Святой благоверный князь Игорь Черниговский

(5/ 18 июня; 19 сентября – 2 октября)

 

 

    В некоторых древних месяцесловах и сам князь Святослав почитался угодником Божиим, но особенно прославились два его внука: преподобный Никола Святоша (+ 1143) и двоюродный брат его, сын Олега Гориславича, - святой князь-мученик Игорь Ольгович (+1147).

   Преподобный Никола Святоша и святой Игорь Ольгович представляют два различных пути христианской святости в Древней Руси. Преподобный Никола, отрекшийся от мира и княжеских обязанностей, стал простым иноком и мирно почил, проведя почти сорок лет в монастыре. Святой Игорь, волей Божией вступивший в борьбу за Киевское княжение, мученическим подвигом должен был искупить наследственный грех княжеских усобиц.

 

   В 1138 году великим князем Киевским стал старший брат Игоря Всеволод Ольгович (прадед святого Михаила Черниговского). Хотя его княжение длилось всего несколько лет и было наполнено непрерывными войнами, князь считал Киев своим наследственным княжеством и решил передать его в наследство своему брату Игорю. Он ссылался при этом на пример Владимира Мономаха и говорил, как бы нарочно подзадоривая Мономашичей: "Владимир посадил Мстислава, своего сына, после себя в Киеве, а Мстислав - брата своего Ярополка. А вот я говорю: если меня Бог возьмет, то я после себя даю Киев брату моему Игорю". Но Бог гордым противится. Горделивые слова Всеволода, которого и так не любили киевляне, стали предлогом для возбуждения ненависти против его брата Игоря и всех Ольговичей. "Не хотим быть в наследстве", - решило киевское вече. Злоба и гордыня князя вызвали ответную злобу и гордыню киевлян: святой Игорь, против воли вовлеченный в самый центр событий, стал невинной жертвой нараставшей ненависти.

   Грозные события разворачивались стремительно. 1 августа 1146 года умер князь Всеволод, и киевляне целовали крест Игорю как новому князю, а Игорь целовал крест Киеву - справедливо править народом и защищать его. Но, преступив крестное целование, киевские бояре сразу же призвали Мстиславичей с войском. Под Киевом произошла битва между войсками князя Игоря и Изяслава Мстиславича. Еще раз нарушив крестное целование, киевские войска в разгар сражения перешли на сторону Изяслава. Четыре дня Игорь Ольгович скрывался в болотах около Киева. Там его взяли в плен, привезли в Киев и посадили в поруб. Это было 13 августа, все его княжение продолжалось две недели.

     В "порубе" (это был холодный бревенчатый сруб, без окон и дверей; чтобы освободить из него человека, надо было "вырубить" его оттуда) многострадальный князь тяжело заболел. Думали, что он умрет. В этих условиях противники князя разрешили "вырубить" его из заточения и постричь в схиму в Киевском Феодоровском монастыре. Божией помощью князь выздоровел и, оставшись иноком монастыря, проводил время в слезах и молитве.

    Борьба за Киев продолжалась. Возбуждаемая гордыней и ослепленная ненавистью, ни одна из сторон не хотела уступать. Желая отомстить роду Ольговичей, а заодно и всем князьям, киевское вече, год спустя, в 1147 году, постановило расправиться с князем-иноком.

    Митрополит и духовенство старались вразумить и остановить их. Правивший в Киеве князь Изяслав Мстиславич и особенно его брат князь Владимир пытались предотвратить это бессмысленное кровопролитие, спасти святого мученика, но сами подверглись опасности со стороны ожесточенной толпы.

