Преподобные Антоний и Феодосий Печерские

 

 

(2 / 15 сентября)

 

      Преподобные Антоний и Феодосий Печерские с древних времён почитались не только в своём монастыре, но и во всей Русской земле, куда только доходила слава Печерской обители, и где несли свое настоятельское и архиерейское служение многочисленные постриженики этой колыбели русского монашества.

   Однако, если житие преподобного Феодосия сохранилось в составе целого ряда рукописных сборников, древнейший из которых, Успенский, восходит к концу XII в., то житие преподобного Антония по неизвестным на сегодня причинам было утрачено ещё в древнерусский период и сохранилось лишь фрагментарно в составе иных письменных памятников, например: жития преп. Феодосия, Повести Временных лет (далее — ПВЛ), а также ряда позднейших летописей XVII века (напр.: Густынской, Архангелогородской).

  Таким образом, главным источником жизнеописания преподобного Антония служит Сказание чего ради Печерский монастырь назвался, содержащееся в составе ПВЛ и написанное Печерским иноком преподобным Нестором Летописцем.

    Так, преподобный Нестор сообщает, что юноша Антипа, родом из города Любеча (ныне: в Черниговской обл.), отправился на Афон (Греция), где принял ангельский образ (великую схиму) с именем Антония в одной из афонских обителей.

   Вероятнее всего, этим новым домом русского инока стал монастырь Эсфигмен. Это была так называемая особножительная обитель (по-греч. — идиоритмия), где иноки, в зависимости от своего духовного опыта, подвизались на значительном расстоянии друг от друга, даже не общаясь между собою, лишь окормляясь у одного старца-игумена.

    В воскресные дни и праздники они собирались вместе в монастырской церкви для Божественной Литургии и соборно вкушали праздничную трапезу. Именно такой тип безмолвного монашества, по сути отшельничества, со всем присущим ему молитвенным деланием и принёс на Русь преподобный Антоний с далёкого Афона, получив от игумена благословение вернуться в родную землю. Произошло это около 1028 г. в правление великого князя Ярослава Мудрого (†1054).

    На Руси, особенно в Киеве, к тому времени было уже несколько монашеских обителей, но, как пишет преп. Нестор, среди множества монастырей в околицах древнего Киева Антоний не нашел ни одного, с которым бы решился связать свой отшельнический подвиг и благословение афонского игумена. Много монастырей поставлено от князей и бояр, но не таковы они, каковы поставлены слезами, пощением и молитвою.

     Первоначально преподобный поселился в пещерке на Берестовой горе. По преданию, в этой пещерке (так наз. Варяжской) ранее подвизался некий священник Илларион, возможно, тот самый, что впоследствии был поставлен митрополитом Киевским и прославился в истории благодаря знаменитому Слову о Законе и Благодати, выдающемуся памятнику древнерусского проповеднического искусства. Но преподобный Антоний не был проповедником, он был просто безмолвником и тихим тружеником молитвы. Это и привлекло к нему таких же как и он искателей безмолвия.

     Вскоре вокруг него начала собираться братия, среди которых были великие Никон, Варлаам и Феодосий. Когда братия окрепла и познала тернистый путь монашеского подвига, преподобный Антоний, стремясь к совершенному безмолвию, поставил братии в игумена преподобного Варлаама, а сам удалился на соседнюю гору (ныне: «Ближние» пещеры), где подвизался по-прежнему в трудах уединения до самой своей смерти.

    Первоначально молитвенная жизнь монастыря сосредотачивалась в пещерах, где помещались и церковь, и трапезная с кельями. Но когда число братии умножилось, особенно в игуменство преподобного Феодосия (†1074), в пещерной церковке стало слишком тесно. Тогда преподобный Антоний, согласно Печерскому преданию, благословил постройку деревянной церкви на горе. Как сообщает об этом лаврский Патерик: Заложиша церковь велику и монастырь оградиша столпием и келиа поставиши многы, и церковь украсиша иконами; и оттоле нача зватися Печерский монастырь. Так получила свое начало «Небеси подобная» церковь во имя Успения Пресвятой Богородицы, долгие столетия остававшаяся одной из величайших святынь русского Православия.

    С 1069 года преподобный Антоний некоторое время (вероятно, несколько лет) пребывал в Чернигове, где также основал пещерный монастырь на Болдиных горах (ныне известный как Троицко-Ильинский).

    Утраченное древнейшее житие, по-видимому, унесло с собою в лету и ответ на вопрос: что же заставило затворника оставить свой затвор и вновь отправиться в странствие? Совпадение даты возвращения князя Изяслава в Киев с датой оставления его преподобным Антонием даёт повод предположить некую связь между этими событиями.

     Как известно, в результате княжеских междоусобий годом ранее князь Изяслав был изгнан из стольного града, и киевские бояре посадили на престол князя Всеслава Полоцкого. Однако через год Изяславу удалось вновь воцариться в Киеве.

   Не исключено, что преподобный Антоний благоволил князю Всеславу и вынужден был удалиться из Киева после переворота, возможно, будучи даже изгнан разгневанным князем (в то же время и Никон вынужден был бежать под угрозой ареста со стороны Изяслава в Тмутаракань (Крым); позднее известен даже случай пыток князем Мстиславом Печерских иноков).

   Так или иначе, но в 1073 г. княжеская распря возгорелась с новой силой и Изяслав вновь вынужден был бежать из Киева, а престол занял его брат Святослав. Вполне вероятно, что именно это и дало возможность преподобному Антонию вернуться в Печерскую обитель, чтобы сотворить там последнее свое начинание — благословить закладку Великой Печерской церкви и с миром отойти в вечные обители.

   Итак, по истечению почти 40 лет труднического подвига в Печерском монастыре, преподобный преставился в 1073 году (согласно Печерской традиции день преставления празднуется 10/23 июля).

   Благочестивая русская традиция сохранила за преподобным Антонием эпитет начальника всех русских иноков. Хотя, как уже упоминалось выше, ко времени прихода преподобного с Афона на Русь в Киеве уже были княжеские патрональные монастыри (летопись упоминает три таких монастыря), но именно с безмолвнических подвигов преподобного Антония берёт своё начало то русское монашество, которому суждено было сыграть особую историческую роль в путях русской святости и всей нашей культуры в целом (и не только древней). Дело в том, что именно Печерская обитель стала образцом и примером для прочих монастырей в Древней Руси (особенно в XI-XIV вв.).

   Более всего архиереев в древнейший период истории нашей Церкви были постриженниками именно Киево-Печерского монастыря, неся во все уголки Руси дух обители преподобных Антония и Феодосия. Именно преподобным Феодосием был введён монашеский устав по примеру Студийского общежительного монастыря, но ещё более преподан личный пример общежительного подвига, глубочайшего смирения и неустанного иноческого труда.

   И хотя не Антониев, а Феодосиев тип монашеского делания был воспринят и получил распространение в Русской Церкви, но вспомним, что именно к преподобному Антонию пришёл юный Феодосий учиться христианскому смирению и монашескому послушанию. В конце концов, именно с пещерки преподобного Антония, как от некоего русского «Вифлеема», началась великая Лавра, без которой немыслимо было бы укоренить христианское благовестие в едва лишь обращенной языческой Руси.

   Таким образом, преподобного Антония Печерского по праву можно назвать родоначальником русских иноков, отцом русского монашества.

   Память преп. Антония совершается 20 мая / 23 июля (день преставления — согласно разным святцам, одинаково принятым сегодня), 15 сентября (преп. Антония и Феодосия) и 11 октября (Собор преподобных Киево-Печерских, в «Ближних» (Антониевых) пещерах почивающих) (даты по нов. стилю), 2-я неделя Великого поста (Собор всех Печерских святых). Преподобный Феодосий Печерский (ум. 1074) – один из первых игуменов Киево-Печерского монастыря, один из крупнейших православных подвижников и церковных идеологов Киевской Руси второй половины ХI века, “отец русского монашества”, православный святой.

    Свидетельством о жизни Феодосия Печерского является его Житие, написанное в конце XI — начале XII вв. монахом Киево-Печерского монастыря Нестором. Кроме того, сведения о Феодосии имеются в Повести временных лет и в “Киево-Печерском патерике”.

