Андрей Боголюбский, благоверный великий князь
(4 / 17 июля)
Святой благоверный князь Андрей Боголюбский (1110-1174), внук Владимира Мономаха, сын Юрия Долгорукого и половецкой княжны (в святом Крещении Марии), еще в юности был назван Боголюбским за постоянно присущее ему глубокое молитвенное внимание, прилежание к церковным службам и "утаенных молитв к Богу присвоение". От деда, Владимира Мономаха, внук унаследовал великую духовную сосредоточенность, любовь к Слову Божию и привычку обращаться к Писанию во всех случаях жизни.
Храбрый воин (Андрей - означает "мужественный"), участник многих походов своего воинственного отца, не раз в сражениях был он близок к смерти. Но каждый раз Промысл Божий незримо спасал князя-молитвенника. Так, 8 февраля 1150 года в битве под Луцком святой Андрей был спасен от копья немецкого наемника молитвой к великомученику Феодору Стратилату, чья память совершалась в тот день.
Вместе с тем летописцы подчеркивают миротворческий дар святого Андрея, редкий в князьях и полководцах того сурового времени. Сочетание воинской доблести с миролюбием и милосердием, великого смирения с неукротимой ревностью о Церкви было в высшей степени присуще князю Андрею. Рачительный хозяин земли, постоянный сотрудник в градостроительной и храмоздательной деятельности Юрия Долгорукого, он строит с отцом Москву (1147), Юрьев-Польский (1152), Дмитров (1154), украшает храмами Ростов, Суздаль, Владимир. В 1162 году святой Андрей с удовлетворением мог сказать: "Я белую Русь городами и селами застроил и многолюдною сделал".
Когда в 1154 году Юрий Долгорукий стал великим князем Киевским, он дал сыну в удел Вышгород под Киевом. Но Бог судил иначе. Однажды ночью, это было летом 1155 года, двинулась в Вышгородском храме чудотворная икона Божией Матери, писанная святым евангелистом Лукой, незадолго до того принесенная из Царьграда и названная впоследствии Владимирской. В ту же ночь, с иконой в руках, двинулся из Вышгорода на север, в Суздальскую землю, святой князь Андрей, тайно, без отчего благословения, повинуясь лишь воле Божией.
Чудеса от святой иконы, бывшие на пути от Вышгорода до Владимира, были записаны духовником князя Андрея "попом Микулицей" (Николаем) в "Сказании о чудесах Владимирской иконы Божией Матери".
В десяти верстах от Владимира кони, везшие икону в Ростов, вдруг остановились. Ночью князю Андрею явилась Богородица со свитком в руках и приказала: "не хощу, да образ Мой несеши в Ростов, но во Владимире поставь его, а на сем месте во имя Моего Рождества церковь каменную воздвигни". В память о чудесном событии святой Андрей повелел иконописцам написать икону Божией Матери такой, как Пречистая явилась ему, и установил празднование этой иконе 18 июня. Икона, названная Боголюбской, прославилась впоследствии многочисленными чудотворениями
На указанном Царицей Небесной месте построен князем Андреем (в 1159 году) храм Рождества Богородицы и заложен город Боголюбов, ставший его постоянным местопребыванием и местом мученической кончины.
Когда умер отец, Юрий Долгорукий († 15 мая 1157), святой Андрей не пошел на отчий стол, в Киев, а остался на княжении во Владимире. В 1158-1160 гг. был построен Успенский собор во Владимире, в который помещена Владимирская икона Божией Матери. В 1164 году воздвигнуты Золотые Ворота во Владимире с надвратной церковью Положения Ризы Богоматери и церковь Спаса на Княжьем дворе.
Тридцать храмов было создано святым князем Андреем за годы его княжения. Лучший из них - Успенский собор. Богатство и благолепие храма служило распространению православия среди окружающих народов и иноземцев-купцов. Всех приезжих, и латинян, и язычников, святой Андрей приказывал водить в воздвигнутые им храмы и показывать им "истинное христианство". Летописец пишет: "и болгаре, и жидове, и вся погань, видевше славу Божию и украшение церковное, крестились".
Завоевание великого волжского пути стало для святого Андрея основной задачей его государственного служения России. Волжская Болгария со времен походов Святослава († 972) представляла серьезную опасность для Русского государства. Святой Андрей стал продолжателем дела Святослава.
Сокрушительный удар по врагу был нанесен в 1164 году, когда русские войска сожгли и разрушили несколько болгарских крепостей. Святой Андрей брал с собой в этот поход Владимирскую икону Божией Матери и двухстороннюю икону, на которой были изображены "Спас Нерукотворенный" на одной стороне и "Поклонению Кресту" - на другой. (В настоящее время обе иконы в Государственной Третьяковской галерее.)
Великое чудо было явлено русскому войску от святых икон в день решающей победы над болгарами, 1 августа 1164 года. После разгрома болгарского войска князья (Андрей, его брат Ярослав, сын Изяслав и др.) вернулись к "пешцам" (пехоте), стоявшим под княжескими стягами у Владимирской иконы, и поклонились иконе, "хвалы и песни воздавающе ей". И тогда все увидели ослепительные лучи света, исходившие от лика Богородицы и от Нерукотворного Спаса.
Оставаясь во всем верным сыном Православной Церкви, блюстителем веры и канонов, святой Андрей обратился в Царьград к патриарху с сыновней просьбой об учреждении особой митрополии для Северо-Восточной Руси. С соответствующей княжеской грамотой в Византию отправился избранный князем кандидат в митрополиты - суздальский архимандрит Феодор. Патриарх Лука Хризоверг согласился посвятить Феодора, но не в митрополита, а лишь во епископа Владимирского. В то же время, стремясь сохранить расположение князя Андрея, наиболее могущественного среди владетелей Русской земли, он почтил епископа Феодора правом ношения белого клобука, что было в древней Руси отличительным признаком церковной автономии - известно, как дорожили своим белым клобуком архиепископы Великого Новгорода. Очевидно, поэтому русские летописи сохранили за епископом Феодором прозвище "Белый Клобук", а позднейшие историки называют его иногда "автокефальным епископом".
