом 1999 г. Песчанский образ (список) был пронесен над просторами нашей родины на самолете вместе с другими иконами, среди которых была и Державная икона Божией Матери.
Один из списков Песчанской иконы Божией Матери находится в Санкт-Петербурге в часовне святителя Иоасафа Белгородского при детской инфекционной больнице № 3 (23-я линия Васильевского острова, 16).
АКАФИСТ
Кондак 1
Взбранная Воеводо, всего мира Утешительнице и Надеждо спасения рода христианского, к Тебе припадаем во вся дни жизни нашея, яко к источнику всех духовных дарований, и молим Тя: услыши нас, вопиющих к Тебе в часы дневныя и нощныя, в болезнех и скорбех, в нуждах и напастех, всегда в радости зовущих: Радуйся, Владычице мира, иконою Твоею Песчанскою сердца наша утешающая.
Икос 1
Ангелом предстателем наченши, восхваляет Тя, Матерь Божию, вселенная вся, яко Ты еси свет просвещения разума нашего, посредница наша между нами и Богом, Твоя Матерния молитвы много могут пред Престолом Вседержителя, Ты десницею Своею приводиши нас от земли к небеси, Ты неизглаголанное и непостижимое спасения нашего сокровище, и сего ради не вемы, грешнии, киими похвалами воспети благодарная Тебе, приими же от благих сердец величания сия:
Радуйся, в райской сладости всегда пребывающая;
Радуйся, таковые радости всем желающая.
Радуйся, любящих Сына Твоего чады Своими именующая;
Радуйся, милосердия Божия нам Ходатаице.
Радуйся, о продлении жизни на земли Сына Своего умоляющая;
Радуйся, за умерших всех без покаяния выну скорбящая.
Радуйся, со ангелом хранителем Хранительнице наша усердная;
Радуйся, на страшнем суде Сына Твоего едина надеждо на спасение наше.
Радуйся, Владычице мира, иконою Твоею Песчанскою сердца наша утешающая.
Кондак 2
Видиши, о Преблагословенная Мати Божия, како велико беззаконие рода человеческаго, и того ради попусти Господь на землю и живущия на ней глады, моры, трусы, сухости и потопления. Ты же, Всемилостивая, умоли Всеблагаго Бога, да удалит от рода сего фараонитское жестокосердие, и да будет он покорен деснице Господней, да приидет в совершенное покаяние, возопив Ему согласно: Аллилуиа.
Икос 2
Разумом совершенным небеснаго вестника Гавриила, благовествующаго Тебе волю Божию, яко Тебе единей быти блаженней в женах, восприяла еси, Мати Божия. Та же предрекла еси, яко ублажати Тя будут вси роди, и от того часа возопиют Тебе святое хваление сицевое:
Радуйся, от Превечнаго Бога всего мира избранная Отроковице;
Радуйся вместилище, Спасителя Бога во утробу Свою приемшая.
Радуйся, Матерью Того от Господа наименованная;
Радуйся, от тогоже времене весь мир Богоматернею любовию покрывающая.
Радуйся, живых надеждо и усопших упование в страшный час суда Божия;
Радуйся, к страшному ответу за жизнь нашу нас приуготовляющая.
Радуйся, от рождества до разлучения души от тела нашего нас не оставляющая;
Радуйся, Поборнице наша на рати злобных сил поднебесных.
Радуйся, Владычице мира, иконою Твоею Песчанскою сердца наша утешающая.
Кондак 3
Сила Вышняго спасе мир от потопления греховнаго воплощением от Тебе Сына Божия, Царице Небесная, ибо враг рода нашего диавол восхоте погубити в отчуждении от истиннаго Бога весь род человеческий, в беззаконии и идолослужении ходити поучая. Господь же разруши сети его посланием в мир Сына Своего Единороднаго, и Тя, Матерь Чистую, дарова нам, да побеждена будет сила вражия и да обратятся вси людие к Творцу своему Богу, вопиюще: Аллилуиа.
Икос 3
Имуще таковую Посредницу спасения нашего, молящеся не престаем взывати к Тебе: буди же нам ограждение и стена крепка и необоримая, сохрани нас в вере православной отеческой во вся дни жизни нашея, научи ны покорству чад Церкве Сына Твоего, юже стяжа Христос Кровию Своею честною. Сподоби нас благодарными быти Богу за великия милости Его, научи исполняти заповеди Его и уставы святоотеческия, направляющи нас, Всеблагая, на путь спасения. Избави от греха и гнева Божия, за еже воспевати Тебе благодарения таковая:
Радуйся, неусыпающая Молитвеннице и Ходатаице наша пред Престолом Божиим;
Радуйся, на небесех царствующая и нас доле не оставляющая.
