Икона Успения Божией Матери
Киево-Печерская
(3 / 16 мая; 1 / 28 августа)
Киево-Печерская икона Успения Богоматери есть древнейшая из икон, чтимых в православной России. Она принесена в 1085 году из Константинополя и, как залог благодатного и всегдашнего предстательства Божией Матери о православной, Российской Церкви, дана от Самой Богородицы четырем греческим каменоздателям, избранным Ею в строители Киево-Печерского храма в 1073 году. Построение сего храма сопровождалось многими чудесами.
Однажды, в 1075 году, пришли из Греции к преподобным Антонию и Феодосию четыре грека, вручили им икону Богоматери и спросили, где надо строить церковь. Преподобные отцы пришли в недоумение и спросили, по какому случаю они хотят строить церковь и как попали в Киев. Греки тоже удивились, что преподобные ничего не знают о том, и так стали рассказывать: "Мы были еще в Царьграде, когда однажды рано утром, при восходе солнца, пришли к нам благообразные юноши и, разбудив нас, сказали: "Ступайте скорее во Влахерну, там Царица вас ждет". Мы пошли и увидели в Церкви дивную Царицу, окруженную множеством воинов. Она сказала им: "Хочу воздвигнуть Себе церковь в Киеве, - и к нам обратилась: - Ступайте в Киев. Вот вам золото и мощи для основания церкви, вот вам и икона, которая там да наместная будет". Так Сама Богоматерь вручила России чудотворную икону Успения Своего. Отцы возблагодарили Царицу Небесную, но недоумевали: где построить храм?
В одну ночь киевляне, жившие вблизи Печерской обители, услышали в самую полночь глас бесчисленного множества поющих. Все тотчас вышли из своих жилищ и с удивлением увидели над старым Печерским монастырем великий свет и в этом свете целый сонм иноков, которые выходили из старой церкви к тому месту, где ныне стоит храм. Одни несли икону Богоматери, другие шли позади иконы со светильниками и священным пением, впереди всех шел преподобный Феодосий. Дойдя до избранного места, иноки совершили на нем пение и молитву и возвратились в старую церковь. По этому дивному видению ясно открылось благоволение Богоматери к указанному месту.
Непостижимыми чудесами воздвигнута была церковь во имя Успения в монастыре Печерском, недоставало только иконного украшения. Сама Богородица пеклась и об устройстве иконостаса. Опять в Царьграде было видение некоторым благочестивым иконописцам: их наняли преподобные Антоний и Феодосий писать иконостас в Киеве. Иконописцы поплыли к Киеву, но близ Киева увидели в сонном видении Киево-Печерскую церковь и так испугались ее громадности, что хотели возвратиться в Царьград. Но ночью ладья их проехала против течения столько, сколько и в три дня трудно проехать. В следующую ночь они увидели во сне чудотворную Киево-Печерскую икону, от которой услышали голос: "Что всуе мятетесь, не покоряясь воле Сына Моего и воле Моей? Если преслушаете Меня и задумаете бежать, то я возьму вас с ладьею и поставлю у моей церкви: тогда вы не выйдете уже оттуда, но, постригшись, кончите жизнь свою в монастыре, а я исходатайствую вам милость в будущем веке". Иконописцы и после этого дивного видения хотели бежать вниз по Днепру, но, сколько они ни плыли, к каким берегам ни приставали, ладья их всегда останавливалась у монастыря. Наконец покорились они воле Пресвятой Богородицы и принялись за украшение иконостаса. Невидимая сила помогала им.
Среди всех бедствий, каким подвергалась в различные времена святая обитель, чудотворная икона Успения Богоматери сохранилась невредимою. Пред сею древнею святынею молился Петр Великий, отправляясь под Полтаву, и по возвращении с Полтавской битвы приносил пред нею благодарение за дарованную победу. Получив известие о пожаре, опустошившем лавру Киево-Печерскую в 1718 г., да он спросил, цела ли чудотворная икона Богоматери. И, когда услышал, что икона спасена, сказал: "И так все сохранилось!"
