Преподобные Зосима и Савватий Соловецкие
(8 / 21 августа)
Согласно Житию, Саватий принял постриг в Кирилловом Белозерском в честь Успения пресвятой Богородицы монастыре (возможно, был учеником прп. Кирилла Белозерского († 1427)). В этой обители Савватий прожил много лет, снискав любовь братии и настоятеля послушанием, кротостью и смирением. Тяготясь похвалами, Савватий испросил благословение игумена и перешел в Спасо-Преображенский Валаамский монастырь, известный особой строгостью устава. На Валааме Савватий провел в иноческих подвигах «немало время». Возможно, здесь его учеником стал будущий Новгородский архиепископ свт. Геннадий (Гонзов), в середине 80-х - начале 90-х гг. XV в. рассказавший Досифею: «Саватие, началник вашь, старець ми был, аз у него в послушании бых немало время и вем достойна житием старца велика и свята». В некоторых списках краткой редакции Жития Зосимы, созданных на рубеже 40-х и 50-х гг. XVI в., прямо сообщается, что свт. Геннадий был учеником Савватия в Валаамском монастыре. Однако и на Валааме преподобный слышал много похвал в свой адрес, из-за чего он решил удалиться на безлюдный Соловецкий остров в Белом море. Игумен Валаамского монастыря не пожелал отпустить Савватия, чтобы не лишать братию образца иноческой жизни. Тогда Савватий тайно покинул монастырь и достиг устья реки Выг. У часовни на реке. Сороке (рукав реки Выг) он встретил прп. Германа Соловецкого, который уже бывал на Соловках и согласился сопровождать туда Савватия.
В карбасе иноки переправились на Соловецкий остров и, найдя удобное место в версте от берега, невдалеке от горы и возле озера Долгого, построили 2 кельи (в северной части острова на губе Сосновой; впоследствии на месте их поселения возник скит, названный Савватиевским). Согласно «летописцу соловецкому» нач. XVIII в., иноки прибыли на Соловки в 6937 (1428/29) г. (В памятниках выговской книжной традиции прибытие Савватия и прп. Германа на Большой Соловецкий остров отнесено к 6928 (1420) г.
Как повествует Житие, вслед за преподобными на Соловки приплыла семья карел, не желавших уступать остров монахам. Карелы поселились на острове и занимались рыбной ловлей, но иноки не знали о них. Однажды во время заутрени Савватий услышал громкие крики и послал прп. Германа разузнать, в чем дело. Прп. Герман встретил плачущую женщину, которую, по ее словам, высекли прутьями 2 ангела в образе светлых юношей, сказав, что это место предназначено для монашеской жизни и здесь будет иноческая обитель (в память об этом событии гора впоследствии была названа Секирной).
Несколько лет пустынники прожили на Соловецком острове, после чего Герман отправился на материк ради хозяйственных нужд, где ему пришлось задержаться почти на 2 года. Савватий, оставшись один, подвизался еще усерднее и получил свыше извещение о близкой кончине. Желая перед смертью причаститься Святых Христовых Таин, он на лодке приплыл к часовне в устье реки Выг. Там он встретил игумена Нафанаила, посещавшего местных христиан, который исповедал его и причастил.
Когда Савватий после причастия молился, в келью к нему вошел купец Иван, плывший из Новгорода. Купец хотел подать старцу милостыню и был огорчен отказом преподобного. Желая утешить его, С. предложил Ивану остаться на берегу до утра и стать причастником благодати Божией, а утром безопасно отправиться в путь. Иван не послушал его совета и уже собирался отплыть, как вдруг началась сильная буря. Ужаснувшись своему неразумию, Иван остался ночевать на берегу, а утром, когда вошел в келью к старцу, увидел, что Савватий скончался. Святой сидел на скамье, келья была наполнена благоуханием. Иван и игум. Нафанаил похоронили Савватия у часовни в устье Выга.
В Житии год смерти Савватия не указан, сообщается, что святой скончался 27 сентября. Год смерти Савватия соловецкие летописцы определяют по-разному: «Летописец» кон. XVI в. относит кончину святого к 6944 (1435) г., «Летописец соловецкий» нач. XVIII в.- к 6943 (1434) г.. (В соловецкой книжной традиции встречаются и другие даты преставления Савватия, которые следует признать менее достоверными, напр., 6939 (1430) г. в «кратком соловецком летописце черного дьякона Иеремии».
Через год после кончины Савватия (т. е., вероятнее всего, в 1436) на Соловки вместе с прп. Германом приплыл Зосима, ставший основателем монастыря. Как сообщается в волоколамской редакции Жития, Зосима родился в с. Шуньга на Онежском озере (ныне деревня Шуньга Медвежьегорского района Карелии, в 45 км юго-восточнее Медвежьегорска), родители его пришли туда из Новгорода. В более поздних редакциях Жития, созданных не ранее середины XVI в., и в «Летописце соловецком» нач. XVIII в. местом рождения святого названо с. Толвуй, также находящееся на Онежском озере (ныне деревня Толвуя Медвежьегорского района, в 20 км от Шуньги).
Родители святого - Гавриил и Варвара - были людьми благочестивыми и обучили Зосиму. чтению Священного Писания. Зосима избегал детских забав, а когда достиг юношеского возраста, принял монашество. Место его иноческого пострига не названо в Житии, но из текста следует, что, приняв монашество, Зосима оставался жить в родном селе, т. е., вероятно, он был пострижен священноиноком, служившим в ближайшей приходской церкви.
Будучи монахом, Зосима тяготился жизнью в миру. Ему случилось встретить прп. Германа, рассказавшего о Савватии и Соловецком острове. Вскоре скончались родители преподобного (в волоколамской редакции говорится о смерти отца Зосимы и о том, что мать его по совету сына приняла монашество). Раздав имущество бедным, Зосима вместе с прп. Германом отправился на Соловки. Прибыв на Соловецкий остров, иноки остановились невдалеке от того места, где сейчас находится монастырь. Согласно Житию, Зосима имел видение: луч света осиял его, а на востоке он увидел в воздухе прекрасную церковь. Прп. Герман напомнил Зосиме. о словах ангелов, изгнавших с острова семью карел, что это место предназначено для пребывания иноков.
В 1-ю же зиму Зосима остался на острове один, т. к. прп. Герман отправился на материк, чтобы приобрести необходимое для устроения монастыря, и не сумел из-за сильных ветров вернуться. Тогда отшельнику пришлось претерпеть многочисленные жестокие нападения нечистых духов, старавшихся изгнать его с острова. Святой побеждал их молитвой. Некоторое время спустя Зосима обнаружил недостаток съестных запасов и был этим весьма смущен, но, как и прежде, положился на помощь Божию. В скором времени к нему пришли 2 мужа, которые привезли с собой санки, полные хлеба, муки и масла. Они сказали, что идут в море на промысел, и попросили, чтобы святой оставил снедь у себя и использовал, если будет нужда. Зосима долгое время хранил припасы, но не дождался возвращения этих людей и понял, что помощь была послана ему от Бога.