    Согласно Житию, Феодосий родился в г. Василеве близ Киева в богатой семье княжеского слуги. Детские годы провел под Курском, куда переехала его семья. После смерти отца, дом вела мать Феодосия, которая хотела видеть его продолжателем отцовских занятий.

   Но Феодосий уже в детстве, избегая игр и забав, прославился подвигами во имя Божие – носил железные вериги, постоянно молился, ходил в рубище. Юношей он покинул дом и пришел в Киев в пещеру к монаху Антонию, основателю Киево-Печерского монастыря.

    Другой насельник пещеры, Никон, постриг Феодосия в иноческий чин. С самого начала монашеского пути и до конца жизни Феодосий со рвением исполнял все монашеские послушания: много трудился наравне с другими, был очень скромен, питался хлебом с водою, никогда не спал лежа, но лишь сидя.

     В 1062 г. братия избрала Феодосия игуменом Киево-Печерского монастыря. В годы его управления монастырь стал едва ли не самым значительным церковным центром Киевской Руси. Число иноков возросло до ста человек, были устроены наземные кельи, началось строительство главного храма монастыря – церкви во имя Успения Пресвятой Богородицы.

     По указанию игумена из Константинополя был привезен т.н. Студийский устав, учреждавший общежительскую форму организации монастыря. Этот устав разошелся по всей Руси по другим монастырям.

  “Оттого и почитается монастырь Печерский старейшим среди всех монастырей”, – написано в “Повести временных лет”. Многие насельники Киево-Печерской обители позднее стали епископами в других русских городах.

   Феодосий активно участвовал в политических событиях, развернувшихся в 60–70-е гг. XI в. в Киевском государстве – в борьбе сыновей Ярослава Мудрого за великокняжеский престол. В 1073 г. Феодосий Печерский резко осудил изгнание из Киева князя Изяслава Ярославича. Печерский игумен вообще выступал за необходимость духовного контроля Церкви над светской властью.

   Феодосию приписываются более двадцати сочинений, но, по мнению исследователей, с достаточным основанием его можно считать автором двух посланий, восьми поучений и молитвы. Поучения и послания Феодосия Печерского — это ценные свидетельства о распространение в Киевской Руси христианского вероучения в его византийской трактовке, ибо сам Феодосий и иноки Киево-Печерского монастыря в духовном смысле ориентировались именно на Византию. Лучшие издания сочинений Феодосия Печерского принадлежат И. П. Еремину и Н. В. Понырко.

     Феодосий Печерский сыграл значительную роль в развитие отечественной религиозно-философской мысли. Он считается создателем так называемой “печерской идеологии”.

   В отличие от оптимистического раннего русского христианства, печерские старцы, и, прежде всего, cам Феодосий, внесли в древнерусскую духовную жизнь новую для нее идею аскезы, т.е. отречения от всего земного, мирского и плотского в пользу духовного самосовершенствования.

    По мнению печерских иноков, Святое Крещение очищает человека от скверны, но не спасает, ибо в мирской жизни каждого человека поджидает сатана, соблазняет его и искушает. Главный же источник дьявольского искушения — человеческое тело, изначально греховное.

    Поэтому путь к спасению лежит, во-первых, через подавление человеком в себе присущего ему плотского начала, а во-вторых, в результате неустанной и искренней молитвы. В одной из своих проповедей Феодосий Печерский говорил: “Подвизайтеся, трудници, да приимете венець тръпения вашего, Христос бо ждеть входа нашего. И въждеземъ светилникы наша любови. И послушаниемъ, кротосьтию и смирениемъ и срящем Христа непостыдномъ лицемъ”.

    И неслучайно, став игуменом, Феодосий сразу же ввел в практику монастыря воздержание и строгие посты, а затем и новый устав, за основу которого был взят устав византийского Студийского монастыря, отличавшегося крайней строгостью. Причем в Печерской обители этот устав применяли еще жестче.

     Даже некоторые иноки не выдерживали всех испытаний, а других, еще до пострижения сам Феодосий изгонял из монастыря: “Многажды друзии отгоними мною искушениа ради, а не останутся, дондеже получать святый тьй даръ”. Истинных же монахов-подвижников, Феодосий прославлял, ставя их в пример даже самому себе: “И своея бо лености забых въ вашемь тщании, и еже бо велико поспешение имеете о службе церковней, и в длъготръпение стоании въ всехъ бо годинах и службах обретающеся…”.

     Взгляды печерских старцев, по сути, переворачивали всю систему представлений древнерусского человека — и не только в богословском, но и в морально-этическом плане. Ведь по их глубочайшему убеждению служение Богу заключается в терпении и страдании, в милостыне и любви.

     Но, тем не менее, спастись может не каждый христианин, а только аскет, подвижник, отринувший всё мирское и всю жизнь свою посвятивший одному только делу — молитве. В конечном же итоге спасения достоин тот, кто совершенно сознательно подвергает свое тело истязаниям, убивая в себе всё плотское, а значит дьявольское.

   Поэтому идея и практика “смирения страстей” (“истязания плоти”) была очень популярной в Печерской обители, о чем свидетельствует “Киево-Печерский Патерик”, памятник, рассказывающий о жизни печерских иноков.

    Для Феодосия Печерского вообще была близка идея страха Божиего, в ее византийском толковании, которую он рассматривал как побуждающую и руководящую в земном пути всякого инока. “Имей страхъ Его предъ очима си: потщися порученное тобе дело непорочно свершити, да и венца от Христа достоинъ будеши” – наставляет Феодосий келаря монастыря.

     Но и самого себя не щадит печерский игумен, всякий день ожидая страшного наказания и гнева Господнего: “Азъ, грешный и ленивый, погребый талантъ свой в земли, а не приделавъ имъ ничтоже, и чаю по вси дни на себе онех лютых и немилостивыих истязатель, и прещения оного странаго, и гнева лютаго…

    Азъ же, унылый, имея в собе корень злаго того проращениа от моея лености, ни самъ входя въ Царство Небесное и вамъ препону творя своею леностию и своими непотребными нравы…”. Идея страха Божиего и стала ведущей в Печерской обители. Радостное, светлое восприятие Христовой Благодати, столь характерное, например, для митрополита Илариона, печерскому игумену было явно чуждо.

   Будучи сам аскетом-подвижником, Феодосий Печерский стремился к тому, чтобы и в светской жизни идея искреннего служения Господу стала главенствующей. Именно поэтому он выступал за необходимость духовного контроля Церкви над светской властью.

    В своих письмах к князю Изяславу Ярославичу игумен Феодосий постоянно подчеркивает, что является духовным наставником и руководителем светского правителя. Более того, князь, если хочет заслужить спасение, обязан служить, прежде всего, делу христианства. Ведь истинное предназначение светского правителя состоит только в том, чтобы быть защитником Веры Христовой.

    Характерна и еще одна важная составляющая мировоззрения Феодосия Печерского — резкое неприятие иных вероисповеданий, особенно римско-католического. В одном из своих посланий к Изяславу Ярославичу он страстно бичует “латинскую ересь”, возводя на “латинство” многочисленные богословские и даже бытовые обвинения. А в итоге он заявляет: “А сущему въ иной вере — ли в латиньской, ли въ арменьской, ли въ срачиньской, — несть видети жизни вечьныя, ни части съ святыми”.

      Учение Феодосия Печерского не сразу было принято и понято в полной мере. Поначалу даже иноки Печерской обители ожидали послабления монастырских строгостей, но игумен Феодосий не отступал ни на шаг.

    “Аще бо умолчю вашего ради роптаниа, — говорил он в одном из поучений, — угождаа вамъ вашеа ради слабости, то камение възъпиеть”.

    Во многом благодаря несгибаемой позиции Феодосия Печерского и “печерская идеология”, и сам Киево-Печерский монастырь приобрели вскоре большое влияние. И недаром многие древнерусские монастыри или приглашали к себе игуменами печерских иноков, или были ими основаны.

      Из творческого наследия Феодосия Печерского сохранилось одиннадцать сочинений — два послания к князю Изяславу Ярославичу, восемь поучений монастырской братии и одна молитва. Интересно, что в духовном смысле наиболее близкими к сочинениям Феодосия Печерского в древнерусской литературе оказались произведения митрополитов-греков Георгия (XI в.) и Никифора (XII в.).

