Икона Божией Матери

«Аз есмь с вами, и никтоже на вы»

(Суббота – пятая неделя Великого поста)

Эта икона написана по благословению святого праведнагого Иоанна Кронштадтского монахинями Леушинского монастыря. Батюшка сам освятил эту икону, молился перед ней и называл ее «Спасительница России». Этой иконой св. прав. Иоанн Кронштадтский благословил на духовный подвиг и молитву мирянина В. Н. Муравьева, впоследствии иеросхимонаха Серафима Вырицкого, прославленного в лике святых. Икона находилась в его келье. Когда люди обращались за помощь к отцу Серафиму во всех своих нуждах, батюшка всегда молился Божией Матери перед этим образом. Люди получали помощь и благодарили батюшку, а он говорил: «Это помощь Царицы небесной, благодарите Ее». Множество чудес творилось от сей иконы. Сейчас чудотворный образ пребывает в Свято-Георгиевском женском монастыре на Украине.

АКАФИСТ – 1

Кондак 1

Избранной от всех родов Владычице мира, Деве Богородице, принесем похвальные дары, якоже и ныне, аки и прежде падших возставляеши, немощных укрепляеши, болящих исцеляеши, от враг видимых и невидимых избавляеши, сомнящихся вразумляеши, унывающих ободряеши, веровати в Благодатную силу святых икон Твоих научаеши и в благодарности умиленным сердцем и усты пети Тебе сподобляеши: Радуйся, Небесная наша Мати, Твоими словесы "Аз есмь с вами и никтоже на вы" благодатную силу душам нашим дарующая.

Икос 1

Ангелы на небеси воспевают величие и всесовершенства Твоя, о Мати и Дево, яко Всемилостивого Бога и Спаса родила нам еси, мы же на земли, подражающе им, грешными устнами дерзаем славославяще взывати к Тебе таковая:

Радуйся, небесных непрестанное удивление;

Радуйся, земных всерадостное поклонение;

Радуйся, злобы и тьмы духовныя прогонение;

Радуйся, притекающих к Тебе мира и любвн исполнение;

Радуйся, яко о помиловании нас, грешных, сына Твоего умоляеши; Радуйся, яко от иконы Твоея милости нам источаеши;

Радуйся, Небесная наша Мати, Твоими словесы "Аз есмь с вами и никтоже на вы" благодатную силу душам нашим дарующая.

Кондак 2

Видящи очима духовными грядущия времена страшного богоборчества, святый праведный Иоанн, нарекомый Кронштадтским, благослови написание иконы святыя Твоея, Богомати. Да будет в помощь и заступление всем в скорби сущим, припадающим и в надежде на спасение зовущим Сыну Твоему и Богу нашему: Аллилуиа.

Икос 2

Разуму человеческому икона сия в просвещение, якоже не силой своею прогоняем врагов, но могуществом Божиим и предстательством Богоматери, точащей от икон Своих чудесы, да воспоем Всемощную Заступницу нашу:

Радуйся, падающих и изнемогающих скорое подкрепление; Радуйся, от весов и злых человек надежное заступление;

Радуйся, в час искушений и недоумений вразумление;

Радуйся, заблудшим правого пути нахождение;

Радуйся, ереси и расколов искоренение;

Радуйся, тьмы богоборчества скорое прогонение;

Радуйся, Небесная наша Мати, Твоими словесы "Аз есмь с вами и никтоже на вы" благодатную силу душам нашим дарующая.

Кондак 3

Сила гонения нечестивых возста на христианы и святыням их поругашася; приявший же святую икону Твою, Богомати, отец Серафим, нарицаемый Вырицкий, уберег ея. Да прибегши под кров Царицы Небесной, монашествующий и вси вернии помощию Божиею укрепляемии со трепетом и любовию воспоют Спасителю Богу: Аллилуиа.

Икос 3

Имущи велия чудеса, им же несть числа, являла Пресвятая Дева чрез святую икону Свою помощь всем с верою и любовию притекающим и зовущим к Ней таковая:

Радуйся, Царице Неба и земли;

Радуйся, Мати Господа Вышняго;

Радуйся, обилие чудес источающая;

Радуйся, нечестие богоборчества обличающая;

Радуйся, молящихся с верою скорое слышание;

Радуйся, мятущихся душ наших отишие;

Радуйся, Небесная наша Мати, Твоими словесы "Аз есмь с вами и никтоже на вы" благодатную силу душам нашим дарующая.

