Браѝловско-Честохонская

икона Божией Матери

1/14 октября

По преданию – одна из икон Божией Матери, написанных святым евангелистом Лукой. В 66—67 годах, когда на Иудею напали римские войска под предводительством полководцев Веспасиана и Тита, желавших совершенно уничтожить политическую самостоятельность Иудеи, христиане, опасаясь разрушения Иерусалима, заблаговременно удалились из него в местечко Пеллу, лежавшее между горами. Туда же они перенесли и этот образ Божией Матери, который сохраняли вместе с другими святынями в пещерах.

В 326 году из Константинополя в Иерусалим прибыла святая царица Елена для поклонения святым местам. Там она обрела Животворящий Крест Христов и там же получила в дар от верующих упомянутую икону Пресвятой Богородицы. Святая Елена привезла с собой образ в Царьград и поставила в дворцовой часовне. В Константинополе эта икона хранилась около пяти веков. Побывав затем в Болгарии, Моравии и Чехии, она, наконец, была перенесена на Русь. Появление иконы, которую в будущем назвали Ченстоховской, в Русской земле связывают с именем галицко-волынского князя Льва Данииловича – сына князя Даниила Галичского, который назвал основанный им город Львов в честь своего сына и наследника.

При завоевании Западной Украины поляками икона досталась князю Владиславу Опольскому. Однажды, во время осады татарами замка Бельз, князь Владислав выставил икону Божией Матери на городскую стену, и одна из татарских стрел попала в неё. Тотчас из ранки стала истекать кровь, а на татар напала непонятная мгла, от которой они стали гибнуть в великом множестве. Это вынудило татар снять осаду и уйти из владений князя. Через некоторое время князь Владислав передал икону католическим монахам Паулинского ордена в построенный им монастырь на Ясной горе рядом с селением Ченстохово. С тех пор этот образ стал называться Ченстоховским.

Через несколько лет монастырь подвергся нападению гуситов, которые, разграбив монастырь, решили захватить с собой и чудотворную икону. Предание гласит, что гуситы так и не смогли увезти икону, сдерживаемую неведомой силой. Рассвирепев, они стали рубить её мечом (на правой щеке Богородицы остались два рубца), но тут же погибли в страшных муках.

За многовековую историю пребывания Ченстоховской иконы в Польше по молитвам перед ней страна не раз спасалась от завоевателей. В Польше Ченстоховскую икону называют «Чёрной Мадонной», «чёрной» – потому что от древности икона сильно потемнела. Ченстоховский образ, пожалуй, самый почитаемый в Польше. Имеется он практически во всех католических и православных храмах.

На Ясную гору в Ченстохово для поклонения древней святыне съезжаются тысячи паломников со всего мира. Часовня, в которой ныне находится икона, полностью отдана под хранилище даров, принесенных богомольцами. Эти вещи покрывают все стены помещения. Здесь и украшения, снятые с себя верующими, и деньги, и даже костыли, ставшие кому-то ненужными. В память об исцелении от недугов верующие приносят и прикрепляют на стену часовни кулоны в форме ноги, руки, сердца и т.д.

За многие годы появились изводы Ченстоховской иконы Пресвятой Богородицы, значительно отличающиеся друг от друга. В России копия польского варианта Ченстоховской иконы находится в Санкт-Петербургском Казанском соборе. Этот образ был преподнесён поляками российским казакам в 1813 году при захвате русскими войсками Ченстоховской крепости во время войны с Наполеоном.

В некоторых местах сохранились древние иконы Ченстоховского образа византийского письма. Одна из них находится в Свято-Троицком Браиловском женском монастыре, в местечке Браилов Винницкой епархии, на Украине. Предание гласит, что икона была пожертвована брацлавским подсудком (заседателем земского суда) Михаилом Кропивницким в основанный им в городе Виннице Благовещенский монастырь. После переведения в 1845 году монастыря в местечко Браилов икона стала именоваться Браиловской Ченстоховской.

