Божий угодник – царь мученик Павел Первый

(12/25 марта)

Император Павел Петрович как любил Церковь святую,

как  чтил святые уставы ее, не многие из Царей Русских

подобно ему послужил  Церкви Божией…

Прп. Серафим Саровский

Будущий царь Павел I Петрович родился 20 сентября / 3 октября 1754 года. Его воцарение совершилось в ноябре 1796 года – по смерти его Августейшей матери Екатерины II. Впервые на Российском троне оказался человек, которого готовили к этой величайшей миссии с момента рождения. Впервые Русским Царем стал не юноша, а зрелый муж, в голове и душе которого сложилась (и была опробована в Гатчине, при Малом Дворе) целостная, гармоничная система управления государством и было выстрадано сознание своего предназначения как служение Богу, как Бого-служение.

Его воцарение пришлось на канун празднования дня Архистратига Божия Михаила. Государь увидел в этом особый знак. В честь Верховного Ангела он назвал своего порфирородного сына, в честь его воздвиг Михайловский замок и церковь в нем…

Царствование боголюбивого Императора было недолгим. Однако за четыре года его правления он успел:

- наладить дисциплину в армии, так что она сделалась одной из сильнейших армий мира, победившей Наполеона;

- отбить привычку чиновников к волоките при рассмотрении дел, ко взяточничеству и лихоимству;

- положить прочный камень в основание будущего освобождения крестьян, ограничив барщину тремя днями в неделю и запретив помещикам заставлять их работать в праздники;

- укрепить рубль, уничтожив ассигнации и повысив пробы золотых и серебряных монет;

- воссоединить старообрядцев с Русской и Вселенской Церковью, учредив единоверие…

Полагая сохранение православной веры одной из главных задач Монарха, Павел I заботился о духовенстве, стараясь, чтобы иереи Божии имели более «соответственные важности сана своего образ и состояние». При нем было возрождено и вновь открыто 20 монастырей, в том числе Саровский и Валаамский, а Александро-Невской обители был дарован статус Лавры.

Сам Государь любил молиться и молился так подолгу, что протерся коврик, на котором он коленопреклоненно взывал ко Господу. Царь любил участвовать во встрече святынь и лично переносил их с крестными ходами в уготованное место.

В первые же дни царствования в одном из дворцовых окон Павел I обустроил специальный ящик, в который любой подданный имел право опустить прошение. Император лично доставал корреспонденцию и на каждой накладывал резолюцию, а о результатах Августейшего решения сообщалось в газетах. И никакие должности и чины не могли спасти виновного от наказания.

Горячо любимый солдатами и крестьянством, Император Павел внушал страх и ненависть у лишенного былой екатерининской вольности дворянства. Затаило злобу на Русского Царя и Англия, с которой тот разорвал дипломатические отношения и наложил эмбарго на торговлю. Тем не менее выдворенный из России посол Уитворт через братьев Зубовых активно содействовал организации заговора против Русского Самодержца. Этот кровавый замысел удался: в ночь на 12/25 марта 1801 года Русский Император Павел Петрович был подло убит в Михайловском замке.

Но как при жизни этого Государя простой народ приходил опустить свои прошения в заветный дворцовый ящичек, так и по его кончине люди искали заступления, служа панихиды у гробницы убиенного Царя в Петропавловском соборе. И, как встарь, Государь скоро откликался на нужды своих просителей, так что в 1910-х годах настоятель собора о. Александр Дернов благословил служащих храма записывать в специальной тетради рассказы богомольцев о чудесной помощи, явленной им по предстательству убиенного Самодержца. Эти записи послужили основанием для общения в Синод с прошением о прославлении Царя Павла в лике святых. Увы, вопрос этот на долгое время отложил большевистский переворот…

Но и по сей день православные почитатели Царя мученика Павла Петровича молитвенно обращаются к нему за помощью и предстательством  и ожидают его всецерковного прославления.  

АКАФИСТ

Кондак 1

Избранный страстотерпче Христов и чудотворче предивный, во страдании твоем венец приемый от руки Вседержителя, и со ангелы предстояй престолу Его, песньми восхваляем тя с любовию и молимтися: молитвами твоими от всяких бед и скорбей свобождай нас, тебе зовущих: Радуйся, святый царю-мучениче Павле, скорый помощниче и преславный чудотворче!

