Блаженная Ксения Петербургская
(24 января / 6 февраля)
Блаженная Ксения Петербургская еще при жизни и на протяжении XIX-XX веков почиталась скорой помощницей и чудотворицей. Ради спасения и любви к ближним она взяла на себя подвиг казаться безумною. За свои труды, молитвы, пощения, странничества и претерпевание со смирением насмешек блаженная получила от Бога дар прозорливости и чудотворения. Ее часовня на Смоленском кладбище была испещрена благодарностями за содеянные чудеса по ее молитвенному предстательству.
На Поместном Соборе Русской Православной Церкви в июне 1988 года блаженную Ксению Петербургскую причислили к лику святых.
Блаженная Ксения родилась между 1719 и 1730 годами и свой спасительный подвиг несла в Петербурге. Мужем Ксении был певчий придворного хора Андрей Феодорович Петров. О детстве и юности блаженной ничего не известно, память народная сохранила лишь то, что связано с началом подвига юродства Ксении - внезапная смерть мужа, умершего без христианского покаяния.
Потрясенная этим страшным событием, 26-летняя вдова решила начать труднейший христианский подвиг - казаться безумною, дабы, принеся в жертву Богу самое ценное, что есть у человека - разум, умолить Создателя о помиловании внезапно скончавшегося супруга. Ксения отказалась от всех благ мира, отреклась от звания и богатства, и более того - от себя самой. Она оставила свое имя и, приняв имя супруга, прошла под его именем весь свой крестный путь, принеся на алтарь Божий дары всеспасительной любви к ближнему.
Когда в день похорон мужа Ксения надела на себя его одежду: камзол, кафтан, штаны и картуз и в таком костюме пошла провожать его гроб, родственники мужа и знакомые Ксении решили, что смерть Андрея Феодоровича помрачила ее сознание. Они весьма сожалели о ней. Ксения же, как потерявшая рассудок, утешала их говоря: "Андрей Феодорович не умер, но воплотился в меня, Ксению, которая давно умерла". Так началось ее скитание по улицам Петербурга.
Дом, оставшийся ей после смерти супруга, она решила подарить Параскеве Антоновой, снимавшей у нее комнату, имущество свое раздать бедным, деньги же снести в церковь за упокой души "рабы Божией Ксении".
Узнав о таком решении, родственники мужа подали прошение начальству умершего Андрея Феодоровича, прося не позволять Ксении в безумстве раздавать свое имущество. Однако после соответствующего обследования было вынесено заключение, что она совершенно здорова и вправе распоряжаться своим имуществом.
После этого блаженная Ксения раздала все, что имела, и в одном только мужнином костюме выщла на улицу на свое подвижническое странствие. Целыми днями бродила она по Петербургу, зимой и летом, в зной и стужу, подвергаясь всяческим нападкам и насмешкам. Ее странный костюм и невразуметельнные речи, ее кротость и незлобивость давали повод злым людям, особенно шалунам мальчишкам, глумиться над ней. Но блаженная Ксения, непрестанно молясь, безропотно несла свой спасительный подвиг.
К этому времени относится начало строительства новой каменной церкви на Смоленском кладбище. Воздвигнутое строение было уже весьма высоким, и каменщикам приходилось сначала поднимать кирпич на леса, а потом класть его в кладку. Блаженная Ксения решила тайно помогать строителям. Целыми ночами, в любую погоду, поднимала она кирпич и складывала его на лесах. Наутро рабочие только дивились случившемуся. Наконец они решили узнать, кто же их незримый помощник и, придя ночью на стройку, обнаружили, что это известная всей петербургской стороне "безумная" Ксения.
Мало-помалу наиболее чуткие христиане стали замечать, что Ксения не просто глупая побирушка, а есть в ней что-то особенное. Милостыню, которую ей предлагали, брала она не у каждого, но у людей добрых и сердечных. Всегда беря только копейку, она тут же отдавала ее таким же нищим, как и она сама.
После того как мужнина одежда от времени истлела, она стала одеваться зимой и летом в жалкие лохмотья, а на босых, распухших от мороза ногах, носила рваные башмаки. Многие предлагали ей теплую одежду и обувь, но блаженная не соглашалась ничего брать и неизменно одевалась либо в красную кофту и зеленую юбку, либо в зеленую кофту и красную юбку.
Днем Ксения, как безумная, бродила по городу, а на ночь, укрываясь от глаз людских, выходила за город, в поле, и там пребывала в молитве, попеременно кладя поклоны на все четыре стороны света. В поле, по ее словам, присутствие Божие было "более явственно".