    Из древнерусских книжников — сочинения Нестора, отдельные места из Повести временных лет, авторство которых современные исследователи приписывают одному из учеников Феодосия, а также сочинения Кирилла Туровского.

    В 1091 г. состоялось перезахоронение мощей Феодосия Печерского: из пещеры их перенесли в церковь Успения Пресвятой Богородицы. В 1108 г Феодосий Печерский был канонизирован. Дни памяти: 3 (16) мая и 14 (27) августа.

 

 

 

АКАФИСТ

 

Кондак 1

 

Избраннии и Духа Святаго исполнении, преподобнии и богоноснии отцы наши, Антоние и Феодосие Печерстии, преизящная Русския земли прозябения, пречудная русскаго народа украшения, хотящу мне, недостойному, похвальное вам совершити пение, смиренно вас молю, потемненный мой разум светом данныя вам от Бога благодати озарите, мрак неведения просветите, неудобства и препоны разрушите, мою немощь укрепите, нас же всех, сынов русских от всех бед и напастей, скорбей и болезней отечески свободите, да в теплоте сердца из глубины души вси купно вопием вам:

Радуйтеся, Антоние и Феодосие, монашескаго в Руси жития первоначальницы.

 

 

Икос 1

 

Ангелом подобнаго желающе жития, абие в юности своей вся красная мира разсудне пренебрегосте; и аки сметие от себе отвергше, детскими попрасте ногами, вас же всецелых, в дар Христу Богу и приношение освятисте, тем таковое ваше святое и богоприятное разсуждающе произволение, сицевое вам приносим пение:

Радуйтеся, отцы богоноснии, вся земная, благая и красная мира презревшии;
Радуйтеся, Христа от юности всем сердцем и всею душою возлюбившии.
Радуйтеся, дом, имения и вся родителей стяжания ни во что вменившии;
Радуйтеся, благое и сладкое иго Христово на рамена, в детстве еще суще, вземшии.
Радуйтеся яко уподобистеся преподобнаго Авеля богоприятному приношению;
Радуйтеся, яко подражателие бысте боголюбиваго Ноя в благодарном его по изшествии из ковчега жертвоприношении.
Радуйтеся, ваша телеса вместо тучных агнцев и тельцов, Создателю своему принесшии;
Радуйтеся, души ваша, вместо благовоннаго фимиама, Христу Спасителю вознесшии.
Радуйтеся, сердца ваша во всегдашнее Богу и Божией Матери служение добре уготовавшии и всецело предавшии;
Радуйтеся, все ваше житие, подобне Самуилу, на служении Божии даже до последнего издыхания красно и богоугодно препроведшии.
Радуйтеся, многое множество мужей и жен, юношей и дев вашему подражати житию научившии;
Радуйтеся, благий и легкий ярем Христов многим усладившии.
Радуйтеся, Антоние и Феодосие, монашескаго в Руси жития первоначальницы.

 

 

Кондак 2

 

Видя всевидящее око Отца Светов таковое ваше Богу вельми благоугодное начинание и душеспасительное намерение, аще и не абие вас купно жительствовати устрои, обаче не в долгом времени сице вас соедини и совокупи, якоже соедини и совокупи Павла Петру, да един ярем понесше, многих в небесная введете обители; чесому мы удивляющеся, благодарственно Богу, тако устроившему, поем: Аллилуия.

 

 

Икос 2

 

Разум богоприятен, Антоние, всехвальне, тебе же самому и прочим душеполезен стяжати усердствуя, сего днем и нощию от Всемилостиваго Бога с теплыми слезами прилежно просил еси, пророчески вещая: «Скажи ми, Господи, путь, воньже пойду». Темже человеколюбивый Бог, вняв твоему слезному молению, вложи в твое сердце, да не медля в Афонскую Гору идеши, ты же, аки вторый Авраам, ялся еси пути с велиим тщанием, Божие исполняя веление, чесо ради вопием тебе таковая:

Радуйся, отче Антоние, древнему уподобивыйся Аврааму, по слову Божию, доброхотно и послушно, без скорби и сетования от сродник и южик своих удаляющемуся;
Радуйся, в далечайшую неведомую страну, обретения ради монашескаго жития, от своих сил нескорбно удаливыйся.
Радуйся, долгий, трудный и прескорбный путь скоротечно без смущения прешедый;
Радуйся, Ангела Божия в том пути спутника, якоже иногда Товиа, имевый.
Радуйся, Афонския Горы, по твоему желанию, Божию же изволению, благополучно достигнувый;
Радуйся, многая тамо духовная благая и душеполезная сокровища стяжавый.
Радуйся, многих тамо своим любомудрым житием в посте и молитве, неустанном труде и бдении, и безответнем, Господа ради, послушании удививый;
Радуйся, в иноческих трудех и подвизех великим старцем Святыя Горы тебе сравнивый.
Радуйся, Антоние, аки богомудрая пчела, от труждающихся тамо отец, аки от различных цветов, сладость иноческую собравый;
Радуйся, туюжде сладость во Отечество сохранно принесый, и зде благоуспешно насадивый и возрастивый сторицею.
Радуйся, яко в монашество тоюжде сладостию многих, с нимиже и Феодосиа Великаго в слове и деле привлекл еси;
Радуйся, яко собранную братию твою духовною сладостию изобильно насытил и в добродетелех укрепил еси.
Радуйтеся, Антоние и Феодосие, монашескаго в Руси жития первоначальницы.

 

 

Кондак 3

 

Сила Вышняго в чистое твое и непорочное всельшися сердце, преблаженне Феодосие, тако всего тебе Божиею любовию разжже, яко всех земных и временных удалятися, вечных же и нескончаемых выну искати тебе научи и вразуми. Тем таковое твое о спасении души зряще тщание и усердие, умильно Всесильному Богу поем: Аллилуия.

 

 

Икос 3

 

Имел еси, отче преблаженне Феодосие, превеликое желание, еже святая в Иерусалиме посетити места, и к сему делу желаемую обрел еси удобность, ко грядущим в Иерусалим приобщився, но злобный враг спону тебе и препятие содела, наусти бо матерь твою, яже вслед тебе гнавши, и достигши, аки злодея связана, в дом привлекши, по многом биении, твердо в храмине заключи, ты же, аки адамант, сия злострадания терпеливо понесл еси, посем от заключения испущен, паки на хлебопечение церковному литургисанию приличное вдался еси, чесому удивляющеся, сице тебе вопием:

Радуйся, отче Феодосие, непоколебимый и нерушимый терпения столпе;
Радуйся, пречудный и прекрасный смирения и кротости образе.
Радуйся, тяжкая матерняя биения и ногами попирания благодушно и мужественно терпевый;
Радуйся, тояжде ласкания и лобзания аки смертоносный вред себе вменивый.
Радуйся, служение Богу и Божией Матери паче всего вседушно возлюбивый;
Радуйся, церковному служению со всяким усердием от детства прилежавый.
Радуйся, сверстников поругания и посмеяния в честь себе вменивый;
Радуйся, всем старым и юным образ смирения и кротости тебе представивый.
Радуйся, всем обидящим тебе вседушно прегрешения простивый;
Радуйся, всеми добродетельными человеки паче сверстник твоих хвалимый, любимый и почитаемый.
Радуйся, добронравием и благочестием краснее, неже светлыми ризами, тебе украсивый;
Радуйся, матерняя и властительская одеяния, яко скверное блато, вменивый.
Радуйтеся, Антоние и Феодосие, монашескаго в Руси жития первоначальницы.

 

Кондак 4

 

От богомерзких сластей и волнений непреодоленен явился еси, преподобне отче наш Феодосие, ибо твое, еже непрестанно работати Господеви всегда имущи в уме и в сердце произволение, на кийждо день на большия простирался еси труды, и на кийждо день приятнейшим и любезнейшим Богу быти усердствовал еси, всякое же мира сладострастие и любочестие побеждая, Единому Богу выну воспевал еси: Аллилуия.

