Пятидесятница

 

 

(Пятидесятый день после Пасхи)

 

   Троица празднуется на 50-й день после Пасхи, отчего и называется Пятидесятницею. В этот день Господь согласно Своему обещанию, послал Духа Святаго, сошедшего в виде огненных языков на апостолов, и они стали говорить на разных, не известных им ранее, языках. Тем самым Господь предуготовлял их к проповеди веры Христовой, которую апостолы призваны были нести по всему міру. Вот как это описано в Деяниях Апостолов (Деян. ап. 1-2).

   После Вознесения Христа апостолы вместе с Божией Матерью, всего «человек около ста двадцати», собрались в Сионской горнице в постоянной молитве. Внезапно послышался шум с небес, который наполнил весь дом и был слышен далеко за его пределами. В воздухе появилось множество огненных языков, они опустились на головы апостолов и лишь светили, но не жгли. Вместе с этими внешними явлениями последовало внутреннее, совершившееся в душах апостолов – «исполнишася вси Духа Свята». И Дух Святой навсегда наполнил Собою души апостолов.

   Как только огонь Божественный возгорелся в душах апостолов, они вознесли к небу слово хвалы и благодарения Богу за Его благодеяния к роду человеческому. И каждый из облагодатствованных начал говорить на каком-нибудь до сих пор ему неизвестном языке той страны, где он никогда не был. Это знание для апостолов было даром Духа Святого, необходимым для распространения Евангельской Истины во всем міре.

 

   Шум с неба привлек к Сионской горнице множество иудеев. Они были поражены неожиданным для них явлением: ученики Христовы, галилеяне по происхождению, люди неученые и необразованные, вдруг заговорили на иноземных языках. И, как ни разнообразна была толпа собравшихся по их происхождению и языку, каждый, однако, слышал какого-нибудь одного проповедника, который прославлял Бога на языке его страны. Нашлись и нечестивые, которые «насмехаясь, говорили», что апостолы «напились сладкого вина» (Деян. 2:13).

   Тогда св. апостол Петр произнес первую проповедь, в которой указал в славном событии, совершившемся в сей день, на исполнение древних пророчеств и завершение того великого дела спасения людей, которое исполнил на земле распятый и воскресший Господь Иисус Христос. Проста и кратка была первая христианская проповедь, но так как устами апостола Петра вещал Дух Святой, слова его проникли в сердца слышавших и победили их упорство. Выслушав его, «они умилились сердцем и сказали Петру и прочим Апостолам: что нам делать, мужи братия?» – «Покайтесь, и да крестится каждый из вас во имя Иисуса Христа для прощения грехов; и получите дар Святаго Духа», – отвечал им Петр. После сего «охотно принявшие слово» немедленно покаялись, уверовали, крестились, и к Церкви Христовой «присоединилось в тот день душ около трех тысяч» (Деян. 2:37-41). Так, полным торжеством Святого Духа над неверующими, окончилось это событие.

   Святой Дух действовал и прежде в роде человеческом: Он был в патриархах, пророках, во всякой душе чистой; без него никогда не совершалось ни одного истинно доброго дела. Но явление силы Его в апостолах было самым важным для всего рода человеческого. Пришел Дух Святой, чтобы завершить то, что начато было Спасителем: сделать апостолов способными к проповедованию Евангелия всему міру, усвоить роду человеческому те Божественные дары, которые приобретены для него страданиями Сына Божия.

   Праздник Святой Троицы установлен апостолами. После дня сошествия Святого Духа они начали ежегодно праздновать День Пятидесятницы и заповедали вспоминать это событие всем христианам (1 Кор.16:8; Деян. 20:16). Святая Церковь возносит общее славословие Пресвятой Троице и внушает нам, чтобы мы воспевали «Безначальнаго Отца, и Собезначальнаго Сына, и Соприсносущнаго и Пресвятаго Духа» – «Троицу Единосущную, Равносильную и Безначальную».

   В IV веке святым Василием Великим были составлены коленопреклоненные молитвы, читаемые доныне на праздничной вечерне. Чтобы сохранить верующих в благоговейном состоянии и сделать их способными, по примеру апостолов, к целомудреннейшему совершению коленопреклонений и молитв в честь Святого Духа, к достойному принятию безценных даров благодати Божией, вечерню положено проводить вслед за литургией.

   На Троицу в России принято украшать храмы и дома ветками деревьев, травой и цветами, поскольку в русской народной традиции праздник Троицы связывали с проводами весны и встречей лета. В народе праздник Троицы назывался "зелеными святками". На Руси этот христианский праздник наложился на древнеславянский аграрный цикл праздников под названием "семик" и "русалии". Эти древние праздники были связаны с поклонением священному дереву – березе и жертвоприношением у воды. Отголоски этих обрядов сохранились в обычае украшать березу лентами и венками, гадать на венках о девичьей судьбе, бросая их в воду. Церковь выделила из этого языческого празднества некоторые обычаи, связанные с березой и благословила их. В день Св.Троицы повсеместно украшают храмы и дома ветвями березы, весь пол в храмах усыпают травой, а прихожане стоят на службе с букетами луговых цветов.