Икос 1

Ангелов сожитель и человеков заступник воистину явился еси, благоверный Царю Павле, благоволением всех Творца Христа Бога нашего, Его же возлюбил еси от юности и за Него же претерпел еси клеветы вражия и кончину мученическую. Ныне же престолу Вседержителя со всеми святыми предстоиши, отраду и вспоможение даруеши всем с верою и любовию вопиющим Ти сице:

Радуйся, Христа в подвигах прославление;

Радуйся, Правды Божией утверждение!

Радуйся, нечестия и зловерия посрамление;

Радуйся, престола Российскаго украшение!

Радуйся, страждущим и скорбящим вспоможение;

Радуйся, унывающих всерадостное утешение!

Радуйся, недугов телесных и душевных исцеление;

Радуйся, бурь общественных благодатное умирение!

Радуйся, святый царю-мучениче Павле, скорый помощниче и преславный чудотворче!

Кондак 2

Видя Благопромыслитель Господь души твоея доброту, направи промысел твой ко исканию единаго на потребу. Ты же, сего возжелавше, еще от юности навыкл еси Господеви воспевати: Аллилуия!

Икос 2

Разум богопросвещенный стяжал еси, угодниче Христов, чтением Писаний Божественных, от юности бо твоея напитал еси душу твою сладкою пищею словес Божиих и соделался еси верным исполнителем заповедей Христовых. Темже ублажаем тя и глаголем:

Радуйся, царственнаго рода отрасле прекрасная;

Радуйся, водительству Духа Святаго издетски прилежавший!

Радуйся, добродетелям великих предков твоих подражавший;

Радуйся, верою твоею праотцу твоему Патриарху Филарету поревновавший!

Радуйся, благочестию и смирению Царя Алексия последовавший;

Радуйся, твердостию воли Петру Великому уподобившийся!

Радуйся, добронравие Царицы Елизаветы воспринявший;

Радуйся, мудростию государственною матери твоея унаследовавший!

Радуйся, святый царю-мучениче Павле, скорый помошниче и преславный чудотворче!

Кондак 3

Сила Христова осени тя, благоверне Павле, и дарова тебе крепость мужественно претерпети искушения врага невидимаго, его же стрелы разженныя угасил еси слезными твоими к Богу молитвами: Сего ради, яко победитель, воспеваеши с безплотными силами песнь победную: Аллилуия!

Икосъ 3

Имуще ум и сердце Духом Святым озаренныя, свято и праведно жительствовал еси в чертозех царстиих, обиды лукавыми царедворцы матери твоея ти чинимые кротце терпел еси, молитве и чтению писаний святоотеческих усердно прилежал еси. Мы же, сия ныне поминающе, молим ти, святый Павле, озари лучами добродетелей твоих и нас, многогршных, величающихъ тя сице:

Радуйся, теплотою Божественной любви души наша согревающий;

Радуйся, во обстояниях скорбных нам помогающий!

Радуйся, светом Христовым души наша озаряющий;

Радуйся, уповати на Творца нас наставляющий!

Радуйся, за вся благодарити Господа подвизающий;

Радуйся, во благочестии жити нас научающий!

Радуйся, от насилия демонскаго свобождающий;

Радуйся, от искушений и соблазнов избавляющий!

Радуйся, святый царю-мучениче Павле, скорый помощниче и преславный чудотворче!

Кондак 4

Буря помышлений лукавых не смути тя, благоверне Павле, волны мирских соблазнов не поколебаша храмины духа твоего, противу козней бесовских устоял еси, на Господа нашего упование возлагая, песнопоя Ему: Аллилуия!

Икос 4

Слышавше многую хвалу твоему великому к страждущим и обездоленным милосердию, стекахуся к тебе мнозии в бедах и злостраданиях сущии и вся потребная обретаху. Мы же ныне, дивныя твоя благодеяния воспоминающе, смиренно молим тя: не остави и нас милостию твоею, испроси нам у Христа-Царя вся к живому временному и вечному потребная и прими величания сия:

Радуйся, во мнозех благотворенях любовь к людям показавший;

Радуйся, состраданием скорби бедствующих утолявший!

Радуйся, нищия питавший и убогия призеравший;

Радуйся, сирыя и вдовицы заступавший и всемъ просящим помощи помогавший!

