Алексий Мечев,
Святой праведный пресвитер Московский

 

 

(9 / 22 июня - успение;

16 / 29 сентября – перенесение мощей)

 

 

   Старец Алексий Мечев родился 17 марта 1859 года в Москве.

  О своём рождении старец Алексий рассказывал так: “Когда наступили роды, покойная матушка чувствовала себя очень плохо. Роды были трудные и так затянулись, что она была близка к смерти. В горе и тоске отец поехал в Алексеевский монастырь к обедне, которую по случаю праздника служил сам митрополит Филарет...”

  Митрополит Московский и Коломенский Филарет горячо молился об умирающей от тяжёлых родов жене регента кафедрального Чудова монастыря Александре. После молитвы митрополит подал Алексею Ивановичу Мечеву просфору и сказал: “Бог милостив, всё будет хорошо. Родится мальчик, назови его Алексеем в честь празднуемого нами сегодня св. Алексия, человека Божия”.

   Когда Алексей Иванович вернулся домой, его встретили с радостным известием: родился мальчик.

   Старец Алексий часто вспоминал с благодарностью заботу и ласку митрополита Филарета к их семье, рассказывал как Владыка однажды спас от неминуемой смерти отца. Зимой по распоряжению митрополита были привезены музыкально одарённые мальчики, чтобы “ими пополнить митрополичий хор”. Детей выгрузили из саней, привели в теплое помещение. Вдруг Владыка быстро оделся, вышел во двор и сам начал обыскивать сани. При свете фонаря в одних санях он нашел спящего мальчика. Это был сын священника Коломенского уезда – Алексей. Позже, когда Алексей Иванович окончил Семинарию, митрополит предложил ему стать регентом митрополичьего хора.

   Сын Алексея Ивановича, Алексий, сначала учился в Заиконо-спасском Училище, затем – в Московской Духовной Семинарии, а после окончания Семинарии поступил в псаломщики в церковь Знамения на Знаменку.

   В 1884 году Алексий женился на Анне Петровне Молчановой.

   18 ноября 1884г. был рукоположен во диакона в Никитском монастыре преосв. Мисаилом, епископом Можайским. 19 марта 1893 г. был рукоположен во священника преосв. Нестором. Молодому священнику достался бедный приход маленькой церкви Св. Николая на Маросейке. Нужна была большая вера, чтобы, не смотря на трудности, не упасть духом. Старец Алексий с грустью рассказывал духовным детям:

  - Восемь лет я служил каждый день Литургию при пустом храме, один протоиерей говорил мне: “Как ни пройду мимо твоего храма, все у тебя звонят. Заходил я к тебе – пусто. Ничего не выйдет у тебя, понапрасну звонишь”.

   К несчастию тяжело заболела жена отца Алексия, ему одному приходилось заботиться о детях, ухаживать за прикованной к постели супругой. В августе 1902 г. умирает жена отца Алексия.

   По промыслу Божиему, в то время по делам благотворительности на Маросейку приехал о. Иоанн Кронштадтский. Великий пастырь сказал о. Алексию: “Ты жалуешься на скорби и думаешь – нет на свете горя больше твоего, так оно тебе тяжело. А ты будь с народом, войди в чужое горе, возьми его горе на себя и тогда увидишь, что твое несчастие мало, незначительно в сравнении с общим горем; и легче тебе станет”.

  Довелось о. Алексию и сослужить о. Иоанну Кронштадтскому в одной из московских церквей. После этой знаменательной встречи о. Алексий “весь уходит в чужое горе, растворяет свое горе в общей скорби”.

   Отец Алексий теперь никогда не остается один, с утра до вечера отдаёт себя людям, он для них уже не только пастырь, а родной отец и заботливая мать. Вскоре о старце заговорила вся Москва. Церковь уже не может вместить всех желающих, “с раннего утра до поздней ночи толпится народ, среди простых людей, появляются профессора, врачи, учителя, писатели, инженеры, художники, артисты”.

   Cтарец Алексий говорил, что, Бог, дал ему детскую веру. Очевидцы рассказывали, что за богослужением он преображался. Его детская вера часто обнаруживалась в слезах, особенно за божественной литургией. Часто он затруднялся произносить возгласы:“Придите, ядите...” или “Твоя от Твоих”. При этих словах по его изменившемуся голосу всякий в храме понимал, что он плачет. Его лицо было полно умиления, и плач его захватывал и служивших ему”.

