Валаамская икона Божией Матери

в 1-е воскресение после

святых первоверховных ап. Петра и Павла

История обретения Валаамского образа Пресвятой Богородицы во многом напоминает сказание о Державной иконе. Летом 1896 года в Валаамский монастырь приехала одна благочестивая женщина, Наталья Андреевна Андреева, происходившая из крестьянок Тверской губернии, которая страдала сильной болезнью ног. В Успенском храме она обратилась к монахам с вопросом о том, где находится висевшая прежде в этом храме на колонне с левой стороны икона Божией Матери, на которой Царица Небесная изображена во весь рост с Младенцем на руках. На этот вопрос ей не смог ответить даже ризничий о. Пафнутий, который решил, что икону, скорее всего, отправили в Петербург в Валаамскую часовню. Две недели пребывания на острове болящая продолжала искать образ Божией Матери, обошла все храмы монастыря, но так и не найдя, вернулась в Петербург. Иконы не было и в Валаамской часовне. Еще в 1878 году Наталья Андреевна сильно простудилась, и развившаяся болезнь причиняла ей страшные страдания, продолжавшиеся около десяти лет. В 1887 году какой-то внутренний голос сказал Наталье: «Поезжай на Валаам, выздоровеешь!». Ночью, накануне поездки больной было видение Женщины в одеянии из малинового бархата с Ребеночком на руках, окруженной чудным сиянием, Которая ободрила ее словами: «Не плачь, Спаситель и Я на пути к тебе!». Наталья Андреевна спросила: «Матушка, какая Вы красивая, да хорошая! Разве Вы на Валааме живете?». «Да, там и живу, - был ответ, - ты Меня увидишь на Валааме». Укрепленная чудесным видением Божией Матери, болящая Наталья с радостной душой на другой день отправилась в святое паломничество. Первый приезд Натальи Андреевны совпал с праздником обретения мощей преподобных Сергия и Германа Валаамских. Перед самым отъездом она зашла в Успенскую церковь и в иконе на левой колонне храма узнала ту самую Женщину, которая явилась ей во сне накануне отъезда из Кексгольма (Приозерска). В тот самый момент, когда Наталья Андреевна увидела икону Божией Матери, раздался свисток на отходившем пароходе, и ей не удалось даже приложиться к высоко висевшему образу, тем более отслужить молебен. Вернувшись в Петербург, больная почувствовала значительное облегчение в ногах, так что смогла ходить без палки.

В свой третий приезд на святой остров в 1897 году Наталья Андреевна со слезами горячо молилась перед мощами Валаамских чудотворцев об обретении иконы Божией Матери, и в первую ночь ей был благодатный сон, который она рассказала после молебна у раки преподобных служившему о. Пафнутию. Наталье Андреевне приснилось, что она ходит внутри монастыря около упраздненной церкви свт. Николая Чудотворца с молитвой Царице Небесной о том, чтобы увидеть Ее, и вдруг слышит голос: «Я здесь, здесь, скоро разыщешь!». В это же время к ней подходит старичок в голубой камилавке с седой бородой (преподобный Сергий Валаамский) и отворяет дверь церкви со словами: «Вот она!». Тогда женщина увидела внутренность церкви и в углу, между церковной утварью и старыми образами, до половины завернутый в рогожку холст, образ Божией Матери, в котором она сразу узнала разыскиваемую ею икону. В течение трех дней после этого Наталья Андреевна готовилась к святому причастию и накануне этого дня увидела еще один благодатный сон о том, что икона найдена о. Пафнутием. Причастившись на ранней литургии, Наталья Андреевна увидела после службы, что народ из гостиницы бежит в церковь. Оказалось, что отыскали давно забытую икону Божией Матери и принесли в нижний собор. «Эта ли икона?» - спросил болящую отец Пафнутий. «Эта самая!» - в волнении ответила Наталья Андреевна. Образ о. Пафнутий, как было указано в сновидении, действительно нашел в кладовой, располагавшейся в упраздненной церкви свт. Николая Чудотворца. Наталья Андреевна тут же попросила о. Пафнутия отслужить водосвятный молебен перед чудесно обретенною иконою Божией Матери, пред которой была зажжена неугасимая лампада. После молебна перед явившимся образом больная женщина получила полное телесное исцеление. Все случившееся с Натальей Андреевной было подробно записано валаамскими монахами, составившими рассказ под названием «Сказание об обретении образа Пресвятой Богородицы, именуемый «Местная Валаамская». После обретения также было выяснено, что эту икону написал валаамский инок-живописец о. Алипий в 1878 г., то есть в том самом году, когда Наталья Андреевна получила сильную простуду, послужившую к прославлению образа.

