Великомученик Георгий Победоносец
(23 апреля / 6 мая)
Великий исповедник и чудный воин Христов святой Георгий родился в городе Бейруте (в древности ‑ Белит), в Каппадокии, не позднее 276 г. в семье богатых и благочестивых родителей, воспитавших его в христианской вере.
Отец его Геронтий был военачальником Каппадокии, замученным за исповедание Христа, когда Георгий был еще ребенком. Мать, Полихрония, дочь знатных и богатых родителей, имеющих обширные именья близ города Лидды в Палестине, куда она переехала с сыном после кончины мужа.
Георгий получил блестящее образование и, отличаясь физической силой, красотой и мужеством, в юном возрасте поступил на воинскую службу.
За отличное знание военного дела Георгий уже в двадцать лет был назначен начальником прославленной когорты инвиктиоров (непобедимых).
Во время войны римлян с персами (296-297 гг.), Георгий выказал удивительную отвагу, за что был императором назначен комитом (спутником) – приближенным императора, сопровождающим его во время путешествий и получавшим содержание.
Император Диоклетиан правил с 284 по 305 год и был ярым приверженцем древней римской религии, расходуя огромные суммы денег на строительство языческих храмов. Он обвинял христианских священников в колдовстве, которым, по его мнению, они срывали все его начинания. 23 февраля 303 г. император издал первый эдикт против христиан: «разрушать церкви до основания, сжигать священные книги и лишать христиан почетных должностей».
Вскоре после этого императорский дворец в Никомидии дважды охватывал пожар. Это совпадение послужило поводом для бездоказательного обвинения христиан в поджогах. Началось величайшее из гонений в истории христианства. Диоклетиан обнажил свой меч на праведных людей Божьих. Вместо преступников темницы наполнялись исповедниками истинного Бога. Первыми жертвами стали христиане, служившие в императорской армии.
Именно в это время, подобно яркой звезде, появился чудный воин Христов Георгий. Несмотря на молодость, Георгий обладал мудростью старца.
Находясь однажды в судилище и слыша беззаконный и страшный суд об истреблении христиан, Георгий воспылал святой ревностью за веру. Он раздал нищим все, что имел: золото, серебро, драгоценные одежды (мать Георгия к этому времени умерла), освободил рабов в своих имениях и решил насмерть стоять за Христа: отвергнув человеческий страх, препоясал чресла свои истиной и, облекшись в броню праведности, надев шлем спасения, взяв щит веры и меч духовный, который есть Слово Божие (Еф. 6:14-17) вступил на путь борьбы с императором Диоклетианом, поняв, что наступило время, которое послужит для спасения его души.
На последнем совещании императора с единомышленниками Георгий смело выступил: «Долго ли тебе, царь, и вам, князья и советники, совершать злые дела? Вы заблуждаетесь, поклоняясь идолам. Истинный Бог есть Иисус Христос, гонимый вами. Я раб Христа, Бога моего и пришел сюда свидетельствовать об истине».Разъяренный царь приказал своим оруженосцам заключить Георгия в темницу, забить ноги в колоды, а на грудь положить тяжелый камень. Перенеся пытку с Божьей помощью, Георгий отвечал царю, когда тот стал убеждать его раскаяться: «Неужели ты думаешь, царь, что страдания отвлекут меня от веры? Скорее ты устанешь мучить меня, нежели я – терпеть мучения».
После этих слов Диоклетиан приказал принести новоизобретенное орудие пытки – колесо с вбитыми в него железными остриями. Когда после колесования все признали праведника мертвым, вдруг раздался удар грома и услышаны были слова: «Не бойся Георгий! Я с тобою!» Георгий, исцеленный Ангелом, сам сошел с колеса, прославляя Бога. Увидев чудесное спасение Георгия, царские сановники Антоний, Протолеон и царица Александра захотели принять христианство. За исповедование Христа царь приказал схватить сановников, вывести за город и отсечь головы. Царицу Александру было приказано запереть во дворце, а святого Георгия засыпать негашеной известью на три дня. Через три дня император велел выкопать кости мученика, но слуги нашли святого Георгия невредимым и привели к царю.
«Скажи Георгий, – спросил Диоклетиан, – откуда в тебе такая сила и каким волшебством ты пользуешься?» ‑ «Царь, – ответил Георгий, ты хулишь Бога. Прельщенный дьяволом, ты погряз в заблуждениях язычества и называешь чарами чудеса Бога моего, совершенные на твоих глазах». Диоклетиан приказал надеть на ноги Георгия сапоги с гвоздями внутри и гнать до самой темницы с побоями и руганью.
Вельможа Магненций предложил Диоклетиану обратится к известному волхву Афанасию. Когда волхв явился во дворец, император сказал ему: «Или победи и уничтожь волхвование Георгия и сделай его покорным нам, или лиши его жизни».