   - И я плакал, пригнувшись к престолу, – говорил служивший ему диакон.

    Этот дар слёз, которым обладал Батюшка за своё смирение, особенно проявлялся в нём при чтении Великого канона св. Андрея Критского. Он его не читал, он произносил эти тропари как свои слова из глубины сокрушённого сердца, обливаясь слезами. Вся церковь сливалась с ним в умилении...”

   Из воспоминаний духовного сына старца Алексия: “Слишком запечатлелся перед нами образ о. Алексия. Нельзя забыть ни его светящихся приветом, небольших, но глядевших проникновенно голубых глаз, ни его чисто русского, родного благостно улыбающегося лица, на котором было написано столько доброты и душевной теплоты, что казалось их с избытком хватило бы на всех, кто имел счастье видеться и встречаться с ним. После большого семейного горя – потери близкого человека – я поспешил на Маросейку. Своим чутким сердцем о. Алексий понял всю глубину моей скорби и утешил без всяких слов одним лишь благостным видом. По окончании панихиды, у меня в порыве благодарности, невольно вырвалось: “Добрый Батюшка!”.

   У одной женщины, проживавшей в Туле, без вести пропал сын, ей посоветовали съездить в церковь “Николы в Клённиках” к старцу. Женщина приехала в Москву, пришла в церковь, и очень удивилась, когда после литургии услышала слова старца, протягивающего ей крест через головы шедших впереди неё людей:

   - Молись как за живого.

   Удивлению женщины не было предела, ведь священник впервые видел её, и не мог знать о её горе. А позже, при личной встрече, старец Алексий сказал:

   - Вот тут на днях была у меня мать: всё о сыне беспокоится, а он преспокойно служит в Софии на табачной фабрике.

    Затем благословил женщину и подарил бумажную иконку со словами:

   - Ну, Бог благословит.

   Позже стало известно, что вскоре женщина получила от сына из Болгарии письмо, в котором он сообщил, что работает в Софии на табачной фабрике.

  Очевидцы вспоминали, как однажды в храм вошёл пьяный, “оборванный, весь трясущийся человек” и обратился к старцу Алексию:

   - Я совсем погиб, спился. Погибла душа моя... спаси... помоги мне...

    Старец подошёл к несчастному совсем близко, с любовью взглянул в его глаза, положил руку на плечо и сказал:

   - Голубчик, пора нам с тобой перестать винцо-то пить.

   - Помогите, Батюшка, помолитесь!

   Старец Алексий взял страждущего за правую руку и повёл к алтарю, торжественно раскрыл царские ворота и, поставив его рядом с собой на амвоне, начал молебен. После молебна старец Алексий трижды осенил несчастного, дал ему просфору и трижды поцеловал его. Спустя некоторое время в храм к свечному ящику подошёл прилично одетый мужчина и выразил желание отслужить благодарственный молебен. Увидев старца, мужчина бросился с рыданием к его ногам. Старец узнал в нём того несчастного и воскликнул: Василий, да ты ли это?

    Василий рассказал, как по молитве старца бросил пить, был принят на “хорошее место”

    Из воспоминаний духовной дочери старца: 

   - Никогда Батюшка не требовал к себе внимания, каких-либо знаков почтения и не только не требовал, но и сторонился их... В 1920 году чудовские сёстры подняли вопрос о награде о. Алексию. В марте 1923 года исполнилось 30 лет служения его в сане священника... Настал день, когда Батюшка был вызван на патриаршую службу и награждён крестом... Вечером все собрались на вечернее богослужение и с волнением ждали, когда придёт Батюшка... После краткого молебна он обратился к народу... Закрывая лицо руками, он говорил о своём недостоинстве. Его слово было всенародным потрясающим исповеданием своего ничтожества, своей полной во всём недостаточности, негодности и слабости. Казалось, что этот крест с камушками совсем задавил его. К слёзной, потрясающей всех исповеди Батюшка с глубоким смирением поклонился до земли, прося у всех прощения.

