Кирилл и Мария были люди добрые и богоугодные. Говоря о них, блаженный Епифаний замечает, что Господь, благоволивший воссиять в земле Русской великому светильнику, не попустил родиться ему от неправедных родителей, ибо такому детищу, которое, по устроению Божию должно было впоследствии послужить духовной пользе и спасению многих, подобало иметь и родителей святых, дабы доброе произошло от доброго и лучшее приложилось к лучшему, дабы взаимно умножилась похвала и рожденного и самих родивших во славу Божию. И праведность их была известна не одному Богу, но и людям. Строгие блюстители всех уставов церковных, они помогали и бедным; но особенно свято хранили они заповедь Апостола: «страннолюбия не забывайте: тем бо не видяще неции странноприяша Ангелы» (Евр.13:2).

Тому же учили они и детей своих, строго внушая им не опускать случая позвать к себе в дом путешествующего инока или иного усталого странника. До нас не дошло подробных сведений о благочестивой жизни сей блаженной четы; за то мы можем, вместе с святителем Платоном, сказать, что «самый происшедший от них плод показал, лучше всяких красноречивых похвал, доброту благословенного древа. Счастливы родители, коих имена прославляются вечно в их детях и потомстве! Счастливы и дети, которые не только не посрамили, но и приумножили, и возвеличили честь и благородство своих родителей и славных предков, ибо истинное благородство состоит в добродетели!»

Кирилл и Мария имели уже сына Стефана, когда Бог даровал им другого сына – будущего основателя Троицкой Лавры, красу Церкви Православной и несокрушимую опору родной земли. Задолго до рождения сего святого младенца, дивный Промысл Божий уже дал о нем знамение, что это будет великий избранник Божий и святая отрасль благословенного корня. В один воскресный день его благочестивая мать пришла в церковь к Божественной литургии и смиренно стала, по тогдашнему обычаю, в притворе церковном, вместе с прочими женами. Началась литургия; пропели уже Трисвятую песнь, и вот, не задолго пред чтением Святого Евангелия, вдруг, среди общей тишины и благоговейного молчания, младенец вскрикнул у нее во чреве, так что многие обратили внимание на этот крик. Когда же начали петь Херувимскую песнь, младенец вскрикнул в другой раз, и притом уже столь громко, что голос его был слышен по всей церкви. Между тем литургия продолжалась. Священник возгласил: «Вонмем! Святая Святым!» При этом возглашении младенец вскрикнул в третий раз, и смущенная мать едва не упала от страха: она начала плакать... Тут ее окружили женщины и, может быть, желая помочь ей успокоить плачущее дитя, стали спрашивать: «Где же у тебя младенец? От чего он кричит так громко?» Но Мария, в душевном волнении, обливаясь слезами, едва могла вымолвить им: «нет у меня младенца; спросите еще у кого-нибудь». Женщины стали озираться кругом, и не видя нигде младенца, снова пристали к Марии с тем же вопросом. Тогда она принуждена была сказать им откровенно, что на руках у нее, действительно, нет младенца, но она носит его во чреве...

Всегда преданные воле Божией и внимательные к путям Провидения, Кирилл и Мария поняли указания Промысла Божия, и сообразно с этими указаниями должны были вести дело воспитания дитяти. После описанного происшествия мать сделалась особенно внимательной к своему состоянию. Всегда имея в мыслях, что она носит во чреве младенца, который будет избранным сосудом Святого Духа, Мария, во все остальное время беременности, готовилась встретить в нем будущего подвижника благочестия и воздержания; а потому и сама, подобно матери древнего судии Израильского Сампсона (Суд.13:4), тщательно соблюдала душу и тело в чистоте и строгом воздержании во всем. «Заботливо храня носимый ею во чреве Божий дар, она желала», – как говорит святитель Платон, – «через свое воздержание дать телесному составу дитяти чистое и здравое питание, хорошо понимая добрым сердцем своим ту истину, что добродетель, сияющая в здравом и прекрасном теле, становится чрез то еще прекраснее». Всегда благоговейная и усердная молитвенница, праведная мать теперь чувствовала особенную потребность сердца в молитве; поэтому она часто удалялась от людского взора и в тишине уединения со слезами изливала пред Богом свою горячую материнскую молитву о будущей судьбе своего младенца. «Господи!» – говорила она тогда, – спаси и сохрани меня, убогую рабу Твою; спаси и соблюди и сего младенца, носимого во утробе моей, Ты бо еси – храняй младенцы Господь (Псал.114:5); да будет воля Твоя, Господи, на нас, и буди имя Твое благословенно во веки!» Так, в строгом посте и частой сердечной молитве пребывала богобоязненная мать святого дитяти; так и самое дитя, благословенный плод ее чрева, еще до появления своего на свет, некоторым образом уже предочищался и освящался постом и молитвою.

Кирилл и Мария видели на себе великую милость Божию; их благочестие требовало, чтобы их чувства благодарности к благо Дающему Богу были выражены в каком-либо внешнем подвиге благочестия, в каком-либо благоговейном обете. А что могло быть приятнее Господу в таких обстоятельствах, в каких они находились, как не крепкое сердечное желание и твердая решимость оказаться вполне достойными милости Божией? И вот, праведная Мария, подобно святой Анне, матери Пророка Самуила, вместе со своим мужем дала такое обещание: если Бог даст им сына, то посвятить его на служение Богу.

3 мая 1319 года в доме боярина Кирилла была общая радость и веселие: Марии Бог дал сына. Праведные родители пригласили своих родных и добрых знакомых разделить с ними радость по случаю рождения нового члена семьи, и все благодарили Бога за сию новую милость, явленную Им на дом благочестивого боярина. В сороковой день по рождении родители принесли младенца в церковь, чтобы совершить над ним святое крещение и исполнить свое обещание представить дитя в непорочную жертву Богу, Который дал его. Благоговейный иерей, по имени Михаил, нарек младенцу во святом крещении имя Варфоломей, конечно потому, что в этот день (11 июня) праздновалась память святого Апостола Варфоломея, ибо сего требовал тогдашний церковный обычай. Это имя и по самому значению своему – сын радости – было особенно утешительно для родителей сего младенца. Ибо можно ли описать ту радость, которая переполняла их сердца, когда они видели пред собою начало исполнения их светлых надежд, которые почивали на сем младенце со дня его чудесного возглашения во чреве матери? Кирилл и Мария рассказали этот случай священнику, и он, как сведущий в Священном Писании, указал им много примеров из Ветхого и Нового Заветов, когда избранники Божии еще от чрева матери были предназначаемы на служение Богу; привел им слова пророка Давида о совершенном предведении Божием («несодеянная моя видеста очи Твои» (Пс.138:16)) и Апостола Павла («Бог Воззвавый мя от чрева матере моея явити Сына Своего во мне, да благовествую Его в языцех» (Гал.1:16)), и другие подобные места Священного Писания. Отец Михаил утешил Кирилла и Марию благодатною надеждою относительно их новорожденного. «Не смущайтесь, – говорил он им, – а паче радуйтесь, что сын ваш будет избранным сосудом Духа Божия и служителем Святой Троицы». И благословив дитя и его родителей, служитель алтаря Христова отпустил их с миром.