Весной на остров вернулся прп. Герман, вместе с ним приплыл Марк (см. Макарий, прп., Соловецкий), искусный рыболов, постепенно прибывали другие подвижники. Вместе они построили кельи, срубили небольшую церковь и пристроили к ней трапезную. После этого Зосима послал одного из братии в Новгород к архиепископу св. Ионе (1459-1470) с просьбой благословить освящение церкви и прислать им игумена. Святитель выполнил их просьбу: дал им антиминс и прислал игум. Павла, который освятил церковь в честь Преображения Господня. Согласно волоколамской редакции Жития Зосимы, в то время братия состояла из 22 человек. Жители Беломорья и слуги новгородцев («болярстии людие и приказници раби»), узнав о создании монастыря, стали приходить на остров, чтобы изгнать иноков из владений новгородских бояр. Приходили сюда и карелы-рыболовы, считавшие Соловки своей вотчиной. Не вынеся тягот такой жизни, игумен Павел вернулся в Новгород. На его место был прислан игум. Феодосий, но и он недолго пробыл на острове и возвратился на материк. Тогда было решено избрать игумена из числа соловецких насельников. Выбор братии пал на основателя монастыря, который вопреки своему желанию вынужден был отправиться в Новгород для принятия священнической хиротонии и для поставления в игумены. В Новгороде святой получил значительные пожертвования для монастыря от архиепископа и бояр, многие из которых обещали обители покровительство. Когда после возвращения в монастырь Зосима служил литургию, лицо его просветилось и церковь наполнилась благоуханием. По окончании литургии произошло чудо с просфорой, которой игумен благословил приезжих купцов. По пути из церкви к своей ладье они выронили просфору. Когда же Зосима послал одного из братии пригласить купцов на обед, тот увидел, что пес, бежавший впереди него, наскакивает на какой-то предмет, от которого исходит пламя и отгоняет пса. Когда инок подошел ближе, то обнаружил просфору со службы игумена.
Как рассказывается в Житии, братия в монастыре умножалась, и уже не хватало места ни в церкви, ни в трапезной. Тогда по повелению Зосимы были построены новая соборная церковь Преображения Господня и новая трапезная с церковью Успения Пресвятой Богородицы. По-видимому, тогда же была построена и церковь во имя святителя. Николая Чудотворца, хотя упоминание об этом в Житии отсутствует.
Через несколько лет настоятельства Зосима получил послание от игумена и братии Кириллова Белозерского монастыря, в котором содержался совет перенести в Соловецкий монастырь мощи Савватия. Отправившись на Выг, Зосима обрел на реке Сороке нетленные мощи Савватия и, вернувшись с ними в монастырь, совершил их погребение за алтарем Успенской церкви, поставив там надгробную часовню с иконами Спасителя и Пресвятой. Богородицы и образом Савватия, который привезли из Новгорода купец Иван и его брат Федор. Перенесение мощей сопровождалось многими исцелениями. Дата перенесения мощей Савватия в Житии не указана. Как сообщается в житии, Зосима каждую ночь приходил в надгробную часовню Савватия, молился Богу, Пресвятой Богородице и Савватию, прося святого быть наставником ему и молитвенником за братию.
Вскоре игумену пришлось во второй раз совершить путешествие в Новгород, чтобы просить защиты у архиепископа от слуг новгородских бояр, которые продолжали притеснять монахов, надеясь изгнать их с острова. Архиепископ Иона и знатные новгородцы, к которым обращался Зосима, обещали ему покровительство. На новгородском вече, созванном архиепископом Ионой, было решено пожаловать «обитель святого Спаса и святого Николы» всеми островами Соловецкого архипелага. Согласно Житию, Зосима вручили жалованную грамоту Новгорода с 8 печатями: архиепископа, посадника, тысяцкого и 5 концов города. Отныне ни бояре новгородские, ни карельские жители не могли заявлять свои права на Соловецкие острова, а всякий приходящий туда на охоту или на рыбную ловлю должен был отдавать в монастырь десятую часть добычи. Жалованная грамота Новгорода Соловецкому монастырю на владение Соловецкими островами сохранилась. На основании упоминания в грамоте степенного посадника Ивана Лукинича и тысяцкого Трифона Юрьевича В. Л. Янин датирует ее мартом начале августа. 1468 г., когда названные лица одновременно занимали свои должности.
С пребыванием Зосимы в Новгороде связано приведенное в Житии предание о его посещениях боярыни Марфы (вдовы посадника И. А. Борецкого). Святой пришел к ней с жалобами на ее слуг, притеснявших Соловецкий монастырь. Марфа велела прогнать инока. Уходя, игумен пророчески предсказал будущее запустение дома Марфы. Видя, каким почтением окружен Зосима в Новгороде, боярыня раскаялась и позвала святого на пир. Оказавшись за столом с почетными гостями, Зосима увидел страшное зрелище: шестеро знатных мужей, сидевших за столом, были без голов. Прошло несколько лет, и видение Зосимы сбылось: в 1471 г. войска великого князя Иоанна III Васильевича разбили новгородцев на Шелони, после чего великий князь повелел отсечь головы 4 старшим боярам и нескольким «их товарищом». Среди казненных был и сын Марфы посадник Дмитрий Исакович. В феврале 1479 г. Марфа вместе с домочадцами была выслана в Москву, оттуда в Нижний Новгород.
О последних годах жизни Зосимы в Житии рассказывается, что святой пребывал в неустанных молитвенных подвигах; он сделал себе гроб, поставил его в сенях своей кельи и каждую ночь плакал над гробом о своей душе. Перед кончиной преподобный призвал к себе братию, завещал им любить друг друга и обещал, что духом будет неотступно пребывать с ними. На игуменство он благословил инока Арсения, заповедав ему хранить церковный устав и монастырские обычаи.
Святой был погребен за алтарем церкви Преображения Господня, в могиле, которую он выкопал при жизни.
АКАФИСТ
Кондак 1
Избраннии угодницы Господни и велицыи чудотворцы, светильницы Христовы Церкве пресветлии, облиставшии благочестия светлостьми пустыни Севернаго Помория, и всей стране Российстей сияющии выну чудес множеством, Преподобнии отцы наши Зосимо, Савватие и Германе, яко имущии дерзновение ко Господу, благоприятными своими к Тому мольбами от всяких нас бед и зол сохраняйте, да радующеся зовем вам:
Радуйтеся, преподобнии отцы наши Зосимо, Савватие и Германе.
