Рудненская икона Божией Матери
 
 
 







Рудненская икона Божией Матери PDF Печать E-mail
Молитвы и о молитвах - Молитвы и акафисты перед иконами Божией Матери
06.11.2012 18:22

 

Рудненская икона Божией Матери


2r

 

(11 / 24 июля)

 

 

    Явилась икона Богоматери в 1687 году в местечке Рудне Могилёвской епархии (ныне Смоленская область). Рудней местечко называлось из-за имеющихся в округе рудников по добыче железной из руды. С тех пор этот образ особо почитается во многих местах Белоруссии, Украины и России. На территории России Рудненский образ Пресвятой Богородицы особо чтится в селе Крылатском Московской области. Согласно преданию, чудотворный образ явился местным крестьянам в середине XIX века, когда сельчане во время сенокоса пришли испить воды из источника.

 

 

 

МОЛИТВА

 

Пресвятая Дево Владычице Богородице, милосте Христа моего, обителище Пресвятаго и Животворящаго Духа, надеждо всех святых раб, святое зерцало светлости Божия, святейшая Ангел и Архангел, Тебе припадая, усердно молюся: умоли Сына Своего и Бога моего, да отпустит ми всякое прегрешение, вольное и невольное, избавит мя от всех наветов диавольских. Ей, Владычице, моего падения возведение, простри богоноснеи Свои руце и извлецы мя из глубины греховныя и даждь ми, рабу Твоему (имярек), всегда угодная Сыну Твоему и Богу моему творити, славя Его вкупе со езначальным Его Отцем и с Пресвятым и Благим и Животворящим Его Духом, и ныне и присно и во веки веков. Аминь.

 

 

 

ТРОПАРЬ

 

 

Тропарь, глас 4-й

 

К Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози, на ны милосердовавши, потщися, погибаем от множества прегрешений, не отврати Твоя рабы тщи. Тя бо и едину надежду имамы.

 

Ин. Тропарь, глас 4

 

Не умолчим никогда, Богородице силы Твоя глаголати, недостойнии: аще бо Ты Не бы предстояла молящи, кто бы нас избавил от толик бед? Кто же бы сохранил до ныне свободны? Не отступим, Владычице, от Тебе: Твоч бо рабы спасаеши присно от всяких лютых.

 

Кондак, глас 6

 

Не имамы иныя помощи, не имамы иныя надежды, разве Тебе, Тебе, Владычице, Ты нам помози: на Тебе надеемся и Тобою хвалимся, Твои бо есмы рабби, да не постыдимся.

 

Величание

 

Величаем Тя, Пресвятая Дево, Богоизбранная Отроковице, чтим образ Твой святый, имже точиши исцеления всем с верою притекающим.

 

 

КАНОН

Пред Рудненской иконой Пресвятой Богородицы

 

 

Тропарь, глас 4-й

 

К Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози, на ны милосердовавши, потщися, погибаем от множества прегрешений, не отврати Твоя рабы тщи. Тя бо и едину надежду имамы.

 

 

Канон, глас 4-й

 

Песнь 1

 

Ирмос: Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса.

 

Припев: Пресвятая Богородице, спаси нас.

 

Пречистая и Преблаженная Владычице Богородице, услыши глас моления моего, умилосердися о мне, грешнем, погибающем, Пречистая Богородице, и вместо печали даруй ми радость, да радуяся, воспеваю Тя, Всесвятая Владычице.

 

Пресвятая Богородице, спаси нас.

 

Утиши души моея свирепство, понеже многия скорби и печали нападоша на мя, грешнаго, да не погибну зле, окаянный.

Слава: Ты бо еси моя крепость, и утверждение, и от врагов защищение, и сего ради не боюся вражия прещения, но присно пою Тя и славлю, Всеславная.

И ныне: Напасти, и беды, и скорби многи приидоша на мя и отяготиша мя, и се от всего сердца молю Тя, вопия: избави, Богородительнице, от сих одержащих мя зол и веселия исполни.

 

 

Песнь 3

 

Ирмос: Твоя песнословцы, Богородице, Живый и Независтный Источниче, лик себе совокупльшия, духовно утверди, в Божественней Твоей славе венцев славы сподоби.

 

Пресвятая Богородице, спаси нас.

 

Ты еси теплая Предстательница и твердое заступление, избави мя, Всесвятая, от нашедших на мя напастей, Ты бо еси, Владычице, падших исправление.

 

Пресвятая Богородице, спаси нас.