В 1167 году умер в Киеве святой Ростислав, двоюродный брат Андрея, умевший вносить умиротворение в сложную политическую и церковную жизнь того времени, а из Царьграда был прислан новый митрополит, Константин II. Новый митрополит потребовал, чтобы епископ Феодор явился к нему для утверждения. Святой Андрей вновь обратился в Царьград за подтверждением самостоятельности Владимирской епархии и с просьбой об отдельной митрополии. Сохранилась ответная грамота патриарха Луки Хризоверга, содержащая категорический отказ в устроении митрополии, требование принять изгнанного епископа Леона и подчиниться киевскому митрополиту.
Исполняя долг церковного послушания, святой Андрей убедил епископа Феодора с покаянием поехать в Киев для восстановления канонических отношений с митрополитом. Покаяние епископа Феодора не было принято. Без соборного разбирательства Митрополит Константин, в соответствии с византийскими нравами, осудил его на страшную казнь: Феодору отрезали язык, отрубили правую руку, выкололи глаза. После этого он был утоплен слугами митрополита (по другим сведениям, вскоре умер в темнице).
Не только церковные, но и политические дела Южной Руси потребовали к этому времени решительного вмешательства великого князя Владимирского. 8 марта 1169 года войска союзных князей во главе с сыном Андрея Мстиславом овладели Киевом. Город был разгромлен и сожжен, участвовавшие в походе половцы не пощадили и церковных сокровищ. Русские летописи рассматривали это событие как заслуженное возмездие: "се же здеяся за грехи их (киевлян), паче же за митрополичью неправду". В том же 1169 году князь двинул войска на непокорный Новгород, но они были отброшены чудом Новгородской иконы Божией Матери Знамения (празднуется 27 ноября), которую вынес на градскую стену святой архиепископ Иоанн († 1186, память 7 сентября). Но когда вразумленный великий князь преложил гнев на милость и миром привлек к себе новгородцев, благоволение Божие вернулось к нему: Новгород принял князя, назначенного святым князем Андреем.
Таким образом, к концу 1170 года Боголюбский сумел добиться объединения Русской земли под своей властью.
Зимой 1172 года он послал на Волжскую Болгарию большую рать под командованием сына Мстислава. Войска одержали победу, радость ее была омрачена смертью доблестного Мстислава († 28 марта 1172 года).
...В ночь на 30 июня 1174 года святой князь Андрей Боголюбский принял мученическую кончину от руки изменников в своем Боголюбском замке. "Тверская летопись" сообщает, что святой Андрей был убит по наущению его жены, участвовавшей в заговоре. Во главе заговора стояли ее братья, Кучковичи: "и свещаша убийство на ночь, якоже Иуда на Господа". Толпа убийц, двадцать человек, пробралась к дворцу, перебила малочисленную охрану и вломилась в опочивальню безоружного князя. Меч святого Бориса, постоянно висевший над его постелью, был предательски похищен в ту ночь ключником Анбалом. Князь успел повергнуть на пол первого из нападавших, которого сообщники тут же по ошибке пронзили мечами. Но вскоре они поняли свою ошибку: "и посем познаша князя, и боряхуся с ним велми, бяше бо силен, и секоша и мечами и саблями, и копийные язвы даша ему". Копьем был пробит сбоку лоб святого князя, все остальные удары трусливые убийцы наносили сзади. Когда князь наконец упал, они опрометью бросились вон из опочивальни, захватив убитого сообщника.
Но святой еще был жив. Последним усилием он спустился по дворцовой лестнице, надеясь позвать стражу. Но стенания его были услышаны убийцами, они повернули обратно. Князь сумел укрыться в нише под лестницей и разминуться с ними. Заговорщики вбежали в опочивальню и не нашли там князя. "Погибель нам предстоит, ибо князь жив", - в ужасе вскричали убийцы. Но кругом было тихо, никто не пришел на помощь святому страдальцу. Тогда злодеи вновь осмелели, зажгли свечи и по кровавому следу пошли искать свою жертву. Молитва была на устах святого Андрея, когда его вновь обступили убийцы.
Русская Церковь помнит и чтит своих мучеников и созидателей. Андрею Боголюбскому принадлежит в ней особое место. Взяв в руки чудотворный образ Владимирской Божией Матери, святой князь как бы благословил им отныне и до века главнейшие события русской истории. 1395 год - перенесение Владимирской иконы Божией Матери в Москву и избавление столицы от нашествия Тамерлана (празднуется 26 августа); 1480 год - спасение Руси от нашествия хана Ахмата и окончательное падение монгольского ига (празднуется 23 июня); 1521 год - спасение Москвы от нашествия крымского хана Махмет-Гирея (празднуется 21 мая). Молитвами святого Андрея сбылись над Русскою Церковью его самые заветные чаяния. В 1300 году митрополит Максим перенес Всероссийскую митрополичью кафедру из Киева во Владимир, сделав Успенский собор, где покоились мощи святого Андрея, первопрестольным кафедральным храмом Русской Церкви, а Владимирскую чудотворную икону - ее главной святыней. Позже, когда общерусский церковный центр сместился в Москву, пред Владимирской иконой совершалось избрание митрополитов и патриархов Русской Церкви. В 1448 г. пред нею совершилось поставление Собором русских епископов первого русского автокефального митрополита - святителя Ионы. 5 ноября 1917 года пред ней совершилось избрание Святейшего Патриарха Тихона - первого после восстановления патриаршества в Русской Церкви. В 1971 году, в праздник Владимирской иконы Божией Матери, состоялась интронизаиия Святейшего Патриарха Пимена.
