Святитель Герман Казанский и Свияжский, архиепископ

(Июнь 23/6 июля (Второе перенесение мощей),  Сентябрь 25/8 октября (Перенесение мощей).   6/19 ноября)

Свя­ти­тель Гер­ман, ар­хи­епи­скоп Ка­зан­ский, жил в XVI ве­ке, родился в го­ро­де Ста­ри­це, про­ис­хо­дил из древ­не­го бо­яр­ско­го ро­да Поле­вых. В мо­ло­дые го­ды Гри­го­рий (так его зва­ли в ми­ру) при­нял по­стриг в Иоси­фо-Во­ло­ко­лам­ском мо­на­сты­ре от игу­ме­на Гу­рия, впо­след­ствии свя­то­го ар­хи­епи­ско­па Ка­зан­ско­го († 1563). (Свя­той Гу­рий был на­сто­я­те­лем оби­те­ли с 1542 до 1551 го­да.) В монастыре свя­той за­ни­мал­ся кни­го­пи­са­ни­ем, был бли­зок с жившим там в за­клю­че­нии пре­по­доб­ным Мак­си­мом Гре­ком. В 1551 го­ду бра­тия Ста­риц­ко­го Успен­ско­го мо­на­сты­ря, узнав о благочестии сво­е­го со­оте­че­ствен­ни­ка, из­бра­ла его архимандритом.

Всту­пив в управ­ле­ние мо­на­сты­рем, свя­той Гер­ман с пастырской рев­но­стью за­бо­тил­ся о его бла­го­устрой­стве – как внеш­нем, так и внут­рен­нем. Для ино­ков он был об­раз­цом сми­ре­ния и кро­то­сти. Он уве­ще­вал всех стро­го со­блю­дать ино­че­ские обязан­но­сти, а для руко­вод­ства ввел в сво­ей оби­те­ли устав преподоб­но­го Иосифа Волоцкого  († 1515).

Но через два с по­ло­ви­ной го­да ар­хи­манд­рит Гер­ман оста­вил Стариц­кий мо­на­стырь, пе­ре­дав на­чаль­ство в нем сво­е­му постриже­ни­ку, свя­щен­но­и­но­ку Иову, впо­след­ствии пер­во­му патриар­ху Мос­ков­ско­му, по­движ­ни­ку и стра­даль­цу за Рус­скую зем­лю. Лю­бовь к уеди­нен­ным по­дви­гам вер­ну­ла его в род­ной Волоко­лам­ский мо­на­стырь, где свя­той Гер­ман спа­сал­ся как простой инок. Ко­гда же в Москве по­явил­ся но­вый ере­тик Мат­фей Баш­кин, не при­зна­вав­ший Свя­тых Та­ин и от­ри­цав­ший ве­ру в Святую Тро­и­цу, свя­той Гер­ман вме­сте со сво­им от­цом (принявшим по­стриг в Во­ло­ко­лам­ской оби­те­ли с име­нем Фило­фей) был вызван на Мос­ков­ский Со­бор 1553 г. Со­бор осу­дил ере­ти­ка Башкина и по­ста­но­вил по­слать его для вра­зум­ле­ния в Волоколамскую оби­тель к свя­то­му Гер­ма­ну, из­вест­но­му свя­той жиз­нью ревни­те­лю Хри­сто­вой ве­ры.

В 1555 го­ду, по­сле по­ко­ре­ния Ка­за­ни, там бы­ла учре­жде­на архиерей­ская ка­фед­ра, на ко­то­рую на­зна­чи­ли ар­хи­епи­ско­пом бывше­го игу­ме­на Во­ло­ко­лам­ско­го мо­на­сты­ря свя­ти­те­ля Гу­рия. Ему бы­ло по­ру­че­но устро­ить в мис­си­о­нер­ских це­лях Успен­скую оби­тель в го­ро­де Сви­яж­с­ке. На­сто­я­те­лем но­вой оби­те­ли Успе­ния Пре­свя­той Бо­го­ро­ди­цы в г. Сви­яж­с­ке по ука­за­нию свя­ти­те­ля Гурия был назна­чен свя­той Гер­ман. Был вы­стро­ен ка­мен­ный со­бор с колокольней и мо­на­ше­ские кел­лии. Сам на­сто­я­тель жил весь­ма скром­но, в тес­ной кел­лии под со­бор­ной ко­ло­коль­ней. Свя­той Герман осо­бен­но за­бо­тил­ся о со­би­ра­нии мо­на­стыр­ской библиотеки.