 

 

Икос 4

 

Слышав преблаженне отче Феодосие, жестокое святаго Антония и острое в пещернем затворе житие, скоротечно, аки елень на источники водныя, к нему отай матере твоея текл еси, идеже доспевши прилежно его молил еси, да тя в свое сожительство приимет и в число иночествующих впишет, он же, провидев в тебе живущую благодать Божию, неотлагательно повеле на тя иноческий возложити образ, ты же за то благодаривши Бога Благодетеля, обоеручно иноческаго явился еси жития, и со Антонием купно непрестанно труждался еси, о чесом мы помышляюще, тако взываем к вам:

Радуйтеся, Антоние и Феодосие, иноческаго жития основатели;
Радуйтеся, первейшии новоначальных иноков в Руси наставницы.
Радуйтеся, в монашеское отишие, аки в некий корабль безопасный, к вам приходящих вводители;
Радуйтеся, предобрии в пучине мира сего влающихся управители.
Радуйтеся, мирския бури, волнения и мятежи в тишине мудре прелагающии;
Радуйтеся, всех любезно в доброе и спасительное пристанише наставляющии.
Радуйтеся, свирепеющия врагов шатания мудре усмиряющии;
Радуйтеся, от всех неприязненных обуреваний к вам притекающих удобно спасающии.
Радуйтеся всех под ваш покров и защищение отечески приемлющии;
Радуйтеся, всех без лицеприятия от всех напастей и бед защищающии.
Радуйтеся, бедствующим всегда и во всем, и на коемждо месте добре предстательствующии;
Радуйтеся, обидимых, озлобляемых и уничижаемых присноходатайствующии.
Радуйтеся, Антоние и Феодосие, монашескаго в Руси жития первоначальницы.

 

 

Кондак 5

 

Богоявленныя звезды, ихже на тверди Русской яви солнце премирное, лучами высокия вашея святыни многих просвещающия, многих на путь боговедения наставляющия, многих к иночествованию приводящия, многих же в добродетелех, остром же и прискорбном житии утверждающия и укрепляющия, сие Божие изволение в вас добре исполнившееся зряще, поем благодарно Всемилостивому Богу: Аллилуия.

 

 

Икос 5

 

Видевше мнози богоугодное ваше в пещерах, аки во гробех, заключенное житие, умиляхуся душами, сердцы же сокрушающеся, спешно к вам, спасения ищуще, притекаху смиренно просяще, да и их таковаго жития общниками соделавше, во всегдашнее Богу служение освятите, вы же помняще Рекшаго: «Грядущаго ко Мне не иждену вон», всех приходящих любезно приимасте, и отечески поучасте. Темже сицевым вас венчаем песнопением:

Радуйтеся, преблаженнии отцы многих от работнаго ига мирскаго в сладкую духа свободу изведшии;
Радуйтеся, многих истинно Христу работати, и искренно Ему служити научившии.
Радуйтеся, вашими добродетельми многим ко спасению, якоже иногда Моисей в землю обетованную, путь открывшии;
Радуйтеся, многих не уже в землю обетованную, но в самая Небесная жилища введшии.
Радуйтеся, не словом точию, но множае паче делом и усердною к Богу молитвою своих учеников и последователей поучающии;
Радуйтеся, ваших купножителей монашескими правилы красно и боголепно управляющии.
Радуйтеся, различными искушениями и напастьми отягченным скоро пособствующии;
Радуйтеся, от супостат боримым и тяжко насильствуемым всегда помоществующии.
Радуйтеся, одолеваемых от сопротивных, но не отчаивающихся и богонадежно в молитве вас призывающих, внезапным вашим пособием подкрепляющии;
Радуйтеся, всякое враждебное устремление сильно воспящающии.
Радуйтеся, собранное вами духовное стадо бодренным оком выну назирающии;
Радуйтеся, ваших учеников и наследников непрестанно на путь Божиих заповедей наставляющии.
Радуйтеся, Антоние и Феодосие, монашескаго в Руси жития первоначальницы.

 

 

Кондак 6

 

Проповедуемо и везде попремногу похваляемо бе ваше, преподобнии отцы, богоугодное и безмолвное житие, кто бо точию нестяжательное и в пещерных затворех продолжаемое сие видев или слышав, ангелов вас паче, нежели человеков быти не мняще; терпению же вашему и различному тела умерщвлению кийждо удивляяся, Богу приличное воздая благодарение, купно с вами пояше песнь: Аллилуия.

 

 

Икос 6

 

Возсияете на круге Русския церковныя области, преблаженнии, аще бо и самих себе в темных пещерах, аки под спудом, заключисте, обаче лучами ваших подвигов и добродетелей, такожде вся окрестныя страны озаристе и просветите, якоже чувственное солнце мир озаряет и просвещает и тако много сердца к богоугодному житию возбудисте и согреясте, и удобна к добродеянию сотвористе, яко и солнце, согревая землю, удобну творит ю к прозябению различных древ и плодов и былий сельных и всякаго злака на службу человеком и скотом. О сем благодаряще Бога, сицевое вам приносим пение:

Радуйтеся, просветители в омрачении страстей пребывающих;
Радуйтеся, вразумители в суете и самозабвении жительствующих.
Радуйтеся, руководители в недоумении и заблуждении сущих;
Радуйтеся, управители добре жити начинающих.
Радуйтеся, укрепители в благом изнемогающих, и малодушием и унынием колеблемых;
Радуйтеся, возбудите в небрежении спящих.
Радуйтеся, бодрости и трезвения предобрии учители;
Радуйтеся, нерадения и праздности известнии прогонители.
Радуйтеся, трудолюбия, еже всякому благу начало и утверждение, теплейшии рачители;
Радуйтеся, чистаго и непорочного жития неусыпающии хранители.
Радуйтеся, всех ко спасению изящнии и вернии путеводители;
Радуйтеся, всех благочестно и богоугодно жити хотящих мудрии наставницы.
Радуйтеся, Антоние и Феодосие, монашескаго в Руси жития первоначальницы.

 

 

Кондак 7

 

Хотя всезлобный враг доброму вашему начинанию спону и препятие сотворити, тако князя противу вас гневом разжже и яростию распали за пострижение в иночество слуг его, паче прочих любимых, некоего евнуха и сына болярска, яко нужда вам в своя пещерная оставити жилища и инуде преселитися; обаче не долго сим своим ухищрением враждебник веселяшеся, ибо благодушный князь, вразумлен сый своею богобоящеюся супружницею, вскоре познав ваше незлобие, и вражию разсмотрев хитрость и коварство, с молением посла к вам, да на свое паки возвратитеся прежнее местопребывание, о чесом возрадовавшеся, благодарно воспесте Богу: Аллилуия.

 

 

Икос 7

 

Новый труд, и новый подвиг по возвращении в пещерная ваша жилища восприяли есте, отцы преподобнии: на разширение бо монашеских келлий и на устроение молитвеннаго храма неленостно устремистеся, да злокозненнаго врага гордыню поперете и его безстудное безумие посрамите, собранную же братию к богоугодному и добродетельному житию вящше возбудите, и на усерднейшее Христу Богу служение подвигнете, на то мы умныма взирающе очима, сице взываем к вам:

Радуйтеся, пещернаго иноческаго пребывания трудолюбнии обретатели и ревнители;
Радуйтеся, теплии монашескаго жития и преславнии защитницы.
Радуйтеся, обителей ваших бодрии и неусыпающии хранители;
Радуйтеся, княжняго гнева и ярости смиреннейшии укротители.
Радуйтеся, врагов и неприятелей ваших истиннии и нелицемернии любители;
Радуйтеся, обиды вам творящих и напасти деющих праведнии рачители.
Радуйтеся, заповедей и советов Божиих усерднейшие исполнители;
Радуйтеся, к чистому и непорочному житию предводители благопоспешнии.
Радуйтеся, добронравия и благоговения учители преизящнии;
Радуйтеся, подвизающихся в благочестии и труждающихся в благотворении всесильнии силою Христовою помощницы. Радуйтеся, в иноческих трудех неутружденнии подвижницы;
Радуйтеся, собранному вами стаду необоримии во всем поборницы.
Радуйтеся, Антоние и Феодосие, монашескаго в Руси жития первоначальницы.

 

 

Кондак 8

 

Странное ваше и вельми скорбное житие не токмо человеков на земли, но и Ангелов на небеси удиви: вы бо, заключившеся в пещерах, аки в темных гробех, всеусердно в теплоте сердца и души Единаму Богу работасте, да та, яже во дни и в нощи Создателю вашему приносимая служения, неведома и незнаема будут мирови, ведома же и знаема Самому Творцу явятся. Сею ради мы Богу, тако вас научившему и вразумившему, присно поем: Аллилуия.