Литургическая деятельность святого Андрея была многогранна и плодотворна. В 1162 году Господь послал благоверному князю великое утешение: в Ростове были обретены мощи угодников Ростовских - святителей Исайи и Леонтия. Общецерковное прославление ростовских святителей началось немного позже, но начало их народному почитанию положил князь Андрей. В 1164 году войска Боголюбского разгромили давнего врага, Волжскую Болгарию. Победы православного народа были ознаменованы расцветом литургического творчества в Русской Церкви. В тот год по почину святого Андрея Церковь установила празднование Всемилостивому Спасу и Пресвятой Богородице 1 августа (почитаемый русским народом "медовый Спас"), - в память о Крещении Руси святым равноапостольным Владимиром и в память победы над болгарами в 1164 году. Учрежденный вскоре праздник Покрова Божией Матери 1 октября воплотил в литургических формах веру святого князя и всего православного народа в принятие Богородицей Святой Руси под Свой омофор. Покров Божией Матери стал одним из любимейших русских церковных праздников. Покров - русский национальный праздник, не известный ни латинскому Западу, ни греческому Востоку. Он является литургическим продолжением и творческим развитием богословских идей, заложенных в празднике Положения Ризы Богородицы 2 июля.
Первым храмом, посвященным новому празднику, был Покров на Нерли (1165), замечательный памятник русского церковного зодчества, воздвигнутый мастерами святого князя Андрея в пойме реки Нерли так, чтобы князь всегда мог видеть его из окон своего Боголюбовского терема.
Святой Андрей принимал непосредственное участие в литературном труде владимирских церковных писателей. Он причастен к созданию Службы Покрову (древнейший список - в пергаменной Псалтири ХIV века. ГИМ, Син. 431), проложного сказания об установлении праздника Покрова (Великие Минеи Четьи. Октябрь. СПб., 1870, стлб. 4-5), "Слова на Покров" (там же, стлб. 6, 17). Им написано "Сказание о победе над болгарами и установлении праздника Спаса в 1164 году", которое в некоторых старинных рукописях так и называется: "Слово о милости Божией великого князя Андрея Боголюбского". (Издано дважды: Сказание о чудесах Владимирской иконы Божией Матери. С предисловием В. О. Ключевского. М., 1878, с. 21-26; Забелин И. Е. Следы литературного труда Андрея Боголюбского. - "Археологические известия и заметки", 1895, № 2-З). Участие Боголюбского заметно и в составлении Владимирского летописного свода 1177 года, завершенного после смерти князя его духовником, попом Микулой, который включил в него особую "Повесть о убиении святого Андрея". Ко времени Андрея относится и окончательная редакция "Сказания о Борисе и Глебе", вошедшая в "Успенский сборник". Князь был особенным почитателем святого мученика Бориса, главной домашней святыней его была шапка святого Бориса. Меч святого Бориса всегда висел над его постелью. Памятником молитвенного вдохновения святого князя Андрея является также "Молитва", внесенная в летопись под 1096 годом, после "Поучения Владимира Мономаха".
АКАФИСТ
Кондак 1
Возбранный воине Царя Небеснаго, великий княже земли Русския, избранный Господом и возлюбленный Богородицею, испроси, святе Андрее, предстоя у престола Всех Творца, да пробавит Всевлагий долготерпение свое Отечеству нашему и ниспошлет нам разум и благочестие воспети деяния славного жития твоего, да зовем ти: Радуйся, святый благоверный великий княже Андрее.
Икос 1
Яко Ангел Бога вседержителя, свыше посланный на землю Русскую, чудно предыбранный Богоматерию быти верным строителем удела ея на земли, явился есии, святе княже Андрее, и яко достойный преемник святаго Владимира равноапостольного, с ним же ныне во Отчестве Небесном соцарствуеши, приими от нас похвалы сицевыя:
Радуйся, добрый устроителю державы Русския;
Радуйся, дерзновенный собирателю воедино разрозненных уделов ея.
Радуйся, дивный устроителю благолепия церковнаго;
Радуйся, любомудренный созидателю царствия христианскаго.
Радуйся, храмами Бога Вышняго грады и веси чудно украсивый;
Радуйся, основание Руси Святой благочестными делы своими укрепивый.
Радуйся, святый благоверный великий княже Андрее.
Кондак 2
Видя Господь благочестие твое и усердие к службам церковным, яко посещение храмов от юности твоея усердно прилежал еси и тамо истово в смирении сердца моления Вышнему возносил еси, награди тя за Благоговение многими добродетелями и мудрость монаршую дарова ти, да возможеши право правити народом своим и люди приводити ко спасению, во хвалении поя Богу: Аллилуйя.
Икос 2
Разумев премудре суету жития княжескаго, тщету и соблазны, стоящия на пути его, и памятующе слова Писания, яко неудобь имущим богатство во Царствие Божие внити, потщался еси милостыню нищим и убогим раздавати, милосердием своим умилостивляя Всемилостиваго Бога, Иже преумножаше ти милости Своея Небесныя, помощь свыше Божественную посылая, да мы дивящеся вопием:
Радуйся, милосердный и милостивый управителю народа, ти врученнаго;
Радуйся, любочестный милостыни раздаятелю сирым и обездоленным.
Радуйся, любимый и почитаемый всеми за велию любы ко Господу;
Радуйся, за сию любы неизреченную званием Боголюбскаго нареченный.
Радуйся, Богославный и Боголюбимый слуго Божий;
Радуйся, яко любы твоя ко Господу вся превозможе
Радуйся, святый благоверный великий княже Андрее.
Кондак 3
Слыша княже о велиих нестроениях в земли Киевстей, о междоусобных бранех, клятвопреступлениях, яко иде брат на брата и сродник на сродника своего, возмутися духом и нача молитися за Русь Святую, да избавит ю Всемогущий и Милосердный Бог Наш от крамолы сея, вопия выну от чистаго сердца Ему: Аллилуйя.
Икос 3
Имеюще молитву непрестанную во уме и сердцы своем, сохраняем бяше Спасителем от стрел вражиих и копий неприятельских в битвах и сражениих, ибо Господь храняше тя яко зеницу ока на дела великия и славныя призывая, да прославиши ими имя Христово, славимое народом русским, восхваляющим тя:
Радуйся, живый в помощи Вышняго, Десницею Его сохраняемый;
Радуйся, крилами Ангельскими незримо на всех путях ограждаемый.
