Арсений (Мацеевич) священномученик, митрополит Ростовский
 
 
 







Арсений (Мацеевич) священномученик, митрополит Ростовский PDF Печать E-mail
Молитвы и о молитвах - Молитвы и акафисты святым
20.03.2013 22:48

Арсений (Мацеевич), священномученик митрополит Ростовский

Арсений (Мацеевич)
священномученик, митрополит Ростовский

 

a2

 

(28 февраля / 12 марта)

 

 

     Священномученик Арсений (Александр Иванович Мацеевич) родился в 1697 году во Владимире. Отец его, Иоанн Мацеевич, был православным священником при Владимирском Спасском храме. Александр Мацеевич окончил Владимирскую духовную школу, затем учился во Львовской и Киевской академиях. Его талант проповедника быстро обратил на себя внимание. В 1716 году Александр Мацеевич принимает монашеский постриг с именем Арсений, а в 1723 году он был посвящен в иеромонахи.
Иеромонах Арсений служил в Киево-Печерской Лавре, в Черниговской и Сибирской епархиях, в Великом Устюге и в Соловецком монастыре. Он участвовал в четырех морских экспедициях, во время которых на карту было нанесено почти все северное побережье Сибири. С 1738 года иеромонах Арсений преподавал в Санкт-Петербурге и выполнял поручения Синода.

   26 марта 1741 года он был посвящен в сан митрополита Сибирской кафедры, где начал свое служение, проявив себя как защитник людей от произвола светских начальников и воевод. Митрополит Арсений ревниво опекал вверенные ему монастыри, всячески защищая и помогая им. Он требовал поддержки в подобных делах у Синода и нередко обращался непосредственно к императрице Елизавете. Далее Митрополит Арсений был переведен на Ростовскую кафедру, где продолжил ревностное служение в течение 20 лет. Он составил записку "О благочинии церковном", что явилось первым протестом против российской синодальной системы и радением о восстановлении патриаршества на Руси. Митрополит написал 12 томов проповедей и заметок. Он выступил против притеснения духовенства, крестьян, крепостных и проявил себя как опытный и рачительный хозяин в деятельности вверенных ему церквей и монастырей.

  Особое место в деятельности митрополита Арсения на Ростовской кафедре занимала борьба с различными государственными учреждениями за независимость церковного управления против неоднократных попыток дворянства реквизировать церковные земли.

    В 1762 году на Российский престол вступила Екатерина II, которая явилась убежденной сторонницей законов об изъятии церковной собственности в пользу государства. Вскоре она издала соответствующий манифест, против которого немедленно выступил митрополит Арсений. Его критическое письмо было расценено Синодом как "оскорбление Ее Императорского Величия", что предало делу видимость политического. Митрополит Арсений был арестован, доставлен в Москву на Синодальный суд. Окончательное решение суда, принятое при активном участии императрицы, было снятие сана митрополита и священства, ссылка в отдаленный монастырь без права письменного и словесного общения. Митрополит Арсений, в возрасте 67 лет, был сослан под Архангельск в Никольский монастырь. В монастыре его считали мучеником, страдальцем за правду, монахи брали у него благословение, а архимандрит-настоятель относился к нему как к архиерею.

   Однако в 1797 году два монаха составили донос императрице Екатерине II на митрополита, в котором оговорили его в том, что он бранил Синод. Делу был придан политический вид, и последовал соответствующий приговор - лишить монашеского чина, снять все монашеское облачение, расстричь, переодеть в мирскую одежду, переименовать оскорбительным именем (Андреем Вралем) и послать на вечное заточение в Ревель. Там содержать его в каземате местной крепости под караулом, никого не допуская к нему пожизненно. При попытке митрополита Арсения заговорить с караульным было предписано вставить ему пыточный кляп, который для угрозы велено было держать на виду в каземате. Только в предсмертный час митрополита Екатерина II разрешила допустить к нему священника, с которого требовалось взять подписку, что он ничего не расскажет впоследствии под страхом смерти.

    8 января 1768 года митрополит Арсений был заточен в Ревельской башне Гросштанпорт в каземате размером два на три метра. Пять лет провел митрополит Арсений в полной изоляции и могильном заточении.