Вско­ре мо­на­стырь его про­сла­вил­ся ши­ро­кой благотворительностью и стал цен­тром про­све­ще­ния Ка­зан­ско­го края.

12 мар­та 1564 го­да, по пре­став­ле­нии свя­ти­те­ля Гу­рия, святой Гер­ман был по­свя­щен во епи­ско­па Ка­зан­ско­го. Непродолжи­тель­ное вре­мя его управ­ле­ния ка­фед­рой от­ме­че­но забо­той о по­стро­е­нии хра­мов и о про­све­ще­нии края. В 1566 го­ду свя­ти­те­ля Гер­ма­на вызвал в Моск­ву Иоанн Гроз­ный и по­ве­лел избрать его на митрополичью ка­фед­ру. Свя­ти­тель Гер­ман сначала от­ка­зы­вал­ся от  возлагае­мо­го на него бре­ме­ни. Царь не тер­пел воз­ра­же­ний, и святи­тель дол­жен был по­се­лить­ся в митропо­ли­чьих по­ко­ях до возве­де­ния в сан мит­ро­по­ли­та. Ви­дя неспра­вед­ли­во­сти со сто­ро­ны цар­ско­го окру­же­ния, свя­ти­тель Гер­ман, вер­ный сво­е­му пастырско­го дол­гу, по­пы­тал­ся вра­зу­мить ца­ря сво­и­ми увещаниями. «Ты еще не воз­ве­ден на мит­ро­по­лию, а уже отнимаешь у ме­ня сво­бо­ду», – пе­ре­дал царь ар­хи­епи­ско­пу через сво­их лю­бим­цев и при­ка­зал из­гнать свя­ти­те­ля Гер­ма­на с митрополи­чье­го дво­ра и дер­жать Москве под над­зо­ром. Око­ло двух лет свя­ти­тель про­был в опа­ле и 6 но­яб­ря 1567 го­да скон­чал­ся. Его по­хо­ро­ни­ли в церк­ви святи­те­ля Ни­ко­лая Гостун­ско­го. По прось­бе жи­те­лей го­ро­да Свияжск мо­щи свя­ти­те­ля в 1592 го­ду были пе­ре­не­се­ны из Моск­вы в Сви­яж­ский Успен­ский мо­на­стырь. Гроб его встре­чал свя­ти­тель Ермоген то­гда мит­ро­по­лит Казанский.

Пе­ре­не­се­ние мо­щей свя­ти­те­ля Гер­ма­на, ар­хи­епи­ско­па Казанско­го, из Моск­вы в Сви­яж­ский Успен­ский мо­на­стырь произошло в 1592 го­ду.

АКАФИСТ

Кондак 1

Избранный святителю, теплый о нас к Богу молитвенниче, угодниче Христов, преподобне отче Германе, яко имеяй дерзновение ко Господу, от всяких нас бед твоим предстательством избавляй, да зовем ти: Радуйся, святителю Германе, великий чудотворче.

Икос 1

Ангелом уподобляя непорочным житием Святыя твоя, Господи, отверзи ми ум и язык восхвалити богоугодную жизнь преподобныя деяния святителя твоего Германа, да зовем ему, вземшему от юности благий ярем твой на рамо свое:

Радуйся, благочестиваго корене благочестивая отрасль;

Радуйся, от чрева матерня избранный служителю в преподобии и правде.

Радуйся, от отроческих лет кротким и благим нравом себе украсивый;

Радуйся, от младого возраста в посте и молитве паче возраста преуспевый.