Вскоре окружающие стали обращать внимание, что в ее словах и поступках часто кроется глубокий смысл. Замечали, если Ксения просила что-нибудь, это было знаком грядущей невзгоды или беды для того, у кого спрошено и, наоборот, если кому подавала, то получателя в скором времени ждала нечаянная радость.
Позднее, когда блаженная стала почитаться за прозорливицу, стоило ей появиться на улицах и рынках города, как всякий знавший ее предлагал ей свои услуги. Все наперебой упрашивали "Андрея Феодоровича" взять что-нибудь или отведать от предлагаемого товара, ибо подмечено было, если Ксения берет что-то у хозяина, торговля его бывает очень удачной.
Матери, завидя Ксению, спешили к ней со своими детьми с просьбой благословить или только погладить ребенка по голове, убежденные, что одно прикосновение блаженной исцелит его.
Своим великим смирением, подвигом духовной и телесной нищеты, любви к ближним и молитвою стяжала Ксения благодатный дар прозоливости. Этим своим даром многим она помогала в деле жизненного устройства и душевного спасения.
Известен случай, когда блаженная Ксения позаботилась о благе и спасении еще не родившегося младенца. Пришла она как-то к давнишней знакомой Параскеве Антоновой, которой подарила свой дом, и говорит: "Вот ты тут сидишь да чулки штопаешь, а не знаешь, что тебе Бог сына послал! Иди скорее на Смоленское кладбище!" Параскева была весьма смущена этой нелепицей, однако послушалась блаженную и пошла. У самого кладбища увидела она толпу народа и, подойдя, узнала, что какой-то извозчик сбил с ног беременную женщину. Здесь же на земле женщина родила мальчика, а сама скончалась. Все пытались узнать, кто это женщина и где ее родственники, но не преуспели в этом. Увидев в случившемся перст Божий, Параскева взяла мальчика к себе, усыновила и воспитала во всей строгости христианской жизни. Сын ее до глубокой старости содержал свою мать и весьма почитал ее. Параскева же благодарила Бога и рабу Божию Ксению за ее повеление принять на воспитание сына.
Блаженная Ксения подвизалась в подвиге юродства около 45 лет, можно утверждать, что она отошла ко Господу в самом начале девятнадцатого века.
Погребена была святая угодница Божия на Смоленском кладбище Петербурга, где в свое время помогала строить церковь во имя иконы Смоленской Божией Матери.
Со дня кончины блаженной прошло около двух веков, однако творимые по молитвам угодницы чудеса не иссякают и народная память о ней не исчезает.
В 1902 году над могилой блаженной Ксении построили новую часовню с мраморным иконостасом и надгробием. В настоящее время часовня отреставрирована и вновь открыта для доступа и молитвы.
АКАФИСТ
Кондак 1
Избранная угоднице и Христа ради юродивая, святая блаженная мати Ксение, избравшая подвиг терпения и злострадания, хвалебное пение приносим ти, чтущии святую память твою. Ты же заступи нас от враг видимых и невидимых, да зовем ти:
Радуйся, Ксение блаженная, молитвеннице о душах наших.
Икос 1
Равноангельского жития взыскала еси, блаженная мати, по успении мужа твоего отвергла еси мира сего красоту и вся, яже в нем: похоть очес, похоть плоти и гордость житейскую, юродством разум Христов стяжала еси. Того ради услыши от нас похвалы, тебе возносимыя:
Радуйся, житием твоим Андрею, Христа ради юродивому, равная;
Радуйся, имени своего отрекшаяся, себе же умершей именовавшая.
Радуйся, в юродстве имя мужа твоего Андрея приявшая;
Радуйся, именем мужеским назвавшись, немощи женской отрешившаяся.
Радуйся, все имение твое добрым людям и нищим раздавшая;
Радуйся, нищету добровольную Христа ради приявшая.
Радуйся, века сего суемудрия юродством твоим отвергатися нас научившая;
Радуйся, благая утешительнице всех, в молитве к тебе прибегающих.
Радуйся, Ксение блаженная, молитвеннице о душах наших.
Кондак 2
Видяще странное твое житие, яко презрела еси дом свой и всякое мирское богатство, родные по плоти безумною тя полагаху, людие же града Петрова, видя смирение твое, нестяжание и вольную нищету, воспели Богу: Аллилуиа.
Икос 2
Разум, от Бога тебе данный, ты, Ксение блаженная, в мнимом безумии скрыла еси; в суете града великого аки пустынница жила еси, молитвы Богу свои возносящи непрестанно. Мы же, дивящеся таковому житию твоему, взываем тебе хвалебно:
Радуйся, крест тяжкий юродства, от Бога тебе данный, на рамена своя приявшая;
Радуйся, мнимым безумием сияние благодати сокрывавшая.