Между тем мать, а потом и другие стали примечать в младенце опять нечто необыкновенное: когда матери случалось насыщаться мясною пищею, то младенец не брал ее сосцов; то же повторялось, и уже без всякой причины, по средам и пятницам так, что в эти дни младенец вовсе оставался без пищи. Мария, конечно, беспокоилась, думала, что дитя нездорово, советовалась с другими женщинами, которые тщательно осматривали дитя, но на нем не было приметно никаких признаков болезни, ни внутренней, ни наружной. Оставаясь без пищи, малютка не только не плакал, но и весело смотрел на них, улыбался и играл ручками... Наконец обратили внимание на время, когда младенец не принимал материнских сосцов, и тогда все убедились, что в этом детском посте ознаменовались, как выражается святитель Филарет, «предшествования расположения матери и проявлялись семена будущих его расположений». Возращенный постом во чреве матери, младенец и по рождении как будто требовал от матери поста. И мать, действительно, стала еще строже соблюдать пост: она совсем оставила мясную пищу, и младенец, кроме среды и пятницы, всегда после того питался ее молоком.

Когда Варфоломею исполнилось семь лет, родители отдали его учиться грамоте, чтобы мог он читать и разуметь Слово Божие. Вместе с ним учились и два брата его: старший Стефан, и младший Петр. Братья обучались успешно, а Варфоломей далеко отставал от них. Учитель наказывал его, товарищи упрекали и даже смеялись над ним, родители уговаривали; да и сам он напрягал все усилия своего детского ума, проводил ночи над книгою, и часто, укрывшись от взоров людских, где-нибудь в уединении, горько плакал о своей неспособности, горячо и усердно молился Господу Богу: «Дай же Ты мне, Господи, понять эту грамоту; научи Ты меня. Господи, просвети и вразуми!» Но грамота все же ему не давалась.

Раз отец послал его в поле искать жеребят, каковое поручение пришлось особенно по душе мальчику, любившему уединяться от людей. На поле, под дубом, увидел Варфоломей незнакомого старца-черноризца, саном пресвитера; благоговейный и ангелоподобный старец приносил здесь свои молитвы Богу и изливал пред Всеведущим слезы сердечного умиления. Поклонившись ему, скромный отрок почтительно отошел в сторону и стал вблизи. Старец окончил молитву, с любовью взглянул на доброе дитя, и, прозревая в нем духовными очами избранный сосуд Святого Духа, ласково подозвал его к себе, благословил, отечески поцеловал и спросил: «Что тебе надобно, чадо?» «Меня отдали учиться грамоте», – сказал сквозь слезы Варфоломей, – «и больше всего желала бы душа моя научиться читать Слово Божие. Но вот, сколько ни стараюсь, никак не могу выучиться. Помолись за меня Богу, отче святый, попроси у Господа, чтобы Он открыл мне учение книжное: я верю, что Бог примет твои молитвы». Старец помолился и бережно вынул из пазухи небольшой ковчежец. Открыв его, он взял оттуда тремя перстами малую частицу святой просфоры, и, благословляя ею Варфоломея, промолвил: «Возьми сие, чадо, и снеждь; сие дается тебе в знамение благодати Божией и разумение Святого Писания». Довольно научив его о спасении души, старец хотел уже идти в путь свой; но благоразумный отрок не хотел расстаться со святым наставником. Он пал к ногам его и со слезами умолял войти в дом его родителей. «Родители мои», – говорил Варфоломей, –очень любят таких, как ты, отче! Не лиши же и их своего святого благословения!»

Старец последовал за юным странноприимцем, и с честью его встретили родители Варфоломеевы. Для благочестивых людей такой старец – инок – всегда желанный гость, а Кирилл и Мария особенно любили принимать и покоить у себя в доме иноков. Приняв благословение от старца, они предложили ему радушное угощение. Но гость медлил садиться за стол. «Прежде следует вкусить пищи духовной», – заметил он и направился в моленную, которая в старое доброе время имелась в каждом доме благочестивых князей и бояр. Туда пригласил он с собою Варфоломея, и, благословив начало Третьего часа, велел ему читать псалмы. Отрок взял благословение от старца и, благоговейно осенив себя крестным знамением, начал стихословить Псалтирь стройно и внятно! После того святой гость вкусил предложенной ему трапезы, и, благословив радушных хозяев, хотел удалиться; но благочестивым боярам жаль было так скоро отпустить его: им хотелось еще побеседовать с опытным в духовной жизни старцем, в котором они уже приметили дар прозорливости. Между прочим, они рассказали ему, как сын их, будучи еще во чреве матери, троекратно прокричал в церкви, и желали знать, что думает старец об этом случае. «О добрые супруги! – сказал им на это старец, – вот, Господь удостоил вас такой великой милости: дал вам такого сына. Зачем же вы страшитесь там, где нет никакого страха? Вам должно радоваться, что Бог благословил вас таким детищем: Он предызбрал вашего сына еще прежде его рождения. А что я говорю вам истину – вот вам знамение: с этой поры отрок будет хорошо понимать всю книжную мудрость и свободно будет читать Божественное Писание. Знайте, что велик будет сын ваш пред Богом и людьми за его добродетельную жизнь!» Старец встал, чтобы идти; уже на пороге дома он еще раз обратился к родителям Варфоломеевым и вымолвил в пророческом духе такие загадочные слова: «Отрок будет некогда обителью Пресвятой Троицы; он многих приведет за собою к уразумению Божественных заповедей». Гостеприимные хозяева проводили странника до ворот своего дома; но тут он вдруг стал невидим, так что Кирилл и Мария невольно подумали: не ангел ли Божий был послан к ним, чтобы даровать премудрость их сыну? – И глубоко сохранили они в благоговеющих сердцах своих его таинственные слова.