Радуйся, с учением книжным паче страху Божию себе обучавый; Радуйся, в юных летах крепким подвижником воздержания себе явивый.

Радуйся, манием божественным издалеча к великому твоему избранию ведомый;

Радуйся, тем же вседетельным манием исперва, яко зеница ока блюдомый.

Радуйся, святителю Германе, великий чудотворче.

Кондак 2

Видя тщету мирскаго жития многомятежность человеческих попечений, блаженне, жизнь твою исперва посвятил еси Богу, во еже непрестанно и устами и сердцем воспевати ему: Аллилуиа.

Икос 2

Разумом посвящаемым свыше, и желанием влекомый к горней жизни, ты вкупе с богомудрым родителем твоим, паче всего тщася о угождении Богу, отвергшие красная мира, тесный иноческий путь избрал еси. Восхваляя твое благое изволение, взываем тебе:

Радуйся, вне мирскаго мятежа от младости работати Богу предложивый;

Радуйся, юность твою, яко жертву непорочну, отвержением от мира Богу принесый.

Радуйся, в жизни по Бозе под духовным игуменством будущаго святителя Гурия преспевавый;

Радуйся, емуже вкупе в великом пастырском служении в споспешника и преемника благодатию уготовлявыйся.

Радуйся, в тойжде (Волоколамской) обители и сам в меру духовнаго вожденачальства достигнувый;

Радуйся, первым тщавыйся быти в послушании, аще и последним во иноцех себе именовавый.

Радуйся, яко елико смирял еси себе, толико паче благодатию к возвышению был еси уготовляем;

Радуйся, и смиренным возвращением от начальства на прежнее послушание новыя духовныя силы для последующаго служения твоего стяжавый.

Радуйся, святителю Германе, великий чудотворче.

Кондак 3

Силою вышняго, уготовлявшею тя во спасение твое и многих, ты избранниче Божий, ведом был еси от силы в силу богоугодной жизни и дел. Темже и воззван был еси благодатию на служение церкви в новопросвещеннем царстве казанском, во еже научити и неведущих Спасителя мира звати ему: Аллилуиа.

Икос 3

Имея благое помышление Царь новоприобретенное силою крестною царство Казанское паче всего устроити во единстве благочестия, да единым духом веры приобщится оно к великой державе царства Российскаго, аки часть к своему телу, при первосвятителе Гурии избра тя собором церкви в служебника ему. О сем ублажая тя, присноблаженне, глаголем:

Радуйся, соборным гласом на дело апостольское достойно избранный;

Радуйся, усердный делателю Христов в новопросвещенной стране магометанскаго заблуждения.

Радуйся, яко благоплодный сад, святую обитель во граде Свияжске насадивый;

Радуйся, храм во славу успения Богоматери, аки неувядаемый трудов твоих памятник в ней соорудивый.

Радуйся, тую первее присноцветущею лепотою подвигов твоих украсивый;

Радуйся, в богоспасаемом братстве новонасажденной обители твоей паче всего плоды послушания и страха Божия возвращавый. Радуйся, собирая словесных овец в словесный двор, всех и для спасительнаго жительства, и для наставления приходивших к тебе, любезно принимавый;

Радуйся, славою добродетелей твоих многих из мрака магометанскаго нечестия во свет истиннаго благочестия обращавый.

Радуйся, святителю Германе, великий чудотворче.

Кондак 4

Бурю мирскаго жития, многообразными превратностями злоключений выну воздвизаемую, благоотишно, яко мудрый кормчий, прешед святитель Гурий, в пристанище безмолвнаго покоя достиже; на поприще бо новопросвещенной паствы, среди непрерывных трудов подвизаяся, первосвятитель Казанский успе мирным сном безсмертия. Ты же, блаженне, яко первый сослужитель и ревностный сотрудник скончавшагося, явился и достойный преемник ему, да на престоле святительства пастыреначальственно вещаеши Богу: Аллилуиа.