Икос 1
Ангели воистину явистеся земнии и человецы небеснии житием вашим, преблаженнии отцы наши Зосимо, Савватие и Германе: во плоти бо, яко безплотнии, ангельское совершисте жительство на земли, вся красоты мира и наслаждения временная яко уметы вменяюще, чистотою же и пощением выну к Богу приближающеся. Емуже ныне достойно со безплотными предстояще, приимите от любве нашея приносимая вам хваления сицевая:
Радуйтеся, Единаго Бога от всея души своея возлюбившии;
Радуйтеся, от юности Тому преподобием и правдою послужившии.
Радуйтеся, возненавидевшии мира сего тленныя красоты;
Радуйтеся, избежавшии мудре житейских соблазнов и суеты.
Радуйтеся, к деланию заповедей Господних всею любовию прилепившиися;
Радуйтеся, мира сего и всякаго пристрастия ко оному удалившися.
Радуйтеся, иноческое житие богоугождения ради себе предызбравшии;
Радуйтеся, тесный и прискорбный путь всею душею возлюбившии.
Радуйтеся, мудрии взыскателие Христа, бисера вожделеннаго и драгаго;
Радуйтеся, люботрднии носителие Христова бремене, легкаго и благаго.
Радуйтеся, ангелом безплотным во плоти бренней подражавшии;
Радуйтеся, на земли жительство небесное нам показавшии.
Радуйтеся, преподобнии отцы наши Зосимо, Савватие и Германе.
Кондак 2
Видя себе, святе Савватие, ради многих своих добродетельных исправлений, всюду в сопребываниих иноческих почитаема и ублажаема, и бегая суетныя мира сего славы, взыскуя же вечнаго воздаяния на небесех, устремился еси ко отоку Соловецкому, да тамо втайне и никимже видимый поработаеши невидимому и вся видящему Богу. Темже и улчив желаемое, блаженным Германом к сему наставляем, радостно возопил еси Богу: Аллилуиа.
Икос 2
Разум неуклонно вперив от утробы матерни к Богу, и горняя выну мудрствуя и взыскуя, дольних же всецело отвергаяся, богомудре Зосимо, поревновал еси житию Преподобнаго Савватия, и во отоце пусте, идеже сей богоугодне соверши подвиги своя, вкупе со блаженным Германом вселился еси, да с ними наследуеши жительство Горняго Иерусалима. Темже благоговейно восхваляюще пустынножития рачительство, зовем вам:
Радуйтеся, любве ради Христовы, любовь в себе к миру поправшии;
Радуйтеся, всякую греховную сладость века сего презревшии.
Радуйтеся, подобницы Аврааму не точию верою и упованием, но и добровольным от рода своего и дома отеческаго преселением;
Радуйтеся, пустыни всекрасная и благозлачная насаждения.
Радуйтеся, безмолвия тщаливейшии рачителие;
Радуйтеся, трудных подвигов пустынных искреннии любителие.
Радуйтеся, в дебрех и горах паче, неже в селех мира, изволившии приметатися;
Радуйтеся, в пустынях непроходимых, едини во трудех и соблюдении заповедей Господних возлюбившии подвизатися.
Радуйтеся, яко злато, искусившиися в горниле пустыннаго озлобления;
Радуйтеся, доблественне претерпевшии от бесов же и от людей многая искушения.
Радуйтеся, пророку Божию Илии и крестителю Господню Иоанну нравом пустыннолюбия подражателие;
Радуйтеся, рустынным отцем единомысленнии сподвижницы и любобезмолвнии купножителие.
Радуйтеся, преподобнии отцы наши Зосимо, Савватие и Германе.
Кондак 3
Силы небесныя, в служение посылаемыя хотящим наследовати спасение, дивно послужиша вам, отцы боголюбивии. Егда бо насельницы мирстии, стужающе безмолвию вама, Савватие и Германе, жити хотяху во острове близ ваю с женами и чады, ангели грозным прещением и наказанием жены рыбаревы воспятиша сих от начинания богопротивнаго: тебе же, отче Зосимо, во озимении пребывавшему кроме брашна, ангельским служением преподашася потребная ко препитанию. Сего ради Богу, спасающему угодники Своя, поим: Аллилуиа.
Икос 3
Имуще оток морский во обителище себе, никимже населяемый, и в нем пребывающе, аки в раи богозданнем, вне мятежей и волнений житейских, и кроме суетных попечений, благочестно и богоугодно подвизастеся, о богоблаженнии, во дни и нощи поучающеся в законе Господни, и на всякий час умом несмущеным и сердцем чистым возносяще усердныя к Богу молитвы и моления. Сего ради радостию вопием вам:
Радуйтеся, в законе Господни непорочно ходити всегда восхотевшии;
Радуйтеся, Господа своего пред очима своима присно имевшии.
Радуйтеся, страхом Господним вся пути своя ограждавшии;
Радуйтеся, в трезвении умнем все житие свое провождавшии.
Радуйтеся, вся помыслы ума в послушание Христово всецело пленившии;
Радуйтеся, чистыя ваша сердца в жилище Святому Духу представившии.
Радуйтеся, не давшии сна очима во всенощных Господеви предстояниих;
Радуйтеся, выну претерпевавшии скорби в поучении смертнем и в сердечных ко Господу воздыханиих.
Радуйтеся, с искреннею любовию подвизавшиися на славословие Божие и псалмопения;
Радуйтеся, сердцем и усты непрестанныя возсылавшии к Богу моления.
Радуйтеся, внутрь сердца своего сокровенное Царствие Божие обретшии;
Радуйтеся, восхождении умными к небесным видением востекшии.
Радуйтеся, преподобнии отцы наши Зосимо, Савватие и Германе.
Кондак 4
Бурю жития сего многомятежнаго безбедно преминусте, отцы Преподобнии, и свирепыя волны страстей же и искушений, от мира и плоти и от духов злобы воздвизаемыя, не погрузиша и не поколебаша корабля душ ваших, ветрилы молитвы непрестанныя окриляемаго, и нестяжанием облегчаваемаго, благодатию же Божиею управляемаго. Темже и достигосте к безмятежному пристанищу живота вечнаго, вопиюще Богу: Аллилуиа.
Икос 4
Слышаще и ведуще от писаний Божественных, яко вси подвизавшиися во благочестии, распинаху плоть свою со страстьми и похотьми, благочестномудренно, о Преподобнии, сих подвигом последствующе, подвизастеся умертвити уды своя сущия на земли, в пощениих, бдениих и во всяких трудех иноческаго жития мужески претерпевающе скорби. Сего ради, яко доблия подвижники благочестия, венчаем вы хвалении сицевыми:
Радуйтеся, телеса своя труды и болезньми воздержания увядившии;
Радуйтеся, вся плотская мудрования, на дух воюющая, духу покорившии.
Радуйтеся, покаянными слезами пламень страстей угасившии;
Радуйтеся, в пещи воздержания душы своя яко злато очистившии.