Желая сохранить душевную и телесную чистоту, отрок укрощал юную плоть свою строгим воздержанием и трудами. Когда Мария уговаривала его пощадить себя, он отвечал: «Не стесняй меня в этом, родная моя, чтобы не пришлось делать так против воли твоей. Не отклоняй меня от воздержания, которое так сладостно душе моей; зачем советуешь своему сыну неполезное? Ведь вы же сказали мне, что я еще в колыбели постился по средам и пятницам; как же теперь я могу не понуждать себя угождать Богу, чтобы Он избавил меня от грехов моих?» Мать удивлялась разумным речам своего сына, и, не желая препятствовать его доброму произволению о Боге, обыкновенно говорила ему: «Если ты так рассуждаешь, то делай, как хочешь; Господь с тобою, я не хочу стеснять тебя в добром, дитя мое!»

В то время Ростовские земли попали под влияние московских князей. Послан был на Ростов в сан воеводы московский вельможа Василий, прозванием Кочева, и с ним другой, по имени Мина. По прибытии в Ростов, они стали действовать полновластно, притесняя жителей, так что многие принуждены были отдавать москвичам свои имущества, доходя до крайней нищеты, а за это получали только оскорбления и побои. Не избежали этих скорбей и праведные родители Варфоломеевы. Славный и именитый некогда боярин Кирилл, еще ранее этих событий, под старость стал терпеть нужду. Частые путешествия в Орду со своим князем, тяжкие дани и непосильные подарки ордынским вельможам, без чего никогда не обходились эти путешествия, жестокий голод, нередко опустошавший Ростовскую область, а больше всего, – говорит преподобный Епифаний, – великая рать или нашествие Туралыково в 1327 году, – все это вместе крайне неблагоприятно отозвалось на его состоянии и почти довело Кирилла до нищеты. Очень вероятно также, что своеволие московских наместников, которые распоряжались в Ростове как независимые государи, не пощадило и Кирилла, как ближнего боярина князей Ростовских, может быть, и он лишился тогда не только боярских почестей, но и всего своего достояния. Тяжело было Кириллу оставаться в Ростове, а может быть, и прямо приказано было от наместников московских удалиться из города, и потому он решил, лишь только откроется возможность, покинуть родную землю и перейти на службу к другому князю.

Случай скоро представился. В 12 верстах от Троицкой Лавры, по направлению к Москве, есть село Городище или Городок, которое в древности носило имя Радонеж. В 1328 году, отправляясь в Орду, Великий Князь Иоанн Данилович (Калита) написал духовное завещание, в коем, между прочим, назначил «село Радонежское» в удел Великой Княгине Елене «с малыми детьми» нераздельно. Вскоре после того село это перешло в полную собственность младшего сына Ианнова Андрея. «Великий Князь, по малолетству Андрея, поставил в Радонеже наместником Терентия Ртища, который, желая привлечь большее число поселенцев в этот, почти незаселенный тогда край, объявил именем князя разные льготы переселенцам. Лишь только это стало известно в Ростове, многие из его жителей, в надежде найти себе облегчение, потянулись в Радонеж. В числе таких переселенцев Епифаний называет Протасия Тысяцкого, Георгия, сына Протопопова с родом его, Иоанна и Феодора Тормасовых, их родственников Дюденю и Онисима (бывшего ростовского вельможу, а в последствии – диакона и ученика Сергиева). В числе их переселился и блаженный Кирилл со всем своим семейством и водворился в Радонеже близ церкви Рождества Христова.

По обычаю того времени, Кирилл должен был получить поместье, но сам он, по старости, уже не мог нести службы, и потому обязанность эту принял на себя старший сын его Стефан, который, вероятно, еще в Ростове, женился. Младший из сыновей Кирилла и Марии Петр также избрал супружескую жизнь. Варфоломей же и в Радонеже продолжал свои подвиги. Не раз он говорил отцу: «Отпусти меня, батюшка, с благословением, и я пойду в монастырь». «Помедли, чадо, – отвечал ему на это отец, – сам видишь: мы стали стары и немощны, послужить нам некому – у братьев твоих немало заботы о своих семьях. Мы радуемся, что ты печешься, како угодити Господу Богу, это – дело хорошее. Но верь, сын мой: твоя благая часть не отнимется у тебя, только послужи нам немного, пока Бог явит милость Свою над нами и возьмет нас отсюда. Вот, проводи нас в могилу, тогда уже никто не возбранит тебе исполнить свое заветное желание». Варфоломей не выходил из воли отеческой.

Но дух иночества нечувствительно сообщился от сына родителям: при конце своей многоскорбной жизни Кирилл и Мария пожелали и сами, по благочестивому обычаю древности, воспринять на себя ангельский образ. Верстах в трех от Радонежа был Покровский Хотьков монастырь, который состоял из двух отделений: одного – для старцев, другого – для стариц. В этот монастырь и направили свои стопы праведные родители Варфоломеевы, чтобы здесь провести остаток дней своих в подвиге покаяния и приготовления к другой жизни. Почти в тоже время умерла супруга и старшего сына Стефана. Похоронив ее в Хотьковском монастыре, Стефан не пожелал уже возвращаться в мир. Поручив детей своих, вероятно, Петру, он остался в Хотькове, принял монашеский постриг и стал ухаживать за своими немощными родителями. Впрочем, претружденные старостью и скорбями схимники-бояре недолго потрудились в своем новом звании: не позже 1339 года они с миром уже отошли ко Господу на вечный покой. Дети почтили их слезами сыновней любви и похоронили под сенью той же Покровской обители, которая с сего времени сделалась последним приютом и усыпальницею рода Сергиева.   

Из поколения в поколение передавался завет преподобного Сергия о том, чтобы всякий, желающий посетить его обитель, сначала помолился у святых останков его родителей – праведных Кирилла и Марии – в Хотьковском монастыре.

В год 600-летия со времени преставления Преподобного Сергия (1992 г.) Архиерейский собор Русской Православной Церкви причислил преподобных местночтимых Радонежских святых – схимонаха Кирилла и схимонахиню Марию – к лику святых угодников Божиих для общецерковного почитания. Память преподобных Кирилла и Марии празднуется 28 сентября (11 октября н. ст.), 18 / 31 января, 6 / 19 июля (Собор Радонежских святых), а также в четверток Седмицы мытаря и фарисея.

АКАФИСТ

Кондак 1

Избраннии чудотворцы и велицыи угодницы Господни, обители нашея заступницы и приснии о душах наших молитвенницы, преподобнии схимонаше Кирилле и схимонахине Марие! Пение похвальное вам приносяще, молим вы усердно: яко имущии дерзновение ко Господу, предстательством вашим от всяких бед нас свободите и наследники Царствия Небеснаго нас соделайте, да зовем вам радостно:

Радуйтеся, преподобнии Кирилле и Марие, блазии о нас пред Богом заступницы.