Судьба Валаамской иконы после революции схожа с историей Коневского образа. До 1940 года она оставалась на Валааме, отошедшем после 1917 года к Финляндии, но после присоединения Ладоги к Советскому Союзу икона валаамскими иноками была увезена в Финляндию, где валаамцы во главе с игуменом Харитоном основали монастырь, названный ими «Новый Валаам». Главной святыней этого монастыря по сей день остается Валаамский образ Божией Матери, который пребывает в Преображенском соборе обители.

В конце XX века Святейшим Патриархом Алексием II было установлено празднование иконы Божией Матери «Валаамская» в первое воскресенье после дня памяти святых преподобных Сергия и Германа, Валаамских чудотворцев, и после дня памяти святых Первоверховных Апостолов Петра и Павла.

АКАФИСТ

Кондак 1

Взбранной Воеводе, Владычице нашей Богородице, благодарственное приносим пение о даровании чудныя Ея иконы Валаамския. Ты же, Всемилостивая Царице, яко имущая державу непобедимую и милосердие неизреченное, от всяких зол и бед свободи страну нашу православную, да зовем Ти:

Радуйся, Владычице, обители Валаамския и страны нашея дивная Заступнице.

Икос 1

Ангелов Царица и всея твари Владычица преславным прославлением иконы Твоея святыя всю страну Российскую благодатию озарила еси. Темже вернии людие с любовию припадающе к дивному образу Твоему Валаамскому, приносят похвалы сия:

Радуйся, спасения нашего Главизно.

Pадуйся, Мати Господа Вышняго.

Радуйся, Церкве непоколебимый Столпе.

Pадуйся, Царствия Нерушимая Стена.

Радуйся, страну Российскую в жребий и достояние Себе избравшая.

Pадуйся, иконы Твоя чудотворныя, яко звезды в ней умножившая.

Радуйся, земли Русския Царице и Владычице.

Pадуйся, яко Тобою Русь православная хранится.

Радуйся, всю вселенную лучами Твоея благодати озаряющая.

Pадуйся, светом радости души наша просвещающая.

Радуйся, непобедимая Воеводо царей и воинов православных.

Pадуйся, врагов наших видимых и невидимых побеждающая.

Радуйся, Владычице, обители Валаамския и страны нашея дивная Заступнице.

Кондак 2

Ведый благодать и славу места сего, благослови Господь Матерь Свою даровати Покров Ея над островом Валаамом, яко над северным Афоном, да вси спасающиися на нем от лет древних и до ныне взывают непрестанно Спасителю и Богу нашему: Аллилуиа.

Икос 2

Разум имеюще божественный, преподобнии отцы наши Сергий и Герман приидоша в земли севера воеже Господу невозбранно послужите и достигше острова Валаама, обитель иноческую тамо устроиша. Ты же, Пресвятая Дево, яко Игумения святых обителей православных, сохрани всех подвизающихся зде, единем сердцем и едиными усты воспевающих Ти:

Радуйся, от младенчества Богу посвященная.

Pадуйся, в храме Иерусалимстем воспитанная.

Радуйся, яко житие Твое при храме прообразом жития монашескаго явися.

Pадуйся, иноков чадолюбивая Мати.

Радуйся, остров Валаам, яко место явления благодати Твоея освятившая.

Pадуйся, землю Карельскую благоуханием святости исполнившая.

Радуйся, обитель Валаамскую, яко северный Афон, прославившая.

Pадуйся, храмы и скиты ея славою чудес Твоих осиявшая.

Радуйся, преподобных Сергиа и Германа в молитву с Собою приемшая.

Pадуйся, милостию Своею на острове Валааме дивный сад духовный насадившая.