Радуйся, яко мудре расточал еси богатство тленное, текущее к тебе;

Радуйся, применивший оное на нетленныя блага вечныя!

Радуйся, наслаждаяйся блаженства милостивых;

Радуйся, ликовствуяй в селениях праведных!

Радуйся, святый царю-мучениче Павле, скорый помощниче и преславный чудотворче!

Кондак 5

Божественную благодать прияти сподобился еси, егда собором архипастырей в Успенстем соборе града Москвы венчан был еси на царствие российское. Тою же благодатию просвещаем и укрепляем, мудро управлял еси народом твоим, за вся Творца и Спаса нашего благодаряще, в сердце своем пел еси Ему: Аллилуия!

Икос 5

Видевше тя российстии людие боговенчаннаго монарха на прародительстий престол грядущаго, возрадовашася зело. Ты же, святый царю, мнозие труды твоя положил еси на благо народа и державы твоея, нравов и обычаев вредоносных искоренитель явился еси, сокрушенным же сердцем твоим Давиду уподобился еси и мудрости Соломоновой поревновал еси. Сего ради и Господь в лики святых Своих тя вчини. Мы, сия ведуще, таковая похвалы приносим ти:

Радуйся, скипетр царский достойно носивый;

Радуйся, царское служение со страхом Божиим совершивый!

Радуйся, могущество и славу державы Российской укрепивый;

Радуйся, насадителю в ней истиннаго просвешения и благочестия!

Радуйся, крестоношением священнический санъ почтивый;

Радуйся, попечение велие о церкви Христовой явивый!

Радуйся, православныя веры великий ревнителю;

Радуйся, закона и правды твердый хранителю!

Радуйся, святый царю-мучениче Павле, скорый помощниче и преславный чудотворче!

Кондак 6

Проповедника добрых дел явил еси себе, богоблаженне царю Павле, ты бо ревнуя о благочестии, украшал еси храмы и обители, страждущим христианам был еси покровитель, алчущим питатель и угнетенным защитник. Сего ради надеющися на милосердное твое о нас попечение, усердно прибегаем к твоему заступлению, взывающе благодарственно Богу дивному во святых Своих: Аллилуия!

Икос 6

Возсиял еси державною мудростию твоею, благоверный царю, егда

богоборному мятежу, злочестивыми во стране гальстей воздвигнутому, противодетель явился еси. Темже и благоверному воеводе твоему Князю Александру рекл еси: "Гряди престолы царстии спасати". Мы же, сия поминающе, величаем тя, яко христианской государственности ревнителя и покровителя, и таковыя похвалы приносим ти:

Радуйся, сердца жестокия благодатию преображающий;

Радуйся, огнь веры истинныя и любве нелицемерныя возгревающий!

Радуйся, от тлетворнаго безбожия страну нашу очищающий;

Радуйся, к земным богатствам сердцем не прилеплятися научающий!

Радуйся, власть придержащих служити народу понуждающий;

Радуйся, от похоти себялюбия нас отвращающий!

Радуйся, страны твоея похвало и утверждение;

Радуйся, православному воинству ея сила и укрепление!

Радуйся, святый царю-мучениче Павле, скорый помощниче и преславный чудотворче!

Кондак 7

Хотяй невозбранно духомъ в горняя селения возноситися, благоверный царю, в бушующем мире душею надмирно пожил еси, подвигом добрым до конца подвизаясь, труды к трудом прилагая неустанно и праведно Богу поя: Аллилуия!

Икос 7

Новый прозорливец, древлим пророком и великим старцем подобный бе, вещий инок Авель его же приял еси, богомудрый царю, в палатех твоих. Той бо прорече ти о кончине мученистей и грядущих судьбах Отечества нашего. Ты же, угодниче Христов, молитв его просяще, в руце Божии живот твой предал еси. Мы же, вся сия ныне поминаюше, таковыя похвалы приносим ти:

Радуйся, имеяй сердце, всецело к Богу устремленное;

Радуйся, веры непоколебимыя явление многочудесное!

Радуйся, злато в горниле искушения очищенное;

Радуйся, древо при источниках вод насажденное!

Радуйся, скорби и испытания в богатства духа обративый;

Радуйся, деланием заповедей Евангельских внутренняго человека обновивый!

Радуйся, в сердце твоем образ Христа носивый;

Радуйся, страданиями за Него мзду многу на небесех получивый!