Утром в суде Афанасий показал два сосуда и велел привести осужденного. «Если безумец выпьет из первого сосуда, – сказал колдун, – будет покорным царской воле; от второго же питья он умрет». Выпив из обоих сосудов, Георгий остался невредимым, а Афанасий сам уверовал и перед всеми исповедовал Христа как всесильного Бога. За это он был казнен императором.
Святого Георгия вновь заключили в темницу. Народ, уверовавший в чудеса и обратившийся к христианству, подкупает стражников, чтобы увидеть святого и получить наставление и помощь. Бедный землепашец Гликерий пришел к святому, оплакивая быка, который пал у него под плугом. Святой улыбнулся и сказал: «Иди, брат, и не печалься. Мой Бог Христос дал жизнь твоему быку».
Гликерий убедившись, что бык жив, окончательно уверовал во Христа, хотя был самарянином. По приказу императора Гликерию отсекли голову. Так блаженный Гликерий закончил земную жизнь крещенный собственной кровью. И многие за исповедование Христа приняли мученическую смерть. Среди них святые мученики Валерий, Донат, Ферин.
Царские советники просили осудить Георгия за то, что множество людей отвращается от их языческих богов. Ночью перед новым испытанием Георгий усердно молился, а когда задремал, увидел в сонном видении Господа. Христос обнял его, возложил на голову мученика венец и произнес: «Не бойся, но дерзай. Ты скоро придешь ко Мне в Небесное Царство».
Святой проснулся и попросил стражу впустить к нему слугу Пасикрата. Поведав ему, что Господь скоро призовет его к себе, просил после смерти перенести его тело в Палестину и не отступать от веры во Христа, обнял и поцеловал Пасикрата на прощание.
Диоклетиан приказал привести Георгия в храм Аполлона и стал убеждать принести жертвоприношение идолам. Святой Георгий обратился к изваянию Аполонна: «Ты ли хочешь принять от меня жертву, как бог?» Злой демон, обитавший в идоле, возвестил всю правду о себе: «Я не бог. Истинный Бог - Христос, которого ты исповедуешь». «Как вы смеете оставаться здесь, когда пришел служитель истинного Бога?!» - произнес Георгий. После того, когда святой Георгий сотворил крестное знамение, храм наполнился стонами, демоны покинули идолов и статуи рухнули.
Ревностные язычники и жрецы бросились бить святого и требовали от императора убить Георгия. Царица Александра, услышав шум и крики, поспешила в храм и бросилась в ноги Георгия со словами: «Бог Георгиев, помоги мне! Ты один всесилен».Диоклетиан. увидев царицу Александру у ног осужденного, с изумлением спросил: «Что с тобой, Александра? Почему ты присоединяешься к волхву и чародею и бесстыдно отрекаешься от наших богов?» Святая Александра отвернулась и ничего не ответила императору. Разгневанный Диоклетиан тотчас же вынес смертный приговор обоим.
Воины повели мучеников за город к месту казни. Благороднейшая царица с радостью последовала за святым Георгием. Она усердно молилась, призывая имя Господа, устремляя глаза к небу. В пути царица изнемогла, присела на дороге у стены и предала свой дух Богу.
Когда святого Георгия привели к месту казни, он попросил освободить от оков и стал вслух молиться. Затем святой Георгий преклонил голову и был усечен мечом. Кончина святого великомученика Георгия произошла 23 апреля 303 года, в пятницу, в семь часов вечера.
Блаженный Пасикрат в точности исполнил завещание святого. Он перенес и похоронил драгоценное сокровище - тело великомученика - в Палестине в городе Лидде. Мощи святого Георгия были разделены, и большая часть их перенесена в другие города. Ныне части мощей святого Георгия находятся в Лидде, Ремле, Риме (в храме, посвященном великомученику; хранится его голова, копье хоругвь), Иерусалиме, Каире, в монастырях Святой Горы Афон, в Свято-Троицкой Сергиевой Лавре и в Москве - в храме Воскресения Христова в Сокольниках и в храме Великомученика Георгия на Поклонной горе.
Страстотерпец Георгий исповедовал Христа, когда тьма безумного идолопоклонства разлилась по всей Вселенной и мужественно претерпел самые тяжелые пытки, которым когда-либо подвергалась человеческая плоть, и вышел из этой брани победителем над врагом рода человеческого, за что и наречен святой Церковью Победоносцем.
Милосердному и человеколюбивому Богу для нашей пользы, назидания и спасения было угодно возвеличить имя Георгия Победоносца необычными чудесами и знамениями, совершаемыми святым после своей блаженной кончины. Из множества чудес, совершенных святым великомученикам Георгием, самым знаменитым является его победа над порождением дьявола – громадным змеем.
