Анастасия Узорешительница святая великомученица

Главное меню

ПОЖЕРТВОВАНИЕ ПРАВОСЛАВНОМУ САЙТУ

"Православное радио Санкт-Петербурга"

Анастасия Узорешительница святая великомученица

Молитвы и о молитвах - Молитвы и акафисты святым

03.12.2012 15:52

Cвятая великомученица Анастасия Узорешительница

(22 декабря / 4 января)

Великомученица Анастасия Узорешительница (ок. 304) пострадала при римском императоре Диоклитиане (284-305). Родом она из Рима из семьи сенатора Претекстата. Отец язычник, а мать Фавста — тайная христианка, которая дала Анастасию на воспитание святому Хрисогону. Святой Хрисогон учил Анастасию Священному Писанию и исполнению в жизни закона Божия. После об Анастасии говорили как об очень мудрой и прекрасной деве.

Когда умерла мать Анастасии отец, помимо ее воли, выдал ее замуж за язычника Помплия. Хотя избежать супружеского ложа Анастасия постоянно говорила мужу про неизлечимую болезнь и таким образом сохраняла себя в чистоте.

Множество заключенных было в римских темницах. В нищенской одежде святая Анастасия тайно посещала узников, — умывала и кормила больных, неспособных двигаться, она перевязывала раны, утешала. Также и ее учитель два года томился в заключении. Анастасия не перестала видиться с ним и укреплялась видя его терпене. Муж Анастасии Узорешительницы, Помплий, узнав об этом, сильно избил ее, поместил в отдельной комнате, а у дверей поставил стражу. Анастасия очень скорбела, что лишилась возможности помогать братьям христианам. Когда умер отец Анастасии, чтобы завладеть богатым наследством, муж постоянно истязал жену. Она писала своему наставнику: «Муж мой... томит меня как противницу его языческой веры в столь тяжком заключении, что мне ничего не остается, как только, предав дух Господу, упасть мертвою». Святой Хрисогон утешал святую великомученицу: «Свету всегда предшествует тьма, и после болезни часто возвращается здоровье, и после смерти обещана нам жизнь». Он предсказал скорую смерть мужа великомученицы. Спустя какое-то время Помплия назначили послом к персидскому царю. Еще по дороге в Персию Помплий утонул во время бури.

Полученное наследство она употребляла на одежду, пищу и лекарства для больных. Святого Хрисогона отправили в Аквилею (что в верхней Италии) на суд к императору-гонителю Диоклитиану, — святая Анастасия последовала за своим наставником. Тело святого Хрисогона после его мученической кончины, по Божественному откровению, было скрыто пресвитером Зоилом. Спустя 30 дней после смерти святой Хрисогон явился Зоилу и предсказал ему о близкой кончине трех юных христианок, которые жили недалеко, — Агапии, Хионии и Ирины. И сказал послать к ним святую Анастасию Узорешительницу. Такое видение было и самой святой Анастасии. Придя к пресвитеру, помолилась у мощей святого Хрисогона и в духовной беседе укрепила мужество тех трех дев перед предстоящими пытками. Потом она сама похоронила их тела.

