Икона Божией Матери
именуемая «Трех радостей»
(26 декабря / 8 января)
Судьба иконы Божией Матери «Трех радостей» является едва ли не единственным примером в истории прославленных на Руси богородичных образов, когда икона западного происхождения становится русской чудотворной святыней. Первоначальный образ, по преданию, принадлежал кисти всемирно известного итальянского живописца Рафаэля.
В сказании об иконе повествуется, что в начале XVIII века, как это часто практиковалось в петровское время, некий живописец был послан на учебу в Италию. Возвратившись в Россию, он привез с собой копию иконы «Святое Семейство» и оставил ее в Москве у своего родственника, настоятеля храма Святой Троицы на Грязех. После смерти художника священник пожертвовал образ в свою церковь и поместил его над входом перед папертью.
Сорок лет спустя одна знатная московская дама понесла подряд три тяжкие утраты: оклеветали и отправили в ссылку ее мужа, имение отобрали в казну, а единственный сын, утешение матери, попал в плен во время войны. Несчастная женщина искала отрады в молитве и просила Царицу Небесную быть Заступницей за невинных страдальцев. Как-то раз она услышала во сне голос, повелевавший ей отыскать икону Святого Семейства и помолиться перед ней. Скорбящая дама долго ходила по московским церквам в поисках желанной иконы, пока не набрела, наконец, на Троицкую церковь на Покровке. Здесь, на паперти, она обнаружила долгожданный чудотворный образ. После усердной молитвы перед ним женщина вскоре получила три радостные вести: муж ее был оправдан и возвращен из ссылки, имение возвращено из казны, а сын освобожден из плена. С тех пор святая икона и получила свое утешительное название «Трех Радостей».
Троицкий храм на Грязех, где до революции хранилась чудотворная икона, неоднократно перестраивался. В середине XIX века по проекту архитектора М.Д. Быковского на средства ктитора церкви Е.В. Молчанова в 1861 году был возведен каменный храм, достоявший и до нашего времени. 10 декабря того же года святителем Филаретом, митрополитом Московским, был освящен главный престол в честь иконы Божией Матери «Трех Радостей», или Собора Богородицы, являющийся и поныне единственным престолом в честь этого святого образа.
Известно, что икона «Трех радостей» весьма почиталась в царствующем Доме. Один из списков образа являлся келейной иконой императрицы Марии Александровны, жены Александра II. Он был подарен императрице по обету, данному перед ракой преподобного Сергия ее фрейлиной Анной Федоровной Аксаковой (урожденной Тютчевой), бывшей первой воспитательницей ее сына великого князя Сергея Александровича. После смерти Марии Федоровны образ был возвращен А.Ф. Аксаковой, но ненадолго. Вскоре фрейлина принесла его в дар Сергею Александровичу для его невесты великой княгини Елизаветы Федоровны. В письме своему бывшему воспитаннику Аксакова написала: «Я хотела бы, чтобы Ваша невеста приняла этот образ как благословение, идущее от Вашей матери и от святого, который является покровителем России, и который, вместе с тем, и Ваш покровитель».
Судьба образа Божией Матери «Трех радостей» после закрытия Троицкой церкви в декабре 1929 года неизвестна. В 1992 году здание храма было возвращено верующим, а при его открытии общине было прислано из Патриархии несколько икон, изъятых на таможне. Чудом Божиим среди переданных икон, между которыми не производилось никакого отбора, оказался аналойный образ «Три Радости», список середины XIX века.
В 1996 году в тот же храм Живоначальной Троицы на Грязех принесли акафист иконе Божией Матери «Три Радости», вызвавший на приходе споры о том, стоит ли продолжать по установившейся традиции читать акафист святителю Николаю Чудотворцу или заменить его акафистом чтимой храмовой иконе. В разгар обсуждений перед новым образом «Трех Радостей», написанном в начале 90-х годов XX века в русской иконописной традиции, сама собой возгорелась лампада. Приняв это чудо как явное указание Божие, священнослужители Троицкой церкви с тех пор по средам совершают еженедельный молебен с акафистом перед старинной чтимой иконой «Трех радостей», которая в это время выносится из алтаря.