АКАФИСТ

Кондак 1

Взбранной Воеводе Приснодевственней Матери Искупителя мира похвальное дерзаем принести пение: Ты же Владычице, сущая источник милосердия, не отврати лица Твоего от нас, пред честною иконою Твоею умиленне зовущих: Радуйся, похвало Браиловская, всемирная Радосте, Богородице Марие благодатная.

Икос 1

Ангелами в вышних дориносимаго Царя Славы, приявшаго от Тебе за милосердие плоть нашу, на девственных руках Твоих носила еси, якоже видим Тя изображенную на святей иконе Твоей, юже благоволила еси дати стране сей, яко твердыню Православия и залог спасения, мы грешнии радуемся и благоговейно глаголем Ти:

Радуйся, Приснодево Богообрадованная;

Радуйся, Бога Отца Дщи благословенная.

Радуйся, плоти Христовы неизреченное составление;

Радуйся, Духа Святаго прекрасное селение.

Радуйся, Богоносный Престоле Вседержителя;

Радуйся, прародительнаго преступления разрешение.

Радуйся, Еюже сподобихомся прияти Творцу всыновление; Радуйся, пророческих глагол исполнение.

Радуйся, похвало Браиловская, всемирная Радосте, Богородице Марие благодатная.

Кондак 2

Видящи Пресвятая Дева первоизображенную от апостола икону Свою, возрадовася, и рече: «С сим образом благодать Моя и сила». Сея подобие и мы зряще, благодарне поем Богу: Аллилуиа.

Икос 2

Разумеша жители страны Подольския Твое к ним благоволение, егда зряху во обители Благовещения икону Твою, от неяже подаемыми им благодеяниями утешаеми зовяху Тебе:

Радуйся, утешительнице наша милосердная;

Радуйся, надеждо непостыдная.

Радуйся, любве неизсякаемый источниче;

Радуйся, в бедах скоропомощнице.

Радуйся, болезней мощное врачевание;

Радуйся, безнадежных упование.

Радуйся, враждующих умиротворение;

Радуйся, странных упокоение.

Радуйся, похвало Браиловская, всемирная Радосте, Богородице Марие благодатная.

Кондак 3

Силу благодатную к слышанию слова Божия подаждь нам, Владычице, якоже прежде и телесный слух отверзла еси недуговавшей игумении обители Твоея, яже свободившися от недуга своего, радостно возопи Христу: Аллилуиа.

Икос 3

Имущим нам духовное зрение примраченно житейскими печальми, просвети Твоим сиянием, якоже иногда отроку молившемуся пред святою Твоею иконою очное зрение возвратила еси, иже и воспе Тебе радуйся:

Радуйся, светлосте немерцающая;

Радуйся, тьму бед и грехов прогоняющая.

Радуйся, облаки сомнений и раздоров разгоняющая;

Радуйся, бури распрей в тишину прелагающая.

Радуйся, служащих Тебе во единомыслии сохраняющая;

Радуйся, с верою молящихся Тебе прошения исполняющая. Радуйся, желание к деланию добродетелей внушающая;

Радуйся, в добрых намерениях незримая споспешнице.

Радуйся, похвало Браиловская, всемирная Радосте, Богородице Марие благодатная.

Кондак 4

Бурею воздушнаго злоключения близ потопления бывшую жену, призвавшую Твое пресвятое имя со обещанием поклонитися чудотворней иконе Твоей, спасла еси от смерти Богомати. Тако и нас обуреваемых скорбными приражении спаси от потопления душевнаго, да в покаянии воспоем Тобою нас спасающему Богу: Аллилуиа.

Икос 4

Слышаще дивное промышление Твое о благоустроении земнем вверившихся Твоему водительству инокинь и вселении их в ныне покрываемой Тобою обители с трепетом благодарнаго сердца покланяемся пренесенному из древния обители Твоему честному образу, и взываем:

Радуйся, мудрая управительнице душ Тебе посвятившихся; Радуйся, непостижимыми судьбами пути их устроющая и земными потребами их снабдевающая.