Радуйся, святыя обители Валаамския Всечестная Игумения.

Pадуйся, Наставнице иноков на путь небесныя жизни.

Радуйся, Владычице, обители Валаамския и страны нашея дивная Заступнице.

Кондак 3

Сила Вышняго осени изографа Алексиа, егда он, дар художества от Бога имея, во обитель Валаамскую притече и ангельский образ восприя, в честь преподобнаго Алипия Печерскаго, перваго иконописца Святыя Руси. Темже даровася ему благодать святыя иконы писати и храмы обители дивно украшати, воспевая Творцу и Господу: Аллилуиа.

Икос 3

Имущи любовь ко обители Твоей избранней, Преблагословенная, сподобила еси отца Алипия создати икону Твою честную, ейже силу чудотворную даровала еси во исцеление и спасение всех с верою и надеждою притекающих к ней, да видяще являемую Тобою милость, вопиют со умилением таковая:

Радуйся, священнаго иконописания Покровительнице.

Pадуйся, почитания святых икон освящение.

Радуйся, иконы Твоя на молитвенное общение нам даровавшая.

Pадуйся, чрез них благодатную силу источающая.

Радуйся, изографу благоговейному Алипию любовь Твою святую явившая.

Pадуйся, в подвизех иноческих его наставлявшая.

Радуйся, в трудех иконописания его укрепившая.

Pадуйся, икону Твою дивную создати благословившая.

Радуйся, на иконе сей с Сыном и Богом Твоим изображенная.

Pадуйся, многими чудесы ю прославившая.

Радуйся, яко молитвою пред нею приемлем душевное утешение.

Pадуйся, яко вкупе с иконою Твоею Сама невидимо среди нас пребываеши.

Радуйся, Владычице, обители Валаамския и страны нашея дивная Заступнице.

Кондак 4

Буря смущения, воздвизаемая врагом спасения, поколеба корабль смирения твоего, отче Алипие, егда покинул еси обитель Валаамскую. Обаче молитвами Пречистыя Богородицы вся козни сопротивнаго попрал еси и весь был еси предан Богу, пощением, молитвами и труды многими сподобился еси в день Ангела своего преселитися во обители Небесныя, идеже с ликом ангельским поеши Богу: Аллилуиа.

Икос 4

Слыша Господь скорбь жены, дванадесять лет обуреваемыя тяжкою болезнию, дарова ей помощь благодатную Богоматере, Яже явися болящей в соннем видении и повеле ей направити стопы своя на Валаам, да прославится тамо икона Ея чудная, дотоле в небрежении пребывавшая, от неяже мнози обретут радость духовную и исцеление, вопиюще Преблагословенней:

Радуйся, молитву сердечную болящей рабы Божией услышавшая.

Pадуйся, в соннем видении троекратно ей явившаяся.

Радуйся, недужную старицу со одра болезни воздвигшая.

Pадуйся, во обитель Валаамскую ю направившая.

Радуйся, чудотворную силу иконы Твоея открывшая.

Pадуйся, икону Твою дивную во обители показавшая.

Радуйся, прославление иконы Твоея исцелением тяжко болящия жены знаменовавшая.

Pадуйся, сердца православных неизреченною радостию исполнившая.

Радуйся, в иконе Твоей яко солнце земли севера просиявшая.

Pадуйся, сию яко сокровище безценное нам оставившая.

Радуйся, яко пред нею вернии благоговейно покланяются.

Pадуйся, яко молящимся пред нею исцеления подаются.

Радуйся, Владычице, обители Валаамския и страны нашея дивная Заступнице.

Кондак 5

Боготечней звезде подобна явися всечестная икона Твоя, Владычице, юже, яко дар небесный восприимше, иноцы обители Валаамския поставиша в соборнем храме Преображения Господня, ими созданном, благодарственно взывающе Богу: Аллилуиа.

Икос 5

Видевше чудо исцеления болящей от иконы Твоея, Пресвятая Дево, братия обители радости исполнишася и пречистому Твоему образу с любовию и благоговением поклонишася. Мы же, грешнии, зряще и ныне во обители славней изображенную на иконе Матерь Господа, руце к ней простираем и умиленно зовем:

Радуйся, остров Валаам благословением Своим осенившая.