Радуйся, к познанию Христовой славы недругов приводивый;
Радуйся, доблественне смирявый нечестивых гордыню.
Радуйся, добропобедный военачальниче и мужемудренный началоуправителю;
Радуйся, благочестием и молитвою к Богу Вседержителю враги побеждавый.
Радуйся, святый благоверный великий княже Андрее.
Кондак 4
Бурю внутрь помышлений имяше, святе Андрее, егда не хотяше долее оставатися во стольнем Киеве, идеже бе по повелению отца своего, но духом возгореся отъити в родную Суждальскую землю, отец же не дозволяше ти; ты же скорбя и сетуя, ночами молился еси в Вышеградстем соборе, да укажет ти Христос како подобает право ступати, взывал еси Господеви: Аллилуйя.
Икос 4
Слыша, благоговерный княже Андрее, от вышеградских жителей, яко сия чудотворная икона во храме со своего места схождаше и на воздусе среди церкви стояше, возгорелся душею еси, приемлюще сие знамение, яко благоволение Божие ти, изшед оттуду в путь свой, радуяся, неся с собою сокровище многоценное - многочудную икону Пресвятой Богородицы, дерзновенное исшествие твое прославляем, глаголюще:
Радуйся, Богодвижно исшедый из земли Киевския да зачало Руси Московстей обустроиши;
Радуйся, яко Божественный исход твой Богомати иконою Своею осеняше.
Радуйся, Богом званный на дела великия, дл прославиши ими имя Господне;
Радуйся, Богоначальный царю, яко возвыси тя Вседержавный паче иных за Богопочитание твое.
Радуйся, Богомольный христианине, яко возносимыя молитвы твоя выну слыша Господь;
Радуйся, Богом вразумляемый и вспомоществуемый на всех стезях жития своего.
Радуйся, святый благоверный великий княже Андрее.
Кондак 5
Яко Боготечная звезда бысть икона Богоматери на пути шествия твоего, святе Андрее, и чудо неизреченное от нея явися, егда отшедшу ти не на мнозе от града Владимира, кони, везшие икону, внезапу стаху, и никакая же сила возможе подвигнути их с места того; ты же повелел еси тогда молебствие Богу служити и, припавши к образу Пречистыя, вопиял: Аллилуйя.
Икос 5
Виде внезапу свет неизреченный, иже осия в полунощи шатер княжеский, благоверный Андрее, паде долу в страсе и трепете, яко узре Самую Пресвятую Богородицу, явльшуюся ти молящемуся, призре бо Царица Небесная на сокрушение сердца твоего, на любовь твою ко храмам и народу православному, и прорече ти словеса дивныя, повелевая икону во граде Владимире поставили и на месте сем храм во имя Своего Рождества основати и обитель иноком устроити, и посем молящеся Пречистая явльшемуся во облацех Господу за место сие и Русь Святую пред очами твоими, показуя промышление велие о народе своем, сего видения сподобльшемуся, князю поем:
Радуйся, истово и благогоуветливо изволение Владычицы исполнивый;
Радуйся, обитель Боголюбимую на месте явления Богоматери основавый.
Радуйся, многочудную икону Пресвятыя Богородицы написати повелевый;
Радуйся, многочестно ю каменьми драгими украсивый.
Радуйся, Боголюбивою ю наименовавый, яко возлюби Пречистая место сие;
Радуйся, яко мнози знамения и чудеса от иконы чудотворныя верным Богомати подаде.
Радуйся, святый благоверный великий княже Андрее.
Кондак 6
Проповедует доныне обитель Боголюбская чудеса деяний твоих, яко Небесное повеление Богоматери исполняя, обитель и храм во славу Пречистой на месте явления Ея воздвигл еси и икону Боголюбивую, первую писанную на Руси в память видения сего, сотворити повелел еси, яко же и доселе вси молящиися пред нею с верою получают просимое, вопия в Благодарении Богу: Аллилуйя.
Икос 6
Возсия во стольнем граде Владимире святыня великая - чудотворная икона Пресвятыя Богородицы, руками святаго евангелиста Луки сотворенная и твоима, княже Андрее, руками, в сей град Богохранимый принесенная и тамо во храме тобою воздвигнутом, поставленная на поклонение верным, иже и вопиют ти:
Радуйся, повеление Владычицы исполняя, многочудную икону во граде Владимире поставивый;
Радуйся, иконою Владимирскою Русь державную отныне и до века благословивый.
Радуйся, яко сия икона от дне того явися символом и покровом Руси Святой;
Радуйся, яко Богоматерь чрез Свою икону Владимирскую землю Русскую многажды от бед и напастей избавляше и сохраняше.
Радуйся, духоносный правителю, промыслом Божиим таковыя дивныя иконы Пресвятыя Богородицы Отечествию даровавший;
Радуйся, яко и доныне всем молящимся пред ними с верою, Пречистая благодать и милость Сына Своего неоскудно дарует.
Радуйся, святый благоверный великий княже Андрее.
Кондак 7
Хотяше, благоверный Андрее, земли разрозненныя во едино царствие соединити и едннодержавно землею русскою владети, да богатеет и преуспевает во славе и благочестии, укрепляше грады и веси, всюду храмы Господни созидая, да прославляют в них людие имя Божне, поя: Аллилуйя.
Икос 7
Новый Владимир - креститель земли северной обрелся еси, Богомудрый княже, приводя люди неверныя ко Христу Богу и церковное благолепие преумножая, памятовал еси слова Спасителевы: «Ищите прежде Царствия Божия и правды его и вся сия приложится вам» и дарова Господь Руси вся земная, яже на потребу суть, не посрамляя упования твоего, еже восхваляем:
Радуйся, адамантову веру, ничем непоколебимую, в целости до смерти своея сохранивый;
Радуйся, яко по молитве твоей к Богородице, дванадесять человек, камением порушившимся побиенных, невредимы обретошася.
Радуйся, благолепие церковное паче иных красот тленного мира сего возлюбивший;
Радуйся, устроением храмов богатство тленное на богатство вечное неоскудевлемое делы рук своих пременивший.