 

   Этот день именуется Троицей, потому что чествуется вся Святая Троица, именно сошествие Святаго Духа явило нам попечение всех Лиц Триединого Бога о міре: Бог Отец творит мір, Бог Сын искупает людей от рабства диаволу, Бог Дух Святый освящает мір через устроение Церкви и всемірную проповедь веры. Не случайно именно день Святой Троицы издревле считался днем рождения вселенской Церкви Христа Спасителя, созданной не тщетой человеческих толкований и умствований, но Божественной благодатию.

 

 

АКАФИСТ

 

(На сошествие Святаго Духа)

 

Кондак 1

 

Возбранный Параклите, Царю неба и земли, Животворящий, Спасительный и Всесвятый Душе, выну от Отца исходяяй и в Сыне почиваяй, сошествием же в виде огненных языков Апостолы просветивый, снизойди и ныне с горних высот на ны недостойныя рабы Твоя, и породи нас к новой благодатной жизни, да воспоем Тебе:

Прииди, Утешитель Благий, вселися в ны, и спаси души наша.

 

Икос 1

 

Ангелов Творец и Господь Сил с небесе сошед и плотское восприем естество наше, прииде на землю, да спасет Крестом и Воскресением Своим падший древле род человечь, и паки восшед на небо, седе одесную Бога и Отца, да совознесет и обожит естество наше, и да созиждет на земли Царство правды и мира о Дусе Святе, егоже никтоже может видети, аще кто не родится свыше Темже Духом. Сего ради Господь наш, ко Отцу отходя, не остави нас сирых, но обетова грешником своим, глаголюще: Аз умолю Отца и инаго Утешителя даст вам, да будет с вами во век, Дух Истины, Егоже мир не может прияти, ниже знает Его, иже от Отца исходит, Той свидетельствует о Мне. Утешитель, Дух Святый, Той вы научит всему и воспомянет, яже рек вам. Сему обетованию внемлюще, апостоли моляху Тебе, Святый Утешителю, да скоро снидеши, вопиюще Тебе сице:

Прииди, Утешителю Благий, выну от Отца исходяяй.
Прииди, Небесной Параклите, присно в Сыне почиваяй.
Прииди, Подателю жизни, приклони небеса и сниди.
Прииди, Небесный Царю, прикоснися горам и воздымятся.
Прииди, Всесвятый Душе, и настави нас светом истины Твоея.
Прииди, кристаловидный Животе, и просвети мир огнем благодати Твоея.
Прииди, Утешителю Благий, вселися в ны, и спаси души наша.

 

Кондак 2

 

Видев Господь по Воскресении Своем ученики Своя еще плотская мудрствующих и земное царство чающих, явися, им дверем затворенным, дуну и преподаде им Духа Святаго благодать просвещающую помышления их и уготовляющую их к приятию существенному таинства Божественнаго, глаголюще: Приимите Дух Свят, Имже отпустите грехи, отпустятся им, и имже держите, держатся. Темже, приемше таковую власть духовную, укрепишася духом, вопиюще Богу: Аллилуиа.

 

Икос 2

 

Разум Божественный о грядущем Царствии Божии открывая, Господь наш собра ученики Своя вся вкупе на горе Елеонстей, и повеле им по Вознесении Его на небо от Иерусалима не отлучатися, но ждати обетования Отча, дондеже облекутся силою свыше, яко не по мнозех днех имут креститися Духом Святым. И тако заповедав, рече им: нашедшу Святому Духу на вы, приимите силу и будете Ми свидетели во Иерусалиме и во всей Иудеи и Самарии и даже до последних земли. И сия рек, вознесеся на небо. Ученицы же, возвратившеся во Иерусалим, взыдоша в горницу и бяху вси терпяще единодушно в молитве и молении и пощении с женамии Мариею Материю Иисусовою и с братиею Его, чающе сошествие Утешителя и поюще Ему сице:

Прииди, Душе Господствуяй и Животворяяй, Отцу Собезначальный и Соприсносущный.
Прииди, Душе Истинный и Всеблагий, с Сыном Купносущный и Равночестный.
Прииди, Душе Владычный, от Отеческаго состава и от Божественных и Безначальных уст Его несказанно Исходяяй.
Прииди, Душе Христов, Соипостасное Дыхание и Премудрости Сило, в Сыне нераздельно пребываяй.
Прииди, Непостижимый Просветителю, откровение тайны Пресвятыя Троицы людем даровати восхотевый.
Прииди, Премудрый Всепосетителю, весь мир благодатными дарованиями исполнити возжелавый.
Прииди, Утешителю Благий, вселися в ны, и спаси души.

 

Кондак 3

 

Силою Божественною облечен Святый Петр, востав посреди ученик, рече к ним: Мужие братие, преклоньше колена, сердца же горе возведше, помолимся ко Господу нашему, обетовавшему Утешителя инаго, да созиждет чисты сердца наша и да обновит дух прав во утробах наших и да сотворит горницу сию Церковь Божию и скоро да ниспошлет нам Духа Всеблагаго Своего, Емуже вси да воспоим едиными усты и единым сердцем: Алиллуиа.

