Пюхтицкая икона Божией Матери «У источника»

(18 июня / 1 июля)

    История Пюхтицкой иконы Пресвятой Богородицы начинается более чем за триста лет до ее написания - с обретением первой пюхтицкой чудотворной святыни - Успенской иконы Божией Матери. Оба прославленных образа, неразрывно связанные духовными узами, находятся в настоящее время в Успенском соборе Пюхтицкого женского монастыря в Эстонии.

    Предание гласит, что более четырехсот лет тому назад в местечке Куремяэ (с эстонского «Журавлиная гора») простым эстонским пастухам явилась Светозарная Жена, стоящая в сиянии невечернего света. Божия Матерь простертыми руками указывала на источник, испокон веков протекавший под горой. Когда пастыри устремились на гору, чтобы подойти поближе, видение исчезло, но вскоре появилось вновь. Пастухи позвали селян, желая, чтобы и те увидели Дивную Госпожу. Пресвятая Богородица почтила Своим явлением и этих скромных людей. Поднявшись на место, где стояла Благодатная Жена, крестьяне обрели в расщелине древнего дуба икону Успения Пресвятой Богородицы. Так Божия Матерь освятила Своим пришествием и всю местность, получившую после Ее явления название «Пюхтица» («Pühitsetud»), что значит «Святое место», и источник у подножия Журавлиной горы, прославившийся многими чудотворениями и исцелениями.

    Местные жители построили на Пюхтицкой горе у древнего дуба часовню для явленного образа и ежегодно на праздник Успения приглашали в нее для служения священника из русской части г. Нарвы. Успенские торжества собирали такое множество паломников, что во время всенощной вся гора была усеяна огоньками свечей, которые держали в руках молящиеся. Всю ночь рядом с часовней и освященным дубом слышалось молитвенное пение, читались акафисты.

    В начале XIX в. Пюхтицкая гора стала собственностью немецких баронов, и икону на время перенесли в с. Сыренец, где был православный приход. По перенесении иконы было установлено ежегодно в день Успения совершать Крестный ход с чудотворным образом от Сыренца к часовне на Святой Богородицкой Горе. Этот ход был сопряжен с немалыми трудностями: люди шли по колена в болоте и поочередно несли икону, прижимая ее к груди. Были и другие сложности: владельцы местности, враждебно относившиеся к православным, попытались построить большую кирху с тем, чтобы часовня казалась по сравнению с ней убогой, но их начинание не увенчалось успехом. Когда правительственным постановлением вся Пюхтицкая гора была приобретена в собственность православных, кирха была перестроена в Успенский храм.

    В 1891 году несколько сестер Костромской Богоявленско-Анастасьиной женской обители во главе с монахиней Варварой были посланы в Эстонию для основания монастыря. Основанный ими и освященный в 1892 г. Пюхтицкий монастырь стал одним из главных центров распространения православия в Эстонии.

    Божия Матерь, всегда проявлявшая особое попечение о Своем избранном уделе, даровала зарождающемуся монастырю и великого духовного наставника - всероссийского молитвенника святого праведного Иоанна Кронштадтского. Ревностный воин Христов батюшка Иоанн стал поистине родным отцом для сестер обители. Чувствуя особый молитвенный дух Святого места, о. Иоанн посылал туда многих своих духовных чад со словами: «Идите в Пюхтицы, там три ступени до Царствия Небесного».

    С именем праведного Иоанна Кронштадтского непосредственно связана история Пюхтицкого образа Божией Матери «У источника». В 1894 году сестры монастыря подарили горячо любимому пастырю в день Ангела икону, изображающую явление Пресвятой Богородицы у источника при Святой горе. Известно, что Батюшка много молился перед этой иконой.