     Ежемесячно из Ревеля отправлялись рапорты в Петербург Екатерине II, в которых говорилось, что арестант ведет себя тихо. Однако ненависть императрицы все возрастала. С 1771 года митрополит Арсений был фактически заживо погребен - дверь была заложена кирпичами, осталось только окошечко, в которое ему подавали пищу. Наконец митрополиту отказали в одежде и сносной пище.

    За два дня до кончины митрополит попросил прислать священника со Святыми Дарами. 14 марта 1772 года митрополит преставился и в этот же день был похоронен, как простой мирянин, у северной стены Никольской церкви г. Ревеля. На стене каземата осталась выцарапанная надпись митрополита: "Благо мне яко смирил мя еси".

  Поместный Собор РПЦ 1917-1918 гг. вынес определение о признании недействительности лишения сана митрополита Арсения (Мацеевича), а Архиерейский Собор РПЦ 2000 года определил причислить митрополита к лику святых, как ревностного святителя Церкви, принявшего мученическую смерть за Христа и Его Церковь и почитаемого народом Божиим за смиренное перенесение скорбей и нестяжательность. В Ревеле (Таллинн), на улице Вене, 24 стоит православный храм святителя Николая, где под спудом покоятся мощи священномученика Арсения Ростовского.

 

 

АКАФИСТ

 

Кондак 1

 

Избранный благим Божественным Промыслом на святительское служение, благочестное житие являя, право правяще Слово Истины, о пастве велие рачение имел еси, и яко пресветлый светильник веры Православныя в земли Ростовстей просиял еси, верных истинному пути спасения научая, заблудших в лоно Церкви Христовой возвращая. Ныне же у Престола Пресвятыя Троицы предстоящи, поминай нас, отче богомудре Арсение, с любовию поющих ти:

Радуйся, святителю Арсение, Ростовский чудотворче.

 

 

Икос 1

 

Ангели небесныя возвеселишася зряху тя отрока в ангельский чин постригаема, во иноческия одежды одеваема и Господу нашему Иисусу Христу усыновляема, Ему же вся дня живота твоего верою и правдою всем сердцем послужил еси, заповеди Божии и обеты монашеския храня и имя Иисусово прославляя, за сие похваляем тя пением таковым:

Радуйся, ангельское житие возлюбивший;
Радуйся, яко сласти мирския далеко отринувший,
Радуйся, добрый плоде родителей благочестивых;
Радуйся, достойный учениче учителей боголюбивых.
Радуйся, по Слову Христову земных родителей оставивый;
Радуйся, крест свой вземши за Христом последовавый.
Радуйся, добродетельным житием по Бозе князя гордаго сокрушивший;
Радуйся, смиренным терпением скорбей «сильнаго» со престола низложивший и ангелов небесных возвеселивший.
Радуйся святителю Арсение, Ростовский чудотворче.

 

 

Кондак 2

 

Видевше тя людие ростовстии, яко новаго Златоуста на защиту Церкви Христовой мужественно возставшаго и острием меча Слова Божия на врази видимыя и невидимыя ополчившагося. За сию ревность о спасении Дому возвеличи тя Господь в Царствии Небеснем, идеже ныне пребывая, с горними силами поеши Богу: Аллилуиа.

 

 

Икос 2

 

Разумом духовным просвещаем возрастал еси от силы в силу, в Слове Божием неленостно поучался, заповеди Божий храняще, сердце от страстей и грехов очищая, соделался еси приятелищем Духа Святаго, Его же обильно излияше на тя Господь в священном таинстве хиротонии. Мы же, грешнии, молим тя, отче преславне Арсение, низпосли и нам Духа Святаго, славящим пречестное имя твое:

Радуйся, благий учителю, глаголы Живота вечнаго нам возвещающий;
Радуйся, твердо соблюдати заповеди Божии нас научающий.
Радуйся, тесное иноческое житие пред очи наша являющий;
Радуйся, яко тернии грехов и страстей исторгати из сердец наших призывающий.
Радуйся, сердце свое, яко сосуд многоценный для принятия Духа Святаго рачительно приуготовивший;
Радуйся, яко треми добродетельми, верою, надеждею и любовию его украсивший.
Радуйся, вонею смирения сердце свое облагоухавший;
Радуйся, яко творением воли Божией Всеблагому Богу в руце себе предавший.
Радуйся, святителю Арсение, Ростовский чудотворче.