Радуйся, велемудренный зодчий, поспешествуемый силою Творца и Зиждителя;
Радуйся, велений Божиих ревностный исполнителю.
Радуйся, святый благоверный великий княже Андрее.
Кондак 8
Странно бысть именитым сродницем твоим чудное житие твое, яко не о славе си, но первее о благоукрашении церковнем со всем тщанием прилежал еси и о величин веры Христовой ревновал еси, сего ради и ополчился на тя враг рода человеческаго со приспешники своими, кии поношаху и клеветаху на тя, ты же по заповеди Христовой за злохулителей своих молился еси Богу, взывая Ему: Аллилуйя.
Икос 8
Весь отдал еси ся на служение народу, ти от Бога врученному, покорил еси неверное царство Болгарское под нозе войска русского, проплавлял еси Бога, даровдвшего ти поведу таковую, и в память сего праздник Всемилостиваго Спаса и Покрова Пресвятыя Богородицы праздновати повелел еси, еже мы до дне сего творяще, в блалгодарении вопием ти:
Радуйся, на поле брани знамение от иконы Спасовы - сияние паче луч солнечных изумеваяся узревый;
Радуйся, хвалу Иисусу в день победы над неверными праздновати повелевый.
Радуйся, праздник Покрова Пресвятой Богородицы Богомудренно устроивый;
Радуйся, Русь Святую Покрову Божией Матери посвятивый.
Радуйся, нечестивых не силою оружия токмо, паче же милосердием покоривый
Радуйся, на служение Руси - Дому Пресвятой Богородицы все житие свое положивый.
Радуйся, святый благоверный великий княже Андрее.
Кондак 9
Всяким добродетелем причастен явился еси, свят и праведен в житии обретыйся своем, сего верою укрепляемый вся напасти за вся яже ниспосла ти Господь, благодарил еси Создателя нашего, в испытаниях и печалях укрепившаго и в милости Своея обильно тя одарившаго. Тем же просим тя: нам сицевыя искушения претерпети и веру непоколебиму сохранити даже до кончины своей, молящеся Подвигоположнику Богу: Аллилуйя.
Икос 9
Ветия мира сего недоумеваху, святе Андрее, како не любил еси застолий княжиих и пиров дружинных, уединяяся в Боголюбове, покоях своих и тамо моляся, тако и сынов своих во благочестии и страсе Божием возрастил еси, яко овы убо на поле брани за Веру и Отечество погибоша; един же, скончавшися в возрасте юношестем, в лице святых обретеся, таковаго родителя почитающе восхваляем:
Радуйся, ибо плоды доброрасленны древа многоплоднаго сыны твоя обретошася;
Радуйся, яко нетленныя мощи сына твоего Глеба славу твою, яко отца его преумножают.
Радуйся, яко чада твоя прежде тя в Горний Иерусалим предъидоша да место упокоения ти уготовают;
Радуйся, отец любвеобильный, бывый не токмо чадом по плоти, но всем людем Царствия твоего.
Радуйся, яко мнози невернии и нечестивни, зряще благочестное житие твое, во Христа крестишася;
Радуйся, яко оныя ныне сорадуются ти во Царствии Небесном Царю Небесному, яко верныя сыны царя земнаго.
Радуйся, святый благоверный великий княже Андрее.
Кондак 10
Спасти хотя душу свою, не устрашился еси злых наветников, иже замыслиша убити тя, токмо вопиял еси убийцом твоим: «Что вам зло сотворих или за кое дело заколаете мя, Горясеру, наемнику Святополкову, подобящеся», мы же, сия ныне поминающе, княже-страстотерпче, восхваляем Подвигоположника Христа, Укрепившего тя в час смертный, воспевая Ему: Аллилуйя.
Икос 10
Стеная и вопия, сшел еси по лестнице долу и спряташеся в нише столпа восходнаго, истекая кровию от лютых ран и язв, ихже злочестивии ти нанесоша, тщался еси стражу на помощь себе призвати, но услышали глас твои, убийцы окаянныя и нашедшу тя, отсекоша ти шуйцу твою, немилостивно удары секирам и мечи наносяще ти удары смертныя, и тако прикончиша тя; ты же с молитвою на устех душу чистую Господу Живодателю предал еси, страдания твоя восхваляюще, зовем:
Радуйся, во испытаниях своих веру крепку, яко Авраам, явивый;
Радуйся, в злостраданиях терпение твердое, яко Иов, показавый;
Радуйся, не суетному унынию, но Божьему благоволению себе предавый;
Радуйся, от лжебратии преданный, жестоко умученный и убиенный.
Радуйся, землю Боголюбимой обители святою кровию обагривший.
Радуйся, житием своим землю Русскую прославивший;
Радуйся, святый благоверный великий княже Андрее.
Кондак 11
Пение Богу и Пресвятей Богородице доныне приносим, княже, во храмех, тобою воздвигнутых, памятующе слова Писания, тобою на деле исполненныя: "Стяжите себе сокровище на Небеси, идеже ни тля тлит и татие не подкопывают и не крадут"; стяжал еси себе, святе Андрее, сокровище таковое, имже нас грешных обогощаеши, молящихся Богу, тя прославившему : Аллилуйя.
Икос 11
Светозарный луч света Божественнаго осени все житие твое, и чаяния славных деяний твоих сбышася послежде над Церковню и Отечеством, егда крамолы княжая престаша и воцарися царь един на Руси. Мы же молим тя, святе княже Андрее, молися и ныне Всещедрому Богу, да ниспошлет благодать покаяния всем заблудшим чадом небеснаго Отца и от греха к отеческому дому востекших, укрепит веру истинную в державе земной твоей, и да востановит престол царей христолюбивых, зовем ти:
Радуйся, стольный град Владимир, осеняемый милостию Богородицы, благогоустроивый и благоукрасивый;
Радуйся, славу государства Московскаго прозорливо прознаменовавший.
Радуйся, Богом призванный на служение царское;
Радуйся, приснопеваемый устроителю державы Русския.
Радуйся, к Богопознанию приводящий;
Радуйся, к свету истины прельщенныя обращающий.