 

    Восставшие ворвались в храм во время святой литургии, схватили молившегося пред иконой Божией Матери Игоря и потащили его на расправу. В воротах монастыря толпу остановил князь Владимир. И сказал ему Игорь: "Ох, брате, куда ты?" Владимир же соскочил с коня, желая помочь ему, и покрыл его корзном (княжеским плащом) и говорил киевлянам: "Не убивайте, братья". И вел Владимир Игоря до двора матери своей, и стали бить Владимира". Так повествует летопись. Владимир успел втолкнуть Игоря во двор и затворить ворота. Но люди выломили ворота и, увидев Игоря "на сенях" (крытая галерея второго этажа в древнем киевском тереме), разбили сени, стащили святого мученика и убили на нижних ступенях лестницы. Ожесточение толпы было столь велико, что мертвое тело страдальца подвергли избиению и поруганию, его волочили веревкой за ноги до Десятинной церкви, бросили там на телегу, отвезли и "повергли на торгу".

    Так святой мученик предал Господу дух свой, "и совлекся ризы тленнаго человека, и в нетленную и многострадальную ризу Христа облекся". Когда вечером того же дня тело блаженного Игоря было перенесено в церковь святого Михаила, "Бог явил над ним знамение велико, зажглись свечи все над ним в церкви той". На другое утро святой страдалец был погребен в монастыре святого Симеона, на окраине Киева.

    В 1150 году князь Черниговский Святослав Ольгович перенес мощи своего брата, святого Игоря, в Чернигов и положил в Спасском соборе.

   Чудотворная икона Божией Матери, именуемая Игоревская, пред которой молился мученик пред убиением, находилась в Великой Успенской церкви Киево-Печерской Лавры (празднование ей 5 18 июня).

 

 

 

АКАФИСТ

 

Кондак 1

 

Избранный страстотерпце Христов, благоверный княже Игоре, возсиявый людем твоим, яко звезда пресветлая! Ты бо славу земнаго княжения оставил еси и во иночестве Господеви работати вожделел еси, страдальчески земное житие скончав, и ныне, радуяся, предстоиши престолу Святыя Троицы. Молитвами твоими от всяких зол и напастей охраняй нас, да благодарственно со умилением зовем ти: Радуйся, святый благоверный княже Игоре, во смирении за истину терпящим, скорый помощниче.

 

Икос 1

 

Ангельски поживши на земли, от юности возлюбил еси Божественное учение и сему последовав добрым житием, немолчно прославлял еси имя Господне чтением книг священных и пением церковным. Сего ради тебе, на небеси и на земли прославленному, вопием сице:

Радуйся, от рождения твоего Богом избранный.
Радуйся, семя слова Божия от юности восприявый.
Радуйся, великий угодниче Божий, благочестивую жизнь на земли возлюбивый.
Радуйся, путем трудным и тесным житие земное прошедый.
Радуйся, правды ради душу твою положивый.
Радуйся, от Царя Небеснаго, венец мученический приемый.
Радуйся, святый благоверный княже Игоре, во смирении за истину терпящим, скорый помощниче.

 

 

Кондак 2

 

Видя Господь чистоту сердца твоего, блаженне княже Игоре, избра тя зрети славу небесную, ты бо паче всего возлюбил еси чистоту душевную и телесную, и ради страданий временных, уповая избежати мучений вечных, великий угодник Божий был еси, и лицем к лицу зрети Господа удостоился еси. Тем же притекающе к тихому пристанищу молитв твоих, вопием Христу Богу: Аллилуиа.

 

 

Икос 2

 

Разум озаренный благодатию Божиею из млада имел еси, княже Игоре, от юности бо хранил еси в сердце твоем закон Христов, великим угодником Божиим, прошедшим тернистым путем во Царствие Небесное, подражая. Темже и мы, уповая на твое предстательство, молимся: буди нам скорый помощник и покровитель в земном житии нашем, да благодарно вопием ти:

Радуйся, избранный и верный рабе Христов.
Радуйся, от юности чистоту жития возлюбивый.
Радуйся, из млада единому Христу угождавый.
Радуйся, Иисуса ради вся напасти безропотно претерпевый
Радуйся, Тому единому всею душего прилепивыйся.
Радуйся, всего себе на страдания правды ради предавый.
Радуйся, святый благоверный княже Игоре, во смирении за истину терпящим, скорый помощниче.