Анастасия Узорешительница стала странствовать, чтобы везде служить христианам, которые заключены в темницах. Господь наделил ее даром врачевания. Своими трудами и утешениями святая Анастасия облегчала тяготы заключение многих людей, попечением о телах и душах страждущих освобождала их от уз отчаяния, страха и беспомощности, так ее и стали звать Узорешительницей. В Македонии святая познакомилась с одной молодой вдовой-христианкой Феодотией, которая потом помогала ей в благочестивых трудах. Всем стало известно, что Анастасия — христианка и ее отвели к императору Диоклитиану. Диоклитиан узнал, что она все свои средства потратила на помощь всем нуждающимся, а золотые, серебряные и медные идолы перелила на деньги и кормила многих голодных, помогала немощным, одевала нагих. Тогда император приказал отвести ее к верховному жрецу Ульпиану, который должен был склонить ее к жертве языческим богам или же предать жестокой казни. Ульпиан предложил святой Анастасии выбрать между богатыми дарами и пытками. Святая Анастасия сразу, не колеблясь, указала на орудия для пыток: «Окруженная этими предметами, я стану прекраснее и угоднее вожделенному Жениху моему — Христу...» Но прежде, чем подвергнуть святую Анастасию Узрешительницу пыткам, Ульпиан решил осквернить ее. Как только прикоснулся он к ней, то сразу ослеп, сильная боль сжала его голову, и через время он скончался. Великомученица Анастасия оказалась на свободе и вместе с Феодотией она продолжала служить узникам. Позже святая Феодотия и три ее сына были преданы на мученическую смерть анфипатом Никитием в их городе Никее. Великомученицу Анастасию вторично заключили в темницу и 60 дней и морили голодом. По ночам великомученице являлась святая Феодотия, одобряла и укрепляла ее в терпении. Голод не причинил святой вреда и игемон Иллирии приказал утопить ее вместе с преступниками, среди которых был также гонимый за веру христиан Евтихиан. Узников посадили на корабль и вышли в море. Уже далеко от берега они пересели в лодку, а в корабле сделали пробоины, чтобы он потонул. Корабль начал тонуть, но узники увидели мученицу Феодотию, которая управляла парусами и направляла корабль к берегу. 120 человек, были поражены сим чудом и уверовали во Христа — святые великомученица Анастасия и Евтихиан крестили всех. Игемон, когда узнал об этом, приказал казнить всех новокрещеных. Великомученицу Анастасию растянули над костром между четырьмя столбами.

Тело святой великомученицы осталось невредимым, его похоронила благочестивая христианка Аполлинария. После окончания гонений она построила над гробом святой великомученицы Анастасии церковь.

Прошло еще много лет, и честныя мощи святой Анастасии прославились. Тогда с великою почестью они были перенесены в царствующй город Константинополь.

АКАФИСТ

Кондак 1

Избранней угоднице Христовой, всеблаженней великомученице Анастасии похвальное пение приносим, яко имущей многое дерзновение ко Господу еже от всяких бед, скорбен и болезней свобождати верныя, и с любовю взываем сице:

Радуйся, всеблаженная великомученице Анастасие, узников святая посетительнице и молитвеннице о душах наших.

Икос 1

Ангелом уподобилася еси разумом чистым, познавши Того, Иже есть всего видимаго и невидимаго вечное начало и единый конец желаний всех благочестивых; мы же, восхваляюще мудрое обучение твое от святаго мученика Хрисогона, с любовию вопием ти:

Радуйся, возлюбившая веру Христову;

Радуйся, последовавшая благочестию матери твоея Фавсты.

Радуйся, соблюдшая чистоту девства твоего;

Радуйся, всегда невидимо охраняемая Ангелами.

Радуйся, чистотою твоею к Богу приблизившаяся;

Кондак 2

Видящи святая Анастасия, яко мнози христиане страждут в темницех за Имя и учение Иисус Христово, начат со усердием служити им, утешати же и целити я содействующу Богу, со благоговением поюще: Аллилуйя.

Икос 2

Уразуме богомудрая Анастасия, яко вся мира сего красная тлению причастна суть, и того ради презревши светлыя одежды и утвари многоценны, тайно оболкшися во одежды нищих, вхождаше в темницы послужити исповедником Христовым; мы же мысленно споследствующе ей, взываем к ней с любовию:

Радуйся, подражательнице Христова;

Радуйся, посетительнице заключeнных в темнице.

Радуйся, утешительнице исповедников Христовых;

Радуйся, злато и сребро твое на них расточившая.

Радуйся, теми стяжавшая Царствие Небесное;

Радуйся, руце и нозе святых омывавшая и власы их очищавшая.