 

Избави мя, Пречистая, от сих напастей и бед и омрачение душевное, и уныние, и вся страсти отжени от мене, Чистая, да присно славлю Тя, Владычице.

Слава: К Тебе притекаю, Пречистая: не презри моя болезни и воздыхания, но призри на мя, сущаго в скорби, и сию мою печаль на радость преложи, Богоблаженная.

И ныне: Виждь, Владычице, беду мою и скорби, яко в тех лукавый враг поглотити мя тщится, но Ты, Пречистая Богородице, препни то его злохитрое коварство, да, избавлься, славлю Тя, Твердую Заступницу.

 

Господи, помилуй (трижды). Слава, и ныне:

 

 

Песнь 4

 

Ирмос: Седяй в Славе на Престоле Божества во облаце легце, прииде Иисус Пребожественный Нетленною Дланию и спасе зовущия: слава, Христе, силе Твоей.

 

Пресвятая Богородице, спаси нас.

 

Ты еси, Пречистая Богородице, надежда и утверждение мое нерушимое, и лютых бед свобождение, и в печали утешение, и души моея просвещение, и во уповании моем непоколебим столп.

 

Пресвятая Богородице, спаси нас.

 

В сих печалех буди сладкое утешение и в бедах скорая Помощница, Тя бо, Мати Божия, стяжавшии от всех бед избавляются и ко спасению наставляются.

Слава: Ты еси, Пречистая Дево, и сущим в отчаянии прибежище, и немощным помогаеши, согрешивших исправляеши и ко спасению наставляеши, яко Мати Божия сущая.

И ныне: Приклонися к мольбам раба Твоего, Владычице, и не закосни избавити мя от сих всех бед и скорбей, яже одержат мя, и видимыя и невидимыя враги отжени от мене да не зле погибну, окаянный.

 

 

Песнь 5

 

Ирмос: Ужасошася всяческая о Божественней славе Твоей: Ты бо, Неискусобрачная Дево, имела еси во утробе над всеми Бога и родила еси Безлетнаго Сына, всем воспевающим Тя мир подавающая.

 

Пресвятая Богородице, спаси нас.

 

Суди обидящаго мя и от напраснаго оскорбления избави, мя, осужденнаго, яко Ты Судию Праведнаго родила еси, Всенепорочная, Иже хощет комуждо воздати по делом его.

 

Пресвятая Богородице, спаси нас.

 

Ты бо в напастех и скорбех милостивно защищаеши, и зде под кров Твой прибегающаго, приими, Пречистая, и мое сие малое от унылаго сердца моление, да не зле, во отчаянии погибну.

Слава: Милостивным и кротким оком, Богородительнице, и милосердием Своим призри на мя недостойнаго, и обстоящия напасти свободи призывающаго Тя на помощь, Всепречистая.

И ныне: Первозданнии Адам и Ева Тобою Пречистая, избавишася от слез, с ними же и аз припадаю Ти и молюся: да милостию Своею отреши и моя болезненныя слезы и подаждь полезная и утешение.

 

 

Песнь 6

 

Ирмос: Божественное сие и всечестное совершающе празднество, Богомудрии, Богоматере, приидите, руками восплещим, от Нея рождшагося Бога славим.

 

Пресвятая Богородице, спаси нас.

 

Внуши печальный вопль раба Твоего, требующаго помощи Твоея, Богомати: Ты бо еси упование мое, потщися печаль мою на радость преложити.

 

Пресвятая Богородице, спаси нас.

 

Избави мя, Мати Божия, от языка льстива и от человека неправедна изми мя, безпамятна: вся Ты можеши, яко Мати Зиждителя моего сущи.

Слава: Вем Тя, Богоблагодатная, многотрудным Целебницу, и аз, немощный духом, зову: от напастей сих и печали свободи и спаси мя, Владычице, к Тебе прибегающа.

И ныне: Избави мя от напасти сея и беды, Богоневесто, Тя бо устрои Бог на спасение и заступление сущу Ходатаицу, сего ради и мне, недостойну, исходатайствуй от сея печали свобождение.

 

Господи, помилуй (трижды). Слава, и ныне:

 

 

Кондак, глас 6-й

 

Не имамы иныя помощи, не имамы иныя надежды, разве Тебе, Владычице, Ты нам помози: на Тебе надеемся и Тобою хвалимся, Твои бо есмы раби, да не постыдимся.