Pадуйся, обители Валаамския сокровище неоскудное.

Радуйся, любовь Твою ко обители показавшая.

Pадуйся, благое промышление о ней явившая.

Радуйся, обитель сию милостию Своею посетившая.

Pадуйся, в залог любве икону Твою чудную ей даровавшая.

Радуйся, во обители древней прославленная.

Pадуйся, иноков валаамских Покровительнице.

Радуйся, подвизающимся в ней надежное заступление.

Pадуйся, приходящим в ню на поклонение благая Предстательнице.

Радуйся, иноков обители ко служению Господу собирающая.

Pадуйся, в служении сем путь показующая.

Радуйся, Владычице, обители Валаамския и страны нашея дивная Заступнице.

Кондак 6

Проповедница благодатныя помощи Владычицы явися исцеленная раба Божия, и о чудеси, на ней бывшем, с радостию и благоговением поведа. Ейже подражающе и мы прославляем милости от иконы изливаемыя, яко грады и веси ограждаеши, обители иноческия защищаеши, недужныя исцеляеши и вся благая низпосылаеши всем любящим Тя и поющим Сыну Твоему: Аллилуиа.

Икос 6

Возсия образ равноангельнаго жития всем ищущим спасения на острове Валааме, вдали от суеты мирския под державным Покровом Богоматере, Еяже образ сияет во обители яко знамение попечения Пречистыя о всех нас. Мы же, грешнии, ведуще, яко отцы наши нарекоша Русь Святую Домом Пресвятыя Богородицы, воспоим Ей:

Радуйся, Благодатная, обитель святую осенившая пречистым Твоим образом.

Pадуйся, яко паче жемчуга слезами радости икона Твоя украшается.

Радуйся, силу Твою благодатную в сей иконе обильно явившая.

Pадуйся, во всем мире источник исцелений от святых икон Твоих подающая.

Радуйся, покланяющимся иконе Твоей в печалех и бедах скоро помогающая.

Pадуйся, и нас грешных ко спасению наставляющая.

Радуйся, о всех чтущих образ Твой промышляющая.

Pадуйся, чудесы от него веру истинную в людех утверждающая.

Радуйся, Богом дарованная отрадо страждущим.

Pадуйся, сокровище благодати неоскудеваемое.

Радуйся, руце Твои к Богу о нас простирающая.

Pадуйся, вечною радостию нас одевающая.

Радуйся, Владычице, обители Валаамския и страны нашея дивная Заступнице.

Кондак 7

Хотя благочестивый воин великий князь Николай благодарственная принести Тебе, Богородице, повеле в годину брани всемирныя устроити храм во имя Твое, да вси иноцы обители поминают вождей и воинов за веру, царя и Отечество живот свой положивших, во вся дни поюще Богу: Аллилуиа.

Икос 7

Новое чудо показа Господь, егда старцу Валаамскому Борису видение бысть: зрит святый старец стоящих у иконы Богоматере преподобных Сергиа и Германа в схимах. Мы же, радующеся, вкупе с Пречистою ублажаем вас, угодницы Божии, помозите нам, да молитвами вашими сподобимся достойно воспети Всесвятую Матерь Господа:

Радуйся, обитель нашу вкупе с преподобными Сергием и Германом охраняющая.

Pадуйся, старца валаамскаго видений сподобившая.

Радуйся, Отечества нашего Печальнице.

Pадуйся, державная Покровительнице наша во дни тяжких испытаний.

Радуйся, во дни брани скорая на враги Помощнице.

Pадуйся, во дни мира ко благочестию Наставнице.

Радуйся, воинов православных на подвиг ратный укрепляющая.

Pадуйся, мужество неодолимое им дарующая.

Радуйся, силу духа их возвышающая.

Pадуйся, убиенным на поли брани венцы мученическия уготовляющая.

Радуйся, воинством ангельским враги наша поражающая.

Pадуйся, молитвами Твоими весь мир спасающая.

Радуйся, Владычице, обители Валаамския и страны нашея дивная Заступнице.