В тяжкие и опасные годины города Киева и отечества икона сия вносится вне монастыря вокруг города. В 1812 году она также была обносима вокруг Печерской обители. Икона утверждена на шелковых шнурках над царскими вратами и опускается в известное время для молящихся; пред нею день и ночь неугасимо горит лампада. Икона изображает Божию Матерь, почившую на одре; пред одром стоит Евангелие, около главы и стоп Богоматери по пяти апостолов. Св. Петр предстоит у главы Ее с кадилом; апостол Павел изображен припадающим к стопам Ее. У средины одра изображен Спаситель, принявший на руки душу Богоматери. Около главы Его изображены два крылатые ангела, приникающие к одру с обручами в руках. Вся икона, кроме лиц и рук, покрыта ризою из чистого золота, украшенною крупными алмазами, бриллиантами и другими драгоценными каменьями, и вставлена в большой серебряно-золоченый круг, на котором изображены по сторонам два ангела, придерживающие икону; а вверху - Бог Отец и под Ним Дух Святой в виде голубя. По имени храма, созданного в Киеве над пещерами, икона называется Киево-Печерскою, по месту же первоначального ее явления - Влахернскою и прославлена неисчислимыми чудесами.
Ежегодное празднование этой иконе совершается с 1085 г., когда она была принесена греческими зодчими в Киев.
АКАФИСТ
Кондак 1
Избранной от всех родов Пресвятей Деве Марии Богородице, яко воистину плотию рождшей Иисуса Христа, Спаса и Бога нашего, Владычице всея вселенныя, избравшей вторым земным жребием своим гору Печерскую, и oбитель для иноков на ней создавшую, похвальная приносим пения. Ты же, о Всечестная наша Мати и Заступница, храни и спаси обитель Твою и всех нас от враг видимых и невидимых, да зовем Ти: Радуйся, Пресвятая Богородице Дево, Печерская похвало и наше утешение.
Икос 1
Ангел земный и человек небесный преподобный Антоний, прииде в земный жребий Твой на гору Афонскую, хотя спасти душу свою от суеты мира сего и скончати тамо житие свое земное. Ты же, Пресвятая Дево, избравши вторым жребием Своим гору Печерскую в новопросвещенной стране Русской, послала его яко апостола, да устроит обитель на ней, во славу Твою и соберет иноков, и да воспевают Ти тако:
Радуйся, Всечестная наша Мати;
Радуйся, дивная наша Игумения.
Радуйся, надеждо нашего спасения;
Радуйся, горы Печерския Хранительнице.
Радуйся, живущих на ней иноков Руководительнице;
Радуйся, приходящих на ню православных христиан на поклонение Покровительнице.
Радуйся, Пресвятая Богородице Дево, Печерская похвало и наше утешение.
Кондак 2
Видящи скорбный путь спасения для всех иночествовати хотящих, Господь наш Иисус Христос, повеле Матери Своей, да прострет Свой Божественный покров над горою Печерскою, да вси спасающиися на ней видяще сие, с пpeподобными Антонием и Феодосием, вкупе взывают непрестанно Спасителю Богу: Аллилуиа.
Икос 2
Разум имея Божественный преподобный Феодосий, от души возлюбив славу небесную, мир со всеми его прелестями возненавидя, прииде в Киев ко преподобному Антонию в пещере сущу, в нюже вселися, и вкупе со всеми отцы, подвизающимися тамо, воспевая Тя, Честнейшую всех ангел, тако:
Радуйся, нашего спасения главизно;
Радуйся, радосте наша в сей и будущей жизни.
Радуйся, отраде Божественная Христовых подвижников;
Радуйся, яко Тобою вси святии спасаются.
Радуйся яко вся вселенная Тобою украшается;
Радуйся, яко имя Твое от всех небесных чинов прославляется.