Радуйся, дар прозорливости смирением крайним и подвигом молитвы стяжавшая;
Радуйся, дар сей на пользу и спасение страждущих являвшая.
Радуйся, страдания людския прозорливо в дали необозримей зревшая;
Радуйся, жене доброй о рождении сына прорекшая.
Радуйся, яко жене той у Бога чадо испросившая;
Радуйся, всех к Богу в молитве прибегати научившая.
Радуйся, Ксение блаженная, молитвеннице о душах наших.
Кондак 3
Силою свыше, от Бога тебе дарованною, зной и люту стужу мужественно претерпевала еси, распинающи плоть свою со страстьми и похотьми. Тем же Духом Святым просвещаемая, взывала непрестанно Богу: Аллилуиа.
Икос 3
Имущи, о блаженная, небо покровом себе, землю же ложем своим, отвергла еси плотоугодие Царства Божия ради. Мы же, зряще таковое твое житие, со умилением зовем ти:
Радуйся, жилище свое земное людям отдавшая;
Радуйся, небесного крова взыскавшая и получившая.
Радуйся, ничто же земное имущая, а всех духовно богатящая;
Радуйся, житием своим терпению нас научающая.
Радуйся, любовь Божию людям показующая;
Радуйся, плодами благочестия украшенная.
Радуйся, терпение и незлобие миру явившая;
Радуйся, теплая предстательница наша пред престолом Всевышнего.
Радуйся, Ксение блаженная, молитвеннице о душах наших.
Кондак 4
Бурю житейскую, во граде Петрове мятущуюся, кротостию и незлобием преодолела еси, блаженная мати, бесстрастие же к тленному миру стяжала еси. Тем же и поеши Богу: Аллилуиа.
Икос 4
Слыша о тебе, яко ты, злостраждущи Христа ради, скорбных утешаеши, немощных укрепляеши, заблудших на путь правый наставляеши, людие страждущии к помощи твоей прибегаху, воспевающе тебе:
Радуйся, путь Христов всем сердцем возлюбившая;
Радуйся, Крест Христов радостно понесшая.
Радуйся, всякое поношение от мира, плоти и диавола претерпевшая;
Радуйся, даров Божиих преисполненная.
Радуйся, любовь к ближним явившая;
Радуйся, страждущим людям утешение подававшая.
Радуйся, слезу плачущих отиравшая;
Радуйся, благодатию Духа Святаго чудесно согреваемая.
Радуйся, Ксение блаженная, молитвеннице о душах наших.
Кондак 5
Боготечною звездою явися святость твоя, Ксение блаженная, осветившая небосклон града Петрова. Уже бо людем, гибнущим в безумии греха, ты явила путь спасения, всех к покаянию призывая, во еже вопити Богу: Аллилуиа.
Икос 5
Видя подвиги твоя в молитве, терпении хлада и зноя, благочестивии людие пыташася умалити страдания твоя, одежду тебе и пищу приносяще. Ты же вся сия нищим раздавала еси, желая в тайне подвиг свой сохранити. Мы же, дивяся вольней нищете твоей, взываем ти сице:
Радуйся, зной и стужу Христа ради добровольно терпевшая;
Радуйся, в молитве непрестанно пребывавшая.
Радуйся, град Петров всенощным бдением от бед ограждавшая;
Радуйся, гнев Божий многажды от него отвращавшая.
Радуйся, во все дни года ночами в поле молившаяся;
Радуйся, сладость райскую в нищете духовной вкусившая.
Радуйся, в сладости сей вся земная оставившая;
Радуйся, яко вся в Бозе пребывавшая.
Радуйся, Ксение блаженная, молитвеннице о душах наших.
Кондак 6
Проповедуют святость жития твоего, богоблаженная, вси, избавленнии тобой от многоразличных болезней, бед и скорбей, богатии и убозии, старцы и юныя. Тем же и мы, прославляюще тя, Богу вопием: Аллилуиа.
Икос 6
Воссия слава подвигов твоих, блаженная мати, егда ты нощию строителем церкви Смоленския камни тайно носила еси, облегчающи труды делателей церковных. Сия ведуще, и мы грешнии зовем ти таковая:
Радуйся, тайно творити добродетели нас научающая;
Радуйся, к подвигом благочестия всех призывающая.
Радуйся, строителем храмов Божиих помогающая;
Радуйся, святость церковную возлюбившая.
Радуйся, труды наша на пути спасения облегчающая;
Радуйся, к тебе прибегающим скорая помощница.