 

 

Икос 8

 

Все ваше, преблаженнии и богоноснии отцы, тщание и все о том бяше попечение, да выну всезлобному рода христианского врагу сопротивляетеся и гордую его главу попираете и стираете, общаго же всем Творца, купно со ученики своими в душах и телесех ваших прославите и в сем благом изволении вашем и богоугодном подвиге укрепляемии силою свыше, толико преуспесте, яко вся возмогосте о укрепляющем вас Христе Иисусе. Темже и слава Божия возсия из пещер ваших и озари вся концы земли, чесо ради таковое вам похвальное воздаем пение:

Радуйтеся неутомимии хвалы и чести Божия в мире ревнители и проповедницы;
Радуйтеся, высокоумные вражия гордыни крепцыи смирители.
Радуйтеся, враждебных наветов и стужений достохвальнии упразднители;
Радуйтеся, неприязненных сетей и пагубных козней мужественнии воспятители.
Радуйтеся, глубоким смирением и кротостию, аки драгоценными бисерами себе украсившии;
Радуйтеся, в тex же боголюбезных добродетелех многих утвердившии.
Радуйтеся, в постничестве и воздержании древним пустынножителем поревновавшии;
Радуйтеся, в неустанней молитве, без всякаго стужения и уныния, дни и нощи проводившии.
Радуйтеся, в тойже пребывати молитве ваших последователей добре научившии;
Радуйтеся, како бодрствовати противо вражиим наветом и оных одолевати, образ и путь нам показавшии.
Радуйтеся, на мысленныя враги пост, молитвы и коленопреклонения, вместо оружия, употреблявшии;
Радуйтеся, сицевым вашим тесным и скорбным житием Божию в мире славу умножившии.
Радуйтеся, Антоние и Феодосие, монашескаго в Руси жития первоначальницы.

 

 

Кондак 9

 

Всякий человеческого естества чин, нищих и богатых, худородных и высокородных на убогое, смиренное и вельми острое житие ваше взирая, велие Богу воздаваше благодарение и попремногу прославляше Его благостыню и неизреченное милосердие, яко сице тесное и прискорбное проходити житие вас устрои, да вы многих от душегубительныя изведше стези, пастырски на стезю спасения наставите, поучающе их присно пети Создателю и Промыслителю: Аллилуия.

 

 

Икос 9

 

Витии избраннии явистеся, преславнии отцы наши, но не по образу мира сею витийствовавшии, ибо яже мир сей любит, вы всем усердием возненавидесте, и яже блажит и вельми почитает, вы презресте, и далече от себе отвергше, аки непотребное и неполезное сметие, ногама своима попрасте, темже от всех таковое похвальное приемлете почитание:

Радуйтеся, мира и всех его сластей, красот и прелестей доблестнии презрители;
Радуйтеся, иноческаго нестяжания и нищеты теплейшии любители.
Радуйтеся, тела вашего и всех телесных чувств суровии умертвители;
Радуйтеся, кротости, смирения и воздержания приснии рачители.
Радуйтеся, все ваше утешение и блаженство в нищете и нестяжании положившии;
Радуйтеся, безмолвием и от мира устранением зело себе удобрившии.
Радуйтеся, всецело самих себе на Божий Промысл попечение возложившии;
Радуйтеся, сладких брашен и гортаноугодных питий никогдаже похотевшии.
Радуйтеся, мягких и светлых одеяний на ся никакоже возложившии;
Радуйтеся, многошвенныя рубища, аки многоценныя украшения, во всецелом вашем житии всегда с любовию носившии.
Радуйтеся, вместо избранныя пищи, постом многодневным и острым тела умерщвлением вас питавшии;
Радуйтеся, вместо сладкого пития, сердечными слезами себе самих напаявавшии.
Радуйтеся, Антоние и Феодосие, монашескаго в Руси жития первоначальницы.

 

 

Кондак 10

 

Спасти хотя многих, всех обращения и спасения милостивно ожидаяй Премилосердый Бог, других вас апостолов Руси яви, да вами многих вразумит и на правый спасения путь наставит, в чем вы апостольски потруждшеся, в неведении сущих евангельской истине неленостно поучая, к правоверию приведосте и к хранению Божиих заповедей и богоугодному и чистому житию словом и делом непрестанно возбуждасте, поя Богу Помощнику: Аллилуия.

 

 

Икос 10

 

Стена тверда и крепкое ограждение явистеся, всехвальнии отцы, к вам прибегающим, не точию бо иночествовати с вами хотящим руку помощи милостивно подавасте, но и различными мирскими делы, напастьми и скорбьми отягченных и утесненных тако утешасте, якоже родители чада своя во обстоянии скорбей и болезней сущия, утешают, отраду им своим попечением подающе и отеческою ласкою тяжесть скорбей облегчающе. За каковое ваше благодетельство сицевое вам благодарственное воздаем пение:

Радуйтеся, бедствующим и различными напастьми боримым скории помощницы;
Радуйтеся, обидимых и озлобленных известнии защитницы.
Радуйтеся, обуреваемых тяжкими мира сего прилоги предобрии кормчии;
Радуйтеся, убожествующих и в скорбней нищете сущих всещедрии обогатители.
Радуйтеся, алчущих и гладствующих милостивии кормители;
Радуйтеся, нестерпимою палимых и утесняемых жаждою предивнии прохладители.
Радуйтеся, одежды и крова лишенным в недрах милосердия Божия покров и убежище открывающии;
Радуйтеся, слепотствующих, наипаче же в законе Господни заблуждающих, пречуднии руководители.
Радуйтеся, болезньми и тяжкими недуги одержимых и томимых премудрии уврачеватели;
Радуйтеся, всех напастей, бед и скорбей сильнии и крепцыи прогонители.
Радуйтеся, всякаго добра временнаго и вечнаго податели;
Радуйтеся, с верою к вам притекающих от всех скорбных обстояний теплии защитители.
Радуйтеся, Антоние и Феодосие, монашескаго в Руси жития первоначальницы.

 

 

Кондак 11

 

Пение еже приносим вам, богоноснии отцы, несть довольно к похвалению преславных ваших подвигов и труд вышечеловеческих, яко бо житие бе превосходящее житие человеческое, ангельскому же подобящееся, сице и похвалам от ангел паче, нежели от человек вам приносимым быти достоит: обаче усердное наше зряще произволение, любезно приносимое нами приимите пение, нас же от грех и всяких скверен и нечистот вашими молитвами очистите, на всяк день и час чистым сердцем поем Богу: Аллилуия.

 

 

Икос 11

 

Светоподательная на земном крузе явистася светила, Божия благодати исполненная, отцы преблаженнии, всю вселенную, из подземнаго пещернаго спуда, пресветлыми вашими добродетельми ясно просвещающия, дела бо ваши из подземных воссиявше заключений, тако всему миру во уведение и познание приидоша, яко и Восток оная ублажает, и Запад величает, и Юг восхваляет, и Север попремногу прославляет. Темже и мы сице вам от любве припеваем:

Радуйтеся, всех добродетелей неленостнии исполнители;
Радуйтеся, многих монашеских обителей предобрии соградители.
Радуйтеся, всяких добродетелей пресветлая зерцала;
Радуйтеся, крепкая и непреодолимая ваших обителей забрала.
Радуйтеся, прекрасная и пречудная Духа Святаго жилища;
Радуйтеся, всех богоугодных и благоприятных дел преудобренная вместилища.
Радуйтеся, Творцу и Богу вашему во временнем житии добре угодившии;
Радуйтеся, к исходу от сея временныя и многотрудныя жизни прекрасно себе уготовившии.
Радуйтеся, ваших учеников, аки истинных чад, не точию в животе сем, но и при исходе наипаче на богоугодное житие наставившии;
Радуйтеся, темже учеником, по отшествии отсюду, невидимое спребывание и всегдашнее содействие и помощь обещавшии.
Радуйтеся, в небесная жилища богопоспешно без всякаго препятия вшедшии;
Радуйтеся, мзду велию за ваша иноческая злострадания от Всещедраго Мздовоздаятеля восприемшии.
Радуйтеся, Антоние и Феодосие, монашескаго в Руси жития первоначальницы.