Радуйся, святый царю-мучениче Павле, скорый помощниче и преславный чудотворче!

Кондак 8

Странно бысть маловерным людем российским чудное житие твое, боговенчанный царю Павле, яко не о славе, но о Бозе и блазе державы твоея помышлял еси, и заповеди Божии с любовью творил еси, сего ради и ополчился есть на тя враг рода человеческаго со приспешниками своима, злобно клеветаху на тя и понашаху имя твое честное, ты же по заповеди Христовой за злохулителей твоих молился еси Господеви, песнопоя Ему: Аллилуия!

Икос 8

Весь исполнен был еси любве к Богу и ближним твоим, благоверне царю Павле, правлением богомудрым, делы милосердия, молитвою и кончиною мученическою угодил еси Христу Спасу нашему. Сего ради дерзновение велие ко Господу имея, молишися за христианы во всем мире живушия и всем, с верою и любовию тя призывающим, помощь, отраду и утешение даруеши. Тем же молим тя, не остави убо и нас без твоего благодатнаго заступления, да благодарственне зовем ти:

Радуйся, от райских обителей в юдоль плачевную нисходящий;

Радуйся, молитвы наша к стопам Вседержителя и Богородицы возносящий!

Радуйся, бедным отраду и вспоможение дарующий;

Радуйся, богатых к милосердию и благотворению подвизающий!

Радуйся, яко тобою бездну милосердия Божия призываем;

Радуйся, яко тобою спасение вечное улучити чаем!

Радуйся, кающихся грешников от сетей диавольских избавляющий;

Радуйся, милость и утешение всм верным являющий!

Радуйся, святый царю-мучениче Павле, скорый помощниче и преславный чудотворче!

Кондак 9

Всяк возраст и всяко сословие видя ревность и труды твоя, благоверне царю Павле, молит тя от всякия беды, скорби и напасти избавити ны в нынешнем веце. И в будущем любовию твоею побеждаемы, чаем в селениях праведных купно с тобою пети Богу: Аллилуиа!

Икос 9

Витийство наше песенное не довлеет к достойному прославлению чудес мнозих твоих, благоверный царю-мучениче Павле, обаче ты, яко благ и милосерд, не возгнушайся наших недовлеющих похвал, но милостивно услыши всех, с любовию тебе зовущих сице:

Радуйся, унылых и отчаявающихся утешителю;

Радуйся, усыпленных совестей возбудителю!

Радуйся, путей покаяния и спасения мудрый сказателю;

Радуйся, сердец мятущихся успокоителю!

Радуйся, злых начинаний разорителю;

Радуйся, благих помыслов насадителю!

Радуйся, святых желаній внушителю;

Радуйся, от прилогов диавола защитителю!

Радуйся, святый царю-мучениче Павле, скорый помошниче и преславный чудотворче!

Кондак 10

Спасение вечное унаследовал еси, страстотерпче святый царю Павле, во страдании живот твой скончавше. Сего ради освятился еси и неизреченныя милости сподобился еси со ангелы и всеми святыми в небеснем царствии пети Богу: Аллилуиа!

Икос 10

Стена крепкая, козньми врага неодоленная, пребыл еси до конца, благоверный царю-мучениче Павле, егда от обезумевших подданных твоих избиение тяжкое и смерть лютую приял еси. Мы же ублажаем мученическую кончину твою и почитаем тя, яко молитвенника и покровителя не токмо страны Российския, но и всего мира христианскаго, и любовию к тебе подвизаемы, таковыя похвалы приносим ти:

Радуйся, царстий венец на терновый сменивый;

Радуйся, за веру и отечество живот свой положивый!

Радуйся, до смерти верен Господу пребывый;

Радуйся, царскую порфиру кровию своею обагривый!

Радуйся, во отечестве небеснем ныне пребывающий;

Радуйся, царствия земнаго твоего не оставляющий!

Радуйся, во смирении и терпении нас утверждающий;

Радуйся, милосердие Творца нашего к нам приклоняющий!

Радуйся, святый царю-мучениче Павле, скорый помощниче и преславный чудотворче!

Кондак 11

Пение молебное и похвалу сию смиренную не презри, святый царю, се бо верою и любовию к тебе подвизаемы, ублажаем тя, заступника нашего, и молимся: молися за нас вечно ко Господу, вемы бо к Нему твое невозбранное дерзновение и твоих молитв благодатное действо, и имуще таковаго предстателя, благодарно зовем дивному во святых Своих Богу: Аллилуиа!