    Сохранилась проникновенная дневниковая запись, сделанная о. Иоанном на праздник Успения во время его пребывания в Пюхтицах, которую принято связывать с образом «У источника»: «На 15-е, в день Успения Богоматерии, 1898 года я имел счастье в первый раз видеть во сне явственно лицом к лицу Царицу Небесную и слышать Ее сладчайший, блаженный, ободрительный глас»: «Милейшая есте, чада Отца Небесного», тогда как я сознавал свое окаянство, взирал на пречистый лик Ее с трепетом и мыслию: не отринет ли меня от Себя с гневом Царица Небесная! О лик пресвятый и преблагий, о очи голубые и голубиные, добрые, смиренные, спокойные, величественные, небесные, божественные! Не забуду я вас, дивные очи! Минуту продолжалось это явление, потом Она ушла от меня неторопливо, перешагнула за небольшой овраг и скрылась! Я видел сзади шествие Небесной Посетительницы. Сначала я видел Ее как бы на иконе, ясно, а потом Она, отделившись от нее, сошла и подвиглась в путь. Аминь».

    Перед кончиной о. Иоанн завещал образ одной благочестивой петербургской чете. В свою очередь незадолго до смерти престарелые супруги передали икону монахине Вирсавии, насельнице закрытого к тому времени Санкт-Петербургского Иоанновского монастыря. Матушка бережно хранила икону до времени, когда Сама Пресвятая Богородица, явившись ей во сне, открыла Свою волю о возвращении образа в Пюхтицкую обитель. Богородица сказала, утешая монахиню: «Я Сама к тебе приду». Случилось это на Пасху 1946 года. Вскоре мать Вирсавия умерла, а образ Божией Матери «У источника» в день празднования иконе Боголюбской (18 июня / 1 июля) вернулся в обитель. Престарелая настоятельница Алексия II (схиигумения Сергия Голубева), встречавшая с сестрами монастыря у священного дуба батюшкину икону, именно в этот день получила от епархиального управления долгожданное извещение об освобождении ее от игуменского послушания, а новая настоятельница еще не была назначена. Так Царица Небесная невидимо приняла игуменский жезл в Своей обители.

    Через несколько дней после возвращения иконы в Пюхтицу, произошло одно знаменательное событие, которое в полной мере раскрыло духовное значение обретенного образа для Пюхтицкой обители. В монастырь приехал некий военный и, войдя в монастырский собор, долго плакал, стоя на коленях перед Пюхтицкой иконой Божией Матери. На удивленные вопросы он ответил: «Это Она явилась мне тогда», и рассказал удивительную историю о себе. Оказалось, что во время войны этот человек был летчиком, которому дали приказ разбомбить монастырский собор. «Помню, подлетаю к монастырю, - рассказывал военный, - а вся гора в тумане. Было это при ясной солнечной погоде. Я развернулся, сделал круг - вновь ничего не видно. Стал бомбить по расчетам. Вдруг небо раскрылось, вижу - стоит вся в голубом Женщина и говорит: «Сынок, не разоряй Мой Дом!» Этот рассказ находит подтверждение и в воспоминаниях местных жителей, не раз видевших в годы войны бомбы над монастырем, которые неведомой силой были относимы в сторону. Говоря словами «Сказания о Пюхтицких иконах Божией Матери», «несравненный светозарный образ Пречистой Девы Богородицы, лучами своими озаряя Пюхтицкую обитель, радуя души православных, являет всем, что Игумения на сей Святой горе - Сама Царица Небесная, некогда здесь явившаяся и не оставляющая Своим заступничеством малое стадо Христово, покрывая безграничным милосердием.

 

АКАФИСТ
иконе Божией Матери Пюхтицкой “У источника”

Кондак 1

Избранную от всех родов Божию Матерь и Царицу Небесную, непрестанно у Престола Сына Своего молящуюся о нас, с любовию благодарно восхвалим. Восхотев во всех концех земли видети прославление величия Божия, возблаговолила еси, Преблагословенная, воздвигнута спасительныя обители Своя. Тако и воззрев на страдания православных страны Прибалтийския, посетила еси край сей Своею благодатию; да утешенные Тобою зовем Ти сице:Радуйся, Любвеобильная, слезы сердец наших милостивно осушающая.