Радуйся, недуги их врачевавшая и телеса их честне погребавшая;

Кондак 3

Силою укрепляема свыше, святая мученице, послужи благочестно святым и посрами ненавистника всякия добродетели диавола, напустившаго рабыню оклеветати ю пред мужем неверным; мы же, восхваляюще благотворения твоя, Анастасие, поем вкупе с тобою: Аллилуйя.

Икос 3

Имущи великую любовь о Господе ко всем, в темницах страждущим за Имя Христово, еяже ради множицею биена бывши от невернаго мужа, напоследок в дому его себе темницу обрете; темже мужеству ея дивящеся, вопием к ней:

Радуйся, избранная невесто Христова;

Радуйся, заповедей Христовых усердная хранительнице.

Радуйся, не словом точию, но и делом сия исполнившая;

Радуйся, душу свою за други твоя положити готовая.

Радуйся, многое озлобление за Христа приявшая;

Радуйся, терпением своим адаманту крепкому уподобившаяся.

Кондак 4

Бурю ярости своея воздвиже на тя нечестивый мучитель муж твой, яко пленницу и рабу вмени тя, святая Анастасие; мы же, воспоминающе озлобления от него и страдания твоя, поем укреплявшему тя Господу: Аллилуйя.

Икос 4

Слыша блаженная Анастасия, яко много претерпе святый учитель ея Хрисогон за Христа, ему же и последова страданьми своими и тайно восписа ему сице: "Учителю! Чаю умрети и ничтоже ино остается, точию да испустивши дух, паду мертва". Мы же, чудящеся терпению твоему, глаголем сице:

Радуйся, не пощадившая плоти своея честныя;

Радуйся, во дни и в нощи повергавшаяся к стопам Христовым.

Радуйся, желавшая расточити богатство твое Бога ради неимущим;

Радуйся, мудро куплю деющая.

Радуйся, едино имущая попечение о страждущих во узах;

Радуйся, невозбранно вшедшая в Чертог Небесный.

Кондак 5

Яко боготечная звезда явилася еси в римстей стране, великомученице Анастасие, посещающи страждущих за Христа в темницах и сердца их в вере утверждающи, да присно взывают с тобою Спасителю всех Богу: Аллилуйя.

Икос 5

Виде тя богоносный учитель твой Хрисогон в смущении и волнении мира сего сущу, повеле с пророком взывати тебе: "Вскую прискорбна еси, душе моя, и вскую смущаеши мя, уповай на Бога"; мы же, поминающе скорбь и печаль твою яже по Бозе, зовем ти:

Радуйся, возложившая все упование твое на Господа;

Радуйся, претерпевшая тесноту Царствия ради Небеснаго.

Радуйся, чистотою твоею со ангелы жити на небесех сподобившаяся;

Радуйся, скорбьми твоими к Богу приблизившаяся.

Радуйся, молитвами твоими избавляющая нас от многих скорбей;

Радуйся, ходатайством твоим свобождающая от искушений.

Кондак 6

Проповедует весь мир христианский честныя подвиги твоя, великомученице Анастасие, и страдания твоя славит, мученическую кончину твою ублажает и поет Богу: Аллилуйя.

Икос 6

Возсияла еси паче солнца добродетельми твоими в великом граде Риме, егда исполнися предречение учителя твоего святаго Хрисогона о погибели безбожнаго мужа твоего. Свободна бо сущи, с вящшим усердием начала еси пещися о мученицех Христовых; мы же, взирающе с любовию на деяния твоя, глаголем ти сице:

Радуйся, усердная помощнице страждущим;

Радуйся, божественными словесы утешавшая друзей Христовых.

Радуйся, имевшая велие попечение о трех девах: Агапии, Хионии и Ирине;

Радуйся, тех на подвиг мученичества укрепившая.

Радуйся, ум твой горе имевшая;

Радуйся, сердце твое жилище Святаго Духа соделавшая.