Образ Божией Матери «Три радости» издревле полюбился русскому народу. До революции икону особенно почитали на Дону и Кубани, так как считалось, что молитва перед ней помогает возвращению домой лихих казаков. Под особым покровительством образа Божией Матери «Трех радостей» пребывают люди, оставшиеся в одиночестве, оказавшиеся в плену и на чужбине. Известны случаи благодатной помощи от иконы военнослужащим, находившимся в горячих точках России. Икона считается заступницей оклеветанных, разлученных с близкими, потерявших накопленное трудом, а также верной охранительницей семейного благополучия.
АКАФИСТ
Кондак 1
Взбранной воеводе не умолчим никогда глаголати мы недостойнии, Всесвятая Дево, рождшая на спасение наше Радость вечную, всякое уныние и печаль отжени от нас да зовем Ти: Радуйся, Радосте наша, во объятиих своих Радость всего мира носившая.
Икос 1
Тайну от века открывая тебе, Пренепорочная Дева, Гавриил безплотных архистратиг со страхом вопияше:
Радуйся, Благодатная, Господь с Тобою! Мы же грешнии нечистыми устнами дерзаем вопити Тебе сице:
Радуйся, Благословенная в женах;
Радуйся, Богоновесте.
Радуйся, виноградная лозо;
Радуйся, в рождестве и по рождестве Дева.
Радуйся, цвете неувядаемый;
Радуйся, чистоты сокровище.
Радуйся, кадило благовонное;
Радуйся, миро многоценное.
Радуйся, одушевленная трапезо;
Радуйся, света невечерняго жилище.
Радуйся, всего мира очищение.
Радуйся, Радосте наша, во объятиих своих Радость всего мира носившая!
Кондак 2
Исполни веселия сердце мое, утоли печаль мою, Пресвятая Дево! Просвети светом нетленыя радости мою скорбную душу, да взываю Создателю моему: Аллилуиа.
Икос 2
Разум человеческий не может уразумети, како Ты, неискусобрачная Дево, имела еси во утробе над всеми Бога и родила еси нетленнаго Сына, темже со страхом взызаем Тебе:
Радуйся, земле ненасеянная;
Радуйся, Купино неопалимая.
Радуйся, глубине неудобозримая;
Радуйся, мосте к небесем приводящий.
Радуйся, лествице высокая юже Иаков виде;
Радуйся, Божественная стамно манны.
Радуйся, разрушение клятвы;
Радуйся, Адамово воззвание.
Радуйся, яко с Тобою Господь;
Радуйся, тьму греховную разрушившая.
Радуйся, врата адовы сокрушившая.
Радуйся, Радосте наша, во объятиих своих Радость всего мира носившая.
Кондак 3
Ты, предстательство и покров моей жизни, Ты, надежда и утверждение мое, Всепетая, исцели мою душу, зараженную проказою греховною, да воспою Небесному Жениху во веки: Аллилуиа.
Икос 3
Всевышняго освещенное Божественное селение, радуйся, Тобою бо дадеся радость Богородице зовущим:
Радуйся, высшая небес;
Радуйся, чистейшая светлостей солнечных.
Радуйся, пребывание Творца неба и земли;
Радуйся, Ангелов радосте.
Радуйся, всечудное всех к Богу примирение;
Радуйся, Честнейшая Херувим.
Радуйся, славнейшая без сравнения Серафим;
Радуйся, стено и защищение наше от врагов.
Радуйся, демонов поражение и ослепление;
Радуйся, двери райския нам отверзающая.
Радуйся, Марие, Госпоже всех нас.
Радуйся, Радосте наша, во объятиих своих Радость всего мира носившая.
Кондак 4
Унынием и многими скорбями исполнено мое сердце. К кому же возопию, Владычице, к кому прибегну в горести моей, кому возвещу печаль мою, кто плач и воздыхание мое услышит, аще не Ты, Богородице, рождшая на радость Неба и земли Царя Христа Бога нашего. Емуже поют с нами Херувимы и Серафимы: Аллилуиа.
Икос 4
Никогда не умолчим и не отступим от Тебе, Владычице, Твоя бо рабы спасаеши присно от всяких лютых бед и скорбей. Темже припадаем к Тебе и с умилением поем:
Радуйся, всех скорбящих Радосте;
Радуйся, взыскание погибших.
Радуйся, утоление наших печалей;
Радуйся, обидимых Заступнице.
Радуйся, алчущих питательнице;
Радуйся, странных Утешение.
Радуйся, обуреваемых Пристанище;
Радуйся, вольных поселение.
Радуйся, немощных Покров и Помощнице;
Радуйся, Жезл старости.