 

 

Кондак 12

 

Благодать, юже Всемилостивый и Всещедрый Бог, от Своих неистощимых подаваше сокровищ, никогдаже в вас тща и праздна бываше, но выну обилен плод творяше, аки зерно доброе в добрую вверженное землю, вы бо верным и мудрым рабом, от своего господина таланты вземшим, уподобившеся, тако силами, свыше вам подаваемыми, трудолюбне деласте, яко да и Богу приятни и любезни явитеся, и себе в небесных селениях нескончаемое приобрящете воздаяние, непрестанно поюще Богу: Аллилуия.

 

 

Икос 12

 

Поюще ваше безмолвное и весьма от житейских и мирских попечений удаленное, со Единым Богом житие, похваляем многоболезненныя труды и подвиги ваши, почитаем дневныя и всенощныя бдения и молитвы, славим частыя дoлулегания и коленопреклонения, и вся та чтим плоти умерщвления и духа сокрушения, яже любве ради Христовы благодушно подъясте, воспоминаем купно и мздовоздаяния, яже от Праведнаго Судии и Мздовоздаятеля Бога обильно восприяли есте, сице воспевающе:

Радуйтеся, в Небесней нескончаемей Славе Ангелом уподобившиися;
Радуйтеся, честь равную Патриархом приемшии.
Радуйтеся, в чине пророков, яко дар пророчества имущии вписаннии;
Радуйтеся, к лику апостолов и евангелистов, яко словом и делом Христа благовестившии, сопричтеннии.
Радуйтеся, в сонме мучеников, яко много Христа ради претерпевшии, благочестно восприятии;
Радуйтеся, в собрании исповедников саном исповедничества почтеннии.
Радуйтеся, с девствующими, яко девственницы, возвеличеннии;
Радуйтеся, со всеми святыми добре Богу угодившими, участие и наследие обретшии.
Радуйтеся, пресладким и блаженным Пресвятыя Троицы лицезрением выну насыщающиися;
Радуйтеся, по иноческих подвизех и постнических трудех нескончаемым упокоением наслаждающиися.
Радуйтеся, неизреченных благ, преподобным от века уготованных, наследия праведно удостоившиися;
Радуйтеся, Царствия Небеснаго, вся в себе сладости и красоты, вся величия и блаженства, ум человеческий превосходящия, содержащаго, общницы и обладатели явившиися.
Радуйтеся, Антоние и Феодосие, монашескаго в Руси жития первоначальницы.

 

 

Кондак 13

 

О преблаженнии и всякия чести достойнии, отцы богоноснии, Антоние и Феодосие Печерстии, малое сие моление, нами, недостойными, вам от любве приносимое, любезно приимше, ваше купно же и наше Отечество, от всех неприязненных нападений и вражиих наветов непоколебимо и невредимо соблюдите, нас же, сыновне с верою и любовию к вам притекающих, от всяких бед, скорбей и напастей отечески избавите, да выну благодарно поем о вас Богу Спасителю: Аллилуия.

 

(Этот кондак читается трижды, затем икос 1 и кондак 1)

 

 

МОЛИТВА

(Преподобным Антонию и Феодосию Печерским)

 

   Преподобнии и богоноснии отцы наши Антоние и Феодосие, к вам мы грешнии и смиреннии, яко к теплым заступником и скорым помощником и известным предстателем, усердно прибегаем, смиренно просяще вашея помощи и заступления в бездне зол и бед погружаемии, яже на всяк день и час нам и от человек лукавых приключаются и от духов злобы поднебесныя, всегда и везде и всякими образы погибели души и телес наших ищущих, находят на ны. Известны бо есмы несумненно, коль великое к Милосердому Богу имате дерзновение: еще бо на земли между странствующими к Горнему Отечеству пребывающе, велию силу благодати Божией, устами и рукама вашими чудодействующей, в себе показасте, яко и огнь с небес, по подобию Илиину, на показание места, на немже имяше быти основана, на честь и всегдашнее Бога и Божия Матере славословие, великая церковь Печерская, и росу, по образу Гедеонову, на очищение и вечное прославление тогожде святаго места низведосте: такожде вемы, коль многое множество мужей и жен, из разных стран и народов, скорбящих и напаствуемых, или различными тяжкими болезньми одержимых, или под бременем насилия и притеснения неудобь носимым упадающих и жития своего отчаявающихся, вашими молитвами и заступлением получиша скорое себе облегчение и избавление. Аще убо вся та помоществования, еще в смертном суще странствовании, бедствующим милостивно подавасте, кольми паче днесь, егда уже Всемогущей предстасте Троице, и большее приясте дерзновение, во еже молити ю о нашем недостоинстве, и нас в бедах и печалех сущих утешати, в тяжких нуждах и напастех по нас ратовати, в злоключениях и бедствиях нас заступати и защищати. Сего ради и мы, столь многими враждебными наветами, озлоблениями и коварными злоумышлениями отвсюду угрожаемии и теснимии, вашему теплому и сильному по Бозе вручаем себе покровительству и защищению, и усердно молим благостыню вашу, coxpaните нас неврежденных от всех бед и зол, наипаче же от бесовских козней и хитростей, льстивых подступов и наглых нападений: да не будем им в поругание и посмеятельство, но тако их крепкою вашею помощию от нас отжените, якоже во дни оны от обители отгнасте их, многия пакости иногда деющих. Сицевая же их неполезная укротивше на ны востания и устремления, тако нас, утвержденных в вере, надежде и любви постоянных соделайте, да николиже нами каковое возобладает недоумение, или сумнение в тех, яже Святая Мати Церковь веровати поучает, и исповедати дерзновенно повелевает: надежду нашу на Господа Бога в душах наших весом и мерою правды и милости Божия сице устройте, яко да ниже излишне уповаем обещанная от Бога без труда и подвига восприяти, ниже, зряща великая прегрешения и тяжкая законопреступления, весьма Божия милосердия отчаиваемся. Любовь в сердцах наших сице утвердите, и достойну соделайте, да ничтоже земное и скорогибнущее паче Бога, вся сотворшаго и вся в Себе содержащаго, ниже помышляем, ниже желаем, ниже предпочитаем. Чувства наша душевная вкупе и телесная в таковом благоустроении и благолепной мерности на всяк день и час удерживайте и снабдевайте, да теми никогдаже Благаго, Человеколюбиваго Бога прогневаем. Разум уцеломудрите, да он паче о Бозе, Его вездеприсутствии и благопромышлении помышляет, неже о временных и ничтоже сущих печется. Развращенную волю нашу выну исправляйте, да николиже хощет, еже хотению Божию сопротивляется, но теми да удовляется, и в сих безмятежно и безпечально да пребывает, яже суть Богу угодна и приятна, человеку же спасительна и полезна. Память истрезвляйте, да та непрестанно представляет уму и сия, имиже Всемилостиваго прогнева Бога и его благоутробие раздражи и оная, яже всякаго человека, кроме всякаго сумнения. по временной сей жизни ожидают: к симже и Отечества вашего не забывайте, но в мирном устроении пребывати ему у Престола Величества Божия непрестанно ходатайствуйте. Вся люди, сущия в стране нашей, мирных и безпечальных сохранитe, и от всякаго злаго обстояния вскоре избавите. Егда же приспеет наше от временнаго сего жития отшествие и к вечности преселение, сице нам в помощь предстаните и от насилий вражиих свободите, якоже предстасте иногда Еразму монаху в тяжком смертном бедствии обретавшемуся, и сице сердца наша к истинному покаянию и жалению о грехах подвигните, якоже и онаго сердце подвигосте, иже в истинном покаянии от здешних к Богу отъиде, да и мы, в чистем совести нашея свидетельстве, Пресвятей и Нepaзделимей представше Троице, прославляем Ю купно с вами и всеми святыми в безконечныя веки. Аминь.

 

 

КАНОН

 

(Преподобным Антонию и Феодосию)

 

Тропарь, глас 4-й

 

Звезды мысленныя, просиявшия на тверди Церковней, иноков Российских основание, песньми, людие, почтем, радостныя похвалы сим воздающе, радуйтеся, преблаженнии отцы, Антоние со Феодосием Богомудрим, присно молящиися о возследствующих и чтущих память вашу.