Кондак 4

Буря богоборческого нечестия пронеслась, осквернивши святыни, и попусти Господь на люди наша вражье нашествие, да скорбями очистятся и слезами омыются и да, вразумившись, покаются и, покаявшись, возопиют Спасающему Богу: Аллилуиа.

Икос 4

Слышаша скорби людския, отец Серафим иже в келье своей подвиг Саровского старца подъявши, денно и нощно усердно пред иконою Богородицы вопиял таковая:

Радуйся, яко грешников к покаянию предуготовляеши;

Радуйся, кающихся грешников не отвергающая;

Радуйся, яко Сына Твоего и Бога нашего умилостивляеши;

Радуйся, скорбь нашу в радость претворяющая;

Радуйся, от враг видимых и невидимых избавляющая;

Радуйся, яко от наглыя смерти спасаеши;

Радуйся, Небесная наша Мати, Твоими словесы "Аз есмь с вами и никтоже на вы" благодатную силу душам нашим дарующая.

Кондак 5

Боготечную благодать видя, истекающую от святыя иконы Богоматери, людие стекахуся в селение Вырицу и приимаху душ и телес исцеление, в радости вопияша Сыну Пресвятей, Пречистей, Преблагословенней: Аллилуиа.

Икос 5

Видеша приявшую от Сына Твоего и Бога нашего велию благодатную силу исцеления и вспоможения, благая Мати, щедро ниспосылавши ея всем, приходящим к Тебе и взывающим Ти таковая:

Радуйся, умершего отрочати воскрешение;

Радуйся, неисцельных болезней врачевание;

Радуйся, телес наших здравие;

Радуйся, душ наших спасение;

Радуйся, от уз греховных свобождение;

Радуйся, к Горнему миру восхождение;

Радуйся, Небесная наша Мати, Твоими словесы "Аз есмь с вами и никтоже на вы" благодатную силу душам нашим дарующая.

Кондак 6

Проповедуя скорое отшествие свое от юдоли сей многоскорбной и многомятежной, старец предрекл еси новое местонахождение святыя иконы Богородицы, где в любви к Всемилостивому Богу в Троице славимому возопиют: Аллилуиа.

Икос 6

Возсиявая радость в скорби сущей игумении, разрушенную древнюю обитель святаго Георгия приявшую и силами своими возобновити не могущую, даровала ей велию милость: явила еси пречудно святую икону Свою, да с трепетом и любовию воспоют к Ней таковая:

Радуйся, никогда же нас помощи материнской лишающая;

Радуйся, любящих Тя Божественною любовию покрывающая; Радуйся, нестроения житейского моря скоро разрешающая; Радуйся, Аз есмь с вами — приходящим к Тебе возвещающая; Радуйся, и никтоже на вы — ободряющая;

Радуйся, сущих в печали и скорби не оставляющая;

Радуйся, Небесная наша Мати, Твоими словесы "Аз есмь с вами и никтоже на вы" благодатную силу душам нашим дарующая.

Кондак 7

Хотящи спасения, узрели людие икону, аки Саму Царицу Небесную, пришедшую со святыми Апостолы Иоанном и Иаковом в обитель святаго Георгия на праздник Похвалы Пресвятой Богородицы, и возопили во умилении ко Господу: Аллилуиа.

Икос 7

Новую явила еси милость, Богородице Дево, чудотворною иконою Твоею, чудесы чрез нея источая, помогая всем с верою к ней притекающим и зовущим Ти обрадованно таковая:

Радуйся, сына Твоего и Бога о нас умоляющая;

Радуйся, кающихся грешников зело любящая;

Радуйся, врагов Божиих грозно наказующая;

Радуйся, сынов противления нежданно вразумляющая;

Радуйся, полчищ бесовских от Руси Святой изметающая;

Радуйся, боголюбивых чад Своих защищающая;

Радуйся, Небесная наша Мати, Твоими словесы "Аз есмь с вами и никтоже на вы" благодатную силу душам нашим дарующая.

Кондак 8

Странно чудо попечения Свято-Георгиевской обители видевши, живущия в ней и труждающиеся, и на молитву в ню приходящия прияла еси, в подвизех монашеских укрепляя, от бед и скорбей избавляя и научая всех спасающему тобою Христу Богу пети: Аллилуиа.