Радуйся, всем скорбящим благая утешительнице;
Радуйся, града Петрова небесная заступнице.
Радуйся, Ксение блаженная, молитвеннице о душах наших.
Кондак 7
Хотящи избавити от скорби плачущаго врача, жену хоронившего, ты повелела еси некоей девице на Охту бежати и тамо мужа себе обрести и утешити. И совершишася тако, якоже ты рекла еси. Они же в радости воспеша Богу: Аллилуиа.
Икос 7
Новое чудо в молитве своей показала еси, блаженная мати, егда рекла еси жене благочестивой: “Возьми пятак, потухнет”. Сим прорекла ей о пожаре дома ея. И по молитве твоей пламень огня угасе. Мы же, ведуще сия, вопием ти похвальная:
Радуйся, скорби людския угашающая;
Радуйся, дерзновение пред Богом за страждущих явившая.
Радуйся, свеча неугасимая, в молитвах к Богу ярко горящая;
Радуйся, предстательнице наша в бедах и напастях.
Радуйся, страстьми одержимых от гибели спасающая;
Радуйся, благочестивых дев от брака неверного отвращающая.
Радуйся, клеветою уязвленных от отчаяния избавляющая;
Радуйся, на суде неправедном скорая защитнице.
Радуйся, Ксение блаженная, молитвеннице о душах наших.
Кондак 8
Странницей бездомной прошла еси путь жизни твоей в стольном граде Отечества нашего, в велицем терпении скорби и поношения неся. Ныне же в горнем Иерусалиме пребывающи, в радости поеши Богу: Аллилуиа.
Икос 8
Всем вся была еси, Ксение блаженная: скорбящим утешение, немощным покров и защищение, печальным радование, нищим одеяние, болящим исцеление. Сего ради и вопием тебе:
Радуйся, в горних, обителях пребывающая;
Радуйся, о нас, грешных, тамо молящаяся.
Радуйся, благий образ служения Богу явившая;
Радуйся, униженных и гонимых покровительница.
Радуйся, православный люд молитвами твоими заступающая;
Радуйся, обидимых и молящихся тебе защищающая.
Радуйся, обидящих вразумляющая;
Радуйся, неверных и глумителей посрамляющая.
Радуйся, Ксение блаженная, молитвеннице о душах наших.
Кондак 9
Всякия претерпела еси болезни, блаженная мати, нищету телесную, глад и жажду, еще же и поношение от людей беззаконных, иже мняху тя безумной быти. Ты же, Господу молящися, выну взывала Ему: Аллилуиа.
Икос 9
Витии многовещаннии не могут разумети, како ты безумием своим безумие мира сего обличила еси и немощию своею посрамила еси крепкия и мудрыя. Не ведают бо в тебе Божией силы и Божией премудрости. Мы же, помощь твою получившии, поем ти таковая:
Радуйся, Божественного Духа носительница;
Радуйся, со апостолом Павлом немощию своею хвалившаяся.
Радуйся, мнимым безумием своим мир обличившая;
Радуйся, красоту века спасения ради отвергшая.
Радуйся, небесная блага всем сердцем возлюбившая;
Радуйся, на путь спасения нас призывающая.
Радуйся, во грехе пиянства грозная обличительница;
Радуйся, безмездным и милостивым врачем всем бывшая.
Радуйся, Ксение блаженная, молитвеннице о душах наших.
Кондак 10
Хотящи спасти душу, ты плоть свою со страстьми и похотьми распяла еси и, невозвратно себя отвергши, крест свой на рамена своя возложила еси и Христу всем сердцем последовала еси, поющи Ему: Аллилуиа.
Икос 10
Стена еси твердая и прибежище необоримое явилася молящимся тебе, мати Ксение. Тем же заступай и нас от враг видимых и невидимых молитвами твоими, да зовем ти:
Радуйся, на труд духовный нас воздвизающая;
Радуйся, от сетей вражиих нас избавляющая.
Радуйся, фимиам кадильный, Богу приносимый;
Радуйся, мир Божий в сердца людей приносящая.
Радуйся, дух злобы в сердцах озлобленных угашающая;
Радуйся, детям благим благословение подающая.
Радуйся, тайною молитвою их от болезней исцеляющая;
Радуйся, миру озлобленному мудрость Божию явившая.
Радуйся, Ксение блаженная, молитвеннице о душах наших.
Кондак 11
Пение хвалебное приносят ти, Ксение блаженная, спасшиися твоими молитвами от бед и скорбей, и всяких напастей, и купно с тобою радостно поют Богу: Аллилуиа.