Икос 11

Светодателя свеща явился еси нам, святый благоверный царю-мучениче Павле, разгоняяй нощь нечестия и освещаяй путь во тьме грехов и заблуждений ходяших. Ныне же убо умоляти не престай Христа Спаса и Владыку нашего, да не даст нам уклонитися от стези ко спасению ведущей, и сподобит ныне чистым сердцем приносити ти похвалы сия:

Радуйся, светильниче Господень, державу твою озаряющий;

Радуйся, омраченныя умы наши просвещающий!

Радуйся, к покаянию всех нас ныне призывающий;

Радуйся, обычаев душетленных отвращатися нас подвизающий!

Радуйся, нравы добрыя в нас насаждающий;

Радуйся, друг друга тяготы носити нас научающий!

Радуйся, окамененныя сердца наша оживляющий;

Радуйся, в вере и благочестии нас утверждающий!

Радуйся, святый царю-мучениче Павле, скорый помошниче и преславный чудотворче!

Кондак 12

Благодать данную ти от Бога ведуще, святый царю-страстотерпче Павле, к тебе, яко усердному молитвеннику и ходатаю спасения нашего притекаем ныне и молим тя; испроси у Всемилостиваго Бога нашего даровати нам согрешений оставление, веры Православной утверждение, во всяком благом деле вспоможение, стране нашей, градом и весям ея благословение, да в радости поем прославившему тя Господу и Богу нашему: Аллилуиа!

Икос 12

Поюще всечестное житие твое, благоверный царю Павле, восхваляем пречестное имя твое, почитаем за Христа страдания твоя, удивляемся духовней твоей крепости, торжествуем многия чудеса, тобою во славу Божию сотворенныя, и с любовию вспоминающе о подвизех твоих, восписуем ти сице:

Радуйся, венцем победным паче звезд на небеси блистаяй;

Радуйся, тимпане сладкозвучный, славу Божию бряцаяй!

Радуйся, несокрушимый щите, защищаяй благочестие;

Радуйся, мечу победный, посецаяй злочестие!

Радуйся, милования источниче неоскудеваемый;

Радуйся, благодати Духа Святаго кладезю неисчерпаемый!

Радуйся, чтущих память твою пред Богомъ поминающий;

Радуйся, о прославляющих тя Господа умоляющий!

Радуйся, святый царю-мучениче Павле, скорый помощниче и преславный чудотворче!

Кондак 13

О блаженный царю-мучениче Павле, страны Российския небесный покровителю и заступниче, приими малое сие моление и призри на ны, прилежно просящия твоего молитвеннаго у Бога предстательства, испроси нам у Христа Бога нашего чистоту телесную и душевную, да в мире и покаянии прочее время живота нашего поживем, достигнем небесных обителей, идеже с тобой и всеми святыми сподобимся воспевати в Троице славимому Богу: Аллилуиа!

(Этот кондак читается трижды, затем икос 1 и кондак 1)

МОЛИТВА

Терпение святых и веру в Господа Иисуса показавый во страдании твоем, Помазаниче Божий царю российский Павле! Услыши и прими сие моление мне грешнаго, прибегающего к предстательству и заступлению твоему. И помяни мя перед престолом Святыя Троицы, ходатайствуя о прощении безчисленных беззаконий моих. Ты бое си мученик сего благаго и человекалибиваго Бога нашего, Отца и Сына и Святаго Духа, Триединицы всехвальной и превозносимой во веки. Аминь.

ТРОПАРЬ

Глас 3

Благоверному князю Михаилу подражая, благою волею жизнь свою в руци мучителей предал еси. Слыша изволение Божие о себе, из уст праведнаго Авеля, смиренно рекл еси: се раб Господень, буди же мне по глаголу твоему; и даже до смерти, сей воле Божией, послушлив явился еси: указуя сим и нам образ послушания Владыце Христу.

Кондак, глас 5

Слыша от праведнаго Авеля о кратости земнаго царствования твоего, не убоялся ни мучителей, ни смерти, но твердо вослед Христу к Голгофе твоей последовал еси. Сего ради с Ним ныне вечно царствуеши, предстоя престолу Его в лике мученическом. Мы же, припадая к любви твоей, смиренно молим тя: заступися, данной ти от Бога благодатию за Святую Русь и умягчи неправые и жестокие сердца восстающие на ню; зане время заступничества твоего нам возсия, благоверный страдальче Христов, царю-мучениче Павле, Император Всероссийский.