Икос 8

Всем вразумление явила еси грозным наказанием послушницы тайно бежати из обители хотящей и покаявшейся милость явила еси, да навыкнут в час скорбных обстояний прибегати к иконе Твоей святей, умильно взывая Тебе таковая:

Радуйся, совершение безрассудных поступков присекающая; Радуйся, хотящим жати спасение помогающая;

Радуйся, в подвизех монашеских укрепляющая;

Радуйся, падающих скорое возведение;

Радуйся, Ходатаице нашего спасения,

Радуйся, защита наша и в добродетелях вспоможение;

Радуйся, Небесная наша Мати, Твоими словесы "Аз есмь с вами и никтоже на вы" благодатную силу душам нашим дарующая.

Кондак 9

Всякое естество восхваляет Тя, Господи. О Тебе, Создателе, Искупителе, Царе и грядущем Судии своем радующеся, яко даровал еси Матерь Свою в надежное прибежище и заступление всем вопиющим Тебе, истинному Богу: Аллилуиа.

Икос 9

Ветия велеречивыя можаху лишь удивитися, егда слышат глас Божий и Богородицы: "Аз есмь с вами и никтоже на вы." Мы же положшася на волю святую и совершенную Божию, да почтим Тя, Пречистая, звании сицевыми:

Радуйся, Благого Царя Благая Мати;

Радуйся, яко тщишися овец Христовых собрати;

Радуйся, сирых и странных защитнице;

Радуйся, всех обидимых покровительнице;

Радуйся, медоточная молящихся сладосте;

Радуйся, даров и благ вечных подательнице;

Радуйся, Небесная наша Мати, Твоими словесы "Аз есмь с вами и никтоже на вы" благодатную силу душам нашим дарующая.

Кондак 10

Спасти хотя мир, неизреченное чудо обретения святыя иконы Твоея, Владычице, возвестила всем городам и весям, да в торжестве и славе видящи к ним грядущую Тя, в радости возопиют Триединому Богу: Аллилуиа.

Икос 10

Стенд еси и чистото неописанная, милосердие неизреченное и победо всепобеждающая, богоизбранная Отроковице, призри на ны, смиренно выну молящихся пред иконою Твоею и воспевающих Ти, благодатная, сице:

Радуйся, милости неиссякаемый источниче;

Радуйся, духовную жажду всем утоляющая;

Радуйся, милосердая о нас, грешных, предстательнице;

Радуйся, непрестанно за нас Христу Богу молящаяся;

Радуйся, спасения нашего надежда и прибежище;

Радуйся, милостивая о нас пред Богом Ходатаица;

Радуйся, Небесная наша Мати, Твоими словесы "Аз есмь с вами и никтоже на вы" благодатную силу душам нашим дарующая.

Кондак 11

Пение благодарственное приносим Ти, раби Твои, Богородице Дево, грешнии и непотребнии, обаче Ты достославно заступаеши всех, обрящихся к Тебе и вопиющих Богу: Аллилуиа.

Икос 11

Светоподательную свещу имуще Тя, Пресвятая Мати и Дево, яко просвещаеши нас светом сына Твоего и даровала еси нам икону Свою повелительную, да не преткнемся в ночи последних времен, но, хранимы тобою, поработаем Господу во свете Его, уповающе на Тя таковая:

Радуйся, язв греховных целительнице;

Радуйся, в Царствие Божие Путеводительнице;

Радуйся, на руцех Своих носящая Носящего вся;

Радуйся, златыя врата Небеснаго Царствия;

Радуйся, светом сына Твоего нас просвещающая;

Радуйся, зрением иконы Твоей нас услаждающая;

Радуйся, Небесная наша Мати, Твоими словесы "Аз есмь с вами и никтоже на вы" благодатную силу душам нашим дарующая.

Кондак 12

Благодать дати восхотев людем Своим, даровала еси, Владычице, нам икону Свою и с нею обетование: "Аз есмь с вами и никтоже на вы," егоже не возможет никогдаже и никтоже из враг наших видимых и невидимых преступити. да имея промышление таковое божественное о нас, вопием Всемилостивому Богу: Аллилуиа.