Радуйся, Пресвятая Богородице Дево, Печерская похвало и наше утешение.
Кондак 3
Сила Вышняго осени подвижников Пещерных, егда первый игумен, преподобный Варлаам, устрои храм во имя Твоего славнаго Успения, на верху пещеры и в нем прославляя Тебе, Честнейшую Херувим и Славнейшую без сравнения Серафим и Сыну Твоему вопия: Аллилуиа.
Икос 3
Имуще пламенное желание спасения, преподобный Антоний, егда устройся обитель на холме, в немже пещеры нарицаемыя Дальнии, желая безмолвия, преселися на холм, в немже раскопа пещеры Ближнии, и тамо собра последователи себе, хотящии совершеннаго безмолвия, прославляя Тебе, свою Утешительницу тако:
Радуйся, вселения райская Руководительнице;
Радуйся, в подвизех пещерных Укрепительнице.
Радуйся, благое начало и славный конец всех святых жития;
Радуйся, святыя радости Божественная струя.
Радуйся, цвете Божественнаго прозябения;
Радуйся, православнаго монашества украшение.
Радуйся, Пресвятая Богородице Дево, Печерская похвало и наше утешение.
Кондак 4
Бурю сомнений грехолюбивых оставльше, возлюбиша тернистый путь спасения, стекошася иноцы в пещеру ко преподобному Феодосию. Он же видя в ней тесноту, устрои на верху горы Печерстей храм, и келии сооруди, и оградой огради, и тако устроися обитель во имя Твое, Владычице, в нейже монаси и вернии людие воспеша о Тебе Богу: Аллилуиа.
Икос 4
Слышаша иноцы Печерстии, яко разбойницы хотяще окрасти храм Твой, Пречистая, моляху Тя о спасении его. Ты же, Всемилостивая, сотворила еси чудо: храм Твой показала еси в воздусе висящ, еже видяще разбойницы в ужасе разбегошася, иноцы же воспеша Ти тако:
Радуйся, яко на горе Киевстей духовный сад насадила еси;
Радуйся, яко тамо живущим вся потребная подала еси.
Радуйся, собравшая нас от мира греховнаго,
Радуйся приведшая нас во ограду обители Печерския.
Радуйся, защищающая нас от врагов видимых;
Радуйся, охраняющая нас от супостат невидимых.
Радуйся, Пресвятая Богородице Дево, Печерская похвало и наше утешение.
Кондак 5
Боготечная звезда мира явилася еси Владычице, егда восхотела устроити Себе в Руси обитель Печерскую. Место, идеже быти имать храм во имя Твое создатися, указала еси огненною дугою, протяженною от ветхаго монастыря, и Ангельно во образе иноков по воздусе тaмo грядуших, eже видящи иноцы Печерстии, воспеша радостную песнь: Аллилуиа.
Икос 5
Видеша гречестии каменоздателие в Царьграде юношей, повелевающих им идти во Влахернский храм к Царице, они же пришедше узреша Тебе тамо седящу во славе, предстоящих с Тобою лики воев и преподобных Антония и Феодосия, и повелеваюшу им идти в Русскую землю во град Киев, и устроити храм во имя Твое, вручившу им икону Твоего славнаго Успения и мощи святых мученик. Они же повеленное слышаша воспеша Ти тако:
Радуйся, Цapицe небеси и земли,
Радуйся, истинная Мати нашего Спасителя.
Радуйся, спасшая весь род Адама падшаго;
Радуйся, веры православныя Воеводо непобедимая.
Радуйся, покровительнице Царьграда непостыдная;
Радуйся, и страны Русския Заступнице усердная.
Радуйся, Пресвятая Богородице Дево, Печерская похвало и наше утешение.