КАНОН

(Царю-страстотерпцу Павлу I)

Канон, глас 4

Песнь 1

Ирмос: Моря чермную пучину невлажными стопами древний пешешествовав Израиль, крестобразныма Моисеовыма рукама, амаликову силу в пустыне победил есть.

Припев: Святый Царю-Мучениче Павле, моли Бога о нас!

В вышних Владыце предстоя, всеславный страстотерпче благоверный Царю Павле, просвети ум наш и озари сердца наша, да чистою совестию воспоим Божественную твою память.

Припев: Святый Царю-Мучениче Павле, моли Бога о нас!

Святолучными блистании Духа Святаго осияваемый, явился еси, Царю святый Павле, пресветлый светильник Российской земли, тем же и ныне светозарному Троическому свету предстоя, молися о спасении державы твоея.

Слава: Мрак заблуждений и гордости житейския светлостию святых твоих молитв, Царю Павле, отжени, да помощию твоею грехов оставление приимше, милость у Христа Бога обрящем.

И ныне: От враг видимых и невидимых избави, молимся, к Тебе прибегающих, Богородице, и разори всяк совет борющих нас, молитвами Твоими.

Песнь 3

Ирмос: Веселится о Тебе Церковь Твоя, Христе, зовущи: Ты моя крепость, Господи, и прибежище, и утверждении.

Припев: Святый Царю-Мучениче Павле, моли Бога о нас!

От юности Христа Бога возлюбил еси, чистоту непорочну сохраняя, от детства Тому прилипился еси светлою твоею душею, в простоте и незлобии дух твой соблюдая. Тем же и наследник Царствия Небеснаго явился еси, богоблаженне Царю Павле.

Припев: Святый Царю-Мучениче Павле, моли Бога о нас!

Сердце сокрушенно и помысел чист стяжал еси, блаженне Царю Павле, псалмопевцу царю Давиду подобно, с ним же ныне Всемилостиваго Спаса моли, да в покаянии души наша обновим и милость обретем в день судный.

Слава: Душу и помышление к тебе простираем, боговенчанный Царю, согрей нашу веру и любовь, яже Богу, да, закону Его усердно последующее, прейдем поприще спасения нашего непрекновенно.

И ныне: О преблагословенная Владычице Богородице, мнозии скорби в земной жизни Твоей претерпевшая, помози и нам крест земнаго жития в терпении, благодарении и радовании до конца понести.

Седален, глас 4:

От корене царственнаго прекрасная ветвь прозябл еси и, аки благоуханный крин, добродетелями украшен был еси, презирая милостию на нища и убога и вся подвластныя тебе люди, святый Царю страстотерпче Павле, во бдениях, молитве, милосердии и трудех государственных богоугодно пожил еси и достойную мзду от Господа и Творца Нашего приял еси. Того убо моли даровати душам нашим мир и велию милость.

Слава, и ныне: Великому милосердию Сына Твоего причастники сотвори ны, Богородительнице, и в день великаго и страшнаго суда Его, егда второе на землю приидет со славою страшною, моли от пагубы избавитися нам, часть же праведных улучити, твоим ходатайством, да сподобимся.

Песнь 4

Ирмос: Седяй во славе на Престоле Божества во облаце легце прииде Иисус Пребожественный, нетленною дланию и спасе зовущия: слава, Христе, силе Твоей.

Припев: Святый Царю-Мучениче Павле, моли Бога о нас!

Тезоименита тя первоверховному апостолу Христову ведущее, сообразна тому видим тя и в кончине твоей, христолюбивый Царю; за правду бо кровь свою излиял еси, аки агнец незлобивый закалаем от тех, им же свой и благодетель был еси.

Припев: Святый Царю-Мучениче Павле, моли Бога о нас!

Все житие твое добре украшал еси, страстотерпче Павле, прилежными молитвами постом и чистотою, правосудием и милосердием, благочестно служа Господеви день и нощь.