Радуйся, страх Божий в сердца вселяющий
Радуйся, святый благоверный великий княже Андрее.
Кондак 12
Благодать истекает от мощей твоих, яко всем приходящим к раце твоей, подаеши просимое, сего ради молим: не остави державы твоея и живущих в ней, не престай молитися за весь мир христианский, да вопиют выну вси Всемогущему Богу: Аллилуйя.
Икос 12
Поюще всесвятую память твою, княже Андрее, прославляем и императора Николая, в день сей страдания Христа ради приявшего, ибо яко Господь Превечен сый, Начаток и Конец, все сущее и созданное в руце Своей выну Содержащий, тако и вы, царие святии, житием своим и кончиною мученическою Господа прославившия, яко первый и последний царство русское, яко царство Божие на земли, промыслом Вышняго увенчали есте, сего ради мы грешныя, дивящеся неизследимым судьбам Божиим, вопием:
Радуйся, яко первым царем некоронованным государства Русскаго от потомков своих наименован бяше.
Радуйся, деннонощно моливыйся о благоденствии Отечествия земнаго и по преселении во Отечествие Небесное не оставивый молитвы своея о нас.
Радуйся, правителей, яко слуг Божиих, поставляяй
Радуйся, судиям и адвокатом святое зерцало правды открываяй
Радуйся, сущих во власти к торжеству добра направляющая.
Радуйся, Святителей правилом веры и образом благочестия украшаяй;
Радуйся, святый благоверный великий княже Андрее.
Кондак 13
О, святый великий княже-страстотерпче Андрее, и ныне не оставляй предстательством народа своего и земли Русстей, молися спастися нам, потомкам подданных твоих и Царствия Небеснаго достигнути, идеже ты с прочими святыми князи и цари и всеми от века праведными чина всякаго, вопиеши к Богу в нескончаемей славе: Аллилуйя, Аллилуйя, Аллилуйя.
(Этот кондак читается трижды, затем икос 1 и кондак 1)
МОЛИТВА
О, святый благоверный великий княже Андрее! Страстотерпче и мучениче! Слуго Божий верный и Богославный, христианине истовый и Богоревнивый, муже любодобродетельный и Богомудрый, воине всечестный и воеводо доброхвальный, монарше Богоизбранный и Боголюбимый, правителю державный и дерзновенный! Русь Святую, на уделы и княжества разобщенную, хотевый во едино царствие собрати и единодержавно ею правити, да непреоборима от враг истиннаго христианства пребудет; за сии деяния во славу и честь Бога Христианского убиенный и кровию своею основание Руси Святой с прочими князи-мученики укрепивший, да во век незыблема пребудет; даровавший Руси многочудныя иконы Богоматери и Тою паче многих иных за Благочестие и Богопочитание возлюбленный.
Сыновей возрастивший, иже тя, отца земнаго своего, житием своим и Отца Небеснаго кончиною своею прославиша. Обитель Боголюбивую основавый и мнози храмы воздвигнувый, в них же доселе молящеся мы, грешнии, просим твоего предстательства и Небесныя помощи; испроси, святе Андрее, у Господа Вседержителя милости богатыя обездоленному царствию русскому и отпущения многих и тяжких грехов народам христианским, да дарует Спаситель нам правителя тебе подобнаго, иже возмогл бы возродити Отечествие наше земное и ко Отечествию Небесному привести нас, идеже ты ныне, княже, во славе Невечерняго Света предстоя со всеми святыми, восхвалявши в Троице славимаго Бога Отца и Сына и Святаго Духа, ныне и присно и во веки веков. Аминь.
ТРОПАРЬ
Тропарь, глас 8
Яко благоверен и праведен, за любовь Христа Бога от своих смерть приял еси, кровь свою пролияв, якоже прежде сродницы твои и страстотерпцы Борис и Глеб, ихже кровем совопиет и твоя кровь, святе, к Богу, якоже Авеля и Захарии праведных, благоверный страстотерпче, великий княже Андрее, с ними же Христа Бога моли о стране нашей, еже Богоугодней быти и сыновом российским спастися.
Кондак, глас 8
В мире сем благочестно и праведно пожив, молитвою, милостынею и благостраданием Богу угодил еси, сего ради и Бог по убиении твоем прослави тя нетлением и чудесы, Его же, святе Андрее, моли сохранити отечество твое и всех людей, благочестно тебе почитающих.
Велтчание
Величаем Тя, святый благоверный великий княже Андрее, и чтим святую память Твою, Ты бо молиши за нас Христа Бога нашего.
КАНОН
(Святому благоверному великому князю Андрею Боголюбскому)
Тропарь, глас 8-й
Яко благоверен и праведен, за любовь Христа Бога от своих смерть приял еси, кровь свою пролияв, якоже прежде сродницы твои и страстотерпцы Борис и Глеб, ихже кровем совопиет и твоя кровь, святе, к Богу, якоже Авеля и Захарии праведных, благоверный страстотерпче, великий княже Андрее, с нимиже Христа Бога моли о стране нашей, еже Богоугодней быти и сыновом российским спастися.
Ин тропарь, глас 3-й
Еже во плоти житию твоему удивишася Ангельстии Чини: како с телом к невидимым сплетением изшел еси, преславне, и уязвил еси демонския полки. Отонудуже, Андрее, Христос тебе воздаде богатыми дарованьми: сего ради, отче, моли спастися душам нашим.
Канон, глас 8-й
Песнь 1
Ирмос: Колесницегонителя фараоня погрузи чудотворяй иногда Моисейский жезл, крестообразно поразив и разделив море, Израиля же беглеца, пешеходца спасе, песнь Богови воспевающа.
Припев: Святый благоверный княже Андрее моли Бога о нас.
Славнейшаго Тебе Царя и Владыку Небесных Сил и всякаго создания, Творца же и Господа, Триипостаснаго и Единосущнаго Бога молю: отверзи уста моя недостойная пети раба Твоего, великаго князя и чудотворца Андрея.
Святый благоверный княже Андрее моли Бога о нас.