   Из воспоминаний монахини Иулиании:

  - Батюшка, особенно за богослужением, как бы светился каким–то особым, ни с чем не сравнимым внутренним светом. Обилие благодати, почивавшей на нём, иногда для некоторых проявлялась и вовне: он стоял на воздухе и из глаз его как бы сыпались искры. Когда одна из верующих простодушно рассказала ему, каким она его видела, он ответил: “Никому не говори об этом до самой моей смерти. Тебе надо было видеть меня грешного, по Божиему милосердию, в духе. Помни: это – только любовь и милосердие Божие ко мне, грешному”.

   Старец отмечал: “Много нужно понести скорбей, чтобы научиться молиться. Сердце пастыря должно расшириться настолько, чтобы оно могло вместить в себя всех нуждающихся в нём”.

    Епископ Арсений говорил: “Но если молитва бодрит и освежает человека, то принятие на себя страданий ближних сокрушает сердце пастыря, делает его физически больным”. Батюшка о. Алексий стал страдать той болезнью сердца, от которой впоследствии скончался... Наступил 1923 год. Батюшке становилось всё хуже. Жалко было смотреть, как он задыхается от мучительной одышки... Все кто видели Батюшку в эту зиму, замечали, что он был каким-то особенно светлым, светился каким-то особым, духовным, неземным, нетленным светом, в котором сочеталась такая же неземная, тихая радость.

   - Батюшка, как тяжело думать, что вас не будет.

   - Глупыш, я всегда с Вами буду...

   Другой своей духовной дочери он незадолго до смерти сказал:

 - Молись за меня, а я – за тебя, любовь по смерти не умирает. И если я обрету дерзновение перед Богом, за всех буду молить Бога, чтобы вы все там были со мной.

   Из воспоминаний духовной дочери старца: “Подле него была Нина. Она со скорбью и беспокойством наклонилась к нему. Батюшка взял её голову обеими руками и прижал к груди... В эту минуту она услышала в его груди сильный звук как бы лопнувшей пружины. Батюшкины руки ослабели и упали. Глаза закрылись навсегда. Это была пятница 9/22 июня 1922 года”.

   В августе 2000 года Юбилейный Архиерейский Собор определил: Пресвитера Московского Алексия Мечева – причислить к лику святых.

 

 

 

АКАФИСТ

 

Кондак 1

 

Избранный угодниче Христов и великий в скорбех помощниче, праведный отче Алексие! К тебе яко к теплому предстателю мы грешнии со дерзновением притекаем и умильно взываем: умоли о нас всесильнаго Бога, не попустити нам блуждати по распутиям греховным, но просветите и наша сердца духом твоея любве, да зовем ти: Радуйся праведный старче Алексие, утешителю благостный.

 

 

Икос 1

 

Ангелов Творец яви в рождении твоем молитвенное заступление святителя Филарета, егда не могущу матери разродитися тобою, родитель твой притече к нему, и того молитвою явлен был еси в мир сей во время совершения Божественныя Евхаристии, показуя тем, яко будеши великий служитель таинств церковных. Сего ради взываем ти:

Радуйся, святителем Филаретом благословенный и воспитанный;
Радуйся, от пелен того подвижническому житию научивыйся.
Радуйся, отрасль родителей пречестных, плод благий принесшая;
Радуйся, яко издетска гласом своим Бога прославлял еси.
Радуйся, благоговение и любовь ко службам Божиим от отца унаследовавый;
Радуйся, от матери твоея странноприимство и попечение о ближних восприявый.
Радуйся, ушеса своя к пению церковному от рождения приклонивый;
Радуйся, во еже не видети суеты, очеса своя в горняя вперивый.
Радуйся, праведный старче Алексие, утешителю благостный.

 

 

Кондак 2

 

Видя человеколюбец Господь широту сердца твоего, готоваго послужити ближним своим, яви в благословении матери твоея волю Свою, да будеши не врач телес, но пастырь Церкви Христовы, врачуяй души притекающих к тебе, тем же вси людие, видяще образ добраго пастырствования твоего, воззовут Богу: Аллилуиа.