Радуйся, всех радостей неисчерпаемый источниче;
Радуйся, сокровище, жизнь нашу услаждающее.
Радуйся, недремлющая, нас же спящих сохраняющая;
Радуйся, на труды дневныя нас благословляющая.
Радуйся, благодарения Богу приносити нас научающая;
Радуйся, во дни праздников на путь к храму Божию стопы наша направляющая.
Радуйся, Владычице мира, иконою Твоею Песчанскою сердца наша утешающая.
Кондак 4
Бурю внутрь имеюще помышлений спасительных, слышаша людие, окрест живущии, о велицей силе благодатней, исходящей от иконы Богоматере во граде Изюме, притекоша, припадающе ко образу с радостию великою, яко к Самей сущей Царице Небесней, имуще надежду на Тя, Пречистая, и в веселии сердец возопиша Богу: Аллилуиа.
Икос 4
Слышаша людие вси, яко верный Богу и Тебе, Богоматери, служитель Твой святитель Иоасаф, узрев в сне икону Твою, в неведомом храме в сорном месте лежащую, и лучезарное сияние из нея исходящее, потщася воспоминанием чуднаго видения направити стопы своя на путь искания святыни сея во всей обширной епархии своей. Егда же града Изюма достиже, вшед в церковь, виде икону Твою, Богомати, в притворе угли кадильныя ограждающую, и абие воспомянул есть нощное видение, и благодать от нея исходящую ощути, пад на колена, пред нею сице моляся: прости, Царице Небесны, небрежность твоих служителей, не ведят бо, чесо творят. Тебе же во умилении сердца возопи таковая:
Радуйся, икон Своих чудотворных Хранительнице усердная;
Радуйся, в сонных видениих от икон Своих многим силу благодатную показующая.
Радуйся, ветхи иконы лучезарным сиянием обновляющая;
Радуйся, христианом, в бедах сущим, ко святым иконам Твоим обращатися повелевающая.
Радуйся, неусыпающая Молитвеннице и Ходатаице наша пред Престолом Божиим;
Радуйся, святителя Иоасафа от ранния юности возлюбившая.
Радуйся, емуже чудотворную силу в иконе Твоей Песчанской открывшая;
Радуйся, первыя его моления пред святынею сею приявшая.
Радуйся, сокровище в храме Вознесения Сына Твоего иконою Твоею явившая;
Радуйся, Владычице мира, иконою Твоею Песчанскою сердца наша утешающая.
Кондак 5
Яко боготечную звезду, людие изюмстии икону Твою от рук святителя восприемше, потщашася новый храм Богу устроити. И бысть между создательми его распря на время некое: из загробнаго же мира умершая жена некоего богатаго помещика, трищи являющися мужу своему в сонном видении, повеле ему оставити скупость свою, еяже ради погибель души его бысть, и соорудити храм на богатство свое. Он же со страхом прият вразумление свыше, созда храм в честь Вознесения Сына Твоего, Пречистая, и в веселии сердца возопи Богу: Аллилуиа.
Икос 5
Видев исполнение Промысла Божия на себе во обретении святыни Песчанския, пребысть святитель Иоасаф во граде Изюме три дни и три нощи, по всяк час вознося в церкви благодарственное молебное пение пред Пречистым образом Богоматере, за еже удостоися чуднаго видения и глас слышати: сею иконою Пресвятая Владычица являет особое знамение Своего заступничества граду сему и страны целыя, чесо ради Богородице возопиим:
Радуйся, мира неиссякаемый источниче;
Радуйся, сердца наша неизреченною радостию наполняющая.
Радуйся, надежду имущих на Тя не посрамляющая;
Радуйся, иконам Своим силу чудодействовати дарующая.
Радуйся, земных и малодушных нас не оставляющая;
Радуйся, печаль житейскую от сердец наших прогоняющая.
Радуйся, безродных сирот заступающая Своим Покровом и благодатно сохраняющая;
Радуйся, райскою радостию души наша озаряющая.
Радуйся, Владычице мира, иконою Твоею Песчанскою сердца наша утешающая.