Радуйтеся, ветхаго человека со страстьми его совлекшиися;
Радуйтеся, одеждею безстрастия и славою нетления достойно облекшиися;
Радуйтеся, возненавидевшии временную греха сладость;
Радуйтеся, наследовавшии на Небеси нескончаемую радость.
Радуйтеся, прежде смерти, миру и сластем его плоть свою распеншии;
Радуйтеся, прежде воскресения, славу будущия жизни в себе проявившии.
Радуйтеся, стезею поста к наследию рая, потеряннаго невоздержанием, путь нам указавшии;
Радуйтеся, в телеси мертвеннем и тленнем безсмертие и нетление будущаго века всем предъявившии.
Радуйтеся, преподобнии отцы наши Зосимо, Савватие и Германе.
Кондак 5
Боготечныя и многосветлыя звезды явилися есте, Преподобнии отцы Зосимо, Савватие и Германе, светозарными исправлении заповедей Господних озаряющии душы и сердца верных, и преплавающым в нощи греховнаго омрачения пучину житейскаго моря указующии благонадежный путь ко блаженному пристанищу Небеснаго Царствия. Темже явившему вы, яко руководители и наставники ко спасению, благодетелю Богу поим: Аллилуиа.
Икос 5
Видевше злокозненнии ненавистницы спасения человеческаго, нечистии дуси тьмы, богоугодное житие ваше, отцы преблаженнии, многообразная воздвигаху на вы искушения и страхования, овогда в мысли и сердце всевающе боязнь и смущение, овогда же преобразующеся; в различная привидения дивиих зверей и гад, с яростию устремляхуся на вы, чающе отвратити от подвига богоугоднаго и изгнати от пребывания пустыннаго: вы же, твердою верою в Бога Промыслителя возмогающе и оружием молитвы и воздержания противу врагов ваших ополчающеся, до конца победисте и низложисте их державу. Сего ради, победительную песнь поюще, взываем к вам:
Радуйтеся, воини духовнии непобедимии;
Радуйтеся, оружницы Христовы добропобеднии.
Радуйтеся, подвижницы, противу козней лукаваго мужески ополчившиися;
Радуйтеся, столпи крепцыи, от нападений вражиих не поколебавшиися.
Радуйтеся, вся стрелы диаволи аки хврастие сокрушившии;
Радуйтеся, вся стужения того и страхования ни во чтоже вменившии.
Радуйтеся, яко во плоти суще, победисте враги безплотныя и невидимыя;
Радуйтеся, яко и во гробех лежаще, низлагаете вражия ополчения.
Радуйтеся, победоносцы славнии, венчаннии от Небеснаго Венцедателя;
Радуйтеся, споборницы доблии ратующым на миродержителя тьмы века сего.
Радуйтеся, яко подвигом вашым ангели удивишася;
Радуйтеся, яко о славе вашей собори верных возвеселишася.
Радуйтеся, преподобнии отцы наши Зосимо, Савватие и Германе.
Кондак 6
Проповеданное от ангел изволение Божие о населении иночествующими отока Соловецкаго исполнися вами, отцы преблаженнии Зосимо, Савватие и Германе: се бо пустыня неплодная и ненаселенная, поты же и слезами вашими обильно напоенная, показася яко вертоград благоцветущий и рай словесный, идеже лицы иночестии, вами благонаученнии, плоды богоугодныя приносяще, поют ангельскую Богу песнь: Аллилуиа.
Икос 6
Возсиясте, отцы богоноснии, светом благочестия, яко светила богосветлая, светоносными лучами ваших подвигов и добродетелей просвещающии всюду. Отонудуже мы, грешнии и тьмою страстей помраченнии, во свете ваших богоугодных деяний текуще ко дню света и спасения, восхваляем вы, поюще сице:
Радуйтеся, ученицы Христови благопослушнии;
Радуйтеся, Владыки своего раби блазии и вернии.
Радуйтеся, трудолюбнейшии винограда Христова делателие;
Радуйтеся, тщаливейшии заповедей Христовых исполнителие.
Радуйтеся, игу Христова смирения и кротости благопокорне рамо свое подклонившии;
Радуйтеся, во след Христа Господа, учившаго о нищете, усердно в нищете и нестяжании последовавшии.
Радуйтеся, по словеси Господа, прешедшии путь временнаго жития сего, стезями прискорбными и тесными;
Радуйтеся, аки дождем, измывшии душы своя токи слезными.
Радуйтеся, краснейшему душ Жениху красоту девства своего сохранившии;
Радуйтеся, во всякой святыни, всеми добрыми делы Тому благоугодившии.
Радуйтеся, Господа своего прославившии в душах ваших и телесех;
Радуйтеся, от Господа по достоянию прославленнии на земли и на Небесех.
Радуйтеся, преподобнии отцы наши Зосимо, Савватие и Германе.
Кондак 7
Хотяй спасти вами многия, Премилосердый Бог яви вас быти не точию наставники сонма иночествующих, но якоже боговещанныя проповедники, возвестившия имя Божие во странах Лапландии. Людие бо, во онех местех обитающии, и не ведевшии дотоле Бога, но прилежавшии весьма идолопоклонению и нечестию, во светлости вашего, о Преподобнии, жития, знамений же и чудес, узреша первую зарю спасительнаго боговедения и благочестия, и от вас научишася воспевати истинному Богу: Аллилуиа.
Икос 7
Дивно и преславно совершивше путь своего спасения, чудную же и боголепную основавше обитель во спасение иночествующим, блаженную восприясте живота своего кончину, приснопамятнии отцы наши, Зосимо, Савватие и Германе: обаче и по смерти вашей, присно живи суще, нас, чад своих, никогдаже оставляете, не духом точию нам присно спребывающе, но и мощи своя цельбоносныя нам предавше, яко сокровище безценное. Сего ради с радостию ублажаем вы, зовуще:
Радуйтеся, добрым подвигом во всем житии своем подвизавшиися;
Радуйтеся, славою и честию от Владыки своего Христа увенчавшиися.
Радуйтеся, яко привременно потрудившеся, в вечный покой внидосте;
Радуйтеся, яко тесным шествовавше путем, к блаженству Царства Небеснаго достигосте.
Радуйтеся, аще и не единокупно, но в равных подвизех подвизавшиися на земли;
Радуйтеся, за равноподвижное житие, радостию и веселием вкупе наслаждающиися на Небеси.
Радуйтеся, во отоце пусте, яко град, обитель иноком основавшии;
Радуйтеся, сонмы иноков о Христе Бозе во оней собравшии.
Радуйтеся, стражи стаду своему приснободреннии, и по днех временныя жизни от дел благотворений не почивающии;
Радуйтеся, сынове Царствия, на Небесех живущии и земных не оставляющии.
