Нерукотворный образ Господа нашего Иисуса Христа
(16 / 29 августа)
Во дни явления Господа нашего Иисуса Христа на земле, когда, живя с человеками, Он с проповедью о Царствии Божием проходил грады и веси Иудеи и окрестных стран, «исцеляя всяк недуг и всяку язю в людех», в Эдессе, городе Сирийском по ту сторону реки Евфрата, жил князь Авгарь.
Он страдал неисцельной болезнью, – проказою: снаружи его покрывали синеватые язвы; внутри он чувствовал ломоту костей и расслабление всего тела. До Авгаря достиг слух о Господе Иисусе Христе и о великих чудесах, совершаемых Им, – как словом Своим Он врачует проказу, расслабление и всякую болезнь; и сильно желал Авгарь увидеть своими глазами Творца таких чудес, надеясь и сам получить от Него исцеление. А так как князь не имел возможности сам идти в Иудею, то послал просьбу Господу Иисусу, умоляя Его придти к Нему в Эдессу. Не имея же уверенности, что просьба будет исполнена, Авгарь отправил в Палестину искусного живописца Ананию, поручив ему изобразить на иконе лицо Господа; князь желал иметь хотя ту отраду в своей болезни, что будет видеть изображение лица Христа Иисуса; столь велика была у него любовь ко Христу, внушенная верою по слуху. Послание Авгаря Господу Иисусу состояло в следующем: «Князь Эдесский Авгарь Иисусу, благому Спасителю в странах иерусалимских явившемуся, во плоти радоваться. До меня достиг слух о Тебе и Твоих преславных чудотворениях, как без врачевства и лекарств Ты исцеляешь болезни, – слепым даешь прозрение, хромым хождение, отгоняешь от людей нечистых духов, очищаешь прокаженных, расслабленных, в течение многих лет лежащих на одре, врачуешь словом и воскрешаешь мертвых: слыша о Тебе, что Ты совершаешь столь дивные чудеса, я относительно Тебя пришел к такого рода двум заключениям: Ты или Бог, сошедший с неба, или Сын Божий. Посему я и обращаюсь к Тебе с таким смиренным молением, да потрудишься придти ко мне и исцелить неизлечимую болезнь мою, от которой я страдаю уже много лет; дошло до меня также, что иудеи ненавидят Тебя и хотят причинить Тебе зло. Я же имею город, хотя и небольшой, но красивый и изобилующий всем; итак приходи ко мне и живи со мною в моем городе, в котором для нас обоих найдется всё потребное».
С этим посланием Авгаря живописец Анания достиг Иерусалима. Он увидел Господа Иисуса учащего на равнине среди множества людей, но не мог приблизиться к Нему по причине тесноты, производимой скученностью народа. Ожидая времени, когда разойдется народ, Анания вступил на один камень, немного возвышавшийся над землею; отсюда он внимательно всматривался в лицо Спасителя, намереваясь изобразить его; и не мог Анания сделать этого, ибо Всевидец, не благоволивший к намерению живописца, изменял лицо Свое божественною, непостижимою, недоступною для изображения руки человеческой, славою и благодатию. Долго трудился Анания, но ничего не достиг. Господь же повелел Апостолу Фоме идти и привести мужа, который, стоя на камне, изображает его лицо. Когда его подвели и он еще ничего не начал говорить, Господь подозвал его к себе по имени и, указывая на его занятие, назвал его по имени живописцем Ананиею и открыл причину его пришествия, говоря:
– Где письмо князя твоего Авгаря, которое ты принес ко мне из Эдессы?
Анания, в удивлении и ужасе от Господней прозорливости, тотчас вынул послание князя и с трепетом отдал его в руки Спасителя. Господь, прочтя послание, написал Авгарю следующее: «Блажен ты, Авгарь, не видевший Меня и уверовавший в Меня, ибо о Мне написано, что видящие Меня не имут веры, не видящие же Меня уверуют в Меня и наследуют жизнь вечную. Ты пишешь ко Мне, чтобы Я пришел к тебе, но Мне подобает совершить то, ради чего Я послан, и, по совершении, возвратиться к Пославшему Меня Отцу. И когда Я буду вознесен к Нему, тогда пошлю к тебе одного из учеников Моих, который, совершенно исцелив тебя от твоей болезни, подаст тебе и находящимся с тобою жизнь вечную (через крещение)».
Написав такое послание Авгарю, Господь Иисус Христос запечатал его печатью, на которой находилось еврейским письмом такое начертание: Божие видение, Божественное чудо. Затем Господь, исполняя желание Авгаря и художник, приказал принести воду и, умыв пресвятое лицо Свое, отер его поданным Ему четвероконечным убрусом. И о, чудо! простая вода обратилась в краску, и на убрусе отпечаталось пресвятое подобие Божественного лица. Отдавая это изображение Анании вместе с письмом, Господь сказал:
– Неси, отдай пославшему тебя. (Это были последние дни жития Господа на земле пред Его страданиями.