Радуйся, и в Горних селениях вечныя обители им уготовляющая; Радуйся, в шествии путем заповедей Христовых укрепляющая; Радуйся, несение ига крестнаго облегчавающая.

Радуйся, и среди волн моря житейскаго духовный корабль их невредим соблюдающая;

Радуйся, аки мудрая кормчая Сама им управляющая.

Радуйся, Своим Покровом яко Матерь покрывающая.

Радуйся, похвало Браиловская, всемирная Радосте, Богородице Марие благодатная.

Кондак 5

Боготечную звезду наставляющую верных шествовати по пути Божию, зрим святую икону Твою, Богомати: к нейже припадающии людие приемлют здравие тела, очес прозрение, разслаблении укрепление и вси благодарно поют Господеви: Аллилуиа.

Икос 5

Видеша православнии жителие края Подольскаго благодать Твою силяющу, егда незримо шествовала еси в подобии чудныя Твоя иконы на избранное Тобою святое место сие, и покланающеся ей, яко Самей Тебе сущей, зовяху:

Радуйся, промыслом Твоим место сие освятившая;

Радуйся, благодать Твою ему даровавшая.

Радуйся, яко твердыню Православия икону Твою зде возвеличившая;

Радуйся, сию на утешение и покров людем Твоим даровавшая. Радуйся, лучами Твоея милости верных озаряющая;

Радуйся, печаль верных в радость претворяющая.

Радуйся, изнемогающих укрепляющая;

Радуйся, скудостью потребных удручаемым промышлением Твоим помогающая.

Радуйся, похвало Браиловская, всемирная Радосте, Богородице Марие благодатная.

Кондак 6

Проповедницы Твоих даров суть вернии, приявшии благодеяния от подобия божественнаго лика Твоего, к немуже умиленно припадающе поем Подателю благих: Аллилуиа.

Икос 6

Возсияй душам любящих Тя лучи Твоея безпредельныя светлости, укрепи малодушие наше в постигающих нас бедах и научи звати Тебе:

Радуйся, в странствии земном нас охраняющая;

Радуйся, к жизни вечной приуготовлятися нас поучающая. Радуйся, в находящих скорбех надеждою небеснаго воздаяния нас ободряющая.

Радуйся, к безропотному пренесению бед нас воодушевляющая; Радуйся, яко болезни тела суть врачевство души нам напоминающая.

Радуйся, к благодарному тех терпению нас побуждающая; Радуйся, за временная страдания воздания вечное Бога обещающая.

Радуйся, покорность воле Божией в сердца наша вселяющая. Радуйся, похвало Браиловская, всемирная Радосте, Богородице Марие благодатная.

Кондак 7

Хотя даровати духовное укрепление чтущим Тя, знамение сугубыя благодати Твоея являеши в даровании нам другия Твоея иконы Браиловския обретшияся в горе Почаевстей: юже, яко дар божествен приемше насельницы обители сея благодарно воспеша Спасителю Богу: Аллилуиа.

Икос 7

Новое знамение милосердия Твоего почитающе икону Твою, от горы Почаевской принесенную, идеже цельбоносный стопы Твоея след есть покланяем, в веселии сердца благословим Тя, благословенная в женах благоумиленно поюще:

Радуйся, гору Почаевскую облагодатствовавшая:

Радуйся, от тоя и ним благословение ниспославшая.

Радуйся, в Горних селениях ангелы окружаемая;

Радуйся, ими и в храмех посвященных имени Твоему невидимо служимая.

Радуйся, бесплотными силами венчаемая;

Радуйся, от огнезрачных ликов воспеваемая.

Радуйся, Херувимы превозносимая;

Радуйся, от всех чинов ангельских славословимая.

Радуйся, похвало Браиловская, всемирная Радосте, Богородице Марие благодатная.

Кондак 8

Странное чудо явися от иконы Твоея Почаево-Браиловския во исцелении десницы жены некия прибегшия к Твоей помощи, юже и получивши возопи с верою: Аллилуиа.