 

Икос 3

 

Имуще страх велий, Апостоли в смущении быша, како немощным им сущим, якоже агнцам без Пастыря, проповедати Евангелие всей твари, сего ради, егда скончавахуся дние Пятьдесятницы, быша вси вкупе на молитве и вознесоша тепле моление ко Пастырю Своему, глаголюще: Царю Ангелов, управляяй всеми на земли и на мори! Раби Твои вопиют к Тебе: скоро посли нам Всесвятаго Духа Твоего. Господь же их плотию на небесех Отцу соседяй, услышав моление сие рече: Самовластный Утешителю, снизойди, чают бо Тя ученицы Мои, ихже собрах к Тебе и ко Отцу, тепле бо вопиют к Тебе, глаголюще:

Прииди, Душе Благий и настави нас на землю праву.
Прииди, Свете Святый, и направи стопы наши на стезю мирну.
Прииди, Владыко Непостижиме, всем хотящим спастися несумненное упование.
Прииди, Неизследимый Царю, всем жаждущим правды благодатное насыщение.
Прииди, Душе Живый и Животворяй, Твоею бо благодатию живем и движемся и есмы.
Прииди, Свете Святый и Светоносяй, Твоею бо чистотою возвышаемся, светлеемся и хранимы.
Прииди, Утешителю Благий, вселися в ны, и спаси души наша.

 

Кондак 4

 

Бурное дыхание велие внезапу пронесеся, учеником в Сионе собранным и в горнице об часе третьем дне молящимся, и бысть шум, яко гром с небесе, тишине велией окрест сущей, и исполни весь дом, идеже бяху седяще. И колебашеся храмина, яко лодия, и убояшеся апостоли мняще, яко от дыхания бурна падется горница, и вси в страсе возопиша: О, Владыко, утиши колебание и посли Всесвятаго Духа Твоего, Емуже согласно да воспоем: Аллилуиа.

 

Икос 4

 

Слышаще шум с небесе и колебание воздушное видяще, боголюбивии Апостоли и вси сущии с ними исполнишася ужаса, зане в дыхании бурне сошествие Утешителево уразумеша и в шуме небеснем глас Господень ощутиша, в себе помысливше: се глас Господень возгреме в крепости. Се глас Господа Источающаго пламень огня, якоже Давид предрече. Се буря от Господа, якоже Иеремия возвести. В сие время Господь наш восхоте послати Утешителя инаго и даровати Закон нов, якоже древле на Синаи. Тамо от гласа Его колебашеся гора, здесь же от дыхания Утешителева потрясеся горница, тамо быша громи и молния, здесь же пронесеся шум с небесе. Обаче приступихом не к горе осязаемой и огнем пылающей, но к Сионстей горе, к Иерусалиму Небесному, к Ходатаю Завета Новаго, да приимем Царство Непоколебимо, и да восприимем благодать Духа, ею же послужим благоугодно, вопиюще Ему сице:

Прииди, Душе Страха Божия, не во огне и буре, но во гласе хлада тонка, да нас от духа боязни рабския свободиши.
Прииди, Душе Сыноположения, апостолы во едино стадо совокупивый, да и нас чада Божия сотвориши.
Прииди, Душе Премудрости и Откровения, да воспомянеши нам вся словеса Христовы в познание Его.
Прииди, Душе ведения и благочестия, да просветиши очи сердечный светом заповедей Его.
Прииди, Душе Божия Святыни, да облечеши нас силою свыше от Своих небесных высот.
Прииди, Душе всякия благостыни, да окропиши нас росою благодати по множеству Своих щедрот.
Прииди, Утешителю Благий, вселися в ны, и спаси души наша.

 

Кондак 5

 

Богоноснии Апостоли еще паче исполнишася страха, егда по гласе шума се бысть им видение новое паче перваго и явишася огненнии языцы, разделяющияся сюду и сюду, и седоша по единому на коемждо от них над главами их, да исполнится Давида праотца предречение: Бог яве приидет и не умолчит, огнь пред Ним возгорится и окрест Его буря зельна. Сим духоносным огнем Утешителя просвещаемии, апостоли со страхом и с радостию возопиша, сретающе пришествие Его: Аллилуиа.

 

Икос 5

 

Видевше сошествие Утешителя в виде огненных язык, Апостоли удивишася, како дыхание бурно с пламенем совокупися, и како с ветры видены быша светильницы, с росою же искры. Наипаче же объяша их страх Божественный, егда огненнии языцы, седше над главами их, не опалиша власы, но паче просвещаху мысли их, и тако огнедохновенным озарением Святаго Духа просвещаеми, уразумеша проречение Давидово: Огнь от Лица Его воспламенится: углие возгореся от него. И приклони небеса и сниде. И прославиша Бога, яко прииде обетованный Утешитель, да огненное крещение восприявше от Него, благодарственно возопиют ему сице:

Прииди, Огненосный Душе, да огненным крещением весь мир просветиши.
Прииди, огнь подаяй, Боже, да терние наших прегрешений попалиши.
Прииди, огнь Божественный на землю низводяй, Господи, да угасшия светильницы душ наших паки возжеши.
Прииди, огненныя реки апостолом орошаяй, Владыко, да теми весь мир огнем благодати Твоея обновиши.
Прииди, во огненных языцех всему миру на молитве возглаголавый Душе, воздыхании неизглаголанными научи нас о чесом молитися Небесному Отцу.
Прииди, во огне и буре Божество Пресвятыя Троицы Открывый, Царю, огнедохновенным дыханием воспламени огнь Божественныя любве и в наши хладныя сердца.
Прииди, Утешителю Благий, вселися в ны, и спаси души наша.