Икос 11
Светозарным светом явилось житие твое, святая мати, во мраке жития сего освещающим люди. Ты бо падших из тины греха избавила еси и к свету Христову направила еси путь их. Тем же и зовем ти:
Радуйся, православных людей Божиим светом просвещающая;
Радуйся, Христова угоднице, в мире надмирно пожившая.
Радуйся, труды многими великую благодать стяжавшая;
Радуйся, во тьме греха благодатию Божиею сиявшая.
Радуйся, отчаявшимся на пути спасения руку помощи подающая;
Радуйся, немощных в вере укрепляющая.
Радуйся, духов злобы посрамляющая;
Радуйся, житием своим Ангелов удивившая.
Радуйся, Ксение блаженная, молитвеннице о душах наших.
Кондак 12
Благодать обильно источаеши, Ксение блаженная, чтущим память твою и прибегающим к покрову твоему. Тем же и нам, тебе молящимся, источи от Бога струи исцелений, да зовем Ему: Аллилуиа.
Икос 12
Поюще многая чудеса твоя, блаженная мати, восхваляем тя и всеусердно молим, не остави нас грешных в скорбных обстояниях, но умоли Господа Сил, да не отпадем от веры нашея православныя, в нейже тобою утверждаеми зовем ти:
Радуйся, сострадати страждущим нас научающая;
Радуйся, немощи наша всеусердно врачующая.
Радуйся, распинати плоть со страстьми и похотьми научающая;
Радуйся, о чтущих память твою ходатаице и покровительнице.
Радуйся, скорбный путь прошедшая;
Радуйся, спасение вечное сим улучившая.
Радуйся, ко гробу твоему притекающим отраду подающая;
Радуйся, о спасении Отечества нашего присно ходатайствующая.
Радуйся, Ксение блаженная, молитвеннице о душах наших.
Кондак 13
О святая блаженная мати Ксение, в житии твоем крест тяжкий понесшая. Приими от нас, грешных, моление сие, к тебе приносимое. Огради нас молитвами твоими от наветов духов тьмы и всех, мыслящих нам злая. Умоли Всещедрого Бога подати нам силу и крепость, да кийждо от нас возьмет крест свой и во след Христу грядет, поя Ему с тобою: Аллилуиа.
(Этот кондак читается трижды, затем икос 1 и кондак 1)
МОЛИТВА ПЕРВАЯ
(Перед мощами Святой Ксении, об избавлении от страстей,
за Россию и православную веру)
О преславная святая блаженная мати наша Ксение, теплая о нас пред Богом молитвеннице!
Якоже прежде к надгробию твоему припадавшии, сице ныне и мы по прославлении твоем к мощем твоим прибегающе, просим: помолися Господу, да освятит наши души и телеса, да просветит ум, очистит совесть от всякия скверны, нечистых помыслов, лукавых и хульных умышлений и от всякаго превозношения, гордости же и кичения, высокоумия же и дерзости, от всякаго фарисейскаго лицемерия, и от всякаго студнаго и лукаваго обычия нашего; да дарует нам искреннее покаяние, сокрушение сердец наших, смиренномудрие, кротость же и тихость, благоговение, разум же духовный со всяким благоразумием и благодарением.
Утаившая себе от мудрых века сего, но Богу знаемая, испроси же стране нашей Российстей от бед лютых избавление, всего нашего жития обновление и исправление, соблюди нас во всяком благочестивом православном исповедании веры христианския, яко да ублажающе тя сподобимся во вся дни воспевати, благодарити и славити Отца и Сына и Святаго Духа, Троицу Единосущную, Животворящую и Нераздельную во веки веков. Аминь.
МОЛИТВА ВТОРАЯ
О святая всеблаженная мати Ксение! Под покровом Всевышняго жившая, ведомая и укрепляемая Богоматерью, голод и жажду, холод и зной, поношения и гонения претерпевшая, дар прозорливости и чудотворения от Бога получила еси и под сенью Всемогущего покоишися. Ныне Святая Церковь, яко благоуханный цвет, прославляет тя. Предстояще на месте твоего погребения, пред образом твоим святым, яко живей ти, сущей с нами, молимся ти: приими прошения наша и принеси их ко Престолу милосерднаго Отца Небеснаго, яко дерзновение к Нему имущая, испроси притекающим к тебе вечное спасение, на благая дела и начинания наша щедрое благословение, от всяких бед и скорбей избавление. Предстани святыми твоими молитвами пред Всемилостивым Спасителем нашим о нас, недостойных и грешных. Помози, святая блаженная мати Ксение, младенцы светом святого крещения озарити и печатию дара Духа Святаго запечатлети, отроки и отроковицы в вере, честности, богобоязненности воспитати и успехи в учении им даровати; болящия и недугующия исцели, семейным любовь и согласие ниспосли, монашествующих подвигом добрым подвизатися удостой и от поношений огради, пастыри в крепости Духа Святаго утверди, народ и страну нашу в мире и безмятежии сохрани, о лишенных в предсмертный час причащения Святых Христовых Тайн умоли. Ты бо еси наша надежда и упование, скорое услышание и избавление, тебе благодарение воссылаем и с тобою славим Отца и Сына и Святаго Духа, ныне и присно, и во веки веков. Аминь.