И возвратился Анания в Эдессу к князю своему и отдал ему нерукотворенное изображение на убрусе лица Христова и письмо. Взяв их, Авгарь исполнился радости и облобызал с любовью; поклонившись образу Христову, он тотчас получил облегчение в болезни, так что только малая часть проказы оставалась на лице его до того времени, когда должен был придти к нему посланный Господом ученик.
По вольном же страдании, воскресении и вознесении на небо Господа, в Эдессу пришел, по Божественной благодати, святой Фаддей, один из семидесяти Апостолов: достаточно наставив Авгаря святой вере в Христа, святой Фаддей крестил князя; и когда Авгарь, войдя во святую купель, крестился, тотчас уничтожилась оставшаяся часть проказы, и он вышел из купели совершенно чистым, здравым телом и душою. Вместе с Авгарем крестился весь дом его и весь город, и славилось в Эдессе имя Господа нашего Иисуса Христа, единого истинного Бога. Был же на воротах Эдессы стоявший здесь исстари идол какого-то языческого божества, которому всякий, входивший в город, обязан был воздать поклонение. Этого идола Авгарь свергнул с его места и уничтожил; потом он устроил над воротами в каменной стене круглое углубление, в которое не мог попадать дождь; наложив убрус нерукотворенного образа Христова на доску не гниющего дерева, Авгарь обложил и украсил его золотом с драгоценными камнями и поставил в стене над вратами; кроме того, он сделал еще такую надпись золотыми буквами:
– Христе Боже! Всякий уповающий на Тебя не постыдится.
И повелел Авгарь всем входящим в город и исходящим из него поклоняться божественному образу Христову; он издал закон, повелевавший непременно воздавать таковую честь Господню изображению; это благочестное повеление Авгаря, огражденное законом, соблюдалось в течение многих лет: как во дни жизни его и его сына, по нем княжествовавшего в Эдессе, так и при его внуке. Затем, при одном из правнуков Авгаря, приявших княжение в Эдессе, возобновилось в городе древнее языческое нечестие: этот князь, развратившись, отступил от Христа и уклонился в идолопоклонство. Увидев на городских вратах образ Спасителя, почитаемый всеми входящими и исходящими, князь, как враг Христа, вознегодовал; он захотел сбросить со стены божественное изображение, поставив на его место идола. Узнав об этом, по особому извещению от Господа, епископ Эдессы пришел ночью с клириками к вратам городи и, поднявшись по лестнице, поставил пред святым образом Христовым зажженную лампаду с деревянным маслом; потом епископ заложил святой образ глиняною доскою, а затем кирпичами и покрыл заделанное таким образом место мелом и сравнял со стеною, – так ему было повелено божественным явлением. Когда нерукотворенный образ Христов стал невидим, нечестивый князь оставил свое намерение. И, по многом времени, в памяти людей уничтожилось воспоминание о святом образе, забыто было и место его заграждения; никто не знал о нем до дня его чудесного явления после очень многих лет, совершившегося следующим образом.
Во дни благочестивого царя Иустиниана царь персидский Хозрой с большим войском подошел к Эдессе, окружил его и начал упорную и продолжительную осаду. Когда же граждане, находясь в изнеможении от недоумения и великого страха, со слезами молились Богу, в одну ночь епископу Эдессы Евлавию явилась некая пресветлая, блистающая великою славою, невеста; показывая перстом на городские ворота и место в стене, она сказала:
– Вверху этих врат сокрыт божественный нерукотворенный образ Спаса Христа; хорошо сделаешь, когда вынешь его из заграждения.
Епископ с поспешностью пошел ко вратам и, поднявшись к месту указанному в стене, нашел всё так, как было сказано ему в откровении; узнав заграждение, он раскопал его и отнял доску; и нашел пречистый и пресвятой образ Христов цел и невредим, лампаду, несмотря на то, что прошло уже столько лет, не угасшей и полной елея; а на самой доске, которою заложен был образ, отобразилось нерукотворенно другое такое же подобие Лица Христова. Епископ взял убрус с изображением Спаса и показал гражданам; и была для всех великая радость, и все исполнились мужества, уповая на Господа. Епископ, совершая усердное моление, понес образ по стенам города, являя Лицо Спасителя персидским воинам, осаждавшим город, и тотчас всё персидское войско, гонимое божественною силою, обратилось в бегство. Так Эдесса милосердием Христа Бога нашего и явлением Его нерукотворного пресвятого образа была избавлена от своих врагов.