Кондак 6
Проповедницы Твоего чудесного явления во Влахернстей церкви гречестии каменоздателие, приидоша в Киев, ко преподобным Антонию и Феодосию, вручиша им икону Твоего Успения и мощи святых мученик, и поведаша им Твою волю о созидании храма во имя Твое; они же слышаша их глаголы, образу Твоему на иконе изображенну поклонишася, Богу же вопиюще: Аллилуиа.
Икос 6
Возсия яко солнце икона Твоего Успения, Пресвятая Дево юже пpинесоша из Царьграда гречестии каменоздателие во обитель Печерскую, в нейже и до ныне пребывает, подающе исцеления, вопиющим к Тебе тако:
Радуйся, во Успении Твоем нас не оставляющая;
Радуйся чрез икону Твою нам помогающая.
Радуйся иконою Твоею обитель Печерскую прославившая;
Радуйся, иконою Твоею гору Печерскую просветившая.
Радуйся, иконою Твоею град Киев спасающая;
Радуйся, тоюже иконою всю Русскую землю охраняющая.
Радуйся, Пресвятая Богородице Дево, Печерская похвало и наше утешение.
Кондак 7
Хотяще устроити новую обитель и в ней храм во имя Твое, Преблагословенная Дево, преподобнии Антоний и Феодосий, молиша Сына Твоего Христа Бога нашего и Тeбе, да познают место, на немже создан быти храм, и указа Господь то место: еже быти по всей земли роса, а тамо суша; и паки повсюду суша, на месте же храма роса, и посла огнь с неба и пожже вся хврастия и росу полиза и долину устрои. Преподобнии же вкупе с верными люди тамо сущими, падоша на землю, со страхом возопиша: Аллилуиа.
Икос 7
Новый храм, небеси подобный, начаша созидати Богоноснии отцы Антоний и Феодосий, по смертном успении их, преподобный Стефан сконча и пресели братию из ветхаго монастыря в новый. Блаженный же Никон иконы, златом и сребром чудно украси; в немже собрашася вернии, прославляху Тя, Богородице, сице:
Радуйся, варяга Симона во обитель Твою чудно призвала еси;
Радуйся, принесенным им поясом размер храма Твоего указала еси.
Радуйся, злато на устроение храма Твоего чрез греки подала еси;
Радуйся, в созидании храма Твоего невидимо пособствовала еси.
Радуйся, Лавры Печерския строительнице;
Радуйся, храмов ея украсительнице.
Радуйся, Пресвятая Богородице Дево, Печерская похвало и наше утешение.
Кондак 8
Странное чудо показася, егда украшаху храм Твой, Пречистая мусиею, тогда во алтаре на стене сам изобразися образ Твой преподобному Алипию со иконописцы ту сущим и просветися он паче солнца. И се из уст образа Твоего, Пресвятая, излете голубь бел, и летяше ко образу Спасителеву, и ко другим образом написанным во храме, паки лете ко образу Спасителеву и влете во уста Его и тамо скрыся. Еже видящи гречестии иконописцы, во обители Твоей и живот свой скончаша, мощи же их в пещерах положени быша, душами же на небеса преселишася, идеже прославляют Тебе со Ангелы, Сыну же Твоему зовут: Аллилуиа.
Икос 8
Весь храм небеси подобный сияя от Твоея иконы Печерския, Богоизбранная Дево, еже видя блаженный Захария, прииде к нему защищения у Тебе прося, егда заимодавец его Сергий не хотяще отдати ему злато и сребро оставленное ему отцем его. Ты же, Владычице, послала Ангела наказати клятвопреступника; еже видя Захарий, остави мир, прииде во обитель Печерскую, поживе в ней до конца дний своих, воспевая Тебе сице:
Радуйся, Честнейшая всея твари Вселенныя;
Радуйся, Сладчайшаго Иисуса селение.
Радуйся, святый Покров жизни нашея;
Радуйся, благодатное утешение скорби нашея.
Радуйся, вся наша надежда и покой;
Радуйся, по Бозе наше упование в жизни земной.
Радуйся, Пресвятая Богородице Дево, Печерская похвало и наше утешение.