На родине святого, у города Бейрута, находилось озеро, в котором жил огромный и страшный змей, по облику напоминавший дракона. Выходя из озера, он пожирал людей, овец, опустошал окрестности, наполнял воздух ядовитым смрадом, от которого люди отравлялись и умирали. Чтобы умилостивить чудовище, жители по совету жрецов-язычников стали бросать жребий, отдавать своих детей в жертву змию. Дошла, наконец, очередь и до единственной дочери царя. Девушку, отличавшуюся невиданной красотой, привели к озеру и оставили на обычном месте.
В то время, когда народ издали смотрел на царевну и ожидал ее смерти, вдруг появился святой Георгий на белом коне с копьем в руке и сказал царице: «Не бойся девица, я именем моего Бога, Иисуса Христа спасу тебя и твой народ от змея».
Увидев змея, он осенил себя крестным знамением и со словами «Во имя Отца и Сына и Святого Духа!» устремился на чудовище, потрясая копьем. Всадник прижал копьем гортань змея к земле, а конь стал топтать чудовище, словно смирного пса. Жители же обратились в бегство. Но святой Георгий остановил их: «Не бойтесь и уповайте на Всемогущего Бога. Веруйте во Христа. Он послал меня избавить вас от змея». После этих слов святой Георгий вынул меч и убил змея, а жители сожгли чудовище. Видя великое чудо, царь и горожане уверовали во Христа, приняв святое крещение.
На этом месте, где святой умертвил змия, была построена церковь в память о Георгии Победоносце. При освящении храма по молитвам святого Георгия случилось новое чудо ‑ около церкви забил источник.
На основании этого древнего предания великомученика Георгия изображают сидящим на белом коне, под ногами коего лежит страшный змей, взирающий на святого всадника, который мужественно поражает чудовище копьем в пасть. Имя святого великомученика Георгия – одно из наиболее почитаемых. Святой великомученик Георгий является покровителем воинства. С именем Георгия Победоносца связаны многие победы русского воинства, он особо любим и почитаем народом.
Изображение Георгия Победоносца принадлежит гербу Российской империи, и российскому знаку отличия, возлагаемому на грудь воинов за службу и подвиги, с 26 ноября 1769 года.
Великомученик Георгий (имя в переводе с греч. означает «земледелец») почитается также особенным покровителем пастухов и стад, так как при жизни он неоднократно оказывал им помощь, являясь на коне. Для пользы нашей Богу было угодно не скрыть под спудом подвиги святого Георгия. Мы уже многое знаем о земной жизни великомученика, поразительной тяжести испытаний перенесенных им за исповедание Христа, и о невероятных чудесах, которые совершил Бог через Своего угодника благодаря достоверному свидетельству Пасикрата, который присутствовал при всех деяниях и записал их.
Древние византийские рукописи сообщают нам случаи освобождения из плена святым великомучеником Георгием благочестивых людей, просивших его о помощи. Множество чудес святого Георгия видела Русь после своего Крещения. Сотни монастырей и храмов были посвящены великомученику начиная с княжения Ярослава Мудрого. На протяжении тысячелетия святой Георгий был и остался величайшим покровителем России, нашего православного отечества, и столицы нашей Москвы.
АКАФИСТ
Кондак 1
Возбранному воеводе и Победоносцу Георгию составим похвалу, яко ходатаю нашему и скорому помощнику: ты же святой великомучениче, яко имеяй дерзновение ко Господу, от всяких нас бед свободи, да зовем ти:
Радуйся Георгие, великий Победоносче.
Икос 1
Ангелов Творец и всея твари Содетель, явивый тя Церкви Своей веры поборника, и за веру непобедимаго страстотерпца, внушает нам, за подвиги страданий твоих восхваляти тя, святе Георгие, сице:
Радуйся, до конца Иисуса Сына Божия возлюбивый;
Радуйся, за имя Его с любовию душу свою положивый.
Радуйся, исповедниче от Бога призванный;
Радуйся, подвижниче Божиею благодатию прославленный.
Радуйся, ангелов сожителю;
Радуйся, пророков равностоятелю.
Радуйся, Георгие, великий Победоносче.
Кондак 2
Видя гонение нечестивых на христианы, не убоялся еси козни их и мучительства, богомудре, но яко добрый воин Христов, вся своя нищим раздав, волею потекл еси на совет их неправедный, Христу вождю и Богу своему поя: Аллилуиа.
Икос 2
Разумно уразумев единаго Бога, в Триех Ипостасех боголепно покланяемаго, твердым умом исповедал еси Его, на соборищи нечестивых, и тако обличил еси безумнаго царя безумное поклонение твари. Сего ради за твое высокое любомудрие приими от нас, Георгие, усердныя похвалы:
Радуйся, единаго истиннаго Бога проповедниче;
Радуйся, Пресвятыя Троицы верный защитниче.