 

 

Икос 2

 

Разумом Божественным просвещен, узрел еси путь спасения во отсечении воли своея, егда поставлен был еси причетником во храм Богоматери, с велием терпением восприял еси суровство начальствующего и тако возрастил еси в сердце твоем плод Христова смирения. Многолетнее твое терпение славяще, возглашаем ти тако:

Радуйся, послушниче усердный;
Радуйся, яко Богу работал еси неленостно.
Радуйся, укорения и поругания яко Божие изволение восприявый;
Радуйся, осуждати и укоряти других всегда избегавый.
Радуйся, поучавый обличающих нас яко благодетелей почитати;
Радуйся, призывавый ради блага ближних своих себе утесняти.
Радуйся, благим супружеством своим и нам образ честнаго брака явивый;
Радуйся, в супружнице твоей добраго помощника на пути Христовом обретый.
Радуйся, праведный старче Алексие, утешителю благостный.

 

 

Кондак 3

 

Сила Вышняго обрете в тебе сосуд честен и по посвящении во иерея продолжаше вести тя чрез горнило испытаний. Служил бо еси не в веси дальней, якоже хотяше, но во граде Москве, в церкви малаго прихода, идеже осемь лет богомольцев не имев, николиже возроптал еси. Ныне же предстоиши со дерзновением Престолу Божию, поя песнь: Аллилуиа.

 

 

Икос 3

 

Имея тщание к совершению служб церковных, на кийждо день служение Божественныя Литургии учинил еси и к покрову Богоматери и заступничеству святителя Николая прибегая, весь путь жития твоего молитвою озарил еси. Сего ради воспеваем тя сице:

Радуйся, служителю алтаря ревностный;
Радуйся, яко бодрствовал еси в молитвенном подвизе непрестанно.
Радуйся, в Бозе все упование твое полагавый;
Радуйся, в долгих испытаниях непоколебим пребывый.
Радуйся, яко крест на перси прияв, сраспинал еси Христу плоть свою со страстьми и похотьми;
Радуйся, яко получив епитрахиль на выю свою, Дары Духа Святаго неоскудно источал еси.
Радуйся, яко поясом препоясав чресла своя, заутро на нивы делания Господня изшел еси;
Радуйся, яко взявся за рало Христово, не направлял еси вспять стопы твоя.
Радуйся, праведный старче Алексие, утешителю благостный.

 

 

Кондак 4

 

Бурю моря житейскаго, сластолюбием, злобою и гордынею волнуемаго, всем житием твоим научал еси преплывати в кораблеце покаяния, да и мы, являя живую веру и трепетную любовь ко Господу, сподобимся воспевати Ему и на небесех песнь хвалебную: Аллилуиа.

 

 

Икос 4

 

Слыша о богоугоднем житии твоем, начаша прибегати к тебе ищущии спасения, обретая в тебе чадолюбиваго отца и утешителя, ты же неленостно поучал еси к покаянию и служению ближним самоотреченному. Тем же и нас, якоже и чад твоих, научи истинному деланию на пажитях душ наших, да славим тя благодаряще:

Радуйся, в век оскудения благочестия несокрушимым сосудом веры явивыйся;
Радуйся, неленостным проповеданием в обмирщенная сердца семена благих деяний сеявый.
Радуйся, глашатаю любве Божия всем скорбящим и отчаявшимся;
Радуйся, ожесточенных злобою любовию своею к покаянию обращал еси.
Радуйся, научивый в живущих с нами образ Божий почитати;
Радуйся, призывавый почивших неустанно поминати.
Радуйся, не отревая немощных, им по силе их делание полагавый;
Радуйся, в постоянстве малого делания залог духовнаго возрастания указавый.
Радуйся, праведный старче Алексие, утешителю благостный.

 

 

Кондак 5

 

Звезда еси, на небесех святости возсиявшая, светиши светло, в сонме праведных и исповедников российских землю нашу просвещая, тем же, зряще тя, праведный отче Алексие, прославляем прославльшаго тя Господа, зовуще Ему: Аллилуиа.

 

 

Икос 5

 

Видя обильным любовию сердцем своим окрест тебе в нищете живущия, подавал еси им, елико имяше, уповая, яко не оставит Господь и дом твой. Даждь и нам стяжати сердце милосердное и научи ны невозбранно внимати воле Божией, да восхваляюще глаголем ти сицевая:

Радуйся, Христа возлюбив, не прилеплялся еси к сокровищам земным;
Радуйся, яко великий купец небесное богатство стяжал еси.
Радуйся, милосердием души наша обогащати научаяй;
Радуйся, некрадомое богатство душам верных испрошаяй.
Радуйся, светом трисолнечным сердца человеческия просвещаяй;
Радуйся, выну о пользе душевной пекийся.
Радуйся, рачителю целомудрия;
Радуйся, хранителю чистоты.
Радуйся, праведный старче Алексие, утешителю благостный.