Икос 1

Ангели земнии и человецы небеснии воистину явистеся преподобнии Кирилле и Марие, от юности вашея чистую совесть имущии к Богу, и добре во благочестии и чистоте вкупе пожившии, нам же оставльшии в пример подражания житие ваше богоугодное, емуже чудящеся и чудесы вашими озаряеми, зовем вам гласы хвалебными сице:

Радуйтеся, от юности вашея Христа возлюбившии и Тому от души поработавшии;

Радуйтеся, целомудрия хранители и душевныя и телесныя чистоты рачители.

Радуйтеся, души ваши и телеса на земли в обиталище Духа Святаго уготовившии;

Радуйтеся, исполненнии премудрости и разума Божественного.

Радуйтеся, яко от земли на небо преидосте и тамо со Ангелы Троице предстоите;

Радуйтеся, яко со безплотными лики трисвятую песнь Ей воспеваете.

Радуйтеся, на небеси и на земли от Господа прославленнии;

Радуйтеся, обретшии вечное всесветлое место упокоения.

Радуйтеся, преподобнии Кирилле и Марие, блазии о нас пред Богом заступницы.

Кондак 2

Видя всевидящее око Отца светов вельми благоугодное Богу ваше житие, благоволи избрати вас, блаженнии, да явите мирови светильник пресветлый Сергия преподобнаго, да о нем и ваши имена прославятся и вси вернии воспоют прославльшему вас Господеви: Аллилуиа.

Икос 2

Разума Божественнаго преисполненнии, Кирилле и Марие, неустанно работасте Господеви, наставляя чада своя в послушании и кротости. Умудрите убо и нас, преподобнии, непрестанно оправданием Господним следовати неложно, да обрящем вкупе с вами спасение вечное и принесем вам благохваления таковыя:

Радуйтеся, блаженнии, в боголюбии пожившии и благоверие сохраншии;

Радуйтеся, милости и сострадания преисполненнии.

Радуйтеся, милостынею и молитвами Небесное Царствие стяжавшии;

Радуйтеся, смирением и пощением вечное блаженство улучившии.

Радуйтеся, яко мзда ваша многа на Небесех есть;

Радуйтеся, яко молитвами вашими и мы надежды Царствия Христова не лишаемся.

Радуйтеся, яко радость ваша вечна во светлостех святых;

Радуйтеся, яко тояжде светлости вас ради и мы наследниками являемся.

Радуйтеся, преподобнии Кирилле и Марие, блазии о нас пред Богом заступницы.

Кондак 3

Силою Божиею ограждаемь преподобный Кирилл князю Ростовскому со всяким усердием служаше и вкупе с ним во орду Агарянскую, мира ради, хождаше, да люди русские ослабу от ига их имут и Богу непрестанно поют: Аллилуиа.

Икос 3

Имущи помышление преподобнии Кирилл и Мария и людие о трикратном во чреве Мариином в церкве плода глашении и удивльшеся, разумеша нечто преславное и чудное быти; и по сих уведевше радостное сына рождение, радовахуся и радостная вам приношаху глаголюще:

Радуйтеся, двоице пресветлая, Богом совокупленная;

Радуйтеся, звезды непрелестнии, путь супружескаго жития богоугоднаго верно указующии.

Радуйтеся, родители благии добраго и избранного плода;

Радуйтеся, всякия благодати Божия его исполнившии.

Радуйтеся, супругов христиан ко благочестию наставницы;

Радуйтеся, доброму богобоязненному чад воспитанию их научающии.

Радуйтеся, целомудрия и воздержания супружескаго образи преизящнии;

Радуйтеся, хотящих богоугодно жити богомудрии учителие.

Радуйтеся, преподобнии Кирилле и Марие, блазии о нас пред Богом заступницы.

Кондак 4

Буря скорбей и напастей, воздвизаемая наместником Великаго Князя, не ослаби крепкия любве вашея яже к Богу, Кирилле и Марие блаженнии, но паче научи вы изряднее отражати разженныя стрелы лукаваго. Научите убо и нас вся скорби мира сего с кротостию преносити, в веселии вопия Богу: Аллилуиа.

Икос 4

Слышавше, блаженнии, Варфоломея, дивное чадо ваше, некогда грамоте неискусна, чтуща богодухновенныя писмены, удивишася зело, и старца-схимника, премудрость ему даровавшаго, в дом свой прияша, заповедь Апостола Павла храняше: страннолюбия не забывайте; тем бо не ведяще неции странноприяша Ангелы. Таковую добродетель вашу воспевающе, вопием вам сице:

Радуйтеся, заповедей Христовых вернии исполнители;

Радуйтеся, учения Евангельского истиннии последователи.

Радуйтеся, угодницы Божии, житию великих святых сопричастницы;

Радуйтеся, странноприимства древняго праотца Авраама подражатели.

Радуйтеся, светом благочестнаго жития вашего, яко светила богосветлая, пресиявшии;

Радуйтеся, любовь и милосердие к бедным и сирым явившии.

Радуйтеся, безпомощным скории помощницы;

Радуйтеся, яко и нам присно помогаете и к Небесному Отечеству руководствуете.

Радуйтеся, преподобнии Кирилле и Марие, блазии о нас пред Богом заступницы.

Кондак 5

Боготечным звездам подобны бысте, преблаженнии Кирилле и Марие, егда пришедше от страны Ростовския в пределы княжества Московскаго и во граде Радонеже поселистеся, тамо сущих бо людей благочестием своим удивисте, подвизая пети: Аллилуиа.

Икос 5

Видевше, святии, тщание сына своего, преподобнаго Сергия, к иноческому житию, моляху его, да пребудет с вами до кончины вашея. Он же, яко сын послушания, издетска наученный вами заповеди Господни исполняти, покорися воле вашей, Кирилле и Марие, якоже Божией, научая всех вопити вам тако:

Радуйтеся, блаженств Христовых причастницы;

Радуйтеся, честнаго супружества и попечения о чадех добрии образи.

Радуйтеся, ангелонравнии человецы;

Радуйтеся, преподобных и праведных сопричастницы.

Радуйтеся, Пресвятыя Троицы вернии угодницы;

Радуйтеся, яко и чад ваших угождати Ей научившии.

Радуйтеся, того ради сын ваш Триипостасному Божеству обитель дивную устроивый;

Радуйтеся, сего ради и ваша святыя имена прославлены есть по всей Руси.

Радуйтеся, преподобнии Кирилле и Марие, блазии о нас пред Богом заступницы.

Кондак 6

Проповедницы веры православныя и ревнители благочестия не словом токмо, но и житием вашим, бысте во граде Радонеже, прехвальнии Кирилле и Марие: темже и святая Церковь достойно почитает вас, немолчно воспевая Дивному во святых Своих Богу: Аллилуиа.