Кондак 8

Страннoe и дивное видение дарова Господь старцу Борису в канун гибели Царства Российскаго, виде бо праведник Тя, Матерь Божию, пред Сыном Твоим и Господом тепле Его умолявшую со слезами, да отверзет двери милосердия Своего к стране Российстей и людем ея. Темже убо восплачемся и мы о гресех своих и возопиим Богу дивному во святых Своих: Аллилуиа.

Икос 8

Вся страна Российская в страх и трепет прииде, егда восхоте враг рода человеческаго веру Христову в ней истребити. Ты же, Всемилостивая, во дни лихолетия сохранила еси землю Русскую от погибели и веру православную от истребления спасла еси. Помози убо нам, Владычице, с терпениеми и благодарением всякия скорби и беды претерпевати и взывати Тебе радостно:

Радуйся, избранным Твоим видения небесная открывающая.

Pадуйся, дивная знамения иконою Твоею совершающая.

Радуйся, Государства Российскаго благодатное утверждение.

Pадуйся, в годину испытаний державною рукою от погибели нас спасшая.

Радуйся, Церковь Русскую во дни гонений и крестных страданий омофором Своим покрывающая.

Pадуйся, в страданиих за Христа мучеников и исповедников веры укрепляющая.

Радуйся, воинствующих на Церковь Божию вразумляющая.

Pадуйся, злобу и коварство их посрамляющая.

Радуйся, вражду и ненависть миром и любовию побеждающая.

Pадуйся, слезы чад Твоих отирающая.

Радуйся, лучами Божественными тьму вражию попаляющая.

Pадуйся, во оружие света нас облекающая.

Радуйся, Владычице, обители Валаамския и страны нашея дивная Заступнице.

Кондак 9

Всяческая, яко Мати всех живущих во ограде Церкве Христовы, ограждаеши, тако и людей русских в разсеянии сущих утешила еси иконою Твоею, егда обитель Валаамская от страны Российския отторжена бысть. Тогда же иноцы обители вкупе с верными чады Церкве Православныя к чудотворному образу Владычицы притекающе в единомыслии воспеваху Богу: Аллилуиа.

Икос 9

Ветии человечестии недоумеют разумети тайну спасения Отечества нашего во дни нашествия вражия, егда смерть и ужас по лицу земли Русския проидоша, плач и стенания ю огласиша. Тогда убо вси на Тя, Пречистая, упование возложившии и от Тебе единыя спасения чающии, пояху со слезами:

Радуйся, Заступнице наша усердная.

Pадуйся, от всех врагов Избавление.

Радуйся, на подвиги брани воинския и духовныя нас вдохновляющая.

Pадуйся, гордых силою Своею со стыдом вспять возвращающая.

Радуйся, яко Тобою милосердие Божие призываем.

Pадуйся, яко много может молитва Твоя перед Сыном Твоим и Богом нашим.

Радуйся, икону Твою святую в бедах и испытаниих невредимо сохранившая.

Pадуйся, русских людей в разсеянии сущих ею утешавшая.

Радуйся, всех разсеянных воедино собирающая.

Pадуйся, раздоры и нестроения умиряющая.

Радуйся, Надеждо и Прибежище наше.

Pадуйся, непобедимая Победо.

Радуйся, Владычице, обители Валаамския и страны нашея дивная Заступнице.

Кондак 10

Спасти хотя страждущую страну нашу, явилася еси, Пречистая, в видении старцу Валаамскому Михаилу, яко Предстательница наша пред Богом и Заступница, и в грозный час беды на враги противостала еси, полки иноплеменных вспять обращая, и победу Российскому воинству даровала еси, да вси людие страны нашея поют Спасителю Богу: Аллилуиа.

Икос 10

Стена необоримая и источник чудес икона Твоя святая явися, Богородице Дево, не токмо обители Валаамстей, но и всей стране Российстей, землю нашу ограждающи и по Руси Святей незримо шествующи. Спаси и помилуй нас, чтущих Твой образ чудотворный, да вси притекающии к нему сподобятся всякаго утешения, воспевающе Тебе:

Радуйся, в сониих и видениих рабов Твоих посещающая.

Pадуйся, тайны промышления Божия о стране Российстей им открывающая.