Икос 12

Поюще о чудесех Твоих, Всемощная Владычице, знаем Тя, теплую и любвеобильную Заступницу, к Ней же все притекающие да не постыжени будут, но всегда тобою хранимы, вопиют Ти сицевая: Радуйся, в скорбех сущих Отрадо;

Радуйся, уповающих на Господа Бога Оградо;

Радуйся, Ея же враги наша трепещут;

Радуйся, яко имущие икону Твою ликовствуют;

Радуйся, славящих Тя — прославляющая;

Радуйся, землю Русскую и всех, яже в мире Христовом, зело заступающая;

Радуйся, Небесная наша Мати, Твоими словесы "Аз есмь с вами и никтоже на вы" благодатную силу душам нашим дарующая.

Кондак 13

О Пресвятая, Пречистая, Преблагословенная Богородице Дево Марие, Всемилостивая Мати Бога и человеков, воззри на скорбные души наша и умилосердися, Пречистая, вознеси Твою многомощную молитву к праведному Судии о помиловании нас, грешных. Призри на ны, Всепетая Богородице, возсияй просвещение сердцам омраченным, и озари стадо Твое, Пречистая, да спасаеми тобою, радостно воспоем Богу: Аллилуиа, аллилуиа, аллилуиа.

(Этот кондак читается трижды, затем икос 1 и кондак 1)

АКАФИСТ - 2

Кондак 1

     Избранней от всех родов Владычице Госпоже, Деве Богородице, принесем похвальные дары, якоже и ныне, аки и прежде, падших возставляеши, немощных укрепляеши, болящих исцеляеши, от враг видимых и невидимых избавляеши, сомнящихся вразумляеши, унывающих ободряеши, веровати в благодатную силу святых икон Твоих научаеши и в благодарности умиленным сердцем и усты пети Тебе сподобляеши:
     Радуйся, Небесная Царице, Твоими словесы «Аз есмь с вами и никтоже на вы» благодатную силу верным дарующая.
     Радуйся, Небесная Царице, Твоими словесы: «Аз есмь с вами и никтоже на вы» благодатную силу верным дарующая.
     Радуйся, Благодатная Богородице Дево, буди Хранительница и Спасительница России и стран словенских.
     Радуйся, Госпоже Владычице, Твоим обетованием избави люди Божии от работы вражия.

Икос 1

     Ангели на небеси воспевают величие и всесовершенства Твоя, о Мати и Дево, яко Всемилостиваго Бога и Спаса родила нам еси, мы же на земли, подражающе им, грешными устнами дерзаем славословяще взывати Тебе таковая:
     Радуйся, небесных непрестанное удивление;
     Pадуйся, земных всерадостное поклонение.
     Радуйся, злобы и тьмы духовныя изгнание;
     Pадуйся, притекающих к Тебе мира и любви исполнение.
     Радуйся, яко о помиловании нас, грешных, Сына Твоего умоляеши;
     Pадуйся, яко от иконы Твоея милости нам источаеши.
     Радуйся, Небесная Царице, Твоими словесы «Аз есмь с вами и никтоже на вы» благодатную силу верным дарующая.
     Радуйся, Небесная Царице, Твоими словесы: «Аз есмь с вами и никтоже на вы» благодатную силу верным дарующая.
     Радуйся, Благодатная Богородице Дево, буди Хранительница и Спасительница России и стран словенских.
     Радуйся, Госпоже Владычице, Твоим обетованием избави люди Божии от работы вражия.

Кондак 2

     Видящи очима духовными грядущия времена страшного богоборчества, святый праведный Иоанн Кронштадтский, благослови написание иконы святыя Твоея, Богомати, да будет в помощь и заступление всем в скорби сущим, припадающим в надежде на спасение, зовущим Сыну Твоему и Богу нашему: Аллилуиа.

Икос 2

     Разуму человеческому икона сия в просвещение, якоже не силой своею прогоняем врагов, но могуществом Божиим и предстательством Богоматери, источающей от икон Своих чудеса, да воспоем Всемощную Заступницу нашу:
     Радуйся, падающих и изнемогающих скорое подкрепление;
     Pадуйся, от бесов и злых человек надежное заступление.
     Радуйся, в час искушений и недоумений вразумление;
     Pадуйся, заблудшим праваго пути нахождение.
     Радуйся, ересей и расколов искоренение;
     Pадуйся, тьмы богоборчества скорое исчезновение.
     Радуйся, Небесная Царице, Твоими словесы «Аз есмь с вами и никтоже на вы» благодатную силу верным дарующая.
     Радуйся, Небесная Царице, Твоими словесы: «Аз есмь с вами и никтоже на вы» благодатную силу верным дарующая.
     Радуйся, Благодатная Богородице Дево, буди Хранительница и Спасительница России и стран словенских.
     Радуйся, Госпоже Владычице, Твоим обетованием избави люди Божии от работы вражия.