Радуйся, Мати Бога нашего;
Радуйся, Радосте наша, во объятиих своих Радость всего мира носившая.
Кондак 5
Заступнице мира, возвесели всех прибегаюших к Тебе, Матери высшей радости. Покрый нас честным Твоим омофором от всяких бед, напастей, скорбей и болезней, да поем Богу: Аллилуиа.
Икос 5
Моление крепкое, стена необоримая, милости источниче, всех православных прибежище, Богородице Дево! Приими от нас Ангельское пение:
Радуйся, радосте и славо верующих;
Радуйся, чудо чудес.
Радуйся, всех святых непреложное упование;
Радуйся, скорое в бедах избавление.
Радуйся, готовое в нуждах утешение;
Радуйся, Боговместимое жилище.
Радуйся, бездно щедрот и благостыни;
Радуйся, одушевленных храме.
Радуйся, сирот и вдовиц сладостное веселие;
Радуйся, неистощимое их богатство.
Радуйся, Невесто неневестная.
Радуйся, Радосте наша, во объятиих своих радость всего мира носившая.
Кондак 6
Во время живота моего не остави мене, Мати Божия. Конец же благий получити мене сподоби, да взываю Спасителю Богу: Аллилуиа.
Икос 6
Искушения всякаго и страстей избави мя, Всенепорочная! Ущедри, спаси, возвесели мя и от лютых врагов избави и защити, да выну взываю Тебе:
Радуйся, крепкое и непоколебимое упование наше;
Радуйся, всех Царице и Владычице.
Радуйся, всея вселенныя великое сокровище;
Радуйся, всех верных утверждение.
Радуйся, заступнице усердная рода христианского;
Радуйся, рождшая всех святых Святейшее Слово.
Радуйся, небесный престоле;
Радуйся, источниче неизсякаемый воды живыя.
Радуйся, ограждение и священное прибежище на Тя надеющихся;
Радуйся, предстательство христиан непостыдное.
Радуйся, Чаше черплющая радость.
Радуйся, Радосте наша, во объятиих своих Радость всего мира носившая.
Кондак 7
В час кончины моея, Всеблагая, предстани мне и убогую мою душу во исходе от окаяннаго тела моего обрадуй, да воспою Победителю смерти и ада: Аллилуиа.
Икос 7
Лица Твоего радостнаго не отврати от мене, Богородительнице! Услыши мольбу мою, и вопль мой к Тебе да приидет, Дево Пресвятая! Воньже аще день призову Тя, скоро услышя мя, да взываю Тебе сице:
Радуйся, торжественное пение ангелов;
Радуйся, покрове и защищение человеков.
Радуйся, Апостолов похвало;
Радуйся, страдальцев венчание.
Радуйся, столпе девства;
Радуйся, слез Евиных избавление.
Радуйся, постников воздержание;
Радуйся, живота тленнаго веселие.
Радуйся, монахов умиление;
Радуйся, святителей удобрение.
Радуйся, пресвитеров красото.
Радуйся, Радосте наше, во объятиих своих радость всего мира носившая.
Кондак 8
Со светлой свещею благоволила Пречистая изыти во сретение Жениха душ наших, даруй и мне бодрым сердцем и трезвенною мыслию нощь настоящаго жития прейти и в радостный чертог славы Его внити и пети Судии всех Богу: Аллилуиа.
Икос 8
Едина непорочная и чистая Дево Небеснаго веселия улучити со всеми святыми сподоби всех нас и сродников наших, друзей и знаемых, да упокоит их Господь всесильными Твоими молитвами, Пречистая, в месте светле, идеже несть болезни, ни печали, ни воздыхания, но жизнь безконечная. Да простит им Господь всякое согрешение, содеянное ими от юности до смертнаго часа их, да взывают и они с нами:
Радуйся, во успении Своем вас не оставившая;
Радуйся, Мати Жизни.
Радуйся, избавляющая от смерти души наша;
Радуйся, в молитвах неусыпающая Богородице.
Радуйся, райския радости нас приобщающая;
Радуйся, Бога плотию рождшая.
Радуйся, от рова погибели нас спасающая;
Радуйся, радостное упокоение всех в вере и надежде скончавшихся.
Радуйся, Надеждо ненадежных;
Радуйся, милосердия двери нам отверзающая.
Радуйся, смертоносный грех разрушающая.
Радуйся, Радосте наша, во объятиих своих Радость всего мира носившая.