Радуйся, старцу Михаилу знамение Своего милосердия к народу нашему явившая.

Pадуйся, державу Российскую паче прежняго славою Своею осиявшая.

Радуйся, пред Господом дерзновенная наша Предстательнице.

Pадуйся, гнев Его праведный, на ны движимый, на милость преклоняющая.

Радуйся, противу слуг сатанинских ратоборствующая.

Pадуйся, несокрушимый щите воинов российских.

Радуйся, войско врага поразившая.

Pадуйся, из пределов земли нашея его отгнавшая.

Радуйся, воином России на поли брани победу даровавшая.

Pадуйся, страну нашу от нашествия иноплеменных предивно избавившая.

Радуйся, Владычице, обители Валаамския и страны нашея дивная Заступнице.

Кондак 11

Пение молебное с любовию приносит ныне братия обители Тебе, о Всеблагая Мати, во храме в честь иконы Твоея освященном. Услыши и нас, молящихся пред пречистым образом Твоим, и сохрани жизнь нашу в чистоте, от грехов избавитися помози, утоли болезни и печали, на спасения стези настави и научи воспевати Человеколюбцу Богу ангельскую песнь: Аллилуиа.

Икос 11

Светло сияет дивная икона Твоя, Мати Божия, и Российскую страну нашу благодатию озаряет. Сего ради грядут во обитель Валаамскую на поклонение православных собори, умиленно воспевая из глубины души пред пречистым образом Твоим таковая:

Радуйся, остров Валаам светом святыни озарившая.

Pадуйся, обитель Валаамскую благодатию Твоею возродившая.

Радуйся, Домостроительнице, жизнь обители добре устрояющая.

Pадуйся, от всея земли Российския во обитель людей православных призывающая.

Радуйся, паломников благочестивых непостыдное упование.

Pадуйся, иноков валаамских присное радование.

Радуйся, образом Твоим честным обитель и ныне освящающая.

Pадуйся, светом божественным от иконы Твоея тьму неверия прогоняющая.

Радуйся, Мати Света, души верных просвещающая.

Pадуйся, к Свету истины нас возводящая.

Радуйся, огнь Божества в Себе вместившая.

Pадуйся, любве божественныя светильниче неугасимый.

Радуйся, Владычице, обители Валаамския и страны нашея дивная Заступнице.

Кондак 12

Благодатное утешение даровала еси нам, Пресвятая Дево, прославлением образа Твоего Валаамскаго в знамение милости ко Отечеству нашему, в защиту от врагов видимых и невидимых во дни смуты новыя. Даруй Покров Твой, Благодатная, на всех грядущих путех страны нашея, да весь мир узрит, яко с нами Бог, Емуже с любовию поем: Аллилуиа.

Икос 12

Поюще Тя, Преблагословенная, преклоняем колена пред чудотворным Твоим образом Валаамским и молящеся пред ним веруем и исповедуем, яко Ты еси воистину державная Владычица страны нашея и Заступница усердная рода христианскаго. Темже молим Тя, подаждь державе Российстей мир, тишину, благоустроение, и не остави возлюбленную Тобою землю Русскую и народ ея, во умилении сердец приносящий Ти похвалы сия:

Радуйся, икону Твою Валаамскую всецерковно прославившая.

Pадуйся, новое знамение благодати в Церкви Православней тем показавшая.

Радуйся, яко от списков иконы Твоея знамения и чудеса совершаются.

Pадуйся, яко сердца благочестивых людей радостию исполняются.

Радуйся, страны Российския несокрушимое Ограждение.

Pадуйся, нынешняго скорбнаго века Утешение.

Радуйся, святых печальников земли Российския возрастившая.

Pадуйся, изнемогающих под тяжестию креста укрепляющая.

Радуйся, страх и уныние прогоняющая.

Pадуйся, скорбь нашу в радость претворяющая.

Радуйся, стояти за веру Православную нас научающая.

Pадуйся, двери райския верным отверзающая.

Радуйся, Владычице, обители Валаамския и страны нашея дивная Заступнице.