Кондак 3

     Сила гонения нечестивых возста на христианы и святыням их поругашася; приявший же святую икону Твою, Богомати, преподобный Серафим Вырицкий молящеся пред Нею. Да прибегши под кров Царицы Небесной, монашествующии и вси вернии помощию Божиею укрепляемии, со трепетом и любовию воспоют Спасителю Богу: Аллилуиа.

Икос 3

     Имущи велия чудеса, имже несть числа, являла Пресвятая Дева чрез святую икону Свою помощь всем с верою и любовию притекающим и зовущим к Ней таковая:
     Радуйся, Царице Небесная;
     Pадуйся, Мати Господа Вышняго.
     Радуйся, обилие чудес источающая;
     Pадуйся, нечестие богоборчества обличающая.
     Радуйся, молящихся с верою скорое слышание;
     Pадуйся, мятущихся душ наших отишие.
     Радуйся, Небесная Царице, Твоими словесы «Аз есмь с вами и никтоже на вы» благодатную силу верным дарующая.
     Радуйся, Небесная Царице, Твоими словесы: «Аз есмь с вами и никтоже на вы» благодатную силу верным дарующая.
     Радуйся, Благодатная Богородице Дево, буди Хранительница и Спасительница России и стран словенских.
     Радуйся, Госпоже Владычице, Твоим обетованием избави люди Божии от работы вражия.

Кондак 4

     Буря богоборческого нечестия пронеслась, осквернивши святыни, и попусти Господь на люди наша вражие нашествие, да скорбями очистятся и слезами омыются и да, вразумившись, покаются и, возопиют Спасающему Богу: Аллилуиа.

Икос 4

     Слышаша скорби людския, преподобный Серафим, иже в келье своей подвиг Саровского старца подъявши, денно и нощно усердно пред иконою Богородицы вопия таковая:
     Радуйся, грешников к покаянию предуготовляеши;
     Pадуйся, кающихся грешников не отвергающая.
     Радуйся, Сына Твоего и Бога нашего умилостивляеши;
     Pадуйся, скорбь нашу в радость претворяющая.
     Радуйся, от враг видимых и невидимых избавляющая;
     Pадуйся, от наглыя смерти спасающая.
     Радуйся, Небесная Царице, Твоими словесы «Аз есмь с вами и никтоже на вы» благодатную силу верным дарующая.
     Радуйся, Небесная Царице, Твоими словесы: «Аз есмь с вами и никтоже на вы» благодатную силу верным дарующая.
     Радуйся, Благодатная Богородице Дево, буди Хранительница и Спасительница России и стран словенских.
     Радуйся, Госпоже Владычице, Твоим обетованием избави люди Божии от работы вражия.

Кондак 5

     Боготечную благодать видя, истекающую от святыя иконы Богоматери, людие стекахуся в селение Вырицу и приимаху душ и телес исцеление, в радости вопиюще Богу Сыну Пресвятыя Пречистыя и Преблагословенныя Девы Марии: Аллилуиа.

Икос 5

     Видеша приявшую от Сына Твоего и Бога нашего велию благодатную силу исцеления и вспоможения, Благая Мати, милостиво ниспосылаеши всем, приходящим к Тебе и взывающим Ти таковая:
     Радуйся, умершего отрочати воскрешение;
     Pадуйся, неисцельных болезней врачевание.
     Радуйся, телес наших здравие;
     Pадуйся, душ наших спасение.
     Радуйся, от уз греховных свобождение;
     Pадуйся, к Горнему миру восхождение.
     Радуйся, Небесная Царице, Твоими словесы «Аз есмь с вами и никтоже на вы» благодатную силу верным дарующая.
     Радуйся, Небесная Царице, Твоими словесы: «Аз есмь с вами и никтоже на вы» благодатную силу верным дарующая.
     Радуйся, Благодатная Богородице Дево, буди Хранительница и Спасительница России и стран словенских.
     Радуйся, Госпоже Владычице, Твоим обетованием избави люди Божии от работы вражия.