Затем, также по прошествии многих лет, когда в Греции был царем Роман Багрянородный, прозывавшийся еще Ликапенис, разделявший власть с Константином, сыном Льва Премудрого и своим зятем, святой убрус с нерукотворенным изображением божественного Лица Христова перенесен был из Эдессы, захваченной сарацинами, в Константинополь: в те времена уже вся Сирия, в которой и находится Эдесса, была под властью сарацин. Перенесение это совершилось таким образом: царь греческий Роман, желая иметь в Царьграде бесценное сокровище (нерукотворенный образ Спаса) много раз посылал к эмиру Сарацинскому просьбу отдать ему нерукотворный образ Христов. Эмир же, упрашиваемый эдесскими христианами, не хотел отдать образа, и возникла война: царь Роман послал в Эдессу свое войско и стеснил город, опустошая окрестности. Тогда эдессяне послали к царю греческому просьбу о прекращении войны; царь же просил у них образ Христов. Эмир же сарацинский, под властью коего была Эдесса, не хотел отдать даром; царь же христианский, движимый великим желанием иметь у себя нерукотворный образ Христов, дал эмиру двенадцать тысяч сребреников в возвратил из плена греческого двести знатных сарацин, к этому он присоединил еще свое царское за золотой печатью писание, обещая никогда не поднимать войны ни на Эдессу, ни на его окрестные города. Получив через это желаемое, царь принял нерукотворенный образ Христов и с ним вместе и то послание, которое, как замечено выше, Господь наш Иисус Христос написал Авгарю, князю эдесскому; руками архиереев и прочих честных мужей духовного чина святой образ был перенесен в Царьград. По пути и в самом Царьграде от честного образа совершались многие чудеса: исцелялись всякие недуги, – слепые прозревали, глухие слышали, хромые ходили и бесы изгонялись. Один же бесноватый восклицал:
– Восприими, Константинополь, твою славу и веселие, а ты, Порфирородный, честь твоего царства.
Так взывая, человек этот исцелился от беснования.
Празднование перенесения нерукотворного образа Христова установлено в 16 / 29 день августа месяца, когда именно Его приял с великою честью и торжеством царствующий город и поставил в церкви Пресвятой Богородицы Фаросской на защищение граду и во славу Христа Бога нашего, со Отцом и Святым Духом славимого ныне и присно и во веки веков. Аминь.
АКАФИСТ
Кондак 1
Пречистому Твоему Образу покланяемся, Благий, просяще прощения прегрешений наших, Христе Боже, волею бо благоволил еси плотию взыти на Крест, да избавиши, яже создал еси, от работы вражия, тем с надеждою вопием Ти: Господи Боже, Спасителю мой, прииди ко мне noгибающему и исцели болезни моя неисцельныя.
Икос 1
"Иисусе, Спасителю мой, – молил смиренно Авгарь князь Едесский, – прииди ко мне и исцели неисцельныя болезни моя, в нихже от многих лет стражду". Ему же подражая, и аз, пораженный гpexoвною проказою, мольбою вопию сице:
Господи мой, Господи, помилуй мя по велицей милости Tвoeй, и по множеству щедрот Твоих очисти беззаконие мое.
Господи Спасителю мой, росою милости Твоей омый мя от беззакония моего, и от греха моего очисти мя.
Господи, отврати лице Твое от грех моих и вся беззакония моя очисти.
Господи, сердце чисто созижди во мне и дух прав обнови во утробе моей.
Господи, не отвержи мене от лица Твоего и Духа Твоего Святаго не отыми от мене.
Господи Боже, Спасителю мой, прииди ко мне погибающему и исцели болезни моя неисцельныя.
Кондак 2
Видя любовь и веру Авгаря Едесскаго, Господи, Ты писал еси ему "Блажен еси Авгарь, не видевый Мя и веровый в Мя. Аз пошлю ученика Моего и той исцелит тя и жизнь вечную подаст ти и сущим с тобою". Посли же, Господи, милость Твою и мне вопиющему: Аллилуиа.
Икос 2
Разум не постигает тайны, как Господь приложением к Божественному лику Своему убруса, изобрази на нем подобие Свое, посылаше оное к Авгарю, желание того исполняя. Сей же радости великой исполнься, поклонися образу Христову. Емуже и мы с благоговением днесь поклоняемся, с мольбою и верою зовуще:
Господи мой, Господи, устне моя отверзиши, и уста моя возвестят хвалу Твою.
Господи мой, Господи, возврати ми радость спасения и Духом Владычным утверди мя.
Господи, Тебе Единому согреших и лукавое пред Тобою сотворих, по милости Твоей пощади мя.
Господи мой, Господи, Спасителю мой, призри на скорбь души моея и поспеши на помощь мне.
Господи мой, Господи, услыши мя и от всех скорбей избави мя.
Господи Боже, Спасителю мой, прииди, ко мне погибающему и исцели болезни моя неисцельныя.
Кондак 3
Силою любве и радости преисполненный поклонися Авгарь Нерукотворенному образу Спасителя мира и, получив своих болезней исцеление, с верою воззва "Христе Боже, всяк уповающий на Тя не постыдится". Сим поучая и нас всегда уповати на милости Господни и пети Ему: Аллилуиа!