Радуйся, огнем любви к Богу всецело возгоревшая;

Радуйся, в крове крил Его небесный покров обретшая.

Радуйся, мужеством твоим врага спасения до конца низложившая;

Кондак 7

Хотение святаго Хрисогона, еже умрети за Христа, - исполнися Божиим Промыслом: егда же узрела еси честныя мощи своего учителя страстотерпца, любезно их лобызающи, восплакалася еси, из глубины души износящи Богу песнь: Аллилуйя.

Икос 7

Новую благодать и силу дарова тебе Господь наш, егда восприяла еси подвиг преходити из града в град, посещающе во узах седящих. Мы же, последующе странствованию твоему, умильно вопием ти:

Радуйся, последовательнице стопам Христовым;

Радуйся, служительнице многим святым.

Радуйся, чистотою уневестившаяся Христу;

Радуйся, великомученице прославленная.

Радуйся, узорешительнице проименованная;

Радуйся, златом твоим купующая свободу верным от уз темничных.

Радуйся, молитвами твоими избавляющая нас уз греховных;

Радуйся, врачевание больным низпосылающая.

Радуйся, Божиим велением полумертвых возставляющая;

Кондак 8

Странствование твое со святою мученицею Феодотиею многим ослабу подаде: болящим дарова исцеление, многим умершим уготова погребение, живым на вящшия подвиги добродетели укрепление; нас же недостойных сподоби, святая, молитвами твоими пети разумно Богу: Аллилуйя.

Икос 8

Весь храмины темницы исполнися многим плачем и рыданиями твоими, егда рано притекши в ню по обычаю твоему и не единаго же обретши от узник, за Имя Христово всажденных, вси бо в нощь едину повелением злочестиваго царя смерти преданы быша; мы же, вспоминающе скорбь твою о друзех Божиих, взываем тако:

Радуйся, со усердием поискавшая в темницах рабов Христовых;

Радуйся, паки обретшая тех в Небесных Селениих.

Радуйся, вземшая с любовию на рамо свое крест Господень;

Радуйся, сподобльшаяся всюду зрети разумными очесы Господа Вседержителя.

Радуйся, за любовь твою к ближним велие дерзновение к Богу стяжавшая;

Кондак 9

Нечестивии мучителие совет сотвориша на тя, страстотерпице непобедимая, хотяще приклонити тя ко идольскому служению; ты же небоязненно взывала еси к ним: "Раба Христова есмь, и пою Ему день и нощь: Аллилуйя".

Икос 9

Витийствова с тобою начальнейший жрец идольский, хотяй лестию уловити святую душу твою; ты же, познавше всю хитрость вражию, посрамила еси мучителя и пременила вся злая во благая, безтрепетно взирающи на орудия мучительския и на вся муки; мы же, дивящеся мужеству твоему, зовем ти умиленными гласы:

Радуйся, добровольно оставившая вся мира сего красная;

Радуйся, возжелавшая прияти различныя муки за Христа.

Радуйся, с любовию на смерть идти возхотевшая;

Радуйся, и самех мучителей терпением твоим удивившая.

Радуйся, страданиями твоими Церковь Христову украсившая;

Радуйся, демоны ногама твоима поправшая.

Кондак 10

Спастися всем хотящим людем споспешествуй молитвами твоими, великомученице, пред Господем и испроси разрешение грехов почитающим страдания твоя, да вопием с тобою: Аллилуйя.

Икос 10

Царя Небеснаго возлюби всем сердцем своим святая Анастасия и в темницу ввержена бысть за Сладчайшаго Иисуса, надолзе гладом и жаждею истаявающи и молитвою укрепляющися; темже прославляюще тоя честная страдания, возсылаем к ней пение таковое:

Радуйся, последовательнице страстем Христовым;

Радуйся, украсившаяся победоносною славою.

Радуйся, благочестивым женам похвало и величание;

Радуйся, земною темницею в Небесный Чертог востекшая.