Слава: Отец сирот и вдов заступник, богатство нищих, болящих врач безмездный, обидимых защитник и неправедно гонимых покровитель явился еси, благоверный Царю Павле, о народе своем попечение всеусердное имея. Ныне же не остави и нас, к ходатайству твоему прибегающих.

И ныне: Яже свет невечерний родшая, Присноблаженная и Пренепорочная Дево, светом любве Твоея Матерняя хладныя сердца наша согрей и сподоби ны утешения и радости о Господе нашем.

Песнь 5

Ирмос: Ты, Господи мой, свет в мир пришел еси, Свете Святый, обращаяй из мрачна неведения верою, воспевающая Тя.

Припев: Святый Царю-Мучениче Павле, моли Бога о нас!

Твердостию воли твоея прародителю государю императору Петру Великому уподобился еси, егда внутренние нестроения и смуты искоренил еси и повреждения нравов потщался еси исправити. Тем же молим тя: избави нас от бури греха, святый Царю Павле, приводя ны в тихия пристанища Божественныя воли Христовы.

Припев: Святый Царю-Мучениче Павле, моли Бога о нас!

Духу мира сего почесть не воздав, единаго Христа почитатель пребыл еси, помазаниче Божий, богоотступнаго мятежа, нечестивыми во стране французской воздвигнутого, противодетель явился еси, христианской же государственности радетель и ревнитель бых. Сего ради и возвеличи тя Господь, паче иных царей, за богопочитание твое.

Слава: Различных напастей и бед нахождения твоими молитвами отрази, богоблаженне Царю Павле, и всем, совершающим память твою, грехов оставление испроси.

И ныне: Явилася еси Избавительница рода человеческого, Мати Божия, тем же Ти верно припадаем и вопием: Сына Твоего, яко Блага, моли, Всенепорочная, от всяких бед и искушений избави ны.

Песнь 6

Ирмос: Божественное сие и всечестное совершающе празднество, богомудрии, Богоматери, приидите, руками восплещим, от Нея рождшагося Бога славим.

Припев: Святый Царю-Мучениче Павле, моли Бога о нас!

Венец мученический преподобным Вещим Авелем тебе предреченный, далече предвидевый, живот свой в волю Божию предал еси и самую кончину смиренне притерпел еси и радостно в Царствие Небесное востекл еси, идее же ныне во славе с Царем-Мучеником Николаем Вторым ныне предстоиши и молишися купно со всеми мученики Царственными, от рода твоего прозябшими, о спасении нашем.

Припев: Святый Царю-Мучениче Павле, моли Бога о нас!

Багряницу царственную на багряницу мученическую преминил еси, святый Царю Павле, егда от обезумевших подданных твоих велие муки и смерть приял еси, надеждою на несомненное воздаяние Небесное утешаем, тем же ныне молися ко Господу, да оживит слабую надежду нашу и в вере и любви укрепит ны.

Слава: Предстояще бо пред образом твоим святым, Царю страстотерпче Павле, покаяния молитвы за безумие отец наших, иже радовахуся об убиении твоем и по смерти клеветы на имя твое воздвизаху, приносим ти и просим убо тя, молитвами твоими мир державе твоей даруй и сотвори душам нашим велию милость.

И ныне: Дивная и скорая Помощнице всеми христианам еси, Дево Святая, буди же и ныне нам покров и заступление в скорбех и радостех земнаго жития нашего, наставляюще ны присно на путь покаяния; наипаче же умоли Сына Твоего и Бога Нашего, да праведных части явит ны причастники.

Кондак, глас 8

В мире сем благочестно и праведно поживше, молитвою, милостынею, благостраданием Богу угодил еси, сего ради и Господь по убиении во чудесех преславна тя показа, Его же, благоверный Царю Павле, моли сохранити отечество твое и всех людей, благочестно тя почитающих.

Икос

Любовь верных чад Церкви Христовой стяжал еси по кончине твоей, богоблаженный Царю Павле, люди бо благочестивыя понесоша скорби своя к гробнице твоей, веруя в сугубое заступление твое и не отыдоша от нея тощи, поелику сердца неправедныя и жестокия дар смягчати от Господа приял еси. Мы же к твоему всемилосердному ходатайству прибегая, вопием ти:

Радуйся, корене державнаго отрасле благодатная!

Радуйся, благоверия любезный рачителю!

Радуйся, злочестия ревностный искоренителю!

Радуйся, любомудрия прилежный снискателю!