Икос 3
Имея любовь к падшему роду человеческому, Ты, Христе Боже, чрез единаго от учеников Твоих воззвал eси Авгаря от мрака гpеxoвного и просветил душу его светом истины Твоея. Воззови и меня от глубины греховныя, да и аз с плачем возопию Тебе сице:
Господи мой, Господи, даруй ми слезы умиления, да ими Тя умолю – очисти прежде конца вся моя npeгрешения.
Господи, просвети мою душу светом Твоего Божественнаго познания, и введи мя по милости Твоей в Царство Твое.
Господи мой, Господи, просвещение мое и Спаситель мой, к Тебе прибегох, научи мя творити волю Твою.
Господи мой, Господи, Боже мой, вразуми сердце мое, и отжени от него искушение лукаваго, и настави мя на путь спасения.
Господи мoй, Господи, не отрини убо моления моего и услыши мя, Твоею Благостию утверди сердце мое страхом Твоим.
Господи Боже, Спасителю мой, прииди ко мне погибающему и исцели болезни моя неисцельныя.
Кондак 4
Буря страстей и треволнений житейских потопляет мя, и сердце, объятое ужасом смерти, вопиет Ти: Господи, несть помогающаго ми на земли, спаси мя, якоже древле Авгаря, и даруй купно с ним пети Ти: Аллилуиа.
Икос 4
Слыша, яко иудее ненавидят Тя, и хощут нечто злое содеяти Тебе, Господи, пишет Авгарь: "Аз молю: прииди ко мне и обитай со мною". Того любви подражая, и аз, восстав из глубины падения моего, дерзновенно молю Тя, Христе Боже, сице:
Господи Боже мой, вниди в дом души моея и пребуди неотлучен со мною грешным.
Господи, Боже сердца моего, прииди и соедини мя с Тобою на веки. Господи мой, Господи, к Тебе прилепилась еси душа моя, прииди и радости исполни сердце мое.
Господи Боже, Спасителю мой, прииди ко мне погибающему и исцели болезни моя неисцельныя.
Кондак 5
Благословен грядый во имя Господне – воспеваху древле дети еврейскии, встречая Господа в Иерусалиме. Мы же днесь, раскрывая двери сердец наших грядущему к нам Спасу, со умилением зовем: Аллилуиа.
Икос 5
Дивныя глаголы Ты рекл еси, Господи, всем погибающим: "Да не смущается сepдце ваше, и да не устрашается, веруяй в Бога, и в Мене веруйте и наследите Царство, уготованное вам от создания мира". Аз же, помышляя свое беззаконие, молю Тя, Блаже, утверди сердце мое и просвети ум мой, Тебе вопиющий:
Господи мой, Господи, призри на мя и просвети очи мои, да не усну в смерть.
Господи мой, Господи, путеводя Израиля от земли фараоновой, настави мя на путь Твой, да пойду во истине Твоей.
Господи Иисусе Христе, Сыне Божий, верую в Тя, помози моему неверию.
Господи мой, Господи, да не яростию Твоею обличиши мене, и не удаляйся от мене за беззакония моя.
Господи Боже, Спасителю мой, прииди ко мне погибающему и исцели болезни моя неисцельныя
Кондак 6
Воззрети очима на образ Твой, Господи, не смею окаянный аз от лукавых моих деянии, но яко мытарь, стеня, взываю Ти: Боже, очисти мя грешнаго от фарисейскаго лицемерия и научи чистым сердцем пети милосердию Твоему: Аллилуиа.
Икос 6
Возсия в скорби моей утешительное слово Твое, Спасителю мой, еже рекл еси: "Не оставлю вас сиры, прииду к вам". Того ради аз, избегши темноту отчаяния, с надеждою на Твое человеколюбие прибегох к Тебе сице моляся:
Господи мой, Господи, Прибежите мое в беде и в скорби, не остави мя едина.
Господи мой, Господи, безгрешный, с беззаконными вмененный, изми мя от рук ненавидящих мя.
Господи мой, Господи, от поругания видимых и невидимых врагов сохрани мя.
Господи мой, Господи, прости мя и приими мя, якоже блуднаго древле во объятия Твоя.
Господи Боже, Спасителю мой, прииди ко мне погибающему и исцели болезни моя неисцельныя.
Кондак 7
Дивныя показал еси дела Твоя, Господи, в пречистем образе Твоем и чудности даровал утешение всем земнородным, научив их в скорбных обстояниях жизни прибегати к Твоему милосердию и пети Тебе с любовию: Аллилуиа.
Икос 7
Храм носяй телесный весь осквернен, множество содеянных мною лютых, трепещу страшнаго Суднаго дне и молю: покаяния отверзи ми двери, Жизнодавче, и яко Давид вопию Ти:
Господи мой, Господи, услыши моление мое, внемли молитве моей и помилуй мя.
Господи Боже мой, Твой семь аз, вразуми мя и жива будет душа моя.