МОЛИТВА ТРЕТЬЯ
О святая всеблаженная мати наша Ксения! Обиды, поношения и насмешки Христа ради претерпевшая и за мужа твоего, без христианского напутствия скончавшегося, непрестанно молившаяся. Виждь тесноту души моея и скорбь о умерших без покаяния и причащения Святых Тайн сродниках и знаемых моих (имена) и умоли данною тебе благодатию Человеколюбиваго Владыку Христа Бога нашего, да простит им вся согрешения вольная и невольная, из глубин адовых да изведет их, от мучений лютых избавит и множеством милосердия Своего ко избранным Своим сопричтет их, идеже ты ныне в незаходимей сияеши славе, воспевая Премилосерднаго Творца во веки веков. Аминь.
МОЛИТВА ЧЕТВЕРТАЯ
(О помощи и заступлении в обстояниях, о здравии, бедах, скорби, унынии,
с указанием имени молящегося)
О препростая образом жития своего, бездомная на земли, наследнице же обителей Отца Небеснаго, блаженная страннице Ксение!
Якоже прежде к надгробию твоему недужнии и скорбнии припадавшии и абие утешениями исполняемии, сице ныне и мы (имена), обуреваемии тлетворными обстоянии, тебе прибегающе, с надеждою просим: помолися, благая небошественнице, дабы исправилися стопы наша по словеси Господню к деланию заповедей Его, и да упразднится богоборное безбожие, пленившее град твой и страну твою, повергающее нас, многогрешных, в смертное братоненавидение, гордое самовозбешение и хульное отчаяние.
О, блаженнейшая Христа ради, посрамившая суемудрость века сего, испроси у Творца и Подателя всяческих благ даровати нам смирения, кротости и любве в сокровище сердца нашего, веры в укрепление молитвы, надежды в покаянии, крепости в многотрудном житии, милосерднаго исцеления души и тела нашего, целомудрия в супружестве и благопопечения о ближних и искренних своих, всего жития нашего обновление в чистительней бане покаяния, яко да всехвально воспевающе память твою, прославим в тебе чудодействующаго, Отца и Сына и Святаго Духа, Троицу Единосущную и Нераздельную во веки веков. Аминь.
МОЛИТВА ПЯТАЯ
(Перед иконой, о здравии, с указанием имени молящегося)
О святая угодница Божия блаженная Ксения!
Призри милостиво твоим оком на нас, раб Божиих (имена), честной твоей иконе умильно молящиеся и просящие у тебе помощи и заступления. Простри ко Господу Богу нашему теплыя твоя молитвы и испроси душам нашим оставление прегрешений. Се бо мы сердцем сокрушенным, и духом смиренным тебе ходатаицу милостивую ко Владыце и молитвенницу за ны, грешныя, призываем, яко ты прияла еси от Него благодать молитися за ны и от бед избавляти. Тебе убо просим, не презри нас недостойных, молящихся тебе и твоей помощи требующих, и исходатайствуй всем вся ко спасению полезная, яко да твоими ко Господу Богу молитвами получивши благодать и милость прославим всех благих Источника и Дароподателя и Бога Единаго, в Троице Святей славимаго. Отца и Сына и Святаго Духа, ныне и присно и во веки веков. Аминь.
ТРОПАРЬ
Тропарь, глас 7
Нищету Христову возлюбивши, безсмертныя трапезы ныне наслаждаешися, безумием мнимым безумие мира обличивши, смирением крестным силу Божию восприяла еси, сего ради дар чудодейственныя помощи стяжавшая, Ксение блаженная, моли Христа Бога избавитися нам от всякаго зла покаянием.
Кондак, глас 3
Днесь светло ликует град святаго Петра, яко множество скорбящих обретают утешение, на твоя молитвы надеющиеся, Ксение всеблаженная, ты бо еси граду сему похвала и утверждение.
КАНОН
(Святой блаженной Ксени Петербургской)
Глас 8-й
Песнь 1
Ирмос: Воду прошед, яко сушу, и египетскаго зла избежав, израильтянин вопияше: Избавителю и Богу нашему поим.