 

Икос 1

Ангели на небеси и пастыри эстляндския веси зело удивишася, егда узреша Матерь Божию на горе стоящую и руци долу простирающую, указующе на место сие святое, промыслительне имеющее прославитися. Тем же и мы, обрадованнии велицею Твоею к нам милостию, вопием Ти:

Радуйся, жребием Своим гору Афонскую наименовавшая;

Радуйся, многими чудесы иконы Твоя ознаменовавшая.

Радуйся, чудотворною иконою честнаго Успения Твоего Киево-Печерскую Лавру прославившая;

Радуйся, знамением Своея Божественныя стопы Почаевскую Лавру освятившая.

Радуйся, Богородицкую гору в Пюхтицах Сионом Прибалтийскаго края соделавшая;

Радуйся, Успенскую обитель зде основавшая и великаго пастыря святаго праведнаго Иоанна Кронштадтскаго ей даровавшая.

Радуйся, Любвеобильная, слезы сердец наших милостивно осушающая.

 

Кондак 2

Видяще православных твердое веры исповедание и жертвенное их, даже до крови, ереси лютеровой противостояние, нечестивиц тевтоны в эстляндстей стороне православие жестоко угнеташа, святии храмы сожигаша и разоряша; и всуе прещаша верным право славити Христа Бога нашего и воспевати Ему: Аллилуиа.

 

Икос 2

Разумев Промышление Божие в дивнем явлении Твоем на горе эстляндским пастырем, людие гору ту Святою, Пюхтицкою, прозваша и милосердие Твое купно воспета:

Радуйся, милостивым Твоим Оком на угнетение верных рабов Твоих призревшая;

Радуйся, скорби их скоро отмстившая.

Радуйся, Пресвятая Мати Божия, под благий покров всех собирающая;

Радуйся, без святыя помощи Своея никого не оставляющая.

Радуйся, многая лета Отрадою и Утешением Пюхтицкаго края и окрестных весей пребывающая;

Радуйся, надежду спасения всем подающая.

Радуйся, Любвеобильная, слезы сердец наших милостивно осушающая.

 

Кондак 3

Госпожу Пречудную узревши, лазурным светом озаренную, устремися к ней эстляндский пастырь. Но исчезновением видения и паки его появлением умудрен быв в его Божественности, возопи со страхом: Аллилуиа.

 

Икос 3

Дивное видение друзем и сродником стремяся показати, призва их пастырь, вкупе с ним, воззрети на Госпожу Пречудную, на верху горы стоящую. Видевше же Ея исчезновение по их приближении и светозарное Ея сияние по их удалении, со страхом Божиим воспеша сице:

Радуйся, гордым противящаяся;

Радуйся, смиренным благодать подающая.

Радуйся, детскую веру лжеименному разуму предпочитающая;

Радуйся, в чудесех и видениях Своих токмо чистым душам открывающаяся.

Радуйся, Веро, Надеждо, Любы и Мудросте христианския;

Радуйся, Покрове, не крыющийся от притекания взыскующих Тя.

Радуйся, Любвеобильная, слезы сердец наших милостивно осушающая.

 

Кондак 4

Бурю внутрь имея помышлений сумнительных, селяне веси сей на верх горы текоша и, дошедше до места стояния Чудной Госпожи Лазоревой, в расщелине дуба икону Успения Божией Матери обретоша и гору сию Богородицкою прозваша. С той поры у дуба, явлением святыя иконы Твоея прославленнаго, часовню для хранения ея людие православныя воздвигоша и крестными ходами ю почиташа, купно Тя, Пречистая, славяще и воспевающе Богу: Аллилуиа.

 

Икос 4

Слышавше о чуде явления Матери Божией на Богородицкой горе в Эстляндии, стекашася людие со всех сторон земли Русския, радовахуся видевше новое явление милосердия Твоего, о Богомати. Сего ради благодарственно вопием Ти сице:

Радуйся, Предивная Госпоже, на спасение православных эстляндскаго края явившаяся;

Радуйся, милость Свою людем Твоим ниспославшая.