 

Кондак 3

 

Силою Вышняго, дарованною тебе, и долготерпением твоим укреплен был еси, блаженне, егда враг рода человеческаго наведе на тя люди злы, во еже лишити тя славы княжеския. Упемже, дивящеся богатству терпения твоего, воспеваем укрепившему тя Господу песнь: Аллилуиа.

 

 

Икос 3

 

Имея желание в души своей вся красная и сладкая мира сего оставити и Христу последовати, еще млад сый, избрал еси себе путь служения Господеви. Мы же, подражая житию твоему и почитающе честная страдания твоя, правды ради претерпенная, величаем тя сице:

Радуйся, в души своей имевый желание мир оставити и Господеви послужити.
Радуйся, вся красная и сладкая мира сего презревый.
Радуйся, совершенную любовь ко Господу стяжавый.
Радуйся, за кротость души твоея наследие жизни вечныя получивый.
Радуйся, ум твой, сердце и волю в Бозе утвердивый.
Радуйся, дивную кротость духа в скорби показавый.
Радуйся, святый благоверный княже Игоре, во смирении за истину терпящим, скорый помощниче.

 

 

Кондак 4

 

Бури житейских бед и напастей не возмогоша поколебати крепости души твоея, благоверный княже Игоре, основана бо бе на твердем веры Христовы камени. Мы же, дивящеся великому терпению твоему, со умилением взываем Богу: Аллилуиа.

 

 

Икос 4

 

Слыша и видя, княже блаженне, распри и раздоры, врагом рода человеческаго воздвизаемыя, егда вступи на престол Киевский, абие восхотел еси вразумити люди своя и привести их к миру и благоразумию. Сего ради с любовию взываем ти:

Радуйся, яко тобою всякая вражда и злоба побеждаются.
Радуйся, чистоты веры и незлобия дивное воплощение.
Радуйся, образе кротости и терпения.
Радуйся, зерцало совершеннаго незлобия.
Радуйся, многими скорбьми в радость Господа твоего вшедый.
Радуйся, помогали и нам терпети скорби и поношения.
Радуйся, святый благоверный княже Игоре, во смирении за истину терпящим, скорый помощниче.

 

 

Кондак 5

 

Боготечную звезду зрим тя, угодниче Божий, тя бо, восприимшаго великия страдания, прослави Господь, яко вернаго раба Своего, невинно убиеннаго злыми человеки по наущению диавольскому. Мы же, взирающе с любовию на честный образ твой, приклоняем колена, со умилением поя: Аллилуиа.

 

 

Икос 5

 

Видевше великий князь Киевский Всеволод, яко преклонился есть к вечеру день жития его, призва тя, Игоре блаженне, и завеща ти престол княжеский. Ты же воли брата твоего, яко воли Божией повинуяся, все упование на Господа возложил еси. Мы же, похваляя таковое смирение твое, воспеваем ти:

Радуйся, яко до конца крест жития твоего безропотно понесл еси.
Радуйся, благочестием Богови и людем послуживый.
Радуйся, велению брата своего покоривыйся.
Радуйся, в народоправлении велию добродетель показавый.
Радуйся, всем братолюбием присное ободрение
Радуйся, святый благоверный княже Игоре, во смирении за истину терпящим, скорый помощниче.

 

 

Кондак 6

 

Проповедником добродетелей христианских был еси, княже Игоре, поучая любити братию и народ свой. Мы же ублажаем тя, яко добраго и истиннаго последователя Христова, живот свой за люди твоя положившаго, воспевая Господеви песнь: Аллилуиа.