 

 

Кондак 6

 

Проповедал еси пастве своей покаяние и вкушение бессмертныя Трапезы Агнчи, да не взалчут более страстей, но восприимут мир и любовь Христову и поучаются любити ближних своих с самоотвержением и утеснением себе, да благо им будет, и да взывают радостно: Аллилуиа.

 

 

Икос 6

 

Возсиял еси в первопрестольнем граде Москве глашатаем жизни неветшающия, древним отцем, в пустынех подвизавшимся, равный; людем, в суете пребывающим и различными злоучении прельщаемым, открывал еси любовь, милосердие и правду Божию. Таковому о тебе произволению Божию дивящеся, вопием ти:

Радуйся, неустанный проповедниче любве к Богу и ближним;
Радуйся, яко вслед за Апостолом наставлял еси друг друга тяготы носити.
Радуйся, во граде яко в пустыни живый;
Радуйся, пустыню града богатством слез твоих оросивый.
Радуйся, яко пожил еси в мире премирно;
Радуйся, яко и на земли выну предстоял еси Христу.
Радуйся, ожесточенная сердца теплотою твоея любве возделавый;
Радуйся, и ныне помогаеши страждущим душевный покой обретати.
Радуйся, праведный старче Алексие, утешителю благостный.

 

 

Кондак 7

 

Хотя человеколюбец Господь поставити тя в трудную годину утешителем скорбящих и страждущих, посла тебе скорбь великую в тяжкой болезни и смерти супружницы твоей, да ничто уже земное не связует сердце твое, но да приложиши к ревности ревность и приимеши благодать на благодать, научая пети всех: Аллилуиа.

 

 

Икос 7

 

Новый путь духоноснаго старчествования на стогнах града Москвы яви тебе Господь в словесех праведного Иоанна, пресвитера Кронштадтскаго, указуя, да восприимеши всю скорбь человеческую яко свою, молитвою и теплотою любве сию врачуя. Тем же и наша скорби отыми от нас, да радуяся взываем ти:

Радуйся, благодать кронштадтскаго светильника обильно восприемый;
Радуйся, яко врач искусный душ человеческих явивыйся.
Радуйся, вставший на страже скорбных сердец человеческих;
Радуйся, от обращавшихся к тебе именование добраго пастыря стяжавый.
Радуйся, заблудших овец к Пастыреначальнику приводивый;
Радуйся, от волков хищных тех неврежденно сохранивый.
Радуйся, яко широтою любве твоея всех объял еси;
Радуйся, яко надежду на Бога полагати научал еси.
Радуйся, праведный старче Алексие, утешителю благостный.

 

 

Кондак 8

 

Странноприимная деяния совершати тщашеся, учинил еси при храме приют чадом, не имущим родителей, назидая их словом и житием своим, да возрастая в благом попечении и любве, благодарственно воспевают Богу: Аллилуиа.

 

 

Икос 8

 

Весь еси, праведный отче Алексие, николиже суетою связанный, посреде людей пребывая, выну Богу предстоял и работал еси. И нас, в суету погруженных, научи твоему в мире премирному житию, да усердно тебе воспоем:

Радуйся, детскую младость души твоея сохранивый;
Радуйся, тою младая сердца к Богу приводивый.
Радуйся, явивыйся сиротствущим чадолюбивая мати;
Радуйся, порождаяй души чад своих духовных для вечнаго живота.
Радуйся, преизряднейший пастырю;
Радуйся, яко от скверн мира сего ограждатися чад своих научал еси.
Радуйся, чтущим тя верный пред Богом ходатаю;
Радуйся, призывающим тя непреложное упование.
Радуйся, праведный старче Алексие, утешителю благостный;

 

 

Кондак 9

 

Всем, притекающим к тебе в скорби, наставник изрядный явился еси, отче Алексие, подвизая людей к покаянию и самоукорению, терпению же в скорбех неистощимому, да за сие благодаряще, Богу поют: Аллилуиа.