Кондак 9
Всякoe мудрование отвергше, удивимся чудесем Твоим, Богородице, егда бо приспе время освящению Церкви Твоей, доска каменна на Престол невидимо принесена бысть Ангелы; имиже во образе юношей созвани быша святители на освящение ея, якоже Апостоли Христовы собрани быша на Погребение Твое. Святитель Иоанн, иноцы Печерскии и вси людие, зряще сия, прославиша Тебе, Пречистая, радостно праздноваше праздник освящения, Богу воспеша песнь: Аллилуиа.
Икос 9
Витии многовещании не могут восхвалити Твоя чудеса, Богородице, соделанныя во обители Печерстей, наипаче при основании, создании и освящении храма в честь славнаго Успения Твоего; и ныне не оставляй нас недостойных чад Твоих, сохраняй обитель Твою, да вопием Ти тако:
Радуйся, яко Сам Бог Отец назнамена сушею место храма;
Радуйся, яко Твой Сын, иже сниде яко роса на руно во Твое чрево, на тожде место росу испусти.
Радуйся, яко Дух Святый огнь с неба ниспосла на попаление места для храма;
Радуйся, яко Бог Отец образ Твой во алтаре невидимо изобрази.
Радуйся, яко Бог Сын, Солнце правды, сиянием церковь Твою исполни;
Радуйся, яко Святый Дух видением голубя, излетевшаго из уст образа, в храме Твоем показася.
Радуйся, Пресвятая Богородице Дево, Печерская похвало и наше утешение.
Кондак 10
Спасти хотя душу свою, преподобный Алипий, прииде во Твою обитель, Богородице, и бысть тамо искусен иконописец, чрез негоже прославилася, Богоневесто; иконы бо им писанныя быша чудодейны, просияша бо паче солнца, неции иконы Ангелы писаша и иными многими чудесы прославишася. От нихже и до ныне неции сохранишася, источающе чудеса прославляющим Тебе и Богу вопиющим: Аллилуиа.
Икос 10
Стена крепкая и заступление явилася еси, Владычице, новой обители Твоей Свенской, егда князь Роман проси иноков Печерских отпустити икону чудотворную, писанную преподобным Алипием, для исцеления от слепоты. Егдаже пловущии с Твоею иконою присташа к берегу, икона Твоя невидимо обретеся на горе на древе; юже обретоша, и князь Роман получил прозрение своим очесем, созда тамо обитель, собра иноки и вкупе с ними возопи к Тебе тако:
Радуйся, иконы Твоя чудесы прославившая;
Радуйся, Лавру Печерскую ими же прославила еси.
Радуйся, и новую обитель Свенскую возлюбила еси;
радуйся, яко и в ней икону Твою чудотворную показала еси.
Радуйся, дивны и велики чудесы от нея явила еси;
Радуйся, всем просящим у Тебе, чрез икону Твою исцеления источила еси.
Радуйся, Пресвятая Богородице Дево, Печерская похвало и наше утешение.
Кондак 11
Пение умиленное приносят пред иконою Твоею Печерскою не токмо во граде Киеве, но и в Свенске, в Москве и Ярославле и в других градех и весех правовернии людие, призывая Тебе на помощь вкупе с преподобными Антонием и Феодосием, и получивше от Тебе, Богородице, помощь и заступление, вопиют Сыну Твоему и Богу: Аллилуиа.
Икос 11
Светоприемную свещу, просвещающую всех Тебе призывающих, имуще мир христианский Тебе, Дево Богородице, наипаче Лавра Печерская, прославляет Тя, свою Покровительницу, юже храниши многи лета от нахождения агарян и всяких враг, и от еретиков и междоусобныя брани, и от нападения иноплеменник. Аще же иногда и попускала ей разорену быти грех ради наших, но паки еще благолепнее воздвизала еси ю, и дарами земными изобиловала насельников ея и дарами благодати обогащала, вопиющих Ти сице:
Радуйся, иконою Успения Твоего нас защищающая;
Радуйся, нерукотворенным образом Твоим нас покрывающая.