Радуйся, икону святую Свою верным на поклонение даровавшая;

Радуйся, знамением многих чудотворений ю прославившая.

Радуйся, местом благочестивых размышлений дуб, освященный Твоим явлением, соделавшая;

Радуйся, пристанищем скораго слышания тайных и сокрушенных молитв часовню, хранившую святую икону Твою, ощутимо явившая.

Радуйся, Любвеобильная, слезы сердец наших милостивно осушающая.

 

Кондак 5

Хотящу православным людем эстляндския стороны дати обилие видимыя благодати, чрез цельбоносную воду святаго источника подаваемой, пред очами пастырей на горе стояща, простертыми дланьми рук Твоих на источник сей указала еси. Тем же благодарни суще за таковую милость, от Тебе нам явленную, воспеваем Богу: Аллилуиа.

 

Икос 5

Вся исполнися радости славному источнику, при горе Пюхтицкой людем дарованному, в купели его с верою омывающимся благодать и целъбу щедро подающему. Сего ради, со благодарением вопием Ти, Радости нашей, из бездны греха нас воскрыляющей:

Радуйся, милостивно приемлющая души, к Богу взывающие;

Радуйся, помощь смиренным невидимо подающая.

Радуйся, исцеление не токмо телесных, но и душевных язв от святаго источника изливающая;

Радуйся, благодать Свою во святей воде, по всей Росеийстей земли богомольцами разносимой, подающая.

Радуйся, веру чистых сердец у святаго источника укрепляющая;

Радуйся, души жаждущих к Богу крепкому, живому от конец земли незримо в обитель Свою собирающая.

Радуйся, Любвеобильная, слезы сердец наших милостивно осушающая.

 

Кондак 6

Боготечную звезду, икону Твою чудотворную, тевтоны зряху православными почитаему, восхотеша ересь лютерову зде насадити и святое место разорити. Людие же православнии к Тебе, Мати Милосердная, возопиша и принята гору сию под покров Свой просиша, воспев Богу: Аллилуиа.

 

Икос 6

Видя православие в Эстляндии попираемо, а народ тевтонами угнетаем, Царь Российский, Великий Петр, с полки своими устремися на край Прибалтийский и покори и. Тако услышана бяше молитва к Царице Небесней о заступлении православия в стране сей. Сего ради вернии возопиша Ти сице:

Радуйся, веры православныя непобедимая поборнице;

Радуйся, исповедников веры незримая укрепительнице.

Радуйся, уменьшением гонений число православных храмов зело умножившая;

Радуйся, увеличением чудотворений число колеблющихся в православии зело уменьшившая.

Радуйся, яко икона Твоя новоявленная усердием богомольцев златою ризою украсися;

Радуйся, яко подле древлей часовни новая в храм обращена бысть.

Радуйся, Любвеобильная, слезы сердец наших милостивно осушающая.

 

Кондак 7

Восхотев спасения верных дщерей под покровом Твоим, Богородице, заложи обитель зде святый праведник Кронштадтский и предрече стояти ей до скончания века благоукрашенною и долголетнею. Темже со благодарением поем Богу: Аллилуиа.

 

Икос 7

В трудех и молитве на горе Богородицкой монастырь возростеся и любы народную далеко за предели Эстляндскаго края сниска. Тако и на сей обители сбывается пророчество Исаиино о горе Сионстей реченное: “Будет в последния дни явлена гора Господня и дом Божий на версе гор, и возвысится превыше холмов, и приидут к ней вси языцы. И пойдут языцы мнози, и рекут: приидите, и взыдем на гору Господню, и в дом Бога Иаковля, и возвестит нам путь Свой, и пойдем по нему”. Посему радостно зовем Ти:

Радуйся, Благодатная, промышлением Божиим обитель Пюхтицкую создавшая;

Радуйся, тем пророчеству Исаиину исполнитися пособившая.