 

 

Кондак 3

 

Силою Божиею укрепляем и Духом Святым просвещаем словом и писаньми твоими устремлялся еси на врази Церкви Православная, оттревая ереси и заблуждения, крепко во истине стоял еси, отче богомудре Арсение, научая пети Богови: Аллилуиа.

 

 

Икос 3

 

Имущи крепость сердца и светлость разума, данные тебе Богом таланты усердием своим весьма преумножил еси, паству Христову в чистоте и правоверии соблюдаше, архипастырское послушание честне исполнил еси. Темже Всевышнему Архипастырю Небесному Господу нашему Иисусу Христу ныне сослужаще, моли о нас, отче прехвальне Арсение, с любовию приносящих тебе похвалу сицевую:

Радуйся, веру Православную житием своим исповедавший;
Радуйся, яко в защиту ея богомудрыя творения написавший.
Радуйся, в девстве и целомудрии живущих достойный учителю;
Радуйся, добродетелей рачительный стяжателю.
Радуйся, постников образе благочестивый;
Радуйся, заповедей Божиих делателю боголюбивый.
Радуйся, святительскаго лика достойный сопричастниче;
Радуйся, яко полка мучеников славный сотаинниче.
Радуйся, святителю Арсение, Ростовский чудотворче.

 

 

Кондак 4

 

Буря гонений лютых на корабль души твоея воздвизаемая, еще же и злобныя клеветы и прочия скорби, яко громадныя волны, внезапно обрушишася, демонскою лестию хотяще потопити тя, обаче о крепция добродетели сердца твоего разбиваемыя, ничтоже возмогоша вредити ти, яко смиренно предался еси в волю Божию, из глубины сердца немолчно воспевая: Аллилуиа.

 

 

Икос 4

 

Слышаша Слово Божие из богоглаголивых уст твоих исходящее и видящи житие твое паче всех глаголов любовь к Богу показующее, многая людие в благочестии утверждахуся, паки явися подражатели жития твоего по Бозе, с любовию последуя архипастырю своему, поющи таковая:

Радуйся, наш добрый архиерее, народом любимый;
Радуйся, Церкви Христовой защитниче непобедимый.
Радуйся, пастве Слова Божия неусыпный возвестителю;
Радуйся, всех догматов церковных верный хранителю.
Радуйся, яко еретики и злонравныя мудро обличающий;
Радуйся, всех нечестиве живущих скоро посрамляющий.
Радуйся, архипастырю честный, народом благословляемый;
Радуйся, яко в песнопениих церковных нами прославляемый.
Радуйся, святителю Арсение, Ростовский чудотворче.

 

 

Кондак 5

 

Боготечная звезда многосветлая, от южных стран возсиявшая и северныя страны озарившая проповеданием Веры Православныя, был еси, отче Арсение, посему многая овцы словесныя в стадо Христово собрал еси. Темже молим тя ныне, отче всечестне, сподоби и нас умом и сердцем к Богу прилепитися, да сопричтет нас избранному Своему стаду, поющих Ему: Аллилуиа.

 

 

Икос 5

 

Видяще народ ростовский, яко велие попечение имаши о пастве Христовой и о благолепии града велъми уседно печешися, еще же и храм во имя святителя Николая Чудотворца со престолом во имя Пресвятыя Богородицы, честныя Ея иконы «Всех скорбящих радосте» на радость верным устрояеши, отче боголюбиве Арсение, с благодарностию пояху ти:

Радуйся, яко пресветлая звезда землю ростовскую учением Христовым осиявший;
Радуйся, мудрый зиждителю, в земли сей храмы Божии устроивший.
Радуйся, яко храм во имя Николая Чудотворца устроивший;
Радуйся, имя Пресвятыя Богородицы велелепно прославивший.
Радуйся, о народе Божием болезнующий;
Радуйся, яко Слово Божие во спасение людем проповедающий.
Радуйся, яко в Райских обителех Лик Пречистыя Богородицы выну зриши;
Радуйся, яко вкупе со святителем Николаем тамо Бога прославляеши.
Радуйся, святителю Арсение, Ростовский чудотворче.