Икос 4

Слышав богоправимый собор великия Российския церкви о блаженней кончине перваго святителя великия паствы Казанския, единогласно суди, яко токмо ты избранный Божий достоин возвести на седалищи блаженнаго Гурия. Темже воззваный в царствующий град, аще и отрицался еси по обычному тебе смирению от сана святительскаго, обаче повинуяся соборному определению, восприял еси святительский жезл паствы Казанския. Темже и мы в веселии приветствуем тя:

Радуйся, благий рабе Господа, верностию в меньшем соделавшийся достойным большаго служения;

Радуйся, светильниче, на свещнице во спасение многим поставленный.

Радуйся, наставниче, и словом, а паче примером жизни твоей наставлявший верных и неверных на путь Христов;

Радуйся, пастырю добрый, неусыпным попечением полагавший душу твою о спасении душ пасомых.

Радуйся, мудрый приставниче дома Господня, всем по коегождо потребе нужная устроявший;

Радуйся, верный раздаятелю благ Господа твоего, помощь бедствующим, утешение скорбящим, неоскудно подававший. Радуйся, в благоговейном служении твоем, и сердце и преподобныя руце твои о пастве ко Господу воздевавший;

Радуйся, благоприятными молитвами твоими мир, милость и благодать Божию на новопросвещенныя люди низводивший. Радуйся, святителю Германе, великий чудотворче.

Кондак 5

Боготечной звезде уподобился еси, всехвальне святителю, восходя бо благодатию Божиею от силы в силу по священным степенем иерархии, воззван был еси от паствы Казанския на высоту престола митрополии Московския, да со всею церковию воспеваеши Богу: Аллилуиа.

Икос 5

Видевши Благоверный Царь богоугодное твое житие, святителю, соизволи на вышший свещник Всероссийския митрополии поставити тя, ты же, блаженне, по смиренномудрию твоему, являя себе недостойна быти таковаго сана, достойнейшего поставити умолял Державнаго. Обаче повинуяся званию, уготовлялся исполнити волю цареву: но положил еси в сердце первее изрещи царю слово правды, яже правда аки зло вменися, и запя тя на пути вручаемаго тебе первопрестолия. Сего ради сугубо ублажаем тя:

Радуйся, и на высоте святительства смиренная о себе мудрствовавый;

Радуйся, на первопрестолии Российския церкве паче бремя, неже честь себе видевый.

Радуйся, яко во еже большим послужити во спасение, готов был еси и вышшее служение прияти;

Радуйся, прежде восшествия на высоту престола, во смирении слово царю провещавый.

Радуйся, правды ради гонение и изгнание от предлежащия чести приявый;

Радуйся, слово право пред царем, паче приятия временной славы предсудивый.

Радуйся, верою и правдою служити благу церкви и царства, необиновенно на первосвятительском престоле помышлявый; Радуйся, изгнанием правды ради, блаженство небесное себе уготовивый.

Радуйся, святителю Германе, великий чудотворче.

Кондак 6

Проповедник истины был еси, святителю Германе, егда злобнии опричницы восташа на святителя Филиппа, ты един на суде неправеднем глаголал еси пред царем о неправде, возводимой на мужа неповиннаго, вещая в непоколебимой правде Богу: Аллилуиа.

Икос 6

Возсия , святителю, в новом свете правота духа твоего, егда неповинный святитель Филипп неправедно был судим и осужден, ты един из святителей воздвиг глас в защиту страдальца, благодерзновенно вещая пред царем, яко блаженный он от юности ни суда ложна, ни лицеприятия не веде. Ублажая праволюбие твое, вещаем тебе:

Радуйся, при ангельской кротости твоей, крепкий ревнителю благочестия, егда зрел тое небрегомых от нечестия;

Радуйся, поборниче угнетаемый правоты.

Радуйся, бестрепетный защитниче неповинности;

Радуйся, ревностию твоей по истине, древним святым ревнителям уподобивыйся.

Радуйся, благодерзновением Грознаго удививый, но смиренномудрием того на кротость пременивый;

Радуйся, пример любви к правоте и последующим родам оставивый.