Икос 6

Возсия во граде Радонеже свет добродетельнаго вашего жития, преблаженнии Кирилле и Марие; егда же достигше возраста преклонна, во обитель Хотьковскую устремишася под покров Божией Матери притекше, тамо велий образ Ангельский на ся восприяли есте, темже образ вышшаго нам смирения показуя, емуже поучаяся, с любовию вопием вам таковая:

Радуйтеся, яко любве ради Господа мира сего славу остависте;

Радуйтеся, яко иноческое равноангельное житие усердно восприясте.

Радуйтеся, во обитель древнюю пришедшии и тамо покой себе обретшии;

Радуйтеся, Пречистей Деве Богородице души свои вручившии.

Радуйтеся, образ ангельский восприимшии и непорочно его сохраншии;

Радуйтеся, всем иноком и инокиням добрии образи.

Радуйтеся, прежде кончины вашея вся страсти умертвившии воздержанием;

Радуйтеся, святую схиму в броню спасения восприявшии.

Радуйтеся, преподобнии Кирилле и Марие, блазии о нас пред Богом заступницы.

Кондак 7

Хотя Человеколюбец Господь явити в житии вашем, преподобнии Кирилле и Марие, образ назидания, не токмо людем мирским, но и иноческому лику, внуши вам в старости маститей оставите славу земную и восприяти образ иноческий, в немже постом, бдением и молитвою добре подвизастеся, неустанно воспевая Триединому Богу Серафимскую песнь: Аллилуиа.

Икос 7

Новую благодать показа всех Творец и Владыка чрез вас, преподобнии, егда прешли есте от временныя сея юдоли плачевныя во обители вечныя. Святыя мощи ваша, аще и под спудом сокровенны, многая чудеса источаху, многим болящим исцеления подаваху; паче же приносимыя к вам младенцы исцеляху. Сего ради приимите, врачеве наши блаженнии, от нас похвалы сицевыя:

Радуйтеся, смертию временною пришедшии к жизни вечней;

Радуйтеся, от Господа нетлением и чудесы прославленнии.

Радуйтеся, яко память ваша с похвалами и успение со святыми;

Радуйтеся, яко имена ваша честны суть и благословенны во Отечестве вашем.

Радуйтеся, болящим младенцем исцеление подающии;

Радуйтеся, тяжко болящую девицу, с любовию к вам притекшую, от недуга избавившии.

Радуйтеся, о любящих и чтущих вас небеснии предстатели;

Радуйтеся, приснопросящии нам у Господа дары благости Его.

Радуйтеся, преподобнии Кирилле и Марие, блазии о нас пред Богом заступницы.

Кондак 8

Страшное и ужасное бедствие прииде на землю Московскую, егда язвою моровою уязвлены быша людие мнози во градех и весех, и множество их умроша. Тогда собор освященный со инокини молебныя пения вам приношаху и предстательствы вашими избавление от беды получиша, вопиюще благодеющему чрез вас Богу: Аллилуиа.

Икос 8

Вси боголюбцы скорбию велиею объяты быша, егда во дни лихолетий, на землю Российскую пришедших, обитель Покрова Пречистая Девы в Хотькове богоборцы разорению и запустению предаша. Но память о вас, преподобнии, в людех жива бысть, и славляху чада российския житие ваше и чудеса благохвалении сицевыми:

Радуйтеся, чудотворцы наши предивныя;

Радуйтеся, не оставляющии нас в скорбныя дни.

Радуйтеся, града Хотькова и обители нашея ограждение несокрушимое;

Радуйтеся, на враги видимыя и невидимыя крепции нам споборницы.

Радуйтеся, благодеяний множество нам источающии;

Радуйтеся, милостию сострадания вашего всех объемлющии.

Радуйтеся, приснии всем нам ходатаи спасения;

Радуйтеся, неотступнии града Хотькова и обители нашея хранители.

Радуйтеся, преподобнии Кирилле и Марие, блазии о нас пред Богом заступницы.

Кондак 9

Вси Ангели и святых лики радовахуся радостию велиею, егда обитель ваша, преподобнии Кирилле и Марие, Церкви возвращена бысть и мощи ваша честныя, от лет древних Богом сокровенныя, в храме соборнем положены бысть. И возженна бяху молитвы лампада и людие вси узревше свет ея удивляхуся зело, к вам в напастех прибегают и помощь от вас получают; еяже и нас сподобите преподобнии, о вас вопиющих Богу: Аллилуиа.

Икос 9

Витийство человеческое не довлеет к достойному прославлению чудес от мощей ваших и поныне совершающихся, преблаженнии Кирилле и Марие: старица бо немощная монахиня костное преломление претерпевшая и от врачей не утешанная, к вам, преподобнии, притекше и со слезами моляху вас. Вскоре же исцеление совершенное получив, во умилении сердца воспеша вам:

Радуйтеся, благодати Святаго Духа сосуди избраннии;

Радуйтеся, радости нам вечныя благоприятнии ходатаи.

Радуйтеся, старицу немощную от недуга скоро исцелившии;

Радуйтеся, исцелением сим искусных врачей удивившии.

Радуйтеся, нетленныя благоухающии цветы;

Радуйтеся, безсмертия немерцающии лучи.

Радуйтеся, на земли величием чудес блистающии;

Радуйтеся, на небеси со Ангелы Бога славящии.

Радуйтеся, преподобнии Кирилле и Марие, блазии о нас пред Богом заступницы.

Кондак 10

Спасение вечное унаследовавше, богоблаженнии Кирилле и Марие, душами вашими во обителех горних неразлучно в Бозе пребываете, святыми же мощми вашими во обители Пренепорочныя Девы нетленно вкупе почиваете и обильная исцеления источаете, нас в Горний Иерусалим оный руководствуя, вопиющих того Града Управителю: Аллилуиа.

Икос 10

Стена и прибежище всем к вам притекающим вы есте, преподобнии. Обитель бо ваша к жизни иночестей возрожденная множество ищущих спасения собра, их же вы от искушений и соблазнов сохраните, блаженнии, и монашескому деланию научите, да улучивше желаемое, принесут вам сицевыя благодарственныя словеса:

Радуйтеся, чадолюбивыя наши предстателие;

Радуйтеся, руководствующии нас ко Христу Богу.

Радуйтеся, наставляющии шествовати по заповедем Господним;

Радуйтеся, научающии терпеливо носити крест свой и Владыце нашему последовати.

Радуйтеся, яко с преподобным отцем нашим Сергием имеете дерзновение ко Христу Богу нашему и ко Святей Его Богоматери;

Радуйтеся, яко вы есте ходатаи о нас недостойных, жительствующих во святей обители нашей, ей же вы и начальницы.