Богоспасаемаго земнаго отечества быв слава и глава, Небеснаго Отечества наследник показался еси, благоверный княже Андрее, пролитием крове твоей неповинныя, в немже ликуя со Ангелы, поеши Едино Божество Святая Троицы.
Слава: Града Вышняго Сиона в кровех водворяяся, Трисолнечнаго Божества славы богатно наслаждаешися, еяже и нас причастники сотвори непрестанными твоими ко Господу предстательствы, поющих тя, блаженне княже Андрее.
И ныне: Владимира града Российския державы благочестивый народ просветила еси, о Преблагословенная Богородице Марие, Андреевым принесением чудотворнаго Твоего образа, егоже списа Богогласный евангелист Лука.
Песнь 3
Ирмос: Утверждение мое, Спасе, еси, прибежище мое и сила, поколебавшееся сердце мое утверди в страсе Твоем, яко несть свят, якоже Ты, Бог наш.
Святый благоверный княже Андрее моли Бога о нас.
Святыя Богородицы чудотворный образ яко непобедимое оружие на враги и покров твердейший во бранех имел еси, досточудне Андрее, всю свою надежду на Первообразную полагая, ведый Тоя всесильное заступление.
Святый благоверный княже Андрее моли Бога о нас.
Соборныя церкве Владимирския основатель и украситель был еси, преблаженне, храм светозарен Господеви имея сердце твое, храмы и нас соделай Духу Святому непрестанными твоими и богоприятными молитвами, всечестне.
Слава: Апостольския проповеди о Христе и отеческая учения твердо в сердце твоем печатлея, благочестием и верою просиял еси, преславне, паче солнца, в техже моли и нам сохраненным быти до конца Того благодатию.
И ныне: Великия тайны чудо на Тебе устроися Богоизбранная Отроковице: Безначальнаго бо Отца Единосущное Слово действом Святого Духа из Тебе воплотися во спасение наше и обновление, Благодатная.
Господи, помилуй (трижды)
Седален, глас 5-й
Память блаженнаго и праведнаго страстотерпца великаго князя Андрея Боголюбиваго, похвальными песньми возвеличим: днесь бо предстоит у Престола всех Царю, Христа Бога, и молится непрестанно Господеви грехов оставление и жития исправление даровати празднующим духовно святую его память и верно покланяющимся чудотворней раце мощей его.
Слава: Чувства вся плоти обуздав и стезею заповедей Божественных ходив, оттуду прославился еси славою и от славы в славу прешел еси, великий княже Андрее: чудеса бо дивно соделал еси, силою Креста укрепився, полки сопротивных одолел еси и человеки ясно научил еси служити Единому в Троице Богу, Его же моли спастися нам.
И ныне: Предстательство наше крепкое, и покров и стену непреборимую воспоим, Марию Деву Всенепорочную: присно бо предстоящи Престолу Сына Своего и Бога, молит Того даровати благовременну помощь и спасение всем, усердно призывающим Ю и верно покланяющимся святому Ея образу.
Песнь 4
Ирмос: Услышах, Господи, слух Твой и убояхся, яко неизреченным Советом, Бог сый Присносущный, от Девы прошел еси, воплощся. Слава снизхождению Твоему, Христе, слава силе Твоей.
Святый благоверный княже Андрее моли Бога о нас.
Церкви многия создал еси во славу Иисуса Христа и Пречистыя Его Матере, всеблаженне Андрее. И в них непрестанное славословие приносил еси, вопия: слава снизхождению Твоему, Христе, слава силе Твоей.
Святый благоверный княже Андрее моли Бога о нас.
Перваго своего гражданства, сущаго на Небесех, любезно возжелал еси, боголюбивый княже Андрее, сего ради страхом Господним паче царскаго порфироносия одеявся, земное жительство проходил еси.
Слава: Иерея древле Вышеградскаго направил еси, преблаженне, спутешествовати тебе, паче же чудотворному Богоматере образу; управи и мене, святе, шествовати путем заповедей Божиих, по немуже сам усердно ходил еси.
И ныне: Светом Божественным исполни сердце мое, Богородице Дево, еже злых присно ми отвращатися, благих же неуклонно держатися теплыми Твоими к Богу о нас молитвами.
Песнь 5
Ирмос: Вскую мя отринул еси от лица Твоего, Свете Незаходимый, и покрыла мя есть чуждая тьма, окаяннаго, но обрати мя и к свету заповедей Твоих пути моя направи, молюся.
Святый благоверный княже Андрее моли Бога о нас.
Тезоименитаго Тя ведущи первозванному ученику Христову, сообразна тому видим тя и в кончине твоей, христолюбивый княже: за правду бо кровь свою излиял еси, яко агнец незлобивый, закалаемь от тех, имже свой и благодетель был еси.
Святый благоверный княже Андрее моли Бога о нас.
Тщанием крепким правосудию прилежал еси, богорачительный княже, не познавая лица на суде, ниже сильнаго бояся, сего ради от злодейственных ненавистников, от ножа скончаваешися.
Слава: Написася твое имя в книгах живота вечнаго на Небесех, чудный страдальче, и нас тамо вписанных быти ходатайствуй, славящих Христа в честнем страдальчестве твоем.
И ныне: Сие и мы приносим, Благодатная Богородице Дево, еже древле Гавриил Архангел принесе Ти, благодарственно воспевающе: радуйся, Обрадованная, Господь с Тобою, благословен Пречистый Плод святаго чрева Твоего.
Песнь 6
Ирмос: Очисти мя, Спасе, многа бо беззакония моя, и из глубины зол возведи, молюся, к Тебе бо возопих, и услыши мя, Боже спасения моего.
Святый благоверный княже Андрее моли Бога о нас.
Все житие свое добре украшал еси, страстотерпче Андрее, прилежными молитвами, постом и чистотою, правосудием и милосердием, благочестно Господеви служа день и нощь.
Святый благоверный княже Андрее моли Бога о нас.
Святому Духу дом бысть незлобивое сердце твое, Богоблаженне, чистотою красящееся, еяже ради ныне зриши чисте Святую Троицу, озаряя нас чудес лучами и исцелений блистаньми.