Радуйся, при западе жизни твоей, пламенныя лучи светлаго духа твоего в споборении истине показавый;

Радуйся, праволюбивым защищением правоты, течение праведной жизни твоей увенчавый.

Радуйся, святителю Германе, великий чудотворче.

Кондак 7

Хотя непорочную жизнь твою, яко добрый подвиг скончати, потщался еси и царю в смиренномудрия слово благо рещи, и пред царем в защиту мужа праведнаго правое слово провещати. Темже совершив течение твое, яко ревнитель благочестия и поборник истины, стяжал еси дерзновение во исходе твоем взывати Богу: Аллилуиа.

Икос 7

Новаго тя ревнителя по благочестия и поборника правоты позна грозный царь и весь совет его, егда вещал еси царю в пастырской кротости словеса правоты и страха Божия, и на суде святителя, глаголал еси пред царем во ограждение неповиннаго. Темже вне паствы твоея, в царствующем граде пребывая в терпении, тамо и блаженную жизнь твою, от посещения Божия града, смертоносным посещением скончал еси. Ублажая смиренное в духе, но высокое в делах течение жизни твоей, и смиренную кончину твою, таковая тебе приносим:

Радуйся, ревнителю смиренномудрия, от юности путь смирения избравый;

Радуйся, и на священныя степени звания и избрание с смиренным уклонением принимавый.

Радуйся, жизнь твою при Боговодимом шествии, якоже в смирении и скончавый;

Радуйся, при кончине твоей очистительную жертвою прегрешений от посещения Божия умерших бывый.

Радуйся, якоже не искавый славы человеческой в жизни, тако смиренное погребение восприявый и в смерти;

Радуйся, яко воистину странник, выну искавший небеснаго града, в царствующем граде из дольней к горней жизни прешедый.

Радуйся, яко, идеже во смирении сном смертным еси опочил, таможде Господь преславно тя чудодействием явил;

Радуйся, яко не даде Господь видете тебе, преподобному своему, истления.

Радуйся, святителю Германе, великий чудотворче.

Кондак 8

Странное и преславное сотвори о тебе, преподобне, прославляющий преподобныя своя Господь. Слышавше бо присная твоя чада, новосажденной тобою обители иноцы, и благочестивии Богоспасаемыя паствы твоея людие, града Свияжска жители от святых мощей твоих в царствующем граде Москве изливающиеся исцеления, потщашася возвратити тя во град свой, в место первых подвигов твоих на поприще просвещения верою новоприобретенныя страны, во еже благоприятнее при нетленных мощех твоих пети Богу: Аллилуиа.

Икос 8

Вседушно, от всея любви, и всенародно, всякаго чина и звания, монаси и мирстии, града Свияжска жителие вожделеша имети мощи твоя, святителю, в сзданней тобою обители, в месте славы благодати, действовавшей тобою в духовном созидании иночества, и назидании всех приходящих к тебе для душевной пользы. Темже испросивше соизволение благочестивейшаго царя, с неизглаголанною радостию пренесоша святыя мощи твоя, в созидании тобою обитель. И мы, в радости их, весело приветствуем тя:

Радуйся, яко по смиренней кончине, прославленным тобою Господом прославлен еси;

Радуйся, яко для принятия святых мощей твоих, в благоговейно соетавший тя град сподвигшеся и сам архипастырь, святитель Гермоген.

Радуйся, яко тойже великий святитель, со всем освященным собором, подобающее твоей святыне надгробное пение соверши; Радуйся, яко, при внесении мощей твоих в созданный тобою храм Богородицы, дивное благоухание преисполни храм и обитель. Радуйся, яко к общей благоговейней радости, святыя мощи твоя целы и нетленны обретошася;

Радуйся, яко многоразличными исцелениями знаменовася слава святых мощей твоих.

Радуйся, яко теми же чудодействиями засвидетельствовася, яко обрел еси благодать у Господа;

Радуйся, яко и Симбирстии граждане вожделеша имети часть мощей твоих, во освящение благодатную помощь.

Радуйся, святителю Германе, великий чудотворче.