 

 

Икос 6

 

Возсиял еси богоугодным житием твоим, благоверный княже Игоре, все упование свое на Господа, вся во благо устрояющаго, возлагая. Мы же, восхваляя подвиги твоя, глаголем сице:

Радуйся, яко в житии твоем добродетельми просиявый.
Радуйся, чистотою сердца твоего Господа созерцавый.
Радуйся, в несении трудов великаго княжения помощь от Господа получивый.
Радуйся, яко вместо княжеских почестей - мучения и скорби мужественно претерпевый.
Радуйся, иго Христово, благое и легкое, на рамена своя восприявый.
Радуйся, терпению Христову верно подражавый.
Радуйся, святый благоверный княже Игоре, во смирении за истину терпящим, скорый помощниче.

 

 

Кондак 7

 

Хотящу ти, блаженне, воли Божией покоритися, не воспротивился еси воином князя Изяслава, егда тии тя, еле жива суща, в хладном порубе заключиша, идеже ты, подобно Даниилу пророку, заточенному в рове львином, непрестанно взывал еси Богу: Аллилуиа.

 

 

Икос 7

 

Новаго видим тя избранника Божия, благоверный княже Игоре, егда пременил еси княжения славу во иночества образ смиренный. Ты бо, вся благая презрев, желанием восхотел еси единому Богу поработати. Темже, таковому твоему смирению и кротости дивящеся, вопием ти:

Радуйся, страдания лютая невинно претерпевый.
Радуйся, образ любве и незлобия нам показавый.
Радуйся, вся благая мира сего ни во что же вменивый.
Радуйся, злобу и коварство диавола смирением победивый.
Радуйся, послушанию иноческому всецело предавыйся.
Радуйся, усердным молитвенником за люди твоя явивыйся.
Радуйся, святый благоверный княже Игоре, во смирении за истину терпящим, скорый помощниче.

 

 

Кондак 8

 

Странник и пришлец, по апостолу, явился еси «а земли, боголюбезне княже, дольняя бо вся презрев, горняя взыскал еси, все помышление твое ко Господу имеяй. Темже помози и нам, молитвами твоими, добродетельное житие возлюбити, да купно с тобою вопием Богу: Аллилуиа.

 

 

Икос 8

 

Всею душею от юности Богу послуживый, блаженне княже Игоре, сего ради Господь прослави тя, Своего угодника, кротости ради смирения твоего. Мы же, сим добродетелей последовати тщащийся, вопием ти радостно:

Радуйся, от юности Господа всею душею возлюбивый.
Радуйся, делы благими Христу благоугодивый,
Радуйся, всем житием твоим Бога прославивый.
Радуйся, тесный путь спасения от юности избравый.
Радуйся, благодать Божию в сердце своем стяжавый.
Радуйся, житие свое иночеством украсивый.
Радуйся, святый благоверный княже Игоре, во смирении за истину терпящим, скорый помощниче.

 

 

Кондак 9

 

Всего себе покорил еси воли Господни, яко раб благий и верный, егда пострижение иноческое восприим, во обитель святаго Феодора вселился еси, идеже всецело посту и молитве предался еси. Сего ради сподобился внити в радость Господа своего, Ему же предстоиши ныне со Ангелы, поя: Аллилуиа.

 

 

Икос 9

 

Витии многовещанныя не возмогут по достоянию восхвалити страдания твоя, страстотерпче Христов княже Игоре, ниже уразумети глубины упования твоего, приимши бо весть о убиении твоем, потщался еси в церковь Господню, со слезами пред образом Царицы Небесныя моляся. Убийцы же твои, яко звери дивии, емше тя моляшагося, бив, повлекоша тя из храма. Ты же, благодатию Божиею укрепляемь, страдания кротко претерпел еси, за убивающих тя Господа умоляя. Сего ради величаем тя сице:

Радуйся, все упование на Господа и Его Пречистую Матерь возложивый.
Радуйся, на мучение безропотно предавыйся.
Радуйся, благодатию Божиею укрепляемь, страдания мужественно претерпевый.
Радуйся, яко сего ради венцем мученическим украшенный.
Радуйся, за убивающих тя кротко моливыйся.
Радуйся, душу свою в руце Божий радостно предавый.
Радуйся, святый благоверный княже Игоре, во смирении за истину терпящим, скорый помощниче.