Радуйтеся, яко Богом собранней дружине сей вы помощницы, заступницы и молитвенницы;

Радуйтеся, яко вашими молитвами сохраняема невредимы от бесов и от человек злых пребываем.

Радуйтеся, преподобнии Кирилле и Марие, блазии о нас пред Богом заступницы.

Кондак 11

Пение молебное приносят вам, преблаженнии Кирилле и Марие, не во обители Хотьковской токмо, но и в Высоцкой, сыном вашим основанней, многоцелебных мощей ваших часть имущей, славят чудеса вами совершаемыя: младенец бо недуг неисцельный имеяй, исцеление от вас получает, родителей радости безмерныя исполняя, вопиющих исцелений подателю Богу: Аллилуиа.

Икос 11

Светом трисиянным осияваеми, Кирилле и Марие, всеблаженнии, со всеми святыми предстоите ныне на Небеси Престолу Царя царствующих и оттуду, яко светила светозарнии, присно просвещаете души притекающих к раце мощей ваших и покаянию истинному научаете. Сего ради, прославляюще вас, глаголем:

Радуйтеся, яко скончали есте жизнь свою телом, но духом не отступаете от нас;

Радуйтеся, с верою приходящих к раце мощей ваших благодатно освящающии.

Радуйтеся, бисери сияющии и благодатно просвещающии человеков;

Радуйтеся, свети умнии, зарею Святаго Духа облистающии.

Радуйтеся, известнии умилостивители Царя Небеснаго;

Радуйтеся, призывающих молитвенно честная имена ваши скории услышатели.

Радуйтеся, упование на вас по Бозе возлагающих дивнии помощницы;

Радуйтеся, всем правоверным всякое прошение во их пользу исполняющии.

Радуйтеся, преподобнии Кирилле и Марие, блазии о нас пред Богом заступницы.

Кондак 12

Благодать от Бога данную вам ведяще, прилежно молим вы ныне, прехвальнии схимонаси: пролейте теплую о нас молитву ко Господу, да сохранит обитель нашу неврежденну от напастей и нестроений, и нас да помилует и спасет, вопиющих Ему: Аллилуиа.

Икос 12

Поюще ваше Богоугодное житие, преподобнии, и на небеси от Бога прославление, ублажаем праведное преставление ваше, величаем безчисленныя чудеса от святых мощей ваших истекающия, и на неусыпныя молитвы ваша уповающе, взываем вам сицевая:

Радуйтеся, житие ваше земное благочестне скончавшии;

Радуйтеся, от Царя Небеснаго венцы славы приемшии.

Радуйтеся, обличеннии в ризу благодатнаго нетления;

Радуйтеся, во благоухании святыни нетленно почивающии.

Радуйтеся, препоясаннии силою многих чудес;

Радуйтеся, яко рака ваша честная врачебница явися недугом человеческим.

Радуйтеся, яко от нея всяк с верою приходяй дары целебныя приемлет;

Радуйтеся, яко обитель наша мощей ради ваших по всей земле Российстей прославляется.

Радуйтеся, преподобнии Кирилле и Марие, блазии о нас пред Богом заступницы.

Кондак 13

О, преславнии чудотворцы и угодницы Господни Кирилле и Марие! Приимите сия моления наша от всея души вам ныне возносимыя и сподобите нас предстательствы вашими в чине ангельском достигнути Небеснаго Царствия, идеже вси святии, Ангели и человецы воспевают непрестанными гласы хвалу Пресвятей Троице, Богу нашему: Аллилуиа, Аллилуиа, Аллилуиа.

(Сей кондак читается трижды, а затем икос 1-й и кондак 1-й)

МОЛИТВА

О, раби Божии, преподобнии Кирилле и Марие! Аще и скончали есте временную жизнь свою телом, но духом не отступаете от нас, руководствуете же ны ко Христу Богу, наставляете шествовати по заповедем Господним и носити крест свой и последовати Владыце нашему. Вы, преподобнии, вкупе с преподобным и Богоносным отцем нашим Сергием, вашим возлюбленным сыном, имеете дерзновение ко Христу Богу нашему и ко Святей Его Богоматери. Будите молитвенницы и ходатаи о нас, недостойных, жительствующих во святей обители вашей, ей же вы и начальницы. Будите помощницы и заступницы Богом собранней дружине сей, да жительствующим на месте сем и приходящий с верою, вашими молитвами сохраняеми, невредими от бесов и от человек злых пребудем, славяще Святую Троицу, Отца и Сына и Святаго Духа, ныне, и присно, и во веки веков. Аминь.

ТРОПАРЬ

Тропарь, глас 3

Блаже́нств Христо́вых прича́стницы,/ честна́го супру́жества и попече́ния о ча́дех до́брый о́бразе,/ пра́веднии Кири́лле и Мари́е,/ плод благоче́стия, Се́ргия преподо́бнаго, нам яви́вшии,/ с ни́мже усе́рдно моли́те Го́спода/ низпосла́ти нам дух любве́ и смиренному́дрия,/ да в ми́ре и единомы́слии// просла́вим Тро́ицу Единосу́щную.

Кондак, глас 4

Днесь, ве́рнии, соше́дшеся,/ восхва́лим дво́ицу блаже́нную, благове́рнаго Кири́лла и Мари́ю добронра́вную,/ ти́и бо мо́лятся вку́пе со возлю́бленным сы́ном свои́м преподо́бным Се́ргием/ ко Еди́ному во Святе́й Тро́ице Бо́гу/ оте́чество на́ше в правове́рии утверди́ти,/ до́мы ми́ром огради́ти,/ ю́ныя от напа́стей и собла́знов изба́вити,/ ста́рость укрепи́ти// и спасти́ ду́ши на́ша.

КАНОН

Пе́снь 1

Ирмо́с: Колесницегони́теля фарао́ня погрузи́, чудотворя́й иногда́ Моисе́йский же́зл, крестообра́зно порази́в и раздели́в мо́ре, Изра́иля же беглеца́, пешехо́дца спасе́, пе́снь Бо́гови воспева́юща.

Преподо́бнаго Се́ргия, игу́мена Земли́ Ру́сския, све́тлостьми доброде́телей возсия́вшаго, роди́телие сподо́бистеся бы́ти, Кири́лле и Мари́е присноблаже́ннии.

Ре́вностно храня́ще за́поведь апо́стола, страннолю́бия не забыва́ти, любо́вию к бли́жним распала́еми, вои́стинну удосто́истеся, блаже́ннии, А́нгела Бо́жия странноприя́ти.

О́бразу ва́шего благочести́ваго супру́жескаго жития́ мно́гия лю́ди удиви́шася, преподо́бнии. Сего́ бо ра́ди Бо́г ва́с просла́ви и дарова́ пло́д благосла́вный, его́же Варфоломе́я, сы́на ра́дости нареко́сте.