Господи Боже мой, пастырю мой, заблудих, яко овча погибшая, взыщи раба Твоего и спаси мя.
Господи мой, Господи, помилуй мя, исцели душу мою, яко согреших Тебе.
Господи Боже, Спасителю мой, прииди ко мне погибающему и исцели болезни моя неисцельныя.
Кондак 8
Страшнаго дне пришествия Твоего ужасаюся, Христе, и трепещу, яко имый множество согрешений, но Ты, Милостивый Боже, прежде конца обрати мя, поющего Ти: Аллилуиа.
Икос 8
Весь был еси любовь к падшим человеком, о Иисусе, и даровал еси им образ Твой Святый, ясно глаголющий всем в скорби и печали сущим: "Приидите ко Мне, вси труждающиися и обремененнии, и Аз упокою вы". Сего ради погибающий, со дерзновением молю Тя, Христе, сице глаголя:
Господи мой, Господи, хранителю мой, сохрани мя от врагов, нападающих на мя.
Господи мой, Господи, в вышних живый и на смиренныя призираяй, призри на мя грешнаго и буди отрадой моей.
Господи мой, Господи, спаси мя, утопающаго в пучине житейских искушений.
Господи мой, Господи, да не смущается сердце мое и да не устрашается во исповедании имени Твоего.
Господи мой, Господи, приими мя, яко мытаря, яко Хананею помилуй, помилуй мя по милости Твоей.
Господи Боже, Спасителю мой, прииди ко мне погибающему, и исцели болезни моя неисцельныя.
Кондак 9
Вси языцы, приидите, с любовию и трепетом поклонимся пречистому образу Спасителя мира, избавльшему нас от работы вражия и благодарственно вопием Ему, Победителю смерти и ада: Аллилуиа.
Икос 9
Весь пораженный проказою греховною, недоумеваю, како есть достойно величати Тя, о Владыко многомилостивый, но верою сердечною исповедую Тя, истиннаго Сына Божия, смиренно стою пред образом Твоим Святым, сице моляся:
Господи Иисусе, Радосте моя, даждь ми, да возрадуюся о милости Твоей.
Господи, Спасителю мой Преблагий, спаси раба Твоего от неверия и беззакония.
Господи мой, Господи, Милость неизреченная, благодатию Твоею потреби гнев в сердце моем.
Господи мой, Господи, чистота неописанная, чистоту сердца и ума даждь ми.
Господи мой, Господи, одеяйся светом яко ризою, освяти мя, печалями житейскими омраченнаго.
Господи Боже, Спасителю мой, прииди ко мне погибающему и исцели болезни моя неисцельныя.
Кондак 10
Господи мой, Господи, милосердый Спасителю мой, душу мою студными деяниями люте разслабленную воздвигни Божественным Твоим милосердием, якоже древле разслабленнаго при овчей купели, и на спасения стези настави ю, да поем Ти: Аллилуиа.
Икос 10
Царю Предвечный, Утешителю, Христе Истинный, очисти мя от всякия скверны, якоже очистил eси десять прокаженных и исцели мя, якоже исцелил еси сребролюбивую душу Закхея мытаря, да воспою Ти, сице глаголя:
Господи мой, Господи, недуги наша приемый и болезни понесый, исцели болезни сердца моего.
Господи мой, Господи Иисусе, Помощниче мой, помози ми, яко изнемогает душа моя от скорби сея.
Господи мой, Господи, очи давый слепому во еже видети, даждь ми око, да узрю кротость и терпение Твое.
Господи долготерпеливый, избави душу мою от нечестиваго и спаси мя ради милости Твоея.
Господи Боже, Спасителю мой, прииди ко мне погибающему и исцели болезни моя неисцельныя.
Кондак 11
Пение всеумиленное Тебе приносяща, и сокрушенным сердцем молящася, не презри мя, о Преблагий Владыко! Отврати убо лице Твое от грех моих! Но не отврати лица Твоего от раба поющаго Тебе: Аллилуиа.
Икос 11
Христе Свете истинный, просвещаяй и освящаяй всякаго человека грядущаго в мир, призри на мя, грешнаго и непотребнаго раба Твоего и исправи жизнь мою по заповедям Твоим, и душу мою освяти, да принесу Ти молитву сице:
Господи Иисусе Христе, Ты Свет мира, светом Твоим осияй мя. Господи мой, Господи, Ты источник жизни, даруй душе моей жизнь нетленную и утверди ю в заповедех Твоих.
Господи Иисусе Христе, Ты Солнце правды, правдою Твоею согрей душу мою и озари ум мой.
Господи мой, Господи, Ты наставник мой, научи мя творити волю Твою и любити Тя всем сердцем.
Господи мой, Господи, Ты отверзл eси очи слепому, отверзи и мне двери покаяния и, яко щедр, очисти вся грехи моя.