 

 

Кондак 10

 

Спасти хотя душу свою, вся земная и временная во уметы вменил еси, неуклонно стопам Спасителевым последствовав. И ныне с лики ангельскими веселяся, немолчно вопиеши Прославльшему тя Господеви: Аллилуиа.

 

 

Икос 10

 

Стеною терпения оградився, верный раб Царя Небеснаго был еси. Вражиих бо устрашений не убоявся, всего себе в руце Божий предал еси и страдания мужественне претерпел еси. Мы же, чтуще святую память твою, ублажаем тя, вопиюще:

Радуйся, великий княже Игоре, престолу Небеснаго Владыки предстояй.
Радуйся, венец твой княжеский кровными каплями, яко драгими камнями украсил еси.
Радуйся, образ вернаго служения Богу терпением своим показавый.
Радуйся, житие свое тесною стезею мучений и страданий прошедый.
Радуйся, яко пред великим мужеством твоим, вернии преклоняются.
Радуйся, яко и ныне не престаеши благодеяти призывающим тя.
Радуйся, святый благоверный княже Игоре, во смирении за истину терпящим, скорый помощниче.

 

 

Кондак 11

 

Пение хвалебное приносим дивному во святых Своих Богу нашему, даровавшаго Церкви Своей и стране нашей дивнаго чудотворца и усердного молитвенника, благовернаго князя Игоря, иже и поныне не престает молитися за ны и научая пети всех: Аллилуиа.

 

 

Икос 11

 

Свет славы небесныя осия святое и многострадальное тело твое, страстотерпче Христов, егда оное положено бысть в церкви святаго Михаила. Людие же, окрест гроба твоего стоящий, и возжегаемыя невидимою рукою свещи и лампады зряще, приидоша в трепет и ужас, познавая, яко тако прослави Бог угодника Своего; тебе же, богомудре княже, воспеша тако:

Радуйся, усердный наш пред Богом молитвенниче и предстателю.
Радуйся, яко Господь прослави тя знаменьми и чудесы.
Радуйся, сиянием небеснаго света озаренный.
Радуйся, непорочную душу твою в руце Божий предавый.
Радуйся, нетленное тело твое в помощь нам оставивый.
Радуйся, яко за смиренномудрие твое венцем славы от Бога увенчанный.
Радуйся, святый благоверный княже Игоре, во смирении за истину терпящим, скорый помощниче.

 

 

Кондак 12

 

Благодать единения и братолюбия испроси нам у Всещедраго Бога, угодниче Христов, да вси людие возлюбят друг друга и единодушно исповедят веру Православную, воспевая Спасителю нашему: Аллилуиа.

 

Икос 12

 

Поюще добродетельное житие твое, ублажаем мученическую кончину твою, восхваляем и пренесение честных и многоцелебных мощей твоих из стольнаго града Киева во град Чернигов, воспеваем славу твою, иже на небесех, и усердно молим тя, страстотерпче княже Игоре: не возгнушайся нас, грешных и недостойных, зовущих ти:

Радуйся, яко великия благодати от Бога сподобивыйся.
Радуйся, яко теплый молитвенник и заступник от Бога нам дарованный.
Радуйся, яко всем призывающим тя скорый помощник бываеши.
Радуйся, духовнаго веселия сердца наша исполняющий.
Радуйся, в лице Русских святых славою многою от Бога превознесенный.
Радуйся, яко благочестивых множества любовию празднуют святую память твою.
Радуйся, святый благоверный княже Игоре, во смирении за истину терпящим, скорый помощниче.