Радуйтеся, духом вашим горе со ангелы святыми, и долу с нами грешными присно пребывающии;
Радуйтеся, от честных мощей ваших струи милости на всех источающии.
Радуйтеся, преподобнии отцы наши Зосимо, Савватие и Германе.
Кондак 8
Странную и пречудную, велию же и прекрасную узрев на воздусе явльшуюся церковь, все же место оно, на немже имяше возградитися обитель иноков, видя неизреченным светом осияваемо, ужасом исполнился еси, отче Зосимо, от предивнаго видения. Обаче, Божие во оном откровение поразумев, на созидание обители тебе поощряющее, купно же и грядущую славу места сего прозря, умиленным сердцем и усты воспел еси Богу: Аллилуиа.
Икос 8
Вси правовернии российстии людие, прославляюще ваше святое и равноангельное житие, во всяких нуждах и скорбех притекают к вашей помощи и заступлению, отцы досточуднии: дана бо есть вам от Бога благодать, еже молитися за ны, избавляти же и спасати от всяких бед и зол притекающия к ракам честных мощей ваших, и на всяком месте призывающыя святое ваше имя. Темже, исповедающе чудная ваша благодеяния, благодарственная восписуем вам, зовуще:
Радуйтеся, источницы Божественных дарований неизчерпаемии;
Радуйтеся, милования и любве к людем сосуди неиждиваемии.
Радуйтеся, яко кадило благовонное, о мире молитвы к Богу возносящии;
Радуйтеся, немолчными вашими ходатайствы всякое благословение от десницы Божия на ны низводящии.
Радуйтеся, сущым в скорбех и нуждах известнии помощницы;
Радуйтеся, во обстояниих и напастех скории пособницы.
Радуйтеся, в недузех целители, и в бури страждущым благонадежнии кормчии и избавители;
Радуйтеся, во всяких бедах и искушениих теплии предстатели и утешители.
Радуйтеся, верным, благочестно чтущим вас, на сопротивныя споборницы;
Радуйтеся, всея земли Российския избраннии молебницы и заступницы.
Радуйтеся, на земли и на мори чудеса преславная содевающии;
Радуйтеся, во вся концы призывающым вы скорую помощь независтно простирающии.
Радуйтеся, преподобнии отцы наши Зосимо, Савватие и Германе.
Кондак 9
Всеми Богокрасными лепотами добродетелей украсив себе, прехвальне Зосимо, наипаче явился еси краснейший душею же и телом, достойно помазався священства Божественною мастию. Темже, егда во святем храме совершал еси пред престолом Господним первую Божественную службу, видеша вси лице твое, облистанное светом благодати, яко лице ангелово: весь же храм, во известное свидетельство достоинства твоего, исполнися велия благоухания. Сего ради вси, благодаряще Бога о своем пастыре, радостным сердцем взываху: Аллилуиа.
Икос 9
Ветийственными добровещаньми несть возможно по достоянию воспети и прославити многая и неисчетная, велия же и преславная, и всякое разумение земное превосходящая, совершамая вами, отцы Преподобнии, на всякое время чудотворения. Обаче, да не явимся чрез немотствование подобни рабу, сокрывшему сокровище своего Владыки, от уст, аще и не обученных и слова премудрости отнюд не имущих, любовию же точию и благодарением движимых, дерзаем простирати песнь благодарения в память и прославление чудес ваших, зовуще сице:
Радуйтеся, чудотворцы великоименитии и благославнии;
Радуйтеся, душ и телес врачеве немздоприемнии.
Радуйтеся, очеса слепых благодатию Божиею просвещающии;
Радуйтеся, немотою связанныя уста ко благоглаголанию разрешающии.
Радуйтеся, расслабленных удесы исправляющии неможение;
Радуйтеся, хромым дарующии правохождение.
Радуйтеся, плененных предстательством своим от уз и пленения свобождающии;
Радуйтеся, мертвыя силою Божиею, вашим же умолением воскрешающии.
Радуйтеся, во всяких страстех и недузех совершающии благодатное исцеление.
Радуйтеся, томимым во обстояниих и напастех дарущии мир и духовное просветление;
Радуйтеся, идущим во след Господа путем тесным и прискорбным подающии божественное вспоможение.
Радуйтеся, Преподобнии отцы наши Зосимо, Савватие и Германе.
Кондак 10
Спасения подвиг добре совершив, жития же сего временнаго отрешаяся и отходя к животу вечному и блаженному, Зосимо богоблаженне, утешал еси ученики твоя, глаголя яко, разлучаяся с ними телесне, не отступен будеши от них и обители твоея твоим духом. Отонудуже и самеми делы слово твое исполняяй являешися, не точию невидимо соприсутствуя нам и назирая вся, но и видимо многажды, вкупе со блаженным Савватием и досточудным Германом, являяся во время благопотребно призывающым вас в помощь и вопиющим Богу: Аллилуиа.
Икос 10
Стена необоримая и покров твердый, спасения забрало и оружие победы быша нам, отцы Преподобнии, теплые ваша к Богу молитвы, в день брани оныя лютыя, егда, по грехом и беззаконием нашым, врази крепцыи и бранноискуснии со огнем и мечем нападоша на ны в достоянии вашем, во еже сокрушити святыни ваша и положити я в разорение и попрание, духовная же чада ваша победити и погубити смертию безгодною; обаче, никоеже зло возмогше сотворити, сами наипаче тии исполнишася студа и безчестия, уповающии же на помощь вашу препоясашася радостию и веселием о своем спасении. Благодаряще убо о сем Бога, исповедуем купно ваше ходатайство и застпление, и вопием вам тепле из глубины души:
Радуйтеся, пастырие добрии, от врагов губительных стадо свое защищающии;
Радуйтеся, яко орли под крилома своима птенцы своя покрывающии.
Радуйтеся, покровом молитв своих в день брани нас осенившии;
Радуйтеся, гнев Божий, праведно на ны движимый, ходатайством своим утолившии.
Радуйтеся, не давшии своего достояния в попрание и расхищение;
Радуйтеся, паче надежды сохранившии е от огненнаго запаления.
Радуйтеся, уповающыя на вы от губительства смертнаго свободившии;
Радуйтеся, от раны и язвы, от уз и пленения дивно тех сохранившии.
Радуйтеся, врагов гордыню и дерзновение обратившии в студ им и безчестие;
Радуйтеся, ны, жительствующия в обители вашей, неискусобранныя и безоружныя, одеявшии в радость и веселие.
Радуйтеся, веры и благочестия отеческаго неусыпнии охранители;
Радуйтеся, за отечество явльшиися и по смерти мужественнии воители.
Радуйтеся, преподобнии отцы наши Зосимо, Савватие и Германе.