Кондак 13

О Всепетая Мати, Российския страны дивная Заступнице, милостивно приими сие малое моление, пред чудотворным Твоим образом возносимое. Сохрани Отечество наше, веру Православную в людех укрепи, избави нас от всяких бед, скорбей и напастей, и сподоби чистым сердцем зде и в будущем веце воспевати Богу: Аллилуиа.

(Этот кондак читается трижды, затем икос 1 и кондак 1)

МОЛИТВА

(Молитва пред чудотворною иконою Пресвятыя Богородицы Валаамскою, чтомая в Спасо-Преображенском Валаамском монастыре)

Пресвятая Госпоже, Владычице Богородице, страны нашея Заступнице, обители Валаамския красото и славо. Взирающе на пречистый лик Твой, в чудотворней иконе явленный, молим Тя: сохрани от всякаго зла обитель сию, юже преподобнии Сергий и Герман основаша, во братии мир огради и соблюди, осени Покровом Твоим строителей, благотворителей и благоукрасителей ея. О Всечестная наша Мати, Игумения всех православных обителей и иноческаго жития Покровительнице, пребуди неотступна от обители сия, сущаго достояния Твоего, и всесильными Твоими молитвами покрый и заступи нас, зде подвизающихся, от всяких бед и нужд, помози уставы преподобных отец непоколебимы сохранити, избави от падений греховных, даруй нам дух сокрушения и смирения, настави на исполнение обетов иноческих и всех заповедей Божиих. Приими смиренное моление наше, согрей нас дыханием любве Твоея и никогда не отступай от нас, да не оскудеет вера в нас грешных, и да сподобимся внити в Царствие Небесное, в немже возвеличим Тя, Матерь нашу Всепетую, и прославим Сына Твоего и Бога нашего со Безначальным Его Отцем и Пресвятым и Животворящим Его Духом, ныне и присно и во веки веков. Аминь.

МОЛИТВА ИНАЯ

О Пресвятая и Преблагословенная Владычице Богородице, небесе и земли Царице, обители Валаамския Покровительнице! Припадаем и покланяемся Тебе пред чудотворною иконою Твоею, и яко призрела еси милостивно на молитву болящия рабы Твоея и даровала еси ей исцеление, тако и ныне приими наше усердное моление, Тебе приносимое. Спаси и сохрани, Всемилостивая, Отечество наше и вся люди православныя, живущия в нем и к Тебе с любовию прибегающия, от нашествия иноплеменных, от глада и мора, и от всякаго зла; управи пути наша, да возсияют в земли Русстей правда и мир, радость и любовь, сохрани в ней до скончания века веру православную. Воззри милостивым оком Твоим на обитель Валаамскую и соверши Сама о Господе спасение всех в вере и надежде подвизающихся в ней. Умоли Сына Твоего и Бога нашего, да избавит всех нас от всякия беды, скорби и болезни, да наставит на исполнение заповедей Своих, от вечныя муки избавит и да сподобит Твоим ходатайством вселитися во обителех небесных и славити тамо Пресвятую Троицу, Отца и Сына и Святаго Духа, ныне и присно и во веки веков. Аминь.

ТРОПАРЬ

Тропарь, глас 4-й:

Днесь светло красуется обитель Валаамская, и вси вернии в земли Российстей духовно торжествуют, прославляюще чудотворную икону Твою, Владычице, к нейже ныне мы притекающе с любовию глаголем сице: о Пречистая Дево Богородице, моли Сына Своего Христа Бога нашего, да избавит обитель сию и вся грады и веси страны нашея, от всех навет вражиих и спасет души наша яко Милосерд.

Ин тропарь, глас 4-й:

К Богородице прилежно ныне притецем и к Ея иконе чудотворней припадем и возопием Ей: о Пречудная Владычице Богородице, скорое нам яви заступление и помощь, землю нашу миром огради, ускори от всяких бед избавити ны по велицей Твоей милости.

Кондак, глас 8-й:

Избранной Воеводе, Владычице нашей Богородице, похвальныя песни приносим, прославляюще чудотворную Ея икону, на острове Валааме явльшуюся. Ты же, яко имущая Державу непобедимую, от всяких бед и печалей избави страну Российскую и сотвори мольбу за вся люди поющия Тебе: Радуйся, Невесто Неневестная.