Кондак 6
Бысть некий учитель во граде Изюме, у негоже младенцы друг за другом умираша. Егда же последний бысть одержим болезнию велией, вземше родители его и несоша к иконе Твоей, Богомати, имуще едину надежду на Тя. Еще же на пути им сущим, конец постиже младенца сего. Родители же его, имуще великую веру Тебе, Пречистая, положиша младенца умершаго пред иконою Твоею. Во время же пения молебнаго начаша со слезами и воплем горьким взывати: Мати Божия, помози нам, спаси чадо наше. Ты же, Всемилостивая, видящи твердую веру их и упование на Тя, возвратила жизнь младенцу. Тогда же и людие, окрест стоящии, в радости неизреченной прославляху Тя, Пречистая, и Вседержителя Господа хваляху песнию: Аллилуиа.
Икос 6
Возсия икона Твоя чудотворная, Богомати, егда была принесена в новый созданный храм. Людие вернии стекахуся со всех стран жилищ своих и наполняху не толико храм, но и ограду, и в радости духовной взываху Ти сице:
Радуйся, первейшая Помощнице в создании храма нашего;
Радуйся, обогатившая оный иконою Твоею чудотворною.
Радуйся, поклонения наша приемлющая;
Радуйся, твердое основание упования нашего.
Радуйся, град наш Покровом Твоим присно покрывающая;
Радуйся, неусыпная Попечительнице наша.
Радуйся, Богоматернею любовию нас согревающая;
Радуйся, на всякий час в молитвах нас приемлющая.
Радуйся, Владычице мира, иконою Твоею Песчанскою сердца наша утешающая.
Кондак 7
Хотящи явити ко всем приходящим милосердие Свое и гнев Свой на служителя олтаря Господня, иже во искушение впад от врага рода человеческаго, завистию мучим, дерзнув запрети молебное пение Царице Небесней пред иконою Ея всем жителем, в весех живущим; егда принесоша его на одре и положиша пред чудотворным образом, нача молити Богородицу: Мати Милосердная, прости ожесточения сердца моего и воздвигни от одра болезни. По скончании же пения молебнаго, исцеление восчувствовав, востав, облобыза честный образ, со слезами благодарне вопия Богу: Аллилуиа.
Икос 7
Новое показа чудо Царица Небесная, егда во время пения “О Всепетая Мати” воскресшему младенцу уста откры и повелела еси ему гласом воздати хвалу Тебе. Вси же, зряще знамение сие, во умилении сердечнем возопиша Тебе тако:
Радуйся, умерших оживление;
Радуйся, рыдающих родителей увеселение.
Радуйся, чудесами от иконы Твоея к Себе призывающая;
Радуйся, безнадежных Надеждо крепкая.
Радуйся, Подательнице утешения унывающим;
Радуйся, в скорбех сущих приемлющая.
Радуйся, у Сына Твоего и Бога нашего всяких благ нам испрошающая;
Радуйся, всю жизнь нашу земную во благо нас устрояющая.
Радуйся, Владычице мира, иконою Твоею Песчанскою сердца наша утешающая.
Кондак 8
Странно и сумнительно неверующим слышати, о Преславная Мати Царя Небеснаго, како на Твой святый образ вернии людие очима своима и умиленными душами взирающе, и от скорбей избавляются, и от бед сохраняются. Буди же нам, Всеблагая, Ходатаица о спасении нашем, да вечно славим Тя со всеми небожители, вопиюще песнь: Аллилуиа.
Икос 8
Вся бывши горе и земных не оставляеши, о Всеблагая и Всемилостивая Мати Божия; Ты, якоже и Сын Твой, не хощеши смерти грешника, но еже обратитися и живу ему быти. За таковую Твою милость взываем вси Тебе:
Радуйся, иереев Божиих вразумление;
Радуйся, временно наказующая и вечно милующая.
Радуйся, в болезнех сущих к Себе призывающая;
Радуйся, истинному покаянию научающая.
Радуйся, надежду имущих на Тя никогдаже посрамляющая;
Радуйся, разслабленным телом и духом скорое врачевание подавающая.
Радуйся, во всякой беде и нужде нас не оставляющая;
Радуйся, Владычице мира, иконою Твоею Песчанскою сердца наша утешающая.
Кондак 9
Всякое естество ангельское удивися о неописуемом мори чудес, изливаемом от икон Твоих, Богородице; Тебе ублажают вси роди, Тебе величают вся небесныя силы, и мы, земнороднии, Тебе едину отраду и утешение в жизни сей временней прославляюще, Тебе и Сыну Твоему вопием: Аллилуиа.