Господи Боже, Спасителю мой, прииди ко мне погибающему и исцели болезни моя неисцельныя.
Кондак 12
Благодатию Твоею всесильною, утверди сердце мое в вере, надежде и любви, даруй ми покаянием и неослабленным исполнением заповедей Твоих достигнуть Царствия Небеснаго, идеже с лики апостольскими воспою: Ти Аллилуиа.
Икос 12
Ты, Пастырю добрый, рекл еси всем, в скорби и печали сущим: "Друзи Мои, Аз иду ко Отцу Моему и Отцу вашему уготовити место вам, но паки прииду и возьму вас к Себе, аще заповеди Моя соблюдаете". Сему благоговейно внимая, дерзну и аз, погруженный в лютую скорбь, приступити к Тебе, сице моляся:
Господи мой, Господи, милосердый Спасителю мой, спаси мя погибающаго.
Господи мой, Господи, отжени от мене тучи неверия, зла и вражды и Духом Твоим Благим настави мя на путь правды.
Господи мой, Господи, утешение души моея, утеши мя в печали сущаго.
Господи Боже мой, имене ради Твоего, оживи мя и правдою Твоею изведи из печали душу мою.
Господи, Царю Пресильный, помяни мя, егда приидеши во Царствии Твоем.
Господи Боже, Спасителю мой, прииди ко мне погибающему и исцели болезни моя неисцельныя.
Кондак 13
О, Премилосердый и Преблагий Господи Боже, Спасителю мой, пришедый в мир для спасения падшаго человека, не возгнушайся мене паче всех человек прегрешившаго и не отврати от мене лица Твоего, но призри на лютую скорбь и печаль души моея, исцели и утверди в свете истины и любве, да поем Ти: Аллилуиа!
О Спасе мой Премилосердый, пришедый в мир для спасения падшаго человека, взыщи мя погибаюшаго и благодатию Твоею душу мою освяти, тело очисти и жизнь исправи по эаповедем Твоим, да воспою Ти чистым сердцем: Аллилуиа.
О Спасе Moй Премилостивый, призри на раба Твоего, утопающаго в мори житейских искушений и бед, и, яко же древле Петра утопающа, спаси благодатию Твоею, освяти душу и утверди на стези заповедей Твоих, да чистым сердцем и усты вопию Ти с любовию: Аллилуиа.
(Этот кондак читается трижды, затем 1-й икос и 1-й кондак)
МОЛИТВА
О, Преблагий Господи Иисусе Христе, Боже наш, Ты древле человеческаго естества Твоего лице, пресвятою водою смыв и убрусом отер, чудесно убо на том же убрусе изобразити Себе и Едесскому князю Авгарю во исцеление его от недуга послати благоволил еси. Се и мы ныне, грешнии рабы Твои, душевными и телесными недуги нашими одержими, лица Твоего, Господи, ищем и с Давидом во смирении душ наших зовем: не отврати лица Твоего, Господи, от нас и не отклонися гневом от рабов Твоих, помощник нам буди, не отрини нас и не остави нас. О, Всемилостивый Господи, Спасителю наш, изобрази Сам Себе в душах наших, да во святыни и правде жительствующе, будем сынове Твои и наследницы Царствия Твоего, и тако Тебе, Премилостиваго Бога нашего, купно со Безначальным Отцем Твоим и Пресвятым Духом славити не престанем во веки веков. Аминь.
ТРОПАРЬ
Тропарь, глас 2
Пречистому Твоему образу покланяемся Благий, просяще прощения прегрешений наших Христе Боже: волею бо благоволил еси плотию взыти на крест, да избавиши, яже создал еси, от работы вражия. Тем благодарственно вопием Ти: радости исполнил еси вся Спасе наш, пришедый спасти мир.
Кондак, глас 2
Неизреченного и божественного Твоего к человеком смотрения, неописанное Слово Отчее, и образ неписанный и богописанный победителен ведуще неложнаго Твоего воплощения, почитаем того лобызающе.
КАНОН
(Нерукотворному образу Господа нашего Иисуса Христа)
Тропарь, глас 2
Пречистому образу Твоему покланяемся, Благий, просяще прощения прегрешений наших, Христе Боже: волею бо благоволил еси плотию взыти на крест, да избавиши, яже создал еси, от работы врагу. Темже благодарственно вопием Ти: радости исполнил еси вся, Спасе наш, пришедый спасти мир.
Глас 6-й
Песнь 1
Ирмос: Яко по суху пешешествовав Израиль по бездне стопами, гонителя фараона видя потопляема, Богу победную песнь поим, вопияше.
Припев: Слава Тебе, Боже наш, слава Тебе.
Плотски изобразитися по нам, Иже прежде Безплотный, благоволением Отчим, не отвергийся зрака, дарова нам Божественное изображение.
Слава Тебе, Боже наш, слава Тебе.
Неизменное естество, Отчий предел известнейший, в человеческую плоть пришедый свойства на земли оставил есть нам, возшедый на Небеса.