Кондак 11
Песни хвалебныя и моления всеумиленная приносяще, долготу же путную и опасности моря ни во чтоже вменяюще, притекают к цельбоносным мощем вашим царие и князи, святители и вельможи, богатии и убозии, ближнии и дальнии, всяк возраст и пол, и всякое верных совокупление, и яко от неистощимаго источника, по коегождо своей потребе, приемлюще обильная врачевания душевная же и телесная, прославляют и величают Бога, таковую благодать вам даровавшаго, поюще: Аллилуиа.
Икос 11
Светом Божественныя благодати, в недрех земли, в предивных знамениих и чудесех, от первых дней упокоения возблиставшия ваша мощи, достодолжно и праведно лицы иночестии, от многолетнаго покровения изнесше, поставиша со благоговением на свещнице церковнем, во храме, имени вашему созданнем, благочестием великаго и святаго подражателя ваших подвигов, исповедника и мученика, Святителя и первопрестольника Российскаго Филиппа. И мы ныне, благочестно о славе вашей веселящеся, обстояще честныя раки мощей ваших и любезно тыя облобызающе, велегласно зовем вам:
Радуйтеся, светильницы пресветлии, на свещнице церковнем преславно поставленнии;
Радуйтеся, кивоти честнии, не камением и златом, но благодати дарованьми украшеннии.
Радуйтеся, яко три звезды, озаряющии тьму полунощную;
Радуйтеся, яко три столпа, в пределех Севернаго Помория утверждающии веру православную.
Радуйтеся, источницы райстии, моря чудес изливающии;
Радуйтеся, бисерие дражайшии, Церковь Христову украшающии.
Радуйтеся, благочестия и добродетели светлейшая зерцала;
Радуйтеся, Церкви и Отечества необоримая забрала.
Радуйтеся, райскаго исполнения крини благовоннейшии;
Радуйтеся, лозы Божественныя розги благоплодейшия.
Радуйтеся, отцы всеблаженнии, прославляемии горе от Бога и ангел, и долу ублажаемии от человек;
Радуйтеся, яко радость ваша, святая и совершенная, пребывает во век.
Радуйтеся, преподобнии отцы наши Зосимо, Савватие и Германе.
Кондак 12
Благодать свою Божественную, в телесех ваших обитающую, яви иногда Преблагий Бог благоговейному иноку Иосифу во образе двух столпов огнезрачных, от земли до небес над гробы вашими возносящихся и сияющих светом неизреченным: воистинну бо вы есте, отцы Преподобнии, духовнии светозарнии столпи, светлостию высоких добродетелей и светом богознания, знамений же и чудес, озарившии пресветло духовную тьму во странах полунощных. Сего ради Богу, прославляющему святыя Своя, поим: Аллилуиа.
Икос 12
Поюще в песнех подвиги и труды вашего богоугоднаго жития, преславная же содеяная и содеваемая во всяком роде благотворения и чудотворения восхваляюще и прославляюще, недоумеем, отцы досточуднии, како вас по долгу возименуем: многия бо суть ваша добродетели и дарования, сего ради многая приличествуют вам и именования. Обаче, во многих малыми удовляющеся, сия вам с любовию восписуем:
Радуйтеся, ангели земнии, яко ангельским жительством на земли пожисте;
Радуйтеся, человецы небеснии, яко земнородни суще, возненавидесте земная, небесная же возлюбисте.
Радуйтеся, постницы терпеливейшии, в приснем пощении все житие свое проводившии;
Радуйтеся, пустынницы достохвальнии, в пустынях незаходимых Господеви послужившии.
Радуйтеся, учителие и наставницы, руководящии своими делы на пути спасения;
Радуйтеся, вожди духовнии, многих души возводящии в Небесная селения.
Радуйтеся, мучеником единонравнии, яко мужески бравшиися со страстьми;
Радуйтеся, апостолом подражателие, просветившии тьму неверия боговедения светлостьми.
Радуйтеся, пророком подобницы, тайных и будущих проведением и проречением;
Радуйтеся, всем святым единочестнии, подвигов ради и богоугождения.
Радуйтеся, таинницы благодати и чудес совершителие предивнии;
Радуйтеся, граждане небеснии и друзи Богу и святым Его приснии.
Радуйтеся, преподобнии отцы наши Зосимо, Савватие и Германе.
Кондак 13
О Преподобнии отцы наши, Зосимо, Савватие и Германе! Приимите благоутробно от нас смиренных и недостойных сия возносимая вам хваления, и благоприятными вашими к Богу мольбами оградите ны от всякия беды и напасти, от недуга и глада, от огня и меча, и нашествия иноплеменных и междуусобныя брани. Наипаче же сохраните ны вашим заступлением крепким от врагов невидимых, ищущих ны погубити, да избывше их многокозненных сетей, праведно и богоугодно поживем в нынешнем веце, и сподобимся в Небеснем Царствии купно с вами воспевати Христу Богу: Аллилуиа, аллилуиа, аллилуиа.
(Этот кондак читается трижды, затем икос 1 и кондак 1)
МОЛИТВА
(Преподобным Зосиме и Савватию Соловецким)
О Преподобнии и Богоноснии отцы наши Зосимо и Савватие, земнии ангели и небеснии человецы, ближнии друзи Христовы и угодницы Божии, обители вашея славо и украшение, всея же северныя страны, паче и всего православнаго отечетва нашего необоримая стено и великое заступление! Се мы, недостойнии и многогрешнии, с благоговейною любовию ко святым мощем вашим припадающе, духом сокрушенным и смиренным прилежно молим вас: молите непрестанно благосердаго Владыку и Господа нашего Иисуса Христа, яко дерзновение велие к Тому имущии, да не отступит от нас Его вседействующая благодать, покров же и заступление Пресвятыя Владычицы нашея Богородицы на месте сем да пребудет, и да не оскудеют никогдаже истиннии ревнители ангельскаго жития во святей обители сей, идеже вы, богоноснии отцы и начальницы, безмерными труды и пощеньми, токи же слезными и всенощными бдении, непрестанными молитвами и моленьми начало иноческому житию положисте. Ей, угодницы святии, молитвенницы к Богу благоприятнейшии, теплыми вашими к Нему мольбами оградите и сохраните ны и святое селение сие ваше от труса, потопа, огня и меча, нашествия иноплеменных и смертоносныя язвы, от вражды и всяких нестроений, от всякия беды и скорби и от всякаго зла: да непрестанно на месте сем, в мире и безмолвии, благочестно славится Пресвятое имя Господа и Бога, и обретают вечное спасение ищущие Его. О преблаженнии отцы наши, Зосимо и Савватие! Услышите ны грешныя, во святей обители вашей и под кровом вашего защищения недостойно жительствующыя, и благомощными вашими к Богу ходатайствы испросите душам нашым грехов оставление, жития исправление и вечных благ восприятие в Небеснем Царствии: всем же верующим, иже на всяком месте и во всякой нужде призывают вас в помощь и заступление, и иже с благоговейною любовию во обитель вашу притекают, не престаните изливати всякую благодать и милость, сохраняюще их от всякия сопротивныя силы, от всякия напасти и от всякаго злаго обстояния, и подающе им вся потребная к душевней и телесней пользе. Наипаче же молите премилосердаго Бога, да утвердит и укрепит Церковь Свою святую и все наше православное Отечество в мире и тишине, в любви и единомыслии, в правоверии и благочестии да сохранит и соблюдет во веки веков. Аминь.