 

Кондак 6

 

Проповедник дивный, божественный Петр, видев, яко огненное видение исполни страха ученики, возопи: не бойтеся, огнь сей нежегомый есть, якоже древле неопалимая купина, или якоже пламень Вавилонския пещи, иже не опали три отроки. Сего ради кийждо от нас да отринет страх из души, и да не убоится неопальнаго пламени, огнь бо сей да разумеем, якоже рози, яко цвети на главах наших, имиже увенча, украси и озари нас Всесвятый Дух, Емуже вси с радостию да воспоим: Аллилуиа.

 

Икос 6

 

Возсия велие просвещение благодати Божией всей Церкви Христовой в великий сей Пятидесятный день, егда во огненных языцех Ты Сам существенно снисшел еси на апостолы и на вся верующия, Святый Животворящий и Всесильный Душе, Един Сый от Пресвятыя Троицы, и богатно излил еси не некия Отчии дары, якоже прежде, но от всея полноты Божества излил еси от Духа Твоего на всяку плоть, не в меру бо подаст Бог Духа, и потекоша реки воды живыя благодати Твоея от Иерусалима во всю вселенную, и тако завершишася телесныя дела Христовы и прияша начало дела Твоя, Душе, да созиждется Царствие Твое в человецех и да преобразится Тобою мертвенная плотская жизнь наша на живую и духовную. Сего ради вси водимии Тобою да воспоем Тебе сице:

Прииди, Утешительный Душе, с небесных высот сошедый, да безкнижныя ученики Христовы неботаинники сотвориши.
Прииди, Небесный Царю, везде сый и вся исполняяй, да во Христа верующия духовныя жизни сопричтеши.
Прииди, неумаляемое Сокровище благодати, да приобщиши нас даров Твоих, и райскою радостию возвеселимся.
Прииди, Неувядаемый Цвете чистоты, да окропиши нас иссопом Твоим и паче снега убелимся.
Прииди, Зиждителю всея Твари, да царствуеши и господствуеши над всеми силами души моея.
Прииди, Владыко Неба и Земли, да властвуеши и управляеши над всеми движениями сердца моего.
Прииди, Утешителю Благий, вселися в ны, и спаси души наша.

 

Кондак 7

 

Хотя спасти вся языки, Господи, даровал еси учеником Твоим во огненных языцех Духа Твоего, да по обетованию Твоему возглаголют новыми языки, и вси исполнишася Духа Свята и начаша глаголати иными языки, якоже Дух даяше им провещевати, да вси народи от всех язык на праздник пришедшия, услышат их проповедующия своими их языки. В Вавилоне иногда размесишася языцы дерзости ради столпотворения, да разделятся языки, ныне же боговедения ради умудришася языцы, в соединение бо всех призва Вышний, да согласно славят всесвятаго Духа, поюще Ему едиными усты и единем сердцем: Аллилуиа.

 

Икос 7

 

Новое чудо Твое, Утешителю, бысть во знамение всем, и исполни ужаса языков собрания на праздник пришедших: видяху бо учеников Спасовых огненными языки глаголющих и кийждо от них свою беседу слышаше. И дивляхуся вси, друг другу глаголюще: не вси ли сии глаголющии галилеяне суть, и како мы слышим кийждо свой язык, в немже родихомся? Како сотворишася соотечественницы всем языком? Видел ли есть Петр Египет? Живяше ли когда Андрей в Месопотамии? Видеша ли когда Памфилию сыны Заведеовы? Како явишася сии Римляном, яко не варвари, Парфяном, яко им подобнии, Мидяном же, яко свои. Обаче елицы благоговейнии быша, тии прославиша Бога, вопиюще Утешителю сице:

Прииди, во пророцех глаголавый Божественный Душе, возглаголи мирная и благая в сердцах наших.
Прииди, во Апостолех проповедавый огненными языки Безсмертный Царю, возсияй молниями Божества в душах наших.
Прииди, Животе Безначальный, разделенныя языки в соединение призвавый, и в нас дух вражия разделения всеконечно потреби.
Прииди, Любы Безконечная, Апостолы на вечери союзом любве связавый, и в нас дух братския любве навеки насади.
Прииди, с небесе снисшедый Утешителю наш, да на стези небесныя наставиши нас, Тебе поющих.
Прииди, от земных горе возвышаяй Боже наш да от сладости мирских красот избавиши нас Тебе вопиющих.
Прииди, Утешителю Благий, вселися в ны, и спаси души наша.

 

Кондак 8

 

Странными глаголы вещающе, возглаголаша святии Апостоли странныя учения и странныя веления Святыя Троицы, от Духа Святаго просвещаеми. Высокоглаголивыми же проповедующе языки, не человеком глаголаху первее, но Богу, тайны вещающе духом, якоже божественный Павел глаголет, быша бо в восторзе духовном, неизглаголанными воздыхании Святаго Духа наставляеми. Неверующим же от язык сие Духа действо пьянство непщевашеся быти. Обаче мнози благоговейни бывше, ужасахуся, и недоумевающеся, друг друга вопрошаху: что убо хощет сие быти? И с верою прославиша Бога, поюще Ему: Аллилуиа.