Кондак 9
О, Богородительнице! Ты избави нас грешных рабов Твоих геенны огненныя, тьмы несветимыя, муки адския и сподоби жизни нестареюшейся, да поем всегда Сладчайшему Иисусу: Аллилуиа.
Икос 9
Пречистая Дево, Своим ходатайством пред престолом Всевышняго освети моя душу и тело, ум и сердце, всего мя обнови, украси, уцеломудри, прослави, спаси, просвети, и благослови Своим небесным и земным благословением, да взываю Ти:
Радуйся, неневестная Мати и неискусобрачная;
Радуйся, яко Тобою Сына Божия познахом.
Радуйся, нерушимая стено;
Радуйся, всесовершенное спасение душ наших.
Радуйся, Владычице и Мати Избавителя от вечной смерти;
Радуйся, святых святейшая Ангелов.
Радуйся, яко воистину из Тебе Господь воцарися и в лепоту облечеся;
Радуйся, греховную отъемлющая скверну.
Радуйся, утра весенняго светлейшая;
Радуйся, свирепую буро души моея укрощающая.
Радуйся, молние души озаряющая.
Радуйся, Радосте наша, во объятиих Своих радость всего мира носившая.
Кондак 10
Утверди, Богородице Дево, в православии всех благоверных Российских людей, покрый их Твоим честным омофором от всякаго зла да поют Богу: Аллилуиа.
Икос 10
Боголюбивая Дево Марие, Госпоже Богородице безневестная верных спасения и надеждо! Ты бо имаше многое дерзновение к Небесному царю, воплотившемуся из Тебе, избави нас от скорбей лютых и печали горькия. Утешения и радости просим у Тебе, Радосте наша; наипаче же спасения вечнаго требуем от Тебе, умиленно взызая:
Радуйся, Хлеб жизни, Божественнаго Агнца рождшая;
Радуйся, Лозо виноградная, возрастившая нам Плод живота.
Радуйся, вином небесныя радости нас напояющая;
Радуйся, святых небесных страшных Божественных безсмертных и животворящих Христовых тайн верных Сподобляющая.
Радуйся, Света невечерняго Таиннице неизреченная;
Радуйся, света помраченныя моея души.
Радуйся, покрове и надеждо моя;
Радуйся, прибежище мое.
Радуйся, утешение мое;
Радуйся, радование мое.
Радуйся, оживотворяющая меня умерщвленного грехами.
Радуйся, Радосте наша, во объятиях Своих радость всего мира носившая.
Кондак 11
Дверь Небесную верным отверзающая, покаяния двери отверзи ми, Богородице, да помилует меня Праведнейший Судия, да не объявит моих тайных прегрешений и не посрамит мене перед Ангелами Своими, да пою Ему во веки: Аллилуиа.
Икос 11
Очисти мя, Пречистая, от всяких скверн плоти и духа, отжени от мене уныние, просвети моя мысли сердечныя, подаждь ми память смертную, сохрани сердце мое от похотей лукавых и услыши мя вопиющаго:
Радуйся, Царице моя Преблагая;
Радуйся, Заступнице моя Преблагословенная.
Радуйся, труждающихся помощнице;
Радуйся, обидимых Заступнице.
Радуйся, отрадо и утешение плачущих;
Радуйся, утешение в смерти моей.
Радуйся, веселие души моей;
Радуйся, красото Церкви.
Радуйся, просвещение ума моего;
Радуйся, всех христиан утешение.
Радуйся, к Богу Молитвеннице и предстательнице крепкая.
Радуйся, Радосте наша во объятиих своих Радость всего мира носившая.
Кондак 12
Во светлостех святых Твоих, како вниду недостойный аз, Боже, Боже мой! Аще бо дерзну совнити в чертог, одежда мя обличает, яко несть брачна! Просвети одеяние души моея, Жизнодавче молитвами Богородицы, да пою Тебе: Аллилуиа.
Икос 12
О, Небесный, О, любезный, О, сладчайший Твой глас, веселящий сердца наша! С нами бо неложно обещалася еси быти до скончания века, Дево Богородице! Твоими бо молитвам слепии видят, глухия слышат, хромыя ходят, прокаженныя очищаются, алчущия питаются, нагия одеваются, вдовицы утешаются, сироты радуются, нищии веселятся, грешници спасаются, убогия ликуют, воспевая:
Радуйся, одушевленный Божий Кивоте;
Радуйся, Боголюбивая Царице и Владычице.