 

 

Кондак 13

 

О, многострадальный страстотерпче Христов, благоверный великий княже Игоре! Приими сие малое, обаче от любящих сердец приносимое тебе сие моление наше, защити всех нас, за истину обиды и поношения терпящих, уврачуй душевныя и телесныя недуги, и от всех бед и скорбей избави ны да, благодарни суще, вопием Богу: Аллилуиа.

(Сей кондак читается трижды, затем икос 1 и кондак 1)

 

 

МОЛИТВА

 

О святый угодниче Божий, страстотерпче благоверный, княже Игоре! Ты из млада Бога возлюбил еси, мудрования плотская, честь и славу княжескую ни во что же вменил еси и монашескаго образа, еще юный леты, достигл еси, к Богу единому всею душею твоею прилепился еси, и благое иго Христово на ся взем, путем спасительным неуклонно шествовал еси даже до смерти мученическия. Сего ради венча тя Господь, блаженне Игоре, венцем славы и прият в Своя Небесная селения, идеже ты ныне, неизреченныя славы и радости наслаждающеся в невечернем дни Царствия Христова, с лики святых страстотерпцев и в святых Бога о нас умоляеши. Молимся тебе, святче Божий, припадая к честному образу твоему: молися о нас грешных и непотребных, испроси молитвами твоими мира державе нашей, граду сему (и святому храму сему) благодати и милости. Церковь святую огради молитвами твоими от ересей и расколов, пастырем ея испроси ревность и благочестие, всем же нам любовь нелицемерную и терпение даруй, грехов наших прощение, болезней и всяких недугов исцеление. Покрый и сохрани всех нас от всяких бед, скорбей и напастей, да, благодаряще, прославим Святую Живоначальную Троицу, Отца и Сына и Святаго Духа, во веки веков. Аминь.

 

 

ТРОПАРЬ

 

 

Тропарь, глас 4

 

Наста днесь всечестная память страстотерпца благовернаго князя Игоря, созывающая люди в пречестный храм Спасов, идеже радостно сошедшеся благочестивых множество молитвенно празднуют святую память твою, и с верою взывают ти: молися, святе, стране Российстей, граду Чернигову и всем православным христианом в мире и благоденствии спастися.

 

 

Ин. тропарь, глас 4

 

Просветився Божественным крещением Духа Святаго светлостьми озаряем, Евангелие Христово в сердце твое восприял еси делом слово Сына Божия исполняя, благоверный княже Игоре, моли Всеблагаго Спасителя нашего даровати нам мир и милость и спасение душ наших, чтущих честную память твою.

 

 

Кондак, глас 6

 

Изменил еси земнаго княжения славу во иночества образ смиренный, и страдальчески земное житие скончав, ныне на Небесех радуешися, усердно моляся о чтущих тя, Игоре, страдальцев похвало.

 

 

Ин. кондак, Глас 8

 

Княжескую диадиму обагрил еси кровию твоею, Богомудре страстотерпче Игоре, за скиптр крест в руку приим, явился еси победоносец и жертву непорочну Владыце принесл еси себе. Яко бо агнец незлобив от раб убиен был еси, и ныне радуяся предстоиши Святей Троице, молися спастися душам нашим.

 

 

Величание:

 

Величаем тя,страстотерпче святый княже Игоре,и чтим святую память твою,ты бо молиши о насХриста Бога нашего.

 

 

 

КАНОН

 

(Благоверному князю Игорю Черниговскому и Киевскому)

 

 

Песнь 1

 

Воду прошед яко сушу и египетскаго зла избежав, Израильтянин вопияше: Избавителю и Богу нашему поим.

 

Воду нечестия тименну оставивши, к воде чиститель­ней притекл еси, святе Игоре: и наша очисти сердца, чисто пети твоя страдания.

 

Водою крещения омывшись, первороднаго греха избавился еси и чистому Владыце Христу присвоился еси: Емуже и нас чисто присвой молитвами твоими.