Радуйся, велию православного исповедания тайну неверным показавый;
Радуйся, идольскаго служения прелесть обличивый.
Радуйся, риторе божественный;
Радуйся, витие премудрости исполненный.
Радуйся, Георгие, великий Победоносче.
Кондак 3
Сила Божия, просвещающая всякаго человека грядущаго в мир, и в темнице тя страждущаго посетила есть, смиренномудре Георгие: понеже ты вся жития сего тленная яко уметы презрев, единому Христу прилепился еси, да за имя Его добре воинствовав, сподобишися тому со ангелы вечно воспевати: Аллилуиа.
Икос 3
Имея ум и сердце Духом Святым озаренныя, ты по внушению Его поревновал еси подвизатися за имя Христово, до крове стоя бо мужественно в вере, обличил еси вознесенную нечестиваго соборища гордыню. Сего ради хвалим тя, всемудре Георгие, сице:
Радуйся, щите воздвигнутый на охранение благочестия;
Радуйся, мечу подъятый на посечение нечестия.
Радуйся, столпе веры;
Радуйся, стено и утверждение Христовы Церкви.
Радуйся, верных удобрение;
Радуйся, неверных страх и посрамление.
Радуйся, Георгие, великий Победоносче.
Кондак 4
Безумный мучитель, дышущий на тя убийством, страстотерпче Георгие, жаждал бо крове твоея яко пес алчный, повелевая распяти на колесе тело твое, и злейшим мукам предати: ты же, возмогая о Господе, с твердым упованием к Богу взывал еси: Аллилуиа.
Икос 4
Слышавше от тебе Диоклитиан и жрецы идольстии словеса премудрости, распыхахуся на тя злобою, паче же егда рекл еси: “О царю мучителю! Почто мя всуе истязуеши, мне бо еже жити Христос, и еже умрети приобретение. Трудно ти есть против рожна прати”. Сего ради мы взываем ти, великоимените Георгие, сице:
Радуйся, за мужественное исповедание веры на колесе кровь свою пролиявый;
Радуйся, кровию своею торжество веры возвеличивый.
Радуйся, апостолов соревнителю;
Радуйся, вольным Христовым страстем подражателю.
Радуйся, поборниче веры непоколебимый;
Радуйся, страстотерпче адаманта твердейший.
Радуйся, Георгие, великий Победоносче.
Кондак 5
Боготечной звезде подобен был еси Георгие, чудесным бо от ангела исцелением и видимым от колеса отрешением, научил еси неверных веровати в Троицу Единосущную, и Той купно с тобою воспевати: Аллилуиа.
Икос 5
Видеша народи чудеса силы Божия, яве на тебе бываемыя, с кротостию учение Христово от тебе прияша и возопиша глаголюще: воистинну велик Бог христианский! Сего ради и мы восхваляя тя, достославне Георгие, взываем сице:
Радуйся, светоносным спасения словом тьму неверия разгнавый;
Радуйся, мученическим веры исповеданием неверныя ко Христу обративый.
Радуйся, легионы воин земных, в небесное воинство преводяй;
Радуйся, яко воин Христов, с небесными вои пребываяй.
Радуйся, ратоборцев славо;
Радуйся, пресветлаго мученическаго лика красото.
Радуйся, Георгие, великий Победоносче.
Кондак 6
Проповедником истины, духоносным апостолом поревновав, крестом миру распялся еси, страстотерпче: се бо яко Иона во чрево китово, в пещь нерастворенныя извести стремглав ввержен был еси, да прославится тебе ради дивный во святых Господь, Емуже ты и в рове известнем, яко во храме славы, умно взывал еси: Аллилуиа.
Икос 6
Воссиявый в тридневном Своем от гроба востании, всесильный ада и смерти Победитель Иисус, спасе тя от адова истления, страстотерпче Георгие: по триех бо днех обретоша тя в извести жива, и в воздеянии рук поюща Бога; сего ради вельми пристрашни быша и ужасошася. Мы же радующеся, восписуем ти победную песню:
Радуйся, позорным в известный ров низвержением, вознесенную диавола гордыню низложивый;
Радуйся, дивным от Бога спасением, зверство мучителя победивый.
Радуйся, яко незлобив сый, за творивших ти напасть молился еси, яко за благотворцев;
Радуйся, яко о обращении их, якоже Павел о евреех, болезновал еси.
Радуйся, мужу желаний;
Радуйся, сосуде избранный.
Радуйся, Георгие, великий Победоносче.
Кондак 7
Хотяй всячески уловити сердце твое к прелести идол, нечестивый мучитель умышляет прельстити тя волшебными чаровании: ты же, богоизбранне, с Давидом восклицая: “О Бозе спасение мое и слава моя“, верно Тому пел еси: Аллилуиа.