Богоро́дичен: Сла́вим Тя́, Богоневе́сто, ро́ждшую Христа́, Бо́га на́шего, Его́же моли́ поми́ловати и спасти́ души́ на́ша.

Пе́снь 3

Ирмо́с: Утвержде́й в нача́ле Небеса́ ра́зумом и зе́млю на вода́х основа́вый, на ка́мени мя́, Христе́, за́поведей Твои́х утверди́, я́ко не́сть свя́т, па́че Тебе́, Еди́не Человеколю́бче.

Лю́дие чудя́хуся, егда́ услы́шаша трикра́тное возглаше́ние младе́нца во чре́ве твое́м, Мари́е приснопа́мятная. Что́ у́бо отроча́ сие́ бу́дет, - недоумева́юще дру́г дру́га вопроша́ху.

А́ще роди́тся младе́нец му́жеска по́ла, да́руем его́ це́ркви, да послу́жит Благоде́телю все́х Бо́гу, - си́це рекли́ есте́, боголюби́вии супру́зи, испо́лненнии ве́ры сла́вныя и любве́ благи́я.

Вели́кия ми́лости сподо́бистеся от Бо́га добронра́вным житие́м ва́шим, блаже́ннии. Те́мже и на́м испроси́те богоприя́тными ва́шими моли́твами оставле́ние грехо́в, ми́лости Бо́жия и Ца́рства Небе́снаго.

Богоро́дичен: Лю́таго мироде́ржца сете́й изба́ви на́с, о Богома́ти, не́сть бо те́плыя Засту́пницы, ра́зве Тебе́, Влады́чице.

Седа́лен, гла́с 2

Прииди́те, ве́рнии, ра́достными пе́сньми просла́вим преподо́бных Кири́лла и Мари́ю, и, с любо́вию лобыза́юще честны́я мо́щи и́х, си́це возопии́м: ра́дуйтеся, блаже́ннии, в боголю́бии пожи́вшии, милосе́рдие к бли́жним име́вшии, о́браз честна́го супру́жества и попече́ния о ча́дех яви́вшии, смире́ние стяжа́вшии и в по́стничестве пребывшии. Ны́не же, предстоя́ще Святе́й Тро́ице, моли́твами ва́шими, святи́и, оте́чество на́ше от сопроти́вных защити́те, боле́зни исцели́те и вся́ких искуше́ний изба́вите ве́рою чту́щих па́мять ва́шу.

Богоро́дичен: Не и́мамы ины́я по́мощи и наде́жды, ра́зве Тебе́, Пречи́стая Ма́ти Бо́жия, Ты́ бо Бо́га пло́тию родила́ еси́ па́че сло́ва и ра́зума. Его́ же моли́, Безневе́стная, с преподо́бными Кири́ллом и Мари́ею пода́ти на́м ми́р и ве́лию ми́лость.

Пе́снь 4.

Ирмо́с: Ты́ моя́ кре́пость, Го́споди, Ты́ моя́ и си́ла, Ты́ мо́й Бо́г, Ты́ мое́ ра́дование, не оста́вль не́дра О́тча и на́шу нищету́ посети́в. Те́м с проро́ком Авваку́мом зову́ Ти́: си́ле Твое́й сла́ва, Человеколю́бче.

Я́ко святы́й Предте́ча взыгра́ся ра́дощами во чре́ве ма́тери своея́, та́ко и сы́н тво́й, Мари́е преподо́бная, взыгра́ся во утро́бе, моля́щейся ти́ Го́споду в це́ркви. Ты́ же уразуме́вши зна́мение сие́, стра́хом и тре́петом объя́та бы́вши взыва́ла еси́: си́ле Твое́й сла́ва, Человеколю́бче.

Юдо́ли плаче́вней прича́стницы бы́вше, оба́че по́двиг супру́жества пресла́вне соверши́вше и во и́ночестве пожи́вше, преподо́бнии, ны́не наслажда́етеся Небе́сныя трапе́зы. Моли́теся ко Го́споду, да умудри́т правосла́вныя супру́ги во благоче́стии пребыва́ти, и́ночествующим же ре́вностно обе́ты соблюда́ти.

Ра́дости исполня́ются дне́сь росси́йстии собо́ри, иму́ще ва́с, блаже́ннии, те́плыя моли́твенники и усе́рдныя засту́пники своему́ земно́му оте́честву.

Богоро́дичен: О, Всепе́тая Ма́ти, ми́ра Спасе́ние! Не оста́ви ве́рою Тя́ призыва́ющих, Ты́ бо еси́ Засту́пница усе́рдная ро́да христиа́нскаго.

Пе́снь 5

Ирмо́с: Вску́ю мя́ отри́нул еси́ от лица́ Твоего́, Све́те Незаходи́мый, и покры́ла мя́ е́сть чужда́я тьма́, окая́ннаго, но обрати́ мя́ и к све́ту за́поведей Твои́х пути́ моя́ напра́ви, молю́ся.

Дне́сь па́мять ва́ша, блаже́ннии, созыва́ет лю́ди на духо́вную трапе́зу. Те́мже сподо́бите и на́с досто́йно сия́ вкуси́ти, и пи́щи ра́йския во оби́телех Отца́ Небе́снаго вку́пе с ва́ми наслажда́тися.

Иму́ще житие́ благоче́стием сия́ющее, достосла́внии, роди́телие, вои́стину дре́во благослове́нное яви́стеся, пло́д Бо́гу уго́дный израсти́вше.

Теплоту́ ва́шея любве́ к Бо́гу, пра́ведная чето́, и ре́вность ко и́ноческому житию́ от ю́ности восприя́т Се́ргий достохва́льный, вы́ бо яви́стеся пе́рвии учи́телие сы́на ва́шего доброде́тельному житию́

Богоро́дичен: Еди́ну Чи́стую, еди́ну Благослове́нную, ве́рнии, ублажи́м, к Сы́ну бо Своему́ ми́лостивно ру́це простира́ет, да обрати́мся к све́ту за́поведей Его́ и То́й пути́ на́ша испра́вит.

Пе́снь 6

Ирмо́с: Очи́сти мя́, Спа́се, мно́га бо беззако́ния моя́, и из глубины́ зо́л возведи́, молю́ся, к Тебе́ бо возопи́х, и услы́ши мя́, Бо́же спасе́ния моего́.

Ле́тняя ва́ша па́мять весели́т сосло́вие и́ноков, преподо́бнии Кири́лле и Мари́е.