 

Слава: В воде потопившему змия лукаваго подобящися, кровию твоею страдальческою вражию погрузил еси силу, страстотерпче: от негоже и нам избавится Спаса умоли.

И ныне: Воду слез очищающую, Пречистая, подаждь ми, и очистивши мя от кала беззаконий, чиста представи, Богородителънице, Сыну Твоему и Богу.

 

Песнь 3

 

Небеснаго круга Верхотворче Господи, и Церкве Зиждителю, Ты мене утверди в любви Твоей, желаний краю, верных утверждение, Едине Чедовеколюбче.

 

Небеснаго круга Верхотворцу все житие свое отдав­ши, возлюбил еси Того до конца; сподоби и нас молит­вами твоими, страстотерпче, любити Господа до конца дней наших.

 

Небесныя жизни желая, в земнем житии твоем вся пренебрегл еси; сподоби и нас, святе, молитвами твоими Небесныя жизни сподобитися.

 

Слава: Небеснаго чертога желающи, чистоту девства твоего соблюл еси, и ныне с девственниками в Небесных чертозех ликуеши.

И ныне: Небеснаго Творца, Богородице Всепетая, рождши, Небес пространнейшая явилася еси; мене от пространнаго пути погибельна уклонши, на Небесный путь настави, молюся.

 

 

Седален, глас 5

 

Добродетельными светлостьми просвещаемь, и муче­ния светом украшаешь, паче солнца, премудре, сияеши тверде, и просвещаеши воистинну творящих верно память твою светоносную, преславный страстотерпче, Игоре, спа­сай молитвами твоими.

 

Песнь 4

 

Услышах, Господи, смотрения Твоего таинство, разумех дела Твоя, и прославих Твое Божество.

 

Услышавши, Игоре, Небеса, поведающа славу Божию, на земли Бога славити возжелел еси; Егоже славы и нас сподоби.

 

Услышав, яко врази твои восташа на тя, не убоялся еси свирепства их, но кротце в руце их скверныя вдался еси, Господеви взывая: не постави им греха сего.

 

Слава: Услышавши прещения вражеская, и муки от них терпяще, непоколебим пребыл еси, и мене непоколебима в добродетелех сотвори.

И ныне: Услыши, Пречистая Владычице, моление мое, и избави мя от зол, и глас, благословенных призывающий в Царство, слышати удостой.

 

Песнь 5

 

Просвети нас повелении Твоими, Господи, и мышцею Твоею высокою Твой мир подаждь нам, Человеколюбче.

 

Просветивши стезю жизни твоей светом Богоразумия, Христа Господа вседушне возлюбил еси; сподоби и мене, страстотерпче, в сих быти тебе подражателем.

 

Просвещахуся вернии людие, видяще тя, нестерпимыя муки добльственне терпяща, сподоби и мене страдальче быти терпеливым.

 

Слава: Просвети мя, о Игоре, омраченнаго мглою грехов­ною, и светом невечерним осияватися, светлый мучениче, молюся, сотвори.

И ныне: Просветила еси потемненное естество, Богородице, Свет Истинный рождши, темже и мене Светом просве­тивши, от мрачных враг свободи.

 

Песнь 6

 

Молитву пролию ко Господу и Тому возвещу печали моя, яко зол душа моя исполнися, и живот мой аду приближися, и модюся яко Иона: от тли, Боже, возве­ди мя.

 

Молитву твою страдальческую услышав Христос, Иго­ре, крепость и силу ко страданиям тебе подаде; сподоби и мя молитвами твоими в страданиях житейских быти тверду.

 

Молитвою пред образом Пречистыя себе укрепив, изшел еси ко врагом твоим, ищущим тя и яко агнец не­злобив, пострадал еси от них, неправедно умерщвляем.