Икос 7
Новое показа зло лукавый оный сатаны служитель Диоклитиан, егда в безумной своей ко идолом ревности, повеле напоити тя, Георгие, ядом: ты же исполнен сый веры и упования, аще и смертное испил, обаче без вреда пребыл еси, богохвальне, темже и мы вопием ти:
Радуйся, яко в уповании на Бога жива не посрамился еси;
Радуйся, яко мучителя ни во чтоже вменил еси.
Радуйся, бесов отгнателю;
Радуйся, волшебныя козни разрушителю.
Радуйся, яко тобою дивен Бог во святых своих является;
Радуйся, яко тобою благочестно имя Христово прославляется.
Радуйся Георгие, великий Победоносче.
Кондак 8
Странный и страшный совет бысть от некоего волхва нечестивому царю, да повелит ти, в доказательство правости веры Христовой, словом воскресити мертваго: ты же, Георгие, ничтоже сумняся, воспевал еси Тому, Иже несть Бог мертвых, но Бог живых: Аллилуиа.
Икос 8
Всежеланный и Сладчайший Иисус, Егоже ты всею душею и всем сердцем возлюбил еси, всеблаженне Георгие, слыша теплое веры твоея моление, вскоре повеле по слову твоему воскреснути мертвому, прославления ради имени Своего, и верных утверждения, неверным же и ослепленным на удивление и богопознание. Сего ради по долгу вопием ти:
Радуйся, яко Господь Сил дивная на тебе явил есть;
Радуйся, яко тобою мертваго от гроба воскресил есть.
Радуйся, ослепленному волхву умное веры прозрение даровавый;
Радуйся, многим, Христа ради пострадавшим, во святая святых путь показавый.
Радуйся, Рима удивление;
Радуйся, христианскаго рода возвышение.
Радуйся, Георгие, великий Победоносче.
Кондак 9
Вси ангели восхвалиша Бога, даровавшаго ти таковое мужество, Георгие, яко и в темничном заточении не преставал еси молитвенно бодрствовать. Сего ради яко великий таинник Божия благодати, удостоился еси видети в видении Господа, венцем нетления главу твою венчающа, да и мы с тобою вопием: Аллилуиа.
Икос 9
Ветии многовещаннии риторскими своими языки не возмогут изрещи тебе достойныя хвалы, Георгие, многих ради твоих подвигов и болезней, ихже за Христа и Церковь подъял еси волею. Сего ради и мы, недоумея восхваляти тя по достоянию, воспеваем сице:
Радуйся, вольным за Христа и Церковь страданием ветхаго в себе Адама распявый;
Радуйся, за доблестное страдание венец правды от руки Господни приявый.
Радуйся, правило ревности благочестивыя;
Радуйся, образе нищеты духовныя.
Радуйся, яко не себе, но единому Христу добре угодил еси;
Радуйся, яко за Христа на многообразныя смерти готов был еси.
Радуйся, Георгие, великий Победоносче.
Кондак 10
Спасти хотя души во тьме идолослужения погибающих, боголюбче Георгие, ты, ревнуя, поревновал еси яко Илия по Бозе: вошед бо во храм идольский, силою Божиею разгнал еси бесы, сокрушил идолы, посрамил жрецы, и, яко победитель, не с человеки, но со ангелы пел еси Богу: Аллилуиа.
Икос 10
Стены безчувственнее, окамененный сердцем мучитель твой, Георгие, не уразуме Бога, яве тобою чудодействующа, но до конца пребыл есть, яко аспид, затыкая уши свои. Сего ради повеле усещи тя на позорищи во главу, яко злодея: ты же, болезнуя о погибели души его, радостно приял еси кончину, за нюже мы тя ублажаем любовию сице:
Радуйся, веру, надежду и любы до конца сохранивый;
Радуйся, во успении твоем многия и великия чудеса сотворивый.
Радуйся, оружием благоволения Божия венчанный на земли;
Радуйся, славою и велелепием украшенный на Небеси.
Радуйся, человече Божий;
Радуйся, добрый воине Христов.
Радуйся, Георгие, великий Победоносче.
Кондак 11
Пение Пресвятой Троице паче иных воздал еси, святый великомучениче Георгие, не словом точию и умом, но живым всего себя в жертву принесением: подражая бо распятому за ны, непорочному Агнцу Христу, положил еси душу свою за други своя волею. Темже убо аще и недовольни есмы к похвалению таковыя твоея доблести, больше бо сея любве никтоже имать, обаче благодарни суще, поем дивному во святых: Аллилуиа.