Кондак 9

Всякия болезни, живущею в тебе благодатию святаго Духа, ты святителю врачуеши с верою притекающих к цельбоносным мощем твоим. Сего ради приемлюще тобою благодать исцелений, благодарне приявшему на себе недуги наша Спасителю поем: Аллилуиа.

Икос 9

Витийство человеческое не может изрещи благодати нетления мощей твоих, ни поведати силы чудодействия оных. Мы же таинство верою приемлюще, благочестно вещаем:

Радуйся, чистотою духа от всякаго брения отрешивыйся;

Радуйся, постом и воздержанием, яко благовонною смирною, тело твое тления непричастно сотворивый.

Радуйся, непрестанною молитвою, яко небесным светолитием, тоежде благодатной силы исполнивый;

Радуйся, всельшимся в тя животворящим Духом по смерти чудодействующий.

Радуйся, сиявшим в тебе светом Христовым, телесныя и душевныя очи просвещающий;

Радуйся, богодарованною тебе силою, нечистыя духи от одержимых ими отгоняющий.

Радуйся, в прибегающих к тебе страсти душевныя и телесныя врачующий;

Радуйся, яко бодренно соделовавший спасение твое, и всех усердно притекающих к тебе спасению споспешествующий.

Радуйся, святителю Германе, великий чудотворче.

Кондак 10

Спасти хотя душу твою, отнележе начал еси работати Господеви, всякия скорби, лишения и уничижения добльственно терпя, по блаженной кончине твоей, соделался еси прибежищем всем скорбями житейскими обуреваемым, во еже со всеми взывати благодарно Избавителю всех: Аллилуиа.

Икос 10

Стена и ограждение святыя мощи твоя, присноблаженне, прибегая бо с верою под цельбоносную сень оных, никтоже молитвами твоими, из храма твоего без благодатнаго утешения отходит. В немже бо сам искушен был еси, в сем и искушаемым испрашиваеши помощи. Предстояще убо с любовию живоприемному гробу твоему, взываем:

Радуйся, присный о нас к Богу ходатаю.

Радуйся, бедствующих предстателю;

Радуйся, печальных утешителю.

Радуйся, нуждающихся помощниче;

Радуйся, гонимых прибежище.

Радуйся, обуреваемых злоключениями тихое пристанище;

Радуйся, во мраке недоумения сущих богосветлое вразумление. Радуйся, обидимых заступниче;

Радуйся, изнемогающих духом богомудрое подкрепление.

Радуйся, святителю Германе, великий чудотворче.

Кондак 11

Пение похвальное приносяще тебе святителю, вемы, яко ни святаго жития твоего, ни преподобных деяний, ни чудес, благодатию Божиею от мощей твоих обильно нам подаваемых, по достоянию не токмо восхвалити, но ниже, якоже подобает, известити возмогохом. Обаче ведуще тя превыше всех похвал суща, во светлостях святых, вселящеся простираем молебный глас о тебе, прославляющему святыя своя: Аллилуиа.

Икос 11

Светозарный светильник имуще святыя мощи твоя, путь правый нам освещающий, и греховный мрак разгоняющий, блажим тя во обителех горних вселящеся, и от неистощимаго источника благодати Божией благая и полезная по коегождо потребе нам испрашивающа:

Радуйся, за земныя подвиги твои, пренебесными благами от подвигоположника обдарованный;

Радуйся, за нищету духовную царство небесное восприемый. Радуйся, за воздыхания и слезы непроходящим веселием утешающийся;

Радуйся, за кротость твою землю вечнаго обладания наследивый. Радуйся, за алчбу и жажду от неистощимаго потока сладости насыщающийся;

Радуйся, за милосердие твое, милость от Бога получивый.

Радуйся, за чистоту твою, лицезрением Божиим наслаждающийся; Радуйся, за гонение правды ради, на месте злачне премирнаго покоя вселяющийся.

Радуйся, святителю Германе, великий чудотворче.