Слава Тебе, Боже наш, слава Тебе.
Колеблемое лестию сопротивных достояние Твое оправдал еси Христе, честными Твоими сие утвердив страстьми, и зрака изображением.
Слава: Подобаше принестися к Царствующему всеми грады, Небесе и земли Царя образа начертанию, еже Он воплощейся самодетельно омочил есть, царя и христолюбивых поспешеньми.
И ныне: От чистых Твоих ложесн преестественне плоть заимствовавый, Иже всем подаяй еже быти человеком, Пренепорочная, видящеся, не отступль, идеже бе первее.
Песнь 3
Ирмос: Несть Свят, якоже Ты, Господи Боже мой, вознесый рог верных Твоих, Блаже, и утвердивый нас на камени исповедания Твоего.
Слава Тебе, Боже наш, слава Тебе.
Одеждею добродетелей одеял еси, Спасе, честную Церковь, подвигнув царево сердце, защищение взыскати Твоего подобия.
Слава Тебе, Боже наш, слава Тебе.
Обнажити хотя добрая, и временем умалити, иже зависти родитель, рукам скверным сия предаде безстудне, но обличися, всуе помышляя.
Слава Тебе, Боже наш, слава Тебе.
Светло радовашеся иногда Давид, ликуя пред кивотом святым, и ныне скиптры прием управляти царския, множае радуется Божественному изображению.
Слава: Тебе, создавшему человека по образу первее, во еже вообразился еси абие за милосердие, тем приемша Тя воистинну подобие неизменное, со Ангелы, Христе, славим.
И ныне: Из корене всяко отсещи праотца хотяй Твой Сын, Дево, прозябшее преслушание, из чрева Твоего, Чистая, приемлет все человеческое.
Седален, глас 1-й
Едесский царь всех Царя, не скиптры, ниже вои, но множества чудес словом износящаго, познав Тя, моляше богочеловечное к себе получите, во образе же яко узре Тя, взываше: Бог Ты и Господь.
Песнь 4
Ирмос: Христос моя сила, Бог и Господь, честная Церковь боголепно поет взывающи, от смысла чиста, о Господе празднующи.
Слава Тебе, Боже наш, слава Тебе.
Сладкое убо солнце, озаряющее очеса, сладчайшее же зрение Твоего, Христе, подобия, яко то убо чувственная, сие же умная свет озаряет.
Слава Тебе, Боже наш, слава Тебе.
Крепость оскуде исмаильтеская: десницы бо оружия крестнаго все ограждение державномудренный царь в своей земле положи.
Слава: Князи вси и судии земли, благословите Христа с первосвященники и святители днесь и всеми людьми, Того зрения сподобльшиися.
И ныне: Соблюденну быти Твоему граду, Пречистая, невредимо, от нашествия варварскаго, молися, молимся, се бо колико нань наветницы созидают.
Песнь 5
Ирмос: Божиим светом Твоим, Блаже, уренюющих Ти души любовию озари молюся: Тя ведети, Слове Божий, Истиннаго Бога, от мрака греховнаго взывающа.
Слава Тебе, Боже наш, слава Тебе.
Мал Тебе град приятелище древле предуготова Христе, егоже Фаддея пришествие недуг пременяет, и руки Твоея писание и Божественное напечатание лица Твоего.
Слава Тебе, Боже наш, слава Тебе.
Благодатей Твоих дарования, Христе, преумножишася: яже бо первее Едес недрствовавши хвалящеся, новый же приемши Рим, радуется.
Слава: Очи Господни на праведныя цари, и уши на молитву царей благочестивномудрствующих, чтущим Его подобие благолепно самописанное.
И ныне: Устави, Дево, врагов настояния частая, разруши советы их, достоянию Твоему помози: зриши бо, яко отчаяхомся озлболеннии.
Песнь 6
Ирмос: Ят бысть, но не удержан в персех китовых Иона: Твой бо образ нося, Страдавшаго, и погребению давшагося, яко от чертога от зверя изыде. Приглашало же кустодии: хранящий суетная и ложная, милость сию оставил есте.
Слава Тебе, Боже наш, слава Тебе.
Краснейший добротою, Спасе, паче всех сынов человеческих: аще бо ни видения имяше, ниже доброты во время страсти, но сущим вся просвещаше, и являше Твоего зрака видение. Егоже подобия на обетшавшем руне изображение, якоже сокровище нам даровася.
Слава Тебе, Боже наш, слава Тебе.
Крепости нанесенныя от агарянскаго множества, якоже от иноплеменных кивот Израилю новому, лица Твоего ныне к сему даде изображение Твое, Христе, и славу, юже стяжа: ниже бо подобаше лже, святая псом предпометати.
Слава: Не ведущу о Царствии Твоем Небеснем, к немуже нас, Благий, из тленных и долу лежащих возвел еси, Иже невещественными Херувимы неприступен снизшел еси даже до ада, Твоего апостола ко Авгарю, Христе, послал еси, таинственно умудряюща.