 

Икос 8

 

Весь исполнен быв огненосныя благодати Духа Божия, святый Петр, востав с единонадесятьми, воздвиже глас свой и нача проповедовати собранным от язык величия Божия и страшное Твое, Святый Утешителю, во огненных языцех схождение, еже пророк Иоиль древле предрече, глаголя о сем великом и просвещенном дне Господнем: “Изолью от Духа Моего на всяку плоть, на рабы Моя и на рабыни Моя, и прорекут сынове ваши и дщери ваши и юноши ваши видения узрят”. Сим Святым Духом исполненнии бывше, Апостоли не вином упишася, но упоением Духа, новаго винограда рождения Божественнаго веселия приобщившеся, вопиюще и глаголюще сице:

Прииди, Божественный Утешителю, во Иордане на Спаса нашего в виде голубине снисшедый, даруй нам криле голубине кротости и чистоты, да полетим и почием.
Прииди, Сладчайший Душепосетителю, в Сионе ко апостолом во огненных языцех пришедый, ороси нас огнем благодати Твоея, да верою и любовию воспламенеем.
Прииди, Святый Живоначальный Душе, древле в человецех плоть сущих пребывати не восхотевый, свободи нас законом духа от закона плоти, да паки живеши в нас.
Прииди, Великий Непостижимый Боже, в последок дний сих от Духа Твоего на всяку плоть изливый, сподоби нам не по плоти жити, но по духу, да всегда пребудеши в нас.
Прииди, Душе всякия чистоты, помози нам, да плоть не похотствует на дух наш, и да Тобою водими будем.
Прииди, Присный наш Животе, спобори нам, да не сеем в плоть и тление, но в дух, да от Духа Твоего жизнь вечную пожнем.
Прииди, Утешителю Благий, вселися в ны, и спаси души наша.
 

Кондак 9

 

Всякое естество человеческое возвеселися днесь о сошествии Твоем, Утешителю Благий, зане в ветхую Пятидесятницу при Синае бывшую, вси людие издалече стояху в страхе и в ужасе, всей горе дымящейся и во огне бывшей, един бо точию Моисей взыде на верх ея во мрак, идеже бяше Бог. Ныне же, вси слышавшии Петра умилишася сердцем, увероваша и крестишася, и приложися в день той душ, яко три тысящи, и тако в сей великий день Пятидесятницы положися начало Церкви Христовой на земли и вси исполнишася Духа Святаго и духом взыдоша на гору Господню благодати Божия, вси очами веры Господа узреша и с радостию возопиша Ему: Аллилуиа.

 

Икос 9

 

Витии Божественныя святии Апостоли, прежде безкнижнии рыбарие, ныне же мудрии богословцы явишася, прежде починяху мрежи своя, ныне же облеченнии силою свыше от Духа Святаго, начаша проповедь Слова Божия, прежде точию рыб уловляху, ныне же сотворишася ловцы человеков и люди безчисленнии из глубокия тьмы начаху изымати. Прежде боящиися, ныне же дерзновение приявшии и радости исполненнии от Тебе, Святый Утешителю, тии уразумеша, яко нова тварь ныне суть и каковый велий дар получиша по обетованию Господню, сего ради ныне отбеже от них страх и дух немощи и тии ощутиша, яко уже имут силу по повелению Господню пройти даже до конец вселенныя, учаще вся языки и крестяще их во имя Отца и Сына и Святаго Духа. Сего ради в веселии духа возопиша сице:

Прииди, Свете Живоначальный, да вся языки светом боговедения просветиши.
Прииди, Животе Безначальный, да вся человеки к новой жизни во Христе приобщиши.
Прииди, Теплото Живительная, да духом любве Твоея хладныя сердца неверных языков воспламениши.
Прииди, Сладосте Неизреченная, да благодатию Твоею всех вкусивших ю паче меда и сота усладиши.
Прииди, Радование наше непрестанное, да нас скорбных и печальных очищением совести возвеселиши.
Прииди, Сокровище наше превожделенное, да нас нищих и убогих множеством дарований духовных обогатиши.
Прииди, Утешителю Благий, вселися в ны, и спаси души наша.

 

Кондак 10

 

Спасения день — сей великий Пятидесятницы праздник, в оньже, Утешителю Благий, Церковь Христову до скончания века облагодатил еси и всю тварь Твоим Живоносным дыханием обновил еси, Везде сый и вся исполняяй, Ты идеже хощеши дышиши, вся живиши и повсюду в мире разливаеши свою живоначальную силу: Тебе поет солнце, Тебе славит луна, Тебе служит свет, Тебе работают источницы, Тобою един дождь напояет землю и бывает бел в кринех, и красен в розах, багрян же в фиалках, тако многообразна благодать Твоя: единому убо даеши слово премудрости, другому — дар пророчества, иному — сказание Божественных Писаний: единаго укрепляеши на целомудрие, другаго учиши поститися и подвизатися, оваго же уготовляеши на мученичество. Вся же сия действуеши Ты, единый Душе, разделяя коемуждо хощеши, да всякое дыхание поет Тебе: Аллилуиа.