ТРОПАРЬ
Тропарь, глас 8
Яко светильницы явистеся всесветлии во отоце окияна моря, преподобнии отцы наши Зосимо, Савватие и Германе, вы бо крест Христов на рамо вземше, усердно Тому последовасте и, чистотою Богови приближившеся, отунудуже силами чудес обогатистеся. Темже и мы любезно притекаем к ракам честных мощей вашых и умильно глаголем: о, преподобнии, молите Христа Бога спастися душам нашим.
КАНОН
(Преподобным Зосиме и Савватию Соловецким)
Тропарь, глас 8-й
Яко светильницы явистеся всесветлии, во отоце окиана моря, преподобнии отцы Зосимо и Савватие: вы бо крест Христов на рамо вземше, усердно Тому последовасте, и чистотою Богови приближившеся, отонудуже силами чудес обогатистеся. Тем и мы любезно притекаем к ракам честных мощей ваших, и умильно глаголем: о, преподобнии, молите Христа Бога, спастися душам нашим.
Канон, глас 2-й
Песнь 1
Ирмос: Грядите, людие, поим песнь Христу Богу, раздельшему море и наставльшему люди, яже изведе из работы египетския, яко прославися.
Припев: Преподобнии отцы наши Зосимо и Савватие, молите Бога о нас.
Просвещением Трисолнечнаго Божества, озарившеся, премудрии, светила явистеся осиявающа всюду: тем и нас темностию страстей омраченных, просвещением благодати озарити помолитеся, и душам получити спасения.
Преподобнии отцы наши Зосимо и Савватие, молите Бога о нас.
Светом Божественныя благодати просвещаеми, Зосимо и Савватие преблаженнии, верно светоносную вашу память торжествующих, просветите, и от тьмы греховныя, молитвами своими, преподобнии, избавите.
Слава: Духу Святому храм премудрии бысте, и к Нему все духовное желание обратисте, и сего ради кротких землю наследовасте: душевную нашу страстную бурю преподобнии укротите, да в тишине божественней бывше, песнословим ваша подвиги.
И ныне: Лютыми страстей наветы, обуреваемь есмь, Отроковице, и прилоги греховными погружаемь: к Твоему единому тихому и невлаемому пристанищу любовию прибегаю, Всепетая, ущедрив спаси мя, Приснодево.
Песнь 3
Ирмос: На камени мя веры утвердив, разширил еси уста моя на враги моя, возвесели бо ся дух мой, внегда пети: несть свят, якоже Бог наш, и несть праведен, паче Тебе, Господи.
Преподобнии отцы наши Зосимо и Савватие, молите Бога о нас.
Высотою смирения украшаеми, Зосимо и Савватие преподобнии, и все убо желание ко Владыце своему простросте, яростная же движения на враги вооружисте, со изрядными делы своими, постом и молитвами.
Преподобнии отцы наши Зосимо и Савватие, молите Бога о нас.
Плотей своих востания, крепким пощением преподобнии умертвивше, обителище бысте Владычне: Егоже умолите избавитися скорбей и мучительства страстей, с верою притекающим к вам, преблаженнии.
Слава: Имущи споспешествующу Божественную силу, исцеления безчисленная источают мощи ваша, Зосимо и Савватие преподобнии: отгоняют от человек болезни телесныя, и душевныя страсти врачуют, подвиги вашими всечестнии.
И ныне: Труждает мя буря греховная, и возмущение безместных помышлений: умилосердися, Всенепорочная, и руку ми помощи яко милостива простри, яко да спасся величаю Тя.
Господи, помилуй (трижды).
Седален, глас 4-й
Житейское море воздержанием безбедно преплывше, и ко пристанищу мысленному безстрастия радующеся доидосте, преподобнии отцы Зосимо и Савватие, Богомудрии и преблаженнии: молите Христа Бога, спастися душам нашим.
Песнь 4
Ирмос: Пришел еси от Девы, не ходатай, ни Ангел, но Сам, Господи воплощся, и спасл еси всего мя, человека. Тем зову Ти: слава силе Твоей, Господи.
Преподобнии отцы наши Зосимо и Савватие, молите Бога о нас.
Умом и душею предочистившеся преподобнии, прелесть душепагубную всеконечне от себе отвергше, и чувства своя к немутней тишине управисте, во оток морский премудрии вселистеся, воспевающе: слава силе Твоей Господи.
Преподобнии отцы наши Зосимо и Савватие, молите Бога о нас.
Законы новыми и Ветхим Заветом, разума святых поучающеся, Зосимо и Савватие преподобнии: всякия добродетели образ навыкше, мудрей пчеле подобящеся, и приятелище изрядно Духу Святому премудрии бысте, воспевающе: слава силе Твоей Господи.
Слава: Всяческими, преподобнии, светящеся чудодействы, и Божественною озаряеми благодатию, всем познастеся сокровище исцелений неистощимо, страстей отгоняете омрачение, и вражия низлагаете ополчения, воспевающе: слава силе Твоей Господи.
И ныне: Из утробы Твоея Чистыя Отроковице, возсияв Божественное Солнце, иже сущих во тьме многобожия просвети, и в сени смертней седящих, Владычице, осия, Емуже воспевающе зовем: слава силе Твоей Господи.
Песнь 5
Ирмос: Просвещение во тьме лежащих, спасение отчаянных, Христе Спасе мой, к Тебе утреннюю, Царю мира, просвети мя сиянием Твоим, иного бо разве Тебе Бога не знаю.
Преподобнии отцы наши Зосимо и Савватие, молите Бога о нас.
Тесный предпочетше, пространному пути преподобнии: и радующеся, во отоце морстем всячески утесняеми, претерпесте, божественными поучении души своя очщающе, и доброту Божию неизглаголанную, присно взирающе преблаженнии.
Преподобнии отцы наши Зосимо и Савватие, молите Бога о нас.
Незлобиви и кротцы и милостиви преподобнии бысте: темже благодать и милость от Бога свыше приемше, милостивно нас просвещайте, любовию святую память вашу почитающих.
Слава: Яко великое солнце, величием подвиг ваших возсиясте нам, Зосимо и Савватие преподобнии, земныя осиявающе концы, и вся просвещающе светом богоразумия. Тем молим вы, просветите наш разум, отцы преблаженнии.