Кондак 6

     Проповедуя скорое отшествие свое от юдоли сея многоскорбныя и многомятежныя, старец скры местонахождение святыя иконы Богородицы, идеже в любви к Всемилостивому Богу, в Троице славимому, возопиют: Аллилуиа.

Икос 6

     Возсиявая радость в скорби сущей игумений, разрушенную древнюю обитель Святаго Георгия приявшей и силами своими возобновити не могущую, дарова ей велию милость: явила еси Госпоже Владычице, пречудно святую икону Твою, да с трепетом и любовию воспоют Ей таковая:
     Радуйся, никогдаже нас помощи матерния лишающая;
     Pадуйся, любящих Тя божественною любовию покрывающая.
     Радуйся, нестроения житейского моря скоро разрешающая;
     Pадуйся, Аз есмь с вами — приходящим к Тебе возвещающая.
     Радуйся, и никтоже на вы — ободряющая;
     Pадуйся, сущих в печали и скорби не оставляющая.
     Радуйся, Небесная Царице, Твоими словесы «Аз есмь с вами и никтоже на вы» благодатную силу верным дарующая.
     Радуйся, Небесная Царице, Твоими словесы: «Аз есмь с вами и никтоже на вы» благодатную силу верным дарующая.
     Радуйся, Благодатная Богородице Дево, буди Хранительница и Спасительница России и стран словенских.
     Радуйся, Госпоже Владычице, Твоим обетованием избави люди Божии от работы вражия.

Кондак 7

     Хотящии спасения, узрели люди икону, аки Саму Царицу Небесную, пришедшую со святыми апостолы Иоанном и Иаковом в обитель Святаго Георгия на праздник Похвалы Пресвятыя Богородицы, и возопиша во умилении ко Господу: Аллилуиа.

Икос 7

     Новую явила еси милость, Богородице Дево, чудотворною иконою Твоею, чудесы чрез нея источая, помогая всем с верою к ней притекающим и зовущим Ти обрадованно таковая:
     Радуйся, Сына Твоего и Бога о нас умоляющая;
     Pадуйся, кающихся грешников зело любящая.
     Радуйся, врагов Божиих грозно наказующая;
     Pадуйся, сынов противления вразумляющая.
     Радуйся, полчищ бесовских от Руси святыя изметающая;
     Pадуйся, боголюбивых чад Своих защищающая.
     Радуйся, Небесная Царице, Твоими словесы «Аз есмь с вами и никтоже на вы» благодатную силу верным дарующая.
     Радуйся, Небесная Царице, Твоими словесы: «Аз есмь с вами и никтоже на вы» благодатную силу верным дарующая.
     Радуйся, Благодатная Богородице Дево, буди Хранительница и Спасительница России и стран словенских.
     Радуйся, Госпоже Владычице, Твоим обетованием избави люди Божии от работы вражия.

Кондак 8

     Странно чудо попечения Свято-Георгиевския обители видевши, живущия в ней и труждающиеся и на молитву в ню приходящия прияла еси, в подвизех монашеских укрепляя, от бед и скорбей избавляя и научая всех спасающему Тобою Христу Богу пети: Аллилуиа.

Икос 8

     Всем вразумление явила еси грозным наказанием послушницы, тайно бежати из обители хотящей, и покаявшейся милость явила еси, да навыкнут в час скорбных обстояний прибегати к иконе Твоей святей, умильно взывая Тебе таковая:
     Радуйся, совершение безрассудных поступков пресекающая;
     Pадуйся, хотящим жати спасение помогающая.
     Радуйся, в подвизех, монашеских укрепляющая;
     Pадуйся, падающих скорое возведение.
     Радуйся, Ходатаице нашего спасения;
     Pадуйся, защита наша и в добродетелех вспоможение.
     Радуйся, Небесная Царице, Твоими словесы «Аз есмь с вами и никтоже на вы» благодатную силу верным дарующая.
     Радуйся, Небесная Царице, Твоими словесы: «Аз есмь с вами и никтоже на вы» благодатную силу верным дарующая.
     Радуйся, Благодатная Богородице Дево, буди Хранительница и Спасительница России и стран словенских.
     Радуйся, Госпоже Владычице, Твоим обетованием избави люди Божии от работы вражия.