Радуйся, от глада и губительства, труса и потопа нас спасающая;
Радуйся, от огня, меча, нашествия иноплеменных и междуусобныя брани нас защищающая.
Радуйся, бурныя волны житейскаго моря укрощающая;
Радуйся, всякую слезу с очей наших отирающая.
Радуйся, яко воистину любовию материнскою нас возлюбившая;
Радуйся, подательнице божественныя благости.
Радуйся, во чреве своем Радость вечную носившая;
Радуйся, яко тихое пристанище душам нашим готовиши.
Радуйся, яко всех родов неумолкаемое веселие.
Радуйся, Радосте наша во объятиих Своих Радость всего мира носившая.
Кондак 13
О, Всепетая Мати, Пречистая Госпоже, Дево Богородице! Приими сие малое моление наше, заступнице крепкая сущих в скорбех и печалех; умоляем Тебя честным и животворящим крестом Сына Твоего, Господа нашего Иисуса Христа, подаждь нам дух сокрушенный, сердце смиренное, слезы умиления, многих согрешений наших прощение и радость неувядаемую, да поем в горнем Иерусалиме Спасителю Богу: Аллилуиа.
(Это кондак читается трижды, затем икос 1 и кондак 1)
МОЛИТВА ПЕРВАЯ
О, Пресвятая Дево, Всеблагаго Сына Мати Всеблагая, царствующаго града и святаго храма сего Покровительнице, всем сущим во гресех, скорбех, бедах и болезнех верная Предстательнице и Заступнице! Не презри моления нас недостойных рабов Твоих, и умоли Сына Твоего и Бога нашего, да всем нам с верою и умилением поклоняющимся пред чудотворным образом Твоим, дарует по коегождо потребе радость: сущим в скорбях и печалех утешение. Бедствующим милосердие; сущим в многонедужии нечаемое исцеление и укрепление. О, Господе Пресвятая, умилосердися о всех чтущих всечестное имя Твое и всем яви всемощный покров Твой и заступление: всякому делу Сыну Твоему угодному, споспешествуй; всякое дело злое разруши; в недоумении и трудных, в опасных обстояниих обретающимся незримую помощь и вразумление с небес ниспосли. Младенцы воспитай, юныя уцеломудри, отверзи им ум к приятию всякаго полезнаго учения. От домашния брани и от врагов видимых и невидимых защити и сохрани. Супружества в любви и единомыслие сохрани и вражды единокровных миром и любовию огради. Всем же нам даждь друг ко другу любовь, благочестие и здравие с долгоденствием. Преставившияся в вере и покаянии от жития сего со Ангелы и всеми святыми жити сотвори: да вси на небеси и на земли ведят Тя, яко Твердую и Непостыдную Предстательницу нашу рода христианскаго и ведуще славят Тя и с Тобою Сына Твоего, с Безначальным Его Отцем и Единосущным Его Духом, ныне и присно и во веки веков. Аминь.
МОЛИТВА ВТОРАЯ
О Госпоже Пречистая! Умилосердися ко всем чтущым Всечестное имя Твое, и всем яви Всемощный покров Твой и заступление: от враг видимых и невидимых люди Твоя защити и сохрани. Супружества в любви и единомыслии утверди; младенцы воспитай, юныя уцеломудри, отверзи им ум к восприятию всякаго полезнаго учения; от домашния свары единокровныя люди миром и любовию огради, и всем нам подаждь друг ко другу любовь, мир и благочестие и здравие со долгоденствием, да вси на небеси и на земли ведят Тя, яко Твердую и Непостыдную Предстательницу рода христианскаго, и сие ведущие, славят Тя и Тобою Сына Твоего, со Безначальным Его Отцем и Единосущным Его Духом, ныне и присно и во веки веков. Аминь.
ТРОПАРЬ
Тропарь, глас 4
От святыя иконы Твоея радости неизреченныя преисполнила еси сердце благочестивыя жены. О Пречистая Владычице мира, Всемощная Царица радосте, Приснодево твари, егда возвратила оной и мужа, и сына, и достояние ея, такожде и всем нам милосердствуеши, даруй исполнение благих желаний, источая приснотекущий источник радости молящимся Тебе и вседушно вопиющим: Радость всему миру родившая, радости исполни неоскудевающия чтущих Тя
Фотография иконы: icony-v-dom.com/molitvy/trex-radostej
История иконы: http://blogs.privet.ru/user/word_divine/102613098