 

Икос 10

 

Царю Небесный и жизни Подателю! Царство Твое — Царство всех веков и Владычество Твое во всяком роде и роде. Сошед же на апостолы. Ты явил еси ими Царство не от мира сего — Церковь Христову, юже исполнил еси безчисленными дары благодати Твоея, имиже, яко финикс процвете и яко кедр, иже в Ливане умножися. И тако Твоею благодатию напояема, Церковь процвете многочисленными сонмы девственник, учителей, мучеников, исповедников, преподобных, пустынников, да исполнится Осии пророка предречение: процветет, яко цвет и прострет корение, яко дубрава и яко маслина плодовита будет. Зряще убо сии сонмы духоносных отцев, Тобою, Святый Душе, возращенных, воззовем Тебе таковая:

Прииди, Источниче Божественных сокровищ, вдохни нам светоносный Твоя дарования.
Прииди, Подателю и Совершителю нашего освящения, освяти ум, сердце и вся наша помышления.
Прииди, благости и милосердия Неизнуряемое Хранилище, сохрани в нас жизнь духовную под кровом Твоея благости.
Прииди, настоящих и грядущих благ Нескончаемое Сокровище, соблюди нас в чистоте совести в предначатие вечныя радости.
Прииди, падших Всенадежное Востание, Тобою бо источаются благодатныя струи напояющия всяку тварь ко оживлению.
Прииди, мертвых духом и телом Благое Воздвижение, Тобою бо подаются вся силы к животу и благочестию, воздвизающиявсяку плоть к Воскрешению.
Прииди, Утешителю Благий, вселися в ны, и спаси души наша.

 

Кондак 11

 

Пение духовное воспоем Тебе, Святый Утешителю, Твое во огненных языцех на Апостолы Сошествие празднующе и сим Павловым глаголом последующе: “помолюся духом, помолюся и умом, воспою духом, воспою и умом”. И тако духом на молитве и в служении пламенеюще, да не угасим плотоугодием Духа Твоего, во святом крещении восприятаго, но присно да взираем на уверовавших в день Сошествия Твоего: тии бо внимающе слову Петрову: “спасайтеся от рода сего развращеннаго”, выну бяху в учении апостол, в общении и преломлении Хлеба Жизни и в молитвах, и бысть на всякой душе страх Божий, и бяху вси вкупе единодушно, имуще вся обща, и с радостию в простоте сердца воспеваху Богу: Аллилуиа.

 

Икос 11

 

Света солнечнаго светлее явися благодать Твоя, Светоносный Душе, вся бо просветляеши, очищаеши и освещаеши Твоим огненосным осиянием. Ты бо сошел на Пресвятую Деву Марию, соделал еси Ю Пресветлый храм девства и Пречистый дом Божества Сыну Божию. В явлении же Твоем во Иордане при Крещении Господнем в виде голубине Ты отверзл еси небеса грехопадением Адамовым заключенная и обожил еси Пречистую плоть Христову. В Сошествии же Твоем на Апостолы исполнил еси Божественнаго присутствия Своего всю Церковь, Невесту Христову, да будет непорочна и свята. Сего ради точиши в Ней пророчествия, и священники совершаеши, собираеши весь собор церковный, и сходиши, яко огнь с небесе в Божественную Литургию и во всех таинствах, и тако вся Церковь одевается светом благодати Твоея, яко ризою, да во Свете Твоем узрим Свет, и да воспоем Тебе сице:

Прииди, чистотою Сияющий Душе, Святую Деву Чисту в рождестве сохранивый, да и нам благодать девства и чистоты преподаси.
Прииди, небеса разверзший Небесный Царю, на Спаса Христа при Крещении низшедый, да и всем верующим в Него путь на небо отверзеши.
Прииди, Солнце Незаходимое и Несокрываемое, да свет возсияши праведным и правым сердцем веселие.
Прииди, Сияние Присносияющее и Немерцающее, да внутрь нас возсияеши Церковь Божия Духа в Твое Божественное посещение.
Прииди, Свете Святый и Животворяй, просвети мир Твоим Божественным осиянием.
Прииди, огню от огня Происходяй и Боготворяй, озари нас Твоим огненосным вдохновением.
Прииди, Утешителю Благий, вселися в ны и спаси души наша.

 

Кондак 12

 

Благодать духоносную даровал еси, Утешителю Святый, всей Церкви Христовой в великий день Святыя Пятидесятницы, якоже и прежде выну спребывал еси Владыке Христу во днех Его плоти, яко же великий в богословех святый Григорий витийствует: “Рождается Христос и Дух предворяет. Крещается Христос и Дух свидетельствует. Искушается Христос и Дух возводит (в пустыню). Совершает силы Христос и Дух сопутствует. Возносится Христос и Дух преемствует”. Сего ради и начатки Божества подаеши ныне, Святый Душе, естеству перстному, да паки возведеши е к первому райскому благородию и да обожиши е во образ Вознесеннаго на небеса естества Христова. Мы же исчести не могуще многочисленная паче песка морскаго благодеяния дарований Твоих, вопием Тебе: Аллилуиа.