Кондак 9

     Всякое естество восхваляет Тя, Господи, о Тебе, Создателя, Искупителя, Царя и грядущего Судию живым и мертвым благодаряще, яко даровал еси Матерь Твою в надежное прибежище и заступление всем вопиющим Тебе, Истинному Богу: Аллилуиа.

Икос 9

     Ветии велеречивыя можаху лишь удивитися, егда слышат глас Божий и Богородицы: «Аз есмь с вами и никтоже на вы». Мы же, надеющеся на волю святую и совершенную Божию, да почтим Тя, Пречистая, звании ми:
     Радуйся, Благаго Царя благая Мати;
     Pадуйся, яко тщишися овец Христовых собрати.
     Радуйся, сирых и странных Защитнице;
     Pадуйся, всех обидимых Покровительнице.
     Радуйся, медоточная молящихся сладосте;
     Pадуйся, даров и благ вечных Подательнице.
     Радуйся, Небесная Царице, Твоими словесы «Аз есмь с вами и никтоже на вы» благодатную силу верным дарующая.
     Радуйся, Небесная Царице, Твоими словесы: «Аз есмь с вами и никтоже на вы» благодатную силу верным дарующая.
     Радуйся, Благодатная Богородице Дево, буди Хранительница и Спасительница России и стран словенских.
     Радуйся, Госпоже Владычице, Твоим обетованием избави люди Божии от работы вражия.

Кондак 10

     Спасти хотя мир, неизреченное чудо обретения святыя иконы Твоея, Владычице, возвестила всем градом и весем, в торжестве и славе видящи в обитель грядущую Тя, в радости возопиша Триединому Богу: Аллилуиа.

Икос 10

     Стена еси и чистото неописанная, милосердие неизреченное и победо всепобеждающая, Богоизбранная Отроковице, призри на ны, смиренно выну молящихся пред иконою Твоею и воспевающих Ти, Благодатная, сице:
     Радуйся, милости неиссякаемый источниче;
     Pадуйся, духовную жажду всем утоляющая.
     Радуйся, милосердая о нас, грешных, Предстательнице;
     Pадуйся, непрестанно за нас Христу Богу молящаяся.
     Радуйся, спасения нашего надеждо и прибежище;
     Pадуйся, милостивая о нас пред Богом Ходатаице.
     Радуйся, Небесная Царице, Твоими словесы «Аз есмь с вами и никтоже на вы» благодатную силу верным дарующая.
     Радуйся, Небесная Царице, Твоими словесы: «Аз есмь с вами и никтоже на вы» благодатную силу верным дарующая.
     Радуйся, Благодатная Богородице Дево, буди Хранительница и Спасительница России и стран словенских.
     Радуйся, Госпоже Владычице, Твоим обетованием избави люди Божии от работы вражия.

Кондак 11

     Пение благодарственное приносим Ти, раби Твои, Богородице Дево, грешнии и непотребнии, обаче Ты заступаеши всех, прибегающих Тебе и вопиющих Богу: Аллилуиа.

Икос 11

     Светоподательную свещу имуще Тя, Пресвятая Мати и Дево, яко просвещаеши нас светом Сына Твоего и даровала еси нам икону Свою победительную, да не преткнемся в нощи последних времен, но, хранимы Тобою, поработаем Господу во свете Его, уповающе на Тя и зовуще таковая:
     Радуйся, язв греховных Целительнице;
     Pадуйся, в Царствие Божие Путеводительнице.
     Радуйся, на руцех Твоих носившая Носящаго вся;
     Pадуйся, златыя врата Небеснаго Царствия.
     Радуйся, светом Сына Твоего нас просвещающая;
     Pадуйся, зрением иконы Твоея нас услаждающая.
     Радуйся, Небесная Царице, Твоими словесы «Аз есмь с вами и никтоже на вы» благодатную силу верным дарующая.
     Радуйся, Небесная Царице, Твоими словесы: «Аз есмь с вами и никтоже на вы» благодатную силу верным дарующая.
     Радуйся, Благодатная Богородице Дево, буди Хранительница и Спасительница России и стран словенских.
     Радуйся, Госпоже Владычице, Твоим обетованием избави люди Божии от работы вражия.