 

 

Икос 9

 

Витийствующий язык умолча, зря како ты, старче Алексие, служение свое в простоте совершая и мудрость века сего посрамляя, всяку гордыню человеческую яко прах от лица ветра возметал еси. Сего ради похваляем тя сице:

Радуйся, яко не хитросплетением словес, но силою правды Божия души призывал еси;
Радуйся, яко вознесенную гордыню века сего смирением сокрушал еси.
Радуйся, словесы своими не крепость человеческую, но силу Божию являвый;
Радуйся, яко нестареющую мудрость евангельскую живу и действенну показавый.
Радуйся, исполненный ревности по Бозе Вседержителе;
Радуйся, ревнителю уставов церковных.
Радуйся, искусный властителю совести человеческия;
Радуйся, всем бе вся, да спасеши души, Богом тебе врученныя.
Радуйся, праведный старче Алексие, утешителю благостный.

 

 

Кондак 10

 

Спасения от временных тягот поучал еси в переселении во слывшия хлебородными земли не искати, егда глад, мор и междуусобныя брани постигоша страну нашу. Заповедал еси жительства своего не оставляти и восприяти трудности яко наказание Божие, за умножение беззакония попущенное, Богу взывая: Аллилуиа.

 

 

Икос 10

 

Стена непоколебимая упования на Господа явился еси, отче Алексие, яко скала крепкая сокрушая треволнение житейское, малодушие и уныние в душах людей, к тебе прибегающих и с любовию зовущих ти:

Радуйся, адаманте веры несокрушимый;
Радуйся, узревший с богомольцы храма пред годиною бедствий, како лияше слезы Богоматерь на чудотворней иконе Ея Феодоровской.
Радуйся, разделивый с народом российским скорби, Богом низпосланные;
Радуйся, глад и хлад приявый яко наказание Божие.
Радуйся, злато в горниле скорбей очищенное;
Радуйся, надеждею на милосердие Божие страждущия души врачевавый.
Радуйся, помощниче скорый;
Радуйся, призывающим тя в скорбных обстояниях щит и ограждение.
Радуйся, праведный старче Алексие, утешителю благостный.

 

 

Кондак 11

 

Пение всеумиленное приносим ти, отче досточудне, прославляя блаженную кончину и погребение твое, молитвами первосвятителя и исповедника Тихона, Патриарха Всероссийскаго, напутствованное. Веруем, яко предстоиши в свете невечернем Престолу Пресвятыя Троицы, выну поя: Аллилуиа.

 

 

Икос 11

 

Светозарным светильником явился еси, даров Божиих исполнен и умножаяй таланты, яже даде тебе всех Бог. В житии бо твоем являл еси дары прозрения и исцеления, подвизая нас глаголати тебе похвалы сия:

Радуйся, яко от детских лет был еси Господу верен;
Радуйся, многих дарований от Него сподобивыйся.
Радуйся, лучу благодати в мире явленный;
Радуйся, ризами света Христова одеянный.
Радуйся, помогий обрести сына отчаявшейся матери из града Тобольска, юже к тебе преподобный Серафим направи;
Радуйся, и ныне в трудных обстояниях о нас к Богу ходатаеши.
Радуйся, прозорливостию и чудотвореньми люди в вере стояти утвердивый;
Радуйся, отеческим попечением и молитвою не имевшия веры души к Богу обративый.
Радуйся, праведный старче Алексие, утешителю благостный.

 

 

Кондак 12

 

Благодати исполнен, яко сосуд Духа Святаго избранный, породил еси духом многая чада твоя, да зряще житие их, окрест живущии уразумеют яко любовь в Бозе к ближнему залог мира и благоденствия есть, и тако благодарственно воззовут Богу: Аллилуиа.