 

 

Кондак 6

 

Проповедник Слова Истины, апостолом единонравне бе, отче святителю Арсение, слово проповеди делами добродетельнаго жития по Бозе скрепляя, крепкую веру в народе утверждал еси, и яко делатель винограда Христова, мзду Небесную многую по Слову Божию приял еси. Темже молим тя, святче Арсение, испроси нам у Господа веру твердую, любовь нелицемерную, покаяние истинное, дабы и мы сподобились вкупе с тобою воспевати хвалебную песнь Царю Славы: Аллилуиа.

 

 

Икос 6

 

Возсиял еси светом учения Христова стране ростовстей, темныя просвещая, неверныя призывая, заблудшия в церковь возвращая, благолепием церковных богослужений многия люди ко Христу привел еси и сущия в расколе в лоно Матери Церкви с любовью возвратил еси, отче Арсение. Наипаче же ныне, имея дерзновение ко Святей Троице, умоляй за ны, грешныя, помощи твоея требующия и хвалу тебе возсылающия с пением таковым:

Радуйся, истинный образ веры и благочестия;
Радуйся, яко меч острый посекаяй злочестия.
Радуйся, насадителю божественных учений;
Радуйся, богомудрый возвестителю божественных велений.
Радуйся, добрый делателю винограда Христова;
Радуйся, истинно славящий пресладкое имя Иисусово.
Радуйся, заблудших на путь спасения возвращение;
Радуйся, в недуги многия впадших скорое исцеление.
Радуйся, святителю Арсение, Ростовский чудотворче.

 

 

Кондак 7

 

Хотящи Церковь Православную озлобити, по наущению диаволю, российская самодержица указ написаше, тако убо земли церковныя изымати, монаси изгоняти, монастыри закрывати и прочия безумныя глаголы. Ты же, отче честный, яко отец чадолюбивый и верный архипастырь в защиту Матери Церкви мужественно восста, нечестивыя деяния царицы осудил еси, всем сердцем вопия Богови: Аллилуиа.

 

 

Икос 7

 

Наста время подвига твоего, един бо из многих осмелился еси возвысити глас свой в защиту Церкви, за сие лютая в злобе своей, яко новая Евдоксия, царица русская воздвиже на тя гонение, ты же, терпеливодушне отче Арсение, за истину даже до смерти, подобно Златоустому Иоанну, смиренно претерпевая, горькую чашу страданий до дна испил еси, за сие ублажаем тя, поющи:

Радуйся, добрый инок, за иноческия обители до смерти постоявший;
Радуйся, с сильными мира сего за Церковь Христову брань сотворивший.
Радуйся, смиренномудрый воин Христов, горькую чашу страданий до дна испивший;
Радуйся, коварства демонския и хитросплетения злобных служителей тьмы посрамивший.
Радуйся, сладкое блаженство райское, уготованное святым, улучивший;
Радуйся, славу Богови вкупе с горними силами радостно воспевший.
Радуйся, гонение лютое за Церковь Русскую от лжебратии потерпевший;
Радуйся, яко в страданиях имя Божие возвеличивший.
Радуйся, святителю Арсение, Ростовский чудотворче.

 

 

Кондак 8

 

Странное житие возлюбивший, являеши нам образ милосердия, поминая убо Слово Христово «како неудобно есть богату внити в Царствие Божие», имение свое щедро нищим раздаяше, ничтоже помышляюще себе оставити. Темже великую монашескую добродетель совершенно исполнил еси, отче Арсение, нестяжанием на земли, сокровиществовал еси на небесех, идеже ныне с лики святых поеши Богу: Аллилуиа.