Кондак 12

     Благодать дати восхотев людем Твоим, даровала еси, Владычице, нам икону Свою и с нею обетование: «Аз есмь с вами и никтоже на вы», егоже не возможет никогдаже и никтоже из враг наших видимых и невидимых преступити. Да, имея промышление таковое божественное о нас, вопием Всемилостивому Богу: Аллилуиа.

Икос 12

     Поюще о чудесех Твоих, Всемощная Владычице, вемы Тя, теплую и любвеобильную Заступницу, к Нейже все притекающии да не посрамлены будут, но всегда Тобою хранимы, вопиют Ти сицевая:
     Радуйся, в скорбех сущих отрадо;
     Pадуйся, уповающих на Господа Бога оградо.
     Радуйся, Еяже враги наша трепещут;
     Pадуйся, яко имущий икону Твою ликовствуют.
     Радуйся, славящих Тя прославляющая;
     Pадуйся, землю Русскую и всех, яже в мире Христовом, зело заступающая.
     Радуйся, Небесная Царице, Твоими словесы «Аз есмь с вами и никтоже на вы» благодатную силу верным дарующая.
     Радуйся, Небесная Царице, Твоими словесы: «Аз есмь с вами и никтоже на вы» благодатную силу верным дарующая.
     Радуйся, Благодатная Богородице Дево, буди Хранительница и Спасительница России и стран словенских.
     Радуйся, Госпоже Владычице, Твоим обетованием избави люди Божии от работы вражия.

Кондак 13

     О Пресвятая, Пречистая, Преблагословенная Богородице Дево Марие, Всемилостивая Мати Бога, воззри на скорбныя души наша и умилосердися, Пречистая, вознеси Твою многомощную молитву к праведному Судии о помиловании нас, грешных. Призри на ны, Всепетая Богородице, возсияй просвещение сердцам омраченным и озари стадо Твое, Пречистая, да спасаемии Тобою, радостно воспоем Богу: Аллилуиа, аллилуиа, аллилуиа.

Этот кондак читается трижды, затем икос 1-й и кондак 1-й

МОЛИТВА

    О Всеблагая Заступнице рода христианского, Мати вся держащего десницею Свою Христа Бога нашего! Излей на ны милости и щедроты Его, и да не убоимся и не устрашимся враг видимых и невидимых, яко рекла еси уповающим на Тя: «Аз есмь с вами и никтоже на вы». Сохрани истинную святую Православную Церковь и обитель нашу от расколов и ересей и положи начало покаяния людей русских. Возврати Святую Русь на дарованный ей Богом путь неповрежденной веры, да наполнится фимиамом молитв и расцветет, аки крин сельный; да поживем в благочестии и чистоте, всегда хранимы Тобою от искушения антихристова, нашествия иноплеменных, междуусобныя брани, труса, огня, глада и мора, от напрасныя смерти, пленения и раздоров семейных; монашеское житие укрепи и спаси ны, Пречистая, яко уповаем на Тя по реченному Тобою: «Аз есмь с вами и никтоже на вы».
     Молися о нас, Пресвятая Владычице Богородице, ко Господу Богу нашему, милующему и спасающему, да не лишит ны защиты и Царствия Своего присвоения, Иже и Сам рече верным Своим: «Аз есмь с вами и никтоже на вы». Емуже слава, держава, честь и поклонение, сила и величие подобает, Отцу, и Сыну, и Святому Духу, ныне и присно и во веки веков. Аминь.

ТРОПАРЬ

Тропарь, глас 4

Владычице Чистая, призри, Богородице, виждь наших язв болезни, и умилосердися, Пречистая, и исцели совестное жжение, Твоею милостию орошающи, и вопиющи рабом Твоим: Аз есмь с вами, и никтоже на вы.

Кондак, глас 6

Призри на ны, Всепетая Богородице, возсияй просвещение сердцам омраченным и озари стадо Твое, Пречистая елико ко хощеши, и можеши, яко Мати сущи Зиждителя Твоего, и возопий молящым Тя: аз есмь с вами, и никтоже на вы.

Величание

Величаем Тя, Пресвятая Дево, и чтим образ Твой святый, от него же истекает благодатная помощь всем, с верою притекающим к нему.

Ино величание

Величаем Тя, Пресвятая Дево, Небесная наша Мати, и чтим образ Твой святый, имже всех притекающих к нему, заступаеши и благодатной силой души наша исполняеши.