Икос 11
Светоприемный светильник истиннаго Света, сущим на земли являешися богоизбранне Георгие, просвещаеши бо сердца верных, и к разуму Божественному вся наставляеши, поучая и нас весело взывати:
Радуйся, яко в пресветлых ангельских чертозех вселяешися;
Радуйся, яко не в гадании, но лицем к лицу, невечерняго Троическаго Света причащаешися.
Радуйся, нищих питателю и обидимых защитниче;
Радуйся, немощных врачу и царей поборниче.
Радуйся, православным воином во бранех поборниче;
Радуйся, о спасении грешников теплый ходатаю.
Радуйся, Георгие, великий Победоносче.
Кондак 12
Благодать, данную ти от Бога, ведуще, память твою празднуем, великомучениче Георгие, и с усердным молением к чудотворному образу твоему притекающе, твоею всесильною о Господе помощию, яко необоримою стеною, ограждаемся. Сего ради восхваляя тя, усердно зовем Богу: Аллилуиа.
Икос 12
Славную кончину твою поюще, еюже возвеличился еси яко добрый воин Христов, молим тя, страстотерпче Георгие: буди нам во всем ко благу помощниче, и услыши ны, усердно взывающих ти:
Радуйся, яко тобою Церковь верных просвещается;
Радуйся, яко имя твое и между неверными прославляется.
Радуйся, дивная исповедников славо;
Радуйся, высокая мучеников похвало.
Радуйся, телес наших целебниче;
Радуйся, о душах наших молитвенниче.
Радуйся, Георгие, великий Победоносче.
Кондак 13
О всеблаженный и святый великомучениче Георгие, приими сие наше хвалебное пение, и избави нас от всякаго зла твоим теплым к Богу ходатайством, да с тобою воспеваем: Аллилуиа.
(Этот кондак читается трижды, затем икос 1 и кондак 1)
МОЛИТВА
О всехвальный, святый великомучениче и чудотворче Георгие! Призри на ны скорою твоею помощию, и умоли Человеколюбца Бога, да не осудит нас, грешных, по беззакониям нашим, но да сотворит с нами по велицей Своей милости. Не презри моления нашего, но испроси нам у Христа Бога нашего тихое и богоугодное житие, здравие же душевное и телесное, земли плодородие и во всем изобилие, и да не во зло обратим благая, даруемая нам тобою от Всещедраго Бога, но во славу святаго имени Его и в прославление крепкаго твоего заступления, да подаст Он стране нашей и всему боголюбивому воинству на супостаты одоление. Изрядне же да оградит нас святых Ангел Своих ополчением, во еже избавитися нам по исходе нашем из жития сего от козней лукаваго и тяжких воздушных мытарств его и неосужденным предстати Престолу Господа Славы. Услыши ны, страстотерпче Христов Георгие, и моли за ны непрестанно Триипостаснаго Владыку всех Бога, да благодатию Его и человеколюбием, твоею же помощию и заступлением обрящем милость со Ангелы и Архангелы и всеми святыми одесную Правосуднаго Судии стати, и Того выну славити со Отцем и Святым Духом, ныне и присно, и во веки веков. Аминь.
ТРОПАРЬ
Тропарь, глас 4
Яко пленных свободитель, и нищих защититель, немощствующих врач, православных поборниче, Победоносче великомучениче Георгие, моли Христа Бога, спастися душам нашим.
Кондак, глас 4
Возделан от Бога, показался еси благочестия делатель честнейший, добродетелей рукояти собрав себе: сеяв бо в слезах, веселием жнеши, страдальчествовав же кровию, Христа приял еси, молитвами, святе, твоими всем подаеши прегрешений прощение.
КАНОН
(Святому Великомученику Победоносцу Георгию)
Глас 2-й
Песнь 1
Ирмос: Во глубине постла иногда фараонитское всевоинство преоруженная сила, воплощшееся же Слово всезлобный грех потребило есть, препрославленный Господь, славно бо прославися.
Припев: Святый великомучениче, победоносче и чудотворче
Георгие, моли Бога о нас.
Теплою верою и любовию призывающия тя, мучениче Христов, венценосче Георгие, предстоя всесветел честному престолу всеми Владущаго, твоими молитвами и предстательствы сохрани.
Святый великомучениче, победоносче и чудотворче Георгие, моли Бога о нас.
Благородно возделание Христу был еси, Георгие, мученическими возделан деянии, и, яко богатство преславно, в Небесных тя сокровищах положи Подвигоположник, яко преизящне храбрствовавшаго.
Святый великомучениче, победоносче и чудотворче Георгие, моли Бога о нас.
Твердо и терпеливно устремился еси, самозван, к подвигом, преблаженне Георгие, и, низложив свирепое мучителей ополчение, молитвенник о всех, призывающих тя, был еси.
Слава: Блаженную, славне, жизнь ныне восприем, во Христе сокровенную, Георгие, о нейже подвизался еси до крове, верою поющим тя моли спастися от всякаго, страстотерпче, обстояния.