 

 

Икос 8

 

Вся повеленная в законе Божием исполнил еси, постническое житие прохождаше, сердцем и усты непрестанно молитву творяше, сосуд сердечный очистил еси и паки елеем милости и любви благодатно наполнил еси. И како подобаше, достойно убо Жениха душ и телес наших со светильником горящим сретил еси и в Чертог Преукрашенный с мудрыми вшел еси. Ныне же с горних высот на ны милостиво взирая, приими от нас похвалу сию:

Радуйся, яко милосердием своим Всемилостивому Богу подражатель явивыйся;
Радуйся, яко любовию к ближнему человеколюбцу Христу уподобивыйся.
Радуйся, в постническом житии живущим споспешниче;
Радуйся, поучающимся в молитве помощниче.
Радуйся, учителю добродетельнаго жития по Бозе;
Радуйся, яко наслаждаешися плодами своих добродетелей в Райских чертозех.
Радуйся, яко страданиями вельми убеливыйся;
Радуйся, яко в брачной ризе нетления на пир Домовладыки Христа достойно явивыйся.
Радуйся, святителю Арсение, Ростовский чудотворче.

 

 

Кондак 9

 

Всякий глагол изнемогает в описании страданий твоих, отче многострадальне Арсение, видим бо, како тя славнаго служителя Христова, архиерейскою властию свыше облеченнаго, по слову царицы из сана извергают, монашескаго чина лишают и некиим Андреем Вралем глумящеся нарицают. Вемы, яко страдания души твоея превосходят озлобления телесныя. Ты же, вся сия претерпевше, с дерзновением пел еси Богу: Аллилуиа.

 

 

Икос 9

 

Ветии суемудреннии умолкоша, не могущи уразумети Силу Божию, яковая в немощи совершается, егда по немощи страха ради иудейска никтоже из народа в защиту невиннаго страдальца глас свой возвыси, тогда благовест ростовских звонниц чудесно архипастыря-изгнанника тя приветствова. Мы же чудеси сему дивящеся, прославляем тя, отче Арсение, пении таковыми:

Радуйся, яко три имени в житии твоем имевший;
Радуйся, яко оныя сугубо прославивший.
Радуйся, сана архиерейскаго и звания монашескаго лишенный;
Радуйся, почестей небесных от Христа Бога удостоенный.
Радуйся, яко за Истину из града Ростова бе изгоняемый;
Радуйся, яко звоном колокольным чудесне прославляемый.
Радуйся, яко риз святительских с безчестием бе совлекаемый;
Радуйся, яко в ризу нетления в пакибытии ангелы со славою облекаемый.
Радуйся, святителю Арсение, Ростовский чудотворче.

 

 

Кондак 10

 

Спасение чудным образом содевающе дарова ти Господь, не точию имя Христово проповедати, обаче же за Церковь Его страдати. Ты же пример мужества и терпения явил еси и, яко претерпевый до конца, спасен бе и со славою великою на лоно Авраамле вознесен бе, идеже со ангельскими чинми поеши Богу: Аллилуиа.

 

 

Икос 10

 

Стену крепкую и помощника вернаго имамы тя, отче Арсение, ты убо на земли поживши добре подвиг скончал еси, многая благодатныя дары прияв от Господа, немощныя люди врачевал еси. Посему молим тя, чудотворче предивный Арсение, изцели души и телеса всех притекающих к тебе и просящих твоея помощи с пением таковым:

Радуйся, яко спасение вечное от Господа улучивый;
Радуйся, яко благодатныя дары врачества от Него восприявый.
Радуйся, недуги телесныя и духовныя безмездно врачующий;
Радуйся, яко благодатию Духа Святаго молящихся тебе осеняющий.
Радуйся, грядущая, яко настоящая умным очесем нашим показующий;
Радуйся, яко Страшный Суд и мучения грешником в памяти содержати нас наставляющий.
Радуйся, грешников к покаянию призывающий;
Радуйся, кающихся на стезю добродетелънаго жития обращающий.
Радуйся, святителю Арсение, Ростовский чудотворче.

 

 

Кондак 11

 

Пение хвалебное возсылаем ти, отче прехвальне, с верою просящи заступления и помощи твоея, избави нас от всех зол, и врази видимыя и невидимыя отжени от нас ходатайством твоим, умоли Господа, всех благих Подателя, да сподобит нас в будущей жизни Царствия Небеснаго, идеже вкупе с тобою в велицей радости воспоем Ему: Аллилуиа.