Радуйся, тамо с мученики водворившаяся;

Радуйся, молитвою твоею у Престола Божия воспоминающая нас.

Радуйся, узы греховныя скоро разрушающая;

Радуйся, демоны от человек прогоняющая.

Кондак 11

Пение всеумиленное приносим ти, прославляюще твоя за Христа страдания, и молим тя: святая страстотерпице, испроси у милостиваго Господа всем людем здравие, долгоденствие и на враги победу и одоление. Нам же, восхваляющим мучения твоя, подаждь мир и спасение, да поем Богу во веки: Аллилуйя.

Икос 11

Светлым и радостным лицем последовала еси на страдание, уготованное ти от мучителей, еже помышляюще с радостию зовем:

Радуйся, от потопления в мори Божиим смотрением избавльшаяся;

Радуйся, протяженная мучители к четырем столпам и тем уподобльшаяся Распятому на Кресте Сыну Божию.

Радуйся, жегомая огнем даже до смерти;

Радуйся, сокровищнице исцелений неоскудная.

Радуйся, чаше даров Божиих преизобильная;

Радуйся, всех благих желаний скорая исполнительнице.

Кондак 12

Благодать свыше ниспосли всем нам, притекающим с любовию к раце мощей твоих, и испроси у Господа прощение согрешений наших, болящим же и страждущим исцеление, да благодарственно вси вопием дивному во святых Богу: Аллилуйя.

Икос 12

Поюще подвиги твоего вольнаго мучения за Христа, покланяемся страданию твоему, великомученице досточудная, почитаем святую кончину твою и молим тя, простри твою с небесе помощь и на нас, живущих во тьме страстей и искушений и вопиющих ти:

Радуйся, великомученице святая, принесшая тело свое в богоприятную жертву во многоразличных мучениих;

Радуйся, горлице, взлетевшая во Иерусалим Вышний.

Радуйся, чистая и непорочная невесто Христова;

Радуйся, кадильнице духовная, фимиам молитвы о нас к Богу приносящая.

Радуйся, почитающим память твою и страдания твоя богоугоднаго жития зерцало;

Радуйся, болезни душевныя и телесныя скоро исцеляющая.

Радуйся, светлый образе жития всем, чающим улучити христианскую кончину;

Кондак 13

О многострадальная и предивная, святая великомученице Анастасие! Нынешнее наше малое моление приими от недостойных раб твоих, с любовию приносимое тебе, и испроси нам у Христа Бога греховных уз разрешение, да избавимся молитвами твоими гнева Божия и вечнаго осуждения, и да удостоимся в Небесном Царствии купно с тобою во веки пети Богу: Аллилуйя.

(Этот кондак читается трижды, затем икос 1 и кондак 1)

МОЛИТВА

О многострадальная и премудрая великомученице Христова Анастасие! Ты душею на небеси у Престола Господня предстоиши, на земли же данною тебе благодатию различная совершаеши исцеления; призри убо милостивно на предстоящия люди и молящияся пред мощами твоими, просящия твоея помощи, простри ко Господу святыя молитвы о нас и испроси нам оставление согрешений наших, недужным исцеление, скорбящим и бедствующим скорую помощь, умоли Господа, да подаст всем христианскую кончину и добрый ответ на Страшнем Судищи Своем, да сподобимся и мы купно с тобою славити Отца и Сына и Святаго Духа во веки веков.

ТРОПАРЬ

Тропарь, Глас 4:

Агнца Твоя, Иисусе, Анастасия, зовет вѐликим гласом: Тебе, Женишѐ мой, люблю, и Тебе ищущи страда̀льчествую, и сраспина̀юся крещению Твоему, и стра̀жду Тебе ра̀ди, яко да царствую в Тебе, и умираю за Тя, да и живу с Тобою, но яко жертву непорчную прими мя, с любовию пожѐршуюся Тебе: тоя̀ молитвами, яко Милостив, спаси души наша.