И ныне: Богородичен: Небо была еси словесное, Слово Небесное в Твоей утробе, Богомати, вмещшая, Имже вся быша: Небо же, и земля, и яже вышше сих. Темже со дерзновением моли спасти поющия Тя.
Песнь 3
Ирмос: Процвела есть пустыня, яко крин, Господи, языческая неплодящая, Церковь, пришествием Твоим, в нейже утвердися мое сердце.
Святый великомучениче, победоносче и чудотворче Георгие, моли Бога о нас.
Венцем страдания сияя, славне, благочестно призывающия тя моли Избавителя и Бога от всякия нужды, блаженне, избавити.
Святый великомучениче, победоносче и чудотворче Георгие, моли Бога о нас.
Богатыми просвещаема сиянии, премудре, мрачную отжени печаль и мглу страстей от нас, верою восхваляющих тя.
Слава: Надеждою утверждаема и любовию, верою же ограждься, Георгие, и силою укреплься Христовою, идольскую прелесть низвергл еси.
И ныне: Богородичен: Просвещшаго концы, Пречистая, родила еси с плотию Безплотнаго и прежде всех Отцу Собезначальна, темже Тя, Богородицу, вернии, чтим.
Седален, глас 8-й
Благочестия образы мужески храбрствуя, нечестия прелесть низложив, мучениче, попрал еси врага шатания и, Божественным желанием присно разгараемь, мучителей угасил еси безбожное сверепство. Темже достоино возмездие мук приял еси венец и подаеши исцеления верою притекающим. Страстотерпче Георгие, моли Христа Бога согрешений оставление даровати празднующим любовию святую память твою.
Слава, и ныне:
Земное богатство на земли раздаваяй всем, мучениче мудре, богатство Небесное наследовал еси труды твоими, Крестом бо честным, яко в броню, оболкся и тем посрамил еси мучителей шатание. Темже молитвами просящим тя подаеши Божественная дарования, исцелений благодеяния. Страстотерпче Георгие, молися Христу Богу, прегрешений оставление даровати празднующим любовию святую память твою.
Песнь 4
Ирмос: Пришел еси от Девы не ходатай, ни Ангел, но Сам, Господи, воплощься, и спасл еси всего мя, человека. Тем зову Ти: слава силе Твоей, Господи.
Святый великомучениче, победоносче и чудотворче Георгие, моли Бога о нас.
Поем твоя подвиги, преблаженне Георгие, имиже разсыпал еси идольския службы, всю же упразднил еси демонскую прелесть, преславне.
Святый великомучениче, победоносче и чудотворче Георгие, моли Бога о нас.
Утиши напастей и бед смущение и всякое наветие злое демонов отжени от поющих тя, Христова воина, досточудне.
Слава: Возсиял еси, яко звезда светоносная, Георгие, душевною доблестию и твердостию веры прелесть мрачную отгоня и спасая поющия тя.
И ныне: Богородичен: Спасение существенное, Дево, родила еси, богатством благости и естественною благостынею спасающее человека и истлевший образ назидающее.
Песнь 5
Ирмос: Просвещение во тьме лежащих, спасение отчаянных, Христе, Спасе мой, к Тебе утренюю, Царю мира, просвети мя сиянием Твоим: иного бо, разве Тебе, бога не знаю.
Святый великомучениче, победоносче и чудотворче Георгие, моли Бога о нас.
Мученическое дерзновение яко имея ко Владыце, проси усердно спасения тя поющим, душевных недуг изменяя твоими мольбами, мучениче страстоносче, преблаженне Георгие.
Святый великомучениче, победоносче и чудотворче Георгие, моли Бога о нас.
Со Ангельскими ликуя, яко мученик, ликостоянии и безсмертныя и блаженныя, венценосче, насыщаяся славы, покрову твоему прибегающия всякаго треволнения и бури исхити.
Слава: Избави нас от всякия нужды, яко Милостив, греховное и бедное отгоня многоразличное смущение, Георгия Твоего угодника молитвы, Христе, приемля.
И ныне: Богородичен: Долг праматере Евы, Богомати, отдала еси, плотию бо обложила еси из Тебе рожденна Спаса мира. Темже Тя вси блажим, обрадованная Дево Всенепорочная.
Песнь 6
Ирмос: В бездне греховней валяяся, неизследную милосердия Твоего призываю бездну: от тли, Боже, мя возведи.
Святый великомучениче, победоносче и чудотворче Георгие, моли Бога о нас.
Паче естества, и слова, и помысла доблести твоея храбрствования, непрестанно певаема, преблаженне мучениче Георгие.
Святый великомучениче, победоносче и чудотворче Георгие, моли Бога о нас.