Радуйся, Печерскою иконою Твоею исцеления нам подающая;
Радуйся, свенским образом Твоим нас покрывающая.
Радуйся стольный град Москву Печерскою иконою посетившая;
Радуйся, и град Ярославль Твоею иконою озарившая.
Радуйся, Пресвятая Богородице Дево, Печерская похвало и наше утешение.
Кондак 12
Благодать Божественную, покров и заступление подаждь нам, Владычице наша и Мати, припадающим пред икон Твоею Печерскою. Воздвигни нас от греховнаго сна, сохрани Лавру Твою и нас недостойных чад Твоих, сподоби нас жительствовати во ограде обители Печерския до конца дней наших, и прославляти Тебе и Сына Твоего, Христа Бога нашего, поя Ему: Аллилуиа.
Икос 12
Поюще Твоя милости и чудеса, явленныя во обители Печерстей от лет древних и до ныне, покланяемся пред образом Твоим, имже спасаеши нас, и всех призывающих Тебе на помощь и вопиющих Ти тако:
Радуйся, торжество веры православныя в Лавре Печерстей являющая;
Радуйся, сердца человеческая любови Бозе распаляющая.
Радуйся, гору Печерскую, яко вторый Синай прославившая;
Радуйся, иконы Твоя, яко проповедницы спасения показавшая.
Радуйся, с небесных высот на нас призирающая;
Радуйся, на благия деяния нас наставляющая.
Радуйся, Пресвятая Богородице Дево, Печерская похвало и ваше утешение.
Кондак 13
О Всепетая наша Мати, Преславная Владычице Богородице! Приими сия похвалы и моления, от скверных устен и нечистаго сердца возносимыя; сохрани Твою обитель, нашими грехми оскверненную; собери нас расточенных и сподоби в чине Ангельстем достигнути Небеснаго Царствия, и вкупе с преподобными Антонием и Феодосием, и всеми угодники Печерстими, прославляти вечно Тебе, нашу Матерь и Сына Твоего и Бога, и пети песнь: Аллилуиа.
(Этот кондак читается трижды, затем икос 1 и кондак 1)
МОЛИТВА ПЕРВАЯ
О, Пресвятая и Пренепорочная Дево Богородице, наша Печерския похвало и украшение, покрове и заступление, истинная Владычице избраннаго удела Твоего; приими нас, недостойных рабов Твоих, убогое моление с верою и любовию приносящих пред чудным образом Твоим; да посетиши милостивно греховное житие наше, просвещающе ею светом покаяния, осени нас, обремененных скорбьми многими, Твоею небесною радостию, и сподоби нас присно славити Тя в мире и благочестии во обители Печерстей, и зде без порока прешедше путь жития нашего, помощию Твоею достигнем вечнаго веселия во светлостех святых и Богоносных отец наших Антония и Феодосия и всех преподобных Печерских, и едиными усты и сердцы воспоем Тя и Предвечнаго Сына Твоего, со Безначальным Его Отцем и Пресвятым, Всеблагим, Животворящим и Единосущным Его Духом во веки веков. Аминь.