Икос 9
Ветии многовещаннии явишася людие, обретше помощь в велицем озлоблении своем, егда за беззакония их Господь попусти велицей болезни во граде Изюме быти и во всех весех его, и множество людей погибоша. Страх же нападе на всяк возраст. Темже взяша Пречистый образ Твой, несоша его освящения ради улиц и домов, с молитвою слезною взывающе: о Всеблагая Целительнице, спаси нас от смерти лютыя. Ты же, Всемилостивая, укротила бурю смертную, люди же научила еси благодарственно воспевати Богу славу подобающую. Тебе же Самой взывали сице:
Радуйся, слезы наша изсушающая;
Радуйся, бездно врачеваний неистощимая.
Радуйся, радость в храмины наша приносящая;
Радуйся, родителей милующая и детей сохраняющая.
Радуйся, веселие вечное нам уготовляющая;
Радуйся, с нами присносущая.
Радуйся, в земном уделе нас не оставляющая;
Радуйся, к небесному наследию нас руководствующая.
Радуйся, Владычице мира, иконою Твоею Песчанскою сердца наша утешающая.
Кондак 10
Спасти хотящи люди своя от зол многих, даровала еси икону Твою, Владычице, слепым в прозрение, хромым в хождение, расслабленным в возстание, беснующимся в исцеление, гордым в смирение, нераскаянным в покаяние, всем коегождо недуга исцеление, зол и скорбей и болезней отгнание, градов утверждение, земли плодоносие, за няже никтоже от земнородных возможет восхвалити Тя по достоянию, по величеству милости Твоея к роду человеческому. Мы же, любовию понуждаеми, дерзаем взывати Богу, усыновившему нас Тебе при Кресте Своем и даровавшему нам таковую Путеводительницу на небо: Аллилуиа.
Икос 10
Стена еси всем прибегающим к Тебе, Дево, всегда являешися и почитателю иконы Твоея Игнатию, имевшему благое намерение посетити святый град Иерусалим и Святую Землю, юже освяти Господь стопами Своими; Помощница еси явилася, егда той пад пред образом Твоим, прошаше на путь благословения и помощи Твоея. Ты же, Всещедрая, неотложно чрез рабу некую обильную помощь денежную подала еси ему, да исполнит благое желание свое. Он же умиленною душею вознесе Тебе благодарственное хваление сицевое:
Радуйся, добрая намерения благословляющая;
Радуйся, на путь к Царствию Небесному наставляющая.
Радуйся, спасительною истиною нас вразумляющая;
Радуйся, к благочестию и целомудрию жизнь нашу направляющая.
Радуйся, на опасных путех нас охраняющая;
Радуйся, от соблазнов мира сего мудро отводящая.
Радуйся, от погибельнаго пути сохраняющая;
Радуйся, посещающих святая места и различныя святыни обильно благословляющая.
Радуйся, Владычице мира, иконою Твоею Песчанскою сердца наша утешающая.
Кондак 11
Пение хвалебное благодарственное приносяще Тебе, Владычице, вемы, каковую скорбь приносим, грешнии, Сыну Твоему отступствы своими, маловерием, суеверием и прочим зловерием. Молити убо Тебе, Всемилостивая, не престаем: Своим предстательством и ходатайством пред Престолом Божиим соедини нас во Святей Соборней и Апостольской Церкви, да будут вси едино, якоже Отец, Сын и Святый Дух. Да в единстве веры воспеваем Богу: Аллилуиа.
Икос 11
Яко светоприемную свещу, явила еси, Владычице, икону Твою во граде сем Изюме, источник благодатныя воды открыла еси близ храма Сына Твоего, идеже икона Твоя чудотворная Песчанская пребывает, слепорожденному младенцу прозрение от нея даровала еси, за еже людие от времене того почерпают благий дар сей на пользу душевную и телесную. Тебе же Самой Владычице от усердия своего взывают:
Радуйся, жизни нашея укрепление;
Радуйся, водою святою немощи наша врачующая.
Радуйся, почерплющим ея силы обновляющая;
Радуйся, беззакония наша истребляющая.
Радуйся, с верою приемлю-щим исцеление недугов подавающая;
Радуйся, неистощимый кладезю сокровищ духовных.
Радуйся, скверну нечистоты нашея умывающая;
Радуйся, чудотворною силою водный источник доныне сохраняющая.
Радуйся, Владычице мира, иконою Твоею Песчанскою сердца наша утешающая.