 

Слава: Молитву всяк приносяй ти с верою, страдальче, ду­шевных страстей и телесных исцеление скоро приемлет; еже и нам богатно подавай, молимся.

И ныне: Молитву нашу приими, Пречистая, и молитвою Ти всемощною, избавити нас враг видимых и невидимых, грехов же и всякий туги,моли Егоже родила еси Че­ловеколюбца Бога.

 

 

Кондак, глас 6

 

Изменил еси земнаго княжения славу во иночества образ смиренный, и страдальчески земное житие скончав, ныне на Небесех радуешися, усердие моляся о чту­щих тя, Игоре, страдальцев похвало.

 

Песнь 7

 

Отроцы еврейстии в пещи попраша пламень дерзновенно, и на росу огнь преложиша вопиюще: благословен еси, Господи Боже, во веки.

 

Дети еврейския Ангел от огня неопальны сохранивый, и тебе, Игоре, во страдании укрепи поюща: благо­словен еси, Господи Боже, во веки.

 

Детское игралище вменяющи муки, не пощадил еси тела твоего, но страсти мужественно терпяще пел: бла­гословен еси, Господи Боже, во веки.

 

Слава: Детем мучимым подражая, Игоре, хвалю и аз Хри­ста, давшего тебе крепость; ты же мя на подвиг добро­детелей укрепльши, сподоби пети с тобою: благословен еси, Господи Боже, во веки.

И ныне: Детородию Твоему, Девою и по Рождестве пребывшу, дивлюся, Богородице. Удиви убо и на мне милость Сына Твоего, да помилован Тобою, пою: благословен еси, Гос­поди Боже, во веки.

 

Песнь 8

 

Победители мучителя и пламене, благодатию Твоею бывше,заповедем Твоим зело прилежаще отроцы, вопияху; /благословите вся деда Господня, Господа.

 

Победитель явился еси, славне Игоре, врагов мучащих тя, ибо в летех лютых муках стражда непрестанно взы­вал еси: благословите вся дела Господня Господа.

 

Победил еси мужеством твоим, страстотерпче славне Игоре, вся мучительская ухищрения. Моли убо Влады­ку Христа, молим тя, всем верным на враги победу дати, поющим: благословите, вся дела Господня, Господа

 

Слава: Победителем жестокосердых убийц явился еси, славне Игоре, они бо небесным огнем во адский огнь низведошася, ты же на небо возшел еси, идеже ныне со Анге­лы поеши: благословите, вся дела Господня, Господа.

И ныне: Победи, Пречистая, врагов видимых и невидимых, низложити нас тщащихся, и страстей мя всяких избави, да пою торжественне: благословите, вся дела Господня, Господа.

 

Песнь 9

 

Воистину Богородицу Тя исповедуем, спасеннии То­бою, Дево Чистая, с бесплотными лики Тя величающе.

 

Воистинну Бога исповедующи, страстотерпче, чертог Небесный наследовал еси: егоже и нас сподоби, да с тобою Христа вечно величаем.

 

Воистинну на тебе, Игоре блаженне, исполнися Хри­стово проречение: вся претерпёвый до конца спасен бу­дет: ныне бо со всеми спасенными Христа вечно величаеши.

 

Слава: Воистинну никтоже притекаяй к тебе, страстотерпче, тощ благодати твоея отходит. Еяже и мене исполни, да тя величаю.

И ныне: Воистинну Истиннаго Бога плотню, Богородице, роди­ла еси, Егоже милостива нам в день Суда соделай, да бесконечно с Ним Тя величаем.

 

 

Светилен:

 

Якоже солнце светоносно возсия ныне, страстотерпче, память твоя, вся верныя веселяще, иже молитвенно взывают ти: молися прилежно во еже спастися нам.

 

 

Богородичен:

 

Державным Твоим покровом, Чистая, нас рабов Тво­их от навета вражих сохраняй всегда невредимых: Тя бо Едину стяжахом прибежище в бедах