Слава: Благоверному и боголюбивому нраву прилежа, Христа вселил еси во благоразумную душу твою, досточудне, темже и нас боголюбивому и благочестивому житию ревнители покажи и Небеснаго Царствия наследники, воспевающих тя.
И ныне: Великому милосердию Сына Твоего, причастники сотвори нас, Богородительнице, в день великаго и праведнаго Суда Его, егда второе на землю приидет со славою страшною.
Господи, помилуй (трижды). Слава, и ныне:
Кондак, глас 8-й
В мире сем благочестно и праведно пожив, молитвою, милостынею и благостраданием Богу угодил еси, сего ради и Бог по убиении твоем прослави тя нетлением и чудесы, Егоже, святе Андрее, моли сохранити отечество твое; и всех людей, благочестно тебе почитающих.
Икос
Верою и любовию послужил еси Христу Богу во днех живота твоего, славне Андрее, по страдальчестей же кончине твоей со святыми вселился еси, нетлением же телесе и даром чудотворений почтен еси от Мздовоздаятеля. Темже с любовию вопием ти:
Радуйся, благоплодная отрасле от державнаго и святаго корене.
Радуйся, благоверия любезный рачителю;
Радуйся злочестия ревностный искоренителю.
Радуйся, любомудрия прилежный снискателю;
Радуйся целомудрия непорочный хранителю.
Радуйся, милосердия обильный раздаятелю;
Радуйся, лукавых духов прогонителю.
Радуйся, злостраждущих скорый исцелителю;
Радуйся, всероссийскаго рода предстателю.
Радуйся, христолюбиваго воинства поборниче;
Радуйся, молебниче теплый Христу о всех, благочестно тебе почитающих.
Песнь 7
Ирмос: Божия снизхождения огнь устыдеся в Вавилоне иногда. Сего ради отроцы в пещи, радованную ногою, яко во цветнице, ликующе, пояху: благословен еси, Боже отец наших.
Святый благоверный княже Андрее моли Бога о нас.
Князю Боголюбивому Андрею духовныя песни принесем, сошедшеся к цельбоносней раце нетленных мощей его, просяще грехов разрешения и мирнаго жития у Христа, Благословеннаго отцев Бога.
Святый благоверный княже Андрее моли Бога о нас.
Андрею, чудотворцу и мученику, усердно возопиим: моли о нас Человеколюбца Бога, всеблаженне, торжествующих память страдальчества твоего, преславнаго и Христу поющих отрочески: благословен еси, Боже отцев наших.
Слава: Боголюбовскому месту любезно прилежа, чисто тамо водворялся еси, Андрее Богомудре, идеже сродницы твои и слуги любимии, мужественное и святое твое тело изранивше, убиша, ты же славил еси Благословеннаго Бога отцев наших.
И ныне: Славному Владычню престолу предстоящи, Славная Владычице Богородице Дево, со блаженным Андреем моли Сына Твоего и Бога всем вечное спасение даровати, покланяющимся святому образу твоему и Христа поющим отрочески: Боже, благословен еси.
Песнь 8
Ирмос: Седмерицею пещь халдейский мучитель Богочестивым неистовно разжже, силою же лучшею спасены, сие видев, Творцу и Избавителю вопияше: отроцы, благословите, священницы, воспойте, людие, превозносите во вся веки.
Святый благоверный княже Андрее моли Бога о нас.
Чудотворцу и мученику князю Роману и брату его Давиду сродник и подражатель был еси, Андрее прехвальне, вси бо вы мученическою стезею востекосте в Небесныя Обители ко Христу Богу, Егоже молите сохранити нас от всякия напасти, покланяющихся Ему во веки.
Святый благоверный княже Андрее моли Бога о нас.
Владимирскому пределу самодержец благочестив явился еси, праведниче, во плоти живый; ныне в Небеснем Царствии со Ангелы ликуя, посещай отечество твое, чудеса от раки и цельбы подая вопиющим: вся дела Господня, Господа пойте и превозносите во вся веки.
Слава: Трудолюбием плоть свою изнурил еси, всечестне, и безстрастием боголюбивую душу твою возрастил еси, в няже благодать Пресвятыя Троицы всельшися, всего тя светоносна содела, непрестанно вопиюща: отроцы, благословите, священницы, воспойте, людие, превозносите Господа вовеки.
И ныне: Многогрешнаго мя, Пресвятая Богородице, помилуй стрел лукаваго избавляющи, и огнь страстей моих погаси, и сподоби присно имети житие мирное и безмятежное и Тебе со Единородным Твоим Сыном и Богом пети и превозносити непрестанно во вся веки.
Песнь 9
Ирмос: Ужасеся о сем Небо и земли удивишася концы, яко Бог явися человеком плотски и чрево Твое бысть пространнейшее Небес. Тем Тя, Богородицу, Ангелов и человек чиноначалия величают.
Святый благоверный княже Андрее моли Бога о нас.
Иоанна Крестителя воздержанию последуя, Иоанна же наперсника целомудрию подражая, Давидовою кротостию одеявся и Соломоновою мудростию облистався, Илиину ревность и Петрово исповедание благочестием своим и Православием стяжал еси и Христу мученически спострадал еси, пребогате.
Святый благоверный княже Андрее моли Бога о нас.
Владимира града и всея земли Российския люди сохраняй, боголюбивый и всеславный княже Андрее, от бед и печалей, во Православии и благочестии молитвами твоими соблюдая всех нас, песньми тебе величающих.
Слава: Жителя мя суща земнаго, жителя сотвори и Небесна предстательством твоим ко Господу, преблаженне, приемля убогое сие тебе песнословие, да тя, яко благодетеля моего, присно величаю.
И ныне: Нища и убога мя добродетельми, о Всечистая и Приснодевствующая Богородице, помилуй, мрак печалей, уныния и отчаяния разгоняющи и добродетельное ми богатство подавающи, и милостию Твоею спаси мя и всех, величающих пресвятое имя Твое.