 

 

Ин Тропарь, глас 3-й

 

Двоицу начальных Российских светил почтим, Антония, Богом посланнаго, и Феодосия, Богом дарованнаго: тии бо первии, равноангельным в России житием просиявше от гор Киевских, осветиша отечествия нашего вся концы, и путь к Небеси правый многим показаша, и, первоотцы иноком бывше, лики спасаемых Богови приведоша, и ныне, предстояще в вышних немерцаемому Божества Свету, молятся о душах наших.

 

 

Канон, глас 4-й

 

Песнь 1

 

Ирмос: Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся Тоя чудеса.

 

Припев: Преподобнии отцы наши Антоние и Феодосие, молите Бога о нас.

 

Яко грубословен и косноязычен, недоумея вам, преподобнии отцы, хваление принести, молюся, дарствуйте молитву о мне: еже датися отсвышше дару воспети память вашу, славна бо есть миру, и славно прославися.

 

Преподобнии отцы наши Антоние и Феодосие, молите Бога о нас.

 

От младих ногтий в дар принесосте себе Богови, о преблаженнии отцы: тем же прием ваше благое предприятие, благодатию Духа наставил вы есть на путь правый.

 

Преподобнии отцы наши Антоние и Феодосие, молите Бога о нас.

 

Заповедей спасенных послушавше, жизнь временную преобидесте, и Крест Господень на рамо вземше, мрачный мир непреткновенно прейдосте, небесным желанием водими.

 

Преподобнии отцы наши Антоние и Феодосие, молите Бога о нас.

 

Отечество, родители, други и богатство, аки прелесть отвергше, Горний Иерусалим Бога же Отца, не стыдящагося вас братию нарицати, Христа, един бисер взыскати тесным путем изволисте, Антоние свободоимените, и Феодосие Богодарованне.

 

Преподобнии отцы наши Антоние и Феодосие, молите Бога о нас.

 

Яко пустыннолюбныя горлицы гор Печерских достигше Богоноснии отцы, во подземная места вселистеся, и на твердом духовнаго желания основании гнездо свое положше, Богопеснивия породисте птенцы, иночествующих лики.

Слава: Слава Ти, слава, Троице Пресвятая, тихообразно подающая благодать в сердца верных, да скончаем хваления святых дело, и возвеселимся зело, честныя други Твоя, Господи.

И ныне: Управи ум мой, Пречистая, во хвалении преподобных Твоих, да, не уклонся в неподобная сложивия пленится в работу лукавства: и буду радование чуждему.

 

 

Песнь 3

 

Ирмос: Твоя песнословцы, Богородице, Живый и Независтный Источниче, лик себе совокупльшия, духовно утверди, в Божественней Твоей славе венцев славы сподоби.

 

Преподобнии отцы наши Антоние и Феодосие, молите Бога о нас.

 

Яко елень возжаждав духовнаго пития, отче Антоние, от Печерския горы на Афонскую Гору скача пришед, обрете струя Ангеловидных отец жития, и сим поревновав от потока учения их испив и утвердися.

 

Преподобнии отцы наши Антоние и Феодосие, молите Бога о нас.

 

Втораго тя Моисея, Антоние, скрижали добродетелей на Печерскую гору принесшаго, слышав, Феодосии притек, глаголя: вчини мя в сих любовь, утверди мя в них, аки в Мирех, уязвен бо есмь любовию сопоследовати Христоподражанному житию твоему.

 

Преподобнии отцы наши Антоние и Феодосие, молите Бога о нас.

 

Любовию и желанием ко Богу единоумне сопрягшеся, отцы преподобнии, на колесницу смирения, нищеты, терпения и чистоты вседосте, и превысоких достигосте святых селений.

 

Преподобнии отцы наши Антоние и Феодосие, молите Бога о нас.

 

Кто не удивится вашему житию, о преблаженнии отцы: кто не почудится ревности по Бозе, яко во плоти суще, Ангелом весьма уподобистеся, их же и сожители суще ныне, не забудите и нас, песньми вас ублажающих.

Слава: Непостижимая благость и действо Твое, во Троице Единый Боже: яко бренных воскрыляеши горе, и от миродержавныя нощи выспре ко свету возвышаеши, приводиши и устрояеши, Бог бо еси и твориши, елика хощеши.

И ныне: По величию Твоему, Пречистая, блажат Тя вси роди, и мы с ними блажим песньми, чтуще Тя раболепным поклонением, и величаем.

 

Господи, помилуй (трижды)

 

 

Седален, глас 4-й

 

Небесное богатство и присносущную славу тщащеся восприяти, нищету и смирение, смирившагося Владыки восприясте, и миру себе распясте со похотьми и страстьми, тем блажаще память вашу, преподобнии отцы наши Антоние и Феодосие, молим, молите Христа Бога, даровати нам велию милость.

Слава, и ныне: Небесных и земных Царица сущи, не забуди нищих нас рабов Твоих, но яко Всемогущая, от Своих сокровищ подаждь милостию прощение грехом нашим: яко Человеколюбивая Человеколюбца Мати.

 

 

Песнь 4

 

Ирмос: Седяй в Славе на Престоле Божества во облаце легце, прииде Иисус Пребожественный Нетленною Дланию и спасе зовущия: слава, Христе, силе Твоей.

 

Преподобнии отцы наши Антоние и Феодосие, молите Бога о нас.

 

Самовластная ума, отче Антоние, оставль, под иго Владычне наклонился еси, Емуже и доблественный Феодосий припрягся, пленистеся в послушание Христово, и бысте добрии делателие, единонравны сердцем и духом.

 

Преподобнии отцы наши Антоние и Феодосие, молите Бога о нас.

 

Не устрашиша вас в темных пещерах демонская страхования, доблемудрнии воины преподобнии отцы, но падеся ратуяй вас под ногами вашими, низвержен оружием теплыя ко Богу молитвы.

 

Преподобнии отцы наши Антоние и Феодосие, молите Бога о нас.

 

Твердое ваше и жестокое житие видев, Всеблагий Бог от темных мест просвети вас дарованием чудес, и славны сотвори миру, ихже недостоин бе мир, в rораx и вертепах крыющихся толиких светил.

 

Преподобнии отцы наши Антоние и Феодосие, молите Бога о нас.

 

Яко пресветлая светила постави вас Бог, преподобнии отцы, на свещницы с под спуда, и просветисте жития добродетельми иночествующих лики, иже собрани добре пожиша вашим наставлением.

Слава: Царю царем Всемогущая Троице, брения немощию обложенным нам, рабом Твоим, даждь благодать, ясно пети память преподобных Твоих, в нихже удивил еси вся хотения Своя, Боже.

И ныне: Всесильная Владычице, нас, немощных, препояши силою на сопротивных: подая немощней плоти крепость: о Тебе бо и немощнии крепкия враги побеждают, и победительная в песнех дароносят.

 

 

Песнь 5

 

Ирмос: Ужасошася всяческая о Божественней славе Твоей: Ты бо Неискусобрачная Дево, имела еси во утробе над всеми Бога и родила еси Безлетнаго Сына, всем воспевающим Тя мир подавающая.

 

Преподобнии отцы наши Антоние и Феодосие, молите Бога о нас.

 

Учением и творением бысте образ иночествующим, отцы треблаженнии, и вашим наставлением мнози успеша в заповеди Господни, и сих исполнением ко горнему шествию благий путь улучиша.

 

Преподобнии отцы наши Антоние и Феодосие, молите Бога о нас.

 

Пророческим сподобльшеся даром, достохвальнии отцы: ов бо огнь указательний на место с небеси упасти сотвори, ов же скудную житницу молитвою муки исполни, от тех даров крупицами насыти души наши, молимся.

 

Преподобнии отцы наши Антоние и Феодосие, молите Бога о нас.

 

Яко законодавцы постническим ликом предтекосте: ты, отче Антоние, скрижали деяния и видения силе предлагая, Богоданный же Феодосий, жезлом правления море страстей присек, предхождение тем показуя во Обетованную Землю.

 

Преподобнии отцы наши Антоние и Феодосие, молите Бога о нас.

 

Упованием будущих благ себе вооруживше, и Креста меч в руках имуще, победисте мысленнаго Амалика, и наша враги сопособисте победити, яко предводителей наших, молим вы отцы преподобнии.