И ныне: От множества востающих на ны, в болезни исчезе живот наш, погрязохом в пропасти безчисленных согрешений. Спаси ны, Владычице, и возведи яко милостива, Всенепорочная: Тебе бо имамы едину Предстательницу непобедиму, раби Твои.
Песнь 6
Ирмос: В бездне греховней валяяся, неизследную милосердия Твоего призываю бездну: от тли, Боже, мя возведи.
Преподобнии отцы наши Зосимо и Савватие, молите Бога о нас.
Евангельски преподобнии Христа возлюбльше, мира отвратистеся, в непроходимыя же, и в пустыя отоки зашедше, Единому Владыце своему прилепистеся: от Негоже и трудом воздаяние приемше, животу вечному яве причастившеся, за поющия вы молитеся.
Преподобнии отцы наши Зосимо и Савватие, молите Бога о нас.
Богомудрыми помыслы преудобрившеся, преподобнии, и вся яже на земли льстящая, яко уметы вменивше, к нестареющему преставистеся блаженству, с лики во свете Безплотных Сил, о Бозе присно сликовствующе, преблаженнии.
Слава: Странна и преславна, преподобнии, о Бозе содевающе чудеса, всем иже в мори плавающим, и зле страждущим, призываеми, скоро предстаете, от бед избавляюще: и нас бедствующих люте, и напастьми одержимых, милостивно представше спасайте, преблаженнии.
И ныне: Греха тяжкое бремя, еже отяготе на мне, Пречистая, облегчи: Ты бо еси Предстательница грешником преславная, Избавителя и Спаса рождши земным.
Господи, помилуй (трижды). Слава, и ныне:
Кондак, глас 2-й
Христовою любовию уязвившеся, преподобнии, и Того крест на рамо вземше понесли есте, божественне вооружившеся на невидимыя враги, и непрестанныя молитвы яко копие в руках имуще, крепко победили есте бесовская ополчения: благодать Господню приемше целити недуги душ и телес, притекающих к ракам честных мощей ваших, чудес лучи испущаете всюду. Тем зовем вам: радуйтеся, преподобнии отцы Зосимо и Савватие, монахом удобрение.
Икос
Кто доволен изрещи ваших чудодеяний, преподобнии отцы Зосимо и Савватие, мы убо радостию и Божественною любовию почитающе всехвальную и всечестную память вашу, малое сие пение приносим: радуйтеся, исполненнии Христовы красоты, и пресветла от Него и преизобильна восприимшии воздаяния: телесы убо вас морский остров прият, души же самое небо, почести трудов своих, прехвальнии, восприемше от Христа всех Царя и Бога. Тем молим вы, посещайте милостивно, и молите непрестанно о всех нас.
Песнь 7
Ирмос: Образу златому, на поле Деире служиму, трие Твоя отроцы небрегоша безбожнаго веления, посреде же огня ввержени, орошаеми, пояху: благословен еси, Боже отец наших.
Преподобнии отцы наши Зосимо и Савватие, молите Бога о нас.
В молитвах бодренное, и в пощениих крепкое, и терпение во искушениих неослабное, ума чистотою, преподобнии, показасте, и земных достойно отступльше, небесное наслаждение обретосте, воспевающе: благословен Бог отец наших.
Преподобнии отцы наши Зосимо и Савватие, молите Бога о нас.
Плод духовный, и жертву непорочную, житие свое, преподобнии, Владыце принесосте, в воздержании бо всяцем пожисте, от Негоже и почести трудом яко подвигоположницы восприемше, действуете преславная чудеса, воспевающе: благословен Бог отец наших.
Слава: Страстьми колеблющихся, и бурею греховною, преподобнии, погружаемых, яко великое к Богу дерзновение имуще, руководствуйте, и всегда, премудрии, сохраняйте, почитающих вас благочестно, яко да воспеваем: благословен Бог отец наших.
И ныне: Избави нас от напастей и скорбей, и печалей различных, и иноплеменных нашествия, и междоусобныя брани, Владычице Всепетая, яко да Тя славим, и Сыну Твоему взываем: благословен Бог отец наших.
Песнь 8
Ирмос: Пещь иногда огненная в Вавилоне действа разделяше, Божиим велением халдеи опаляющая, верныя же орошающая, поющия: благословите, вся дела Господня, Господа.
Преподобнии отцы наши Зосимо и Савватие, молите Бога о нас.
В пребывалища присно живущая вселистеся, преподобнии, нетленных благ наслаждающеся, и Трисолнечныя Светлости исполняющеся, нас, призывающих вы, теплым предстательством вашим, от всех лютых спасайте поющих: благословите, вся дела Господня, Господа.
Преподобнии отцы наши Зосимо и Савватие, молите Бога о нас.
Нам иже любовию почитающим вас, и честное ваше совершающим торжество, Христовы угодницы Зосимо и Савватие, преподобнии отцы, согрешением испросите оставление, и страстей пременение, и Божественнаго света осияние поющим: благословите, вся дела Господня, Господа.
Слава: О Пребезначальное Естество, и Трисоставное Единство, Отче и Сыне и Душе Пресвятый, приими от нас молитвенники Твоя преподобныя угодники, и подаждь прегрешением разрешение, и житию исправление, и злых отчуждение, и сподоби ны в мире воспевати Твою державу: благословите, вся дела Господня, Господа.
И ныне: Яко Едина рождши безсеменным рождеством Христа Бога, Мати Безневестная Чистая, Сего милостива сотвори, Владычице, спасти рабы от насилия и мучительства вражия, вопиющих Христови Сыну Твоему: благословите, вся дела Господня, Господа.
Песнь 9
Ирмос: Безначальна Родителя Сын, Бог и Господь, воплощся от Девы, нам явися, омраченная просветити, собрати расточенная. Тем Всепетую Богородицу величаем.
Преподобнии отцы наши Зосимо и Савватие, молите Бога о нас.
Выспрь к Богу имуще мысль, Зосимо и Савватие преподобнии, земная оставльше, небесная восприясте, Богу и Спасу вас вельми прославльшу, трудов ради ваших, и воздержания неослабнаго: сего ради почитаем вас, преблаженнии.
Преподобнии отцы наши Зосимо и Савватие, молите Бога о нас.
Ихже благ, преподобнии, получисте, и небесныя славы, еяже от Бога сподобистеся, и Емуже выну предстоите, молитеся и нам неотлученым быти, молим вы, радостию и Божественною любовию почитающим подвиги ваша всечестнии.
Слава: О Божественная и Богомудрая, и священная двоице, Зосимо и Савватие, мирови миру от Бога низпослатися испросите, церквам соединение и всем скорбящим утешение и спасение, преблаженнии.
И ныне: Пощади мя, Христе Спасе, пощади молитвами рождшия Тя, и всех святых Твоих: егда сядеши судити делом моим, беззакония моя и грехи моя презри, яко един безгрешен.