Воинству Небесному собеседник, блаженне, быв и Божественное явление елико достижно зря, тя верою чтущия спасай.
Слава: Всеми образы Богу возложен и блистания чудес приемля, дарования требующим раздаваеши, преблаженне Георгие.
И ныне: Богородичен: Ныне к Тебе прибегаю, Пречистая, спаси мя молитвами Твоими и соблюди: елико бо хощеши, можеши, яко Мати Всемогущаго.
Кондак, глас 4-й
Возделан от Бога, показался еси благочестия делатель честнейший, добродетелей рукояти собрав себе: сеяв бо в слезах, веселием жнеши, страдальчествовав же кровию, Христа приял еси и молитвами, святе, твоими всем подаеши прегрешений прощение.
Икос
За мирский живот душу свою положившаго, Христа Царя желая, воин тщится умрети за Него, ревность же велию Божественную в сердцы имея, себе самого приведе. Того убо и мы вси, Божественнаго Георгия, яко тепла предстателя воспоим верою, яко славнаго суща Христова раба, подобящася яве своему Владыце и всякому молящуся приходяща: спешит бо присно и молит Спаса всем подати согрешений прощение.
Песнь 7
Ирмос: Богопротивное веление беззаконнующаго мучителя высок пламень вознесло есть, Христос же простре Богочестивым отроком росу духовную, Сый благословен и препрославлен.
Святый великомучениче, победоносче и чудотворче Георгие, моли Бога о нас.
Твоему подобяся, мучениче, Владыце, волею потекл еси к подвигом, славне, и, победу взем, Церкве Христовы хранитель был еси: Сию присно сохраняй предстательством твоим.
Святый великомучениче, победоносче и чудотворче Георгие, моли Бога о нас.
Яко мученик непобедим яко страдалец, яко неодоленный веры поборник, ныне столп непоколебим восхваляющим тя, премудре Георгие, буди, ограждая молитвами твоими.
Слава: Мудре земледелав Божественное семя, и сие умножил еси, кровей твоих теченьми напоив, блаженне, и болезней тщанием, и различными ранами, имиже сверепство мучителей угасил еси.
И ныне: Богородичен: Дева пребыла еси и по рождестве, Бога бо родила еси, питающаго всяческая, за неизреченную милость и милосердие многое Человека бывшаго, Чистая, Егоже ныне моли спастися всем нам.
Песнь 8
Ирмос: Пещь иногда огненная в Вавилоне действа разделяше, Божиим велением халдеи опаляющая, верныя же орошающая, поющия: благословите, вся дела Господня, Господа.
Святый великомучениче, победоносче и чудотворче Георгие, моли Бога о нас.
Поток лютых страстей же и бед, и мятежнаго обстояния, и болезней падения, и демонов козни, и злочестивых стремления укроти твоими молитвами, венценосче Георгие.
Святый великомучениче, победоносче и чудотворче Георгие, моли Бога о нас.
Весь светом, блаженне, Троическим чисто облистаемь, яко мученик непобедим, яко благочестия поборник, яко победитель Боговенчанен, спаси, Небесный жителю, тя чтущия молитвами твоими.
Слава: Венцем разумным различно украшен, и Царствия диадимою, и скиптром удобрен, и багряницею обложен, твоею обагрен кровию, блаженне, сцарствуеши Царю сил.
И ныне: Богородичен: От Отца, бездетно Рожденнаго и прежде век возсиявша, всяческая сотворшаго, видимая же и невидимая, Дево Мати, родила еси. Темже Тя, Богородицу, вси языцы, славим.
Песнь 9
Ирмос: Безначальна Родителя Сын, Бог и Господь, воплощся от Девы, нам явися омраченная просветити, собрати расточенная. Тем Всепетую Богородицу величаем.
Святый великомучениче, победоносче и чудотворче Георгие, моли Бога о нас.
Непрестанно Господа моли о нас, поющих тя, блаженне, яко Христова мученика, яко победивша мучителя, яко лукавых духов отгонителя, яко хранителя неусыпна, яко заступника непостыдна.
Святый великомучениче, победоносче и чудотворче Георгие, моли Бога о нас.
Страдании воздаяния богатно тебе дарова всех Владыка, Емуже предстоя со дерзновением, преблаженне, мученическим и с веселием, призывающия тя, объемь, сохрани.
Слава: Земля тя сокры, и Небо прият, и отверзеся тебе дверь райская яве, в немже радостно, страстотерпче, ликуя и играя, верно поющия тя твоими молитвами соблюди.
И ныне: Богородичен: Тя свидения сень преобрази, Пречистая, в нейже скрижали, и стамна, и златый кивот: якоже бо оная, тако и Ты Безначальное Слово во утробе вместила еси, Богородице, воплощаемо.
Фото иконы: http://jnp.ucoz.ua/photo/13-0-556