Икос 8

Вся чудодейственная сила Твоя, Приснодево Владычице, присущая Тебе, дадеся Тобою и изображениям Твоим, по Твоему неложному обещанию: емуже благоговейно внемлюше ублажаем Тя, глаголяще:

Радуйся, подобием Лика Твоего нас утешающая;

Радуйся, тем к созерцанию Твоему нас привлекающая.

Радуйся, очами веры зримая;

Радуйся, чусвтвом надежды покланяемая.

Радуйся, горящею любовию певаемая;

Радуйся, тайным вдохновением силы души оживляющая. Радуйся, песнословящих Тя неизреченно умиляющая;

Радуйся, тех невидимо благословляющая.

Радуйся, похвало Браиловская, всемирная Радосте, Богородице Марие благодатная.

Кондак 9

Всякое дыхание превозносит Тя, сущую Матерь всеми Владычествующаго: ангелы воспевают, пророцы прообразуют, апостоли проповедуют, мученицы дароносят, святители богословствуют, преподобнии ублажают, немолчно поюще из Тебе воплощенному Богу: Аллилуиа.

Икос 9

Витийства человеческая не могут изъяснити таинства Твоего приснодественнаго рождества, егоже и ангельский ум не может постигнути. Мы же смиренно веруя сему, исповедуем Тя истинную Богородицу, Ейже молящеся поем:

Радуйся, Божиих таинств сокровищнице непостежимая:

Радуйся, прежде всех век на сие Богом предызбранная.

Радуйся, пророческими гадании проображенная;

Радуйся, солнце, в нем же Вышний положи селение Свое. Радуйся, Горо Боговместимая;

Радуйся, всякаго создания превысочайшая.

Радуйся, всякия чистоты чистейшая;

Радуйся, всех красот прекраснейшая.

Радуйся, похвало Браиловская, всемирная Радосте, Богородице Марие благодатная.

Кондак 10

Спасти хотя от треволнений житейских желающих последовати Тебе, в сени крилу Твоею покрываеши, научающи, да тщатся добродетельми доити и до Обители Горняя, в нейже с лики прежде подвизавшихся воспоют богокрасную песнь: Аллилуиа.

Икос 10

Царствия Небеснаго ищущим и о сем присно воздыхающим буди Наставница, якоже звездою путеводною подобием Твоим во святых Твоих иконах освещающи им житейское плавание, да поют Тебе: Радуйся, от душевнаго усыпления нас возбуждающая; Радуйся, немощи душевныя смирением врачующая.

Радуйся, от самовосхваления памятию мытаревой молитвы ограждающая;

Радуйся,в жестокости сердца воспоминанием Твоего любвеобилия умиляющая.

Радуйся,от уныния к упованию пременяющая;

Радуйся, на жизнь земную аки сон мимоходящь взирати поучающая.

Радуйся, прилеплятися сердцем к миру воспрешающая;

Радуйся, едино на потребу еже есть вечное спасение искати внушающая.

Радуйся, похвало Браиловская, всемирная Радосте, Богородице Марие благодатная.

Кондак 11

Пение Тебе приносимое пред священным ликом Твоим не отвержи Мати милосердия, но благоутробно сие приемля, научи в духе и истине покланяющихся Спасителю Богу взывати: Аллилуиа.

Икос 11

Светозарное солнце благости Твоея, сияющее в чудотворных иконах Твоих, да оживотворяет изнемогающия наши души, да согреет в зиме лютых напастей приносящих Ти сия похвалы: Радуйся, на блаженства евангельская яко на стезю к жизни ведущую нам указующая;

Радуйся, нищету духа стяжати помогающая.

Радуйся, плачущих покаяния надеждою утешающая;

Радуйся, кротость стяжавшим наследие безсмертия у Сына Твоего испрошающая.

Радуйся, алчущим и жаждущим правды насыщение вечное уготовляющая;

Радуйся, милостивых милующая, и чистых сердцем Богозрением услаждающая.

Радуйся, миротворцев благословляющая;

Радуйся, изгнанных правды ради Царствия Небеснаго сподобляющая.