И ныне: От крепости руки Твоея, Спасе, ныне остах аз: но раны Твоя удалил еси от мене, молитвами неискусобрачно Рождшия Тя, Слове, да не оставиши мене бурею греховною погружатися, и люте плавати, Едине Избавителю.
Кондак, глас 2-й
Неизреченнаго и Божественнаго Твоего к человеком смотрения, неописанное Слово Отчее, и образ исписанный, и богописанный победителен, ведуще неложнаго Твоего воплощения, почитаем, того лобызающе.
Икос
Уверяя человеком Господь вочеловечения Своего тайну ужасную, самописует богомужный Свой образ на убрусе, и первообразное убо вознес от горы Елеонския, на престоле спосаждает Отчи, покланятися от безтелесных Ангел. Подобию же первообразнаго нам дарова покланятися: Егоже объемлюще душею же и сердцем, почитаем, того лобызающе.
Песнь 7
Ирмос: Отроцы в Вавилоне пещнаго пламене не убояшася, но посреде пламене ввержени, орошаеми пояху: благословен еси Господи Боже отец наших.
Слава Тебе, Боже наш, слава Тебе.
Глаголом убо всяку болезнь, Слове Божий, отгнал еси, по земли ходяй, но ко Отеческому престолу восходяй, изображением исцеляеши нашу болезнь.
Слава Тебе, Боже наш, слава Тебе.
Словом всяческая создавши и воображся в чуждее, зрака Твоего оставил есть нам свойственная, яже подъемлюще, в радости веселимся.
Слава Тебе, Боже наш, слава Тебе.
От всея души поискав свойства Твоего напечатание верный царь, якоже искаше, тако и получи, Господи, взаим обрет Божественнаго желания исполнение.
Слава: К Боговидению очи уготовим, и достойно потщимся видети образ Христов всечестный, во спасение наше.
И ныне: Осуждения древняго разрешися человечество Рождеством Твоим: Тя бо Едину небес ширшую обрет, Всенепорочная, Бог в Тя вселися.
Песнь 8
Ирмос: За законы отеческия блаженнии в Вавилоне юноши предбедствующе, царюющаго оплеваша повеление безумное, и совокуплени имже не сваришася огнем, Державствующему достойную воспеваху песнь: Господа пойте дела и превозносите во вся веки.
Слава Тебе, Боже наш, слава Тебе.
Якоже убо лицем к лицу надеющеся Тя, Господа, прийти, вси града избраннейшии людие сретение чудесно Ти сотворяют, архиереов Божественный предводяй лик. На ихже рамех носимый и к достоянию Твоему влагаем, Щедрый, почил еси в храме Матере Твоея.
Слава Тебе, Боже наш, слава Тебе.
Уста незлобивых детей к пророкоубийственному Тя древле шествующа граду песнословяху, но сонм соборища еврейскаго беззаконный, убийственную руку вооружаше свирепеющую на Тя. Ныне же законный град, вси купно предтекшии яко Содетеля, Тя зря, радуется, приемля образ зрака Твоего.
Слава: Паче Моисея Боговидца, Богописанныя скрижали приемшаго, возвеличился еси честный местоначальниче, прием честное послание Божия Слова, блажащее Тя благочестию веровавшаго, иже никакоже виде чудодействия.
И ныне: Плоть произволивый носити, Великаго Совета Отча Ангел, во утробе Твоей, Пречистая, совершенно действовася, и Тя, Матерь, доле описа, Чистая, и истлевшее обнови человеческое естество. Егоже благословим вси яко Зиждителя, и превозносим во вся веки.
Песнь 9
Ирмос: Странствия Владычня, и Безсмертныя Трапезы на Горнем месте, высокими умы, вернии, приидите, насладимся возшедша Слова, от Слова научившеся, Егоже величаем.
Слава Тебе, Боже наш, слава Тебе.
Изблева на Тя народ неразумный, Спасе, и вместо благодетельства безместная дерзостне Ти протяже, но мы, иже далече отстоящия, страстьми Твоими сыноположихомся.
Слава Тебе, Боже наш, слава Тебе.
Помощь на враги, благочестивым и верным подаждь царем, яко знамение плоти Твоея, якоже необоримое, Владыко, стяжавше ограждение, сими да видят спасение свое.
Слава: Образе неизменный, Отеч, Сияние славы Присносущнаго Света, печать Вышняго, Слове, Сило и Мудросте, Тя богословящим Благопременитель буди.
И ныне: Видено бысть на земли плотоносное Слово, сугубо естеством из Тебе, Всенепорочная, воздаянием Божества, в единой Ипостаси, несмесне соединився смешению, Егоже славим.
История образа: http://alchevskpravoslavniy.ru/knigi/zhitie-svyatyx/14389.html