Кондак, Глас 2:

Во искушениих и скорбех сущии, к твоему храму притекающе, приемлют честная дарования от живущия в тебе Божественныя благодати, Анастасие: ты бо присно миру точиши исцеления.

КАНОН

(Святой великомученице Анастасии Узорешительнице)

Тропарь, глас 4

Слава, и ныне, Богородичен: Еже от века утаенное и Ангелом несведомое таинство, Тобою, Богородице, сущим на земли явися Бог, в неслитном соединении воплощаемь, и Крест волею нас ради восприим, имже воскресив первозданнаго, спасе от смерти души наша.

КАНОН, глас 8

Песнь 1

Ирмос: Песнь возслем, людие, чудному Богу нашему, свободившему Израиля от работы, песнь победную поюще и вопиюще: поим Тебе, единому Владыце.

Припев: Святая великомученице Анастасие, моли Бога о нас .

Единыя вожделенныя Христовы, Анастасие славная, доброты ищущи, претекла еси доброты мирския твердостию нрава и безсмертнаго наследия, мученице, сподобилася еси. (Дважды)

Святая великомученице Анастасие, моли Бога о нас.

Слава: Нощь лестнаго омрачения, просвещением Духа озаряема, честная, претекла еси смысленне и ныне вселилася еси, идеже есть божественное сияние несозданныя Троицы.

И ныне : Явися невидимый Бог, преестественно раждаемь, за благоутробие многое из Тебе, Дево Мати, обнищав, богатый, яко да безсмертием человеческий род обогатит.

Моли Бога о нас, святая великомученице Анастасие, яко мы усердно к тебе прибегаем, скорой помощнице и молитвеннице о душах наших.

Песнь 3

Ирмос: Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, едине Человеколюбче.

Святая великомученице Анастасие, моли Бога о нас.

Благочестным дерзновением гонителей притупила еси разжженных глагол стрелы, спасительным Словом обогатившися, Анастасие, и божественною любовию двизания душевная управивши. (Дважды.)

Слава: Точию, мученице, вопияла еси: ищу Господа, к единой Того любви душу привязах, Сего осиятися чистейшими богатно блистаньми иду, обычая простотою.

И ныне: Неискусобрачная Отроковице, рукою носящаго всю тварь во утробе носиши, воплощаема, Егоже и раждаема восклоняеши в яслех, Младенца зрима превечнаго.

Господи помилуй. (Трижды)

Седален, глас 1

Яко невесту тя Христову восхваляем, дево, яко Феклу честную достойно почитаем. Темже и в памяти твоей проливаются реки исцелений: ты бо прияла еси благодать, яко хранящи заповеди Господни силою Духа.

Слава, и ныне, Богородичен: Молитвы раб Твоих приими, Богородице, и избави нас от всякия беды, яко рождшая Христа Спаса, избавителя душ наших.

Песнь 4

Ирмос: Услышах, Господи, смотрения Твоего таинство, разумех дела Твоя и прославих Твое Божество.

Святая великомученице Анастасие, моли Бога о нас.

Мученическое благославие любовию взыскавши, сего получила еси, твердо пострадавши несомненною волею, терпеливодушная. (Дважды)

Слава: Истканною от свыше благодати ризою истинно одеялася еси совлечением тела, страстотерпице мученице всехвальная.

И ныне: Плотоносец происходит от Твоего светоноснаго ложесна, Пречистая, Царь Небесный, яко на престоле, в яслех возлегий.

Песнь 5

Ирмос: Утренююще вопием Ти: Господи, спаси ны; Ты бо еси Бог наш, разве Тебе иного не вемы.

Святая великомученице Анастасие, моли Бога о нас.

Законно подвизалася еси, беззаконныя победивши, мученице всеславная, силою Духа. (Дважды)

Слава: Воскресение Божие образуеши тезоименитством, враги проклинающи невидимыя, всехвальная.