Припев: Святая блаженная мати наша Ксение, моли Бога о нас.
Водою крещения омывшися, первороднаго греха избавилася еси, мати Ксение, и наша сердца слезами покаяния очисти, просвещение подающи почитающим святую память твою.
Святая блаженная мати наша Ксение, моли Бога о нас.
В воде крещения змия лукава потопившая, житием твоим страдальческим вражию силу умертвила еси, блаженная, от неяже и нам избавитися Спаса умоли.
Слава: Воду живую неистощимых даров подаде тебе Христос, блаженная мати, Егоже нищету вольно возлюбила еси.
И ныне: Воды покаяния подаждь ми, Пречистая, и, очистивши мя от нечистоты греховныя, чиста представи, Богородительнице, Сыну Твоему и Богу.
Песнь 3
Ирмос: Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, Едине Человеколюбче.
Святая блаженная мати наша Ксение, моли Бога о нас.
Небеснаго круга Зиждителю все житие твое отдавши, возлюбила еси Того до конца, сподоби и нас молитвами твоими, блаженная, любити Господа до конца дний наших.
Святая блаженная мати наша Ксение, моли Бога о нас.
Небесная жизни желая, в житии твоем вся земная пренебрегла еси, сподоби и нас, мати Ксение, молитвами твоими небесныя жизни достигнути.
Слава: Небеснаго чертога желающи, странническое житие прешла еси, и ныне со всеми святыми в небесных чертозех ликуеши.
И ныне: Небеснаго Творца, Богородице Всепетая, рождши, небес пространнейшая явилася еси. Нас от пространнаго пути погибельна уклоньши, на небесный путь настави, молимся.
Седален, глас 5-й
Яко странница во граде святаго Петра явилася еси, благоволением Божиим укрепляема, мати премудрая, Божественных даров и чудес удостоившаяся. Темже, имущи дерзновение ко Христу Богу, мир испроси душам нашим и велию милость.
Песнь 4
Ирмос: Услышах, Господи, смотрения Твоего таинство, разумех дела Твоя и прославих Твое Божество.
Святая блаженная мати наша Ксение, моли Бога о нас.
Услышавши, Ксение, яко небеса поведают славу Божию, отвергла еси суету мирскую и в подвизе поста и лишения на земли Бога славити возжелела еси, Егоже славити и нас сподоби.
Святая блаженная мати наша Ксение, моли Бога о нас.
Услышавши и уразумевши дела Господня, прославила еси Его Божество, надеждою и любовию к Нему украсивши душу твою, подвигами благочестия просветилася еси, блаженная, Божиею силою укрепляемая.
Слава: Услышавши прещения вражеская и всякие козни от них терпящи, непоколебима пребыла еси, и нас непоколебимых в добродетелех утверди.
И ныне: Услыши, Пречистая Владычице, моления наша, и избави нас от насилия вражия, и глас Христов, призывающий благословенныя в Царство, услышати сподоби.
Песнь 5
Ирмос: Просвети нас повелении Твоими, Господи, и мышцею Твоею высокою Твой мир подаждь нам, Человеколюбче.
Святая блаженная мати наша Ксение, моли Бога о нас.
Просвещахуся вернии людие, зряще незлобие и кротость твою, мати Ксение, помози и нам, блаженная, подражати твоему незлобию.
Святая блаженная мати наша Ксение, моли Бога о нас.
Просветивши стезю жизни твоея светом Богоразумия, Христа Господа вседушне возлюбила еси, сподоби и ны, блаженная Ксение, в сем быти тебе подражатели.
Слава: Просвети нас, о мати Ксение, надеждою и любовию ко Господу, ныне бо зрящи Христа лицем к лицу, света неизреченнаго наслаждаешися, Тому за ны молися.
И ныне: Просветила еси омраченное естество, Богородице, Свет Истинный рождши, темже и нас Светом просветивши, от мрачных враг свободи.
Песнь 6
Ирмос: Молитву пролию ко Господу и Тому возвещу печали моя, яко зол душа моя исполнися и живот мой аду приближися, и молюся, яко Иона: от тли, Боже, возведи мя.
Святая блаженная мати наша Ксение, моли Бога о нас.
Молитву, яко источник приснотекущий, ныне изливаеши, недужныя исцеляющи, крепость и силу страждущим подающи, сподоби и нас молитвами твоими избавитися от всяких лютых.
Святая блаженная мати наша Ксение, моли Бога о нас.
Молитвою небесною и по кончине твоей от недуг свобождаеши, целительнице безмездная, достойно хвалима еси на земли, молися о душах наших.