 

Икос 12

 

Поюще, Божественный Душе, Твою Живоначальную благодать, обновляющую лице земли дохновением Твоим, поклоняемся Твоему во огненных языцех на Апостолы сошествию, и веруем, яко по обетованию Христову выну Твоя благодать во Святей Церкви пребудет, дондеже паки приидеши в последний день во общее Воскресение во еже воздвигнути вся от века умершия, яко же святый Иезекииль предрече глаголя: “от четырех ветров прииде, Душе, и вдуни в мертвыя кости сия и да оживут. И вниде в них Дух Жизни и ожиша и сташа на ногах своих собор мног зело”. Тогда не посрами нас вопиющих Тебе сице:

Прииди, Утешение и Радосте моя, услыши мя в день скорби и печали моея.
Прииди, Дыхание и Жизнь моя, буди ми един дух со мною до самыя смерти моея.
Прииди, Блестящееся одеяние души моея, покрый внутреннюю наготу и безобразие грехопадения моего.
Прииди, Теплейшее очищение совести моея, отмый скверну души и тела моего чистыми слезами пришествия Твоего.
Прииди, Пище Неизреченная и Нетленная, напитай алчущий дух мой в жизнь вечную безсмертия плодами.
Прииди, Питие Божественное и превожделенное, напой жаждущую душу мою благочестия водами.
Прииди, Утешителю Благий, вселися в ны и спаси души наша.

 

Кондак 13

 

О, Небесный Параклите и Душе Всесвятый, от Отца Исходяй и Сыном Пришедый! Приими малое сие от всея души приносимое Тебе благодарение. Прииди к нам и пребуди выну в Церкви, да не угаснет в нас Божественный пламень Тобою возженный. И сподоби нам духом пламенети и плотоугодия не творити в похотех, да никогдаже угаснет дух наш и да выну прославляти будем Тя в душах и телесех наших, и тако возрожденнии Тобою, чистым духом и чистыми усты воспоем Единому Богу во Святей Троице: Аллилуиа. Аллилуиа. Аллилуиа.

 

(Этот кондак читается трижды, затем икос 1-й и кондак 1-й)

 

 

МОЛИТВА

(На Сошествие Святаго Духа)

 

О, Небесный Царю, Утешителю Святый, Душе Истины, везде сый и вся исполняяй, никогдаже начинаемый, ниже престаяй, но со Отцем и Сыном присно Сущий, первее во Ангельских Воинствах действовавый, священие даруя; и при миробытии в начале верху воды носивыйся, яко жизни Податель, в рай же первозданныя люди дыханием жизни воодушевивый и сладким общением Божественным утешавый я, по грехопадении же прародителей наших не восхотевый с падшими сынами человеческими пребывати, зане плоть быша, но точию во избраннех патриарсех и пророцех древле отцем глаголавый, в последок же дней сих, восхотев излити от Духа Своего на всяку плоть, первее на Честнейшую Горних Сил Пресвятую Деву Марию низшедый и велие таинство Воплощения Сына Божия Тою неизреченно совершивый, и паки на Том же Сыне Божием, во плоти на Иордан пришедшем, в виде голубине почивый, по сем же в великий день Пятидесятницы существенно в видении огненных язык на Апостолы сошедый и сими всю вселенную просветивый и Святую Церковь до скончания века Своею Божественною благодатию изобильно исполнивый, во еже падшее естество наше обожити и паки к райскому блаженству возвратити! Призри убо в сей великий, совершенный и конечный Пятидесятный праздник на моления рабов Твоих коленопреклоненно Тебе возносимый, и очисти нас священным наитием Твоим от множества согрешений наших во всем житии нами содеянных. Едине Чистый и Пресвятый Душе, очисти нас от многия нечистоты нашея, да не паки оставиши нас, аще по плоти жити будем, яко не имать обитати Дух Твой в человецех плоть сущих, зане плоть и кровь Царствия Божия наследити не могут. Сего ради молим Тя: угаси живоносным дыханием Твоим весь пламень страстей наших, да не творим плотоугодия в похотех, но водимии Тобою, да будем прославляти Тя в душах и телесех наших. И избави нас от духа праздности, уныния, печали и гордости и даруй нам дух кротости и чистоты, дух смирения и целомудрия, дух терпения и любве, да приидеши во внутреннюю храмину душ наших и воцаришися тамо над страстями нашими, во еже сеяти нам ктому уже не в плоть и тление, но в дух, да от Духа Твоего пожнем живот вечный в последнее Воскресение и прославим Тя с лики святых со Отцем и Сыном во веки веков. Аминь.

 

 

МОЛИТВА

 

(Святому Духу)

 

Царю Небесный, Утешителю, Душе истины, Иже везде сый и вся исполняя, Сокровище благихъ и жизни Подателю, прииди и вселися въ ны, и очисти ны отъ всякия скверны, и спаси, Блаже, души нашя.

 

 

ТРОПАРЬ

 

Тропарь, глас 8

 

Благословен еси, Христе Боже наш, Иже премудры ловцы явлей, ниспослав им Духа Святаго, и теми уловлей вселенную, Человеколюбче, слава Тебе.

 

Кондак, глас 8

 

Егда снизшед языки слия, разделяше языки Вышний; егда же огненныя языки раздаяше, в соединение вся призва; и согласно славим всесвятаго Духа.