И ныне: В вертепе подземнем родитися от Девы Христос грядет, да веселятся всяческая.

Песнь 6

Ирмос: Молитву пролию ко Господу, и Тому возвещу печали моя, яко зол душа моя исполнися, и живот мой аду приближися, и молюся яко Иона: от тли, Боже, возведи мя.

Святая великомученице Анастасие, моли Бога о нас.

Святых мученик следящи терпеливно Христа ради подвиги, и тех потребам служащи, и гноения, преподобная, отирающи, обогатилася еси пресветло, тех сияющи благославием. (Дважды)

Слава: Капли врачеваний изливаеши тучами божественных дарований, и страстей реки воспрятуеши, и помоществуеши люте бедствующим, всеславная мученице Христова, Божественнаго Воскресения тезоименитая.

И ныне: Исцеляя человеческое естество, древним преступлением истлевшее, без тли нов раждается Младенец, и в Твоих недрех, яко на престоле, седит, Безневестная, Отеческаго не оставль соседения Божеством.

Господи помилуй. (Трижды.) Слава, и ныне.

Кондак, глас 2

Во искушениих и скорбех сущии, к твоему храму притекающе, приемлют честная дарования от живущия в тебе божественныя благодати, Анастасие, ты бо присно миру точиши исцеления.

Икос

Воскресения Христова тезоименита сущи, падша мя ныне воскреси молитвами твоими, от чудес твоих каплю искапавши, мученице, души моей и запаления лютаго греха угашающи. Мир бо спасаеши от страстей многообразных всегда, имиже и аз искушаемь есмь: ты бо, всем вся подающи, миру точиши исцеления.

Песнь 7

Ирмос: Отроцы еврейстии в пещи попраша пламень дерзновенно и на росу огнь преложиша, вопиюще: благословен еси, Господи Боже, во веки.

Святая великомученице Анастасие, моли Бога о нас.

Огнь испепелила еси лестный, якоже дети, пламени приобщившися, показоваше тепло рачение, богомудрая, егоже к твоему стяжала еси Владыце и Жениху. (Дважды)

Слава: Тучи проливаеши врачеваний, уставляющи паление недугов, и люди присно устрояеши песнопети: благословен еси, Господи Боже, во веки.

И ныне: Чудо, мысль удивляющее, совершаемое в Тебе, Дево Мати: родити имаши Бога и в яслех восклонити, Херувимом неприступнаго и невместимаго естеством.

Песнь 8

Ирмос: Богоглаголивии отроцы, в пещи со огнем пламень попирающе, пояху: благословите, дела Господня, Господа.

Святая великомученице Анастасие, моли Бога о нас.

Храм Троицы показалася еси в божественных храмех, молитвами и пощении, Анастасие, упражняющися, благословите, взывающи, дела Господня, Господа. (Дважды)

Слава: Крепчайшими словесы Хрисогона, страстотерпице, укрепльшися, идолов немощное попрала еси суровство, доблественне пострадавши.

И ныне: О Боговместимая Отроковице! Родиши Младенца, Творца веков и неизменнаго Господа, в Вифлееме граде за неизреченную милость.

Песнь 9

Ирмос: Воистинну Богородицу Тя исповедуем, спасеннии Тобою, Дево чистая, со безплотными лики Тя величающе.

Святая великомученице Анастасие, моли Бога о нас.

День веселия приношает ти тварь, Анастасие, память прославляющи, Егоже прославила еси, Слова, твоими кровьми. (Дважды)

Слава: Светом чистейшим ныне осияема, молитвами твоими просвещатися свыше всем нам проси, мученице благодарная.

И ныне: Светло вся тварь ныне да радуется: Богородица родити грядет от Бога Бога Слова, Человека бывшаго.

Фото иконы: http://days.pravoslavie.ru/Images/im2129.htm

< Предыдущая		Следующая >

Обновлено 03.12.2012 16:50