Слава: Молитву нашу приими, мати Ксение, да в честный храм твой приидем со тщанием и недугов душевных и страстей телесных исцеление скоро приимем.
И ныне: Молитвою Твоею всемощною, Пречистая, избави нас враг видимых и невидимых, от грехов и всякия муки, яко рождшая Человеколюбца Бога.
Кондак, глас 3-й
Днесь светло ликует град святаго Петра, яко множество скорбящих обретают утешение, на твоя молитвы надеющеся, Ксение всеблаженная, ты бо еси граду сему похвало и утверждение.
Икос
Како возмогу, грешный аз, скверный душею и телом, поведати еже во плоти равноангельное житие твое и преславная чудеса? Аще убо мнози премудрии не дерзают исповедати многаго твоего терпения и смирения и теплыя ко Христу любве, но обаче надеяся на твое заступление, о блаженная, вопию ти: радуйся, яко везде призывающих тя скоро предваряеши, радуйся, яко множество скорбящих обретают тобою утешение, радуйся, святая блаженная мати Ксение, граду сему похвало и утверждение.
Песнь 7
Ирмос: Отроцы еврейстии в пещи попраша пламень дерзновенно и на росу огнь преложиша, вопиюще: благословен еси, Господи Боже, во веки.
Святая блаженная мати наша Ксение, моли Бога о нас.
Отроки еврейския Ангел от огня неопальны сохрани и тебе, Ксение, в странничестем житии укрепи, поющу: благословен еси, Господи Боже, во веки.
Святая блаженная мати наша Ксение, моли Бога о нас.
Детем евангельски подражала еси в житии твоем, стезю тесную прошедши в незлобии, темже и нас на подвиг добродетели сея укрепи, поющих: благословен еси, Господи Боже, во веки.
Слава: Отроком в пещи халдейстей подражающи, Ксение, воспевала еси Христа, давшаго ти крепость, темже и мы, чтуще тя, блаженная, со дерзновением зовем: благословен еси, Господи Боже, во веки.
И ныне: Отроковице Дево, простри на нас милость Сына Твоего, да кромешныя тьмы избавимся мольбами Твоими, поюще: благословен еси, Господи Боже, во веки.
Песнь 8
Ирмос: Победители мучителя и пламене благодатию Твоею бывше, заповедем Твоим зело прилежаще, отроцы вопияху: благословите, вся дела Господня, Господа.
Святая блаженная мати наша Ксение, моли Бога о нас.
Победительница страстей явилася еси, Ксение, лютая искушения вражия побеждающи и непрестанно поющи: благословите, вся дела Господня, Господа.
Святая блаженная мати наша Ксение, моли Бога о нас.
Побеждающи всякия страсти греховныя, ты, блаженная, яко светла звезда явилася еси, приводиши бо жены, падшия во грехи, во еже целомудренно жити и в покаянии воспевати: благословите, вся дела Господня, Господа.
Слава: Победительница греха явилася еси, блаженная мати, благодать Вышняго имущи. Темже небесная достигла еси, идеже ныне со Ангелы поеши: благословите, вся дела Господня, Господа.
И ныне: Победе во бранех духовных верным пособствуеши, Пресвятая Дево, темже и людем града нашего помощь Твою низпосли, да Тя выну поем: благословите, вся дела Господня, Господа.
Песнь 9
Ирмос: Воистинну Богородицу Тя исповедуем, спасеннии Тобою, Дево Чистая, с безплотными лики Тя величающе.
Святая блаженная мати наша Ксение, моли Бога о нас.
Воистинну разум Христов имела еси, Ксение, смирение, кротость, веру несумненну, надежду и любовь, яже к Богу, и нас сподоби, да с тобою Христа присно величаем.
Святая блаженная мати наша Ксение, моли Бога о нас.
Воистинну на тебе, Ксение блаженная, исполнися Христово проречение: претерпевый до конца, той спасен будет, ныне бо со всеми спасенными Христа присно величаеши.
Слава: Воистинну никтоже, притекаяй к тебе, блаженная мати, тощь благодати Божия отходит, еяже и нас исполни, да тя величаем.
И ныне: Воистинну Богородицу Тя, Дево и Мати Слова, ходатаицу сущую нам, Солнце Правды возсиявшую, вернии, единомудренно песньми величаем.
СВЕТИЛЕН
Якоже солнце светоносно, возсия ныне, блаженная мати, память твоя, вся верныя веселящи, иже молитвенно взывают ти: молися прилежно спастися нам.
Фото иконы с сайта: http://www.rusfront.ru/060210/index-3.html