Кондак 12

Благодать всельшуюся в тя святаго Духа, явив в жизни, в смерти и по смерти твоей, святителю, облагодати нашу мысль, недоумеем бо, како совершим скудную песнь нашу в похвалу тебе, разве запечатлеем тую совокуплением во едино, яко разделенных лучей, воспетых нами доблестей твоих, да хваляще тя выну, устами и сердцем поем Богу: Аллилуиа.

Икос 12

Поюще твое Христоподражательное житие, богомудрыя деяния, блаженную кончину, преславныя по кончине чудодействия, и явленнейшия доблести твои, яко светлыя лучи соединяя вкупе, от собственных твоих доброт приносим тебе хваление таковое:

Радуйся, от юности твоей крепким постником, и неослабным подвижником себе явивый;

Радуйся, по священным степенем возводимый благодатию, паче же восхождением в сердце, по внутренней святости смиренномудренно возвышавыйся.

Радуйся, добльственный блаженнаго Гурия в духовном созидании паствы Казанския сотрудниче;

Радуйся, тогожде достойный в пастыреначальстве преемниче. Радуйся, имевый звание светити и на высоте Всероссийской митрополии;

Радуйся, исповедниче истины пред царем, и защитниче страдальческой правоты святителя.

Радуйся, на месте смиреннаго покоища чудодейственною благодатию проявленный;

Радуйся, преславно из царствующаго града нетленными мощами твоими во обитель твою пренесенный.

Радуйся, основанной тобою обители священное ограждение и украшение;

Радуйся, яко в скорбех утешение, в болезнех исцеление, мощи твои нам даровашася.

Радуйся, благоприятный о нас дольних и перстных, вкупе смиренных грешных, в горних к Богу предстателю, и немолчно молитвенниче.

Радуйся, святителю Германе, великий чудотворче.

Кондак 13

О великий угодниче Божий, святителю Германе, приими сие усердное к тебе моление наше, и благоприятным твоим пред престолом святыя Троицы предстательством, моли о нас недостойних рабех твоих, еже избавитися нам от належащих бед, внезапныя смерти и вечнаго осуждения, да сподобимся вкупе с тобою, в лике святых, выну единому в Троице Богу, Спасителю нашему, воспевати: Аллилуиа.

(Этот кондак читается трижды, затем икос 1 и кондак 1)

ТРОПАРЬ

Тропарь, глас 4

От юности иго Христово усердно восприим,/ бденными подвиги поста и молитвы прославился еси./ Отонудуже призывающу тя Богу на служение Церкви/ в новопросвещеннем царстве Казанстем,/ вкупе со святителем Гурием воззван был еси,/ идеже яко первоначальник/ созданной тобою в граде Свияжске обители/ и достойный первосвятителю преемник явился еси./ Духом предстоя Престолу Владычню,/ молися, святителю Германе, со святителем Гурием/ православной пастве во благочестии преспевати/ и тьме иноверия светом веры разгнатися.

Кондак, глас 4

Доблестями преподобия и правды/ врученное тебе словесное стадо озаряя/ и на злачных Слова Христова пажитях питая,/ на правый путь заповедей Господних/ силою духа твоего наставлял еси е./ Темже и ныне, осеняемое цельбоносными чудотворении твоими,/ в святую память твою, зовем тебе:/ не престай, святителю, предстательствовати/ пред Пастыреначальником о стаде твоем,/ яко паствы твоей утверждение/ и сущим по тебе святителем удобрение.

МОЛИТВА

О великий угодниче Христов, Германе, теплый о нас ко Господу молитвенниче, всем притекающим к тебе в скорбех предстателю, испроси нам помощь в немощах, утешение в скорбех, здравие в недугах душевных и телесных; умоли Господа даровати нам оставление во всех, елика согрешихом от юности нашей в житии сем, делом, словом, помышлением, и всеми нашими чувствы: и при кончине нашей испроси нам время покаяния, да предварив искренним исповеданием грехов и очищением совести исход душ наших, безбедно прейдем воздушныя мытарства, и избавимся осуждения и муки, милостию безначальнаго Отца, благодатию собезначальнаго Сына, и освящением присносущнаго Духа. Аминь.