Слава: Миродательная Троице Единочестный Боже, мир огради, православныя люди, предстоящия в честном храме преподобных Твоих, храм себе сотворяя сердца, приносящих Ти песнь хваления.

И ныне: Мироположнице и скиние Пресвятая Бога Слова, нам слово даждь и мысль управи, во еже пети Тя, яко Благую Благому Родительницу.

 

 

Песнь 6

 

Ирмос: Божественное сие и всечестное совершающе празднество, Богомудрии, Богоматере, приидите руками восплещим, от Нея рождшагося Бога славим.

 

Преподобнии отцы наши Антоние и Феодосие, молите Бога о нас.

 

Вышше естества человеческаго подвигшеся, преподобнии: уподобистеся безплотних чином, тем же и почесть сих улучисте, сея Богодарованныя вам благодати и нас, чада ваша, не лишите ходатайством своим ко Богу, молимся.

 

Преподобнии отцы наши Антоние и Феодосие, молите Бога о нас.

 

Вам, аки неусыпным стражем, Дева и Богомати ввери дом Свой, егоже пасосте, от волков мысленных стрегуще, и в нем собраннаго вами стада, о преблаженнии.

 

Преподобнии отцы наши Антоние и Феодосие, молите Бога о нас.

 

Всегдашним яже ко Богу ума воскрилием, и воздеянием рук преподобнии отцы ставше, Духу Пресвятому селение себе сотвористе, тем же вас аки дом Божий преукрашен хвалами украшаем.

 

Преподобнии отцы наши Антоние и Феодосие, молите Бога о нас.

 

Сия еста преудобренная отцы, аки Херувими осеняющии дом Богоматере, и аки премудрыи вожди иноческому лику, ихже не удалитеся заступати во всяких нуждах и скорбех.

Слава: Троице Пресвятая, желательное достояние давшая во скиниях святых Богоносным первоначальникам нашим, сих ради и нас того сподоби, в жизни сей сохраняющи от языческих нахождений.

И ныне: Тя Заступницу мира и Богоматерь всего живота моего, и спасение предлагаю, Ты бо Бога рождши спасти можеши поющия Тя, и в заступление крова Твоего прибегающих.

 

Господи, помилуй (трижды) Слава, и ныне:

 

 

Кондак, глас 8-й

 

Двоицу великих отец и правило иноков светлое, умныя зари онебесившии Российскую Церковь кто по достоянию хвалами воспоет, тии бо Престолу Божию предстоят: но яко имущии дерзновение к Святей Троице, Антоние преблаженне и Феодосие приснопамятне, молитеся о молебная к вам приносящих, и любовию песньми вас ублажающих.

 

 

Икос

 

В присносущнем Пресвятыя Троицы Божественном свете да восприимете селение, преподобнии отцы, вся лета жизни сея в тесной пещере пожисте: тем же и преставльшеся от временних великим чудес дарованием от Господа сподобистеся, болезные исцеляти, беси от человек прогоняти, и без вреда обитель свою сохраняти, заступающе во скорбех, и молитися о молебная к вам приносящих, и песньми любовию вас ублажающих.

 

 

Песнь 7

 

Ирмос: Не послужиша твари Богомудрии паче Создавшаго, но огненное прещение мужески поправше, радовахуся, поюще: препетый отцев Господь и Бог, благословен еси.

 

Преподобнии отцы наши Антоние и Феодосие, молите Бога о нас.

 

Благую жизнь зде поживше, блаженныя кончины сподобистеся, отцы святии, престависте бо ся от временных ко вечным, честною смертию, яже бывает честна преподобних Твоих, Господи Боже отец наших.

 

Преподобнии отцы наши Антоние и Феодосие, молите Бога о нас.

 

Равными труды ниву душ ваших возделавше, преподобнии, равная семена добродетелей посеясте, и по кончине равних воздаяний пожинаете радостотворныя рукояти поюще: Господи Боже отец наших.

 

Преподобнии отцы наши Антоние и Феодосие, молите Бога о нас.

 

На воде покойне при источнице вод пресладких, на ложах преподобних упокояющеся, преблаженнии отцы, от потока сладостнаго, поне каплею вашея благодати, чада ваша обдарствите поющия, в день памяти вашея.

Слава: Тройческое нераздельно, раздельне же Лицы, обаче Едино чтем Божество, Безначальна Отца, Собезначальна Сына, и Преблагословеннаго от Отца исходящаго Духа.

И ныне: По Божественному существу Отцу Своему Единосущественный Бог Слово, от Девы единоестествен человеком явися, плоть прием из пречестних кровей, и Благословенную нарек Свою Матерь.

 

 

Песнь 8

 

Ирмос: Отроки благочестивыя в пещи Рождество Богородичо спасло есть; тогда убо образуемое, ныне же действуемое, вселенную всю воздвизает пети Тебе: Господа пойте, дела, и превозносите Его во вся веки.

 

Преподобнии отцы наши Антоние и Феодосие, молите Бога о нас.

 

Гради и отечества своя яко же Авраам остависте, Вышняго Града со Авраамом жителие ныне, Богоноснии отцы, суще, оттуда посетите нас в день памяти вашея, и умолите, Христа с вами нам пети во веки.

 

Преподобнии отцы наши Антоние и Феодосие, молите Бога о нас.

 

Иже ваше торжество празднующим днесь, о святии угодницы, молитеся избавитися всякаго вражия навета, от варварских нахождений, и на сопротивных возвышающе рог христиан православных, поющих Господа во веки.

 

Преподобнии отцы наши Антоние и Феодосие, молите Бога о нас.

 

Милостивно о нас простирайте руце свои ко Владыце, святии первоначальницы наши, и неотлучно назирайте стадо ваше, яко же обещастеся, сохраняюще то от волков мысленных, сподобите же с вами пети Господа во веки.

 

Преподобнии отцы наши Антоние и Феодосие, молите Бога о нас.

 

Славити вашу память кто не восхощет, той ни да улучит вечныя славы, нам же славящим умолите Господа, идеже лики святих, идеже собор преподобних со Ангели, песньми превозносим Господа во веки.

Слава: Яко на превознесенную возшедше гору, приидите, людие, станем во храме преподобных первоначальников Печерских, и прославим Троицу Пресвятую, яже нас собра во днешний день, прославити память святых Своих.

И ныне: Святую гору Божию и селение Вышняго мудрствующе Тя, Дево Чистая, зовем: слава Ти, матерем и девам Славо, и Похвало человеческаго рода.

 

 

Песнь 9

 

Ирмос: Всяк земнородный да взыграется, Духом просвещаемь, да торжествует же Безплотных умов естество, почитающее священное торжество Богоматере, и да вопиет: радуйся, Всеблаженная, Богородице, Чистая Приснодево.

 

Преподобнии отцы наши Антоние и Феодосие, молите Бога о нас.

 

Иже верою приходящим ко храму вашему, святии отцы, утешение подавайте во скорбех, сохраняюще сих различных озлоблений, яко да вас заступников наших присно величаем.

 

Преподобнии отцы наши Антоние и Феодосие, молите Бога о нас.

 

Аки десятострунная гусль, и велегласная труба, Печерская, вами согражденная Лавра проповедует вашу память, Антоние Богомудре и Феодосие достохвальне, созывающи люди на хвалу и почесть, ихже и мы величаем.

 

Преподобнии отцы наши Антоние и Феодосие, молите Бога о нас.

 

Принесенное в дар благодарственное наше пение, назрете, преподобнии отцы, и тихосмотрительним оком, иже грубогранесловное исправите приемлюще, не яко в дар: но яко во сердец наших к вам рачение, им же вас днесь величаем.

 

Преподобнии отцы наши Антоние и Феодосие, молите Бога о нас.

 

Владычней подобящеся благости, аки две лепте пение и делание сие от нас приемше треблаженнии отцы, испросите грехом оставление, в час же конечный предстаните нам, обнадеждующе упованием дойти, идеже святые Христа Царя величают.

Слава: Елико духовную благодать Пресвятаго Духа во грубий разум, толико воспети дерзнух память вашу, Антоние святе и Феодосие блаженне, сим навершающи: дающему молитву молящемуся, и пение хотящему, Богу Единому слава буди, буди.

И ныне: Хотением смотрения Своего вся сотворивый, Пречистая, из Тебе воплотивыйся Бог Истинный, и Человек Совершенный.