Радуйся, милосердия источниче преизобильный!

Радуйся, лукавых духов прогонителю!

Радуйся, злостраждущих скорый исцелителю!

Радуйся, страны твоея пред Престолом Божиим предстателю и покровителю!

Радуйся, христолюбивого воинства поборниче!

Радуйся, молебниче теплый ко Христу о всех, твою святую память благоговейно чтущих!

Песнь 7

Ирмос: В пещи авраамстей отроцы персидстеи любовию благочестия паче, нежели пламенем опаляеми, взываху: благословен еси в храме Славы Твоея, Господи.

Припев: Святый Царю-Мучениче Павле, моли Бога о нас!

Во всю Россию проиде слава чудес твоих, богоблаженне Царю Павле, ими же просветил еси люди твоя, иже твоим чудодейством от злобы человечестей и треволнений житейских избавляемы поют Творцу: благословен еси, Боже отец наших!

Припев: Святый Царю-Мучениче Павле, моли Бога о нас!

Помощник нам буди, Царю святый, изымающе нас, от скорбей и болезней, от соблазнов и бед, и желания сердец наших во благо исполни, яко да о тебе Бога благодаряще, вопием: благословен еси, Боже отец наших!

Слава: Человеколюбца Спаса о нас, благоверный Царю, умоли разрешитися нам от прегрешений наших и душевных скверн, да мы к Тому, яко всесильному Избавителю, зовем: благословен еси, Боже отец наших!

И ныне: Христа Спаса Мати Благословенная, представительством Твоим всем Дух Сына Твоего в сердца наша всели, яко, да с нами Бога имуще, злых освободимся и пети выну Ему возможем: благословен еси, Боже отец наших!

Песнь 8

Ирмос: Отроки благочестивии в пещи рождество Богородично спасло есть. Тогда убо образующе, ныне же действующе, вселенную всю подвигает пети Тебе: Господа пойте дела и превозносите Его во вся веки!

Припев: Святый Царю-Мучениче Павле, моли Бога о нас!

Пение наше скудное и похваление недостойное приими, святый Павле, да не вотще взываем к Престолу Всевышнего: благословите, вся дела Господня, Господа.

Припев: Святый Царю-Мучениче Павле, моли Бога о нас!

Чада твоя есмы, боговенчане Царю Павле, не остави нас сирых, но на помощь к нам прииди и не забуди о славе твоей пекущихся, но радование им воздаждь, да вси согласно поем: благословите, вся дела Господня, Господа!

Слава: Прославил еси Господа Нашего Иисуса Христа милосердием твоим, святый Царю Павле, и изверженых от отечества своего рыцарей мальтийских в земле своей приял еси, верные же христиане о таковой милости Божией радостно возопиша: благословите, вся дела Господня, Господа!

И ныне: Богородице Дево, упование христианом непреложное, сохрани грады и веси страны Российския, Церковь в мире соблюди и люди православния на Тя уповающия, от погибели вечныя избави, да выну благословим вся дела Господня.

Песнь 9

Ирмос: Камень нерукосечный от Несекомыя Горы Тебе, Дево, краеугольный отсечеся, Христос, совокупивый разстоящаяся естества. Тем, веселящася Тя, Богородицу, величаем.

Припев: Святый Царю-Мучениче Павле, моли Бога о нас!

Отшел еси в селения праведных и духом предстоиши Присносущному Свету; призри убо на ны, живущия в селех многомятежного мира, и поспособствуй нам сущим во бранех, Павле блаженне, яко песньми тя ныне величаем.

Припев: Святый Царю-Мучениче Павле, моли Бога о нас!

Выну к раце мощей твоих приступающе, любезно целуем ю и от души вопием: благоверне Царю, молися прилежно Христу Богу, о еже скорбь наша на радость пременити и прошение грехов наших у Господа испросити, да тя любовию славим и величаем.

Слава: Любит милость и истину Господь и ты, помазаниче и угодниче Божий, милостливый буди ходатай о спасении нашем, да тебе ради и мы, обретше благодать, не отпадем славы вечныя, яко представительство твое святое песньми величаем.

И ныне: Свет роджшая Иисуса Христа, Господа нашего, просвещаяй всякаго человека, Дево Богородице, тем тя молим: от всяких бед и напастей люди твоя избави, да тя, заступницу рода нашего присно величаем.