Радуйся, в наши дни высокое христианское подвижничество в житиях блаженных стариц людем показавшая;

Радуйся, примеру их следовати всех людей призвавшая.

Радуйся, силу прозорливаго благословения приснопамятнаго батюшки Иоанна в изобилии милостей Божиих, на обитель изливаемых, явно показующая;

Радуйся, благодать духовную с верою припадающим к чудотворному образу Твоему щедро подающая.

Радуйся, Любвеобильная, слезы сердец наших милостивно осушающая.

Кондак 8

Благодарнии пастырю возлюбленному своему сестры пюхтицкие светозарный образ явления Твоего, о Пречистая, написаша и родному батюшке дароваша. Икона сия аки феникс красотою процвете и с праведником дивным до смерти пребыва. Он же до кончины своея к Тебе, Владычице Небесней, Горячия молитвы об обители Успенстей возноси. Не престанем славити Сына Твоего, Милосердная, радость сию нам ниспославшаго, умиленно поя: Аллилуиа.

 

Икос 8

Пламенне возгорев любовию к Тебе, Пречистей Божией Матери, пастырь Кронштадтский сподобися зрети Тя, Царицу Небесную, со иконы Своея сошедшую и сладчайшим гласом ему рекшую: “Милейшая есте, чада Отца Небеснаго”. На пречистий лик Твой, Богородице, молитвенник земли Росийския со трепетом взира и виде очи добрыя, смиренныя, голубыя, голубиныя, взыва душею умиленно:

Радуйся, Звездо пресветлая. Владычице, вся в сиянии Света-Бога пребывающая;

Радуйся, Святость Вечная, чистоту божественную от Небес приимшая.

Радуйся, преблагоукрашенный Храме Божий, избранная Невесто Духа Святаго;

Радуйся, Мати Живота, в скорбех и радостех тихое наше пристанище.

Радуйся, Всеблагая Помощнице, сердца человеческие смиряющая;

Радуйся, Заступнице, духов злобы поднебесных прогоняющая.

Радуйся, Любвеобильная, слезы сердец наших милостивно осушающая.

 

Кондак 9

Дивное чудо совершися, егда икона Твоя, Владычице, святому праведнику дарованная, Промыслом Божиим во обитель вновь возвратися и лучами света невечерняго собор Успенский озари. Тако в некогда открывшемся в видении пастырю Кронштадтскому соборнем храме богосветлою свещою возсия Пюхтицкая икона Твоя, Приснодево Непорочная. Тем же, дивяшеся таковому Твоему о сей иконе промышлению, явно показующему Твое к ней благоволение, умиленно поем Богу: Аллилуиа.

 

Икос 9

Витийство лжеименнаго разума недоумевает прославляти неисчетная чудеса Твоя, во святых Твоих иконах людем православным являемая. Чистии же сердцем и простыя души видят в них то, что умом гордыя, видя, не видят, и слыша, не слышат.

Славяще Твое ко кротцым и смиренним Божественное благоволение, вопием Ти:

Радуйся, в день Святыя Пасхи вестию о новом обретении иконы Твоея насельниц обители Пюхтицкия обрадовавшая;

Радуйся, милости Своя чрез Твое предстательство сестрам ниспосылающая.

Радуйся, тайная желания ищущих духовнаго молитвеннаго общения с Тобою исполняющая;

Радуйся, пути их ко обители Твоей чудесно направляющая.

Радуйся, сокровенная благоговейная помышления чтущих Тя ведующая;

Радуйся, намерения безраздельно служити Ти во обители Твоей к исполнению втайне приводящая.

Радуйся, Любвеобильная, слезы сердец наших милостивно осушающая.