МОЛИТВА ВТОРАЯ
О, Пресвятая и Преблагословенная Мати Господа и Спаса нашего Иисуса Христа, Пречистая Приснодево Богородице Марие! Припадаем и покланяемся Тебе пред святою и чудотворною иконою Твоею, юже от лет древних чудес многими и исцеленьми прославити благоизволила еси. Смиренно молимся Тебе, Благой и Милосердой Заступнице нашей: предстательством угодников Твоих, преподобных Антония и Феодосия Печерских, вонми гласу грешных молений наших, не презри воздыханий от души, виждь скорби и беды нас обышедшии, и яко любвеобильная воистину Мати потщися на помощь нам беспомощным, унылым, многая и тяжкия грехи впадшим и присно прогневляющим Господа и Создателя нашего, Егоже умоли, Предстательнице наша, да не погубит нас со беззаконии нашими, да явит нам человеколюбивую Свою милость. Испроси, Владычице, у благости Его всем православным христианом здравие и душевное спасение, благочестное и мирное житие, земли плодоносие, воздуха благорастворение, дождие благовременныя, и благословение свыше на вся благая дела и начинания наша; болящия исцели, скорбящия утеши, бедствующим помози; споспеши всем нам носити иго Xристово в терпении и смиренномудрии, и сподоби нас благочестно житие земное скончати, христианскую же непостыдную кончину получити и Небесное Царствие унаследити. О, Царице Всепетая, Мати Божия Всеблагая! Простри Богоноснии руце Твои к возлюбленному Сыну Твоему и Богу нашему, умоли Его спасти и избавити от погибели вечныя всех иноков обители Твоея Печерския. Якоже же древле на горе Печерстей милость являла еси, Владычице, сице и ныне яви, Богородице, Твоя щедроты над обителию Твоею и над нами недостойными чады Твоими; да и зде в земном странствовании нашем, и по кончине живота нашего будем прославлять Безначальнаго Отца, Единороднаго Его Сына, и Единосущнаго и Святаго Его Духа, и Твое милостивное предстательство во веки веков. Аминь.
МОЛИТВА ТРЕТЬЯ
О Пресвятая Богородице Дево, Владычице, Вышшая Ангел и Архангел и всея твари честнейшая, ангельское великое удивление, пророческая высокая проповедь, апостольская преславная похвало, святителей изрядное украшение, мучеников крепкое утверждение, иноков спасительное наставление, постников неизнемогающее воздержание, девствующих чистото и славо, матерей тихое веселие, младенцев мудросте и вразумление, вдовиц и сирых кормительнице, нагих одеяние, болящих здравие, пленников избавление, по морю плавающих тишино, обуреваемых небурное пристанище, блуждающих нетрудная наставнице, путешествующих легкое прохождение, труждающихся благое покоище, в бедах сущих скорая заступнице, обидимых покрове и прибежище, ненадеющихся надеяние, требующих помощнице, печальных присное утешение, ненавидимых любовное смирение, грешников спасение и к Богу присвоение, правоверных всех твердое ограждение, непобедимое поможение и заступление! Тобою нам, Владычице, Невидимый видим бысть, и Тебе мольбу приносим, Госпоже, грешнии раби Твои: О Премилостивая и Пречудная Света умнаго Царице, рождшая Царя Христа, Бога нашего, Живодавца всех, от небесных славимая и от земных хвалимая, ангельский уме, светозарная звездо, святых Пресвятейшая, Царице цариц, Владычице всех тварей, Боголепная Девице, нескверная Невесто, палато Духа Пресвятаго, огненный престоле невидимаго Царя, небесный кивоте, носило Слова Божия, огнеобразная колеснице, покоище Живаго Бога, неизреченное составление плоти Христовы, гнездо Орла Небеснаго, горлице Богогласная, голубице кроткая, тихая и незлобивая, Мати чадолюбивая, милостей бездно, развергающая тучу гнева Божия, неизмеримая глубино, неизреченная тайно, несведомое чудо, не рукотворенная Церковь Единаго Царя всех век, благоуханное кадило, честная багрянице, Боготканная порфиро, душевный раю, живоноснаго сада отрасле, цвете прекрасный, процветший нам небесное веселие, грозде спасения