Вои́стину блаже́ни есте́, я́ко имена́ ва́ша прославля́ются с сыно́м ва́шим, Се́ргием преподо́бным, его́ же велича́ют игу́мена Земли́ Ру́сския.

И́стину в житии́ взыску́юще, преподо́бнии, о теле́сных небрего́сте и земна́я преоби́десте, те́мже, ми́ра отре́кшеся, во оби́тель Хотько́вскую всели́стеся, иде́же в по́двизе и́ночества к небе́сным востеко́сте.

Сохрани́те от зо́л ва́шими те́плыми к Бо́гу моли́твами, преподо́бнии, все́х, жи́тельствующих во оби́тели Хотьковстей, е́й же вы́ нача́льницы и покрови́телие.

Богоро́дичен: Его́ же родила́ еси́, Сы́на Твоего́ и Бо́га, моли́ти не преста́й, Богоневе́сто, да изба́вит оби́тель Твою́ от вся́каго зла́ и спасе́т души́ на́ша.

Конда́к, гла́с 4

Дне́сь, ве́рнии, соше́дшеся, восхва́лим дво́ицу блаже́нную благове́рнаго Кири́лла и Мари́ю добронравную, ты́я бо мо́лятся вку́пе с возлю́бленным сыно́м свои́м, преподо́бным Се́ргием, ко Еди́ному во Святе́й Тро́ице Бо́гу, оте́чество на́ше в правове́рии утверди́ти, до́мы ми́ром огради́ти, ю́ныя от напа́стей и собла́знов изба́вити, ста́рость укрепи́ти и спасти́ души́ на́ша.

Пе́снь 7

Ирмо́с: Бо́жия снизхожде́ния о́гнь устыде́ся в Вавило́не иногда́. Сего́ ра́ди о́троцы в пещи́, ра́дованною ного́ю, я́ко во цве́тнице, лику́юще, поя́ху: благослове́н еси́, Бо́же оте́ц на́ших.

Ра́ка моще́й ва́ших дне́сь чудеса́ источа́ет ве́рою притека́ющим к ва́м, блаже́ннии, и́же и воспева́ют: благослове́н еси́, Бо́же оте́ц на́ших.

Гра́д Москва́ и окре́стныя гра́ды и ве́си прославля́ют ва́с своя́ изба́вители, и цели́тели от смертоно́сныя я́звы. Сего́ ра́ди дне́сь, я́ко же пре́жде спаса́йте почита́ющих ва́с, преподо́бнии, да благода́рственно воспева́ют: благослове́н еси́, Бо́же оте́ц на́ших.

Измла́да тя́жкою боле́знию одержи́ма, деви́ца не́кая внеза́пное исцеле́ние прия́т ва́шими и сы́на ва́шего к Бо́гу моли́твами. С не́ю же и мы́ благода́рственно взыва́ем: благослове́н еси́, Бо́же оте́ц на́ших.

Богоро́дичен: Я́ко Де́ву и еди́ну в жена́х, безсе́менно ро́ждшую Бо́га пло́тию прославля́ем Тя́, о Богома́ти, и таково́му Бо́жию смотре́нию уди́вльшеся, взыва́ем: благослове́н еси́, Бо́же оте́ц на́ших.

Пе́снь 8

Ирмо́с: Седмери́цею пе́щь халде́йский мучи́тель богочести́вым неи́стовно разжже́, си́лою же лу́чшею спасе́ны сия́ ви́дев, Творцу́ и Изба́вителю вопия́ше: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Воспои́м, ве́рнии, всечестну́ю дво́ицу, Кири́лла и Мари́ю богоблаже́нных, от ни́х бо возсия́ на́м Се́ргий досточу́дный, украше́ние Це́ркве Правосла́вныя и мона́шествующих утвержде́ние.

Единому́дренни и единоду́шни доброде́тельми бы́сте, целому́дреннии супру́зи. Помози́те на́м в чистоте́ и свя́тости житие́ провожда́ти, ва́с бо те́плыя хода́таи к Бо́гу стяжа́хом.

Любо́вь Христо́ву, я́же е́сть тве́рдое основа́ние супружеския жи́зни, со тща́нием, блаже́ннии, храни́ли есте́. Сего́ ра́ди мо́лим ва́с: помози́те супру́гом правосла́вным в любви́ се́й пребыва́ти и домо́м и́х благослове́ние Бо́жие стяжа́ти.

Богоро́дичен: Изба́ви на́с от бе́д и мно́гих собла́знов, Всенепоро́чная, Тебе́ бо вси́ стяжа́хом прибе́жище и утвержде́ние и спасе́ние ду́ш на́ших.

Пе́снь 9

Ирмо́с: Ужасе́ся о се́м Не́бо, и земли́ удиви́шася концы́, я́ко Бо́г яви́ся челове́ком пло́тски и чре́во Твое́ бы́сть простра́ннейшее Небе́с. Те́м Тя́, Богоро́дицу, А́нгелов и челове́к чинонача́лия велича́ют.

Ка́ко ублажи́м вы́, предо́брая дво́ице! Ка́ко просла́вим благо́е единоду́шие! А́ще и земни́и бы́сте, но Небе́сных достиго́сте, блаже́ннии, иде́же Святе́й Тро́ице предстоите́ и моли́те спасти́ся любо́вию ва́с почита́ющим.

А́нгельски на земли́ пожи́вше, а́нгела земна́го и челове́ка небе́снаго, преподо́бнаго Се́ргия, ми́ру яви́сте, святи́и, ны́не же со А́нгелы вку́пе водворя́етеся и с ни́ми Трисвяту́ю пе́снь в Вы́шних Бо́гови воспева́ете.

Госпо́дь оби́тель Хотько́вскую ва́ми просла́ви, преподо́бнии и́ноцы, е́ю же Це́рковь Ру́сская украша́ется и ва́м си́це вопие́т: ра́дуйтеся, всехва́льнии, оте́чества на́шего при́снии моли́твенницы.

Богоро́дичен: О, всепе́тая Ма́ти! Все́ упова́ние на Тя́ возлага́ем, сохрани́ на́с под кро́вом Твои́м.

Свети́лен:

Ра́дуется дне́сь све́тло Це́рковь Ру́сская, почита́ющи па́мять ва́шу пречестну́ю, Кири́лле блаже́нный и Мари́е достохва́льная. Ва́ми бо о́браз ве́ры и благоче́стия показа́ся и свети́льник оте́честву на́шему, Се́ргий преподо́бный, яви́ся.

Богоро́дичен: Я́же Све́т Боже́ственный неизрече́нно ро́ждшая, на́с омраче́нных прило́гами лука́ваго и в ле́ности живу́щих просвети́, Всенепоро́чная, и к доброде́телем наста́ви.