Радуйся, похвало Браиловская, всемирная Радосте, Богородице Марие благодатная.

Кондак 12

Благодатною силою Твоего всемогущества посети нас, Заступница наша в неизбежную коемуждо годину смерти: даруй душе спутника ангела светла и мирна, преводяща ю в страну вечнаго света, идеже горняя воинства с трепетом вопиют Праведному Судии песнь: Аллилуиа..

Икос 12

Поюще чудеса от чествуемых Твоих икон явленная, хвалим Покров Твой, им же до днесь охраняеши святое место сие, и молим смиренно: не отвержи ни от Лица Твоего любовию зовущих Ти:

Радуйся, радосте наша безконечная;

Радуйся, милости реко неоскудная.

Радуйся, сокровище любви к роду христианскому;

Радуйся, сило и укрепление изнемагающих.

Радуйся, небесная отрадо скорбящих;

Радуйся, Взыскание погибающих.

Радуйся, благодатное согреяние душ к Тебе прибегающих; Радуйся, в православней вере отходящих от мира сего непостыдная надеждо спасения и умилостивления Божия. Радуйся, похвало Браиловская, всемирная Радосте, Богородице Марие благодатная.

Кондак 13

О, Всепетая Мати святых святейшаго Слова! милостивно приемши малое сие моление, согрей любовию божественною хладныя сердца наши. Испроси у Вседержавнаго Сына Твоего нам в покаянии христианскую кончину получити, да сподобимся с лики праведных воспети о Тебе Богу: Аллилуиа, Аллилуиа, Аллилуиа.

(Этот кондак читается трижды, затем икос 1 и кондак 1)

Акафист сей составлен декабря 15/23 дня 1931 года игуменией Софией (Рачинской), по инициативе и просьбе священника градския Барския Свято-Успенския Соборныя Церкви Михаила Николаевича Мазура для женскаго Свято-Троицкаго Браиловскаго монастыря.

3/17 сентября 1932 года во граде Баре ( Винницкая область-Украина) в квартире священника Михаила Николаевича Мазура в присутствии игуменьи Софии Никоноровны Рачинской отслужен был впервые общественно акафист Пресвятей Богородице в честь чудотворных икон нарицаемых Браилово-Ченстоховская и Браилово-Почаевская.

МОЛИТВА

Преподобная Владычице, Приснодево Богородице, всеми дарова̀нии Святаго Духа облагода̀тствованная, па̀че всякаго создания превысоча̀йшая Святыня! Пред чу̀дною иконою Твоею умѝльно припа̀дающе молим Тя: приклони ма̀терний слух Твой к сердечному воплю нашему. Ты едина вѐси вся потрѐбы наши. Зрѝши ско̀рби и бѐды обуревающия нас и искушения отовсю̀ду облежа̀щия достояние Твое. Тебе единой возможно сиѐ преложѝти на радость и даровати вся потрѐбная ко временной жизни и к вечному спасению. Всяка бо надежда на смертных тща и несть помога̀ющаго: Ты же вся мо̀жеши, аще то̀кмо восхо̀щещи ущедрити нас, прося̀щих Твоего Ма̀терняго покро̀ва в сем житиѝ и в преставлѐнии в страну Горняго Отечества, идѐже Ты в неизречѐнной славе прославля̀ешися от всех святых предстоя̀щих Престолу Святыя Троицы, Отца и Сына и Святаго Духа. Аминь.

ТРОПАРЬ

Глас 4

Непобедимая Победо, Владычице Ченстоховская, древняго иже о нас благоволения Самозрительнице, будущаго спасения Хранительнице, покаянием соделай ны новыя грядущему Царю.

Ин Тропарь

Ко иконе твоей, Пречистая Госпоже, бедствовавшии с верою притекше, заступлением Твоим избавитися от злых, но яко Матерь Христа Бога, и нас свободи от лютых обстояний, временых и вечных, да зовем Ти: радуйся Владычице, Ченстоховская похвало!