Кондак 12
Благодать исходит всегда, Пречистая, от иконы Твоея Песчанския; яко непобедимая Воевода на враги наша видимыя и невидимыя, нечистыя духи прогоняеши, враждующия миром и любовию умудряеши, непокорныя наказуеши, раздоры семейныя соузом любве связуеши, неведущия и неверующия на путь истинный наставляеши, мы же, прославляюще Тя, Всеблагую Помощницу в жизни нашей, благодарно воспеваем Богу: Аллилуиа.
Икос 12
Поем Твое из древних времен дивное защищение Отечества нашего, егда постигоша его глады и моры, огнь и опустошение, нашествия иноплеменных и междоусобныя брани. У Тебе, Владычице, отцы и матери, и малая дети со слезами помощи прошаху, Ты же, Всеблагая, спасение даровала еси неотложно: покрыла Покровом Своим Отечество наше. Мы же Тебе, Избавительнице нашей, вопием сие благодарение и похвалы сицевая:
Радуйся, правоверных верная Хранительнице;
Радуйся, правыя брани Споборнице.
Радуйся, христианских обителей и всех святынь Хранительнице;
Радуйся, о Отечестве нашем пред Богом Молитвеннице.
Радуйся, Отечества нашего Небеснаго Зиждительнице;
Радуйся, во времена нашествия иноверных наша Свободительнице.
Радуйся, во время глада наша Кормительнице;
Радуйся, во время бедствий нас не оставляющая.
Радуйся, Владычице мира, иконою Твоею Песчанскою сердца наша утешающая.
Кондак 13
О Всепетая Мати, приими от нас благодарное пение сие, Тебе возносимое. Буди нам в жизни сей Ходатаица пред Богом о жизни вечной, да выну благодарно восхваляем Тя и Богу поем: Аллилуиа.
(Этот кондак читается трижды, а затем икос 1 и кондак 1)
МОЛИТВА
О Премилостивая и Премилосердная Мати Божия, Покровительнице града нашего Изюма и страны нашея, купно же и всего мира Молитвеннице, приими коленопреклонение ума и сердца нашего и услыши молитвы, во умилении душ наших Тебе возсылаемыя, якоже издревле приимала еси и молитвы любящих душ зде, пред иконою Твоею возносимыя. Помози нам в побеждении прелестей и соблазнов мира сего, не попусти нам отверженным быти вечнаго небеснаго блаженства. Ты едина наша радость и утешение в жизни сей временней, Ты едина наша надежда в жизни вечней. Веруем, яко Ты Своею Богоматернею любовию и снисхождением удостоиши нас с Собою вожделеннаго Царствия Сына Твоего. Тебе убо просим: не отступай от нас, Всеблагая, защищай от всех козней вражиих, не попусти нас чрез грехи наша лишитися милосердия Божия, изжени из нас леность в молитве и посещения храма Божия. Избави нас от малодушия, уныния, вражды, гнева, подозрения, зависти, клеветы, ненависти и гордости бесовския. Вразуми поправших заповеди Церкве Христовы. Сродником нашим даруй мир и любовь, да согласно поживут родители и дети. Да будет в стране нашей правда Божия, да сохранятся в народе нашем святоотеческия обычаи. Вознеси, о Всеблагая, усердныя молитвы пред Богом о всего мира умирении, да не погибнет род людский в пламени опустошения всемирнаго, да познают вси народи Отца своего Небеснаго и Тя, Матерь Божию, Заступницу рода христианскаго. Приведи вси народы к истинному покаянию и жизни греховныя исправлению, да не будет нам страшен день страшнаго суда Божия, но сподобит нас Господь с Тобою вечныя радости небесныя, Емуже подобает всякая слава, честь и поклонение, Отцу и Сыну и Святому Духу, ныне и присно и во веки веков. Аминь.
ТРОПАРЬ
Тропарь, глас 4
Люди верные со дерзновением притецем к Чудотворному Образу Богоматери Песчанской. Ибо Она дарует граду сему и стране нашей велию милость и спасение душам нашим.
Кондак, глас 8
Взбранной Воеводе и Покровительнице страны Российския, / многие чудеса от иконы Твоея предивныя приемше, / похвальная воспеваем Ти, Царице Богородице; / Ты же яко имущая благодать от всяких нас бед свобождати, / спаси души наша, да зовем Ти: // радуйся, Владычице мира, иконою Твоею Песчанскою сердца наша утешающая.
Фотография иконы: http://dic.academic.ru/dic.nsf/ruwiki/536568