 

Кондак 10

Спасти хотя возлюбивших чистоту телесную, а паче и душевную, создала еси Матерь Божия обители монашествующих, яко звезды небесныя, сияющия в мире сем, прелюбодейнем и грешнем; и, яко крины сельныя, девственною чистотою украшенныя, с поля необъятнаго земной юдоли плача и скорби ревностных служительниц Себе избрала еси и во святых обителях Своих упасла еси. Сего ради ублажаем Тя, Неувядаемый Цвете Чистоты, и воспеваем со страхом Богу: Аллилуиа.

 

Икос 10

Стена еси девственным ликом и иночестим собором, Богородице Дево. Сего ради Ты веси, кого избрати в число безраздельно славящих имя Твое, паче же, кого почтити игуменским жезлом. Дивясь промышлению Твоему об избранных Твоих, в день прибытия вновь обретенныя иконы во обитель Пюхтицкую, известившему игумению Алексию об исполнении ея многолетния просьбы о снятии с нея по немощи настоятельскаго послушания, вопием Ти:

Радуйся, в день празднования Боголюбския иконы Твоея, на гору Святую во образе иконы Пюхтицкия прибывшая;

Радуйся, тем слезы престарелыя игумении осушившая.

Радуйся, никого из земнородных в те дни во обители Пюхтицкия во игумении не поставившая;

Радуйся, жезл игуменский во обители невидимо приимшая.

Радуйся, Утешение наше и Надеждо спасения;

Радуйся, Радосте наша несказанная.

Радуйся, Любвеобильная, слезы сердец наших милостивно осушающая.

 

Кондак 11

Пение хвалебное выну возносит Ти лик иночестий, восхваляя новое чудесное явление иконы Твоея вдове священника, монахине Евфросинии, в сонном видении образ Твой узревшей, дотоле ей неведомый. Слышав же Божественный глас, глаголющий: “Тебе помогу сию икону найти. Ищи ю на горе”, — долго иска ю и обрете во обители Пюхтицкой, и, радостно признав виденный во сне Твой светозарный лик, Пречистая, благодарно возопи: Аллилуиа.

 

Икос 11

Светоподательную свещу сущим во тьме греха и юдоли плача явившуюся, зрим Святую Деву, над горою Богородицкою стоящую и руци Своя долу простирающую, желая возвести всех труждающихся и обремененных из мрака богоотступническаго живота сего к свету богопознания. Уповая на Твое всемощное предстательство у Престола Сына Твоего, Христа Бога нашего, и на Твое нелицеприятное попечение о душе христианстей, ко Господу стремящейся, вопием Ти сице:

Радуйся, ищущих спасения и уединеннаго сопребывания с Господом зрящая;

Радуйся, глад духовный алчущих и жаждущих правды щедро утоляющая.

Радуйся, родителей, оскорбляемых чадами, отступившими от Господа, единственное утешение;

Радуйся, чад, гонимых родителями, Бога забывших, необоримое укрепление.

Радуйся, плачущих по усопшим христианское упование;

Радуйся, чающих жизни вечныя со Христом, непостыдное в ней уверение.

Радуйся, Любвеобильная, слезы сердец наших милостивно осушающая.

 

Кондак 12

Благодать Божия пребывает в чудесех преславных от святых икон Твоих по всей земли Российстей явленных, Пречистая и Преблагословенная Богородице Дево. Видя благодать сию, явно действующую во образех Твоих, Пюхтицкой обители чудесно дарованных, и зря в сем особое промышление Твое о Сионе Прибалтийскаго края, благодарно поем Промыслителю Богу: Аллилуиа.

 

Икос 12

Поюще вся дивная чудеса Твоя от святых икон Твоих, о Мати Христа Бога нашего, просим и молим Тя: не отыми от нас милости Твоя безмерныя за отступления, богохуления, отречение от веры православныя и иные грехи во оскорбление имени Божия нами совершенныя, но сподоби нас до конца живота нашего во гресех содеянных раскаятися и прославляти Тя, Невместимаго Вместившую, воспевая Тебе сице:

Радуйся, Цвете Девства, жезл игуменский во святых обителех Твоих незримо держащая;

Радуйся, Богородице Одигитрие, христиан упование.