 

 

Икос
 

Простри длани Твоя, имиже всех Владыку, яко Младенца, прияла еси за множество благости: не остави нас, всегда надеющихся на Тя, бодренною Твоею молитвою, и неисчетною простынею ущедри нас, и подаждь душам нашим милосердие Твое, во веки источающи. Тебе бо имамы, грешнии, Заступницу от находящих на ны бед и зол. Но, яко имущи милосердия щедроты, ускори на молитву и потщися на умоление, предстательствующи присно, Богородице, чтущих Тя.

 

 

Песнь 7

 

Ирмос: Не послужиша твари Богомудрии паче Создавшаго, но, огненное прещение мужески поправше, радовахуся, поюще: препетый отцев Господь и Бог, благословен еси.

 

Пресвятая Богородице, спаси нас.

 

Ты еси, Пречистая Богородице, Покровительница моя и непрестанное радование души моея, но, о Владычице Богородице, не презри мя, одержимаго лютою бедою и неутешимою печалию.

 

Пресвятая Богородице, спаси нас.

 

Ты еси крепость моя, Пречистая Владычице, и в нашедших на мя нечаемых скорбех утешение, и сего ради аз, недостойный раб Твой, всенадежно вопию Ти: помилуй мя, падшаго.

Слава: Исцели душевныя моя язвы, Владычице, и заступи мя, раба Твоего, и избави мя от оболгания сего неправеднаго и от всякаго навета, и от развращения изми мя, Преблагословенная.

И ныне: Сокруши советы неправедныя, иже и на мя изощрени суть, аз бо иныя помощи не имам разве Тебе, Чистая, и к Тебе прибегаю: не попусти ми погибнути, яко вся Тебе возможна.

 

 

Песнь 8

 

Ирмос: Отроки благочестивыя в пещи Рождество Богородичо спасло есть; тогда убо образуемое, ныне же действуемое, вселенную всю воздвизает пети Тебе: Господа пойте, дела, и превозносите Его во вся веки.

 

Пресвятая Богородице, спаси нас.

 

Душу мою сохрани под кровом крилу Твоею, Преблагословенная Богородице, от различных належащих на мя бед и скорбей избави, да не порадуется враг мой о моей погибели, но да славлю Тя, Божию Матерь, во веки.

 

Пресвятая Богородице, спаси нас.

 

Аз убояхся помощи человеческия искати, прибегох к Тебе, Всенепорочная, Ты еси всенадежная Хранительница христианом; днесь к покрову Твоему прибегох, надеяся на милость благоутробия Твоего, но Ты матерски помилуй мя, да славлю Тя во веки.

Слава: Ты еси, Пречистая, просвещение мое и избавление, Ты еси Помощница моя всерадостная, и стена нерушимая, и слава, и хвала моя, Всенепорочная Дево, Тебе усердно покланяюся и вопию: спаси мя, отчаявшегося, да прославлю Тя.

И ныне: На Тя всю надежду возложих спасения моего, Неискусобрачная Богородительнице, и на помощь призываю Тя: спаси мя от печали сея и напасти, разреши пленицы зол моих и от всех скорбей избави мя, да славлю Тя во веки.

 

 

Песнь 9

 

Ирмос: Всяк земнородный да взыграется, Духом просвещаемь, да торжествует же Безплотных умов естество, почитающее священное торжество Богоматере, и да вопиют: радуйся, Всеблаженная Богородице, Чистая Приснодево.

 

Пресвятая Богородице, спаси нас.

 

Изсше, яко скудель, от печали крепость моя и до ада приближихся от язв душепагубных, предвари, Мати Божия, заступлением Своим от одержащих мя скорбей рукою милости Твоея, да славлю Тя, Чистая Приснодево.

Слава: Всенепорочная Отроковице, всем верным крепкая Помощнице и упование христианом, буди о мне неотступная Молебница к Сыну Твоему и Богу, в Троице славимому, и подаждь свобождение от нашедшия на мя напасти, да вопию Ти: радуйся, Приснодево.

И ныне: Ты еси крепость моя, Пречистая, и прибежище, и стена необоримая, Ты еси теплая к Богу Молитвенница, всяких мя напастей и бед свободи, едина Благословенная, и ратуемыя на мя всуе разжени, яко прах да пою Ти: радуйся, Преблаженная Богородице, Чистая Приснодево.

 

Фото иконы: http://www.ank.in.ua/sviatsy.php?dtoday=25&mtoday=10&mtodaystr=%EE%EA%F2%FF%E1%F0%FC&fz=sviatsy/s10_25_07.php&ViewMonth=10

 

 






Рейтинг@Mail.ru Рейтинг@Mail.ru Rambler's Top100 Яндекс.Метрика