 

 

Икос 12

 

Поюще житие твое и прославление, веруем, яко многомощно есть пред Престолом Владычним твое за ны ходатайство, мощи же твои сокровищем многоценным имуще, к ним припадаем яко к сосуду благодати неистощимому и согласно ублажаем тя:

Радуйся, гражданине Иерусалима небеснаго;
Радуйся, благий наставниче, возрастивый в чадех своих преславных отцев.
Радуйся, яко был еси на земли храмом живым, Господу посвященным;
Радуйся, яко предстоиши днесь Престолу Вседержителя.
Радуйся, старцев оптинских собеседниче;
Радуйся, кронштадтского светильника сомолитвенниче.
Радуйся, яко община твоя образ бысть купножительства христианскаго;
Радуйся, яко чада твоя свидетельством кровей своих Христа исповедаша.
Радуйся, праведный старче Алексие, утешителю благостный.

 

 

Кондак 13

 

О предивный пастырю и теплый о нас к Богу молитвенниче, праведный отче Алексие! Не отрини нас немощных, совершающих похвальное пение сие, и научи волю Божию невозбранно творити, да сподобимся и в будущем веце благодарственно воспевати Творцу и Богу нашему: Аллилуиа.

 

(Этот кондак читается трижды и затем икос 1 и кондак 1)

 

 

МОЛИТВА ПЕРВАЯ

 

К тебе, о праведный отче Алексие, мы, грешнии и недостойнии, притекаем и со умилением взываем ти: призри ныне милостивно с высоты святыя своея на Отечество наше и нас, тя прославляющих. Приявший в житии своем тяготы людей и сердцем милующим понесый скорби их, приими в молитвенное твое предстательство и нас, грехи многими обремененных и суетою мира сего утружденных. В тебе, о дивный старче, прославися Господь, явив тя таинником милости Божией. Тя призываем неотступно: буди врач душам и телесем нашим, унывающим – утешитель, малодушным дерзновение низпосли, помраченных злобою всепрощению научи, воздержанию способствуй. Воспламени, благий делателю винограда Христова, хладные сердца наша ревностию служения твоего, научи молитве непрестанной и деятельной любве с утеснением себе ради блага ближних наших. Укрепи молитвами твоими чада Церкви нашея, да поживем в любве и мире, а вне ограды церковныя пребывающии да уразумеют Христову Истину и вкупе с нами прославят Животворящую и Нераздельную Троицу и твое милостивное предстательство во веки веков. Аминь.

 
 

 МОЛИТВА ВТОРАЯ

 

О всечестный и преблаженный отче наш Алексие, дивный старче Московский и всея Церкви Российския похвало и радование! Велию любовь ко Господу имея, заветы евангельския непреложно исполняя, душу твою за паству полагал еси, милующим сердцем болезнуя о всех, просящих твоея помощи. Приими малое сие моление наше, и яко в земном житии твоем отирал еси всяку слезу, облегчал еси всяку скорбь, так и ныне, милосердый молитвенниче и ходатаю наш, возьми тяготы, болезни и скорби наша, исполни страждущая сердца радостию, умоли человеколюбца Бога о прощении безчисленных прегрешений наших, да очистив душу покаянием, к деланию доброму приступим. Ей, старче благий, буди и нам пастырем добрым, наставляя на стезю спасения, да молитвами твоими безпорочно прейдем путь жития нашего и обрящем Отечество Небесное, идеже ты со ангелы и всеми святыми предстоиши Престолу Святыя Троицы, славяще Безначального Отца со Единородным Его Сыном и Пресвятым, и Благим, и Животворящим Его Духом во веки веков. Аминь.

 

 

 

ТРОПАРЬ

 

Тропарь, глас 3

 

Яко чудо Божие явился еси, в граде Московстем, отче Алексие, не в пустыни бо, но посреде молвы процвел еси, в годину люту богоотступления, обаче древним упдобился еси, провидец сый, молитвенник и старец, и страждущим утешитель и врач, сего ради о Российстей пастве, ходатай ныне буди непреложен, молитвенниче о душах наших.

 

 

 

Тропарь Святому праведному Алексию Московскому (Мечеву).
На перенесение мощей

 

Тропарь, глас 4

 

Наста день новаго торжества, град Москва радуется, и вся Российская страна ликовствует новыми пеньми духовными, днесь бо священное торжество в пренесение честных и многоцелебных мощей праведника и чудотворца Алексия, яко бо светило пресветлое, воссия нам благодатными лучами, потребляя тьму недуг и страстей от поющих прилежно, пасай нас молитвами твоими праведне Алексие отче наш.

 

 

Фото иконы: http://days.pravoslavie.ru/Images/im1646.htm