Радуйся, Благая Скоропослушнице, вся прошения наша во благо исполняющая;

Радуйся, Радосте наша, скорби и печали в радость претворяющая.

Радуйся, Благодатная, лучами великия Своея милости всех освещающая;

Радуйся, Обрадованная, во Успении Твоем нас не оставляющая.

Радуйся, Любвеобильная, слезы сердец наших милостивно осушающая.

 

Кондак 13

О Всепетая Мати, Любвеобильная Заступниц православных людей Твоих, страждущих в безумнем мире сем. Призри на скорби и нужды наша, услыши моления наша, во смирении из глубины усталых сердец Тебе возносимыя. Очисти грехи наша и сподоби нас до конца дней наших нелицемерно взывати Воплотшемуся от Тебе Спасителю нашему: Аллилуиа.

(Этот кондак читается трижды, затем икос 1 и кондак 1)

 

 

МОЛИТВА

О Пресвятая и Преблагословенная Мати Сладчайшаго Господа нашего Иисуса Христа! Припадаем и покланяемся Тебе пред светозарным образом Твоим и смиренно молим: прости, Всемилостивая, вся заблуждения наша и вся оскорбления, в ведении или в неведении Сыну Твоему и Спасителю нашему от юности обильно нанесенная неисполнением заповедей Его святых, небрежением к святыне, нерадением в молитве и нетерпением в несении креста нашего. Призри на жажду спасения и посильныя труды и пребуди с многогрешным, но оставшимся верным Сыну Твоему малым Его стадом по неложному слову Его, во Святем Евангелии реченному: «Не бойся, малое стадо: яко благоизволи Отец ваш дата вам Царство». О Животворящий Источниче нашего утешения, к Тебе возносим смиренное сие моление и просим Матернего Твоего о нас заступления пред Престолом Отца нашего Небеснаго. Не лиши нас Царства сего благодатнаго за премногия грехи наша, ибо вемы, яко ничто внешнее и самолюбивое, гордое и тщеславное, ни славныя достижения мирския, ни добродетели, с тайным самолюбованием совершаемыя, ни степени, ни чины, ни самое иноческое звание не возмогут возвести нас в Царствие Небесное, токмо сердце чистое и дух сокрушенный и смиренный, за многия молитвенныя труды Духом Святым даруемыя. Помози нам оставшиеся дни жизни нашея в духе и истине покланятися Сыну Твоему, Милосердная Богородице, и, стяжав нелицемерную любовь к Богу и ближнему, исполнити сию первейшую заповедь Господню, единственно приводящую в Царство Небесное. Невзирая на недостоинство наше, сподоби нас соделатися чадами Божиими по благодати и наследовати жизнь вечную со всеми, в покаянии Богу угодившими, и введи нас, Мати Божия, язвами Сына Твоего Иисуса Претихаго в Небесный Чертог Его, дабы вечно славити и воспевати Пречестное и Великолепое имя Всесвятыя Троицы Отца и Сына и Святаго Духа ныне и присно и во веки веков. Аминь.

 

ТРОПАРЬ

 

Тропарь, глас 1

Утешение всех скорбящих, Скорая Помощнице в туге сердечней к Тебе прибегающим, услыши нас, Владычице, и даждь нам на пути к жизни вечней душ и сердец от скверн очищение и яко елень на источники водныя к Царству Небесному неустанное стремление.

 

Кондак, глас 4

Пресвятая Богородице, Дево, утоли жажду спасения страждущия души моея у Источника вод живых - Божественнаго Слова, Сына Твоего, Христа Бога нашего, Призри на любящих и славящих Тя, Пречистая, и покрый нас покровом милосердия Твоего от всяких зол, тревог и бурь моря житейскаго.

 

Величание

Величаем Тя, Светозарная Дево, и почитаем осиявшее гору Пюхтицкую благодатное явление Твое.