 

Величание

 

Величаем Тя, Живодавче Христе и чтем Всесвятаго Духа Твоего, Егоже от Отца, послал еси божественным учеником Твоим.

 

 

КАНОН

 

(На Пятидесятницу)

 

Песнь 1

 

Ирмос: Сокрушающий врагов высокой мышцей морем покрыл фараона с колесницами. Будем же петь Ему, потому что Он прославился.

 

Послав на самом деле ученикам обещанного Утешителя Духа, как прежде обещал, Христе, Ты озарил мир светом, Человеколюбец.

 

Предсказанное в древности в законе и пророками исполнилось: ибо благодать Божественного Духа ныне излилась всем верным.

 

 

Песнь 3

 

Ирмос: "Оставайтесь в Иерусалиме, пока не облечетесь силою свыше, — сказал Ты, Христе, ученикам: — Я же пошлю иного, подобного Мне Утешителя, Духа Моего и Отчего, в Которым вы утвердитесь."

 

Снизошедшая сила Божьего Духа божественно объединила в одном созвучии разделенный в древности язык (людей), согласившихся на зло, вразумив верных познанием Троицы, в Которой мы утвердились.

 

В огненном шуме на Сионе явился всесильный неиссякающий Свет, исходящий от нерожденного Света. Посредством Сына, Он и ныне являет народам сияние Отеческой власти.

 

 

Песнь 4

 

Ирмос: Созерцая Твое, Христе, пришествие в последние времена, Пророк восклицал: Услышал я о силе Твоей, Господи, что Ты пришел спасти всех помазанников Твоих.

 

Вещавший прежде чрез пророков и возвещенный людям еще в древнем законе, Утешитель, истинный Бог, открывается ныне служителям и свидетелям Слова.

 

Имея все признаки Божества, Дух сегодня разделился в огне и явился апостолам в чудных языках, так как Он есть Божественная и самовластная сила, исходящая от Отца.

 

 

Песнь 5

 

Ирмос: Дух спасения, по благоговению к Тебе, Господи, зачатый внутри пророков и явленный на земле, делает чистыми сердца апостолов и в верных обновляет праведностью: ибо Твои веления — свет и мир.

 

Снизошедшая ныне сила — это Дух благой, Дух премудрости Божией, Дух исходящий от Отца и явившийся верным. Через Сына Он сообщает тем, в кого вселяется, свойственную Ему святость, через которую Он и созерцается.

 

 

Песнь 6

 

Ирмос: Плавающего в буре житейских забот на корабле, потопляемом волнами грехов, низвергаемого к душегубительному зверю, — возведи, Христе, из смертоносной глубины меня, взывающего к Тебе, как Иона.

 

Ты от Духа Твоего обильно излил на всякую плоть, как предсказал, Господи, и все исполнились познания Твоего, — что Ты нетленно рожден, а Дух нераздельно исходит от Отца.

 

Обнови в наших сердцах, Вседержитель, истинный, правый Дух, чтобы нам вечно иметь Его, исходящего из Отца и нераздельного с Ним, сжигающего скверны растленного вещества и очищающего ум от нечистот.

 

 

Песнь 7

 

Ирмос: Будучи ввергнутыми в огненную печь, благочестивые отроки претворили огонь в росу, взывая в песне: благословен Ты, Господи, Боже отцов наших.

 

Когда Апостолы проповедовали о великих делах Божиих, то неверные почли опьянением действие Духа, в Котором открывается Троица — единый Бог отцов наших.

 

Православно исповедуем нераздельное Естество: Бога Отца безначального и той же власти — Слова и Духа, восклицая: благословен Ты, Бог отцов наших.

 

 

Песнь 8

 

Ирмос: На Синае объятая огнем и несгорающая купина явила Бога косноязычному и невнятно говорившему Моисею; а трех отроков приверженность к Богу сделала в огне неопалимыми певцами: все творения Господни, воспевайте Господа и превозносите во все века.

 

Когда живительное сильное дыхание всесвятого Духа свыше шумно носилось над рыбаками в виде огненных языков, тогда они проповедали о великих делах Божиих: все творения, воспевайте Господа и превозносите во все века.

 

Не боясь устрашающего огня, как вступающие на неприкосновенную гору, придем и станем на горе Сионской, в городе живого Бога, взывая ныне с духоносными учениками: все творения, воспевайте Господа и превозносите во все века.

 

 

Песнь 9

 

Ирмос: Мы величаем Тебя, не испытавшую тления в рождении и Премудрому Слову плоть даровавшую, Матерь безмужнюю, Деву Богородицу, вместилище Невместимого, обитание необъятного Твоего Создателя.

 

Пылающий духом, строгий Илия, в древности радостно вознесшийся на пылающей огнем колеснице, предуказал этим ныне сошедшее на Апостолов дуновение, — будучи просвещены Которым, они открыли всем Троицу.

 

Не по закону природы слышалась чудная проповедь учеников; ибо когда вещал благодатный голос Духа, народы, племена и языки слышали о великих делах Божиих, — учась познанию Троицы.

 

 

Катавасия и Задостойник:

 

Радуйся, Матеродевственная Слава: всякая бо удобообращательная, благоглаголивая уста витийствовати не могут. Тебе бо пети достойно, изумевает же ум всяк Твое рождество разумети. Темже Тя согласно славим.