 

 

Икос 11

 

Свет Христов просвети тя, возсиявше убо в каменнем гробе узилища твоего, в него же ввержен бе во граде Ревеле, изгнанный правды ради злочестивою царицей из Отечества твоего. Идеже убо на Господа упование возложивше, благодарив взывал еси: «благо есть, яко смирил мя еси». За сие смиренномудрие тя ублажающи, отче богомудре Арсение, воспеваем ти силе:

Радуйся, яко в страданиих тяжцых Духом Святым просветивыйся;
Радуйся, яко в темнице бяше, Светом Христовым озаривыйся.
Радуйся, яко уповати на милость Божию в скорбех нас научаеши;
Радуйся, яко молитвою за ны ко Господу претерпевати искушения нам помогаеши.
Радуйся, мысленное солнце, от Солнца Правды возсияшее;
Радуйся, яко страну Российскую благодатию духовне озарившее.
Радуйся, яко мглу неведения в сердцах наших разгоняеши;
Радуйся, яко небесною радостию сердца наша исполняеши.
Радуйся, святителю Арсение, Ростовский чудотворче.

 

 

Кондак 12

 

Благодать Божия обильно в тебе пребывающая явися, отче Арсение, тако иногда иерей прииде исповедати тя пред кончиною жития твоего, ужаса исполнися, виде бо из убога юзника, обаче величественнаго архиерея в ризах блистающихся стояща в тесноте темнаго узилища. Тако прослави тя Господь, показа нам новаго угодника Своего. Темже, молим тя, отче славне Арсение: помяни нас в селениих праведных, идеже с ликом святителей Российских непрестанно славиши Творца и Бога нашего, поющи: Аллллуиа.

 

 

Икос 12

 

Поем славу Богу, дивному во святых Своих, хвалу и благодарение Ему приносяще, понеже дарова нам таковаго заступника и молитвенника, в скорбех утешение и в недугах исцеление нам подающаго. Темже молим тя, отче Арсение, внемли смиренному гласу хвалений наших и милостив буди к нам, поющим тебе сицевая:

Радуйся, яко Христа паче живота своего возлюбивший;
Радуйся, яко Ему Единому всем житием твоим послуживый.
Радуйся, яко бронею праведности облеченный;
Радуйся, яко щитом веры от злобы демонския огражденный.
Радуйся, Церкве Православныя велие похваление;
Радуйся, земли Ростовския дивное украшение.
Радуйся, новоявленный Ростовский светильниче;
Радуйся, неусыпаемый за землю Русскую молитвенниче.
Радуйся, святителю Арсение, Ростовский чудотворче.

 

 

Кондак 13

 

О прехвальне и многострадальне отче святителю Арсение, услыши убо наше малое сие моление и милостив сотворися к нам, немощным и грешным, помощи твоея просящим, умоли Господа даровати нам всех грехов прощение и добрый ответ на Страшнем Суде Его, да сподобит нас райское блаженство улучити и со всеми святыми воспевати Ему вечно хвалебную песнь: Аллллуиа.

 

(Этот кондак читается трижды, затем икос 1 и кондак 1)

 

  

МОЛИТВА

 

О великий угодниче Христов, многострадальне святителю Арсение! Умилосердися убо о мне грешнем, услыши слезное мое моление. Не возгнушайся скверных моих язв греховных. Приими недостойное мое хваление от всего сердца тебе возносимое. И милостив сотворися на мои прошения к тебе многомощному заступнику моему пред Господем. Умоли Всеблагаго Бога моего даровати дух сокрушения о гресех моих, дух смирения, кротости и незлобия, еще же вся заповеди Его неленостно исполняти, к ближнему любовь и милосердие выну являти. Наипаче же имя Его Сладчайшее в сердце и уме содержати и устами безбоязненно исповедати. Да дарует молитвами твоими Христос Бог наш всем призывающим имя Его святое вся потребная ко спасению, дабы во всякое время и на всяцем месте с любовию славилось имя Всесвятыя Троицы Отца и Сына и Святаго Духа, во веки веков. Аминь.

 

Фотография иконы: http://orthodoxy-news.livejournal.com/124081.html

Обновлено 20.03.2013 23:09
 






Рейтинг@Mail.ru Рейтинг@Mail.ru Rambler's Top100 Яндекс.Метрика