нашего, чаше Царя Небеснаго, в нейже растворися от Духа Святаго вино неисчерпаемыя благодати, ходатаице закона, зачало истинныя веры Христовы непоколебимый столпе, еретиков пагубо, мечу ярости Божия на богопротивных, бесов устрашение, во бранех побеждение, христиан всех неложная хранительнице и мира всего известное спасение! О Всемилостивая Госпоже, Дево Владычице Богородице, услыши нас, молящихся Тебе, и яви милость Твою на людей Твоих: моли Сына Своего избавитися нам от всякаго зла и сохрани обитель нашу, и всяку обитель, и град, и страну верных, и люди благочестно прибегающия и призывающия Имя Твое святое, от всякия напасти, губительства, глада, труса, потопа, огня, меча, нашествия иноплеменников и междоусобныя брани, от всякия болезни и всякаго обстояния: да ни ранами, ни прещением, ни мором, ни всяким праведным гневом Божиим умалятся раби Твои, но соблюдай и спасай милостию Твоею, Госпоже, за ны молящися, и полезное воздуха благорастворение ко времени плоднаго приношения нам даруй; oблегчи, возстави и помилуй, Премилостивая Владычице, Богородице препетая, во всякой беде и нужде сущия. Помяни рабы Твоя, и не презри слез и воздыхания с нашего, и обнови нас благостию Твоея милости, да со благодарением утешаемся, обретше Тя Помощницу. Умилосердися, Госпоже Пречистая, на немощныя люди Твоя, Надеждо наша: разсеянныя собери, заблудшия на путь правый настави, отпадшия от благочестивыя отеческия веры паки возврати, старость поддержи, юныя вразуми, младенцы воспитай и прослави славящия Тя; изряднее же - Церковь Сына Твоего соблюди и сохрани в долготу дний. О Милостивая и Премилостивая Царице Небесе и земли, Богородице Приснодево! Ходатайством Твоим помилуй вся православныя христианы, сохраняющи их под кровом милости Твоея, ризою Твоею честною защити; и моли из Тебе воплошагося без семене Христа Бога нашего, да препояшет ны свыше силою на вся видимыя и невидимыя враги наша, на иноплеменники и единоплеменники, воюющая на нас и на веру нашу православную. Спаси же и помилуй, Госпоже, Великаго Господина и Отца нашего Святейшего Патриарха (имя), преосвященныя митрополиты, архиепископы и епископы православныя, иереи же и диаконы, и весь причет церковный, и весь монашеский чин, и вся правоверныя люди, поклоняющияся и молящияся пред честною Твоею иконою. Призри на всех нас призрением милостивнаго Твоего заступления, воздвигни нас из глубины греховныя и просвети очи сердечныя ко зрению спасения: милостива нам буди зде, и на Страшнем Суде Сына Твоего о нас умоли; преставльшияся во благочестии от жития сего рабы Твоя в вечней жизни со Ангелы и Архангелы и со всеми святыми причти, да одесную Сына Твоего Бога предстанут, и молитвою Твоею сподоби вся православныя христианы со Христом жити и радости ангельския в небесных селениих наслаждатися. Ты бо еси, Госпоже, слава Небесных и упование земных, Ты наша надеждо и заступнице всех притекающих к Тебе и Твоея святыя помощи просящих, Ты молебница наша теплая к Сыну Твоему и Богу нашему; Твоя Матерняя молитва много может на умоление Владыки, и Твоим предстательством ко престолу благодати Пресвятых и Животворящих Его Таин приступати дерзаем, аще и недостойнии. Темже Всечестный образ Твой и рукою Твоею держимаго Вседержителя видяще на иконе, радуемся грешнии, со умилением припадающе, и любовию сей целуем, чающе, Госпоже, Твоими святыми Богоприятными молитвами дойти Небесныя безконечныя жизни и непостыдно стати в день судный одесную Сына Твоего и Бога нашего, яко да славим Его, купно со Безначальным Отцем и Пресвятым, Благим, Животворящим и Единосущным Духом, во веки веков. Аминь.
ТРОПАРЬ
Тропарь, глас 4
Днесь светло торжествует Печерская обитель и радуется явлением образа Богоматере безмерный лик Печерских отцев, с нимиже и мы непрестанно вопием: радуйся, Благодатная, Печерская похвало.
